མདུན་ངོས།
About Us
Advertisement
བོད་ཀྱི་དུས་བབ།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese
No Result
ཆ་ཚང་གཟིགས།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese
No Result
ཆ་ཚང་གཟིགས།
བོད་ཀྱི་དུས་བབ།
No Result
ཆ་ཚང་གཟིགས།

བོད་དོན་ཁྱབ་བསྒྲཊ་ཆེད་ཡིན།

བོད་ཀྱི་དུས་བབ།
༢༠༡༡/༡༢/༠༡
Share on FacebookShare on TwitterShare on EmailShare on Whatsapp

ད་ལོའི་ཨ་རིའི་ཐུགས་རྗེ་ལེགས་འབུལ་དུས་དྲན་(Thanksgiving)ཞེས་པ་དེ་ཟླ་ ༡༡ ཚེས་ ༢༤ ལ་འཁེལ་ཡོད་སྟབས། ཉིན་དེར་ཨ་རིའི་རྒྱལ་ཡོངས་སུ་རྒྱང་ཐག་སྤྱི་ལེ་ ༢༡།༠༧ ( 13.1 Miles) ལྷག་གི་སར་རྒྱང་རྒྱུག་འགྲན་བསྡུར་(Marathon)བྱེད་ཀྱིན་ཡོད་པ་ལྟར། ཨ་རིའི་ཨེ་ཋི་ལན་ཌ་གྲོང་ཁྱེར་གྱི་རྒྱང་རྒྱུག་འགྲན་བསྡུར་ནང་། བོད་རིགས་བུ་མོ་སྐལ་བཟང་སྒྲོལ་དཀར་ལགས་ཀྱང་མཉམ་ཞུགས་ཀྱིས། མགོ་ལ་བོད་རང་བཙན་གྱི་འབོད་ཚིག་སྦྱར་ཞིང་། བོད་ཀྱི་རྒྱལ་དར་གྱི་སྟོད་གོས་གྱོན་ཏེ་བོད་དོན་ཁྱབ་བསྒྲགས་གནང་ལ། མཐར་ཁོང་མོར་ཟངས་ཀྱི་བྱ་དགའ་ཡང་ཐོབ་ཡོད་འདུག

དྲི་བ། ཐོག་མར་ཁྱེད་རང་ངོ་སྤྲོད་དང་འབྲེལ་ཐེངས་འདིའི་རྒྱང་རྒྱུག་འགྲན་བསྡུར་ནང་ཞུགས་དོན་སྐོར་ང་སྤྲོད་ཅིག་གནང་རོགས།  

ལན། ངའི་མིང་ལ་སྐལ་བཟང་སྒྲོལ་དཀར་ཟེར་གྱི་ཡོད།  ཨ་རིར་འབྱོར་ནས་ད་ལྟའི་བར་ལོ་ ༡༦ ཙམ་འགྲོ་བཞིན་ཡོད། ད་ལྟ་ཨེ་ཋིོ་ལན་ཌའི་གྲོང་ཁྱེར་འདིར་སྒེར་གྱི་ཚོང་ལས་གཉེར་ནས་བསྡད་ཡོད། ང་ཐོག་མ་གྲོང་ཁྱེར་འདིར་ཡོང་དུས་བློ་གསལ་གླིང་ཆོས་ཚོགས་དང་ཆོས་ཚོགས་ཀྱི་གྲྭ་བ་མ་གཏོགས། བོད་མི་གཞིས་སྡོད་བྱེད་མཁན་ཁ་ཤས་ལས་མི་འདུག  ས་གནས་འདིར་བོད་དོན་སྐོར་ལ་ཤེས་རྟོགས་ཡོད་མཁན་ཡང་ཆོས་ཚོགས་དང་འབྲེལ་བ་ཡོད་མཁན་ཉུང་ཤས་ཤིག་རེད། མི་གཞན་དང་སྐད་ཆ་བཤད་རྒྱུའི་གོ་སྐབས་རག་དུས་རང་གི་ཤེས་ཚོད་ཀྱིས་བོད་དོན་ངོ་སྤྲོད་བྱས་པ་ཡིན། ཡིན་ན་ཡང་། མི་གྲངས་ས་ཡ་ཁ་ཤས་ཡོད་པའི་གྲོང་ཁྱེར་འདིར་མི་རེ་རེར་སྐད་ཆ་བཤད་དགོས་ན་ཡོང་མི་སྲིད་པ་ལྟ་བུ་ཡིན་དུས་༼ རྒྱང་རྒྱུག་འགྲན་བསྡུར ༽ (marathon )འདི་འདྲར་བོད་ཀྱི་དར་ཆ་སོགས་ཀྱི་གོན་པ་གྱོན་ནས་འགྲོ་བ་དང་། རླངས་འཁོར་སྟེང་བོད་དང་འབྲེལ་བའི་སྦྱར་ཡིག་སྦྱར་བ་སོགས་བྱས་ཏེ། བོད་དོན་ཁྱབ་བསྒྲགས་ཕྲན་བུ་བྱ་ཐུབ་ན་བསམ་པ་ཡིན།  

