ཕྱི་ཟླ་ ༡༠ ཚེས་ ༢༡ ཉིན་རྒྱ་ནག་པེ་ཅིན་ཐེན་ཨན་མེན་མདུན་ཐང་དུ། རུས་ཝང་ཡིན་པའི་རང་ལོ་ ༤༢ ཅན་གྱི་སྐྱེས་པ་ཞིག་གིས་རང་ལུས་མེར་བསྲེགས་བཏང་སྟེ་རྒྱ་གཞུང་ལ་ངོ་རྒོལ་བྱས་ཡོད་འདུག སྐབས་དེར་མི་མང་བརྒྱ་ཕྲག་བརྒལ་བས་གནས་ཚུལ་དེ་དངོས་སུ་མཐོང་ཡོད་པར་མ་ཟད་པར་རྒྱག་མཁན་ཀྱང་འགའ་ཤས་བྱུང་ཡོད་འདུག ཡིན་ནའང་། རྒྱ་གཞུང་གི་བཀག་སྡོམ་དམ་དྲག་འོག་གནས་ཚུལ་དེ་ད་ལྟའི་བར་དྲ་རྒྱ་དང་གསར་ལམ་ཁག་ཏུ་ཐོན་ཐུབ་མེད་པ་རེད། ཟླ་འདིའི་ཕྱི་ཚེས་ ༡༦ ཉིན་དབྱིན་ཇིའི་ཉིན་རེའི་གློག་འཕྲིན་གསར་ཤོག་སྟེང་། དབྱིན་ཇིའི་བཟོ་སྐྲུན་པ་པུའུ་ལཱང་ལགས་ཀྱིས་གནས་ཚུལ་བྱུང་ཡུལ་དངོས་ནས་བླངས་པའི་བདེན་དཔང་གི་པར་རིས་དེ་ཐོན་པའི་རྗེས། རྒྱ་ནག་པེ་ཅིན་ཉེན་རྟོག་ལས་ཁུངས་ཀྱིས་རུས་ཝང་ཅན་གྱི་སྐྱེས་པ་དེའི་རང་ལུས་མེར་བསྲེགས་བཏང་བའི་རྒྱུ་རྐྱེན་གཙོ་བོ་ནི། ས་གནས་ཁྲིམས་ཞིབ་ཁང་གི་ཐག་གཅོད་ཅིག་ལ་འདོད་མོས་མ་ཁེངས་པའི་རྐྱེན་གྱིས་ཡིན་སྐོར་བརྗོད་ཡོད་པ་རེད། 
གཞན་ཡང་། ཏཱ་ཅིས་ཡོན་རྒྱ་ཡིག་དྲ་བའི་སྟེང་གནས་ཚུལ་སྤེལ་བ་ལྟར་ན། ཟླ་འདིའི་ཕྱི་ཚེས་ ༣ ཉིན་ཧི་ནན་ཀྲིན་ཀྲིག་ས་ཁུལ་དུ། རྒྱ་གཞུང་གིས་ལས་བཟོ་བ་མི་ ༣༠༠ ལྷག་ཆེད་གཏོང་བྱས་ཏེ་ཀྲིན་ཀྲིག་གྲོང་ཁྱེར་གྱི་ཀོ་ཧྲན་གཞུང་ལམ་དང་ཨར་ཧྭན་གཞུང་ལམ་བསྣོལ་མཚམས་ཁུལ་གྱི་མང་ཚོགས་ཀྱི་གཞིས་ཀ་བཙན་འཕྲོག་གིས་གནས་སྤོར་བྱེད་བཅུག་པར་བརྟེན། ཝང་ཧའོ་རུང་བཟའ་ཟླ་གཉིས་ཐབས་ཟད་འུ་ཐུག་ཏུ་གྱུར་ཏེ། སོ་སོའི་ཁང་པའི་སྟེང་ལུས་པོར་སྣུམ་བླུགས་ཏེ་རང་ལུས་མེར་བསྲེགས་ཀྱིས་ངོ་རྒོལ་བྱ་རྩིས་བྱས་ཡོད་པ་དང་། སྐབས་དེར་ལོ་ ༨༡ ཡིན་པའི་ཁོའི་ཨ་མ་ཝང་ལིག་ཀྲི་ཡིས་སོ་སོའི་ཁང་པའི་ནང་གློ་བུར་དུ་རང་ལུས་མེར་བསྲེགས་བཏང་སྟེ་རྒྱ་གཞུང་ལ་ངོ་རྒོལ་བྱས་ཡོད་འདུག