སྐད་འབོད་དང་པོ་དེ་ང་ཚོའི་གཞུང་གི་མདུན་ནས་རྒྱག་དགོས་པ་རེད།

རྒན་པོ་མགོ་དཀར་འདིའི་སྐད་ཆ་མཐོ་དྲག་ནས་མར་ས་ལ་འབབ་ཐུབ་ཀྱི་མི་འདུག རང་གི་གཞུང་ལ་རང་གིས་ངོ་རྒོལ་བྱོས་དང་རྒྱ་ནག་དམར་ཕྱོགས་པ་ཚོ་དང་ལྷག་པར་དུ་བོད་དོན་རྒྱལ་སྐྱོར་བྱེད་མཁན་ཚོས་ངོས་ནས་བགད་མོ་ཤོར་དགོས་པའི་གནས་ཚུལ་ཞིག་མ་རེད་དམ།
དོན་ལ་འདིའི་རྒྱལ་རིན་པོ་ཆེ་ལ་ངོ་རྒོལ་གྱི་རྣམ་པ་མཚོན་པ་ལས་གཞན་སྟོང་བཤད་རང་རེད། ཁས་ལེན་ཐུབ་རྩ་བ་ཉིད་ནས་མེད།

ལམ་དབུ་མ་གསལ་ཁ་འཕྲོད་པ་ཧ་ལམ་མི་འབུམ་གཅིག་ཡོད་མེད་ཐེ་ཚོམ་རེད་འདུག ཉིས་སྟོང་བརྒྱད་ཙམ་ནས་ང་རང་དྲྭ་ཐོག་གི་གླེང་མོལ་ལ་ཞུགས་པའི་བརྒྱུད་རིམ་ནང་། ཕལ་ཆེ་བ་བོད་རྒྱའི་ཆབ་སྲིད་ཀྱི་སྐོར་ལ་གླེང་གང་ཐུབ་བྱེད་གིན་ཡིན། དེ་དག་གི་ཁྲོད་རྒྱ་ནག་ནང་གི་སློབ་མ་ལས་བྱེད་དགེ་རྒན། བོད་ནང་གི་དགེ་སློབ་ལས་བྱེད་སོགས་ཚུད་པའི་མི་སྟོང་ཕྲག་གཉིས་ཙམ་ལ་གླེང་མོལ་བྱེད་མྱོང་ཡོད་ལ་མཚམས་རེ་ལྟ་བ་མི་མཐུན་སརརྩོད་པ་ཤུགས་ཆེན་པ་འདྲ་ཡང་ཤོར་མྱོང་། ཧང་སངས་དགོས་པ་ཞིག་ལ་དེའི་དབུ་མའི་ལམ་ལ་ཤེས་རྟོགས་ཡོད་མཁན་ནི་པེ་ཅིང་ཡིན་པའི་རྒྱ་རྒན་ཞིག་ལས་ཐུག་མ་མྱོང་། མཐའ་ན་ཁོ་པའང་དབུ་མའི་ལངས་ཕྱོགས་ནི་ཆབ་སྲིད་ཀྱི་གཡོ་བྱུས་ཙམ་ལ་ངོས་འཛིན་བྱེད་མཁན་ཞིག་རེད་འདུག བོད་མི་མང་པོ་ཞིག་གིས་ཆ་རྐྱེན་གཞན་མེད་པར་རྒྱལ་བ་རིན་པོ་ཆེ་བོད་ལ་ཕེབས་རྒྱུའི་འདོད་ཕྱོགས་འཛིན་མཁན་དང་། རང་བཙན་གླེང་མཁན་ཡང་མི་ཉུང་བ་ཞིག་འདུག དབུ་མའི་ལམ་ཟེར་དུས་ཧ་ལམ་ཤེས་མཁན་ཞིག་མིན་འདུག བཙན་བྱོལ་ནང་དུ་ཆ་བཞག་ན་མང་པོ་ཞིག་དབུ་མའི་ལམ་གྱི་རྗེས་སུ་འབྲངས་བཞིན་པ་རེད། འོན་ཀྱང་དབུ་མའི་ལམ་གྱི་དགོངས་དོན་རྟོགས་མཁན་ཧ་ཅང་དཀོན། 

བོད་ཀྱི་དུས་བབ་ཚང་གིས་དེང་སྐབས་ལྕག་ཚ་ཐོག་ལ་རྡུང་གི་འདུག གསར་འགོད་པ་རྣམ་པར་བསྔགས་བརྗོད་ཞུ་བཞིན་ཡོད། དམངས་གཙོའི་ལུང་པ་ཞིག་ལ་མཚོན་ན་གསར་འགྱུར་བརྒྱུད་ལམ་གྱིས་གཞུང་ལ་གཡོ་འགུལ་སློང་བ་དང་། མི་དམངས་ལ་རྟོག་སད་ཀྱིས་དྲང་ཕྱོགས་སུ་འཁྲིད་པ། སྤྱི་ཚོགས་ནང་གི་ངན་གཡོ་རིལ་སུངས་རིགས་ལ་ཐེར་འདོན་བྱེད་པ་སོགས་ཡོང་གི་རེད། དེང་སིང་གཞུང་འབྲེལ་མ་ཡིན་པའི་ཚོགས་པ་ཐབས་ཐེབ་ཚོས་ལས་འགུལ་མགོ་མེད་མཇུག་མེད་རེ་སྤེལ་བ་ལས་གསར་འགྱུར་བརྒྱུད་ལམ་ཁག་གིས་བོད་པའི་འཐབ་རྩོད་ཐོག་ནུས་པ་འཐོན་བཞིན་ཡོད་པའི་རྣམ་པ་མཐོང་སོང་། ལྷན་རྒྱས་ཀྱིས་མུ་མཐུད་དུ་ཤུགས་བརྒྱག་རོགས།

རང་བཙན་གཙང་མའི་དགོས་འདོད་ནི་བོད་མི་ཐུན་མོང་གི་དགོས་འདོད་ཅིག་ཡིན་ལ་ཁུག་རྟའི་བླུན་བཤད་ནི་ཁུངས་མེད་ལུགས་མེད་ཅིགརེད།

