བྱ་བྲལ་རིན་པོ་ཆེར་དུག་བླུད་དེ་བཀྲོངས་འདུག

དྲང་པོར་བཤད་ན། ངས་ད་ལྟ་བར་དུ་བྱ་བྲལ་རིན་པོ་ཆེའི་པར་ཁུར་ནས་ཁོང་བཙོན་གྲོལ་ཡོང་བའི་འབོད་སྒྲ་སྒྲོག་པ་གོ་མ་མྱོང་། ཁོང་གི་མཚན་འབོད་ནས་བཙོན་གྲོལ་དགོས་པའི་འབོད་སྒྲ་སྒྲོག་པ་གོ་མ་མྱོང་། སྙིང་རྗེ། ཁོང་གི་ཆེད་དུ་ང་ཚོས་ལས་འགུལ་སྤེལ་མ་ཐུབ་པ་ནི་ངོ་མ་དྲིན་ལན་ལོག་འཇལ་ཞིག་ཏུ་ངོས་འཛིན་བཞིན་ཡོད། ཁོང་ནི་བོད་མི་རིགས་ཀྱི་ལས་སྐལ་དང་འབྲེལ་བའི་བཙོན་པ་གལ་ཆེན་ཞིག་ཡིན། རྒྱུ་མཚན་ནི་ཁོང་གི་བྱ་གཞག་ནི་བོད་མི་རིགས་ཀྱི་དབུ་ཁྲིད་གལ་ཆེན་ཞིག་དང་ངོ་བོ་གཉིས་སུ་མེད་པ་ལྟ་བུ་གྱུར་པས་སོ། །

༸ པཎ་ཆེན་ཨིར་ཏི་ནི་ཆོས་ཀྱི་རྒྱལ་མཚན་མཆོག་དང་། པཎ་ཆེན་སྐུ་ཕྲེང་བཅུ་གཅིག་པ་དགེ་འདུན་ཆོས་ཀྱི་ཉི་མ་མཆོག བྱ་བྲལ་རིན་པོ་ཆེ་སོགས་འབྲེལ་ཡོད་ཚང་མར་གུས་འདུད་ཞུ།

གངས་ཅན་ལྗོངས་ཀྱི་ཆོས་སྲིད་བྱ་བའི་གདུགས།།
འདེགས་པའི་སྲི་ཞུར་གཏོགས་པའི་སྐྱེ་བོ་ཀུན།།
ལྷག་བསམ་རྣམ་དཔྱོད་དཔུང་པ་རབ་བརྟན་ཅིང་།།
སྐྱེ་ཀུན་ཕྱག་ན་པདྨོས་རྗེས་བཟུང་ཤོག།

རྒྱ་གཞུང་གིས་བོད་མི་གསོད་སྟངས་གསུམ་ནི།

༡༽ངོ་རྒོལ་བྱ་སའི་ས་སྟེང་དེ་ག་རང་ལ་མེ་མདའ་བརྒྱབ་ནས་གསོད་པ།

༢༽འཛིན་བཟུང་ཐུབ་ན་ཁག་བཀྲི་སྣ་ཚོགས་ཀྱིས་བཙོན་ཁང་ནང་དུ་ལྟོག་སྐོམ་ཚ་གྲང་རྡུང་བརྡེག་གིས་གསོད་པའམ་མཐར་འཆི་རུ་བཅུག་པ།

༣༽ལས་གནས་ཐོབ་ཟིན་པའི་བོད་རིགས་ཅིག་ཡིན་ན་འཛིན་བཟུང་བྱས་པ་དང་། མ་བྱས་གང་རུང་གི་དུས་སུ་དུག་བཏང་ནས་ལྐོག་གསོད་བྱེད་བཞིན་འདུག་ལགས།

