ལྷ་བཟང་ཚེ་རིང་ལགས་ཀྱི་མདོ་རྩ་དེད་ན།

ཅོ་རི་ཉི་མ་ལགས། ཉིད་ཀྱིས་ཅི་ཞིག་བཤད་ཀྱིན་པ་ཏག་ཏག་ཅིག་གོ་མ་སོང་། ཚོད་དཔག་ལྟར་ན། ཉིད་ཀྱིས་གང་ཞིག་ནས་འདེམས་ཤོག་བསྡུས་པ་ཡིན་ལ་དེའི་གྲུབ་དོན་འདི་འདྲ་རེད་ཅེས་ཟེར་གྱིན་པ་འདྲ། གནས་གང་ཞིག་ནས་བསྡུས་པ་ཡིན། མི་ཅི་ཙམ་འདུག

གཞན་ཉིད་ཀྱིས། ང་ཚོས་བོད་ནང་གི་རང་ལུས་སྦྱིན་སྲེག་གནང་མཁན་ཚོའི་ཐུགས་འདོད་ངོ་མ་དེ་ཅི་ཞིག་ཡིན་པར་ངོས་འཛིན་གྱི་ཡོད་ཅེས་འདྲི་གི་ཡོད་ན། དེ་ནི་ཁོང་རྣམ་པའི་འབོད་ཚིག་ལས་གསལ་བོར་བསྟན་འདུག ༸གོང་ས་མཆོག་བོད་ལ་གདན་འདྲེན་ཞུ་དགོས་གསུངས་ཀྱི་འདུག བོད་རང་དབང་གཙང་མ་གསུངས་ཀྱི་འདུག མི་རིགས་འདྲ་མཉམ་གསུངས་ཀྱི་འདུག ཐོབ་ཐང་གཅིག་པ་གསུངས་ཀྱི་འདུག འདི་འདྲའི་གསལ་བོ་དག་མོའི་སྐད་ཆ་ཞིག་ལ་ད་དུང་འགྲེལ་བཤད་གཞན་ཞིག་རྒྱག་དགོས་ཀྱི་འདུག་གམ།

ང་ཚོས་རང་བཙན་རྩོད་མཁན་ལ་ངོ་རྒོལ་བྱེད་ཀྱིན་མེད། རང་བཙན་ཁ་ལ་འཁྱེར་ཏེ་ནང་ཁུལ་དཀྲུག་མཁན་ལ་ངོ་རྒོལ་བྱེད་ཀྱི་ཡོད། རང་བཙན་ཁ་ལ་འཁྱེར་ཏེ་བོད་ནང་གི་བོད་མིའི་ཚེ་སྲོག་རྩེད་སྤྱད་བྱེད་མཁན་ཚོར་ངོ་རྒོལ་བྱེད་ཀྱི་ཡོད། རང་བཙན་ཁ་ལ་འཁྱེར་ཏེ་མགོ་བདེ་ཁྲམ་ལས་བྱེད་མཁན་ཚོར་ངོ་རྒོལ་བྱེད་ཀྱི་ཡོད། རང་བཙན་ཁ་ལ་འཁྱེར་ཏེ་༸གོང་ས་མཆོག་དང་གཞུང་ལ་ངན་སྨོད་དང་གཏོར་བཤིག་གཏོང་མཁན་ཚོར་ངོ་རྒོལ་བྱེད་ཀྱི་ཡོད། རང་བཙན་ཁ་ལ་འཁྱེར་ཏེ་སྟོང་བཤད་རྒྱག་མཁན་ཚོའི་མདོ་རྩ་འདེད་ཀྱི་ཡོད།

རྨེ་བ་ཚང་དང་བསྟན་འཛིན་ཤེས་རབ་གཉིས་ལ་ངའི་ཟིན་བྲིས་སུ་གསལ་བཤད་བྱས་ཡོད་པས་དེར་ཕེབས་བསུ་ཞུ།

བཀར་གཟན་བསྟན་ཤེས་ལགས་་་མངོན་སུམ་ལ་རྙོག་གི་ཡོད་མེད་འདི་ལ་མིག་གིས་ལྟོས།
བསམ་ཤོག
ཁྱེད་ཀྱིས་བོད་ནང་རང་ལུས་མེར་བསྲེགས་གཏོང་བཞིན་པ་དག་གི་མངོན་འདོད་གཙོ་བོ་གང་ལ་ངོས་འཛིན་གནང་གི་ཡོད་དམ།
༧གོང་ས་མཆོག་བོད་ནང་ཕེབས་རྒྱུ། (༧༧)
རང་དབང་དང་ཐོབ་ཐང་ཆེད། (༩༥)
བོད་རང་བཙན་ཆེད། (༢༠༠)
གཞན། (༢)

དྲ་གྲོགས་རྒྱང་མིག་ལགས་ཀྱིས་སྐད་ཆ་ཁྱད་མཚར་བོ་ཞིག་བཤད་ཀྱི་འདུག རྒན་ལྷ་བཟང་ལགས་ནང་བཞིན་ཚད་ལས་བརྒལ་གྱི་འདུག དྲ་གྲོགས་ལགས། མངོན་སུམ་ལ་བསྙོན་མ་འདིང་། མིག་གིས་བལྟས་བལྟས་ལ་བརྫུན་མ་བཤད། མི་ཞིག་ཡིན་ན་མ་མཐའི་མི་གཤིས་ཀྱི་ཚད་གཞི་ཞིག་དགོས་པ་རེད། ཡིད་ལ་ཟུངས། ༸གོང་ས་མཆོག་གིས་གཙོས་པའི་དབུ་མའི་ལམ་གྱི་ལངས་ཕྱོགས་འཛིན་མཁན་ཚོས་བོད་རྒྱལ་ཁབ་བློས་བཏང་བ་རེད་ཟེར་མཁན་ཁྱོད་འདྲ་བ་ཚོར་སྐད་ཆ་ཞིག་བཤད་རྒྱུའི་རིན་ཐང་མི་འདུག་མོད། གདོང་དམར་བའི་རིགས་རྒྱུད་གཅིག་པའི་ཁ་ངོར་བསམ་སྟེ་བསླབ་བྱ་ཞིག་བྱས་པ་ཡིན།

