གཟའ་སྤེན་པའི་ཕྱི་དྲོར་རྒྱ་ནག་ཧི་ནན་ཞིང་ཆེན་མངའ་ཁུལ་དུ། ཉེན་རྟོག་དཔོན་རིགས་ཤིག་གིས་ར་བཟི་སྟེ་རླངས་འཁོར་སྐོར་བས་མི་ ༧ དམར་གསོད་བྱས་འདུག
ཕྱི་ཚེས་ ༢༩ ཉིན་ཕྱི་དྲོར་རྒྱ་ནག་ཧི་ནན་ཞིང་ཆེན་རོའུ་ནན་རྫོང་ལཱིང་ཀྲུའུ་གྲོང་རྡལ་གྱི་ཉེན་རྟོག་པའི་མགོ་གཙོ་གཞོན་པ་ཝང་ཡུན་ཕིན་ར་བཟི་རྗེས། ཉེན་རྟོག་པའི་རླངས་འཁོར་སྐོར་ནས་ལམ་འགྲམ་གྱི་གློག་སྡོང་ཞིག་ལ་གདུང་ཐུག་བརྒྱབ་སྟེ་ལམ་འགྲོ་མི་གཅིག་རྐྱེན་ལམ་དུ་བཏང་རྗེས། སོ་སོའི་ནག་ཉེས་ལ་གཡོལ་ཐབས་ཀྱིས་རླངས་འཁོར་ཇེ་མགྱོགས་སུ་བཏང་སྟེ་འབྲོ་རྩིས་བྱེད་སྐབས། རླངས་འཁོར་གྱི་ཁ་མ་ཐུབ་པར་ཡང་བསྐྱར་ལམ་འགྲོ་བ་མི་ ༥ ལ་གདུང་ཐུག་བརྒྱབ་ཏེ་དམར་གསོད་བཏང་ཡོད་འདུག གནས་ཚུལ་དེ་བྱུང་མ་ཐག་ས་གནས་དམངས་སྲིད་ལས་ཁུངས་ཀྱིས་རླངས་འཁོར་མངགས་ཏེ། ལམ་འགྲམ་གཡས་གཡོན་དུ་དམར་གསོད་བཏང་ཡོད་པའི་བེམ་པོ་དག་རླངས་འཁོར་ནང་དྲུད་དེ་རོ་མེར་བསྲེགས་བྱ་སར་འདྲུད་རྩིས་བྱས་ཡོད་པར་མ་ཟད། དེ་ནི་ས་གནས་གཞུང་གི་དཔོན་རིགས་ཚོས་བཀའ་མངགས་ཡིན་སྐོར་བརྗོད་འདུག
ས་གནས་རྒྱ་གཞུང་གི་དཔོན་རིགས་ཚོའི་བྱེད་སྟངས་དེར་མང་ཚོགས་ཁོང་ཁྲོ་ལངས་ཏེ། མི་མང་བརྒྱ་ཕྲག་མང་པོ་འདུ་འཛོམས་ཀྱིས་བེམ་རོ་འདྲུད་བྱེད་ཀྱི་རྒྱ་གཞུང་དམངས་སྲིད་ལས་ཁུངས་ཀྱི་རླངས་འཁོར་གྱི་ཤེལ་སྒོ་ཡོངས་རྫོགས་གཏོར་ཡོད་པར་མ་ཟད། ཉེན་རྟོག་པའི་རླངས་འཁོར་ཆུང་བ་གཉིས་ཁྲོམ་གཞུང་དུ་མགོ་རྟིང་སློག་སྟེ་གཏོར་བཅོམ་བྱས་ཡོད་པ་དང་། ས་གནས་སྲིད་གཞུང་གིས་གནད་དོན་དེའི་མགོ་མཇུག་བར་གསུམ་མི་མང་ལ་འགྲེལ་བརྗོད་གསལ་བོ་ཞིག་དང་། འདས་པོ་དག་ལ་དྲང་སྙོམས་ཀྱི་ཐག་གཅོད་བྱ་དགོས་པའི་སྐད་འབོད་ངོ་རྒོལ་བྱས་ཡོད་འདུག
གསར་འགོད་པ། ཚེ་རིང་རྒྱལ།
རྒྱ་ནག་སྟོབས་ཆེ་རབས་ཀྱིས་བོད་པ་ཚང་ཞད་དགོས་དོན་མི་འདུག གཞུང་འཛིན་དང་དཔོན་རིགས་དག་གི་བྱེད་སྟངས་ལ་གཅིག་ལྟོས་དང་། ངོ་མ་མགོ་སྟིང་ལོག་པའི་ལྟསངན་་ཚང་ཚར་འདུག