གཞིས་ལུས་བོད་མི་ཚོ་རྒྱ་ནག་མཉམ་དུ་འདུག་འདོད་མེད་པ་གསལ་བོ་རེད། དེ་ཡོད་ན་མ་མཐར་ཡང་སྐུ་ལུས་མེ་ལ་སྒྲོན་པ་དང་། ཆོལ་ཁ་གསུམ་ནས་དར་ཕྱར་ནས་རྒྱུག་དགོས་དོན་ཡོད་པ་མ་རེད། ང་རང་གིས་ཤེས་ཚོད་ལ་ཕྱི་ལོག་ན་ཡོད་པའི་བོད་པའི་ཤེས་ཡོན་པ་ཕལ་ཆེ་བ་རང་བཙན་ལ་ཕྱོགས་འདུག ཡིན་ཡང་། ༧སྐུ་མདུན་གྱི་དགོངས་པ་འདིར་རྒྱབ་ཀྱིས་ཕྱོགས་མ་ཐུབ་པར་བསྡད་འདུག དེ་ནས་ཕྱི་གླིང་བ་བོད་དོན་ལ་ཞིབ་འཇུག་བྱེད་མཁན་དང་། བོད་དོན་ཆེད་མཁས་པ། བོད་དོན་རྒྱབ་སྐྱོར་བ་ཕལ་ཆེ་བ་རང་བཙན་ལ་ཕྱོགས་འདུག འདི་ཡང་ཡིད་མི་ཆེས་ན་ང་ཚོས་བསམ་ཤོག་འདྲ་བོ་ཞིག་བསྡུས་ནས་ལས་སླ་བོར་ཐག་གཅོད་ཐུབ་གི་རེད་འདོད།

གཙོ་བོ་ཞིག་ནི། བོད་ནང་དུ་རྒྱ་གཞུང་གི་ཕོག་ཟས་ནས་བསྡད་མཁན་དེ་ཚོ་་རེད། ཁོང་ཚོའི་འགའ་རེ་ཡོང་ནས་སྐྱབས་མགོན་རིན་པོ་ཆེར་ཡར་སྙན་སེང་ཡང་ཞུས་ཡོད་ས་རེད། དེ་ཁོང་རིགས་ཀྱི་ཞལ་ནས་ཐོས་མྱོང་། (༢༠༡༠ ལོར། བདེན་དཔང་མི་ ༢༠ ལྷག་ཡོད) ད་ནི་རྒྱ་ནག་མཉམ་དུ་བསྡད་ན་ཡག་རབས་དང་སྐྱིད་རབས། ཁེ་ཕན་ཡོད་རབས་སོགས་བཤད་འདུག ཤེས་ཡོན་པ་དེ་དག་གིས་བཤད་པ་བདེན་ན་ཁ་སང་དེ་རིང་མདོ་སྟོད་སྨད་ན་མི་ག་ཚོད་ཤི་བཞིན་པའི་གྲངས་ཀ་ཕར་ཞོག སྐད་ཡིག་རྩ་མེད་ཀྱི་སྲིད་བྱུས་འདིར་ལྟོས་དང་། སྐྱབས་མགོན་རིན་པོ་ཆེ་ནི་ཐུགས་དྲང་པོ་ཡིན་སྟབས་མི་འདི་དག་གི་སྐད་ཆ་བདེན་པ་རེད་དགོངས་ཡོད་པ་འདྲ།

ལྷ་བཟང་ཚེ་རིང་ལགས་ཀྱིས་དངོས་གནས་སྐད་ཆ་དྲང་པོ་དང་། བློར་འབབ་པ། ཡིད་ཆེས་རྙེད་པ། རྒྱུ་མཚན་དང་ལྡན་པ་ཞིག་བཤད་འདུག

མི་རེ་ཟུང་གིས། ཁོང་གི་སྐད་ཆར་ནང་འགལ་འདུག་ཟེར་གི་འདུག བསམ་བློའི་ནང་འགལ་ཟེར་བ་འདི་མི་སུ་ལ་ཡིན་ཡང་ཡོད་པ་རེད། ལྷག་པར་དུ་དོན་དག་ཆེ་ཕྲ་ཆུང་གསུམ་གང་སར་འཕྲད་དུས་ནང་འགལ་གྱི་བློ་ཤར་གི་རེད་ལ། དེ་དུས་མི་དྲང་པོ་དྲང་བཞག་དེ་དག་གིས་ཁ་རུ་ཁ་ཐུག་ལ་སྐབས་ཐོག་གི་འཆར་སྣང་དེ་བཤད་གི་རེད།

ལྷ་བཟང་ཚེ་རིང་ལགས་གཅིག་པུ་མ་རེད། མཁས་དབང་ཟམ་གདོང་རིན་པོ་ཆེ་མཆོག་ལ་མཚོན་ན་ཡང་སྔོན་ཆད་བཀའ་མོལ་འདྲ་མི་འདྲ་གནང་མྱོང་ཡོད་པ་རེད། དཔེར་ན། བདུན་ཕྲག་གཅིག་གི་ནང་ལ་རང་བཙན་ལེན་ཐུབ་གི་རེད་ཅེས་པ་དང་། བདེན་པའི་ཨུ་ཚུགས་ཀྱི་དགོངས་པ་སོགས་གསུངས་པ་རེད། རྗེས་སུ་གངས་སྐྱིད་དུ་ཕེབས་དུས་བདེན་པའི་ཨུ་ཚུགས་དང་དབུ་མའི་ལམ་གཉིས་གཅིག་པ་ཡིན་ཅེས་གསུངས་པ་རེད། འདི་དག་ལས་ང་ཚོས་དོན་དག་མང་པོ་ཞིག་བསམ་ཐུབ་ན་འགྲིག་གི་འདོད།

ད་ནི། དོན་དག་གཞན་ཞིག་བཤད་ན། ལྷ་བཟང་ཚེ་རིང་ལགས་ཀྱིས་ཁོང་གི་མགོ་ལ་རྡོ་ཕོག་གྲབ་བྱས་ཚུལ་གསུངས་སོང་། བདེན་པ་རེད། ཁོང་གཅིག་པུ་མ་རེད། ཟླ་བ་ནོར་བུ། འཇམ་དབྱངས་ནོར་བུ། ཀླུ་མཁར་བྱམས་སོགས་རང་བཙན་གྱི་ལྟ་བ་འཛིན་མཁན་དག་གི་མགོར་རྡོ་དང་དབུག་པ་ཕོག་གྲབ་བྱས་པ་རེད། དེ་ནི་དབུ་མའི་ལམ་པ་ལ་རྒྱབ་སྐྱོར་ཡོད་ཟེར་མཁན་དེ་དག་གི་བྱ་སྟངས་ལས་སྟངས་རེད། རང་བཙན་རྩོད་མཁན་ཞིག་གིས་ད་བར་དུ་དབུ་མའི་ལམ་རྩོད་མཁན་ཞིག་ལ་དེ་འདྲའི་རྡོ་དང་དབྱུག་པ། མཐའ་ན་སྡིག་མཛུབ་དང་མཆིལ་མ་ཙམ་ཡང་འཕེན་མྱོང་ཡོད་པ་མ་རེད། འདི་ཡང་གསལ་བོ་ཤེས་རྒྱུ་གལ་ཆེན་པོ་རེད།