དབུ་མ་བས་ནང་ཆོས་གཅིག་པུ་འདོད་པ་ཞིག་དང་རང་བཙན་པས་བོད་རྒྱལ་ཁབ་གཅིག་པུ་འདོད་པ་ཞིག་གཏན་ནས་ཡིན་རྒྱུ་མ་རེད། གལ་ཏེ་དེ་ལྟར་ཡིན་པའི་དབང་དུ་བཏང་ན་ངས་ནང་ཆོས་འདེམས་ཐག་ཆོད་ཡིན། རྒྱུ་མཚན་གཅིག་རང་སྟེ། རྒྱལ་ཁབ་དང་མི་རིགས་འདྲ་མིན་ནི་འཛམ་གླིང་འདིར་མང་མེད་ན་ཉུང་མེད། འོན་ཀྱང་ནང་ཆོས་གཤའ་མ་ཆ་ཚང་བ་གོ་དོན་མ་ནོར་བ་ཞིག་ཡོད་པ་དེ་བོད་གཅིག་པུ་རེད། གཉིས་ནས་རྒྱལ་ཁབ་ཅེས་པ་དེ་མི་རིགས་བྱེ་བྲག་པ་ཞིག་གི་ཁེ་ཕན་དང་ནང་ཆོས་ཟེར་བ་འདི་སྐྱེ་འགྲོ་ཡོངས་ཀྱི་འཕྲལ་ཕུགས་གཉིས་དགེའི་ཐུན་མོང་གི་བླ་ན་མེད་པའི་ནོར་བུ་ཞིག་ཡིན་པས་སོ།

གྲོགས་རོ་ལངས་ལགས། ང་དད་པ་ཟེར་བ་འདི་ལ་ཐུག་དུས་གནས་ལུགས་མི་ཤོད་མཁན་ཞིག་ཏུ་འདོད་ཀྱང་ཆོག་གི་རེད། ངས་དངོས་གནས་རང་ཉིད་དད་ཞེན་ཞིག་གི་དབང་དུ་སོང་ནས་སྐད་ཆ་ཤོད་མཁན་དེ་རིགས་མིན་བསམ་གྱིན་ཡོད། འོན་ཀྱང་། རྒན་པོ་ལྷ་བཟང་ལགས་ཀྱི་སྐད་ཆ་དེ་ཚོ་བདེན་ལུགས་མངའ་བའི་མཁོ་ཆས་ཤིག་ཏུ་མཐོང་མ་སོང་། རྒན་ལྷ་བཟང་ལགས་ཀྱི་སྐད་ཆ་དེར་གནས་ལུགས་ཀྱི་ཆ་ཅུང་མངོན་ཡོད་ས་དག་ནི་ཁོང་གི་སྐད་ཆའི་ཞོར་དང་ཟུར་ངོས་དག་ན་ཡོད་པ་ལས། གནད་གཙོ་བོ་དེའི་ངོས་ནི་འཛིན་ས་འཛིན་ཡུལ་མེད་པའི་སྐད་ཆ་ཁོག་སྟོང་ཞིག་རེད། རྒན་པོ་ཁོང་གིས་༸གོང་ས་མཆོག་ལུག་རྫི་ཐེབས་ཆག་ཅིག་གི་ཚད་ལ་ངོས་འཛིན་བྱས་པ་དང་། འབུ་མའི་ལམ་ལ་ཁ་ཕྱོགས་དང་དམིགས་ཡུལ་མེད་རབས་གླེང་བ། བོང་ནང་གི་རྒྱལ་གཅེས་དཔའ་བོ་དཔའ་མོ་དག་གི་ལས་འགུལ་གྱི་ཁ་ཕྱོགས་རང་བཙན་ཡིན་སྐོར་གླེང་བ་ནི་སོགས་ནི། རྒན་པོ་རང་ཉིད་ཀྱི་བསམ་སར་གཟས་ནས་བཤད་པའི་སྐད་ཆ་ཞིག་ལས་དྲང་བདེན་དང་གནས་ལུགས་ཅན་གྱི་སྐད་ཆ་ཞིག་ག་ལ་ཡིན། གནད་འདི་དག་གི་ངོས་ནས་ངས། རྒན་པོ་ལྷ་བཟང་དང་ལྷ་བཟང་ཚོ་སྟེ། ཨུ་ཚུགས་དང་གླེན་གཤིས་མངའ་བ་དག་ནི་ལྟ་བ་དང་ལངས་ཕྱོགས་ཡོད་མཁན་གྱི་གྲལ་དུ་ནམ་ཡང་འཇོག་མི་འོས། ལྟ་བ་དང་ལངས་ཕྱོགས་ནི་གནས་དང་རྒྱུ་མཚན་གྱི་མངལ་ནས་འཁྲུངས་པ་ཞིག་དགོས་པས། ཞེས་གནད་འདུས་པའི་སྐད་ཆ་ཉུང་ངུ་ཞིག་གིས་མཐའ་བསྡོམས་བྱས་ཡོད།

ལྷག་བསམ་ཚེ་རིང་ལགས་དྲ་སྟེང་དུ་ཕེབས་ནས་ཁ་གསལ་པོའི་ཐོག་རང་གིས་བཤད་པའི་སྐད་ཆར་རང་གིས་འགན་ཞིག་འཁུར་ནས་བགྲོ་གླེང་བྱེད་ཐུབ་པའི་སྤོབས་པ་དང་། གཟི་བརྗིད། རྒྱུ་མཚན་དྲངས་རྒྱུ་བཅས་མེད་སོང་བ་རེད།

རྒྱུ་མཚན་དང་ལྡན་པའི་ཐོག་ནས་གནད་ལུགས་ལ་འགྲེལ་བཤད་བྱ་རྒྱུ་ཞིག་ཡོད་ན་ཁོང་རང་འདིར་ཕེབས་དགོས་ངེས་རེད། ཡིན་ནའང་རང་བོད་བཙན་འཐབ་རྩོད་པ་དང་གཅིག་དང་། བོད་མི་རྒྱལ་གཅེས་རིང་ལུགས་པ་ཞིག་ཏུ་རློམ་ནས་སྦྲང་སྐད་ལྟ་བུ་ཞིག་རྒྱག་ཁུལ་བྱས་མཐར་རང་ཉིད་རྡ་སའི་སྤྱི་ཚོགས་འདིའི་ཁྲོམ་གཞུང་དུ་ཆེ་མཐོང་དང་། གུས་བརྩི། རིན་ཐང་། གཟི་བརྗིད་སོགས་གང་ཡང་མེད་པའི་མི་ཞིག་ཏུ་གྱུར་པ་དེ་རེད།

ངས་བཤད་འདོད་པ་ཞིག་ལ་བོད་རིགས་རྒྱལ་གཅེས་པ་དང་། བོད་དོན་འཐབ་རྩོད་པ་སུ་ཞིག་ཡིན་ནའང་བོད་མི་རིགས་ལ་ཤ་ཚ་ན་༸ བོད་མིའི་བླ་ན་མེད་པའི་ཆོས་སྲིད་གཉིས་ཀྱི་དབུ་འཁྲིད་། གོང་ས་མཆོག་ལ་སྙིང་ནས་ཤ་ཚ་དགོས་པ་ཞིག་རེད།