མི་དམངས་ཀྱི་ཉེན་རྟོག་དཔོན་པོ་ཞིག་གི་བྱེད་སྟངས་འདིས་ཁོ་ཚོ་སྟེ་རུལ་སུངས་སྲིད་གཞུང་གི་ངོ་བོ་གསལ་བོར་མཚོན་གྱིན་ཡོད། ཁོ་པ་ཚོས་རྟག་པར་མི་དམངས་ལ་དགའ་ཞེན་དང་མི་དམངས་ལ་སྲི་ཞུ། སྤྱི་ཚོགས་བདེ་འཇགས་སྲུང་སྐྱོབ་ཟེར་བ་དག་ནི་བོད་མི་རིགས་ལ་རྒྱབ་སྐྱོར་དང་རོགས་རམ་་ཡར་རྒྱས་ཟེར་བའི་མགོ་སྐོར་གྱི་ཁ་གཡང་དག་དང་གཅིག་པ་ཡིན།
རེད། སྤྱི་ཚོགས་ནི་རྙོག་འཛིན་གྱི་གད་སྣོད་ཅིག་ཡིན། ད་དུང་དབྱིན་ཇིའི་མཁས་དབང་ཞིག་གིས་འདི་ལྟར་གསུངས་ཡོད། མི་ཚེ་ནི་སྟབས་བདེ་ཞིག་རེད། འོན་ཀྱང་མི་ཚོས་ཨུགས་ཚུགས་ཀྱིས་འདི་བཀའ་རྙོག་ཞིག་ཏུ་བསྒྱུར་བཞིན་ཡོད། ཅེས་པའི་སྡོམ་ཚིག་འདི་ནི་ཅི་འདྲའི་དོན་སྙིང་ཡོད་པ་ཞིག་རེད།
རེད སྤྱི་ཚོགས་ནི་ཉག་ཉོག་གིས་ཁེངས་པའི་གད་སྣོད་ཅིག་དང་མཚུངས། ད་དུང་དབྱིན་ཇིའི་མཁས་པ་ཞིག་གིས་གསུངས་མྱོང་ཡོད་པར་བཞིན། མི་ཚེ་ནི་སྟབས་བདེ་ཞིག་ཡིན་ནའང་། མི་ཚོས་ཨུ་ཚུགས་ཀྱིས་འདི་དཀའ་རྙོག་རང་བཞིན་ཅན་ཞིག་ཏུ་བཟོ་གིན་ཡོད་ཟེར་བ་འདི་ཅི་མི་བདེན།
རྒྱ་ནག་དམར་གཞུང་གི་མི་རིགས་མཉམ་ཆུང་ཚོ་འདི་འདྲ་བ་ནི་ཧ་སེང་བས་གནས་སྟངས་ཤིག་མ་ཡིན་ནམ?
རྒྱ་ནག་དམར་ཤོག་ཚོགས་པས་བྱེད་སྟངས་འདི་ཚོ་ངེས་པར་དུ་འཛམ་གླིང་མི་མང་ཚོའི་སྤྱན་ལམ་དུ་མངོན་པར་གསལ་བར་བྱེད་དགོས། ང་ཚོ་བོད་རིགས་ཐོག་འཛིན་པའི་སྲིད་ཇུས་ནི་འདི་ལས་སྡུག ཡུལ་ལུང་དེའི་མི་མང་ཚོས་སྐད་འབོད་རིགས་བྱས་ནས་དཔོན་ངན་དེ་ཚོར་དགེ་བཤད་སྡིག་བཀྲོལ་གྱིས་མ་ཉེན་ན་ལོག་ལམ་དུ་སྦྱར་དགོས།
རྒྱ་ནག་དྲ་གནས་ཁག་ལ་གསང་མྱུལ་བར་སོང་ནོ་ངར་གི ཉིན་རེ་ནས་ཉིན་རེར་འཚམས་ཆད་གི་མེད་གི ཇེ་མང་ཇེ་མང་རེད
མི་དམགས་ཀྱིས་ངོ་རྒོལ་ཆེ་ཙམ་བྱུང་བ་བཟང་གི ཏང་གི་དཔོན་ངན་ཚོའི་སྤྱོད་ཚུལ་འདི་འདྲ་རང་རེད།
མང་ཚོགས་མཉམ་འུར་ངང་ནས། རང་ཉིད་ཀྱི་ཐོབ་ཐང་ལོངས་སུ་སྤྱོད་དགོས།
འོ་ཧོ་མཉམ་ཆུང་གི་འབངས་མི་དེ་ཚོ་སྙིང་རྗེ་ཨོ་མ་ཎི་པད་མེ་ཧཱོུཿ