༸གོང་ས་མཆོག་གི་ཆིབས་བསྒྱུར།

དེ་རིང་ཞོགས་པར་༸གོང་ས་མཆོག་བཞུགས་སྒར་ནས་རྒྱ་གར་བྱང་ཕྱོགས་ཇཱམ་མུ་ཨམ་བྷི་རན་ས་གནས་ཀྱི་ནང་པའི་གནས་ཤུལ་ཞིག་ཏུ་ཆིབས་བསྒྱུར་གནང་སོང་།    

དེ་རིང་ཕྱི་ཚེས་ ༡༦ ཉིན་གྱི་ཞོགས་པའི་ཆུ་ཚོད་ ༨།༣༠ སྟེང༸གོང་ས་མཆོག་བཞུགས་སྒར་ནས་རྒྱ་གར་བྱང་ཕྱོགས་ཇཱམ་མུ་ (Jammu) ནས་ཀི་ལོ་མི་ཊར་ ༣༠ ཙམ་གྱི་སར་ཡོད་པའི་ཨམ་བྷི་རན་ (Ambran) ཞེས་པའི་ས་གནས་སུ་ཆིབས་བསྒྱུར་བསྐྱངས་ཡོད་ཅིང་། ཐེངས་འདིའི་༸གོང་ས་མཆོག་ཇཱམ་མུ་ས་ཁུལ་གྱི་མཛད་འཕྲིན་གཙོ་བོ་ནི། དུས་རབས་ ༢ པ་ནས་ ༧ པའི་བར་རྒྱ་གར་གྱི་ས་དཔྱད་ཚན་པས་ཨམ་བྷི་རན་ས་གནས་སུ་རྙེད་སོན་བྱུང་བའི་སངས་རྒྱས་ཀྱི་རིང་བསྲེལ་དང་ནང་པའི་ལྷ་ཁང། དགེ་འདུན་པའི་གཟིམ་ཤག མཚམས་ཁང་སོགས་ནང་པའི་གནས་ཤུལ་དང་ནང་ཆོས་ཀྱི་ཤུལ་བཞག་དངོས་རྫས་སོགས་ལ་རབ་གནས་གནང་རྒྱུ་ཡིན་པ་མ་ཟད། ཇཱམ་མུ་གྲོང་ཁྱེར་དུ་ཡོད་པའི་པར་རིས་འགྲེམ་སྟོན་ཞིག་དབུ་འབྱེད་དང་གནང་རྒྱུ་ཡིན་འདུག་ལ། ཐེངས་འདིའི་ཆིབས་བསྒྱུར་གྱི་གོ་སྐབས་བརྒྱུད་རྒྱ་གར་པེ་རྗི་པེ་ཆབ་སྲིད་ཚོགས་པའི་དབུ་ཁྲིད་བགྲེས་པ་སྐུ་ཞབས་ཨེལ་ཀེལ་ཨ་ཌི་ཝ་ནེ་ (L.KAdvani) མཆོག་དང་མཇལ་འཕྲད་གནང་རྒྱུ་ཡིན་འདུག

གསར་འགོད་པ། དོན་གོ