བོད་ཀྱི་གཞོན་ནུ་ལྷན་ཚོགས་ཀྱི་ཚོགས་གཙོ་ཟུར་བ་དང་བོད་རང་བཙན་འཐབ་རྩོད་པ་རྒན་ལྷ་བཟང་ཚེ་རིང་ལགས་སུ། ཉིན་འདི་འགར་བོད་ནང་གཅིག་འཕྲོར་གཅིག་བསྟུད་ཀྱིས་རང་ལུས་མེར་བསྲེགས་གཏོང་བཞིན་པ་དག་དང་འབྲེལ་གནད་དོན་ཁག་ཅིག་གི་ཐད་བཅར་འདྲི་ཞུས་ཡོད།
དྲི་བ། སྐུ་ཉིད་ཀྱིས་དེང་སྐབས་བོད་ནང་གཅིག་རྗེས་གཉིས་མཐུད་དུ་རང་ལུས་མེར་བསྲེགས་གཏོང་གི་ཡོད་པ་དེ་དག་གི་མངོན་འདོད་དང་རེ་བ་གཙོ་བོ་གང་ཞིག་ལ་ངོས་འཛིན་གནང་གི་ཡོད།
ལན། མི་ཟེར་བ་འདི་འུ་ཐུག་ཐབས་ཟད་ཆགས་ན། ཡང་ན། གཞན་གྱི་སྲོག་ལ་བསྙབ་རྒྱུ་རེད། ཡང་ན་རང་གི་སྲོག་ལ་རྒོལ་རྒྱུ་རེད། བོད་ནང་རང་ལུས་མེར་བསྲེགས་གཏོང་མཁན་ཚོས་འགའ་རེས་༧གོང་ས་མཆོག་བོད་དུ་གདན་འདྲེན་ཞུ་དགོས་ཟེར་བ་དང་། འགའ་རེས་བོད་མིར་རང་དབང་དགོས་ཟེར་བ། ཡང་རེ་ཟུང་གིས་བོད་རང་བཙན་ཡིན་ཟེར་ནས་སྐད་རྒྱབ་པ་སོགས་ཐུག་ས་གཅིག་ལ་ཐུག་ཡོད་པ་རེད། རྒྱ་ནག་གི་གདུག་རྩུབ་འོག་སྡོད་ཐུབ་ཀྱི་མི་འདུག ང་ཚོར་རང་བཙན་དགོས་ཟེར་བ་འདི་རེད། རེ་བ་འདི་ལ་ང་ཚོ་བྱེས་བཞུགས་མི་མང་ཚོས་བདག་པོ་རྒྱག་དགོས་ཀྱི་འདུག ལྷག་པར་དུ་བཙན་བྱོལ་བོད་གཞུང་གིས་ངོས་ལེན་གནང་དགོས་ཀྱི་འདུག ཚེ་སྲོག་རྒྱལ་ཁབ་དང་མི་རིགས་ཀྱི་དོན་དུ་ཕུལ་ཟིན་པ་དག་ལ་བརྩི་བཀུར་ཞུ་དགོས་ཀྱི་འདུག
དྲི་བ། རང་ལུས་མེར་བསྲེགས་བཏང་བ་དེས་བོད་པའི་རྩ་དོན་ཐོག་འཕྲལ་ཕུགས་ཀྱི་ཕན་གནོད་གང་འདྲ་འབྱུང་བར་ངོས་འཛིན་གནང་གི་ཡོད་པ་དང་། ལས་འགུལ་གྱོ་ངོ་བོའི་ཐོག་གཟིགས་ཚུལ་གང་འདྲ་ཡོད་དམ།
ལན། རང་སྲོང་གཏོང་མཁན་རྒྱལ་གཅེས་དཔའ་བོ་དཔའ་མོ་རྣམ་པ་དང་། ཤུལ་ལུས་ནང་མི་གཉེན་འབྲེལ་སྒེར་ངོས་ནས་བཤད་ན་ཕལ་ཆེར་གྱོང་ཡིན་རྒྱུ་རེད། མི་ཚེའི་སྒྲུང་རྫོགས་ཚར་བ་རེད། འོན་ཀྱང་། རྒྱལ་ཁབ་དང་མི་རིགས་ལ་ཕན་པའི་བྱ་བ་ཞིག་ཏུ་ངོས་འཛིན་བྱེད་མིན་བོད་རྒྱ་ཆེའི་མི་མང་ལ་རག་ལས་ཡོད། མཛུབ་མོ་གཅིག་གིས་ཕར་ཕྱོགས་ལ་གཞུས་ན་གྱོང་རང་ལ་རག་གི་རེད། མཛུབ་མོ་ལྔ་འཆང་ཁུ་ཚུར་གྱིས་གཞུས་ན་གྱོང་ཕར་ཕྱོགས་ལ་སྤྲོད་ཐུབ་པ་རེད། སྤྱི་ཚོགས་ནང་ཐོབ་དང་གོ་ས་ཡོད་མཁན་རེ་ཟུང་གིས་ལས་འགུལ་དེ་འཚེ་བ་ཡིན་མིན་གྱི་སྐད་ཆ་བཤད་ཀྱི་ཡོད་པ་གོ་སོང་། ང་ཡིད་ཆད་ཀྱི་འདུག སེམས་སྐྱོ་ཡི་འདུག ལྷ་རྟེན་གཙུག་ལག་ཁང་སོགས་ལ་སྐོར་བར་འགྲོ་མཁན་ཚོས་ལམ་ན་འབུ་གསོད་ཀྱི་ཡོད་པ་རེད། དེ་ཡང་འཚེ་བ་རེད་དམ། ཁོང་ཚོའི་དམིགས་ཡུལ་ཆོས་རེད། རྒྱལ་ཁབ་དང་མི་རིགས། ཆོས་དང་རིག་གཞུང་སྲུང་སྐྱོབ་ཆེད་རང་སྲོག་བཏང་ན་འཚེ་བ་མ་རེད། འཚེ་བ་བྱེད་མཁན་ངོ་མ་དེ་ཕར་ཕྱོགས་བཙན་གནོན་བྱེད་མཁན་ཚོ་རེད། སུ་ཞིག་ལས་འགན་འདི་ལ་གཡོལ་བ་ཡིན་ན། དེ་ནི་རྩ་དོན་གྱི་ཐོག་ནས་འཚེ་བ་རེད། བྱ་བའི་ཐོག་ནས་གཡོ་སྒྱུ་རེད།
དྲི་བ། ད་ལྟའི་ཆར་བོད་དོན་འཐབ་རྩོད་ཀྱི་གནས་ཚད་དེ་གང་འདྲ་ཞིག་ཏུ་ངོས་འཛིན་གནང་གི་ཡོད་དམ།
ལན། གཞིས་བཞུགས་མི་མང་གི་ངོས་ནས་འཐབ་རྩོད་ཀྱི་གནས་ཚད་ཧ་ཅང་མཐོ་བོ་རེད། འོན་ཀྱང་ང་ཚོའི་གཞུང་གི་ངོས་ནས་འཐབ་རྩོད་རླུང་ལ་བསྐུར་བཞག་ཡོད་པ་རེད། མི་སྒེར་ཞིག་ཡིན་ན་འདྲ་ལ། མི་ཚང་གཅིག་ཡིན་ནའང་འདྲ། རྒྱལ་ཁབ་དང་མི་རིགས་སུ་འདྲ་ཞིག་ཡིན་རུང་རྩ་དོན་ཞིག་བསྒྲུབ་ན། དེ་ལ་ངེས་པར་དུ་ཆ་རྐྱེན་གསུམ་ཚང་དགོས་པ་རེད། དང་པོ། རྩ་དོན་འཐབ་རྩོད་ཀྱི་དམིགས་ཡུལ་གསལ་བོ། གཉིས་པ། དམིགས་ཡུལ་དེ་འགྲུབ་པའི་གདེང་ཚོད་ཆེན་པོ། གསུམ་པ། དམིགས་ཡུལ་ཐོག་ཐབས་ཇུས་ཡག་པོ་དགོས། ད་ལྟ་ང་ཚོའི་ལམ་དབུ་མར་བོད་རྒྱ་གཉིས་ཕན་ཟེར་བ་ཙམ་ལས་དམིགས་ཡུལ་གསལ་བོ་ཡོད་པ་མ་རེད། རྒྱ་ནག་སྟོབས་ཆེན་པོ་རེད་ཟེར་ནས་འཐབ་རྩོད་ལ་གདེང་ཚོད་ཡོད་པ་མ་རེད། ཁ་ནས་རྩ་དོན་ཟེར་བ་ལས་དོན་ལ་འཐབ་རྩོད་ཐོག་བསམ་བློ་གཏོང་མཁན་ཡོད་པ་མ་རེད།
དྲི་བ། བོད་ནང་གི་ཛ་དྲག་གནས་སྟངས་ཐོག་བཀའ་སྤྱི་གཉིས་ཀྱིས་གཞུང་འབྲེལ་ཐོག་ལས་འགུལ་སྤེལ་ཕྱོགས་ལ་འདོད་པ་ཁེངས་ཀྱི་ཡོད་དམ།
ལན། ངས་གོང་དུ་བཤད་པ་ལྟར་བཀའ་ཤག་གིས་མི་མང་གི་ཁ་གཅོད་ཐབས་ཙམ་ལས་རྩ་དོན་ཐོག་ལས་ཀ་གང་ཡང་བྱེད་ཀྱི་མེད་དུས་ང་ལ་འདོད་པ་ཁེངས་དང་མི་ཁེངས་ཀྱི་སྐད་ཆ་ལྷག་གི་ཡོད་པ་མ་རེད། ང་འདི་ལ་བློ་ཕམ་ནས་བསྡད་ཡོད། འུ་ཐུག་ནས་བསྡད་ཡོད། གཞུང་ཟེར་བ་དེ་མི་མང་གི་དབུ་འཁྲིད་རེད། དབུ་གང་དུ་འཁྲིད་དགོས་པ་རེད་ཟེར་ན་རྩ་དོན་འཐབ་རྩོད་ཐོག་འཁྲིད་དགོས་པ་རེད། ངྷ་རམ་ས་ལའི་བཙན་བྱོལ་བོད་གཞུང་འདིས་རྩ་དོན་བརྗེད་དེ་གཞུང་ངོ་མ་ཞིག་འཛིན་སྐྱོང་བྱེད་པའི་འདུ་ཤེས་འཁྱེར་གྱི་ཡོད་པ་འདྲ། དེ་ནོར་བ་རེད། ཁྱེད་ཅག་གི་རྐང་འོག་གི་ས་དང་མགོ་ཐོག་གི་ཁང་པ་གཞན་གྱི་རེད། ང་ཚོའི་མི་མང་གི་ངོས་ནས་ཀྱང་རྒྱ་ནག་དང་ཕན་ཚུན་གཉིས་མོས་ཀྱི་ཞི་མོལ་ཞིག་ཡོང་ཐབས་མེད་པ་ཧ་གོ་དགོས་ཀྱི་འདུག གལ་སྲིད་ཡོད་པའི་དབང་དུ་བྱས་ཀྱང་ང་ཚོར་སྒུག་ལོངས་མེད་པ་ཤེས་དགོས་པ་རེད། ངེད་གཉིས་ད་ལྟ་སྐད་ཆ་ཤོད་བཞིན་པའི་སྐད་ཅིག་མ་འདི་ལའང་རྒྱ་མི་སྟོང་ཕྲག་མང་པོ་བོད་ནང་འབྱོར་བཞིན་ཡོད།
དྲི་བ། བོད་ནང་གི་གནས་བབ་ལ་གཞིགས་ཏེ་བཙན་བྱོལ་སྤྱི་ཚོགས་ནང་མི་རེ་ངོ་རེས་འགན་འཁུར་དང་ལས་འགུལ་གང་འདྲ་སྤེལ་དགོས་པར་མཐོང་གི་ཡོད།
ལན། བོད་ཕྱི་ལོགས་ནས་གཞུང་འབྲེལ་མིན་པའི་ཚོགས་སྡེ་ཁག་དང་མི་མང་ཚོས་གང་ཐུབ་ཐུབ་གནང་གི་ཡོད་ཀྱང་། དེ་ལ་ཞེ་དྲག་ས་ཆོད་ཡོད་པ་མ་རེད། རྒྱལ་སྤྱིའི་སྡིངས་ཆའི་ཐོག་བསླེབ་ཐུབ་རྒྱུ་ཁག་པོ་རེད། མགོ་འཁྲིད་མཁན་དང་ལྡོག་རྩ་གཅིག་བསྒྲིལ་བཟོ་མཁན་མེད་ན། ས་སྟོང་ལུང་སྟོང་ཞིག་ཏུ་སོ་ཕག་ས་ཡ་གཅིག་བླུགས་བཞག་ན། དེས་ཁང་པ་ཡོང་གི་མ་རེད། མི་མང་པོ་ཞིག་གིས་༧རྒྱལ་བ་རིན་པོ་ཆེ་མཆོག་གིས་ཆབ་སྲིད་ཀྱི་སྐུ་དབང་མི་མང་ལ་གནང་བཞག་པ་ཡག་པོ་རེད་ཟེར་གྱི་འདུག་ཀྱང་། ངས་དེ་རྩ་བ་ཉིད་ནས་ཡག་པོ་ཞིག་ལ་མཐོང་གི་མེད། ལུག་རྫི་ཞིག་གིས་ལུག་རྣམས་རྩྭ་ཁ་ཡག་ས་ཞིག་ལ་འཁྲིད་རྒྱུ་ཡིན་ཟེར་ནས་ཡར་འདེད་མར་འདེད་བྱས་ཏེ་མཐར། རྩྭ་ཁ་ཡག་ས་མ་རག་ཐལ། ད་དབང་ཆ་ཚང་མ་ཁྱོད་ཚོར་ཡོད། ཟེར་ནས་ལུག་བྱེ་ཐང་ཞིག་ལ་བཀྲམས་ནས་ལུག་རྫི་འགྲོ་བཞག་ན། དེ་ལུག་རྫིའི་ལས་འགན་འགྲུབ་པ་རེད་དམ། དམངས་གཙོ་གལ་ཆེན་ཡིན་ཡང་དེ་རྒྱལ་ཁབ་ནང་ཁུལ་གྱི་དོན་དག་རེད། རྐང་པ་འཛུགས་སའི་ས་ཆ་མ་རག་གོང་ལ། ཁང་པའི་བཟོ་ལྟ་གང་འདྲ་བཟོ་མིན་དང་། མཚོན་མདོག་གང་འདྲ་བྱུག་མིན་ཐོག་ལ་བརྩད་བརྒྱབ་ནས་བསྡད་ན་དེ་ལ་དགོས་པ་འདུག་གམ།
དྲི་བ། བོད་ནང་རང་སྲོག་གཏོང་མཁན་མང་ཆེ་བ་གྲྭ་བཙུན་ཡིན་པ་དང་། བོད་པའི་རྩ་དོན་འཐབ་རྩོད་ཀྱང་ཆོས་རིག་ལ་ཐུག་ཡོད་སྐོར་བཤད་ཀྱི་ཡོད་དུས། བཙན་བྱོལ་ནང་གི་ཆོས་ལུགས་ཆོས་བརྒྱུད་ཁག་གི་བླ་སྤྲུལ་ཚོར་ལས་འགན་གང་འདྲ་ཡོད་པར་གཟིགས་ཀྱི་ཡོད་དམ།