ཝང་ཧའོ་རུང་བཟའ་ཟླ་གཉིས་ཀྱིས་གནས་ཚུལ་དེ་ཤེས་མ་ཐག་ཕྱིར་རྒྱུགས་ཡོང་སྟེ་ཨ་མ་ཝང་ལགས་ཀྱི་ལུས་སྟེང་གི་མེ་གསོད་རྩིས་བྱས་ཡོད་ནའང་། རྒྱ་གཞུང་འབྲེལ་ཡོད་ལས་བྱེད་རྣམས་ཀྱིས་ཁོང་བཟའ་མི་གཉིས་གཙོས་པའི་ནང་མི་ ༥ པོ་འཇུ་བཟུང་བཙན་འཁྲིད་བྱས་ཏེ་མེ་གསོད་དུ་མ་བཅུགས་པར་བརྟེན་ཁོ་མོ་འདས་གྲོངས་སུ་གྱུར་ཡོད་འདུག
ཕྱི་ཚེས་ ༩ ཉིན་གྱི་ཕྱི་དྲོ་ས་གནས་གྲོང་ཁྱེར་དོ་དམ་ལས་ཁུངས་ཀྱིས། ཝང་ཧའོ་རུང་གི་གཞིས་ཁྱིམ་ནི་ཁྲིམས་འགལ་གྱི་འཛུགས་སྐྲུན་ཆགས་ཡོད་སྐོར་བརྗོད་ཡོད་པ་དང་། ས་གནས་ཉེན་རྟོག་པས་ཝང་ཧའོ་རུང་བཟའ་མི་གཉིས་ཀྱིས་སྤྱི་ཚོགས་ཀྱི་སྒྲིག་སྲོལ་ལ་གཏོར་བརླགས་བཟོས་པའི་ཉེས་མིང་བཏགས་ཏེ། ཉིན་ ༡༠ རིང་བཙོན་འཇུག་བཀག་བསྐྱིལ་བྱ་རྒྱུ་ཡིན་པ་བསྒྲགས་འདུག གསར་ལམ་ཁག་ཏུ་གནས་ཚུལ་ཐོན་པ་ལྟར་ན། ཝང་ཧའོ་རུང་གིས “ ངས་ལོ་གཅིག་ལྷག་གི་རིང་ཡིག་ཐོག་སྙན་ཞུ་རིམ་པར་ཕུལ་ཏེ་ཕན་ཐོགས་མ་བྱུང་པར་བརྟེན། སྤྱི་ཚོགས་ཁྲོད་རང་ལུས་མེར་བསྲེགས་ཀྱི་ངོ་རྒོལ་བྱེད་བཞིན་པའི་རིགས་ལ་དོ་སྣང་བྱུང་པར་མ་ཟད། རང་ལུས་མེར་བསྲེགས་ཀྱི་ངོ་རྒོལ་ལ་སྤྱི་ཚོགས་ཀྱི་ངོས་ནས་ཀྱང་དོ་སྣང་ཤུགས་ཆེན་པོ་ཡོང་གི་རེད་བསམ་སོང་།” ཞེས་བརྗོད་ཡོད་འདུག
རྒྱ་ནག་སྲིད་གཞུང་འདི་ངོ་མ་མེས་ཚིག་པའི་དུས་ལ་བསླེབས་འདུག གཡས་གཡོན་ཟར་ཟུར་ཐམས་ཅད་ནས་འབར་བཞིན་པའི་མེ་ལྕེ་འདི་འདྲའི་མང་བ་ལ། གཟིགས་དང་། གནམ་སྡེ་སྒོ་མོ་ཆེའི་སྒོ་ཐོད་ཀྱི་མའོ་ཡི་འདྲ་པར་དེས་རང་ཉིད་ཀྱི་མདུན་ཐང་དུ་འབར་གྱིན་པའི་མེ་ལྕེ་དེར་མ་མཐོང་བའི་ཁུལ་བྱེད་ཀྱི་འདུག འོན་ཀྱང་ཁྱོད་ཀྱི་མདུན་ཐང་དུ་འབར་བཞིན་པའི་མེ་ལྕེ་འདིས་ཁྱོད་ཀྱི་རྩིག་རྨང་ནས་ཚིག་བཞིན་པ་ལོས་འཚོར།
བདེན་པ་རྒྱལ་གྱུར་ཅིག