དེ་ལས་ལྡོག་༸ གོང་ས་མཆོག་ལ་བཀུར་འདེབས་དང་མཚན་སྨད་བྱས་ན་བོད་མི་རིགས་དང་བོད་དོན་ལ་ཕན་རྒྱུ་ཕར་བཞག་ཐ་ན་རྒྱ་ནག་གཞུང་ལ་སྐད་ཆ་དེ་འདྲ་བཤད་མཁན་དང་ཞིག་དང་། ལས་ཀ་དེ་འདྲ་བྱེད་མཁན་ཞིག་དགོས་ཀྱི་ཡོད་སྟབས། རང་སྲིད་དགྲ་རུ་ལོག་པའི་མི་ངན་ཐེབ་ཆགས་གཅིག་ཆགས་རྒྱུ་ལས་གཞན་ཅི་ཡང་མི་ཡོང་།

དེ་ཡང་གསལ་པོར་བཤད་ན་རྒྱ་ནག་གཞུང་གིས་༸ གོང་ས་ཆམོག་གང་དུ་ཕེབས་པ་དང་། གང་མཛད་འཕྲིན་བསྐྱངས་བ། གང་དུ་གསུང་བཤད་གནང་ན་དེར་རྒྱ་མིས་གནོན་ཤུགས་རྟག་པར་སྤྲོད་ཐབས་བྱེད་པའི་གནས་སྟངས་དེས་གསལ་བཤད་གཅིག་བྱེད་ཐུབ།

སྐད་ཆ་སྡུག་ས་ནས་བཤད་ན་རང་གི་བརྒྱབ་མདུན་དང་། ལག་པའི་ཕྱི་ནང་། ཁ་དང་རྐུབ་གཉིས་ཀྱི་དབྱེ་བ་དེ་ཤེས་དགོས་ངེས་རེད།

དྲ་གྲོགས་རྣམ་པ་ཚོ་ཕེབས་ཏེ་གནས་ལུགས་མིག་ཁར་བཏད་ཅིང་བདེན་པ་གདོང་ལ་བཞག་སྟེ་བགྲོ་གླེང་གནང་བར་བཀའ་དྲིན་ཆེ། ང་ཚོ་སུ་དང་སུ་ཡིན་རུང་ཚང་མ་རིགས་གཅིག་གི་སྤུན་ཟླ་ཡིན་ལ་དམིགས་འབེན་གཅིག་གི་དོན་ལ་བགྲེང་མཁན་ཡིན་པས། གཅིག་གཅིག་ལ་ཁྲོ་བ་ལངས་དགོས་དོན་མེད་ལ་གཞི་མེད་ཉེས་འཛུགས་བྱེད་དགོས་དོན་དེ་བས་མེད། ང་ཚོ་ཚང་མས་གནས་ལུགས་བཤད། བདེན་པ་བརྡར།

རྡོ་རྗེ་ཚེ་རིང་དང་བཀྲ་ཤིས་རྣམ་པ་གཉིས་ལ་ཞུ་རྒྱུར། ངས་རྒན་ཁོང་ལ་དགག་རྒྱག་དང་ངན་སྨྲས་ཅི་ཡང་བྱས་མེད། བཤད་བཤད་པོ་གནས་ལུགས་དང་དངོས་ཡོད་ཀྱི་རྒྱ་མར་བཀྱག་ཡོད། ཚིག་དོན་ཅི་བཞིན་པའི་ཕྱི་ནང་སྔོག་ཡོད། དེ་དྲ་གྲོགས་རྣམ་པ་ཡོངས་ཀྱིས་མིག་གིས་མཐོང་མཐོང་བ་རེད། གཞན་ང་ལ་མི་གཞན་ནག་པོར་བཟོ་བའི་དགོས་པ་མེད་ལ་དེ་འདྲའི་བསམ་བློ་དང་བློ་ཁོག་ཀྱང་མེད། ལྷག་པར་རྒན་ལྷ་བཟང་ལགས་ལ།

གལ་ཏེ་ང་ལྷ་བཟང་ཚེ་རིང་ལགས་ཡིན་ན། དྲ་ངོས་འདིར་ཡོང་ནས་གྲོགས་པོ་ཚོར་བགྲོ་གླེང་ཞིབ་ལྷོད་རེ་བྱེད་ངེས་ཡིན། མ་མཐའ་ཡང་འགའ་ཞིག་གི་ལོག་རྟོག་དག་སེལ་བར་འདོད།་འོན་ཀྱང་ཁོང་ཕལ་ཆེར་ཕེབས་ས་མ་རེད། གལ་ཏེ་རྦད་དེ་མ་ཕེབས་ན་ཁོང་གིས་ང་ཚོར་མཐོང་ཆུང་བྱས་པ་ཡིན་ནམ། ཡང་ན་ལན་གྱིས་ཕོངས་པ་ཡིན་ནམ། ཡང་ན་བཏང་སྙོམས་སུ་བཞག་པ་ཡིན། ཡང་ན་་་་་

ཆིག་སྒྲིལ་ལ་གཏོར་གཤིག་གཏོང་མཁན་ངོ་མ་དེ་སྐབས་འཚོལ་རིང་ལུགས་པ་འགའ་ཤས་ལས་རྒན་ལྷ་བཟང་ལགས་ཁོང་མ་རེད། རང་གི་ལངས་ཕྱོགས་དང་མི་མཐུན་པ་ཚོར་དགག་རྒྱག་དང་ངན་སྨྲས་བྱེད་པའི་ལངས་ཕྱོགས་དེ་སྔོན་མ་གཡོན་ཕྱོགས་རིང་ལུགས་པའི་བྱ་སྟངས་རང་ལས་གཞན་མ་འདས།

