སི་ཁྲོན་ཁམས་པའི་བརྙན་འཕྲིན་ཁང་གིས་མཚོ་སྔོན་ཞིང་ཆེན་གྱི་ཁོངས་གཏོགས་ཁམས་སྐྱེ་རྒུ་མདོ་རུ་ཡན་ལག་ལས་ཁུང་ཞིག་གསར་འཛུགས་བྱས་འདུག
ཟླ་འདིའི་ཕྱི་ཚེས་ ༧ ཉིན་སི་ཁྲོན་ཁམས་པའི་བརྙན་འཕྲིན་ཁང་གིས་མཚོ་སྔོན་ཞིང་ཆེན་ཁོངས་གཏོགས་སུ་ཡོད་པའི་ཡུལ་ཤུལ་བོད་རང་སྐྱོང་ཁུལ་ཁམས་སྐྱེ་རྒུ་མདོ་རུ་ཡན་ལག་ལས་ཁུང་ཞིག་གསར་འཛུགས་དབུ་འབྱེད་བྱས་ཡོད་འདུག གནས་ཚུལ་ནང་བཀོད་པ་ལྟར་ན། ཡན་ལག་ལས་ཁུང་གསར་འཛུགས་ཀྱི་དམིགས་ཡུལ་གཙོ་བོ། ཡུལ་ཤུལ་དྲིལ་སྒྲོག་དང་ཡུལ་ཤུལ་ལ་ཞལ་འདེགས། མི་རིགས་མཐུན་སྒྲིལ་དང་། སྤྱི་ཚོགས་འཕེལ་རྒྱས། དཔལ་འབྱོར་གོང་སྤེལ། ས་གནས་མི་དམངས་ཀྱི་བདེ་ཞིང་སྐྱིད་པའི་ངང་འཚོ་བ་རོལ་བའི་རྣམ་པ་བསྐྲུན་ཆེད་ཡིན་ཚུལ་བརྗོད་འདུག
ཡང་གནས་ཚུལ་ནང་། ཐེངས་འདིའི་ལས་གཞི་དེ་ཡུལ་ཤུལ་ཁུལ་རིག་གནས་ལུས་རྩལ་རྒྱང་སྒྲོག་བརྙན་འཕྲིན་ཁང་དང་སི་ཁྲོན་རྒྱང་སྒྲོག་གློག་བརྙན་འཕྲིན་གྲངས་ཉུང་མི་རིགས་སྐད་ཡིག་བསྒྱུར་སྐྲུན་ལྟེ་གནས་གཉིས་ཀྱིས་ཐེངས་མང་གྲོས་བསྡུར་བརྒྱུད་དེ་བཙུགས་པའི་ཡན་ལག་ལས་ཁུང་ཞིག་ཡིན་པ་དང་། མ་འོངས་པར་ཡན་ལག་ལས་ཁུངས་ཀྱིས་རྒྱལ་ཁབ་ཀྱི་ཡང་དག་པའི་གླེང་ཕྱོགས་དང་ཁྲིད་སྟོན་རྒྱུན་འཁྱོངས་བྱས་ཏེ། མཚོ་སྔོན་ཞིང་ཆེན་ཏང་ཨུ་དང་སྲིད་གཞུང་གི་མགོ་ཁྲིད་འོག་ཚན་རིག་འཕེལ་རྒྱས་ཀྱི་ལྟ་བར་དོན་འཁྱོལ་དང་ཡུལ་ཤུལ་སྐྱེ་རྒུ་མདོའི་གནོད་འཚེ་རྗེས་ཀྱི་བསྐྱར་འཛུགས་བྱ་བར་སྐུལ་འདེད་ཀྱིས། ཡུལ་ཤུལ་ཁུལ་གྱི་གསར་འགྱུར་ལས་རིགས་པ་དང་མཉམ་དུ་དཔལ་འབྱོར་དང་སྤྱི་ཚོགས་འཕེལ་རྒྱས་ཀྱི་ཐད་ལ་རྒྱབ་སྐྱོར་ཞུ་རྒྱུ་ཡིན་ཚུལ་སོགས་བཀོད་འདུག
གསར་འགོད་པ། དོན་གོ
བོད་ལ་དགོས་ཡ་ཡར་རྒྱས་རེད། །
བརྙན་འཕྲིན་གསར་འཛུགས་དགའ་བསུ་ཡོད། །
མི་དགོས་སྲིད་གཞུང་གདུག་རྩུབ་རེད། །
བོད་ཡིག་རང་སྐད་སྤེལ་ཕྱིར་བཀོལ། །
བོད་ནང་གི་ལས་ཀ་གང་ཡིན་ན་མི་བཟང་བ་རྐྱང་རྐྱང་ཡིན་པའི་ངེས་པ་ཡོད་པ་མ་རེད། བརྙན་འཕྲིན་ལ་མཚོན་ནས་བཤད་ན་ཡང་མཚོ་སྔོན་བརྙན་འཕྲིན་ཁང་ལྟ་བུ་རེད། དམར་ཤོག་པའི་གསར་འགྱུར་བསྒྲགས་རྒྱུ་ནི་ཁོང་ཚོའི་བསམ་བཞིན་བསྒྲགས་པ་ཡིན་མིན་དང་ཡང་ན་མ་བསྒྲགས་ཐུ་མེད་ཡིན་པ་ལེགས་ཉེས་འབྱེད་ནས་བཤད་ན་བཟང་གི་མ་གཏོགས། བོད་ནང་གི་ལས་དོན་གང་ཡིན་ལ་སྡིགས་ར་མ་བྱེད།