ལན། བོད་ནང་ལ་ངས་བཤད་ཤེས་ཀྱི་མེད། བཙན་བྱོལ་ནང་མི་ཚང་མར་འདིའི་ཐད་བསམ་ཚུལ་ཏན་ཏན་ཡོད་པ་རེད། མི་ཁ་ཤས་ཀྱིས་དད་པ་དག་སྣང་གིས་བཤད་ཐུབ་ཀྱི་ཡོད་པ་མ་རེད། ཡང་ཁ་ཤས་ཀྱིས་སོ་སོས་ལས་འགུལ་སྤེལ་ཐུབ་དང་མ་ཐུབ་ཐོག་ནས་ཤོད་ཐུབ་ཀྱི་ཡོད་པ་མ་རེད། ང་རང་སྒེར་ལ་མཚོན་ན། སྔོན་མ་གཞོན་ནུའི་ནང་ཡོད་སྐབས་ལས་འགུལ་སྤེལ་བ་དང་མགོ་ཁྲིད་པ་སོགས་གང་ཐུབ་བྱས་ཡོད་བསམ་པ་ཞིག་ཡོད། ངས་བཤད་འདོད་པ་དེ་གང་ཡིན་ཟེར་ན། རྒྱལ་ཁབ་དང་མི་རིགས་ཀྱི་བདེ་བ་སྡུག་བསྔལ་ལས་ལྷག་པའི་ཆོས་ཞིག་བསྒྲུབ་རྒྱུ་ཡོད་ན། སྐུ་མཁྱེན། བོད་པའི་སྤྱི་ཚོགས་ནང་མ་བཞུགས་རོགས། སྤྱི་ཚོགས་ཀྱི་ཁེ་ཕན་མ་བཞེས་རོགས་ཞུ་རྒྱུ་ཡིན། རྒྱལ་ཁབ་དང་མི་རིགས་སྤངས་ཏེ་སོ་སོ་གཅིག་པུ་སངས་རྒྱས་རྒྱུ་དང་། སྐྱེ་བ་ཕྱི་མ་དང་ཕུགས་ཀྱི་དོན་དག་འདྲ་སྒྲུབ་ནས་སྡོད་མཁན་གྱི་ཆོས་པ་ཞིག་ངས་ངོས་ལེན་ཞུ་ཐུབ་ཀྱི་མི་འདུག དེ་འདྲའི་ཆོས་པ་ཞིག་ད་ལྟའི་དུས་ཚོད་འདི་ལ་བོད་མི་མང་ལའང་དགོས་མཁོ་མི་འདུག
དྲི་བ། ༧གོང་ས་མཆོག་གིས་བོད་པའི་ཆབ་སྲིད་ཀྱི་ཐུགས་འགན་མཚམས་འཇོག་གནང་རྗེས། བོད་པས་ལས་འགུལ་སྤེལ་སྟངས་དང་ངོ་བོའི་ཐོག་ཁྱད་པར་འགྲོ་སྲིད་དམ།
ལན། ༧རྒྱལ་བ་རིན་པོ་ཆེ་བོད་པའི་ཆོས་སྲིད་ཀྱི་དབུ་འཁྲིད་ཟེར་བ་འདི་ལོ་ངོ་བརྒྱ་ཕྲག་མང་པོའི་སྐད་ཆ་ཞིག་རེད། ཉི་མ་གཅིག་གཉིས་ནང་ལ་འགྱུར་བ་གཏོང་རྒྱུ་ཕར་ཞོག མི་རབས་ཁ་ཤས་ནང་དུ་ཡང་འགྱུར་བ་གཏོང་ཐུབ་མིན་ངས་བཤད་ཤེས་ཀྱི་མེད། ཤོག་བུའི་སྟེང་ལ་༧རྒྱལ་བ་རིན་པོ་ཆེའི་ཆབ་སྲིད་ཀྱི་ཐུགས་འགན་མཚམས་འཇོག་གནང་བ་ཡིན་ཞེས་བཀོད་ཡོད་ཀྱང་། བོད་མིའི་སེམས་པའི་ནང་ལ་ཆོས་སྲིད་གཉིས་ཀྱི་བླ་ན་མེད་པའི་དབུ་འཁྲིད་དེ་༧རྒྱལ་བ་རིན་པོ་ཆེ་ཁོ་ན་ཆགས་ཡོད། ངའི་ལུས་སེམས་གཉིས་ཀ་ཁ་ཁ་བྱས་ཤིང་། ཤ་ཁྲག་གཉིས་ཀ་སོ་སོར་འཐོར་ནས་འགྲོ་དུས་ཀྱང་རྣམ་ཤེས་ཀྱིས་༧རྒྱལ་བ་རིན་པོ་ཆེ་དབུ་འཁྲིད་དུ་ཉར་ནས་འགྲོ་རྒྱུ་རེད། ( སྐབས་འདིར་རྒན་ལགས་ཀྱི་བཀའ་མོལ་མཚམས་ཆད་དེ་མིག་ཆུ་ཤར་ཤར་དུ་བཞུར་བྱུང་ ) ངས་༧རྒྱལ་བ་རིན་པོ་ཆེ་ལ་བསྐྱར་དུ་སྐྱབས་འཇུག་ཞུ་རྒྱུ་ལ། ད་ལྟ་ང་ཚོའི་འཐབ་རྩོད་དེ་ཤི་དང་གསོན་གྱི་མཚམས་ལ་བསླེབས་ཡོད་དུས་སྐུ་དབང་མཚམས་འཇོག་མ་གནང་རོགས། བོད་མི་མང་གིས་གྱོན་པ་བརྗེ་བོ་རྒྱག་རྒྱུ་ཡོད་པ་རེད་དེ། ཁོག་པའི་ནང་གི་སྙིང་ཇི་ལྟར་བརྗེ་བོ་རྒྱག་དགོས་པ་རེད།
དྲི་བ། བོད་པའི་རྩ་དོན་འཐབ་རྩོད་ཀྱི་སྲིད་བྱུས་ལངས་ཕྱོགས་དེ་རིམ་གྱིས་རང་བཙན་ཐོག་བསྐྱོད་རྒྱུར་རེ་བ་མཐོང་གི་ཡོད་དམ།
ལན། ང་ནམ་རྒྱུན་རེ་བ་སྟོང་པ་རྒྱག་མཁན་ཞིག་མིན། དངོས་ཡོད་གནས་ཚུལ་ཐོག་ལ་བསམ་ཚུལ་ཡོད་དམ་ཟེར་ན་ཡོད། ཐོག་མ་ཕྱི་ལོ་ ༡༩༨༧ ཟླ་ ༦ ཚེས་ ༡༥ ཉིན་༧གོང་ས་མཆོག་གིས་དབུ་མའི་ལམ་གྱི་སྐོར་ལ་བཀའ་གནང་སྐབས་འགྲིག་གི་མི་འདུག་ཟེར་མཁན་དང་ཤོས་དེ་ང་ཡིན། སྐབས་དེར་ང་གསོད་རྒྱུ་ཡིན་ཟེར་མཁན་བྱུང་ལ། ངའི་ཕྲུ་གུར་སློབ་གྲྭ་ནས་གནོན་ཤུགས་དང་དཀའ་ངལ་སྣ་ཚོགས་འཕྲད་སོང་། ང་ད་ལྟ་ད་དུང་ཡང་འགྱུར་བ་སྤུ་ཙམ་མེད། ང་དངོས་ཡོད་གནས་ཚུལ་དང་བདེན་པ་ཁས་ལེན་བྱེད་མཁན་ཞིག་ཡིན་མ་གཏོགས། རང་གི་ཁེ་ཕན་ཐོག་ལ་བསམ་བློ་གཏོང་མཁན་ཞིག་མིན། བཙན་བྱོལ་བོད་གཞུང་གི་ལམ་ཁ་ཐོག་མ་ནས་ནོར་བསྡད་ཡོད་པ་རེད། ལམ་ཁ་ནོར་བའི་སྒང་ལ་འགྲོ་བཞིན་པའི་རླངས་འཁོར་དེའི་ཁ་ལོ་བ་ཅི་ཙམ་བརྗེ་བོ་བརྒྱབ་ཀྱང་ཕན་ཐོགས་ཡོད་པ་མ་རེད། ཨང་དང་པོ་ལམ་ཁ་བརྗེ་བོ་རྒྱག་དགོས་པ་རེད།
དྲི་བ། གལ་སྲིད་བོད་པས་རང་བཙན་བརྩད་པ་ཡིན་ན་རྒྱ་ནག་དང་འབྲེལ་ལམ་མཐུད་ཐུབ་རྒྱུ་ཁག་པོ་རེད་ལ། རྒྱལ་སྤྱིའི་རྒྱབ་སྐྱོར་ཡང་རག་གི་མ་རེད་ཟེར་མཁན་ཡོད་པའི་ཐོག་དགོངས་ཚུལ་གང་འདྲ་ཡོད་དམ།
ལན། དེ་ལྐུག་པའི་སྐད་ཆ་རེད། ཆབ་སྲིད་ཀྱི་གནས་ཚུལ་མ་མཁྱེན་པ་རེད། རྒྱལ་ཁབ་ཀྱི་ཆབ་སྲིད་ཟེར་བ་དེ་སོ་སོའི་ཁེ་ཕན་གྱི་ཐོག་ནས་སྒྲུབ་ཀྱི་ཡོད་པ་རེད་མ་གཏོགས། གཞན་གྱི་ཁེ་ཕན་ཆེད་རང་གི་ཁེ་ཕན་བློས་བཏང་བའི་ཕྱི་འབྲེལ་སྲིད་བྱུས་འཛིན་མཁན་ཞིག་ཡོད་པ་མ་རེད། ང་དགུ་ལོ་ནས་དྲུག་ཅུ་རེ་གྲངས་དང་། རེ་ལྔ་སོགས་སུ་མཉམ་འབྲེལ་རྒྱལ་ཚོགས་ནང་བོད་པར་རང་ཐག་རང་གཅོད་ཀྱི་ཐོབ་ཐང་ཡོད་པའི་གྲོས་ཆོད་བཞག་པ་དེ་རང་བཙན་རྩོད་ཀྱིན་པའི་སྐབས་སུ་བྱུང་བ་རེད། འོན་ཀྱང་སྐབས་དེར་ཨུ་རུ་སུ་སོགས་སུ་དམར་པོའི་རིང་ལུགས་ཤུགས་ཆེན་པོ་ཆགས་ཏེ། ཨ་རི་དང་ནུབ་ཕྱོགས་རྒྱལ་ཁབ་ཁག་གིས་དམར་པོའི་རིང་ལུགས་ཁ་གཏོར་གཏོང་རྒྱུར་ཤུགས་བརྒྱབ་སྟེ། ང་ཚོའི་གནས་ཚུལ་དེ་ཆུང་ཆུང་ཆགས་པ་རེད་མ་གཏོགས། ང་ཚོས་རང་བཙན་བློས་བཏང་རྗེས་ཡིག་ཐོག་ནས་དོན་དག་ཡོད་པའི་རྒྱབ་སྐྱོར་བྱེད་མཁན་རྒྱལ་ཁབ་གཅིག་ཀྱང་བྱུང་ཡོད་པ་མ་རེད། ད་ཆར་རྒྱ་ནག་སྟོབས་ཆེན་པོ་ཆགས་ཀྱི་ཡོད་དུས། རྒྱལ་ཁབ་མང་པོ་ཞིག་གི་ཁེ་ཕན་ལ་གནོད་ཀྱི་ཡོད་པ་རེད། བོད་པར་དགའ་དྲགས་པ་མ་རེད་དེ། ཁོ་ཚོའི་ཁེ་ཕན་ཆེད་ང་ཚོས་འགུལ་དཀྱོག་ཅིག་རྒྱག་ཐུབ་པ་ཡིན་ན། བོད་པར་རྒྱབ་སྐྱོར་བརྒྱ་ཆའི་བརྒྱ་ཡོང་གི་རེད། སོ་སོའི་ཕྲུ་གུ་སློབ་གྲྭར་མ་བཏང་བར། ངའི་ཕྲུ་གུ་ལ་སྦྱིན་བདག་རག་ས་མ་རེད་ལབ་ན་དེ་ལྐུག་པ་རེད།
དྲི་བ། རྒན་ལགས་ཀྱིས་བོད་ནང་གི་བོད་མི་ཚོ་དང་། ལྷག་པར་དུ་རང་སྲོག་བློས་གཏོང་བྱེད་བཞིན་པ་དག་ལ་འབོད་སྐུལ་དང་རེ་བ་གང་འདྲ་ཞུ་རྒྱུ་ཡོད།
ལན། ངས་ཐོག་མ། པུས་མོ་ས་ལ་བཙུགས་ཏེ་དཔའ་བོ་དཔའ་མོ་དེ་དག་ལ་ཕྱག་འཚལ་རྒྱུ་ཡིན། ད་ལྟའི་ཛ་དྲག་གཉན་འཕྲང་གི་དུས་ཚོད་འདི་ལ། མུ་མཐུད་དུ་ཨུ་ཐུག་ཐབས་ཟད་ཀྱི་གྲ་སྒྲིག་ཅིག་དགོས་ཀྱི་འདུག རྒན་འཁོགས་ང་ལ་མཚོན་ན་ཡང་སྔོན་མ་ནས་གྲ་སྒྲིག་ཡོད། ང་ཚོ་ཚང་མ་སྐྱིད་ན་མཉམ་སྐྱིད་དང་སྡུག་ན་མཉམ་སྡུག་བྱ་དགོས། ངའི་དཔེ་ཁང་ཐབས་ཆག་འདི་དང་དངུལ་བྱང་སོགས་སྐྱེས་དམན་གྱི་མིང་ཐོག་ན་ཡོད། འོན་ཀྱང་། ཚེ་སྲོག་གཅིག་རེ་གཅིག་རེ་ཤོར་ན་ཕན་ཐོགས་དང་མ་ཐོགས་ཟེར་བ་དེ་བཙན་བྱོལ་བོད་གཞུང་དང་བྱེས་འཁོད་ལས་ཀྱི་སྣེ་མོ་བ་ཚོར་ཐུག་ཡོད། བོད་ནང་གི་གནས་སྟངས་ཛ་དྲག་ཏུ་མཐོང་གི་ཡོད་པ་ངོ་མ་ཡིན་ན། རང་ལུས་མཆོད་འབུལ་བྱས་ཟིན་པ་ཚོར་གདུང་སེམས་མཉམ་སྐྱེད་ཡོད་པ་བདེན་པ་ཡིན་ན། དམིགས་ཡུལ་དང་འཆར་གཞི་ལྡན་པའི་འཐབ་རྩོད་ཅིག་དབུ་འཛུགས་གནང་རོགས་ཟེར་ནས་ཞུ་བ་བྱེད་བཞིན་ཡོད། གལ་སྲིད་གཞུང་གིས་འགུལ་དཀྱོག་རྒྱག་རྒྱུ་མིན་ན། མང་ཚོགས་ཀྱིས་རྒྱ་ནག་གཞུང་ཚབ་མདུན་དུ་སྐད་བརྒྱབ་པས་ཕན་ཐོགས་གང་ཡང་ཡོད་པ་མ་རེད། སྐད་འབོད་དང་པོ་ང་ཚོའི་གཞུང་གི་མདུན་ནས་རྒྱག་དགོས་པ་རེད།
གསར་འགོད་པ། དོན་འགྲུབ་བཀྲ་ཤིས།
༼ བོད་ཀྱི་དུས་བབ་ཚགས་ཤོག་ལས་འདིར་བཀོད། ༽
དྲ་གྲོགས་གནས་ཚང་དང་གཡུ་རལ་བཀྲ་རྒྱམ་རྣམ་པ་གཉིས་སྤྱིའི་གླེང་སྟེགས་འདིའི་ཐོག་ནང་འཁྲུག་བྱེད་ཀྱི་མ་འདུག
དྲ་གྲོགས་རྣམ་པ་ཚོས་རང་བློ་རང་ལ་ལྐོག་ཏུ་མ་གྱུར་བས་ཁྱེད་ཅག་རྒྱ་འོག་ཏུ་སྡོད་ཐུབ་ས་རེད་དམ། ཞེས་པའི་དྲི་བའི་ཐོག་ཐུགས་བསམ་བཞེས་ནས་གསུང་རོགས།
ལར་ནས་ཆབ་སྲིད་ཀྱི་ཁོར་ཡུག་ནང་དུ་སྐད་ཆ་འདི་འདྲ་བཤད་འོས་པ་ཞིག་མིན་ཀྱང་། ངས་ལམ་དབུ་མ་འདི་ཐབས་ལམ་ལ་བཞག་ན་འགྲིག་པ་ལས་དམིགས་ཡུལ་ལ་བཞག་ནི་མི་འགྲིག་གི་བསམ་པ་ཡིན།
གནས་ཚང་ལ་དེ་འདྲའི་བདེན་དབང་ཡོད་ན་ཡག་པོ་རེད། མི་དམངས་ཚོགས་སར་བརྡར་ཤ་བཅད་ཆོག།
གཡུ་རལ་་བཀྲ་རྒྱམ་ནི་ངའི་གྲོགས་པོ་ཡིན། དོགས་པ་མ་བྱེད་རོགས་གནང་།
བློ་མཐུན་གཡུ་རལ་བཀྲ་རྒྱམ་ཕེབས་ནས་གསུང་ལན་བསྐྱོན་བཞག ཡག་པོ་ཞེ་དྲག་རེད། གོ་ཐོས་ལྟར་ན་ཁྱོད་རང་ཡང་རྒྱ་ནག་གཞུང་ཚབ་ཁང་ལ་བཅར་ནས་བོད་གཞུང་ལ་མགོ་བསྐོར་བཏང་ཚུལ་ལབ་ཀྱིན་པ་མ་ཡིན་ནམ། དེའང་ཁྱོད་རང་གི་ལས་ཀ་ཡིན་ཤག་རེད།