ཨ་ཁུ་བསྟན་ཤེས་ལགས་ཀྱིས་ཡག་པོ་བྱེ་བྲག་གསུངས་འདུག ༧་གོང་ས་མཆོག་གི་ཐུགས་རྗེ་དང་བྱམས་བརྩེ་བཟང་བོས་སྐྲུན་པའི་ཡངས་བའི་རྩ་ཐང་ནས་རྩ་བཟང་བོ་དང་ཆུ་དྭངས་མ་ལོངས་སུ་སྤྱོད་ཀི་སྤྱོད་ཀི་ལ་ཡང་ད་དུང་བྱེ་ཐང་ནས་ཡོད་པའི་སྣང་བ་ཞིག་དང་བྱེ་ཐང་དུ་དེད་པའི་ཚོར་སྣང་ཞིག་ལས་མེད་ན་ངོ་མ་ཡ་མཚན་རེད། དེར་བརྟེན་དེང་སྐབས་ལྷ་བཟང་ཚེ་རིང་གཙོས་བའི་བོད་མི་བསམ་མེད་ཁག་ཅིག་གི་སེམས་ལ་གདོན་ཞུགས་ཡོད་བ་རེད། སྔོན་བྱུང་གི་ལོ་རྒྱུས་ནང་དུའང་འདི་ལྟ་བུའི་མི་ཁག་ཅིག་གིས་བཟང་བོ་ཚར་གཅོད་དང་ངན་པ་སྐྱེད་སྲིང་བྱས་ཏེ་རང་གཞུང་དང་རང་རིགས་མགོ་སྟེང་ལོག་ཏུ་བཅུགས་ཡོད་བ་རེད། ད་དུང་མཆན་འདེབས་མཁན་སྐོར་ཞིག་གིས་ལྷ་བཟང་ཚེ་རིང་ཧོམ་ལོག་ལ་གནས་ལུགས་ཡོད་རབས་དང་རྒྱུ་མཚན་དྲང་ལུགས་བཤད་ཀྱིན་འདུག དེ་དག་ཚང་མ་ཕལ་ཆེར་རྡ་སར་གནས་བའི་སྐྱ་སྟོང་མགོ་སྟོང་ཚོ་རེད། ཁོ་ཚོ་ལ་ཁ་བདེ་བོ་ཞིག་དང་ལག་བདག་མེད་ཞིག་ཡོད་བ་རེད། འདིའི་རིགས་ཀྱིས་ནམ་རྒྱུན་ནས་༧་གོང་ས་མཆོག་གཙོས་བའི་རང་གཞུང་དང་མགོ་ཁྲིད་རྣམ་པར་ཉེས་འཛུགས་དང་སྐྱོན་བརྗོད་རྐྱང་རྐྱང་བྱེད་ནས་བསྡད་ཡོད་བ་རེད། འདི་དག་གིས་ཚོད་བཟུང་ན་ཡག་པོ་ཡོད་བ་རེད། སྐྲག་སྣང་མེད་ཀྱང་ཚོར་སྣང་ཞིག་ཡོད་དགོས་པ་རེད། ཁྱོད་ཚོས་མི་རིགས་འདི་དང་རྒྱལ་ཁབ་འདི་ལ་ཞབས་འདེགས་ཅི་ཞིག་སྒྲུབ་ཡོད། ཉིན་མཚན་ཀུན་ཏུ་རང་གི་ལྟོ་གོས་སྒྲུབ་ཀྱང་ད་དུང་རྒྱབ་ཁེབས་མི་ཁེབས་བྱས་ནས་བསྡད་ཡོད་བ། རང་གི་ལྟོ་གོས་མི་འཁྱོངས་ནི་ཞིག་གིས་སྤྱི་དོན་ལ་ཕན་མ་ཐོགས་ཀྱང་གནོད་མ་སྐྱེལ་ན་ཡག་གི་རེད། མི་རིགས་འདི་དང་རྒྱལ་ཁབ་འདིའི་དོན་དུ་༧གོང་ས་མཆོག་གི་ཉིན་མཚན་དབྱེར་མེད་དུ་སྐུ་ངལ་དང་ཐུགས་ཁུར་ག་ཚད་ཞིག་གནང་བ་ཡོད་བ་ཤེས་ཀྱིན་ཨེ་ཡོད། རང་གིས་ཐ་ན་ཆུ་ཚོད་གཅིག་ཀྱང་སྤྱི་དོན་དུ་སྤུངས་མི་ནུས་ན། ཉིན་མཚན་དུས་དྲུག་ཏུ་ཁྱེད་རང་ཐེ་བའི་མི་རིགས་འདིའི་དོན་དུ་ཐུགས་ཁུར་དང་སྐུ་ངལ་སྐྱོན་མཁན་དེ་དག་ལ་ཉེས་འཛུགས་དང་སྐྱོན་་བརྗོད་བྱས་ན་ལས་འབྲས་ལ་ཡང་རུང་གི་མ་རེད་ད།

ད་ལྟའི་རང་རེའི་སྤྱི་ཚོགས་ཁྲོད་ཀྱི་རང་སྣང་གནམ་མཁར་དཔྱངས་ཤིང་རང་རྩིས་རི་ལས་ཆེ་བའི་མི་དག་གི་ཁ་སྒོ་ན་ནམ་རྒྱུན་མགོ་ལ་རྡོ་ཕོག་གྲབས་བྱེད་ཅེས་པའི་ཁ་ཚིག་ཅིག་འབྱར་བསྡད་ཡོད། ཁ་ཚིག་འདི་ནི་གཅིག་ནས་ཁོ་ཚོའི་རང་གི་ཆེ་མཐོང་སྒྲུབ་བྱེད་ཡིན་ལ། གཉིས་ནས་ཁོ་ཚོའི་མགོ་བདེ་འཁྲབ་བྱེད་ཡིན། དོན་དག་མི་གོ་བའི་མི་ཚོ་ནམ་ཡིན་ཡང་ཁོ་ཚོའི་བསླུ་ཚིག་འོག་ན་མགོ་བོ་ལིང་ལིང་འཁོར་བཞིན་ཡོད། བདེན་པ་དང་དངོས་ཡོད་མིག་མདུན་དུ་བཞག་ན་ཡང་ཁས་མེ་ལེན་ལ། མིག་གིས་བལྟས་བལྟས་དང་རྣ་བས་ཐོས་ཐོས་ལ་བརྫུན་བཤད་པ་ནི་ཁོ་ཚོའི་ཐུན་མོང་མ་ཡིན་པའི་ཁྱད་ཆོས་ཤིག་ཏུ་ཡང་སྣང་བས། མཚམས་རེར་ཁོ་ཚོར་ཁ་ཡ་བྱེད་པ་ནི་ཐང་ཆད་པའི་རྒྱུ་ལས་མེད་པའི་སྣང་བ་ཞིག་ཀྱང་ཤར་ཡོང་།

འདི་ན་རྒྱལ་བ་རིན་པོ་ཆེ་དང་ལྷ་བཟང་གཉིས་རྡུང་རེས་རྒྱག་གི་ཡོད་པ་ཨེ་རེད། ཡིན་ན་ལྷ་བཟང་ལེབ་ལེབ་བཟོ་གི་ཡིན་ད། དད་པ་ཡོད་རུང་མེད་རུང་རྒད་པོ་ཞིག་ལས་རྒྱལ་བ་རིན་པོ་ཆེའི་ཕྱོགས་ཡིན་ད། འཇམ་ནོར་ཉུག་མ་ལུང་ཐུང་ཟེར་མཁན་ཡང་ཐོན་སོང་བ། དབུ་མའི་ལམ་གྱིས་འདོད་པ་མི་ཁེངས་ཚོ་གཟབ་གཟབ་བྱོས་མ་གཏོགས། བོད་མི་གླེན་པ་ས་ཡ་དྲུག་ཡོད་པ་རེད་ད། 