རང་ལུས་མེར་སྲེག་གཏོང་ཐུབ་མཁན་ཡོད་ན། དཀའ་སྡུག་མཉམ་མྱོང་ཡིན་པའི་ཡུལ་མི་ཁ་ཤས་ཀྱིས་མ་གཏོགས་སུས་ཀྱང་མི་མཐོང་ཞིང་མ་ཤེས་པའི་ལུང་ཁུག་ཏུ་མི་བསྲེགས་པར་རྒྱལ་སྤྱིས་ཤེས་མཐོང་ཡོང་བའི་ས་གནས་གནད་འགག་ཅན་འདི་འདྲ་ལ་མེ་བསྲེག་གནང་ཐུབ་ཅིག་ངེས་པར་བྱེད་དགོས། དེ་འདྲ་བྱུང་བ་ཡིན་ན་བོད་རིགས་ནང་རང་ལུས་སྲེག་མཁན་མང་པོ་ཇི་ཙམ་བྱུང་ཡང་། ང་ཚོ་མི་རིགས་ཉུང་ཉུང་རེད་ཅེས་ཕངས་སེམས་མི་དགོས་དོན་མེད། མདོར་ན་ཁ་ཤས་ཀྱིས་ལུས་སྲོག་ལ་གཅེས་སྐྱོང་དགོས་ཞེས་བསྐུལ་དོན་ཡང་། ཁྱེད་རྣམས་ཀྱིས་ལུས་སྲོག་བློས་བཏང་བ་དེས་བོད་ཀྱི་རྩ་དོན་འཐབ་རྩོད་ལ་ཕན་ཐོག་གི་མ་རེད་ཅེས་བརྗོད་པ་ཅི་ཡིན།
དངོས་གནས་བོད་དོན་ལ་ཕན་ན་ཅི་ཡང་བློས་གཏོང་དགོས་པ་མི་ཤེས་པ་སུ་ཞིག་ཡོད་དམ།
རྒྱ་ནག་གི་ཐང་ཆེན་དེར་ཞི་དྲག་གིས་མེ་ལྕེ་རབ་ཏུ་སྤར་ནས་མགྱོགས་ནས་མྱུར་དུ་དམངས་གཙོ་དང་རང་དབང་ལྡན་པའི་ཆེས་ཡང་དག་པའི་དམངས་གཙོའི་རྒྱལ་ཁབ་གཅིག་མཚན་ཉིད་ཚང་བ་ཞིག་ཡོང་བྱེད་དགོས།
དེ་ནི་རྒྱ་ནག་མི་དམངས་སྤྱི་ལ་འཁྲི་ལ་འགན་འཁྲི་གཅིག་ཡིན་པ་ཙམ་མ་ཟད་འཛམ་གླིང་དམངས་གཙོའི་རྒྱལ་ཁབ་དང་མི་དམངས་ལའང་འགན་འཁྲི་ཡོད། ལྷག་ཏུ་བོད་མི་རིགས་ཚོའང་རྒྱ་ནག་དམངས་གཙོ་དང་རང་དབང་ལྡན་པའི་རྒྱལ་ཁབ་ཞིག་ཆགས་པར་བྱེད་པའི་འགན་འཁྲི་ཡོད་འགན་འཁུར་དགོས།
ཆེ་ས་ནས་བཤད་ན་འཛམ་གླིང་མི་དམངས་ཀྱི་རང་དབང་དང་ཞི་བདེ་ལའང་འབྲེལ་བ་དམ་གཟབ་ཅིག་ཆགས་ཡོད།
ད་ཐེང་གི་དོན་རྐྱེན་འདིས་ང་ཚོ་བོད་པ་ཚང་ལ་ཁ་ཕྱོགས་ཤིག་བསྟན་པ་རེད།
བསེ་རུ་ལགས་ཀྱིས་ནོར་སྐྱོན་ཐེར་འདོན་བྱས་པར་ཐུགས་རྗེ་ཆེ། དེ་རིང་གི་གསར་འགྱུར་འདི་ལས་བྲེལ་ཞིག་གི་བར་གསེང་ནས་གཏོང་དགོས་བྱུང་སོང་བས་ཡིག་ནོར་དང་ཕྲད་ནོར་མང་པོ་ཞིག་བྱུང་འདུག གང་ལྟར་བག་མ་གཡག་ཤོར་གྱི་སྐད་ཆ་རེད། རྗེས་ཕྱོགས་ཡིད་གཟབ་བྱ་ངེས་ཡིན།
ཨེ་མ་སྐྱེས་ཆེན་ཝང་སྐུ་ཞབས་ལགས་གཞན་ཡུལ་དུ་གཤེགས་པ་སྐྱོ། གྲོང་ཆེར་དབུས་སུ་གཅིག་པུར་སྲེག་པ་དྲང་བདེན་དང་དམངས་ཀྱི་ཆེད། ལོ་མང་གསན་ཏེ་ལང་བ་བརྒྱ་ཕྲག་ཁུར། ཚེ་ཡི་འདུ་བྱེད་རང་རིགས་དོན་དུ་ཕུལ།