དེ་ནས་རང་རང་ལ་ལྟ་ཚུལ་དེར་འདོད་པ་མེད་ན། ཁུངས་ལུང་གསལ་བོ་བྱས་ནས། བོད་མི་ནང་ཁུལ་ལ་ཡ་རབས་ཀྱི་ལུགས་དང་བཅས་བཤད་ན་ཡག་གི་རེད་འདོད། དེ་ནས་ཕར་བཤད་ཚུར་བཤད་དང་བཅས་བློ་སྐྱེད་དང་མཐའ་མའི་ཁ་ཕྱོགས་གཏན་འབེབས་བྱེད་ས་ཞིག་རག་རྒྱུ་རེད་འདོད།

ངས་ཀྱང་དཔེ་ཞིག་འཇོག ཕ་མ་རྒས་ནས་བུ་བུ་མོ་ནར་སོན་རྗེས་ནང་གི་དབང་ཚད་དང་འགན་ཁུར་ཚང་མ་ཁོ་ཚོར་གནང་ནས་ཟུར་ནས་ཁ་ཏ་ལྟ་སྐྱོང་གནང་ཚུལ་དེ་ཕ་མ་བཟང་པོར་བརྩི་འོས་སམ།
ལུག་རྫི་ཞིག་རྒས་ནས་རང་གི་བུ་ཚ་ཚོར་ལུག་འཚོ་སྐྱོང་གི་གདམས་ངག་གནང་ནས་བདག་སྐྱོང་བྱེད་བཅུག་པ་དེ་ལུག་རྫི་རྒད་པོས་ལུག་ཁྱུ་དོར་བ་ཡིན་ནམ།
ཆོས་བརྒྱུད་ཅིག་དང་གང་ཟག་སྒེར་བ་ཞིག་གི་མཚན་གནས་དང་འབྲེལ་བའི་གནའ་སྲོལ་རང་བཞིན་གྱི་ཆབ་སྲིད་འཛིན་སྐྱོང་དེ་ལུགས་དུས་རབས་འདིར་མི་འཚམ་པར་གཟིགས་ཏེ་ལམ་ལུགས་ལེགས་བཅོས་གནང་བ་འདི་གོང་གི་ལུག་རྫི་ཨ་མྱེས་དེ་དང་ཕ་རྒན་བྱམས་ལྡན་དེ་གཉིས་དང་ཡོངས་སུ་མི་འདྲའམ། དོན་དངོས་དང་གནས་ལུགས་ལ་བསམ་བློ་གཏོང་ཤེས་པར་གྱིས།
མ་གཞི་ནས་ཁ གཅིག་གི་ནང་ནས་ལྕེ་གཉིས་གཡུག་མཁན་རིགས་ལ་དོགས་ཟོན་བྱས་ན་དགའ། དེ་ཡང་མཁས་དབང་དགེ་འདུན་ཆོས་འཕེལ་གྱིས། “བླུན་པོ་རང་གི་རྗེས་སུ་མི་འབྲང་ཡང། རང་ཉིད་བླུན་པོའི་རྗེས་སུ་མི་འབྲང་བ། འདི་ནི་མཁས་པའི་དམ་ཚིག་དང་པོ་སྟེ། སྲོག་ལ་བབས་ཀྱང་འབད་པས་སྲུང་བར་རིགས”། ཞེས་པ་བཞིན་བདག་ནི་ཐམས་ཅད་མཁྱེན་པའི་སྐུ་རྗེས་སུ་མིག་བཙུམ་སྟེ་ཞུགས་ཀྱང་ནོར་འཁྲུལ་ཅི་ཡང་མེད་པར་འདོད་དོ།

བཙན་བྱོལ་བ་ལགས། ཁྱེད་ཀྱིས་གནད་འགག་གཅིག་ཤེས་ཀྱི་ཡོད་ས་མ་རེད། གཅར་འདྲི་འདིའི་ནང་དོན་བོད་ཀྱི་རྩ་དོན་དང་བདེ་སྡུག་གི་གནད་ལ་རེད། དེ་ཡིན་ན། ད་ལྟ་ས་མཚམས་ན་བོད་མིད་མང་བོ་སྡུག་ལ་ཐུག་བཞིན་འདུག འདིའི་སྐོར་གླེང་ན་འབྲེལ་མེད་ཡིན་སྟངས་ཅི་འདྲ་རེད། མིག་གི་མདུན་ས་བསྐྱུར་ནས་རྒྱ་མཚོའི་ཕ་རོལ་ལ་གནང་སྦྱིན་བྱེད་རྒྱུ་ཟེར་བ་ནི་གླེན་པ་ལུག་འདྲ་ཞིག་མིན་ན་དགོད་འཆོར་བའི་དོན་ཞིག་རེད།
ཡང་གཅིག་བཤད་ན། དོན་དག་ཚབས་ཆེན་བྱུང་ཚེ་དྲ་ངོས་ཀྱི་་གཙོ་གནད་སྟེང་བཞག་ན་ཚང་མས་མཐོང་གི་རེད། དེ་ཡང་མི་ཤེས་སམ། ད་དུང་དྲ་བདག་ལ་ཅིག་བཤད་ཁུལ་བྱེད་པ་ནི། རང་གི་ངོ་ལ་སྣབས་ལུད་འབྱར་ཡོད་པ་མ་ཤེས་པར་གཞན་གྱི་ངོ་ལ་བ་སྤུ་སྐྱེས་འདུག་ཟེར་བ་དང་མཚུངས་འདུག