སྐུ་ཞོགས་ལགས་ཚོར་བ་དང་ཞེན་ཁོག་གི་དབངདུ་མ་ཤོར་བའི་ཐོག་ནས་གསོན་དང་། ཤེས་དགོས་པ་ཞིག་ལ་ལྷ་བཟང་གིས་གོང་ས་མཆོག་ལ་གནད་མི་ཁྱོག་པའི་རྐྱོན་བརྗོད་ཅི་ཡང་བྱས་མི་འདུག གཅིག་བྱས་ཡོད་ཀི་ཟེར་ནས་ཚང་མས་འུར་རྒྱག་ས་དེ་ནི་དཔེ་འཇོག་དེ་རེད། དེ་ཡང་གོས་ཆེན་གྱི་སྦུབ་ན་ལྷོད་ཀྱི་ཉལ་ཏེ། ཁ་དུང་ཆེན་འདྲ་དེ་སྤྱི་ཚོགས་ལ་བཏད་ཀྱང་དོན་གྱི་ཆོས་སྲིད་གང་གིའང་ཕྱག་ལེན་འདི་ཞེས་བསྟན་དུ་མེད་པའི་རག་དུང་ཁ་དག་གིས་ལོགས་འགྲེལ་དང་བཙན་འགྲེལ་བྱས་ཏེ་དེའི་དོན་ངེས་པར་དུ་འདི་ལྟར་ཡིན་དགོས། དེས་ན་ཁྱེད་རང་གིས་གོང་ས་མཆོག་ལ་གཞི་མེད་སྒྲོ་འདོགས་ཞུས་བཞག་ཅེས་བཀའ་བཏང་གི་ཡོད་པ་རེད། འདི་ནི་འབེན་རང་གིས་བཙུགས་ནས་མདའང་རང་གིས་བརྒྱབས་པ་ཞིག་རེད།

གཉིས་ནས་༼ལྷ་བཟང་ཚེ་རིང་སོགས་རྗེས་འབྲང་འཁོར་དང་བཅས་པས་༽འདི་འདྲའི་ཐ་སྙད་རིགས་དེ་རེད། འདི་ནི་ཞྭ་མོ་གཡོག་སྟངས་ཤིག་རེད། དེ་ལ་བདེན་ཁ་སྟེར་ན་དེ་ཡི་འཁོར་ཡིན་དགོས་ན། སྐུ་ཉིད་རྒྱ་དམར་གྱི་རྩ་ཁྲིམས་ཀྱི་འཁོར་ཡིན་པར་མི་འགྱུར་གྲང་།
བསྟན་ཤེ་ན་རེ་”ད་དུང་རྒན་ལྷ་བཟང་ཚེ་རིང་ལགས་ཀྱིས། རང་ལུས་སྲེག་སྦྱོར་གནང་མཁན་ཚོས། ༼ང་ཚོར་རང་བཙན་དགོས་ཟེར་བ་འདི་རེད།༽ ཅེས་མངོན་སུམ་ལ་བསྙོན་འདིང་སྟེ། རང་ལུས་སྲེག་སྦྱོར་གནང་མཁན་ཚོའི་སྲེག་དྲི་མ་ཡལ་གོང་ལ། ཁོང་ཚོའི་སྐུ་མདོག་ལ་མཚོན་རྩི་བྱུགས་ཏེ་ཁ་དོག་བསྒྱུར་རྩིས་བྱེད་ཀྱི་འདུག མི་འདི་ཚོའི་གྲས་འདིར་ཅི་འདྲའི་སྡུག་རྩུབ་ཅིག་ཆེ་བ་ལ།”མི་རྒན་དེ་ལ་ཉེས་མེད་དུ་རྡོ་ལོག་གཅིག་གནང་སོང་། འདི་འདྲ་མ་གསུངས། གསལ་འགྱུར་རྒྱུད་ལམ་དག་དང་འབྲེལ་ཡོད་ལ་རྒྱུས་ལོན་རེ་མཛོད་དང་མངོན་སུམ་ལ་སུས་སྙོན་འདུག་གཞི་ནས་ཤེས་ཡོང་གི་རེད།

དེས་ན་མང་པོ་མི་བཤད། སྐབས་དོན་གསལ་བའི་མྱི་ནག་ཚང་གི་བདེན་ཚིག་འགས་འཐུས་པར་བྱས་ན། མྱི་ནག་ཚང་ན་རེ༼ད་ནི། དོན་དག་གཞན་ཞིག་བཤད་ན། ལྷ་བཟང་ཚེ་རིང་ལགས་ཀྱིས་ཁོང་གི་མགོ་ལ་རྡོ་ཕོག་གྲབ་བྱས་ཚུལ་གསུངས་སོང་། བདེན་པ་རེད། ཁོང་གཅིག་པུ་མ་རེད། ཟླ་བ་ནོར་བུ། འཇམ་དབྱངས་ནོར་བུ། ཀླུ་མཁར་བྱམས་སོགས་རང་བཙན་གྱི་ལྟ་བ་འཛིན་མཁན་དག་གི་མགོར་རྡོ་དང་དབུག་པ་ཕོག་གྲབ་བྱས་པ་རེད། དེ་ནི་དབུ་མའི་ལམ་པ་ལ་རྒྱབ་སྐྱོར་ཡོད་ཟེར་མཁན་དེ་དག་གི་བྱ་སྟངས་ལས་སྟངས་རེད། རང་བཙན་རྩོད་མཁན་ཞིག་གིས་ད་བར་དུ་དབུ་མའི་ལམ་རྩོད་མཁན་ཞིག་ལ་དེ་འདྲའི་རྡོ་དང་དབྱུག་པ། མཐའ་ན་སྡིག་མཛུབ་དང་མཆིལ་མ་ཙམ་ཡང་འཕེན་མྱོང་ཡོད་པ་མ་རེད། འདི་ཡང་གསལ་བོ་ཤེས་རྒྱུ་གལ་ཆེན་པོ་རེད། ༽ཅེས་དང་༼གཞིས་ལུས་བོད་མི་ཚོ་རྒྱ་ནག་མཉམ་དུ་འདུག་འདོད་མེད་པ་གསལ་བོ་རེད། དེ་ཡོད་ན་མ་མཐར་ཡང་སྐུ་ལུས་མེ་ལ་སྒྲོན་པ་དང་། ཆོལ་ཁ་གསུམ་ནས་དར་ཕྱར་ནས་རྒྱུག་དགོས་དོན་ཡོད་པ་མ་རེད། ང་རང་གིས་ཤེས་ཚོད་ལ་ཕྱི་ལོག་ན་ཡོད་པའི་བོད་པའི་ཤེས་ཡོན་པ་ཕལ་ཆེ་བ་རང་བཙན་ལ་ཕྱོགས་འདུག ཡིན་ཡང་། ༧སྐུ་མདུན་གྱི་དགོངས་པ་འདིར་རྒྱབ་ཀྱིས་ཕྱོགས་མ་ཐུབ་པར་བསྡད་འདུག དེ་ནས་ཕྱི་གླིང་བ་བོད་དོན་ལ་ཞིབ་འཇུག་བྱེད་མཁན་དང་། བོད་དོན་ཆེད་མཁས་པ། བོད་དོན་རྒྱབ་སྐྱོར་བ་ཕལ་ཆེ་བ་རང་བཙན་ལ་ཕྱོགས་འདུག འདི་ཡང་ཡིད་མི་ཆེས་ན་ང་ཚོས་བསམ་ཤོག་འདྲ་བོ་ཞིག་བསྡུས་ནས་ལས་སླ་བོར་ཐག་གཅོད་ཐུབ་གི་རེད་འདོད།༽ ཅེས་སོ།