གཡུ་རལ་བཀྲ་རྒྱམ་ནང་དཀྲུག་མཁན་ཞིག་ཡིན་ཀྱང་རུང་ལ་མིན་ཀྱང་རུང་གནས་ཚང་ལ་བྱུས་ཏོག་མི་འདུག། ཁྱོད་རང་མུ་མཐུད་ནས་རྒྱ་ནག་གཞུང་ཚབ་ཁང་གི་རྒྱུགས་ཁྱི་བྱོས་ཏེ་བོད་པའི་སྤྱི་ཚོགས་ནང་ཕུ་དཀྲུག་མདའ་དཀྲུག་བྱོས་དང་ཁྱོད་ཀྱི་ལས་འགན་དེ་ལོས་ཡིན།
སྐུ་ཞབས་ནད་པ་ལགས། ཚོར་བའི་དབང་དུ་མ་འགྲོ་དང་། ངས་རྒན་ལྷ་བཟང་གིས་རྐྱོན་བརྗོད་བྱས་པ་ཡག་པོ་ཞེ་དྲག་རེད་ལབ་མེད་པར། རྐྱོན་བརྗོད་བྱས་པ་ཙམ་གྱིས་དགའ་ཞེན་མེད་པ་དཔོག་མི་ཐུབ་ཅེས་ཞུས་པ་ཡིན།
སྤྱིར་ཡང་རྒྱ་དམར་གྱིས་རྐྱོན་བརྗོད་བྱས་པ་དང་རྒན་ལྷ་བཟང་གིས་རྐྱོན་བརྗོད་བྱས་པ་གཉིས་དམིགས་ཡུལ་ཀུན་སློང་གང་གི་ཆ་ནས་ཀྱང་འདྲ་དོན་མེད་པས་ཁྱེད་ཀྱིས་ཅི་ཞིག་གསུང་གི་ཡོད་དམ་ལགས།
གཏམ་དཔེ་འདྲེན་ན་ང་ལའང་ཡོད། ཤ་ཚ་བའི་གཏམ་ལ་སྙན་མོ་མེད། འདི་ཡང་གཏམ་དཔེ་ཞིག་རེད།
ཁྱེད་ཀྱི་གསུངས་པ་བཞིན་ང་ཚོས་ རང་གི་གཅེས་པའི་རྒྱལ་ཁབ་དང་། རང་གི་བརྩེའི་བའི་སྤུན་ཟླའི་མི་རིགས་ཀྱི་རང་དབང་གི་ཆེད་དུ་བློ་སེམས་གཅིག་ཏུ་བསྒྲིལ་ཏེ་ཆིག་བསྒྲིལ་གྱིས་རྒྱ་ནག་དམར་ཤོག་འདིའི་བྱེད་བབ་ལ་འཐབ་རྩོད་བྱེད་དགོས་པའི་དུས་ཚོད་གཅིག་རེད།
འོན་ཀྱང་དེ་ལྟར་ཡོང་བ་དེ་ཇི་ལྟར་བྱས་ནས་བཟོ་དགོས་སམ། དྲི་འདིའི་ལན་རྙེད་དུས་གཞི་ནས་ཁྱེད་རང་གིས་གསུངས་པ་མང་པོ་ཞིག་སྔ་ཚིག་ཕྱི་འགལ་ཡིན་པ་མཁྱེན་ཡོང་གི་རེད།
དེ་དུས་གཞི་ནས་ད་ལྟའི་ཆར་ང་ཚོས་ནང་ཁུལ་བུ་སྤུན་ཕན་ཚུན་དབར་སྐྱོན་ཆ་ཐེར་འདོན་དང་དག་ཐེར་བྱས་ཏེ་གཞུང་དང་མི་དམངས་བར་དང་། ཆོས་ལུགས་ཆོལ་ཁའི་བར་གསར་འགྱུར་དང་གཞིས་ཆགས་བར་ཕན་ཚུན་ཡིད་ཆེས་དང་བརྩེ་བ་བསྐྲུན་དགོས་པའི་དུས་ཤིག་ལ་སླེབས་ཡོད་པ་དེ་ཤེས་ཀྱི་རེད། གསན་བྱུང་བས་སྙུན་ཁམས་ཅན་ལགས།
ང་རྒྱལ་བ་རིན་པོ་ཆེ་ལ་ཡིད་ཆེས་ཡོད། ཡིད་ཡོད་ན་ཡིད་ཆེས་པའི་དད་པ་རེད་་དད་པའི་གཙོ་བོ་ཡིད་ཆེས་པའི་དད་པ་རེད། ཡིད་ཆེས་ཡོད་ཟེར་ན་་་
༡་བླ་མ་ཡག་པོ་ཡིན་པའི་ཡིད་ཆེས་ཡོད།
༢་དགེ་སློང་གཙང་མ་ཡིན་པའི་ཡིད་ཆེས་ཡོད།
༣་མི་མཁས་པ་ཡིན་པའི་ཡིད་ཆེས་ཡོད།
༤་མི་དྲང་མོ་ཡིན་པའི་ཡིད་ཆེས་ཡོད།
༥་བྱང་ཆུབ་སེམས་དཔའ་ཡིན་པའི་ཡིད་ཆེས་ཡོད།
༦་མི་སྐད་གྲགས་ཅན་ཡིན་པ་ལ་ཡིད་ཆེས་ཡོད།་ དེ་དག་ཡིད་ཆེས་ཡོད་ས་ཡིན།
སྐད་ཆ་བཤད་བཤད་པོ་ཚང་མ་ལ་ངོས་ལེན་མེད། སྔོན་མ་ཟིག་ནས་ད་ནས་ལོ་ཁ་ཤས་ནང་རང་དབང་རག་གི་ཟེར་ནས་མང་པོ་གསུང་སོང་། ལམ་དབུ་མ་ཡག་པོ་ཡོད་རབས་གསུང་སོང་་་དེ་ཚོ་ཚང་མ་ལ་ཁས་ལེན་ཐུབ་མིན་ཅི་རིགས་ཡོད་རེད།
དེ་ཚོ་ཆབ་སྲིད་པ་ཞིག་གིས་བལྟས་ཚུལ་བྱས་ན་ཁས་ལེན་ནི་མ་རེད། དག་སྣང་ཅན་ཟིག་ཡིན་ན་གནད་དོན་ཁ་ཁ་རེད།
རྒྱ་ལོ་དོན་མི་འགྲུབ་མི་དང་ཏིང་ཞོའི་ཕང་གཉིས་ཀས་ཅི་ཞིག་བཤད་ཀི་ཡོད་མི་ཤེས་མོད། ༸རྒྱལ་བ་རིན་པོ་ཆེས་རང་བཙན་བློ་གཏོང་བྱས་ནས་བཟུང་རྒྱ་ནག་ལ་ཁེ་བཟང་མང་པོ་རག་ཡོད་རེད། ཀོ་སྐབས་མང་པོ་ཐོབ་ཡོད་རེད། ད་ཁོང་ཚོས་་ང་ཚོ་ལ་ཡ་མ་བྱས་ན་ཡང་རྒྱ་ནག་ལ་ཞེད་ས་ཡོད་མ་རེད། ལམ་ཁ་ལ་བར་ཆད་ཡོད་མ་རེད།
བཙན་བྱོལ་བས་བོད་པའི་ལོ་རྒྱུས་ནག་པོ་བཟོས་ནས་རང་བཙན་མི་དགོས་རབས་བཤད་ན་གཏན་ནས་མི་ཡག་གི་་་་་་ལོ་རྒྱུས་ཐོག་ནས་ནག་པོ་བཟོས་ན་མ་འོངས་པའི་བོད་པའི་འཐད་རྩོད་ཀྱི་ལམ་ཁ་འགག་གི་རེད།
ཆོལ་ཁ་གསུམ་ཀྱི་ཐ་སྙད་དེ་ངས་བཟོས་ནི་མ་རེད། བཙན་བྱོལ་བས་བེད་སྦྱོད་བྱས་ནི་རེད། གཞུང་ཡིན་ནམ་སྒྲིགས་འཛུགས་ཡིན་ནམ་དེའི་གཞུང་འབྲེལ་ཡི་གེ་ནང་ཡོད་པའི་ཐ་སྙད་རེད་ལོ།
ད་ཨ་མདོ་དབུས་གཙང་གཉིས་ཀས་ཡང་མིན་ན་གྲ་བཙུན་བླ་སྤྲུལ། ཆབ་སྲིད་ནང་མི་དགོས་ལབ་རོགས་ཚང་མས་ཆོས་སྒྲུབ་ལབ་རོགས། སོ་སོའི་ལམ་ཁ་ལ་འགྲོ་ཆུག
ཡང་ན་གྲ་པ་སྦྱི་འཐུས་ནང་མི་དགོས་མ་ལབ་རོགས། སྐད་ཆ་མགོ་གཉིས་མ་བཤད་ཀི་མའདུག་
རོ་ལངས་ལགས། ད་ལྟའི་འཆར་ང་ཚོས་ནང་ཁུལ་བུ་སྤུན་ཕན་ཚུན་དབར་སྐྱོན་ཆ་ཐེར་བཏོན་བྱས་ཏེ་དག་འཐེར་བྱེད་དགོས་པའི་དུས་ཤིག་ལ་སླེབས་མེད།
ང་ཚོས་བྱེད་དགོས་པ་སྟེ། རང་གི་གཅེས་པའི་རྒྱལ་ཁབ་དང་། རང་གི་བརྩེའི་བའི་སྤུན་ཟླའི་མི་རིགས་ཀྱི་རང་དབང་གི་ཆེད་དུ་བློ་སེམས་གཅིག་ཏུ་བསྒྲིལ་ཏེ་ཆིག་བསྒྲིལ་གྱིས་རྒྱ་ནག་དམར་ཤོག་འདིའི་བྱེད་བབ་ལ་འཐབ་རྩོད་བྱེད་དགོས་པའི་དུས་ཚོད་གཅིག་རེད།
འདི་འདྲའི་སྐྱོན་ཆ་ལུང་པར་མི་བཤོངས་བའི་ནག་ཉེས་ཤིག་ཡོད་ན་དེ་ནི་ཕ་རོལ་དགྲ་བོའང་ང་ཚོའི་ཁ་གཏད་དུ་འགྱིངས་པའི་རྒྱ་ནག་དམར་ཤོག་འདིས་ཐེར་འདོན་བྱེད་ངེས་རེད།
ད་བར་༸ གོང་ས་མཆོག་ལ་ཆོས་གོས་གྱོན་པའི་སྤྱང་ཀི མཚམས་མཚམས་ལ་མེ་རྒྱལ་ཁ་བྲལ་དུ་གཏོང་མཁན། ཡང་མཚམས་ལ་ལར་ཏྰ་ལ་ནི་བདུད་རེད་ཅེས་སོགས་ཉེས་མེད་གཞི་འཛུགས་ཐི་ཙམ་བྱས་དང་བྱེད་བཞིན་ཡོད་པ་དེ་ཁྱེད་ཚོས་ཤེས་གསལ་རེད།
རྒྱུ་མཚན་ཅིའི་ཕྱིར་ཁོང་ཚོས་ང་ཚོའི་སྐྱོན་ཆ་བཏོན་གང་ཐུབ་བྱེད་པ་དང་། རྒྱུ་མཚན་གང་གི་ཆེད་༸ གོང་ས་མཆོག་ལ་མཚན་སྨད་བྱེད་བཞིན་པ་རེད། དགོས་པ་་གང་གི་སླད་དུ་ང་ཚོ་རྒྱལ་ཁབ་དང་། ང་ཚོའ་མི་རིགས་འདི་རྩ་མེད་དུ་གཏོང་རྩིས་བྱས་དང་བྱེད་བཞིན་པ་རེད།
དེ་འདྲ་སོང་ཙང་ང་ཚོས་བོད་རིགས་གཅིག་གི་ངོས་ནས་བཤད་ན་སོ་སོའི་ཁ་ལག་ཟ་མ་བཟའ་བའི་སྤྱི་པའི་ཁོག་མ་དེ་ཅིའི་ཕྱིར་གཏོར་བཅོམ་བྱེད་བཞིན་ཡོད། ཁ་དཔེ་ཞིག་དྲན། ཁོག་མ་ཆག་ན་སྤྱི་གྱོང་ཡིན། ཕོར་གོག་ཆག་ན་སྒེར་གྱོང་ཡིན། ཟེར་བ་དེ་མི་ཤེས་སམ།
བོད་མིའི་བལྟ་བའི་མིག་དང་། ཁོག་པའི་སྙིང་གི་ལྟ་བུ་༸ བླ་ན་མེད་པའི་གོང་ས་མཆོག་ལ་མཚན་སྨད་དེ་འདྲ་བྱེད་བཞིན་པ་དེ་དངོས་གནས་ཡ་མཚན་སྐྱེ་དགོས་པ་མ་ཡིན་ནམ།
སྐད་ཆ་དེ་འདྲ་རྒྱ་མིས་བཤད་ཡས་གཅིག་ཡིན་པ་ལས་བོད་རིགས་གཅིག་གིས་བཤད་ཡས་ཤིག་ཨེ་ཡིན་བསམས།
མདའ་ཧོར་པོས་བརྒྱག་ཡས་དེ་ཧོར་མོས་དང་། །གཏམ་ཨ་ཕས་བཤད་ཡས་དེ་ཨ་མས་བཤད་ན་ཕལ་ཆེར་ཏག་ཏག་གཅིག་བསྡད་ཀྱི་མེད་པ་འདྲ། དེ་ཡང་དཔེ་མཚོན་ཞིག་ཡིན།
ཁྱུང་ཆེན་ལགས། དབྱིན་སྐད་ཀྱི་དེ་ལས་རང་ཅག་གི་ཆུ་ཤིང་བསྟན་བཅོས་ནང་ལ་སོང་དང་དཔེ་འདྲ་བོ་མང་འདྲེན་རྒྱུ་ཡོད་པ་རེད་འདོད།
ངས་ལྟས་ན་ ༼ Half-knowledge is extremely dangerous༽ཞེས་པའི་ཨིན་སྐད་ཀྱི་སྡོམ་ཚིག་འདིའི་ནང་ལྷ་བཟང་དང་འཇམ་ནོར་སོགས་ཚུད་འདུག ཤེས་ཡོན་པ་ཕྱེད་ཀ་ཅན་འདི་རིགས་ཀྱིས་ནམ་ཡང་ལས་ཀ་ཡག་པོ་ཞིག་མི་བྱེད། ང་ཚོ་ལས་སྤྱི་ཚོགས་ཆེ་བ་དག་གི་ནང་དུ་ཡང་ཤེས་ཡོན་པ་ཕྱེད་ཀ་ཅན་ཚོས་ཆབ་དཔལ་རིག་གསུམ་གྱི་ཐོག་ལ་དཀའ་ངལ་མང་པོ་སྤྲད་དང་སྤྲོད་བཞིན་ཡོད། རང་ཅག་ཁ་བ་གངས་ཅན་པའི་གཉན་འཕྲང་གི་དུས་ཚོད་འདི་ལྟ་བུའི་ནང་། ཤེས་ཡོན་པ་ཕྱེད་ཀ་ཅན་འདིའི་རིགས་ཀྱིས་ཆབ་དཔལ་རིག་གསུམ་སོགས་ཡར་རྒྱས་ཅན་དག་གི་རྗེས་སྙེག་ཐུབ་པའི་དགེ་མཚན་ལ་ཕན་ཐོགས་པ་ལས་མུ་གེའི་ཐོག་ལ་ཟླ་ལྷག་གི་དཔེ་ལྟར་སྡུག་བསྔལ་མྱོང་འཇུག་གི་འདུག འཛམ་གླིང་སྤྱིའི་འགྱུར་འགྲོས་དང་བོད་མིའི་ཁ་ཚ་དགོས་གཏུགས་ཀྱི་དགོས་མཁོ་སོགས་ལ་དཔྱོད་པའི་བློ་མིག་དང་། དེ་ལ་ཕན་ཐོགས་ཡོད་པའི་ཤེས་རབ་ཀྱིས་མི་འདང་བ་དེ་ནི། ཤེས་ཡོན་པ་ཕྱེད་ཀ་ཅན་ཚོའི་སྣང་གནས་རེད། ཤེས་ཡོན་པ་ཕྱེད་ཀ་ཅན་ཚོས་སྤྱི་ཚོགས་ཕུགས་དཀྲུགས་འདབས་དཀྲུགས་བྱེད་ཐུབ་པ་དང་། སྤྱི་ཚོགས་ལ་མི་མཁོ་བ། སྤྱི་ཚོགས་ཀྱི་ལྡོག་ཕྱོགས་ཡིན་པ་བཅས་ཀྱི་ཆ་ནས་ཤེས་ཡོན་པ་ཕྱེད་ཀ་ཅན་ནི་མཁས་པ་ཚོས་ཆེས་ཉེན་ཁ་ཅན་ཞིག་ཏུ་ངོས་འཛིན་བྱས་པ་རེད།