དྲི་བ། ཁྱེད་རང་མི་གཅིག་གིས་དེ་ལྟར་བྱས་ན་བོད་དོན་ལ་གྲུབ་འབྲས་ཐོན་རྒྱུ་རེད་བསམ་པའི་རེ་བ་འདྲ་འདུག་གམ།

ལན། རེ་བ་ཡོད་ཡོད་པ་རེད།  ལྷག་པར་དུ་བོད་དོན་འཐབ་རྩོད་དེ་བོད་གཞུང་དང་༧རྒྱལ་བ་རིན་པོ་ཆེ་གཅིག་པུའི་འགན་མ་རེད། བོད་པ་མི་རེ་ངོ་རེ་ནས་མི་རབས་ནས་མི་རབས་ལ་རྩོད་དགོས་ཀྱང་རྩོད་དགོས་པ་ཞིག་རེད།  མི་རེ་རེའི་ངོས་ནས་གང་ཐུབ་ཐུབ་ཀྱིས་ལས་འགུལ་ཆུང་ཆུང་དེ་འདྲ་སྤེལ་རྒྱུ་གལ་ཆེན་པོ་རེད་དྲན་གྱིན་ཡོད།

དྲི་བ། ད་ལྟའི་བར་དུ་རྒྱུག་འགྲན་འདི་འདྲར་ཐེངས་ག་ཚོད་ལ་ཞུགས་མྱོང་བ་དང་། དེ་དག་ཁྲོད་དུ་བྱ་དགའ་དེ་འདྲ་ཐོབ་མྱོང་ངམ།

ལན། བྱ་དགའ་ཟེར་ནས་དམིགས་བསལ་དེ་འདྲ་རག་མ་མྱོང་། རྒྱུག་འགྲན་གོ་སྒྲིག་བྱེད་མཁན་དང་རྒྱུག་འགྲན་ལ་ཞུགས་མཁན་ཚང་མར་མཚོན་ན་ཡང་བྱ་དགའ་ཐོབ་རྒྱུའིོ་ཆེད་དུ་མ་རེད། ཁོང་ཚོས་འདི་འདྲ་གོ་སྒྲིག་བྱེད་དུས། དེར་འཛུལ་ཞུགས་བྱེད་པར་ང་ཚོས་ངོས་ནས་ཉུང་མཐར་ཡང་ཨ་སྒོར་ ༥༠ ལྷག་ཡར་སྤྲོད་དགོས་པ་རེད། གྲོང་ཁྱེར་དང་མངའ་སྡེ་འདྲ་མིན་ནས་མི་སྟོང་ཕྲག་མང་པོ་འཛུལ་ཞུགས་བྱས་པ་ལ་བརྟེན་ནས་གོ་སྒྲིག་པར་དངུལ་ཕོན་ཆེན་གསོག་ཐུབ་པ་དང་། དངུལ་དེ་དག་གིས་སྐྲན་ནད་ཅན་དང་མི་རིགས་དང་རྒྱལ་ཁབ་སྐྱོ་བོ་ཁག  དེ་བཞིན་ཁེ་ལས་མ་ཡིན་པའི་ཚོགས་སྡེ་སོགས་ལ་རོགས་རམ་བྱེད་ཀྱི་ཡོད་པ་རེད། དེ་འདྲ་ཡིན་དུས་དེའི་ཕྱོགས་ལ་ཡིན་ནའང་ཕན་ཐོགས་ཀྱི་ཡོད་པ་རེད། ཐེངས་འདིའི་རྒྱུག་འགྲན་ཁྲོད་དུས་ཚོད་ངེས་ཅན་ནང་རྒྱང་ཐག་མཱེལ་ ༡༣།༡ (སྤྱི་ལེ་21.07) རྒྱུག་ཚར་ན་ཟངས་ཀྱི་རྟགས་མ་སྤྲོད་ཀྱིན་འདུག  ཐེངས་འདིར་ང་ལ་ཡང་ཟངས་ཀྱི་རྟགས་མ་དེ་ཐོབ་སོང་།