ནང་གྲལ་མ་དག་ན་ཕྱིའི་དོན་མི་འགྲུབ་ཅེས་པའི་དཔེ་ལྟར། ནང་གི་ཆིག་སྒྲིལ་དང་བརྟན་བརླིང་ལ་གཏོར་བཤིག་གཏོང་མཁན་གྱི་རིགས་ལ་ང་ཚོས་མཐའ་གཅིག་ཏུ་དགག་རྒྱག་བྱེད་འོས་པར་མཐོང་། ཡང་གཅིག་བཤད་ན། ལྷ་བཟང་ཚེ་རིང་སོགས་རྗེས་འབྲང་འཁོར་དང་བཅས་པས་༸གོང་ས་མཆོག་དང་རང་གཞུང་ལ་གཞི་མེད་ཉེས་འཛུགས་དང་ངན་ཁག་གཡོ་འགེལ་བྱེད་ཆོག་ན། ང་ཚོས་བདེན་པ་གདོང་ལ་བཞག་སྟེ་གནས་ཚུལ་གསལ་བརྗོད་བྱེད་ན་ཅིའི་ཕྱིར་མ་ཆོག་པ་རེད།

ད་དུང་རྒན་ལྷ་བཟང་ཚེ་རིང་ལགས་ཀྱིས། རང་ལུས་སྲེག་སྦྱོར་གནང་མཁན་ཚོས། ༼ང་ཚོར་རང་བཙན་དགོས་ཟེར་བ་འདི་རེད།༽ ཅེས་མངོན་སུམ་ལ་བསྙོན་འདིང་སྟེ། རང་ལུས་སྲེག་སྦྱོར་གནང་མཁན་ཚོའི་སྲེག་དྲི་མ་ཡལ་གོང་ལ། ཁོང་ཚོའི་སྐུ་མདོག་ལ་མཚོན་རྩི་བྱུགས་ཏེ་ཁ་དོག་བསྒྱུར་རྩིས་བྱེད་ཀྱི་འདུག མི་འདི་ཚོའི་གྲས་འདིར་ཅི་འདྲའི་སྡུག་རྩུབ་ཅིག་ཆེ་བ་ལ། ཨ་མའི་བུ་ལ་ཡོན་ཏན་ཡོད་ན། དགའ་ལྡན་ཁྲི་ལ་བདག་པོ་མེད་ཅེས་པའི་དཔེ་ལྟར། ཁྱེད་ཚོར་སེམས་ཤུགས་དང་འཇོན་ཐང་ཡོད་ན་རང་ཉིད་ཀྱིས་ལམ་ཞིག་བཟོས་ཏེ་བྱས་རྗེས་ཞོག་དང་། ངེས་པར་དུ་༸གོང་ས་མཆོག་ལ་གཞི་མེད་བསྙོན་འཛུགས་དང་ཉེས་མེད་ཉེས་འགེལ་བྱེད་པ་དང་། རྒྱལ་གཅེས་དཔའ་བོའི་ཚོའི་སྣང་བརྙན་རྩེད་སྤྱད་བྱེད་དགོས་དོན་ཅི་ཞིག་འདུག

འོ་འོ། ད་མཆན་མང་བོ་ཞིག་བཞག་འདུག

དྲ་ཐོག་ཏུ་༧གོང་ས་མཆོག་ལ་དད་པ་དང་དམ་ཚིག་ཡོད་མདོག་བྱས་ནས་རྒྱ་དམར་གྱི་ཁྲིམས་སུ་བརྩི་བཀུར་བྱེད་མཁན་ཚོ་ལས་དྲང་སྲོང་ལྷ་བཟང་ལགས་ཀྱིས་དད་པ་དང་དམ་ཚིག་གཙང་བ་ཡོད་པར་འདོད།

ཤར་ཕྱོགས་ཁུག་རྟ་ལགས་ཀྱི་གནང་སྟངས་དེ་དངོས་གནས་འགན་འཁུར་ཅན་ཞིག་གི་གནང་སྟངས་རེད།
ཁ་སྔོན་བཅར་འདྲིའི་རྗེས་སུ་ཐེ་བོ་ལགས་ཀྱི་དྲི་བ་དེ་སླེབས་པ་དང་། གསར་འགོད་པ་རང་དང་ཡང་ན་ཉེ་འཁྲིས་ཀྱི་མི་ཞིག་ལ་རེ་བ་ཞུས་ནས་དངོས་སུ་སྐད་ཆ་རེ་དྲིས་ན་ཁ་གསལ་བོ་ཆགས་རྒྱུ་རེད་བསམས་མོད། དུས་དབང་དང་རྐྱེན་དབང་གིས་དེ་ལྟར་མ་བྱུང་།

དེ་རིང་ཁྱེད་ཀྱིས་གནང་འདུག་པས་གོ་སྐབས་འདི་བརྒྱུད་ནས་དངོས་གནས་སེམས་གཏིང་ནས་བཀའ་དྲིན་ཆེ་ཞུས་པ་ཡིན། ཁ་སྔོན་གྱི་རྒན་རབས་པ་ཁོང་གི་གསུང་སྟངས་འགའ་ཤས་དངོས་གནས་ཡིད་སེམས་འགུལ་བ་ཞིག་རེད་འདུག་མོད། དཔེ་འཇོག་དེ་དང་ཞལ་གཅིག་ནས་ལྗགས་གཉིས་བརྐྱངས་གནང་འདུག་པ་དེ་དག་མཐོང་དུས་དངོས་གནས་སེམས་པ་སྐྱིད་པོ་ཞིག་བྱུང་མ་སོང་།