རྒྱལ་ས་པེ་ཅིན། ངོ་རྒོལ་གྱི་པེ་ཅིན་ཡིན། གནམ་བདེ་སྒོ་མ་ཆེ། དམངས་སེམས་མི་བདེ་བའི་སྒོ་མོ་ཆེ། མེ་ལྕེ་འདིའི་མཆེད་ཤུགས་ཆེ། མེ་ལྕེ་འདི་དག་གིས་ཆེན་པོ་ཞིག་བསྲེག་ངེས།
མེ་ལྕེ་འདིས་་་དམར་པོའི་སྲིད་གཞུང་སྲེག་པར་ཤོག
མེ་ལྕེ་འདིས་་་དམར་པོའི་རྩ་ཁྲིམས་སྲེག་པར་ཤོག
མེ་ལྕེ་འདིས་་་དམར་པོའི་དར་དམར་སྲེག་་པར་ཤོག
མེ་ལྕེ་འདིས་་་དམར་པོའི་སྒེར་གཅོད་སྲེག་པར་ཤོག
མེ་ལྕེ་འདིས་་་དམར་པོའི་དྲག་སྤྱོད་སྲེག་་པར་ཤོག
མེ་ལྕེ་འདིས་་་རང་དབང་དམངས་གཙོ་རྙེད་པར་ཤོག
མེ་ལྕེ་འདིས་་་དྲང་བདེན་ཁྲིམས་ལུགས་རྙེད་པར་ཤོག
མེ་ལྕེ་འདིས་་་ཉམ་ཆུང་རྒྱབ་སྐྱོར་རྙེད་པར་ཤོག
མེ་ལྕེ་འདིས་་་མི་སེར་བདེ་ལ་འཁོད་པར་ཤོག
རང་དབང་་་ཡ་་་དམངས་གཙོ།
མགྱོགས་པོ་ཕེབས་ཤོག
མི་སེར་དུང་ཕྱུར་ཅུ་གསུམ་གྱི་ཆེད་དུ།
ཁྱེད་མེད་ན་ཚེ་སྲོག་འཚོ་ཐབས་མི་འདུག
ཁྱེད་མེད་ན་ཐོབ་ཐང་རྙེད་ཐབས་མི་འདུག
དམངས་གཙོ་ལགས།
ཁྱེད་གང་དུ་ཡོད་དམ།
རྒྱ་ནག་པོའི་ཡུལ་དུ་ཕེབས་ཤོག
མགྱོགས་པོ།
མེ་ལྕེ་འདི་མ་ཤི་གོང་།
ཡིན་ད།
འབར་ཤོག་ཨ།
རྫུན་རྐུབ་ལྕགས་ཡིན་ཡང་རྡོལ་ཞེས་པ་འདི་བདེན་པ་རེད་འདུག་ལགས།
འདི་ལྟར་ལྟས་པ་ཡིན་ན་རྒྱ་ནག་དམར་གཞུང་གི་དར་དམར་འོག་ཏུ་བདེ་སྐྱིད་ཡོད་ནས་རང་ལུས་མེ་ལ་བསྲེགས་ཀྱི་ཡོད་པ་རེད་དམ། འདི་ནི་རྒྱ་ནག་དམར་གཞུང་ལ་དྲི་བ་ཞིག་རེད། རྒྱ་མི་རིགས་ཀྱི་རྒྱ་ནག་ནང་དུ་བདེ་སྐྱིད་ཡོད་ན་རང་ལུས་མེ་བསྲེགས་བྱེད་སྲིད་ཞིག་མ་རེད་དམ། འདིའི་ནི་རྒྱ་མི་རིགས་ལ་དམར་གཞུང་གི་དར་དམར་འོག་ཏུ་བདེ་སྐྱིད་མེད་པ་གསལ་བསྟོན་བྱས་པ་ཞིག་རེད།
དྲང་བདེན་དང་གནས་ལུགས་ལ་བརྩི་བཀུར་མ་བྱས་པར་རྟེན་རྒྱ་མི་རིགས་ཡིན་ཡང་རང་ལུས་ལ་མེ་ལ་སྒྲོན་ནས་རྒྱ་ནག་དམར་གཞུང་གི་ངན་སྤྱོད་དེ་འཛམ་གླིང་མི་མང་ལ་