ནད་པ་ནི་ནད་རང་ཡིན་པ་འདྲ།
༼ སོ་སོའི་རྒྱལ་ཁབ་དང་། སོ་སོའི་མི་རིགས། སོ་སོའི་རིག་གཞུང་། སོ་སོའི་ཕ་སྐད་སོགས་ལ་དགའ་ཞེན་མེད་པར་ད་དུང་དེར་སྐྱོན་དང་ཆ་དང་ནོར་ནོར་འཁྲུལ་ལུང་པར་མི་བཤོངས་བ་སྤུངས་ནས་ཐ་ཚིག་བསྒྲགས་ན་དེ་ནི་ངས་ཆེས་བླུན་ལྐུགས་གཅིག་ལ་ངོས་འཛིན་བྱེད་བཞིན་ཡོད།༽འདི་ལྟར་མ་ཟེར། དགའ་ཞེན་མེད་ན་ཁེ་ཕན་གཞན་ཏིལ་འབྲུ་ཙམ་མེད་ས་ནས་ཅི་ལ་འདི་ལྟར་སྨྲ། བསམ་བློ་ཐོངས་ཤིག
རེད་དེ་ཕ་མ་རྒས་འཁོག་འགའ་རེ་བུ་རྒྱུད་ལ་སེམས་ཚིག་ཆེ་དྲག་པས་ཐལ་ཆ་ཤོར་བ་བཞིན་ཐལ་ཆ་རྩ་བ་ནས་ཡོད་པ་མ་རེད་ཅེས་ཞུ་གི་མེད་དེ། རྐྱོན་ཆ་སྔོགས་འདོན་བྱས་པས་དགའ་ཞེན་མེད་པའི་ཁྱབ་པ་དེ་ནམ་ཡང་མེད་དོ་ཅེས་སྒྲོག་ཀྱི་ཡིན།།
སྤྱི་ལོ་ ༡༩༢༡ ནས་༡༩༤༩ ལོ་བར་རྒྱ་ནག་དམར་ཤོག་ཚོགས་པ་འདི་གསར་འཛུགས་དང་། འཕེལ་རྒྱས། བརྟན་ལྷིང་བཅས་ཀྱི་ཐད་ལག་ཆེའི་ཐབས་ཇུས་དང་བྱེད་ནུས་ཧ་ཅང་ཆེན་པོ་བཞག་མཁན་གྱི་མའོ་ཙེ་ཏུང་ལ་སྐབས་དེར་རྒྱ་ནག་མི་དམངས་ཁྲོད་རླབས་ཆེན་གཙོ་འཛིན་མའོ་ཀྲུའུ་ཞི་ཞེས་འབོད་ཀྱིན་པ་རེད།
ད་དུང་མའོ་ཙེ་ཏུང་ཝོང་སད། ཝོང་སད་། ཞེས་ཁྲི་ལོར་བརྟན་པར་ཤོག་ཅེས་འབོད་ཚིག་བསྒྲགས་ཀྱིན་པ་རེད། སྐབས་དེའི་རྒྱ་ནག་མི་དམངས་ཀྱི་མའོ་ལ་ཆེ་མཐོང་དང་སྨོན་ཇི་ལྟར་བཞུས་པ་ལྟར་ང་ཚོས་ཀྱང་རང་གི་མི་རིགས་དང་། རང་གི་རྒྱལ་ཁབ། རང་གི་དབུ་འཁྲིད་ལ་སྙིང་ཁོངས་ནས་ཤ་ཚ་ཚ་དང་ལ་རྒྱ་ཞིག་ཡོད་ན་ཚང་མས་རླབས་ཆེན་༸ གོང་ས་མཆོག་ཁྲི་ལོར་བརྟན་པར་ཤོག་ཅེས་འབོད་ཚིག་སྒྲོག་དགོས།
འདིར་ངས་༸ གོང་ས་མཆོག་སྐུ་ཚེ་ཁྲི་ལོར་བརྟན་པར་ཤོག་ཅེས་ཐ་གཅིག་ཏུ་༸ གོང་ས་མཆོག་གཅིག་པུར་མངོན་སྟོད་བྱེད་ཀྱིན་མེད། གང་ཡིན་ཟེར་ན་ང་ཚོས་ད་ལྟའི་སྲིད་སྐྱོང་བློ་བཟང་སེང་གེ་ཁྲི་ལོར་བརྟན་པར་ཤོག ཅེས་འབོད་ཚིག་བསྒྲག་ནའང་འགྲིག་པ་ཞིག་རེད།
སོ་སོའི་རྒྱལ་ཁབ་དང་། སོ་སོའི་མི་རིགས། སོ་སོའི་རིག་གཞུང་། སོ་སོའི་ཕ་སྐད་སོགས་ལ་དགའ་ཞེན་མེད་པར་ད་དུང་དེར་སྐྱོན་དང་ཆ་དང་ནོར་ནོར་འཁྲུལ་ལུང་པར་མི་བཤོངས་བ་སྤུངས་ནས་ཐ་ཚིག་བསྒྲགས་ན་དེ་ནི་ངས་ཆེས་བླུན་ལྐུགས་གཅིག་ལ་ངོས་འཛིན་བྱེད་བཞིན་ཡོད།
རྡོ་ཡར་བཀྱག་ནས་ཕ་རོལ་པོའི་དགྲ་བོར་བཞུ་མ་ཐུབ་ཀྱང་རྡོ་ཡར་བཀྱག་ནས་སོ་སོའི་རྐང་པའི་སྟེང་དུ་བཞུས་ན་དེ་ལས་ཆེས་རྨོངས་པ་དང་དེ་ལས་ཆེས་ལྐུག་པ་ཞིག་ག་ནས་ཡོད།
༧གོང་ས་མཆོག་གིས་ལྷ་བཟང་ཚེ་རིང་ལགས་ལ་དམིགས་བསལ་གྱིས་ཐུགས་བརྩེ་བ་གནང་་གི་འདུག ལྷ་བཟང་ཚེ་རིང་གི་མིང་ཡང་༧གོང་ས་མཆོག་གིས་མཁྱེན་གི་འདུག རང་བཙན་དང་དབུ་མའི་ལམ་གྱི་ཕྱོགས་ལ་ཁོང་རྣམ་པ་གཉིས་ཀས་བཀའ་མོལ་ཡང་གནང་འདུག མཐའ་དོན་དེར་ལྷ་བཟང་ཚེ་རིང་གིས་༧གོང་ས་མཆོག་ལ་སྐྱབས་སུ་མཆིའོ། དེ་དེ་བཞིན་ནོ་ཞེས་པའི་ལན་ཡང་ཕུལ་འདུག རེད་དེ།་ཆབ་སྲིད་ཀྱི་གནས་སྟངས་དེ་དད་པ་དམ་ཚིག་ཇི་བཞིན་འདུག་གི་མ་རེད། འགྱུར་བའི་རང་བཞིན་དང་། རྩུབ་པའི་རང་བཞིན་ཞིག་རེད། དེ་དུས་ལྷ་བཟང་ཚེ་རིང་ལགས་ཀྱིས་བསྐྱར་དུ་བསམ་བློ་བཏང་ན་ཡང་དེ་ལ་སྐྱོན་དང་ཉེས་པ་ཡོད་པ་ཞིག་ལ་བརྩི་ཐུབ་གི་མི་འདུག
(གོང་གསལ་གྱི་སྐད་ཆ་འདི་བོད་པའི་གསར་འགོད་པ་ཕལ་ཆེ་བས་ཤེས་གི་རེད། གོ་ཡོད་པ་རེད།)
ད་རེས་མི་ཞིག་གིས་རྒྱལ་ལོ་དོན་གྲུབ་གླེང་འདུག དེ་ཡག་པོ་ཞེ་དྲག་རེད། བཙན་བྱོལ་ནང་དུ་རྒྱལ་ལོ་དོན་གྲུབ་སྐོར་ལ་བཤད་སྟངས་མང་བོ་ཞེ་དྲག་ཡོད་པ་རེད། དེའི་ཁྲོད་ནས་གལ་ཆེན་གཅིག་ནི་སྔར་ཏིང་ཞོ་ཕང་གིས་རྒྱལ་ལོ་དོན་གྲུབ་ལ་རང་བཙན་མ་ཐེ་བའི་གཞན་བཤད་ཆོག་པའི་སྐད་ཆ་དེ་བཤད་ཡོད་མེད་དང་བཤད་ཡོད་ཀྱང་ཞོར་དུ་ག་རེ་གནང་ཡོད་མེད་དེ་རེད། མི་རྒན་ད་ལྟ་ཡོད་ཐོག་ལ་དོན་དག་འདི་གསལ་བོ་བཟོས་ན་ཡག་པོ་རེད། ཤེས་མཁན་ཡོད་ན་བཤད་རན་རེད།
རྒན་ལྷ་བཟང་ལགས་ལ་བོད་དོན་ལ་སེམས་ཤུགས་མེད་པ་དང་ཤ་ཚ་མེད་པ་གཏན་ནས་མ་རེད། ཡིན་ན་ཡང་། ཁོང་རང་གིས་ནམ་རྒྱུན་
ནས་རང་གཞུང་དང་རང་གཞུང་གི་མགོ་ཁྲིད་དག་ལ་གུས་བརྩི་དང་མཐོང་ཆེན་ཁྱོན་ནས་བྱེད་ཀྱིན་མི་འདུག ངོ་མ་བཤད་ན་བོད་མི་སུ་
ཡིན་ན་ཡང་རང་གི་གཞུང་དང་རང་གི་མགོ་ཁྲིད་རྣམ་པར་བརྩི་འཇོག་ཅུང་ཡོད་ན་ཡག་པོ་རེད། གལ་སྲིད་ཁྱོེད་ཀྱིས་བརྩི་
འཇོག་དང་མཐོང་ཆེན་མི་བྱེད་ན་ཡང་། རྟག་ཏུ་རང་གཞུང་ལ་སྐྱོན་བརྗོད་དང་ཉེས་འཛུགས་རྐྱང་རྐྱང་བྱས་བ་ཡིན་ན་མི་དམངས་
ལ་བག་ཆགས་དང་ཤུགས་རྐྱེན་ངན་པ་འཇོག་གི་རེད། དེར་བརྟེན་རང་གཞུང་དང་མགོ་ཁྲིད་རྣམ་པར་མ་འགྲིགས་ས་དང་མ་འཇོན་ས་ཡོད་ན་ཁྱེད་ཀྱིས་གསལ་བཤད་དང་འབྲེལ་ནས་རེམ་འདེགས་བྱེད་བྱེད་ན་འོས་འཚམས་པ་ཞིག་མ་རེད་དམ། དེ་ལས་ལྡོག་ཏེ་རྟག་ཏུ་སྐྱོན་བརྗོད་དང་ཉེས་འཛུགས་རྐྱང་རྐྱང་བྱས་ཏེ་མི་མང་གི་གཞུང་མགོ་སྟེང་ལོག་བཅུགས་ན་ཁྱེད་ལའང་དགོས་མཚན་ཞིག་ཡོད་རྒྱུ་མ་རེད། ངོ་མ་བཤད་ན་ཁྱེད་ལ་དམིགས་ཡུལ་ཅི་ཞིག་ཡོད་བ་ཤེས་ཀྱིན་མི་འདུག དམིགས་ཡུལ་ངན་པ་ཞིག་ཡོད་པའི་དོགས་པ་ཡོད། ནམ་རྒྱུན་ནས་༧་གོང་ས་མཆོག་དང་རང་གཞུང་གི་ལྡོག་ཕྱོགས་ནས་ལངས་བསྡད་ཀི འདི་ལ་ལྟོས་ན་ཁྱེད་ངོ་མ་ཡ་མཚན་ཞིག་རེད།དོགས་པ་མི་ཡོང་རང་ཡང་རེད།ལྷག་པར་ཏུ་ཁྱེད་ཀྱིས་ནམ་རྒྱུན་ནས་༧གོང་ས་མཆོག་ལ་ངན་ཁག་དཀྲིགས་ཀྱིན་འདུག ད་ཐེངས་ཡང་ཁྱེད་ཀྱིས་༧གོང་ས་མཆོག་ལ་ནམ་སར་མི་གཤོང་བའི་ངན་ཁག་ཞིག་དཀྲིགས་འདུག ༧་གོང་ས་མཆོག་གིས་སྲིད་འགན་འཁུར་བའི་སྐབས་སུ་ཁྱེད་ཀྱིས་འོས་འགན་དེ་མི་དམངས་ལ་བརྩི་སྤྲོད་དགོས་རབས་བཤད་དེ་མི་དམངས་ལ་འུར་སྒྲོགས་སློང་གི་འདུག ད་ཐེངས་༧་གོང་ས་མཆོག་གིས་ཆབ་སྲིད་ཀྱི་འོས་འགན་དེ་བརྩི་སྤྲད་ཚར་རྗེས་ཡང་ཁྱེད་ཀྱི་ཆབ་སྲིད་ཀྱི་འོས་འགན་བརྩི་སྤྲོད་མི་ཉན་ཚུལ་བཤད་དེ་ངན་ཁག་དཀྲིག་གི་འདུག འདི་ལྟར་༧་གོང་ས་མཆོག་ལུག་རྫི་དང་བོད་མི་རྣམས་ལུག་ལ་དཔེ་ལངས་ནས་ལུག་རྫིས་ལུག་རྣམས་རྩ་བཟང་ས་དང་ཡག་ས་ཞིག་ལ་ཁྲིད་རྒྱུ་ཡིན་ཟེར་ན་ཡར་འདེད་མར་འདེད་བྱས་བྱས་ནས་མཐར་རྩ་བཟང་ས་དང་ཡག་ས་ཞིག་མ་རེག་ཐལ་ཟེར་ནས་ལུག་ཚང་མ་བྱེ་ཐང་ལ་བཀྲམས་ཏེ་ལུག་རྫི་འགྲོ་སོང་ན་ལུག་རྫིའི་ལས་འགན་མ་འགྲུབ་ཚུལ་བཤད་དེ་༧་གོང་ས་མཆོག་ལ་ངན་ཁག་དཀྲིག་གི་འདུག རྒན་པོ་ཧོན་ལོག་ཁྱོས་ཤེས་རྒྱུ་ཞིག་ལ་༧གོང་ས་མཆོག་གིས་བོད་མི་རྣམས་བྱེ་ཐང་ལ་བཀྲམས་མེད་པར་རྩ་ཐང་དུ་འཚོས་ཡོད་བ་ཁྱེད་ཀྱིས་ཤེས་དགོས་པ་རེད། ཁྱོད་ལྟ་བུའི་མི་རེ་ཟུང་གིས་༧གོང་ས་མཆོག་གི་རྩ་ཐང་ནས་རྩ་ཟ་ཀི་ཟ་ཀི་ལ་ཡང་བྱེ་ཐང་ནས་ཡོད་པའི་སྣང་བ་ཞིག་མ་གཏོགས་འཆར་ཀྱིན་མེད་པ་རེད། དེ་ནི་བཟང་བྱས་ན་ངན་དང་ཇ་ལུད་ན་གཅིན་ཟེར་བའི་དཔེ་ལྟར་དྲིན་ཆེན་ལ་དྲིན་ལོག་བྱས་བ་རེད། པཎ་ཆེན་རིན་པོ་ཆེ་ཡང་ཁྱེད་ད་ལྟ་བའི་མི་སྐོར་ཞིག་གིས་ཚོང་བ་རྒྱགས་པ་ཞེས་སོགས་ཀྱི་ངན་ཁག་དཀྲིག་ཏེ་ཁོང་གི་མི་རིགས་འདི་ལ་བཅིངས་བའི་བརྩེ་སེམས་དང་ལ་རྒྱ་ཕུགགས་སེམས་སོགས་རྐང་ལོག་ཏུ་བརྫིས་ཏེ་འཆི་ལམ་དུ་བརྫངས་བ་རེད། ༧་གོང་ས་མཆོག་ལ་ཡང་དེ་ལྟར་མི་བྱེད་པའི་ངེས་པ་མི་འདུག དེ་བས་༧་གོང་ས་མཆོག་གིས་ཀྱང་རྒྱུན་ཏུ་ནས་ཁོང་རང་ཉིད་ཕྱི་ཕྱོགས་ཀྱི་དགྲ་མི་སོགས་ལ་ཞེ་སྣང་དང་འཇིགས་སྐྲག་མི་འདུག་ལ་ཞེ་ས་དང་སྐྲག་ས་དེ་རང་ཉིད་ཀྱི་ནང་གི་མི་ཁག་ཅིག་ལ་སྐྲག་གི་འདུག་གསུངས་བ་ཡང་དགོས་པ་དང་རྒྱུ་མཚན་ཡོད་བ་རེད། དེར་བརྟེན་ཁྱོད་དང་ཁྱོད་སོགས་དམིགས་ཡུལ་དང་ཕུགས་སེམས་བཟང་ངན་ཅི་ཞིག་ཡོད་མེད་གསལ་བོ་མི་འདུག་པས་དོགས་པ་ཞིག་རང་བཞིན་གྱི་ཡོང་གི་འདུག