རིན་པོ་ཆེ་ནས་ཚང་མ་གསུངས་འདུག ཁ་སང་དེ་མ་ཐག་གནས་དུས་ཚོད་རྩིས་རེད་ཅེས་བཤད་པ་ཡིན། ཁོང་གི་ཚོང་ཁང་ལ་སོང་ནས་གུས་བརྩི་ལྡན་པའི་ངང་རྒྱུ་མཚན་བྲིས་པ་ཡིན། བཤད་རྒྱུ་དམིགས་འདྲ་མི་འདུག སྤྱིར་བཏང་འདིའི་རིགས་འདི་ངས་སྔོན་ནས་ཁུངས་མེད་རུ་དཔུང་རེད། བྱ་བྱེད་ལས་གསུམ་གསལ་བོ་བཟོས་ཡོད་པས་ད་བསྐྱར་བཤད་འདྲ་བཤད་འདོད་མི་འདུག་ལ། ང་ཚོས་སྐད་ཆ་འདི་འདྲ་བོར་ཡི་གེ་བྲིས། བསམ་བློ་བཏང་བ་ཡིན་ན་དངོས་གནས་རང་ཆུ་ཚོད་འཕྲོ་བརླག་རང་རེད། དེ་བས་ད་ནས་བཟུང་། ཁུངས་མེད་རུ་དཔུང་གི་གླེང་གཞི་བསྐྲུན་ཕྱོགས་འདིའི་མགོ་བསྐོར་འོག་མ་ཚུད་པ་ཞིག་བྱེད་དགོས་ཀྱི་རེད། ཁུངས་མེད་རུ་དཔུང་ལྟོས་བཅས་ཀྱིས་གང་བཤད་ན་དེ་ག་རང་བཞག་ཞོག་དང་ཁོ་རང་བཞིན་གྱིས་གད་སྙིགས་ཆགས་འགྲོ་རྒྱུ་ཐེ་ཚོམ་མེད་པ་རེད། དེ་བས་ད་ནས་རིན་པོ་ཆེ་དང་རྒན་ལྷ་མོ་གཙོས་ཤེས་ལྡན་པ་ཚོས་ཆུ་ཚོད་འཕྲོ་བརླག་ལ་མ་གཏོང་རོགས།

མྱི་ནག་ཚང་འདི་ཕྱོགས་ཚང་མ་མཐོང་བའི་མི་དྲང་མོ་ཞིག་ཏུ་བརྩི་གིན་ཡོད། རེད་། ད་ཐེངས་དྲང་མོ་གསུང་སོང་། རྒན་ལྷ་མོ་སྐྱབས་ལ་ལྟ་ཚུལ་གྱི་རྐྱེན་པས་གཅིག་ཞུ་དགོས་བྱུང་རུང་ངས་བཀུར་འོས་ཅེས་པའི་ཐ་སྙེད་འདི་སྤྱོད་ཀྱིན་ཡོད། འདི་ནི་ཁོང་གིས་བོད་ཡིག་གི་ཐོགས་ལ་བཞག་པའི་ཕྱག་རྗེས་དྲན་པའི་ཆེད་དུ་ལགས་ཏེ། གཞན་བཀུར་དགོས་དོན་དང་འོས་དོན་ཅང་མེད། དེ་གཅིག་ཡིན།

གཉིས་པ་ནི་བསྟན་ཤེར་རེད།
ལྟ་ཚུལ་ལ་དཔྱད་བསྡུར་དང་དོགས་འདྲི་བྲས་པར་ལེགས་བྱུང་། རེད་དེ་༼གཉིས་པ་ནི་ཁ་ནས་བྱུང་རྒྱལ་དུ་སྨྲ་ཞིང་དོན་དག་ལ་ཅི་ཡང་མེད་པའི་རིགས་ཏེ། དེ་ནི་ཆབ་སྲིད་པ་རྫུན་མའམ་མགོ་བདེ་དྲན་འཕྲུལ་མཁན་གྱི་རིགས་རེད། མདོར་དེད་ན་མི་གཤིས་ཀྱི་དྲི་མ་བྲལ་བའི་རིགས་རེད།༽ ཁོང་གིས་འདི་ལྟར་རྒན་རབས་པ་དེར་ཞྭ་མོ་ཆེན་པོ་ཞིག་གཡོགས་བྱུང་། འདི་ལ་ཕྱོགས་གཅིག་ནས་སྐུ་ཞབས་ཀྱིས་མི་གཤིས་ཅིས་པ་དེ་ངོས་མ་ཟིན་པར་ཇོ་བཟང་གི་བརྟུལ་ཞུགས་ཙམ་དུ་དགོངས་ཀྱི་ཡོད་པའི་རྟགས་དང་། གཉིས་ནས་ཆབ་སྲིད་ཀྱི་ལས་འགུལ་དེ་ནི་ཁྲ་ཁྲ་ཟིང་ཟིང་དང་འུ་ར་སྒྲ་ཙམ་དུ་དགོངས་ཀྱིན་ཡོད་པའི་རྟགས་ཟང་མར་བསྟན་པར་མཐོང་། འོན་ཀྱང་ཁག་ཡོད་པ་མ་རེད་མོད། ཉིད་ཀྱིས་རང་གི་ཕྱག་རིས་ལ་རང་བསམ་བཏང་མི་འདུག གཞན་དུ་བསམ་ཡོད་ཚོས་ བལྟས་པ་ཙམ་གྱིས་ཀྱང་ན་ཞྭ་མོ་དེ་ཆེ་དྲག་པའི་ཚོར་བ་ཞིག་འགོག་མེད་དུ་མི་སྐྱེ་འམ། ཅི་འདྲ་འདུག ཨ་ལ་་་་་ དགོངས་འགལ་མེད་པ་ཞིག

ངས་འདི་ནས་རི་མོ་ཀྱག་ཀྱོག་ཅིག་འབྲི།

༡༩༡༣ ལོ་ནས་ ༡༩༥༡ ལོ་བར་དུ་རང་བཙན་རེད། (༣༨)

༡༩༥༡ ལོ་ནས་ ༡༩༥༩ ལོ་བར་དུ་རང་སྐྱོང་ལ་ཕྱོགས་པ་རེད། ཆིངས་ཡིག་དོན་དོན་བཅུ་བདུན་ལ་གཞི་བཅོལ་བ་རེད། དེ་དུས་དབུས་གཙང་མ་གཏོགས་མདོ་སྟོད་སྨད་གཉིས་ནང་དུ་ཚུད་ཡོད་པ་མ་རེད། (ལོ་ ༨ རེད།)