ལྟ་རུ་འཇུག་བཞིན་ཡོད་པ་རེད། འདི་ལྟར་ལྟས་པ་ཡིན་ན་རྒྱ་ནང་དུ་བདེ་སྐྱིད་འདུག་གམ་རྒྱ་ནག་གི་རྫུན་རྐུབ་སྡོལ་བ་མ་ཡིན་ནམ། རྒྱ་མི་རིགས་ཞིག་གི་སྐུ་ལུས་མེ་ལ་སྒྲོན་འདི་ཡང་རྒྱ་གར་ནས་ངན་སྐུར་བྱས་ཞིག་རེད། ད་རེ་རེ་བཞིན་རྒྱ་མིའི་རྫུན་རྐུག་རྡོལ་གྱི་རེད།
འོ། རྒྱ་ནག་སྐམ་ས་ཆེན་པོའི་སྲིད་དབང་དེ་བདེན་དོན་གྱི་མེ་ལྕེས་རིམ་པར་སྲེག་ཉེན་འདུག
གཅིག་བྱས་ན། ཉི་ཟླ་སྐར་གསུམ་ས་ལ་ལྷུང་ཡང་སྲིད་དབང་དེ་འགྱུར་གྱི་མ་རེད་ཅེས་ཡང་ནས་ཡང་དུ་བསྒྲག་སྲིད།
<ཁྱེད་ཀྱི་སྐུ་དྲིན་ལས་གསར་འགྱུར་འདི་ཀློག་སྐལ་ཐོབ་བྱུང་ལ། ཀློག་ཞོར་དུ་མཐོང་བའི་ཡིག་ནོར་ཁག་ཅིག་ཀྱང་འདིར་ཕུལ་ཡོད། ཀུན་ལ་ཕན་པར་སྨོན།>
མ་དག་པ། དག་པ།
བརྒལ་བའི། བརྒལ་བས།
དམ་དྲགས། དམ་དྲག
རྐྱེན་གྱིས་སྐོར་བརྗོད། ?
པུའུ་ལཱང་གྱི། པུའུ་ལཱང་གི
མེ་ལྕེ་ཀྱིས། མེ་ལྕེ་ཡིས།
མཐར་མཇུག མཐའ་མཇུག
ས་ལ་འགྱེད་དེ། ས་ལ་འགྱེལ་ཏེ།
ལྟད་མོར་བལྟས་ནས། ལྟད་མོ་བལྟས་ནས།
བཀག་སྐྱེལ། བཀག་བསྐྱིལ།
ཕན་ཐོག ཕན་ཐོགས།
མི་ལུས་རིགས་བཟང་འཐོབ་པའི་བསྔོ་སྨོན་ཞུ།་ཨོྃ་མ་ཎི་པདྨེ་ཧཱུྃཿཨོྃ་མ་ཎི་པདྨེ་ཧཱུྃཿཨོྃ་མ་ཎི་པདྨེ་ཧཱུྃཿཨོྃ་མ་ཎི་པདྨེ་ཧཱུྃཿཨོྃ་མ་ཎི་པདྨེ་ཧཱུྃཿཨོྃ་མ་ཎི་པདྨེ་ཧཱུྃཿཨོྃ་མ་ཎི་པདྨེ་ཧཱུྃཿཨོྃ་མ་ཎི་པདྨེ་ཧཱུྃཿཨོྃ་མ་ཎི་པདྨེ་ཧཱུྃཿཨོྃ་མ་ཎི་པདྨེ་ཧཱུྃཿཨོྃ་མ་ཎི་པདྨེ་ཧཱུྃཿཨོྃ་མ་ཎི་པདྨེ་ཧཱུྃཿཨོྃ་མ་ཎི་པདྨེ་ཧཱུྃཿཨོྃ་མ་ཎི་པདྨེ་ཧཱུྃཿཨོྃ་མ་ཎི་པདྨེ་ཧཱུྃཿཨོྃ་མ་ཎི་པདྨེ་ཧཱུྃཿཨོྃ་མ་ཎི་པདྨེ་ཧཱུྃཿཨོྃ་མ་ཎི་པདྨེ་ཧཱུྃཿ
རྒྱ་ནག་གཞུང་དྲང་བདེན་མིན་པའི་རག་སྤྲོད་མཚོན།
འདི་ནི་འུ་ཚང་གི་མེ་མཆོད་ལས་འགུལ་གྱི་ཤུགས་རྐྱེན་ཞིག་ཡིན་པར་འདོད། ཤི་བོའི་འདོད་པས་གསོན་པོར་བདེ་སྐྱིད་ཅིག་བསྐྲུན་ཐུབ་པར་སྨོན།