གསར་འགོད་པའི་བཅར་འདྲིའི་ལན་དུ་རྒན་ལྷ་བཟང་ཚེ་རིང་ལགས་ནས་ཆབ་སྲིད་རང་བཞིན་གྱི་གནད་འགག་ཅིག་དྲང་གསུང་གནང་བར་སྙིང་ནས་གུས་འདུད་ཞུ། དྲང་ལམ་ཙི་ཙིའི་རྒྱུ་ལམ་ལས་དོག་པའི་བཙན་བྱོལ་བའི་དཀྱིལ་འཁོར་དུ། འདི་ལྟར་ཟོལ་མེད་ཀྱི་སྐད་ཆ་བཤད་པ་ནི་ཉེན་ཁ་ཞིག་ཡིན་དུས་དེ་ཚོད་ཀྱི་བློས་བཏང་ཞིག་ཀྱང་བྱས་ལོས་ཡོད། རྩ་བའི་གནད་འགག་དབུ་མའི་ལམ་གྱི་སྲིད་ཇུས་ལ་དམིགས་ཡུལ་ཙམ་ཞིག་ཡོད་དུ་སྲིད་ཀྱང་། ཐབས་ལམ་གང་ཞིག་ལ་བརྟེན་ནས་དམིགས་ཡུལ་དེ་འགྲུབ་པའི་གདེང་ཚོད་ནི་ད་ལྟའི་ཆར་སུ་ལའང་མེད་པ་རེད། འོན་ཀྱང་སྤྲེལ་ལད་ངོ་དགའ་དང་གཞན་ཟེར་རྗེས་བརྗོད་ཙམ་ལས་ཕུགས་ཀྱི་ཁེ་ཕན་ཕྱོགས་ལ་བསམ་བློ་འཇུག་པར་མི་ནུས་པའི་སྐབས་འཚོལ་བ་ཁག་ཅིག་གི་ལྟོ་གོས་ཀྱི་མ་རྩ་ལྟ་བུའི་སྲིད་ཇུས་འདི་གཅེས་སྤྲས་ཀྱིས་སྦིར་བསྒྲགས་ལ་མགོ་འཁོར་བ་ནི་བཙན་བྱོལ་བའི་སྤྱི་ཚོགས་སུ་མང་བ་ལས་གཞིས་སུ་ཉུང་བ་མངོན། དེས་ན་ད་རེས་རྒན་ལྷ་བཟང་ཚེ་རིང་ལགས་ཀྱི་བཀའ་ལན་དེ་མཐོང་ཐོས་ཡོད་པའི་བོད་མི་མི་ཉུང་བ་ཞིག་ལ་གོ་རྒྱ་གསར་པ་རེ་ཕྱེ་ཡོད་པའི་ཡིད་ཆེས་ཀྱང་མི་དམན་ཙམ་རྙེད་སོང་། ཤར་ཁུག་དང་ལྷ་མོ་སྐྱབས་ད་དུང་དབུ་མའི་ལས་འགུལ་ཁང་གི་མི་ཚོས་བཤད་པའི་དབུ་མའི་ལམ་གྱི་སྲིད་བྱུས་ནི་རང་ཁ་གསོ་བའི་ཐབས་ལམ་ཙམ་ལས། མི་རིགས་ཤིག་གི་རྩ་དོན་དང་ཆབ་སྲིད་རང་བཞིན་གྱི་འཐབ་རྩོད་ཅིག་གཏན་ནས་མ་རེད་པས་ཁོང་ཚོས་བཤད་པའི་དབུ་མའི་ལམ་དང་། ༧གོང་ས་མཆོག་གི་གསུང་པའི་དབུ་མའི་ལམ་གཉིས་ལ་ཆ་མཐུན་ཁྱད་འཕགས་རེ་བརྩི་རྒྱུ་ཡོད་པ་ཤེས་ཕན་མགོ་སྙོག་ད་སྔ་དང་འདྲ་བར་མི་འབྱུང་བའང་སྨོས་མེད་རེད། སྐབས་སྔ་མའི་བཀའ་ཤག་ནང་ལ་དབུ་མའི་ལམ་ལ་ཡིད་ཆེས་གཏན་ནས་མེད་ཀྱང་ཁ་ཡིས་བདེན་ཁ་དབུ་མའི་ལམ་ལ་སྟེར་མཁན། དབུ་མའི་ལམ་གྱི་སྲིད་བྱུས་ལ་གོ་བ་རང་རྐྱ་ཕེར་བ་མེད་ཀྱང་དབུ་མའི་ལམ་གྱི་དགོངས་དོན་འགྲུབ་པར་ཐག་མི་རིང་ཚུལ་སྤོམ་བཤད་གནང་མཁན་གྱི་སྤྱི་འཐུས་སོགས་འདྲ་མིན་སྣ་ཚོགས་ཤིག་འབྱུང་བ་འདིའང་ཕུགས་དེད་ན་རང་རྩ་ལ་ཐུག་པ་ལས་ཅི་ཡང་མ་རེད། དེར་བརྟེན་རྒན་ལྷ་བཟང་ལགས་ཀྱི་གསུང་དེ་གནས་ལུགས་ཁོ་ན་ལས་ཅི་ཡང་མ་རེད་ཞུ་རྒྱུ་ཡིན།
སྲ་ཆ་ཁ་ཤས་གོང་ལ་ཁ་བརྡར་སྤེལ་ཟིན་པ་འདིར་བཀོད་པ།
ཡང་འདི་རིང་། དུས་བབ་ནང་ལ་འཛུལ་དུས་གསང་ཚིག་ནོར་བའི་དབང་གིས་ང་ཀརྨ་རྡོ་རྗེ་འཛུལ་ས་མི་འདུག ཡང་Karmadorjee ཟེར་བ་འདི་ཡང་ང་མིན་ལགས། གནས་སྐབས་ཁ་བརྡ་དང་དུས་བབ་གཉིས་ཀར་མཆན་བུ་འབྲི་འཚམས་བཞག་དགོས་བྱུང་སོང་བས་དམ་ཚིག་ལྡན་པའི་དྲ་གྲོགས་ཆེད་དུའོ། ཚང་མར་ཐུགས་རྗེ་ཆེ་དང་། བཀྲ་ཤིས་བདེ་ལེགས་ཡོད། དགེའོ། །
karmadorjee
༢༠༡༡/༡༡/༢༥ ཉིན་འདོན་སྤེལ་བྱས། བཀྲ་ཤིས་མིང་ཅན་ལགས། ཨ་མོད་དང་དབུས་པ། ཁམས་པ་ཞེས་མིང་ལོགས་སུ་བཟུང་ཏེ་སྐད་ཆ་མ་བཤད། སངས་རྒྱས་བསྟན་པ་གཅིག་རེད་ལ། ཁ་བ་གངས་ལྗོངས་ཡང་གཅིག་རེད། རྒྱ་ནག་རྒྱལ་ཁབ་ཀྱང་གཅིག་རེད། ་་་་་་་་་་་་་་་་་་་་་་་་་་
བཀྲ་ཤིས་མིང་ཅན་ལགས། ཨ་མོད་དང་དབུས་པ། ཁམས་པ་ཞེས་མིང་ལོགས་སུ་བཟུང་ཏེ་སྐད་ཆ་མ་བཤད། སངས་རྒྱས་བསྟན་པ་གཅིག་རེད་ལ། ཁ་བ་གངས་ལྗོངས་ཡང་གཅིག་རེད། རྒྱ་ནག་རྒྱལ་ཁབ་ཀྱང་གཅིག་རེད། བོད་པའི་རྩ་དོན་ཡང་གཅིག་རེད། རྒྱའི་འོག་ཏུ་དཀའ་སྡུག་མྱོང་མཁན་བོད་པ་ཡང་ཆོལ་ཁ་གསུམ་གྱི་མི་དམངས་རེད་ལ། ལོ་ངོ་ལྔ་བཅུའི་རིང་མིའི་ལོང་པར་འཁྱིམ་ཉུལ་གྱིས་སྤྲང་བོ་དང་གཡོག་པའི་འཚོ་བ་སྐྱེལ་མཁན་ཡང་བོད་ཆོལ་ཁ་གསུམ་གྱི་མི་དམངས་རེད། འཛམ་གླིང་ཐོག་བོད་དོན་ཟེར་ནས་ཅིག་གླེང་གི་ཡོད་པ་དེ་ཡང་བོད་ཆོལ་ཁ་གསུམ་གྱི་བདེ་སྡུག་རེད། བཙན་བྱོལ་གཞུང་དམངས་གཉིས་ཀྱིས་ད་བར་ངྷ་རམ་ས་ལ་ནས་མེར་འཚིག་མེར་གཏུག་གི་འཚོ་བ་སྐྱེལ་བཞིན་ཡོད་པ་འདི་ཡང་ཆོལ་ཁ་གསུམ་གྱི་ཆེད་རེད། མགོ་བཀའ་བློན་ཁྲི་པ་ནས་འོག་སྲིང་ལམ་གྱི་པག་ལེབ་བཙོང་མཁན་ཡང་ཆོལ་ཁ་གསུམ་གྱི་མི་རེད། ད་བར་སྐྱིད་ཉལ་བརྒྱབ་སྟེ། ཆོས་ཚོགས་བཙུགས་རབས་དང་སྦྱན་བདག་མང་རབས། ལྷ་མཆོད་རབས་དང་འདྲེ་འདུལ་རབས། ཕྱི་མ་གལ་ཆེ་རབས་དང་ཚེ་འདུ་གལ་ཆུང་རབས་བཤད་དེ་སྐྱིད་ཉལ་རྒྱག་མཁན་དག་སུ་རེད།
ལྷ་བཟང་ལགས་ཀྱི་གང་གསུང་བདེན་པ་རེད། ལམ་དབུའི་མའི་སྲིད་བྱུས་ཟེར་བ་རྒྱ་རྒན་ཁ་ཤས་དང་རྒྱ་ལོ་དོན་འགྲུབ་ཀྱིས་རྙེད་པའི་གཏམ་ངན་སྙིང་པོ་མེད་ཞྀག་རེད་ལ། མགོ་གཡོག་སྐོར་སྐོར་་རང་རེད་། དེ་ལ་སྒུགས་ནས་སྡོད་ཀྱི་ཡོད་མ་རེད།
དེང་སང་ཨ་མདོ་བ་ཁག་གཅིག་དང་དབུས་གཙང་གི་མི་མགོ་བདེ་དེ་ཚོས་སྐད་ཆ་ལ་ཉན་ཤེས་ཀྱི་མི་འདུག ཐེངས་རེ་གྲ་པ་དགེ་འདུན་པ་སྤྱི་འཐུས་སུ་ཡོང་ན་མི་ཡག་རབས་དང་། གྲོས་ཚོགས་ནང་གྲ་བཙུན་མེད་པ་བཟོ་དགོས་པའི་བསམ་ཚུལ་བཤད་དེ་དགེ་འདུན་པས་ཆབ་སྲིད་ལ་ཐེ་བྱུས་བྱས་ན་འགྲིག་གི་མེད་ཚུལ་བཤད་ཡོང་གི་རེད། ཡང་ཐེངས་རེ་བླ་ཆེན་ཁག་གིས་གཙོས་པའི་དགེ་འདུན་པས་ཆབ་སྲིད་སྒྲུབ་ཀྱི་མི་འདུག་ཟེར་ནས་གཅིག་བཤད་ཡོང་གི་འདུག གང་ལ་ཉན་དགོས་ནི་ཡིན་ཅང་མི་ཤེས་ཀི
ཁོ་རང་རང་ཚོའི་ལངས་ཕྱོགས་ལ་ཅིག་གནོད་ཀི་བསམ་དུས་གྲ་པ་དགེ་འདུན་པ་མི་དགོས་ཟེར་རྒྱུ་རེད། ཆབ་སྲིད་ནང་བེད་སྦྱོད་གཏོང་བསམ་དུས་དགེ་འདུན་བླ་ཆེན་ཁག་ལངས་དགོས་རབས་བཤད་ཀི་རེད། ད་ཆབ་སྲིད་པའི་ཁ་ལ་ཅང་ཉན་རྒྱུ་ཡོད་ནི་མ་རེད།
དོན་ངོ་མ་ཡི་ན་གྲ་པ་ཡིན་ན་ཡང་རེད། བླ་མ་ཡིན་ན་རེད། བླ་ཆེན་ཡིན་ན་རེད། སོ་སོའི་ལས་འགན་བསླབ་པ་སྲུང་རྒྱུ་རེད། ཆོས་བཞྀན་སྦྱོད་རྒྱུ་རེད་མ་གཏོགས་ཆབ་སྲིད་ཟིང་ཆ་ནང་ལངས་རྒྱུ་དེ་མ་རེད། ཆབ་སྲིད་ནང་ལངས་ན་རྐུག་སྟེགས་འཐབ་རྩོད་དགོས་རེད་ཐ་ན་སྤྱི་འཐུས་ཙམ་ཐོབ་དགོས་མགོ་བདེ་འཁྲབ་དགོས་རེད། དེ་དགེ་འདུན་པའི་ལས་ཀ་མ་རེད།
བུ་ཡོན་ཏན་རྒྱ་མཚོ་ལགས་ཀྱི་བཀའ་ལན། (ཁྱེད་ཀྱི་དྲི་བ་འདིའི་ཐད་ང་ལ་བསམ་ཚུལ་མང་པོ་ཞིག་ཞུ་རྒྱུ་ཡོད། ནམ་ཞིག་བོད་རྒྱ་གཉིས་གདོང་ཐུག་བརྒྱབ་སྟེ་བོད་མི་ཁྲི་ཁ་ཤས་ཉི་མ་གཅིག་ལ་བསད་པ་ཡིན་ན། རྒྱ་གཞུང་གིས་དེ་རྒྱལ་ཁ་ཆེན་པོ་ཞིག་ལ་བརྩི་བ་མ་རེད་ལ། བོད་རང་ལ་མཚོན་ནའང་དེ་ཙམ་གྱི་གྱོང་ཆེན་པོ་མ་རེད། ལྐོག་ལྐོག་སིལ་སིལ་གྱིས་བོད་པའི་ཆོས་དང་རིག་གཞུང་གི་ཟུར་དང་སྣེ་ཙམ་རེ་རྩ་མེད་བཏང་བ་ཡིན་ན། རྒྱ་གཞུང་གི་དམིགས་ཡུལ་འགྲུབ་ཀྱི་ཡོད་པ་རེད་ལ། བོད་རང་ལ་མཚོན་ནའང་མི་རིགས་རྩ་མེད་ཀྱི་ཕྱོགས་སུ་གོམ་པ་རེ་རེ་བཞིན་སྤོ་ཡི་ཡོད་པ་རེད། གནས་ལུགས་དེ་ཧ་གོ་བའི་ཐོག་ནས་ཕྱི་ལོགས་སུ་བཞུགས་པའི་བླ་སྤྲུལ་མི་ཆེན་ཚོས་ཆེ་ས་ནས་བོད་མི་རིགས་དང་རྒྱལ་ཁབ། བསྟན་པ་ཆབ་སྲིད་ཡུན་གནས་ཡོང་ཆེད་དང་། ཆུང་ས་ནས་སོ་སོའི་ཆོས་ལུགས་ཆོས་བརྒྱུད་འཛིན་སྐྱོང་སྤེལ་གསུམ་ལ་འགན་འཁྲི་ཡོད་པ་དང་། རྗེས་འཇུག་སྐྱ་སེར་མི་མང་གི་མངོན་འདོད་ལ་རྒྱབ་སྐྱོར་གནང་སྟེ། ནུས་ཤུགས་གཅིག་ཏུ་བསྒྲིལ་ནས་ཕྱག་ལས་ཤིག་གནང་དགོས་པ་དང་། མི་རྒྱུ་གཉིས་ཐོག་ནས་རྩ་དོན་ཆེད་འགུལ་ཀྱོག་ཅིག་རྒྱག་རྒྱུའི་དུས་ཚོད་སླེབས་ཡོད་པ་རེད། བོད་ནང་དུ་ཚེ་སྲོག་གིས་ཆོས་རིག་སྲུང་སྐྱོབ་བྱེད་ཀྱི་ཡོད་དུས། ཕྱི་ཕྱོགས་ནས་དེ་ལས་རྒྱ་ཆེ་བ་ཞིག་དང་གཏིང་ཟབ་པ་ཞིག་སྒྲུབ་ཀྱི་ཡོད་མདོག་མདོག་བྱས་ཏེ་སྡོད་ས་ཡོད་པ་མ་རེད། བཙན་བྱོལ་དུ་དགོན་པ་རྫིག་པོ་མང་པོ་བརྒྱབ་པ་དང་། ཕྱི་རྒྱལ་དུ་ཆོས་ཚོགས་མང་པོ་བཙུགས་པ་དེ་སངས་རྒྱས་བསྟན་པ་སྤེལ་ཆེད་ཡིན་རྒྱུ་རེད། དེ་འགྲིག་གི་ཡོད་པ་རེད། དོན་ངོ་མའི་ཐོག་ནས་སངས་རྒྱས་བསྟན་པ་གནས་དང་མི་གནས་དེ། བོད་གནས་དང་མ་གནས་ལ་རག་ལས་ཡོད་པ་ཧ་གོ་དགོས་པ་རེད)