༡༩༥༩ ལོ་ནས་ ༡༩༧༩ ལོ་བར་དུ་སླར་ཡང་རང་བཙན་རྩད་པ་རེད། ཏིན་ཞའོ་ཕིན་གྱིས་རང་བཙན་གྱི་ཕན་ནས་སྐད་ཆ་ཅི་ཡིན་ཡང་བཤད་ཆོག་ཅེས་པ་ལས་རང་བཙན་གྱི་འཐབ་རྩོད་ག་ལེར་བཞག་པ་རེད། ( ལོ་ ༢༠ )

༡༩༧༩ ལོ་ནས་ ༢༠༡༡ བར་དུ་བསྐྱར་དུ་རང་སྐྱོང་བརྩད་པ་རེད། གཟིགས་སྐོར་དང་འབྲེལ་མོལ་ཐེངས་ ༣༠ མ་ལོངས་ཙམ་ཞིག་ཕྱིན་པ་རེད། གྲུབ་འབྲས་ནི་མ་ཐོན་པ་རེད། (ལོ་ ༣༢ )

ད་ནི་རང་བཙན་དང་རང་སྐྱོང་རྩོད་མཁན་ཚོས་བསམ་བློ་མི་ཐོངས་རྒྱུ་ཞིག་མི་འདུག་སྙམ། སོ་སོ་ཡང་དག་པ་ཡིན་པ་ཙམ་གྱིས་གཞན་པ་དེ་ཡང་ཡང་དག་པར་འགྱུར་བའི་ངེས་པ་ཡོད་པ་མ་རེད། ཐབས་དང་ཤེས་རབ་གཉིས་ནི་ང་ཚོའི་རིག་གཞུང་གི་སྲོག་རྩ་རེད། དེ་གཉིས་ང་ཚོ་གང་དུ་ཕྱིན་ཡང་། ག་རེ་བྱས་ཀྱང་གནད་ལ་འཛིན་དགོས་པ་རེད་འདོད།

ངས་ཀྱང་དཔེ་ཞིག་འཇོག ཕ་མ་རྒས་ནས་བུ་བུ་མོ་ནར་སོན་རྗེས་ནང་གི་དབང་ཚད་དང་འགན་ཁུར་ཚང་མ་ཁོ་ཚོར་གནང་ནས་ཟུར་ནས་ཁ་ཏ་ལྟ་སྐྱོང་གནང་ཚུལ་དེ་ཕ་མ་བཟང་པོར་བརྩི་འོས་སམ།
ལུག་རྫི་ཞིག་རྒས་ནས་རང་གི་བུ་ཚ་ཚོར་ལུག་འཚོ་སྐྱོང་གི་གདམས་ངག་གནང་ནས་བདག་སྐྱོང་བྱེད་བཅུག་པ་དེ་ལུག་རྫི་རྒད་པོས་ལུག་ཁྱུ་དོར་བ་ཡིན་ནམ།
ཆོས་བརྒྱུད་ཅིག་དང་གང་ཟག་སྒེར་བ་ཞིག་གི་མཚན་གནས་དང་འབྲེལ་བའི་གནའ་སྲོལ་རང་བཞིན་གྱི་ཆབ་སྲིད་འཛིན་སྐྱོང་དེ་ལུགས་དུས་རབས་འདིར་མི་འཚམ་པར་གཟིགས་ཏེ་ལམ་ལུགས་ལེགས་བཅོས་གནང་བ་འདི་གོང་གི་ལུག་རྫི་ཨ་མྱེས་དེ་དང་ཕ་རྒན་བྱམས་ལྡན་དེ་གཉིས་དང་ཡོངས་སུ་མི་འདྲའམ། དོན་དངོས་དང་གནས་ལུགས་ལ་བསམ་བློ་གཏོང་ཤེས་པར་གྱིས།
མ་གཞི་ནས་ཁ་གཅིག་གི་ནང་ནས་ལྕེ་གཉིས་གཡུག་མཁན་རིགས་ལ་དོགས་ཟོན་བྱས་ན་དགའ། རང་གིས་མི་ཤེས་ན་ཡོངས་གྲགས་ཀྱི་མཁས་དབང་ཡིད་ཆེས་ཡོད་ས་གང་དེའི་རྗེས་སུ་འབྲང་འོས། དེ་ཡང་མཁས་དབང་དགེ་འདུན་ཆོས་འཕེལ་གྱིས། “བླུན་པོ་རང་གི་རྗེས་སུ་མི་འབྲང་ཡང། རང་ཉིད་བླུན་པོའི་རྗེས་སུ་མི་འབྲང་བ། འདི་ནི་མཁས་པའི་དམ་ཚིག་དང་པོ་སྟེ། སྲོག་ལ་བབས་ཀྱང་འབད་པས་སྲུང་བར་རིགས”། ཞེས་པ་བཞིན་བདག་ནི་ཐམས་ཅད་མཁྱེན་པའི་སྐུ་རྗེས་སུ་མིག་བཙུམ་སྟེ་ཞུགས་ཀྱང་ནོར་འཁྲུལ་ཅི་ཡང་མེད་པར་འདོད་དོ

བསྟན་འཛིན་ཤེས་རབ་ལགས་ཀྱིས་གནད་ལ་འཁེལ་བའི་དཔྱད་བརྗོད་ཅིག་བྱས་འདུག་པར་བསྔགས་བརྗོད་དང་། རྒྱབ་སྐྱོར་ཡོད།

བསྟན་འཛིན་ཤེས་རབ་ལགས་ཀྱིས་གནད་ལུགས་དང་རྒྱུ་མཚན་ཐོག་ནས་ལྷག་བསམ་ལགས་ཀྱི་ད་བར་ཁ་ནས་བཤད་པ་དང་ལག་ལེན་ཏུ་བསྟར་བ་གཉིས་མཚུངས་བསྡུར་གྱིས་ཞིབ་བསྡོམས་ཞིག་བརྒྱབ་པ་དེ་དངོས་འབྲེལ་རེད།

སུས་གང་བཤད་པ་དང་སུས་གང་ཞིག་བྱས་ཡོད་མེད། མཐར་ཐུག་གི་གྲུབ་འབྲས་ཅི་ཞིག་བྱུང་ཡོད་མེད་ལ་ཕྱོགས་བསྡོམས་བརྒྱབ་ནས་ལེགས་ཉེས་ཀྱི་དཔྱད་གླེང་བྱེད་དགོས།