དེ་རིང་ཕྱི་ཚེས་ ༧ ཉིན་སོག་ཡུལ་དགའ་ལྡན་ཆོས་གླིང་དགོན་པས་གསོལ་འདེབས་ཞུས་དོན་ལྟར། ༸གོང་ས་མཆོག་ཡུལ་དེར་ཆིབས་བསྒྱུར་གྱིས་ཉིན་གསུམ་རིང་མང་ཚོགས་ལ་ཆོས་འབྲེལ་གནང་རྒྱུ་ཡིན་འདུག
ཟླ་སྔོན་མའི་ཕྱི་ཚེས་ ༣༡ ཉིན་ནས་༸གོང་ས་མཆོག་གིས་ཉི་ཧོང་དུ་དུས་ཡུན་ཉིན་བཅུའི་རིང་གི་ཆོས་ཕྱོགས་མཛད་འཕྲིན་ཁག་བསྐྱངས་ཡོད་འདུག་ལ། ཁོང་གི་ཉི་ཧོང་གི་མཛད་འཕྲིན་ཁག་ལེགས་པར་གྲུབ་རྗེས། དེ་རིང་ཕྱི་ཚེས་ ༧ ཉིན་སོག་ཡུལ་དགའ་ལྡན་ཆོས་གླིང་དགོན་པས་གསོལ་འདེབས་ཞུས་དོན་ལྟར། ཡུལ་དེར་ཆིབས་བསྒྱུར་གྱིས་དུས་ཡུན་ཉིན་གསུམ་རིང་ས་གནས་མང་ཚོགས་ལ་ཆོས་འབྲེལ་འཇོག་རྒྱུ་དང་། གཙུག་ལག་སློབ་གྲྭ་ཁག་ཅིག་གི་དགེ་ལས་སློབ་ཕྲུག་ཚོར་བཀའ་སློབ་བཅས་བསྩལ་རྒྱུ་ཡིན་འདུག འདི་ནི་ ༢༠༠༢ ལོའི་རྗེས་སུ་༸གོང་ས་མཆོག་སོག་ཡུལ་དུ་ཆིབས་བསྒྱུར་བསྐྱང་བ་ཐོག་མ་དེ་ཆགས་ཡོད་འདུག
སོག་ཡུལ་ནི་བོད་བརྒྱུད་ནང་བསྟན་གྱི་སྲོལ་རྒྱུན་འཛིན་པའི་ནང་པའི་རྒྱལ་ཁབ་ཅིག་ཡིན་པ་མ་ཟད། ༸ཏཱ་ལའི་བླ་མ་སྐུ་ཕྲེང་བཞི་པ་ཡོན་ཏན་རྒྱ་མཚོ་མཆོག་ཀྱང་སོག་ཡུལ་དུ་འཁྲུངས་ཡོད་སྟབས། བོད་སོག་བར་ཐུན་མོང་མ་ཡིན་པའི་འབྲེལ་བ་ཞིག་ཆགས་ཡོད།
ངས་བྱས་ན་སློབ་དཔོན་རིན་པོ་ཆེ་ལ་དུས་དུས་སུ་གསོལ་བ་འདེབས་ཡོད་མེད་ངས་མི་ཤེས་ཀྱང་ཧོར་སོག་དམག་གོས་འཇིགས་པའི་ལུང་བསྟན་པ་ལྟར་འཞིགས་པ་དེ་ནི་སྔར་བྱུང་ཟིན་པ་རེད་སྙམ།
༸རྒྱལ་བའི་༸སྐུ་ཕྲེང་གསུམ་པའི་ཡང་སྲིད་བཞི་པ་ཡོན་ཏན་རྒྱ་མཚོ་སོག་རིག་ཡིན་རྩོད་མེད་རེད། ༸སྐུ་ཚེ་ཡུན་བརྟན་ཤོག །
༸གངས་ཅན་ཞིང་གི་བསྟན་འགྲོའི་དོན་ཆེན་པོ། །
གང་ལས་འབྱུང་བའི་བསམ་འཕེལ་ནོར་གྱི་དབང་། །
རྗེ་བཙུན་བློ་བཟང་བསྟན་འཛྀན་རྒྱ་མཚོ་ཡི། །
སྐུ་ཚེ་བརྟན་ཅིང་མཛད་འཕྲིན་རྒྱས་གྱུར་ཅིག །
སྐྱབས་སུ་མཆིའོ། ༸ རྒྱལ་བ་ཐམས་ཅད་མཁྱེན་པ་ཁྱེད་མཁྱེན་ནོ། སངས་རྒྱས་ཡོན་ཏན་བསམ་མི་ཁྱབ། །ཆོས་ཀྱི་ཡོན་ཏན་བསམ་མི་ཁྱབ། །འཕགས་པའི་དགེ་འདུན་བསམ་མི་ཁྱབ། །ཕྱག་ན་པདྨོ་བསམ་མི་ཁྱབ། །ཏྰ་ལའི་བླ་མ་བསམ་མི་ཁྱབ། །བསམ་མི་ཁྱབ་ལ་དད་བྱས་ན། །རྣམ་པར་སྨིན་པའང་བསམ་མི་ཁྱབ། །