རྒན་ལྷ་བཟང་ཚེ་ལགས་ཀྱི་སྐུ་ཚེ་ཁྲི་ལོར་ཤོགས། མི་རིགས་ཞེ་འཁོན་སྙིང་ལ་བརྣག་པའི་མི་བུ་གྲུང་པོ་ཞིག་རེད། ཆབ་སྲིད་ཟེར་བའི་སྐྱག་རྫུན་གྱིས་མ་སྦགས་པར་ཡིད་ཀྱི་སྨྲེང་བ་ཐོལ་ཐོལ་དུ་འཕྱུར་བའི་སྐད་ཆ་སེམས་ལ་རན་པ་ཞིག་འདུག་ཨང་། ལྷ་མོ་སྐྱབས་དང་ཆོས་འབྱོར་གཉིས་ལྟ་བུའི་མང་ཚོགས་ཟིང་སློང་གི་ཁ་ཏ་ནག་རིལ་མ་བུ་གཉིས་ཀྱིས་དྲ་ལམ་དུ་སྐྱག་པ་ནང་བཞིན་གྱི་ཡིག་ནོར་འབྲི་བ་ལས་ཅི་གང་མི་ཤེས་མི་འབྱོན་པ་ཀུན་ལ་གསལ་བོ་དག་པོ་རེད། དེ་ལས་མི་བུ་ཁྱེད་འདྲ་བོ་དག་གི་ཟོལ་གྱིས་མ་བཅོས་པའི་སེམས་གཏམ་རེ་ཕྱི་རུ་སྒྲོག་ཐུབ་ན་དེའང་རླབས་ཆེན་ཞིག་ཅི་ལ་མིན། དེའི་ཞོར་དུ་དུས་བབ་ཚང་གི་རྩོམ་སྒྲིག་པ་བཀྲ་ཤིས་དོན་གྲུབ་གྱིས་བཅར་འདྲི་ངར་བ་ཞིག་གནང་འདུག་པར་བཀྲ་ཤིས་བདེ་ལེགས་ཡོད།

འདིར་མི་མང་པོ་ཞིག་གིས་བསམ་ཚུལ་གང་བྱུང་སྤུངས་འདུག ཡིན་དོན་དངོས་སུ་གནད་ལ་ཁེལ་པས་སྐད་ཆ་ཞིག་ཤོད་མཁན་གཅིག་ཀྱང་མི་འདུག
སྤྱིར་རྒན་པོ་ཁོས་བཤད་པ་དྲང་པོ་འདུག་མ་ཟད་སེམས་རྩ་ནས་བཞུར་ཡོང་པའི་སྐད་ཆ་གསོན་པོ་ཞིག་ཡིན་པ་འདྲ།
འོན་ཀྱང་། དེ་ལ་དྲང་ལྡོག་གི་བསམ་ཚུལ་འགའ།
༡གོང་ས་མཆོག་གིས་སྐུ་དབང་མི་མང་ལ་གནང་པ་དེ་ངས་བསམ་ན། རྒྱ་ནག་གུང་ཁྲན་ཏང་གི་གཡོ་ཇུས་འཁྱོགས་བརྗོད་དང་།བསམ་ངན་ལ་ལྡོག་ཕྱོགས་ནས་གྲ་སྒྲིག་གི་བརྡ་ལན་ཞིག་བསྐྲད་པ་རེད།
༢ཡིན་ཡང་ཁོས་བཤད་པ་བཞིན་རྩ་དོན་ཁ་ཕྱོགས་ལ་འགྱུར་བ་གཏོང་དགོས་ནི་བདེན་པ་རེད་འདོད།

ཁྱེད་ཀྱི་གསུངས་ལན་ཁྲོད་ནས་རིན་བྲལ་ངོ་མ་དེ་འདི་གསུམ་རེད་འདུག ༡༽ རྒྱལ་ཁབ་དང་མི་རིགས་སུ་འདྲ་ཞིག་ཡིན་རུང་རྩ་དོན་ཞིག་བསྒྲུབ་ན། དེ་ལ་ངེས་པར་དུ་ཆ་རྐྱེན་གསུམ་ཚང་དགོས་པ་རེད། དང་པོ། རྩ་དོན་འཐབ་རྩོད་ཀྱི་དམིགས་ཡུལ་གསལ་བོ། གཉིས་པ། དམིགས་ཡུལ་དེ་འགྲུབ་པའི་གདེང་ཚོད་ཆེན་པོ། གསུམ་པ། དམིགས་ཡུལ་ཐོག་ཐབས་ཇུས་ཡག་པོ་དགོས། ད་ལྟ་ང་ཚོའི་ལམ་དབུ་མར་བོད་རྒྱ་གཉིས་ཕན་ཟེར་བ་ཙམ་ལས་དམིགས་ཡུལ་གསལ་བོ་ཡོད་པ་མ་རེད། རྒྱ་ནག་སྟོབས་ཆེན་པོ་རེད་ཟེར་ནས་འཐབ་རྩོད་ལ་གདེང་ཚོད་ཡོད་པ་མ་རེད། ཁ་ནས་རྩ་དོན་ཟེར་བ་ལས་དོན་ལ་འཐབ་རྩོད་ཐོག་བསམ་བློ་གཏོང་མཁན་ཡོད་པ་མ་རེད།
༢༽ ལུག་རྫི་ཞིག་གིས་ལུག་རྣམས་རྩྭ་ཁ་ཡག་ས་ཞིག་ལ་འཁྲིད་རྒྱུ་ཡིན་ཟེར་ནས་ཡར་འདེད་མར་འདེད་བྱས་ཏེ་མཐར། རྩྭ་ཁ་ཡག་ས་མ་རག་ཐལ། ད་དབང་ཆ་ཚང་མ་ཁྱོད་ཚོར་ཡོད། ཟེར་ནས་ལུག་བྱེ་ཐང་ཞིག་ལ་བཀྲམས་ནས་ལུག་རྫི་འགྲོ་བཞག་ན། དེ་ལུག་རྫིའི་ལས་འགན་འགྲུབ་པ་རེད་དམ།
༣༽ ངའི་ལུས་སེམས་གཉིས་ཀ་ཁ་ཁ་བྱས་ཤིང་། ཤ་ཁྲག་གཉིས་ཀ་སོ་སོར་འཐོར་ནས་འགྲོ་དུས་ཀྱང་རྣམ་ཤེས་ཀྱིས་༧རྒྱལ་བ་རིན་པོ་ཆེ་དབུ་འཁྲིད་དུ་ཉར་ནས་འགྲོ་རྒྱུ་རེད།