སྐྱེ་རྒུའི་འཛུགས་སྐྲུན་འཛམ་གླིང་ལ་འུར་སྒྲོག་དགོས་བའི་སྐབས་དག་དག་ལ་བོད་སྐད་བརྙན་འཕྲིན་ཁང་ཞིག་སླེབས་པ་འདི་བོད་པ་ཁོ་ནས་ཧུར་བརྩོན་ཨེ་ཡིན་ན། ངས་སྐྱེ་རྒུ་མདོ་ནས་ཀི་ཞིག་འདེབས་རྒྱུ་ཟེར་བལང་འང་འགག་སྒོ་མང་བོ་ཞིག་ནས་མཐར་དགོས་པ་མ་རེད་དམ།
སྔོན་རྒྱ་ནག་གི་སྲིད་བློན་འདས་པོ་ཀྲུང་ཨེ་ལེན་གྱིས་ཁམས་པ་རང་སྐྱོངས་ལྗོངས་ཞེས་ཁམས་རིགས་ཡོངས་རྫོགས་གཅིག་བསྒྲིལ་གྱིས་རང་སྐྱོངས་ས་ཁུལ་ཞིག་འཛུགས་འཆར་ཡོད་པ་དེ་ད་ལྟར་དུས་སུ་སྨིན་ཡིན་པ་འདྲ། མ་གཞི་ཡུལ་ཤུལ་ས་ཁུལ་གྱི་མི་མང་ཚོས་མཚོ་སྔོན་བོད་སྐད་རླུང་འཕྲིན་དང་བརྙན་འཕྲིན་སོགས་ལ་ཧ་ཅང་དགའ་མོས་ཡོད་སྟབས་ཁམས་པ་བརྙན་འཕྲིན་ལྟ་གི་ཡོད་མེད་མི་ཤེས་ཨ།
སྤྱིར་བཏང་གང་ན་རང་སྐད་ཀྱི་ཐོག་གསར་འགྱུར་དྲིལ་བསྒྲགས་དང་དྲ་ཚིགས་སོགས་སྤེལ་བ་ནི་ཡག་པོ་རེད། གནས་ཚུལ་བདེན་མིན་སྤེལ་ཀྱི་ཡོད་མེད་རིམ་བཞིན་ཤེས་ཐུབ། དེ་ལ་དང་པོ་ནས་ལྟས་ངན་གྱི་འུར་བསྒྲགས་སྒྲོག་ནས་ཕན་ཐོགས་མེད། ཡན་ལག་གསར་འཛུགས་བྱེད་པའི་དམིགས་ཡུལ་ལྟར་ས་ཁུལ་དེ་རུ་འཛུགས་བསྐྲུན་གྱི་ལས་གཞི་ལ་རོགས་འདེགས་ཐུབ་པའི་རེ་བ་ཡོད།
ཁམས་པ་ཚོ་འཇོན་པོ་རེད།
སྐྱེ་རྒུ་མདོར་བརྙན་འཕྲིན་ (ཡག་) ལག་འཛུཊ་རྒྱུ།
མདུན་ངོས་སུ་ད་དུང་བཟོ་བཅོས་བྱས་མི་འདུག ལམ་གསེར་བསྒྱུར་བཅོས་གནང་རོགས།
ཡག་ལག་ལབ་དུས་རྣ་བར་འགྲོ་བདེ་པོ་ཁྱོན་ནས་མི་འདུག
སྤྱི་གཏང་བྱས་ན་གནས་ཚུལ་ག་རེ་ཡིན་ཡང་ཐོག་མ་ག་འདྲི་རེད་འདུག་བལྟས་ནས་ཡག་པོ་མི་འདུག་ན་སྐྱོན་བརྗོད་བྱས་ན་ད་བཟོད་འཕྱི་ཡོད་མ་རེད་དྲན་ཡིན་ན་ཡང་དེ་ནི་ང་རང་གི་བསམ་ཚུལ་ཡིན་་།་་་་་་་བོད་ནང་ལ་ཡག་སྡུག་མེད་པ་རྒྱུག་ལམ་ཞིག་ཡོད་ན་དེ་ལ་གཞུགས་ནས་དྲི་བསྒྲགས་གནང་མཁན་དེ་བོད་པ་སོང་ཁྱད་པ་ཆེན་པོ་ཡོད་རེད་དྲན་གིས་།་་
ཁ་བྱང་གི་ཡག་ལག་དེ་ཡན་ལག་ལ་བསྒྱུར་བཅོས་རོགས་གནང་།
དམིགས་ཡུལ་ཡག་པོ་ཞིག་མེད་པ་ཐག་གིས་ཆོད། དྲིལ་བསྒྲགས་རྫུན་མ། འཛུགས་སྐྲུན་རྫུན་མ། ཐམས་ཅད་རྫུན་མ། ས་བཤད་གནམ་བཤད་ཅི་ཞིག་བྱས་ཀྱང་གནས་སྟངས་ཆ་ཚང་ཧ་གོ་ཡོད།
རྟེན་འབྲེལ་ཞུ།