ཞེས་པ་ལྟར་༸ གོང་ས་སྐུ་ཁམས་བཟང་ཞིང་། སྐུ་ཚེ་རིང་བ། རླབས་ཆེན་གསང་བ་གསུམ་གྱི་མཛད་འཕྲིན་མཐའ་ཡས་པ་རྒྱས་པའི་སྨོན་ལམ་འདེབས་རྒྱུ་ཡིན།
གསར་འགོད་པས་བོད་སོག་དབར་ཐུན་མོང་མ་ཡིན་པའི་འབྲེལ་པ་ཞིག་ཡོད་གསུང་འདུག་པ་དེ་ཨོ་རྒྱན་གུ་རུའི་གསུང་ལྟར་དུ་ཡིན་ན། དེའང་བསམ་ལྷུན་ནང་། ཧོར་སོག་འཇིགས་པས་དམག་གིས་མཐའ་སྐོར་ན། །ཆོས་འཁོར་གཉེན་པོ་འཇིག་ཐུག་པའི་ཚེ། ཡིད་གཉིས་ཐེ་ཚོམ་མེད་པར་གསོལ་བ་འདེབས། །ཧོར་སོག་དམག་དཔུང་འདོག་པ་ཐེ་ཚོམ་མེད། ཞེས་གསུང་འདུག་པས་རང་རེ་བོད་པ་ཚོ་བཀའ་དྲིན་བླ་ལྷག་ཏུ་ཆེ་བའི་གུ་རུའི་གསུང་ལ་མཇལ་ནས་ཡིད་གཟབ་བྱེད་རྒྱུ་མ་བརྗེད། བསྟོད་སྔ་མ་དྲགས་ལོ་རྒྱུས་ལ་བསམ་བློ་ཐོངས།
ལྷ་སའི་སྟོད་ལུང་གི་སྐུ་ཕྲེང་གསུམ་པ་སོག་ཡུལ་དུ་མ་ཕེབས་ཚེ། སོག་ཡུལ་མཁར་སྔོན་དུ་སྐུ་ཕྲེང་བཞི་བ་འཁྲུངས་མི་སྲིད་ལ། ལྷོ་ཁ་འཕྱོང་རྒྱས་ཀྱི་སྐུ་ཕྲེང་ལྔ་པ་སོག་པོ་གུ་ཤྲི་ཧན་གྱིས་བོད་པའི་སྲིད་ཁྲི་ལ་འཇོག་དོན་མེད། ད་དུང་མོན་ལ་འོག་ཡུལ་གསུམ་གྱི་སྐུ་ཕྲེང་དྲུག་པར་མགུར་གླུ་ཡང་ག་ལ་བཞུར་སྲིད་ཨང་།
གསར་འགོད་པས་བཤད་པ་བཞིན་རྒྱལ་བ་སྐུ་ཕྲེང་བཞི་པ་ཡོན་ཏན་རྒྱལ་མཚོ་སོག་ཡུལ་དུ་འཁྲུངས་པ་མ་ཟད་མི་རྒྱུད་སོག་པོ་རང་རེད་་་་་་་་་་་་་་གསལ་ལེ་རྒྱལ་ཟེར་བ་འདི་གང་ཡང་མི་ཤེས་པའི་ཀླན་ལྐུག་གཅིག་ཡིན་པ་ར་འཕྲོད་བྱུང་་་་་་་་ད་དུང་ཤེས་མདོག་གི་ཧམ་པ་ལ་ལྟ་དང་་་་་་གསར་འགོད་པ་པ་ནོར་འདུག་མདོག་མདོག་་་་་་་་་་་དོན་ངོ་མ་ཁྱོད་རང་ནོར་བ་རེད་་་་་་་་་་་གང་ཡང་མ་ཤེས་ན་ཁ་བཙུམས་ནས་བཞུགས་ན་ཡག་ཤོས་རེད་་་་་་་གསལ་ལེ་རྒྱལ་ལགས་་་་་་་་་་་་་་་་
ཨ་རོགས། གསར་འགོད་པ་ལགས། ༧རྒྱལ་དབང་སྐཡ་འཕྲེང་བཞི་བ་སོག་ཡུལ་ནས་འཁྲུངས་མེད་པྭ།
ཞི་བདེའི་དེད་དཔོན་ཆེན་པོ་ཡིད་བཞིན་ནོར་བུའི་མཐའ་འཁོར་དུ་མི་རིགས་ཚང་མས་འཆམ་མཐུན་མཉམ་གནས་དང་སྐྱིད་སྡུག་མཉམ་མྱོང་གི་ཁྱིམ་གཞི་ཆེ་ཞིག་གསར་འཛུགས་ཡོང་རྒྱུར་སྙིང་ནས་སྨོན་ལམ་འདེབས། ཐེངས་འདིར་ཡིད་བཞིན་ནོར་བུས་སོག་རིགས་ཚོར་གདུང་སེམས་མཉམ་སྐྱེད་དང་ལམ་སྟོན་གྱི་བཀའ་སློབ་ཟབ་མོ་ཞིག་གནང་རྒྱུར་ཡང་གསོལ་བ་སྙིང་ནས་འདེབས།