ཡང་ན་གཞུང་འབྲེལ་དང་ཚོགས་པ་གང་རུང་གིས་རྒྱ་གར་གཞུང་ལ་བོད་ནས་ཕེབས་མཁན་ཚོའི་ཆེད་དུ་དམིགས་བསལ་གྱི་ཆོག་མཆན་གང་ཡང་རུང་བ་ཞིག་ཞུ་དགོས་པ་རེད། གང་ལྟར་བོད་ནས་ཕེབས་མཁན་ཚོར་ཡིད་ཆད་དུ་མ་འཇུག

ནི་བོད་ཕེབས་མཁན་རྣམ་པས་གཅིག་ནས་སྐད་མ་གོ གཉིས་ནས་ས་མཚམས་ཁག་ཏུ་དངུལ་ཁྱེར་སྟངས་སོགས་མ་མཁྱེན་པའི་དབང་གིས་ཁ་ཤས་ཀྱིས་རྒྱ་གར་གྱི་ཤོག་དངུལ་ལྔ་བརྒྱ་དང་སྟོང་ལོ་མང་པོ་ཁྱེར་ནས་ས་མཚམས་ནས་རྒྱ་བལ་གྱི་ཉེན་རྟོགས་པས་འཕྲོག་བཅོམ་བྱེད་པ་དང་། ཁག་ཅིག་གིས་བལ་ཡུལ་ནང་ནས་དངུལ་བརྗེས་རྒྱུ་མ་རགས་པར་རྒྱ་བལ་གྱི་ས་མཚམས་སུ་སླེབས་སྐབས་བལ་ཡུལ་གྱི་མི་རྣམས་ཀྱི་ལག་ནས་དངུལ་བརྗེས་ནའང་། ཚུར་ལྔ་བརྒྱ་དང་སྟོང་ལོ་སྤྲད། དེ་ཁྱེར་ནས་ས་མཚམས་ཀྱི་འགག་སྒོར་སླེབས་སྐབས། ཉེན་རྟོག་པས་བསྔོགས་གཤེར་བྱས་ནས་མཐོང་ན་འཕྲོག་བཅོམ་བྱས། དེ་ཡང་དངུལ་བརྗེས་ས་དང་ས་མཚམས་ཀྱི་ཉེན་རྟོག་པ་ཁོག་སྡོངས་ནས་འཕྲོག་བཅོམ་བྱས་པའི་གནས་ཚུལ་ཐབས་སྡུག་དེ་འདྲའང་འབྱུང་བཞིན་པ་རེད། ཡང་བོད་ནས་ཕེབས་མཁན་ཁག་ཅིག་གིས་བོད་ནས་ཕེབས་སྐབས་འབྲེལ་ཡོད་སོ་སོས་༧གོང་ས་༧སྐྱབས་མགོན་རིན་པོ་ཆེར་བསྔོ་རྟེན་དང་སྐྱབས་རྟེན་བསྐུར་བཞག་པ་དེ་ཚོ་རྒྱ་ནག་གི་དངུལ་རང་བརྗེས་བོ་མ་རྒྱབ་པར་ཁྱེར་ནས་དེ་ཡང་ས་མཚམས་ནས་ཉེན་རྟོག་པས་འཕྲོག་བཅོམ་བྱས་བཞག་པ་དེ་འདྲ་འདུག གོ་ཐོས་ལྟར་ན་ཉེ་ཆར་རང་ཕ་ཡུལ་མདོ་སྨད་ཕྱོགས་ནས་ཡིན་པའི་ཨ་མ་ཞིག་གི་ལག་ནས་རྒྱ་མིའི་སྒོར་མོ་ཁྲི་གཅིག་ས་མཚམས་ནས་ཉེན་རྟོག་པས་བཅོམ་འདུག་ཟེར་པ་སོགས་ཐབས་སྐྱོ་བོའི་གནས་ཚུལ་བྱུང་དང་འབྱུང་བཞིན་པ་རེད། དེས་ན་བཙན་བྱོལ་བོད་མིའི་སྒྲིག་འཛུགས་སམ་ཡང་ན་ཚོགས་པ་སྤྱི་སྡུག་གང་རུང་གིས་འདི་ཚོའི་ཐོག་ཐུགས་འགན་བཞེས་ནས་བོད་ནས་ཕེབས་མཁན་རྣམ་པའི་དཀའ་ངལ་སེལ་བའི་ཐབས་ཤེས་རེ་ཡོད་ན་འདོན་རན་པའི་དུས་ལ་སླེབས་འདུག

རྐྱང་ཕྲུག་གི་ཟིན་བྲིས་ལས་བཤུས།

ཡིག་ནོར་ཅན་ཀྱི་ཟུར་མཆན་དག་དེ་རིང་ནས་བཟུང་དུས་བབ་ཀྱི་མདུན་ངོས་སུ་བཞག་ན་མི་ཆོག གང་ལྟར་རྩོམ་སྒྲིག་པས་ཟུར་མཆན་དག་ཐད་ཀར་གཏོང་དུ་མི་འཇུག་པས་ཞིབ་གཤེར་བྱེད་སྐབས་ཡིག་ནོར་དེ་དག་ལོས་རིག ཡིག་ནོར་དེ་དག་འགོག་རྐྱེན་ཨང་དང་པོར་བརྩིས་ནས་ཟུར་མཆན་ཡིག་ནོར་ཅན་མདུན་ངོས་སུ་མ་གཏོང་རོགས། སྐུ་མཁྱེན། འདི་ནི་ཡར་རྒྱས་ཀྱི་གོམ་པ་དང་པོ་ཆགས་སྲིད། རིམ་བཞིན་གང་ས་གང་ནས་ཡིག་ནོར་ལ་ཀླད་རྡོ་སྤྲད་ཆོག དང་པོ་མདུན་ངོས་སུ་ཡིག་ནོར་བཀག་ཚེ་ཁ་ལག་འདུག་བཟོད་མི་ཐུབ་མཁན་ཚོས་ཡིག་ནོར་ལ་དོ་སྣང་བྱེད་པ་མ་ཟད་དུས་བབ་ཇེ་གཙང་ལ་ཡོང་ངེས་རེད། དེ་དུས་རང་རང་གིས་ཅི་ཞིག་བཤད་འདོད་ན་གང་བྲིས་བ་དེར་ཞི་དག་བྱེད་དགོས་བ་ག་ལེར་ཤེས་ངེས་རེད། གཉའ་མ་མ་ཚ་བར་བུ་གང་ནས་སྐྱེས་ཐུབ། 