རྒན་ལྷ་བཟང་ཚེ་རིང་ལགས་ཀྱི་བཀའ་ལན། (བོད་ནང་ལ་ངས་བཤད་ཤེས་ཀྱི་མེད། བཙན་བྱོལ་ནང་མི་ཚང་མར་འདིའི་ཐད་བསམ་ཚུལ་ཏན་ཏན་ཡོད་པ་རེད། མི་ཁ་ཤས་ཀྱིས་དད་པ་དག་སྣང་གིས་བཤད་ཐུབ་ཀྱི་ཡོད་པ་མ་རེད། ཡང་ཁ་ཤས་ཀྱིས་སོ་སོས་ལས་འགུལ་སྤེལ་ཐུབ་དང་མ་ཐུབ་ཐོག་ནས་ཤོད་ཐུབ་ཀྱི་ཡོད་པ་མ་རེད། ང་རང་སྒེར་ལ་མཚོན་ན། སྔོན་མ་གཞོན་ནུའི་ནང་ཡོད་སྐབས་ལས་འགུལ་སྤེལ་བ་དང་མགོ་ཁྲིད་པ་སོགས་གང་ཐུབ་བྱས་ཡོད་བསམ་པ་ཞིག་ཡོད། ངས་བཤད་འདོད་པ་དེ་གང་ཡིན་ཟེར་ན། རྒྱལ་ཁབ་དང་མི་རིགས་ཀྱི་བདེ་བ་སྡུག་བསྔལ་ལས་ལྷག་པའི་ཆོས་ཞིག་བསྒྲུབ་རྒྱུ་ཡོད་ན། སྐུ་མཁྱེན། བོད་པའི་སྤྱི་ཚོགས་ནང་མ་བཞུགས་རོགས། སྤྱི་ཚོགས་ཀྱི་ཁེ་ཕན་མ་བཞེས་རོགས་ཞུ་རྒྱུ་ཡིན། རྒྱལ་ཁབ་དང་མི་རིགས་སྤངས་ཏེ་སོ་སོ་གཅིག་པུ་སངས་རྒྱས་རྒྱུ་དང་། སྐྱེ་བ་ཕྱི་མ་དང་ཕུགས་ཀྱི་དོན་དག་འདྲ་སྒྲུབ་ནས་སྡོད་མཁན་གྱི་ཆོས་པ་ཞིག་ངས་ངོས་ལེན་ཞུ་ཐུབ་ཀྱི་མི་འདུག དེ་འདྲའི་ཆོས་པ་ཞིག་ད་ལྟའི་དུས་ཚོད་འདི་ལ་བོད་མི་མང་ལའང་དགོས་མཁོ་མི་འདུག )
ལྷ་བཟང་ཚེ་རིང་ལགས་ཀྱིས་སྐད་ཆ་ཚང་མ་བཤད་སྟངས་ཡག་པོ་འདུག འོན་ཀྱང་དོན་དག་གི་སྒང་ནས་ཁ་ཤས་ལ་མོས་མཐུན་བྱ་ཐུབ་ཀྱི་མི་འདུག དེ་ནས་བོད་རང་བཙན་ས་བསྒྲགས་གནམ་བསྒྲགས་བྱེད་ཀྱི་ཡོད་པ་དང་། གཞུང་ལ་ངོ་རྒོལ་བྱ་དགོས་སྐོར་ལ་བསྒྲགས་ལུང་བསྒྲགས་བྱེད་ཀྱི་ཡོད་པ་འདི་སྐད་ཆ་གསར་པ་ཞིག་མ་རེད། རྒན་ལགས་ཀྱིས་ལོ་བཅོ་ལྔ་ཉི་ཤུའི་གོང་ནས་ཁོ་རང་གིས་བཤད་བསྡད་པ་ཞིག་རེད།
ཡིན་ནའང་ཆོས་ལུགས་ཆོས་བརྒྱུད་ཁག་གི་བླ་སྤྲུལ་དགེ་བཤེས་ཚོས་ཐོག་ཚོར་ཤུགས་རྣོན་པོས་སྐད་ཆ་འགའ་བཤད་ཡོད་པ་དེ་ཧ་ཅང་ཡག་པོ་འདུག་ལ། གསར་པ་འདྲ་ཞིག་ཀྱང་རེད། དུས་བབ་ཀྱི་གསར་འགོད་པ་དེ་སྔ་སྤྱི་ཟུར་ཡོན་ཏན་རྒྱ་མཚོ་ལགས་སུའང་འདྲི་བ་འདི་བཏང་འདུག་ལ། ཁོས་ཀྱང་ཆུ་བཞུར་བཞུར་གྱིས་སྡུག་དམས་དང་འཁངས་ར་མང་པོ་ཞིག་བསྐྱོན་འདུག མ་གཞི་རྒན་ལྷ་བཟང་ལ་དད་པ་ཡོད་མེད་ཀྱི་སྐད་ཆ་ཞིག་སྔ་མོ་ནས་ཡོད་ཀྱང་། ཐེངས་འདིའི་སྐད་ཆ་དེ་སྒེར་ལ་ཆོས་དད་ཡོད་མེད་ཙམ་མིན་པར། རྒྱ་ཆེའི་མང་ཚོགས་མང་པོ་ཞིག་གི་དགོངས་ཚུལ་དེ་ག་རང་རེད་བསམ་གྱི་འདུག ༧རྒྱལ་བ་རིན་པོ་ཆེ་འཕུད། དཔལ་རྒྱལ་བ་ཀརྨ་པ་དང་ཀིརྟི་རིན་པོ་ཆེ། ཤིང་བཟའ་སྤྲུལ་སྐུ། དེ་དང་བླ་སྤྲུལ་གོ་མིང་ཆུང་ཆུང་ཆེ་རེ་གཉིས་ཤིག་མ་རྟོགས། བོད་པའི་ཆོས་བརྒྱུད་ཆོས་ལུགས་དང་བཅས་པའི་དབུ་འཁྲིད་བླ་ཆེན་རྣམ་བཙན་བྱོལ་ལུང་པར་ཡོད་ཀྱང་རྩ་དོན་ཐོག་ལས་ཀ་སྣ་གཅིག་ཀྱང་སྟོན་རྒྱུ་ཡོད་པ་མ་རེད། དེ་དག་ཐོག་སྔོན་མ་ནས་བསམ་ཚུལ་ཡོད་ལ། ད་ལྟ་ལྷག་པར་དུ་ཁོང་ཁྲོ་ཟ་ཡོང་གི་འདུག
ལྷག་བསམ་ཚེ་རིང་ལགས་ཀྱིས་བོད་རང་བཙན་གྱི་འབོད་སྒྲ་བསྒྲགས་ཏེ་སྔོན་མ་རྒྱ་གར་གྱི་ས་ཆའི་སྟེང་དུ་གཅིན་པ་ཞིག་བཏང་ཡང་ཕམ་སེམས་སྐྱེ་བཞིན་ཡོད་ཚུལ་གཏམ་བཤད་བྱས་ཡོད།
དེ་རིང་ཁོང་ཁོང་གིས་ང་ཚོའི་མགོ་ཐོག་ཡོད་པའི་གནམ་འདི་རྒྱ་གར་གྱི་གནམ་དང་ང་ཚོའི་རྐང་འོག་ཏུ་ཡོད་པའི་ས་འདི་རྒྱ་གར་གྱི་ས་རེད་ཅེས་མིག་ཆུ་བཞུར་ཀྱིན་འགྲེལ་བཤད་བརྒྱབ་འདུག
བོད་རང་བཙན་གྱི་འཐབ་རྩོད་པ་ཞིག་དང་། བོད་མི་རྒཡལ་གཅེས་རིང་ལུགས་པ་ཞིག་ཡིན་ཟེར་མཁན་ཞིག་གིས་གནད་ལུགས་དེ་ཤེས་བཞིན་དུ་ང་ཚོའི་མགོ་ཐོག་གནམ་དང་ང་ཚོའི་རྐང་སྟེང་འོག་ཏུ་ཡོད་པའི་རྒྱ་གར་གྱི་གནམ་ས་གཉིས་ཀྱི་བར་དུ་ཁོང་གིས་འཆར་གཞི་བཟོས། ས་ཆ་ཉོས། ཐོག་བརྩེགས་ཅན་གྱི་ཁང་པ་ཡར་ཅིའི་ཕྱིར་བསླངས་བ་རེད་དམ།
ད་དུང་ཁོང་གིས་ལོ་མང་དཔེ་དེབ་ཀྱི་ཚོང་ཁང་ཞིག་གཉེར་ནས་དེའི་ནང་དུ་བོད་ཀྱི་རྒྱལ་རབས་དང་། ལོ་རྒྱུས། ནང་ཆོས། ༸ གོང་ས་མཆོག་གི་བཀའ་སློབ་སོགས་དེབ་མང་དག་གཅིག་ཕྱིར་ཚོང་བྱས་ཏེ་འཚོ་གནས་བྱེད་བཞིན་ཡོད་ཀྱང་ད་དུང་བོད་དང་བོད་མིའི་བླ་ན་མེད་པའི་ཚེ་རབས་འདི་ཕྱི་གཏན་གྱི་སྐྱབས་གནས་༸ གོང་ས་ཡིད་བ།ིན་ནོར་བུས་ལུག་རྫིས་ལུག་བྱེ་ཐང་འཇོག་བཞིན་པའི་དཔེ་མཚོན་ཐབས་སྡུག་དེ་འདྲ་བཤད་ཕོད་པ་དེ་ངོ་ཡ་ཡ་མཚན་དང་བློ་ཕམ་སྐྱེ་གཞི་ཞིག་མ་ཡིན་ནམ།
ལྷ་བཟང་ཚེ་རིང་ཞེ་དྲག་གླེང་སོང་། སྐད་ཆའི་ཚིག་དོན་རེ་རེ་བཞིན་ཕྱི་སློག་ནང་སློག་བྱས་སོང་། ལྟ་བའི་རྒྱབ་ལྗོངས་རེ་རེ་བཞིན་ལུང་འདྲེན་རིག་སྒྲུབ་བྱས་སོང་། ཐེངས་འདིའི་བཅར་འདྲིའི་སྟེང་བགྲོ་གླེང་གནང་སྟངས་ཡག་པོ་འདུག
གོ་ཐོས་ལྟར་ན་གཡུ་རལ་བཀྲ་རྒྱམ་ཟེར་བ་འདི་ནང་དཀྲུག་མཁན་ཞིག་རེད་ཟེར་བ་བདེན་པ་འདྲ། ཁ་ནས་ཐོན་པ་ནི་རེ་བ་མེད་པ་དང་རྨོངས་གཏམ་རྐྱང་རེད། གཉའ་ཁྲི་བཙན་པོ་ནས་སྲོང་བཙན་སྒམ་པོ། ས་སྐྱ་གོང་མ། ཕག་གྲུ་གོང་མ། གཙང་བ་རྒྱལ་བོ། རྒྱལ་དབང་རིམ་བྱོན་བཅས་རིམ་པས་ཕེབས་པ་རེད་ལ། བོད་ཀྱི་མིག་ནང་དུ་ཁྲག་ཐོན་ནས་ལུས་མེད་པར་མ་ཟད། ད་དུང་འཚོ་བཞིན་པ་རེད། དེ་བཞིན་དུ་མུ་མཐུད་དུ་འཚོ་ངེས་རེད།
རྒན་ལགས།ངེད་གཉིས་དང་པོ་ཆོལ་གསུམ་གཅིག་གྱུར་གྱི་རང་སྐྱོང་ལམ་ལུགས་བོད་མའི་མངོན་འདོད་དམ་དམིགས་ཡུལ་ཡིན་མིན་སྐོར་རེད།ངས་ཞུས་ན་ཆོལ་གསུམ་གཅིག་གྱུར་རམ་བོད་རིགས་ཡོངས་རྫོགས་གཅིག་ཏུ་དྲིལ་བའི་རང་སྐྱོང་ལམ་ལུགས་ཞེས་པ་དེ་འཇོག་ས་དམངས་གཞི་རྒྱ་ནག་གི་རྩ་ཁྲིམས་སྒྲོམ་གཞིའི་ནང་ནས་གསུང་གི་ཡོད་དུས།ད་ལྟ་དཔའ་བོ་དཔའ་མོ་དག་གིས་སྐུ་ལུས་མེ་རུ་སྒྲོན་དུས་མངོན་འདོད་དམ་དགོས་པ་གཙོ་བོ་བོད་ལ་རང་དབང་དགོས་གསུང་གི་ཡོད་པ་རེད།རང་དབང་དེ་ཡང་སྨྲ་བརྗོད་རང་དབང་གཙོས་པའི་རང་དབང་ཚང་མ་དགོས་གསུང་གི་ཡོད་པ་རེད།དེ་ཡིན་ན་ངས་ཞུས་པ་གཙོ་བོ་དེ་འདི་རེད།རྒྱ་ནག་གི་རྩ་ཁྲིམས་ཀྱི་སྒྲོམ་གཞིའི་ནང་ན་རང་དབང་ཡོད་སྲིད་པ་རེད་དམ་ཞེས་པ་དེ་ཡིན།དེང་སང་མི་ཕལ་ཆེ་བས་གསུང་སྟངས་ལྟར་ན་རྒྱ་ནག་གི་རྩ་ཁྲིམས་དེ་རྩ་ཁྲིམས་ཤིག་ཏུ་ངོས་འཛིན་ཁེགས་པོ་རེད་གསུང་གི་ཡོད་པ་རེད།གང་ཡིན་ཞུས་ན།རྒྱ་ནག་གི་གསར་འགོད་པ་ཞིག་གིས་དེང་ཐོག་གི་རྒྱ་ནག་གི་གསར་བརྗེ་བ་གྲགས་ཅན་དང་རྒྱ་ནག་གི་ཁྲིམས་ཕལ་མེ་ཆེ་གཏན་ལ་འབེབས་མྱོང་མཁན་ཁྲིན་ཏྲིན་ལ་དྲི་བ་འདི་འདྲ་ཞིག་དྲིས་པ་རེད།ད་ལྟའི་རྒྱ་ནག་གི་འགྲོ་སྟངས་ལྟར་ན་རྩ་ཁྲིམས་དབང་ཆ་ཆེ་བ་རེད་དམ་ཏང་དབང་ཆ་ཆེ་བ་རེད་ཅེས་དྲིས་དུས།ཁོང་གིས་གསལ་བོ་ཤེས་ཀྱི་མེད་མོད་ཕལ་ཆེར་ཏང་ཆེ་རྒྱུ་རེད་ཅེས་ལབ་པ་རེད།མ་ཟད་ངེད་ཅག་ཚང་མའི་མཐོང་ཐོས་མྱོང་གསུམ་ལ་ཆ་བཞག་ན་ཏང་ཆེ་བ་དེ་དངོས་གནས་རེད།ད་དེ་འདྲ་ཡིན་དུས་ཏང་ལ་རང་དབང་གི་ཁ་འབོད་ལས་དོན་དུ་སྲིད་དབང་སྒེར་གཅོད་པ་རེད།ངས་ཞུས་ན་ངེད་ཅག་གི་ས་གནས་མི་རིགས་རང་སྐྱོང་གི་འཐབ་རྩོད་དེ་རྣམ་པ་འཐབ་རྩོད་ལྟར་ཏུ་སྣང་ཡང་དོན་ལ་ཏང་ལ་འགོ་འདོགས་པ་ཞིག་མ་རེད་དམ།དེ་འདྲ་ཡིན་ན་མི་མང་གི་མངོན་འདོད་དང་ཧ་ཅང་ཧེ་བག་ཆེན་པོ་མ་རེད་དམ་ཞུ་གི་ཡོད།འཐབ་རྩོད་ལ་དམིགས་ཡུལ་གསལ་བོ་མེད་པ་མ་རེད་དམ་ཞུས་པ་ཡིན།