དྲི་བ། ཐེངས་འདིར་རྒྱུག་འགྲན་ནང་ཁྱེད་ཀྱིས་བོད་ཀྱི་རྒྱལ་དར་གྱོན་ཡོད་པ་སོགས་ལ་རྒྱུག་རོགས་གཞན་པ་ཚོར་དོ་སྣང་འདུག་གམ།

ལན། རྒྱུག་འགྲན་འདིར་ཞུགས་མཁན་མི་གྲངས་ ༩༠༠༠ ལྷག་འདུག དེ་ཚོ་ཚང་མ་ ABCD ཀྱི་གོ་རིམ་ལྟར་སྡེ་ཁག་ཁ་ཤས་ལ་བགོས་འདུག  ང་རང་སྡེ་ཁག་C རེད། རྒྱུག་ནས་འགྲོ་དུས་རྒྱུག་འགྲན་ཁྲོད་དུ་ཡོད་པའི་མི་མང་པོ་ངའི་མགོར་ (FREE TIBET)ཞེས་པའི་འཕྲེད་དར་གྱོན་ཡོད་པ་མཐོང་ནས་ “FREE TIBET” ཟེར་ནས་མཐེ་བོང་སྟོན་གྱི་འདུག  མི་མང་པོ་ཞིག་གིས་དེ་ལྟར་ང་ཚོ་བོད་ལ་རྒྱབ་སྐྱོར་དང་བརྩེ་སེམས་ཡོད་པའི་རྣམ་འགྱུར་སྟོན་དུས། རྒྱུག་དུས་ཐང་ཆད་རྒྱུ་ཡང་མེད་པ་ལྟ་བུ་འདུག གསར་འགོད་པ་མང་པོས་པར་ལེན་པ་དང་། བརྙན་ཕབ་སོགས་བྱས་སོང་། ཡིན་ནའང་ཁོང་ཚོ་ལམ་འགྲམ་དུ་ཡོད་དུས་བཅར་འདྲི་དེ་འདྲ་བྱས་མ་སོང་།  

དྲི་བ། གྲོང་ཁྱེར་འདིར་མཚོན་ན་རྒྱ་རིགས་ཀྱང་འབུམ་ཁ་ཤས་ཡོད་ཚོད་འདུག་པས། ཐེངས་འདིར་རྒྱ་རིགས་ཚོར་ཐུག་ཡོད་མེད་དང་། མ་འོངས་པར་རྒྱུག་འགྲན་འདི་འདྲ་ཞུགས་འདོད་ཡོད་དམ།

ལན། སྤྱིར་བཏང་གི་ཆ་ནས་རྒྱ་རིགས་མང་པོ་ཡོད་པ་རེད། རྒྱུག་འགྲན་སྐབས་སུ་ཨེ་ཤ་ཡ་ནས་ཡིན་པ་ཙམ་མ་གཏོགས་རྒྱ་རིགས་ཡིན་མིན་མི་ཤེས་པ་དེ་འདྲ་འདུག  ཡིན་ན་ཡང་དེ་ཚོ་དང་མཉམ་དུ་དམིགས་བསལ་གྱི་སྐད་ཆ་འདྲ་བཤད་རྒྱུ་མ་བྱུང་། བོད་དོན་ཁྱབ་བསྒྲགས་བྱེད་རྒྱུ་ནི་ང་རང་བོད་མི་ཞིག་ཡིན་པའི་ཆ་ལས་འོས་འགན་ཆགས་ཡོད་དུས། ཐེངས་རྗེས་མར་མཱེལ་ ༢༢།༢ (སྤྱི་ལེ་35.75) ཅན་གྱི་རྒྱུག་འགྲན་དེར་ཡང་ཞུགས་རྒྱུའི་གྲ་སྒྲིག་ཡོད།

དྲ་བ། ཁྱེད་རང་ལས་བྲེལ་གྱི་གསེང་ནས་དུས་ཚོད་བཏོན་ནས་བཅར་འདྲི་དང་ལེན་གནང་བ་ཐུགས་རྗེ། ད་ཁྱེད་རང་ལ་དམིགས་བསལ་གྱིས་གསུངས་འདོད་པ་དེ་འདྲ་ཡོད་དམ།

ལན། བོད་དོན་འཐབ་རྩོད་ཆེད་དུ་རང་ལུས་མེར་བསྲེགས་བཏང་བའི་དཔའ་བོ་དཔའ་མོ་རྣམས་ལ་གུས་འདུད་ཞུ་རྒྱུ་དང་། ཁོང་ཚོའི་ནང་མི་རྣམ་པར་གདུང་སེམས་མཉམ་སྐྱེད་ཡོད་ཞུ་རྒྱུ་ལས་གཞན་དམིགས་བསལ་གྱིས་ཞུ་རྒྱུ་མེད།  ཐུགས་རྗེ་ཆེ།