མི་རྒན་དྲང་སྲོང་ཞིག་གི་དཔེ་ཁང་འགྲམ་ནས།
བྱེའུ་ཁུག་རྟ་ཞིག་གིས་རྒྱ་སྐད་བརྒྱབས་ཀྱིན།
དྲང་སྲོང་ལྷ་བཟང་ཚེ་རིང་ཐུགས་དམ་དཀྲོག་ན།
བྱེའུ་རྒྱ་སྐད་མཁས་པ་རང་སྲོག་ཤོར་ཡོང་།

བོད་མིའི་སྙིང་ལ་མནར་བའི་རང་བཙན་གཙང་མ།
དྲང་སྲོང་རྒད་པོའི་སྐྲ་བཞིན་དཀར་པོ་ཆགས་ཀྱང་།
མཛངས་མ་བོད་ཀྱི་བུ་མོས་སེམས་པ་ཤོར་སར།
རང་བཙན་མགོ་དཀར་འདི་ལས་སུ་ཡང་མི་འདུག

བརྩེ་སེམས་ཡིད་ཀྱི་མིག་ཆུ་ཤོར་ཐེངས་རེ་ལ།
སྐབས་འཚོལ་རྒྱལ་ཚོང་བ་ཚོས་སྡང་མིག་རེ་རེ།
བོད་ཞེན་སྙིང་གི་ཟུགས་ཁྲག་དྲོ་ཐེངས་རེ་ལ།
བསམ་མེད་ལྟོ་འཚོལ་བ་ཚོས་ཆུ་འཁྱག་རེ་རེ།

དྲང་སྲོང་རང་དབང་རང་བཙན་གླེང་ཐེངས་རེ་ལ།
སྒེར་གཅོད་བསམ་མེད་འདི་ཚོས་འཇིགས་སྐུལ་རེ་རེ།
ལྷ་བཟང་རང་བཙན་ཐོག་ཏུ་བཤད་ཐེངས་རེ་ལ།
རྒྱ་ཁྱི་མཆུ་རིང་འདི་ཚོས་ཟུག་སྐད་རེ་རེ།

དགེ་ལྷ་བཟང་ལགས་ད་ཡིན་ན་ཅི་གྲགས། གྲང་པོ་ཤད་ན་མི་མི་དགའ།། རྒྱུགས་པ་ཁྱེར་ན་ཁྱི་མི་དགའ་ཞེས་པ་ལྟར་རེད་མི་འདུག་གམ།

རྒན་ལྷ་བཟང་ལགས་ཀྱི་སྐད་ཆ་ལ་སེམས་ཤུགས་དང་རྒྱུ་རྩལ་གྱིས་ཁྱབས་འདུག སེམས་ཤུགས་ཅན་གྱི་སྐད་ཆ་ཟེར་ན་འདི་འདྲ་དགོས། སྐད་ཆ་ཁ་ཤས་ཅུང་ཐལ་དྲག་འདུག་ན་ཡང་རང་གཞུང་དང་གཞུང་གི་དབུ་ཁྲིད་རྣམས་ལ་གཞི་མེད་སྐྱོན་བརྗོད་བྱེད་མཁན་དེ་ཚོའི་སྐད་ཆ་དང་བསྡུར་ས་གཏན་ནས་མི་འདུག ངོ་མ་སྐད་ཆ་དེས་སེམས་འགུལ་ཐེབ་སོང་ལ་ལྷག་ཏུ་ “ངས་ཐོག་མ། པུས་མོ་ས་ལ་བཙུགས་ཏེ་དཔའ་བོ་དཔའ་མོ་དེ་དག་ལ་ཕྱག་འཚལ་རྒྱུ་ཡིན།”སྐད་ཆ་འདིའི་མིག་ཆུ་དབང་མེད་དུ་གཞུར་བཅུག་སོང་།

ངས་ད་ལྟའི་བར་དུ་དངོས་ཡོད་གནས་ཚུལ་ངོ་མ་བཤད་མན་རྒན་ལྷ་བཟང་ལས་སུ་གཅིག་བཙན་བྱོལ་ནང་ནས་མཐོང་མ་སོང་།
སྐད་ཆ་ངོ་མ་ཤིག་འདི་ན་བཤད་ཀྱིན་འདུག
སྐད་ཆ་དེ་ཚོ་ལ་དད་པ་སྐྱེས་སོང་།
རྒྱལ་བ་རིན་པོ་ཆེ་ལུགས་རྫི་ཤིག་ཡིན་ན་ལུགས་ཚོ་བྱེ་ཐང་ལ་བཞགས་ནས་ལུགས་རྫི་དགོངས་པ་ཞུས་པ་རེད་ཟེར་།
སྡ་ཆ་དེ་ངའི་སེམས་ནང་དུ་ཟུག་སོང་།

ཐིག་ལགས། རང་གིས་བྲིས་བའི་བོད་ཡིག་དེའི་བཟོ་ལྟར་ལྟོས་དང་། མི་ལ་གན་བྱོས་དང་འདི་བྱོས་ཞེས་བཀའ་བཀོད་འཐེན་པའི་ཚད་རེད་དམ། ཨ། གནམ་ས།

བཀུར་འོས་རྒན་ལྷ་བཟང་ལགས། བཀྲིས་བདེ་ལེགས། དེང་སྐབས་ཁྱེད་ཀྱི་གཅིན་པ་གང་དུ་འབོ་བཞིན་ཡོད། རྒྱ་གར་གྱི་ས་ཐོག་ཏུ་མུ་མཐུད་ནས༌༌༌༌༌༌ཕོ་དང་འབོ་བཞིན་ཡོད་དམ།
ཡང་ན། གཏམ་བཤད་གསར་པ་ཞིག་གསུང་གིན་ཡོད་དམ། སྐུ་ཚེ་རིང་།