དུས་སྐབས་དེ་ནས་བཟུང་བོད་མི་རིགས་ཀྱི་མིག་ནས་ཁྲག་བཏོན་ནས་སྡོད་རྒྱུ་ལས་ཐབས་གང་ཡང་ཡོད་པ་མ་རེད།
ཁྱོད་ཚོས་བརྒྱ་བཤད་སྟོང་གླེང་ཅི་བྱས་ཀྱང་་ཉིན་ཞིག་༧གོང་ས་མཆོག་གི་སྐུ་ཞིང་ལ་བཤེགས་དུས་ད་བཟོད་ཁྱེད་ཅག་ཚང་མའི་བསམ་དོན་འགྲུབ་པ་རེད་ལ་དུས་དེ་ནས་བཟུང་ཁྱོད་ཚོར་སྔོན་འགོག་རྒྱག་པའི་མི་གཅིག་ཀྱང་ཡོད་པ་མ་རེད།
ལྷ་བཟང་ཚེ་རིང་གི་མདོ་རྩ་འདི་ན་དེད་ཡོད། སྡོམ་བརྒྱབ་ན་ཁོང་འདི་འདྲ་ཞིག་རེད།
https://tibettimes.net/wordpress/blogs.php?id=265&post_id=18266
འདི་རྒན་ལྷ་མོ་སྐྱབས་ལགས་ཀྱིས་ཡག་པོ་ཞིག་གསུངས་སོང་། ཡིན་ཡང་། རིགས་པའི་གཞུང་ལུགས་ལྟར་ན་མར་ཁི་སི་དང་ཨིན་ཁེ་སི། མའོ་སོགས་ང་ཚོས་དང་ལེན་བྱ་ཁག་པོ་རེད་འདོད། རང་དབང་། ཁེ་དབང་། འདྲ་མཉམ། དཔལ་ཡོན། བདེ་འཇགས་སོགས་གང་ན་གསལ་འདུག
ཚེ་བདང་ལགས། དགའ་བསུ་ཞུ། མི་དམངས་ཀྱི་མངོན་འདོད་གཙོ་འཛིན་གྱིས་སྒྲུབ་དགོས་པ་བདེན། ཡིན་ཡང་གཙོ་འཛིན་དེའི་དགོངས་པ་མི་དམངས་ཀྱི་མངོན་འདོད་དང་མ་མཐུན་ཚེ་རང་ངོས་ནས་དབུ་ཁྲིད་མི་གནང་རྒྱུའི་རང་དབང་ཡང་ཡོད། གལ་ཏེ་བོད་མི་དམངས་རང་བཙན་དང་དྲག་པོའི་ཐབས་ལམ་ལ་ཞུགས་ན་ཡིད་བཞིན་ནོར་བུས་དབུ་ཁྲིད་གནང་གི་མ་རེད། དེ་བས་ཨུ་ཚུགས་ཀྱིས་དབུ་ཁྲིད་གནང་དགོས་པ་རེད། ལུག་རྫི་བྱེད་དགོས་པ་རེད། ཅེས་བཤད་ན་གནས་ལུགས་ཡོད་དམ། དེ་ལས་ལུག་རྫི་གཞན་ཞིག་བརྗེ་གི་ཡིན་ལབ་ན་འགྲིག་གི་རེད།
དམར་པོའི་ཁྲིམས་ལུགས་ནང་ན་རང་དབང་མེད་ཅེས་ཅི་ལྟར་བཤད་ཐུབ། དམར་པོའི་ཁྲིམས་ལུགས་ཟེར་ན་མར་ལེའི་དགོངས་དོན་ལྟར་གྱི་ཁྲིམས་ལུགས་ཡང་དག་ཅིག་ཡིན་དགོས། ཀྲུང་གོའི་ཁྲིམས་ལུགས་ཁོ་ནས་ཚབ་མཚོན་བྱེད་མི་ཐུབ།
གངས་ཅན་པའི་ཆབ་སྲིད་པ་རྒན་གྲས་རང་ཚུགས་ཅན་ལྷ་བཟང་ཚེ་རིང་ལགས་སུ་དུས་བབ་ཚང་གིས་བཅར་འདྲི་ཚད་ལྡན་ཞིག་ཞུས་པའི་མཇུག་ཏུ། གངས་ཅན་པའི་དྲ་ཕྲུག་གང་མང་འཛོམ་ནས་འགྲོ་གླེང་ལྷུག་པོ་ཞིག་གནང་སོང་ལ། འགྲོ་གླེང་བ་ཁ་ཤས་ཚོར་བའི་དབང་དུ་སོང་བ་ལས་མང་པོ་ཞིག་ངོ་མ་གཉིད་ལས་སད་ཡོང་གི་ཡོད་པར་མཐོང་དུས་རང་བཞིན་གྱིས་སྤྲོ་བ་འཕེལ་ཡོང་གི དེའི་བར་དེར་བཀུར་འོས་རྒན་ལྷ་མོ་སྐྱབས་ལགས་ཀྱང་དྲ་ཕྲུགས་ཚོས་སུན་གཙེས་བཟོས་ཏེ་སོས་དལ་དུ་གཟིམ་མ་བཅུགས་པས་སྡུག་སྐད་ཕྲན་བུ་ཤོར་བར་ཁག་མེད། འོན་ཀྱང་ད་སྔར་དང་འདྲ་གི་མ་རེད། དྲ་ཕྲུག་ཚོ་གཉིད་ལས་སད་ཡོང་གི་ཡོད་པས་འར་རྒྱག་ས་ལ་འུར་གྱིས་འདྲོག་རྒྱུ་བཞག་ཏེ་བློ་ཡུལ་ལས་འདས་པའི་དྲི་བ་འདྲི་སྲིད་པས་བགས་ཡོད་མཛོད། ངོ་མ་ཤེས་ཡོན་པ་སྒེར་གྱི་བསམ་ཚུལ་རྒྱུས་ལོན་བྱས་ཏེ་སྤེལ་བ་འདི་མི་རིགས་ཤིག་གི་རྣམ་དཔྱོད་གོང་འཕེལ་བཏང་བ་དང་གཉིས་སུ་མེད་པས་གསར་འགོད་པར་བཀའ་དྲིན་ཆེ་ཞུས་པ་ཡིན། གང་ཡིན་ཞེ་ན་སྔར་སྲིད་སྐྱོང་ལགས་ཀྱིས་བོད་མིའི་ཤེས་ཡོན་པ་དང་ཆབ་སྲིད་པ་རྒན་གྲས་དག་གིས་བསམ་བློའི་ནུས་ཤུགས་འདོན་སའི་སྡིང་ཆ་ཞིག་བསྐྲུན་གྱི་ཡིན་རབས་གསུངས་ཀྱང་གསུང་པ་ཙམ་དུ་ཟད་སོང་། འོན་ཀྱང་དེ་དེ་རིང་དུས་བབ་ཚང་གིས་ཁ་གསབ་བྱས་པ་ལྟར་སྣང་བས་ངས་དེ་ལྟར་ཞུས་པ་ཡིན།
སྙིང་རྗེ་དྲ་འབུ་འདི་ཚོ། ནང་འགལ་ཅན་གྱི་སྐད་ཆ་རི་འདྲ་བ་ཞིག་ཤོད་སོང་བ་ལ་རིན་ཐང་དེ་འདྲ་ཞིག་གང་ན་ཡོད།
ཆབ་བྲག་ལགས།སྐུ་ཁམས་བཟང་།ངས་སྔོན་ལ་ཁྱེད་ལ་དྲི་བ་ཕུལ་མོད་ལན་གནང་མི་འདུག སྐུ་ཉིད་ཀྱིས་བཏོན་པའི་དྲི་བ་དེ་ངས་ལན་འདི་ལྟར་ཡོད།དེང་སང་འཇིག་རྟེན་ཀུན་ཁྱབ་ཀྱི་ལྟ་གྲུབ་གསུང་གི་ཡོད་དུས་གཙོ་བོ་དེ་དམངས་གཙོའམ་མང་གཙོ་གནད་དོན་གཙོ་བོ་རེད།དེ་འདྲ་ཡིན་དུས་མགོ་ཁྲིད་ཀྱི་ལས་འགན་གཙོ་མི་དམངས་ཀྱི་མངོན་འདོད་སྒྲུབ་རྒྱུ་དེ་རེད།འོན་ཀྱང་ལག་ལེན་གྱི་ཆ་ནས་ཐབས་ཤེས་འདྲ་མིན་ཡོད་ཆོས་ཉིད་རེད།ཡིན་ཀྱང་མཐར་ཐུགས་ཀྱི་དམིགས་ཡུལ་མི་དམངས་ཀྱི་མངོན་འདོད་དང་མ་མཐུན་ན་དམངས་གཙོའི་ལྟ་གྲུབ་དང་རྒྱབ་འགལ་རེད།དེའི་ཕྱིར་ཁྱོད་ཀྱིས་བཤད་པའི་མི་མང་གི་མངོན་འདོད་དང་དབུ་ཁྲིད་ཀྱི་བཀོད་འདོམས་གཉིས་དམིགས་ཡུལ་རྟེན་ས་གཅིག་ཏུ་འགྲོ་དགོས་པར་མཐོང་།
དམར་པོའི་ཁྲིམས་ལུགས་ནང་ན་རང་དབང་མཚན་ཉིད་ཚང་བ་ཞིག་ཡོད་པ་རེད་དམ་ཅེས་པ་ལ་ལན་གཅིག་གསུང་རོགས་གནངས།།།
རྒན་ལྷ་བཟང་གི་གཏམ་བཤད་ལ་རྗེས་སུ་ཡི་རང་ཡོ།
མི་ནག་ཚང་ལུང་རིག་རྒྱལ་གཙོས་པའི་མཁྱེན་ལྡན་གང་མང་ཞིག་གིས་བསམ་ཚུལ་ཡག་པོ་བཤད་སོང་། ཁྱེད་ཚོས་བཤད་པ་ཚང་མ་བདེན་པ་རེད།
ལམ་དབུ་མའི་སྲིད་བྱུས་ལ་གྲུབ་འབྲས་གང་ཡང་མེ་པ་གསལ་བོ་རེད། ད་རུང་རྒྱ་མིའི་ཁ་ལ་ཉན་ནས་བསྡད་ན་ང་ཚོ་ལ་ཡོང་རྒྱུ་གང་མེད་པ་རེད།
བློ་གཟུ་བོར་གནས་པའི་སྐད་ཆ་ཟེར་ན་གོང་གི་ཁ་བའི་བུ་ཕྲུག་ལགས་ཀྱིས་བཤད་འདུག ང་ལ་མཚོན་ན་ཡང་ཁོང་གིས་བཤད་པ་དེ་ག་རང་རེད་ཟེར་རྒྱུ།
ཨ་མཆོད་ལགས། ལྷག་བཟང་ཞེས་ན་སུ་རེད། དར་བཞིན་ཚིག་ཅེས་ན་ཅི་རེད། ད་དུང་ཁྱོད་རང་གི་ཚིག་སྦྱོར་ལ་ལྟོས་དང་། ཆང་འཐུང་ཞིག་སྐྱུག་གིན་པ་འདྲ་བོ་འདུག ང་དྲ་ཐོག་བཙན་པོ་ཡིན། དེ་རིང་ནས་བོད་ཡིག་ལ་ཐུབ་ཚོད་བྱེད་མཁན་ཚོའི་སྙིང་རྩ་ནས་མི་ལྷོད།
རྒན་ལགས་ལྷག་བཟང་ལགས་ལ་གུས་བཏུད་ཞུ།
འདིར་བདག་གི་བཤད་འདོད་པ་མང་ཆེ་བ་མི་ནག་ཚང་གིས་བཤད་ཚར་འདུག དེ་ག་རང་ཡིན་པས་སྐྱར་བཤད་མི་དགོས།
ངོ་མ་བཤད་ན་རྒན་ལྷ་བཟང་ལགས་ནང་བཞིན་མི་བུ་ཞིག་བཙན་བྱོལ་ན་སྲིད་པ་དཀའ་མོ་ཡིན། དེང་སྐབས་གསར་དུ་དར་བཞིན་ཚིག་”མི་བུ”་ཟེར་བ་འདི་ནི་ཁོང་ལྟ་བུ་ལ་ཧ་ཅང་འབྱོར་གྱི་ཡོད་པའི་ཚོར་སྣང་ཡོད། “ཁོང་ནང་བཞིན་གསུམ་ཡོད་ན་བོད་རང་བཙན་ལོ་འགའི་ནང་རག་ས་རེད་”ཟེར་སྒྲོས་ཀྱང་བྱུང་མྱོང་། ངོ་མ་སེམས་ཤུགས། ལྷག་བསམ། ཤེས་ཡོན། ཆབ་སྲིད་ཀྱི་གོ་རྟོགས་སོགས་མི་བུ་ཞིག་ལ་ལྡན་དགོས་པའི་དོན་དག་ཡོངས་སུ་ཚང་ཡོད།
ལར་ནས་སོ་སོའི་སྨྲ་བརྗོད་རང་དབང་ཡིན་མོད་ངོ་མ་དོན་གྱི་མི་བུ་ཁོང་ལྟ་བུ་ལ་དམའ་འབེབས་ཀྱི་ཚིག་འཛེམས་ན་བཟང་སྙམ།
དྲ་གྲོགས་རྣམས་ཀྱིས་རང་བློ་རང་ལ་ལྐོག་ཏུ་མ་གྱུར་བས་རང་ཉིད་ལ་དཔྱད་པ་འདི་གཏོང་རོགས། དེ་ཡང་རང་ཉིད་ཁ་ནུབ་ཕྱོགས་ལ་གཏད་ནས་གོ་སྐབས་ནམ་བྱུང་ལ་ཡོད་ཚད་བློས་བཏང་ནས་ཤོར་འགྲོ་མཁན་ཞིག་ཡིན་མིན་རང་གིས་རང་ལ་བརྟག་ཞིབ་ཅིག་གནང་རོགས། གལ་སྲིད་དྲ་གྲོགས་སུ་ཞིག་རང་ཉིད་དེའི་གྲས་སུ་གཏོགས་ཡོད་ན་ཁྱེད་ཅག་གིས་ལྷ་བཟང་ལགས་ལ་ཁ་གཏོང་བ་ནི་ཡུལ་གཉན་པོར་ཁ་ཐང་ཡིན་པས་བོད་པའི་ཡ་རབས་ཀུན་སྤྱོད་ཀྱི་ཐོག་ནས་དེ་ལྟར་བྱེད་ཀྱིན་མ་འདུག་ཞུ།
གང་ལགས་ཤེ་ལྷ་བཟང་ལགས་ནི་ཁྱེད་ཅག་ནང་བཞིན་རྩ་བ་ནས་མ་རེད། ཁོང་གིས་རང་བཙན་གྱི་ཆེད་དུ་རང་ཉིད་ཀྱི་མདུན་ལམ་ཡང་བློས་བཏང་ཡོད། མ་གཞི་ཁྱེད་ཅག་ལ་ཁོང་གི་རྒྱུས་མེད་པས་ཁག་ཅི་ཡོད། ཡང་དྲ་གྲོགས་སུ་ཞིག་རང་ཉིད་འདིའི་གྲས་སུ་གཏོགས་མེད་པར་དགོངས་མཁན་རྣམས་ལ་ཞུས་པ་མིན།