ཨ་རིའི་ཐུགས་རྗེ་ལེགས་འབུལ་(Thanksgiving)ཉིན་མོ་ནི་ཨ་རིའི་ལོ་རྒྱུས་རང་བཞིན་གྱི་དུས་ཆེན་ཞིག་ཡིན་ཞིང་། ཡོངས་གྲགས་སུ་ཡུ་རོབ་ཁུལ་གྱི་མི་རིགས་དཀར་པོ་རྣམས་བྱང་ཨ་རིར་ཐོག་མར་འབྱོར་སྐབས། ཆུ་མ་འཕྲོད་པ་དང་ཟས་གོས་གནས་མལ་སོགས་འཚོ་བའི་མཐུན་རྐྱེན་སྒྲུབ་མ་ཐུབ་པས་མི་གྲངས་སྤྱིའི་བརྒྱ་ཆ་ ༥༠ ཙམ་རྐྱེན་འདས་སུ་ཕྱིན་ཡོད་ཅིང་། སྐབས་དེར་ཨ་རིའི་གདོད་མའི་མི་རིགས་ཀྱིས་ཁོང་ཚོར་ཟས་གོས་གནས་མལ་མཁོ་འདོན་དང་། ཞིང་ཕྱུགས་འདེབས་ལས་སོགས་ཀྱི་ཐབས་ལམ་བསླབས་ཏེ་ཁོང་ཚོ་འཚོ་གནས་བྱེད་ཐུབ་པ་ཆགས་ཡོད་སྟབས། གདོད་མའི་མི་རིགས་ལ་ཐུགས་རྗེ་ལེགས་འབུལ་མཚོན་ཆེད་དུ་དུས་དེ་ཙམ་ནས་མགོ་འཛུགས་པའི་སྲོལ་རྒྱུན་ཞིག་ཡིན་པར་བཤད།

ས་གནས་གསར་འགོད་པ། སངས་རྒྱས་བཀྲ་ཤིས།

མཆན། 9

  1. ཁ་བའི་རྡུལ་བརྩེགས། says:
    ལོ་ 11 སྔོན།

    བུ་མོ་སྒྲོལ་དཀར་བཀྲ་ཤིས་བདེ་ལེགས་ཡོད།

    Reply
  2. ཤག་སྒང་པ། says:
    ལོ་ 11 སྔོན།

    སྐལ་བཟང་སྒྲོལ་དཀར་ལགས། འདི་ནི་དོན་དམ་པའི་བོད་དོན་ཁྱབ་བསྒྲགས་ཤིག་ཡིན་པས་ཡིད་སེམས་དགའ་ཞིང་སྤྲོ་ནས་ཡོད། ད་དུང་མུ་མཐུད་ཅིག

    Reply
  3. བརྩོན་རྒྱམ། says:
    ལོ་ 11 སྔོན།

    སྐལ་བཟང་སྒྲོལ་དཀར་ལགས་ལ་བཀྲིས་བདེ་ལེགས་ཞུ།  བོད་མི་རིགས་ཟེར་པ་ལས་ལ་བརྩོན་ཞིང་དཔའ་ངར་ལྡན་པ་ཞིག་ཡིན་ཟེར་པ་བཞིན་ད་ཐང་ཡང་སྐལ་བཟང་སྒྲོལ་དཀར་ལགས་ཀྱི་བོད་དོན་ཁྱབ་བསྒྲགས་གནང་པ་འདི་དོན་དམ་གཟི་བརྗིད་མངོན་པ་ཞིག་རེད།

    Reply
  4. བསྟན་འཛིན་ཆོས་རྒྱལ says:
    ལོ་ 11 སྔོན།

    ད་ནངས་ཆབ་མདོ་ནས་སྟན་འཛིན་ཕུན་ཚོགས་ཟེར་བ་ཞིག་གིས་རང་ལུས་མེར་སྲེག་བཏང་འདུག ཁོང་ནི་རང་ལུས་མེར་སྲེག་གཏོང་མཁན་གྱི་བོད་མི་༡༣ པ་རེད"ཅེས་གྲོགས་པོ་ཞིག་གི་འཕྲིན་ཐུང་ནས།