བྲོས་བྱོལ་མགོ་བདེ་བ་རང་དོན་འཁྲབ་སྟོན་པའི་རིགས་ཚོགས་འུ་ཚོ་ལྟར་མ་ཡིན་པར། ལུས་སྲོག་ལོངས་སྤྱོད་མཐའ་དག་སྙིང་སྟོབས་ཆེན་པོས་སྐད་གསེང་མཐོན་པོས་བོད་རྒྱལ་ཁབ་ཆེན་པོ་དང་བོད་མི་རིགས་ཀྱི་ཆེད་དུ་འབུལ་མཁན་ཁོང་རྣམ་པར་སྒལ་ཚིགས་ཡོན་པོར་མ་གྱུར་བའི་བོད་མི་རིགས་ཀྱི་བུ་རབས་ཚ་རྒྱུད་ཀུན་གྱིས་དུས་ནས་དུས་སུ་ཤ་གསེང་རུས་པའི་གཏིང་ནས་ཡི་རངས་དང་དད་གུས་བྱེད་ངེས་རེད་ལ། བོད་མི་རིགས་འདི་མ་སྟོང་བར་དུ་ལོ་རྒྱུས་ཀྱི་གླེག་བམ་ཁྲོད་བཞུགས་ངེས་རེད།

བྱ་བྲལ་རིན་པོ་ཆེ་དགོངས་པ་གཤེགས་མེད་པའི་སྨོན་ལམ་གྲངས་མེད་ཞུ། ཁོང་སླར་ཡང་བཙོལ་གྲོལ་ཐོབ་ནས་རང་དབང་གི་བདེ་སྐྱིད་ལ་རོལ་ཐུབ་པའི་སྨོན་འདུན་ཞུ། དཔའ་བོ་ཁོང་ལྟ་བུའི་བྱས་རྗེས་ལས་པཎ་ཆེན་སྐུ་ཕྲེང་བཅུ་གཅིག་པ་འཁྲུལ་མེད་ངོས་འཛིན་ཐུབ་པ་བྱུང་ཡོད། གང་ཡིན་ཟེར་ན། ཁོང་འཛིན་བཟུང་བྱས་པའི་རྒྱུ་མཚན་གཙོ་བོ་ནི། ཁོང་གིས་ཕྱིར་བཞུགས་༸གོང་ས་མཆོག་ལ་འབྲེལ་བ་བྱེད་ནས་ཡང་སྲིད་རྩད་གཅོད་བྱེད་པ་དེ་ཡིན། ཕལ་ཆེར་འབྲེལ་བ་ཞིག་གཏན་གཏན་བྱུང་ཡོད་ངེས་རེད། ཁོང་གི་ཕྱག་རོགས་བྱམས་པ་ཆུང་ལགས་ཡང་དེའི་ཚེ་འཛིན་བཟུང་བྱས་ནས་སྔ་ལོའི་ཟླ་བ་༡༡ པའི་ནང་འདས་གྲོངས་སུ་གྱུར་འདུག ༸རྒྱལ་བ་ཡབ་སྲས་ཀྱི་གནད་དོན་དེ་བོད་མི་རིགས་ལ་མཚོན་ན་གནད་འགག་ཆེ་ཤོས་གཉིས་པ་རུ་གྱུར་ཡོད།

བྱ་བྲལ་བྱམས་པ་འཕྲིན་ལས་རིན་པོ་ཆེ་མཆོག་དུས་བཀག་གཙང་སྟེ་ལོ་མང་ཕྱིན་ཡོད་ནའང༌། འཆི་གསོན་གྱི་གནས་སྟངས་ཇི་ཡིན་གང་ཡང་ཤེས་རྟོགས་མེད་པར་གྱུར་བ་དེའི་ཐོག་ནས་བོད་ལྗོངས་ནང་བསྟན་གྱི་མཐོ་རིམ་མི་སྣ་དེའི་བཀའ་མོལ་དེ་དག་ནི་ད་ལྟ་ཚད་འཛིན་ས་ཞིག་ཏུ་གྱུར་ཡོད་སྲིད་པ་རེད། ཅེས་བོད་མིའི་སྒྲིག་འཛུགས་ཀྱི་དྲ་རྒྱར་གསལ་འདུག དེར་བརྟེན་ད་དུང་ཚིག་ཐག་གང་ཡང་བཅད་གནང་མི་འདུག་ལ། གཞུང་འབྲེལ་གྱི་ངོས་ནས་ཚད་འཛིན་བྱེད་ཀྱི་ཡོད་ཅེས་ཀྱང་གསུངས་མེད་པ་གོང་དུ་གསལ་བ་ལྟར་རེད། དེ་བས་གསར་འགྱུར་འདི་འབྲི་སྟངས་ཏག་ཏག་ཅིག་བསྡད་ཨེ་ཡོད་ན་བསམས།