ཁོང་གིས་གསུང་བའི་ནང་དུ་ང་ལ་མཚོན་ན་སྐད་ཆ་ཅུང་ཐལ་ཆེ་བ་རེ་ཟུང་ཡོད་པ་ནི་སྲིད་པ་ཞིག་རེད། བསམ་ཚུལ་དང་ཚོར་ཤུགས་མ་འདྲ་བ་ཙམ་རེད།
མདོར་ན་ཁོང་ནི་འཕྱ་དམོད་བྱེད་སའི་མདོ་མེད་ཅིག་མིན་པར་ཡིད་སྨོན་ཤོར་སའི་གངས་ཅན་པ་ཞིག་ཡིན་ནོ།
རྒན་ལྷ་བཟང་ཚེ་རིང་ལགས་ཁྱེད་དངོས་གནས་ཐུགས་རྗེ་ཆེ།
དེ་བཞིན་གསར་འགོད་པ་དོན་གྲུབ་བཀྲ་ཤིས་ཁྱེད་ཀྱི་འདི་ལྟ་བུའི་མི་སྣར་བཅར་འདྲི་གནང་བར་སྙིང་ཐག་པ་ནས་ཐུགས་རྗེ་ཆེ་ཞུ་རྒྱུ་ཡིན་ལ། དུས་བབ་དྲ་རྒྱའི་བདག་གཉེར་བ་རྣམས་ཀྱིས་མང་གཙོ་ཚད་དང་ལྡན་པའི་གཞུང་ཞབས་ན་ཡོད་པ་བཞིན་གཞུང་གི་ཁ་ཕྱོགས་དང་མི་མཐུན་པའི་མི་སྒེར་གྱི་བསམ་ཚུལ་རྣམས་འདི་ལྟར་འདོན་སྤེལ་གནང་བར་ཡང་། ངེད་ཀློག་པོ་དྲང་བདེན་དགའ་བ་ཡོངས་ཀྱི་ཚབ་ཞུས་ཏེ་ཐུགས་རྗེ་བླ་མེད་ཆེ་ཞུ་རྒྱུ་དང་། ད་དུང་ཡང་ཁ་ཕྱོགས་མི་མཐུན་པའི་དཔྱད་བརྗོད་དང་། གླེང་མོལ་རྣམས་དོ་བདག་གི་རེ་བ་ལྟར་འདོན་སྤེལ་གནང་ཐུབ་པའི་རེ་བ་ཡང་ཞུ་གི་ཡིན། བཀྲ་ཤིས་བདེ་ལེགས།
ཁྱིས་ཟུག་སྐད་རྒྱག་པ་དེ་མི་ཆ་མེད་ཅིག་ཡོང་གིན་ཡོད་པའི་བརྡ། འོག་གི་ཟུར་མཆན་ཡིག་ནོར་ཅན་དག་གིས་ང་མི་དེར་དགའ། ང་མི་དེར་མི་དགའ་ཞེས་བ་ཙམ་ལས་དོན་ཅི་ཡང་སྟོན་མི་ཐུབ་པས་ཁྱིའི་ཟུག་སྐད་ལའང་མི་དོ། ངོ་མ། ཡིག་ནོར་འདི་དག་རིག་ན་ངས་དགོན་པའི་རྟ་ལྕག་དྲན་གི་འདུག བཀའ་འགྱུར། རྟ་ལྕག་གིས་གཅིག་བརྒྱབས་ན་ཡིག་ནོར་བཅུ་གར་སོང་འདིར་སོང་མེད་པ་འདོད་གི
ཆབ་སྲིད་བཤད་ས་ནས་བོད་ཡིག་གི་འབྲི་སྟངས་ལ་དོ་སྣང་མི་བྱེད་པ་འདི་ཡ་ཁ་བཅད་ནས་མ་ཁར་སྦྱར་ཞེས་བ་དེ་མ་རེད་དམ། ཡིག་ནོར་ཅན་ཚོས་ཆབ་སྲིད་བཤད་པ་དེར་ཡིག་ནོར་ཞིག་གི་རིན་ཐང་ཙམ་ལས་མེད་པ་ཤེས་བར་གྱིས། མྱི་སྐད་བཤད་འདོད་ན་དང་པོ་ཡི་གེ་སྦྱོངས། དེ་ནས་སྐད་ཆ་ཤོད་དང་དེ་ནས་ཉན་གི་ཡིན།
ཆབ་བྲག་ལགས། ང་ཚོའི་ཕན་ཚུན་རེད་དམ་ང་ཚོས་ཕན་ཚུན་རེད། ཁ་སང་ངས་མདུན་ངོས་འདིར་ཡིག་ནོར་མ་འབྲི་ཞེས་བརྒྱ་བཤད་ཡོད། དེ་རིང་དགེ་སློབ་གཉིས་ཀ་ཇེ་ཐུར་སོང་འདུག་པ་ཅི་རེད།
དམིགས་རྒྱང་སྲིངས་། ཁོག་སྲང་མ་ལྷོད་ན།
རྒན་འཁོགས་ང་ཡང་གྲ་སྒྲིག་ཡོད།
དཔེ་ཁང་དངུལ་བྱང་སྐྱེས་དམན་མིང་། །
ཚེ་སྲོག་ཤོར་ན་ཕན་ཐོགས་སོགས། །
རྒད་པོ་ང་ཡི་བ་སྤུ་སློང་། །
དམིགས་རྒྱང་རིང་པོས་ལས་འགུལ་རྩོམས། །
ང་ཚོའི་ཕན་ཚུན་གྱི་ལྟ་བ་དང་བསམ་ཚུལ་མ་མཐུན་པའི་དབང་གིས་གཅིག་གཅིག་ལ་མ་དགའ་བ་དང་སྐྱོན་བརྗོད་ན་དེ་ཅོལ་ཆུང་རེད། མི་དེ་རིགས་བགྲོ་གླེང་དུ་ཞུགས་པའི་ཆ་རྐྱེན་ཡང་མི་ཚང།
བསམ་ཚུལ་མི་མཐུན་པ་དང་ལྷག་པར་མི་རིགས་ཤིག་གི་རྩ་དོན་དང་འབྲེལ་བའི་བསམ་ཚུལ་ཐ་དད་རིགས་གླེང་དུས་རྩོད་པ་རང་བཞིན་གྱིས་ཆགས་ཡོང། རྩོད་པ་བྱས་ཡོང་དུས་འབུར་འཇོམས་དང་མགོ་ནས་གནོན་གྱིན་འདུག་ཅེས་སྡུག་སྐད་ཤོར་བ་དེ་ཡ་མཚར་རེད།
སོ་སོས་སོ་སོའི་ས་ནས་གནས་ལུགས་དང་རྒྱུ་མཚན་གསེལ་འགྲོལ་བྱེད་དགོས་པ་སོ་སོའི་འོས་འགན་རེད།
གཤམ་དུ་དྲི་བ་ཞིག་འདོན་རྒྱུར། ང་ཚོར་མི་དམངས་རང་གི་མངོན་འདོད་ཁོ་ན་གལ་ཆེའམ། ཡང་ན་མི་དམངས་ཀྱི་བསམ་བློའི་དོན་དམ་གྱི་དབུ་ཁྲིད་དེའི་བཀོད་འདོམས་གལ་ཆེ། འདི་གཉིས་ཀྱི་གལ་ཆེའི་རང་བཞིན་ཇི་ལྟར་ངོས་འཛིན་བྱེད་ཀྱིན་ཡོད།
འདི་ཉིད་བདེན་ལ་འདི་ཡིས་མི་བསླུ་ཞེས། །
རང་གི་བདེན་ཁ་རང་ལ་སྦྱིན་པ་འདི། །
རིགས་མཐུན་སྐྱེ་བོའི་ཚོགས་རྣམས་ཉམས་རེ་དགའ། །
མི་མཐུན་ཚོགས་ལ་སྨྲས་ན་ཞེ་རེ་ཁྲེལ། །
ཞེས་གསུངས་པ་ལྟར་དུ་རིགས་མཐུན་སྐྱེ་བོའི་ཚོགས་རྣམས་ཀྱིས་རྒད་པོ་སྙིང་སྟོབས་ཅན་ལྷ་བཟང་ཚེ་རིང་མཆོག་གི་ངག་ལས་བྱུང་བའི་ཚིག་འབྲུ་རེ་རེ་ལ་བསྔགས་བརྗོད་ཀྱི་མེ་ཏོག་ཡོངས་སུ་གཏོར་ནས་བློ་རྩེ་གཅིག་ཏུ་མཐུན་པར་གྱུར་ཏོ། །
ཐོག་མར་གསར་འགོད་པ་རྣམས་པར་ཐུགས་རྗེ་ཆེ་ཞུ་རྒྱུ་ཡིན། དྲི་བ་དྲིས་ལན་ཧ་ཅང་ཚད་ལྡན་རེད།
ལྷ་བཟང་ཚེ་རིང་ལགས་ཀྱིས་སྐད་ཆའི་ནང་དུ་ང་རང་གིས་མོས་མཐུན་རྩ་བ་ནས་བྱེད་མ་ཐུབ་པ་གསུམ་དང་། ཧ་ཅང་སྣང་བ་འགྲོ་བོ་སྐད་ཆ་གསུམ་འདུག
འདོད་པ་མེད་ས་དག་ནི། ཞེ་ས་མ་ཞུས་པར་ཁ་ཐུག་གིས་བཤད་ན། དང་པོ། རྒྱལ་བ་རིན་པོ་ཆེ་ཡིས་ཡར་གནང་མར་གནང་གི་མཐའ་མ་བོད་རྒྱའི་གནད་དོན་ལ་བླག་མ་འཁེལ་ནས་འུ་ཐུག་སྟེ་མི་མང་གི་མགོ་ལ་གཡུག་བཞག་པ་རེད་ཟེར་བ་འདི་རེད།
གཉིས་པ། བོད་ནང་དུ་རང་ལུས་མེ་སྲེག་གཏོང་མཁན་དག་གི་རེ་བ་དང་མངོན་འདོད་བོད་རང་བཙན་རེད་ཟེར་ཟེར་ནས་ཆིག་གཅོད་བྱས་པ་འདི་རེད།
གསུམ་པ། དབུ་མའི་ལམ་ལ་དམིགས་ཡུལ་ཡོད་པ་མ་རེད་ཟེར་བ་འདི་རེད།
སྣང་བར་འགྲོ་བོ་དག་ནི། ཁ་ཐུག་གིས་ཞུས་ན། དང་པོ། བོད་པའི་ཆོས་ལུགས་ཆོས་རྒྱུད་ཁག་གི་བླ་སྤྲུལ་དགེ་བཤེས་ཚོར་བོད་དོན་ལས་ལྷག་གི་ཆོས་ཞིག་བསྒྲུབ་རྒྱུ་ཡོད་ན། བོད་མི་རིགས་ལ་དགོས་མཁོ་མི་འདུག བོད་པའི་སྤྱི་ཚོགས་ནང་ནས་ཕྱར་འཐོན་རོགས་ཟེར་བ་འདི་རེད།
གཉིས་པ། གངས་སྐྱིད་གཞུང་གིས་རྒྱལ་ཁབ་རང་བཙན་པ་ཞིག་གི་སྟོང་སེམས་འཆིང་ནས་ལྷོད་ལྷོད་ཀྱིས་བཞུགས་འདུག་ཟེར་བ་འདི་རེད།
གསུམ་པ། བོད་ནང་ཚེ་སྲོག་གཅིག་རེ་གཅིག་རེ་བོད་དོན་ཐོག་འཇོག་གི་ཡོད་དུས། བཙན་བྱོལ་བོད་གཞུང་གིས་མི་དམངས་ལ་མགོ་བསྐོར་ཙམ་བཏང་ནས་སྡོད་ཀྱི་ཡིན་ན། མི་མང་ཚོས་ཨང་དང་པོ་གངས་ཅན་སྐྱིད་གཤོངས་ལ་ངོ་རྒོལ་སྐད་འབོད་གནང་དགོས་པ་རེད་ཟེར་བ་འདི་རེད།
དྲ་གྲོགས་ཚོ། མི་འདིའི་རིགས་ཀྱིས་གླེང་གཞི་ཞིག་བཟོས་ཚར་དུས་ད་དོན་དག་ཅིག་འགྲུབ་ཟིན་པར་ངོས་འཛིན་བྱེད་ཀྱི་ཡོད་པ་རེད། དེ་ལས་འདི་རིགས་ལ་བདག་པོ་མ་རྒྱབ་པར་གང་འདོད་བཤད་དུ་བཅུག་ན་ཡག་ཤོས་རེད། རྙོག་དྲ་མེད་པའང་དེ་རེད། གང་འཚམས་ཤིག་ནས་ཁོ་ཁོ་རང་རང་བཞིན་གནམ་ལ་ཡལ་ཞིང་ས་ལ་འཐིམས་འགྲོ་གི་རེད།
ཨ་རོགས་གཞན་དབང་དུ་འཁྱན་པའི་མཐའ་མཚམས་ཕོ་ཉ་བ། སེམས་ཀྱི་གཏིང་ནས་ལྷ་བཟང་དང་ཁྱེད་རང་གཉིས་༧གོང་ས་མཆོག་ལ་གུས་ཞེན་སུ་ཆེ་ངོ་མ་བཤད་དཀའ་རྒྱུ་རེད། འོན་ཀྱང་གནས་ལུགས་ཀྱི་མདུན་དུ་སུ་ལ་ཡང་དམིགས་གསལ་མེད་དུས་ཐབས་ཤེས་མེད་སོང་བ་ཡིན། ་་་་་་ཤེས་སོང་བས་ལགས།
ལྷ་བཟང་དང་འཇམ་ནོར་སོགས་ནི་སྒལ་ཚིགས་ཡོད་པའི་བོད་ཀྱི་རྩོམ་པ་པོ་དང་ཆབ་སྲིད་པ་ངོ་མ་དག་རེད། འདི་ཚོ་ལ་གཞན་གྱིས་ཚད་ལས་བརྒལ་བའི་གནོན་གཙེར་བཟོས་རུང་རང་གི་བསམ་ཚུལ་ཁ་ནས་འདོན་པའི་སྤོབས་པ་ཆག་གི་མེད་པ་རེད། འདི་དག་ལ་རང་གཤིས་དང་རང་ཚུགས་ཡོད་པས་ན། རྒྱུན་ལྡན་ཡིག་ཉོག་ཆུ་རྒྱུག་རྒྱུག་དུ་ཕུད་མཁན་གྱི་རྩོམ་པོ་རུ་འབོད་པ། སྒོ་གསུམ་གྱི་ཀུན་སྤྱོད་ཚང་མ་ལ་ཆོལ་ཁ་དང་ཆོས་ལུགས་ཀྱི་ཞེན་ཁོག་གིས་རྒྱ་མཚོ་ལ་རོ་ཡིས་ཁྱབ་པ་བཞིན་ཁྱབ་ཡོད་པའི་ཧོར་གཙང་འཇིགས་མེད་དང་། ཆབ་བྲག་ལྷ་མོ་སྐྱབས་སོགས་དང་འདྲ་བ་དག་གིས་ནམ་ཡང་སྒྲུན་དུ་མེད་པ་རེད། ཡིན་ན་ཡང་ཁོང་ཚོའི་སྔ་ཕྱིའི་བསམ་ཚུལ་དག་ལ་གཏན་གཏན་བསམ་བློ་གཏོང་བ་དང་བློ་གཟུ་བོར་གནས་པའི་སྒོ་ནས་དགག་སྒྲུབ་བྱས་ན་ཡག་པོ་འདུག་ལ། དེ་ལྟར་བྱེད་འོས་པ་ཡིན་མོད། ཡིད་ཕངས་བ་ཞིག་ལ་ངེད་བོད་པ་ཚང་ལ་ད་དུང་ལྟ་བ་མཉམ་གནས་དང་རིག་གནས་གུ་ཡངས་ཀྱི་ཁོར་ཡུག་ཆགས་ཐུབ་མེད་དུས་དེ་ཚོ་ངོ་མ་དཀའ་རྒྱུ་རེད་སྙམ་མོ།
རྒན་པོ་སྲོག་རླུང་ཅན་འདིས་ལུག་རྫིས་ལུག་རྣམས་བྱེས་ཐང་བཀྲམས་ནས་ཞེས་དཔེ་སྦྱར་འདི་ནི་དྲིན་ཆེན་ལ་དྲིན་ལོག་བྱས་པ་མ་ཡིན་ནམ།