    Reply
  5. བསྟན་འཛིན་ཆོས་རྒྱལ says:
    ལོ་ 11 སྔོན།

    ཐབས་ལམ་ཡག་པོ་དང་གོ་སྐབས་དམ་འཛིན་གྱིས། བོད་དོན་ཁྱབ་བསྒྲག་ལེགས་པོ་གནང་འདུག་པས་ཐུགས་རྗེ་ཆེ་ཞུ། མ་ཟད་མུ་མཐུད་ནས་བྱ་བ་གང་བརྩམ་ལམ་འགྲོ་ཡོང་བར་སྨོན།

    Reply
  6. འབྲོང་བུ་སོག་ཚ། says:
    ལོ་ 11 སྔོན།

    གཉེན་ཞིང་བརྩེ་བའི་བུ་མོ་སྐལ་བཟང་སྒྲོལ་དཀར་ལགས་སུ། ཁྱེད་རང་གིས་རང་རེ་བོད་ཀྱི་བདེན་དོན་ཆེད་དེ་ལྟ་བུའི་ལས་འགུལ་སྤེལ་བར་སྙིང་ནས་དགའ། ཡིན་ནའང་མ་འོངས་པར་ད་དུང་ལས་འགུལ་དེ་འདྲའི་ནང་ཞུགས་ཚེ་སྡེ་ཚན་ C ནང་མ་ཞུགས་པར་གཞན་ཞིག་ཏུ་ཞུགས་ཐུབ་ན་རྟེན་འབྲེལ་ལ་བཟང་ངོ་ཤར། C ཞེས་པ་དེ་ China ཞེས་པར་གོ་ཉེན་འདུག

    Reply
  7. དོན་འགྲུབ། says:
    ལོ་ 11 སྔོན།

    ཨ་རིར་གནས་སྡོད་སྐལ་བཟང་སྒྲོལ་དཀར་ལགས་ཀྱིས་བོད་དོན་ཁྱབ་བསྒྲགས་ཆེད་དུ་ལས་འགུལ་དེའི་ནང་འཛུལ་ཞུགས་བྱས་པར་བསྔགས་བརྗོད་དང་། རྗེས་ཕྱོགས་སུ་ཡང་མོ་ལྟར་བོད་མི་མི་རེ་ངོ་རེའི་ངོས་ནས་རང་ནུས་གང་ཡོད་ཀྱིས་བོད་དོན་ཆེད་ཕྱག་ལས་གནང་རྒྱུའི་གོ་སྐབས་བཙལ་ནས་གང་ཐུབ་ཐུབ་འབད་བརྩོན་གནང་རྒྱུའི་རེ་བ་ཡོད།

    Reply
  8. ཆོས་བཟང་། says:
    ལོ་ 11 སྔོན།

    བུ་མོ་ཁྱོད་རེ་བཟང་། དེང་སྐབས་ཀ་ལུ་སྤྲུལ་སྐུ་ཟེར་བ་ཞིག་ཡོད་པ་དེའི་རིགས་ཀྱི་བླ་རྫུན་ཞབས་འདྲེན་འབུམ་ཕྲག་བོད་ལ་ཡོད་པ་ལས་ཀྱང་། ཁྱོད་འདྲའི་བུ་མོ་ཞིག་ངེད་པ་ཚང་ལ་སྐྱེས་ན་དེས་བཟང་།

    བདེ་ཤིས་བདེ་ལེགས་ཡོད།

    Reply
  9. འཇང་གཡུ་ལྷ་ཐོགས་འགྱུར says:
    ལོ་ 11 སྔོན།

    ཕ་བཟང་བུ་མོ་རིགས་བཟང་མ་དངོས་གནས་ལས་འགུལ་འདི་འདྲར་ཞུགས་ཐུབ་པར་ཐུགས་རྗེ་ཆེ་ཞེས་ཞུ།

    Reply

དཔྱད་མཆན་སྤེལ། Cancel reply

Your email address will not be published. Required fields are marked *

སྤྱི་ཚོགས་དྲ་གནས།

ཁྱབ་བསྒྲགས།

དྲ་ངོས་ཀྱི་གནས་ཚུལ་ཚང་མའི་པར་དབང་བོད་ཀྱི་དུས་བབ་ལ་ཡོད།

གློག་འཕྲིན།

editor@tibettimes.net | office@tibettimes.net

ཁ་པར།

+91-98823-47075 | +91-92189-38041 | +91-81972-44372
No Result
ཆ་ཚང་གཟིགས།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese

Welcome Back!

OR

Login to your account below

Forgotten Password?

Retrieve your password

Please enter your username or email address to reset your password.

Log In

Add New Playlist