དམར་པོའི་སྲིད་གཞུང་འདི་འགོ་རྟིང་སློག་པར་ཤོག་ཅེས་སྨོན་ལམ་ཡང་ཡང་འདེབས་ཀྱིན་ཡོད།

རིན་པོ་ཆེ་སྐུ་མྱ་ངན་ལས་འདས་མེད་ཚེས་ང་ཚོས་ཁོང་བཙོན་ཁང་ནས་མགྱོགས་པོར་གློ་གྲོས་ཡོང་བའི་ཐབས་ལམ་ཞིག་འཚོལ་དགོས། གལ་ཏེ་རིན་པོ་ཆེ་ཚེ་ལས་འདས་ཚར་ཡོད་པ་དངོས་གསལ་བྱུང་ན་ང་ཚོས་འཛམ་གླིང་ཡོངས་ལ་རྒྱ་མིའི་སྡུག་རྩུབ་འོག་ཏུ་མནར་བཅོད་དང་རྡུང་སྡིག་གིས་བཀྲོང་པའི་རིན་པོ་ཆེའི་དངོས་ཡོད་ལོ་རྒྱུས་ཁྱབ་གྲགས་བྱ་རྒྱུ་གལ་ཆེ་ཡིན་པས་ཁྱབ་གྲགས་ངེས་པར་བྱ་དགོས།

གནས་ཚུལ་དེ་བདེན་ཤས་ཆེ་རྒྱུ་རེད་བསམས་ནས་སྐྱོ་བྱུང་། རྒྱ་ཁྲིམས་དམར་པོའི་འོག་དེ་བོད་མིའི་ཚ་གཟེར་དང་སྡུག་བསྔལ་གྱི་ཟུངས་ཁྲག་བཞུར་ས་དང་། རྣམ་ཤེས་གྲངས་མེད་ཀྱི་ངུ་སྔངས་ཤོར་ས་རེད། ཆེས་མནར་གནོད་ཀྱི་ཟིན་ཐོ་ལས་བརྒལ་བ་རེད། སྔོན་མར་བློ་བཟང་དར་རྒྱས་གསད་སྟངས་དེ་བཤད་ན་ཤ་དང་རུས་པའི་མི་བཟོད་པ་ཞིག་རེད། དེ་དང་དེ་འདྲ་བའི་བོད་མི་ཁྲི་མ་འབུམ། ཁྲི་མ་འབུམ། ཁྲི་མ་འབུམ། ངོ་མ་སྙིང་མ་རྗེ།

གནས་ཚུལ་འདི་ཡང་བདེན་ན་རྒྱ་གཞུང་གིས།

སྔར་གྱི་དུས་སུ་པཎ་ཆེན་བླ་མ་བདུག་གིས་བཀྲོངས། །
ད་ལྟའི་དུས་སུ་བྱ་བྲལ་སྤྲུལ་སྐུ་བདུག་གིས་བཀྲོངས། །
མ་འོངས་དུས་སུ་པཎ་ཆེན་བསྟན་དགེ་བཀྲོང་སྲིད་ལ། །
དེ་ནས་རང་བསྐོས་རྒྱལ་མཚན་ནོར་བུའང་ཅི་ཆ་ཡོད། །

རང་གཞན་གཉིས་ཕུང་བགྱིད་པའི་སྙིང་རྗེའི་ཡུལ། །མི་བསྲུན་སྐྱེ་བོའི་་་