རྒན་ལྷ་བཟང་ཚེ་རིང་ལགས་ཀྱི་བོད་མི་རིགས་ལ་བཅང་བའི་དུང་ཞེན་དེ་ངོ་དགའ་འོས་པ་ཞིག་རེད།  བོད་མིའི་ཐོབ་དང་དངོས་ཡོད་གནས་སྟངས་སོགས་གང་ལ་བལྟས་ན་བདེན་པ་རེད་མ་ཟད་ལོ་རྒྱུས་ཐོག་ནས་བོད་ཀྱི་ཆབ་སྲིད་ལ་ལྟ་སྟངས་ངོ་མ་དེ་འདྲ་ཞིག་ཡིན་རྒྱུ་རེད། རྒན་པོ་ཁོང་གི་མིག་ཆུ་གཏོང་བཞིན་སེམས་ཚོར་གླེང་པ་ནི་དེ་བས་རེན་ཐང་ཆེ།  འོན་ཀྱང་བཙན་བྱོལ་བོད་མིའི་ལམ་དབུ་མའི་ཐོག་ནས་བོད་དོན་ཐག་གཅོད་གནང་གི་ཡོད་པ་འདི་ད་སྐབས་ཀྱི་བོད་མིའི་དངོས་ཡོད་གནས་སྟངས་འདིའི་ཉེན་ཕྲེང་ལ་གཟིགས་ནས་མང་གཙོས་ལམ་ནས་ཐག་གཅོད་གནང་པ་ཞིག་རེད།  དེ་དམིགས་ཡུལ་མེད་པ་དང་ཁ་ཕྱོགས་མེད་པ་ཞིག་རེད་ཟེར་ན་ཁག་པོ་རེད།  ད་སྐབས་རང་ལུས་མེ་བསྲེགས་གནང་མཁན་ཚོས་དགོངས་གཞི་དང་དམིགས་ཡུལ་ནི་༧གོང་ས་མཆོག་བོད་དུ་གདན་འདྲེན་དགོས་པ་དང་བོད་ལ་རང་དབང་དགོས་ཟེར་གྱི་ཡོད་པ་མ་ཡིན་ནམ་དེ་ནི་དབུ་མའི་ལམ་དང་འགལ་མེད་པར་མ་ཟད་གཞིས་བྱེས་གཉིས་ཀྱི་དམིགས་ཡུལ་གཅིག་ཡིན་ཟེར་ན་འང་མི་ཆོག་པ་མེད་པ་འདྲ་བོ་ཞིག་རེད། 

ཆབ་བྲག་ལགས།ཆོལ་གསུམ་རང་སྐྱོང་གཅིག་གྱུར་གྱི་དམིགས་ཡུལ་དེ་རྒྱ་ནག་དམར་པོའི་རྩ་ཁྲིམས་སྒྲོམས་གཞིའི་ནང་ནས་ཞེས་པ་དེ་མ་བརྗེད་པ་བྱེད་རོགས།།ངས་ཁྱེད་ལ་དྲི་བ་ཞིག་འདྲི།བོད་མི་དཔའ་བོ་དཔའ་མོ་ཚོས་བོད་ལ་རང་དབང་དགོས་གསུངས་ནས་སྐུ་ལུས་མེ་རུ་བསྒྲོན་བཞིན་ཡོད་རེད།བོད་གཞུང་གི་འདོད་པ་རྒྱ་ནག་གིས་རྩ་ཁྲིམས་ཀྱི་སྒྲོམ་གཞིའི་འོག་ནས་ས་གནས་མི་རིགས་རང་སྐྱོང་རེད།ངའི་དྲི་བ་གཙོ་བོ་དེ་འདི་ཡིན།འཛམ་གླིང་ལོ་རྒྱུས་ཐོག་ན་དམར་པོའི་རིང་ལུགས་ཀྱི་ལམ་ཁ་ན་མཚན་ཉིད་ལྡན་པའི་རང་དབང་ཡོད་སྲིད་པ་རེད་དམ།གལ་ཏེ་མེད་ན་གཞུང་གི་གསུང་བཞིན་དེ་མི་མང་གི་འདོད་པ་དང་འགལ་བ་མ་རེད་དམ།
མ་རྩ་ལྷག་བསམ་དང་སྙིང་སྟོབས་ཅན་གྱི་འཐབ་རྩོད་པ་འདི་དག་གི་ཁ་གཏད་དུ་མི་ལངས་བར་རྒྱ་ནག་ཕྱོགས་ལ་ཅུང་ཙམ་དགགས་ལན་རེ་འབྲི་ཨེ་ཤེས་ལྟ་རོགས།

ཁྱེད་ཀྱིས་རྒྱལ་ཁབ་དང་མི་རིགས་སུ་འདྲ་ཞིག་ཡིན་རུང་རྩ་དོན་ཞིག་བསྒྲུབ་ན། དེ་ལ་ངེས་པར་དུ་ཆ་རྐྱེན་གསུམ་ཚང་དགོས་ཟེར་བ་དེར་ངོས་ལེན་ཡོད། འོན་ཀྱང་དབུ་མའི་ལམ་ལ་དམིགས་ཡུལ་གསལ་བོ་མེད་ཟེར་བ་ཡ་མཚན་རེད། ཆོལ་གསུམ་རང་སྐྱོང་གཅིག་གྱུར་སྐོར་གྱི་ཡིག་ཆ་གཏན་འབེབས་ཁ་གསལ་ཡོད་པ་མ་གཟིགས་པ་ཡིན་ནམ།
དེ་ནས་ད་བར་ལ་གཞོན་ནུ་ཚོགས་པ་དང་འབྲེལ་ནས་རང་བཙན་ཐོག་ཕྱག་ལས་གནང་བ་རེད། ཁྱེད་ཅག་རང་ལ་དོན་ཚན་གསུམ་པོ་ཚང་ཡོད་དམ། ངས་བལྟས་ན་ད་ལྟ་ད་དུང་ཡང་འཇམ་དབྱངས་ནོར་བུ་ལགས་ཀྱིས་བོད་རང་བཙན་ཡིན་པའི་བདེན་པ་ཁུངས་སྐྱེལ་འདྲ་བོ་བྱས་ནས་བསྡད་འདུག་པ་མ་གཏོགས། ད་ལྟ་རང་བཙན་ཅི་འདྲ་ཞིག་དགོས་པ་ཚུལ་ཇི་ལྟར་ལེན་དགོས་པ་སོགས་ཁ་གསལ་ཞིབ་རྒྱས་ཤིག་མི་འདུག་ག

ལྷ་བཟང་ཚེ་རིང་གི་སྐད་ཆ་ནང་འགལ་བཤད་ཀྱིན་འདུག་ <<སྐབས་བཅུ་གསུམ་པའི་གཞོན་ནུའི་ཚོགས་ཆེན་སྟེང་ཁོང་ཟུར་ཉན་དུ་བསླེབས་ཤིང་། གདོང་ལ་སྐྱོ་ཉམས་ཤིག་མངོན་ནས་ལག་པ་གཉིས་ཐལ་མོ་སྦྱར་བའི་རྣམ་འགྱུར་དང་བཅས། ཁ་ནས་ད་ང་ཚོས་ྋགོང་ས་མཆོག་ལ་ལག་པ་གཉིས་ཀ་ཐལ་མོ་སྦྱར་ཏེ། ཐུགས་རྗེ་གཟིགས། ད་བར་ཁྱེད་ཚང་གིས་བོད་དོན་ཐོག་ཕྱག་ལས་གནང་བར་ཐུགས་རྗེ་ཆེ། དེ་རིང་ནས་བཟུང་ཁྱེད་ཀྱི་ཕྱག་ལས་མཚམས་འཇོག་གནང་རོགས་>> ཞེས་འབོད་སྐུལ་ཞུ་དགོས་རབས་བཤད་པ་རེད།་ཡང་ད་ཐེངས་དེ་ལས་ལྡོག་ཏེ ་<< ངས་༧རྒྱལ་བ་རིན་པོ་ཆེ་ལ་བསྐྱར་དུ་སྐྱབས་འཇུག་ཞུ་རྒྱུ་ལ། ད་ལྟ་ང་ཚོའི་འཐབ་རྩོད་དེ་ཤི་དང་གསོན་གྱི་མཚམས་ལ་བསླེབས་ཡོད་དུས་སྐུ་དབང་མཚམས་འཇོག་མ་གནང་རོགས། བོད་མི་མང་གིས་གྱོན་པ་བརྗེ་བོ་རྒྱག་རྒྱུ་ཡོད་པ་རེད་དེ། ཁོག་པའི་ནང་གི་སྙིང་ཇི་ལྟར་བརྗེ་བོ་རྒྱག་དགོས་པ་རེད།>> << མི་མང་པོ་ཞིག་གིས་༧རྒྱལ་བ་རིན་པོ་ཆེ་མཆོག་གིས་ཆབ་སྲིད་ཀྱི་སྐུ་དབང་མི་མང་ལ་གནང་བཞག་པ་ཡག་པོ་རེད་ཟེར་གྱི་འདུག་ཀྱང་། ངས་དེ་རྩ་བ་ཉིད་ནས་ཡག་པོ་ཞིག་ལ་མཐོང་གི་མེད། >> ཁོང་གིས་འདི་འདྲའི་སྐད་ཆ་ནང་འགལ་དང་ལྡོག་ཟླ་རྐྱང་རྐྱང་བཤད་དུས་་ཁོང་གི་སྐད་ཆ་དེ་དག་ལ་ཡིད་ཆེ་ས་ཞིག་གཏན་ནས་འགྲོ་ཀི
ད་དུང་ཁོང་ངུ་བཞིན་དུ་བཤད་ཀྱིན་འདུག་་ང་ཡིད་ཆེ་གཏན་ནས་མེད།
བཙན་བྱོལ་བོད་གཞུང་ལ་དམིགས་ཡུལ་ངེས་ཅན་ཞིག་མེད་རབས་དང་ཁ་ཕྱོགས་བརྟན་པོ་ཞིག་ཀྱང་འཛུགས་ཐུབ་ཚུལ་མེད་བཤད་ཀི་འདུག འོན་ཀྱང་སུ་ཡིད་ཆེ་ཀི་རེད། ༧་གོང་ས་མཆོག་གཙོས་བོད་གཞུང་དམངས་གཉིས་ལ་་ཁྱོད་ལྟ་བུའི་རྣམ་དཔྱོད་དང་བསམ་བློ་ཞིག་མེད་སོང་ཨེ་རེད། མི་ལོ་ལྔ་བཅུ་ལྷག་གི་རིང་ལ་༧གོང་ས་མཆོག་གཙོས་བཙན་བྱོལ་གཞུང་གི་འཛིན་སྐྱོང་བ་རྣམས་ཀྱིས་སྒྲིག་པའི་བཅའ་ཁྲིམས་དེ་དག་ཤོག་སྟོང་ངོས་ཀྱི་ཡིག་སྟོང་ཡིན་རྒྱུ་རེད། དེ་དག་དམིགས་ཡུལ་མེད་པའི་བཅའ་ཁྲིམས་དང་ཁ་ཕྱོགས་མེད་པའི་ཡིག་ཚགས་ཤིག་ཡིན་རྒྱུ་རེད།
དམིགས་ཡུལ་མེད་པའི་བཅའ་ཁྲིམས་ཤིག་ཡིན་ན་རྒྱ་གཞུང་གིས་ཅི་ལ་ཁས་ལེན་བྱེད་མ་ནུས་བ་རེད། དངོས་གནས་ཁྱོད་ཀྱིས་གནས་ལུགས་དང་ཁུངས་ལྡན་མིན་པའི་སྐད་ཆ་རྐྱང་རྐྱང་གིས་མི་མང་ལ་སླུད་བྲིད་དང་མགོ་སྐོར་གཏོང་གིས་འདུག
ངེད་སྐབས་ནི་དེ་འདྲ་ཞིག་བཤད་པའི་སྐབས་མ་རེད། ཁྱེད་ཀྱིས་ནམ་རྒྱུན་རྡོག་རྩ་གཅིག་སྒྲིལ་དགོས་རབས་ཡང་ཡང་བཤད་ཀི་འདུག འོ་ན་ཁྱེད་ལ་རྡོག་རྩ་གཅིག་སྒྲིལ་གྱི་དྲི་ཙམ་ཡང་མི་བྲོ་བ་ཅི་རེད། ལྷག་པར་ཏུ་གཞུང་དང་རྡོག་རྩ་གཅིག་ནམ་ཡང་མི་བྱེད་པ་ཅི་རེད། རྟག་ཏུ་དེའི་ཁ་སྟབས་དང་ལྡོག་ཟླ་རྐྱང་རྐྱང་ནས་ལངས་བ་ཅི་རེད། ང་ངོ་མ་ཁྱེད་ལ་ཡ་མཚར་ཀི་འདུག ཁྱེད་ལ་དམིགས་ཡུལ་དང་རྒྱབ་ལྗོངས་ཅི་ཞིག་ཡོད་པ་གསལ་བོ་ཞིག་ཤེས་ན་འདོད།

རྒན་ལྷ་བཟང་ཚེ་རིང་ལགས་ཀྱི་སེམས་ཤུགས་དང་བཀའ་སློབ་ལ་ཡིད་རང་དང་གུས་འདུས་ཞུ།།