ལྷོ་ཀོ་རི་ཡའི་ཇོག་གྷིའི་ཆོས་ཚོགས་ཀྱིས་རྒྱ་གཞུང་ལ་བོད་ནང་གི་དགེ་འདུན་པ་ཚོར་དྲག་གནོན་མཚམས་འཇོག་དགོས་པའི་འབོད་སྐུལ་ཞུས་འདུག
ད་ལོར་བོད་ནང་བོད་ཀྱི་དགེ་འདུན་པ་བཅུ་གྲངས་ཞིག་གིས་བོད་རང་དབང་དང་༧གོང་ས་མཆོག་བོད་ལ་གདན་འདྲེན་ཞུ་ཆེད། རང་ལུས་མེར་བསྲེགས་བཏང་སྟེ་རྒྱ་གཞུང་ལ་ངོ་རྒོལ་བྱས་པ་དེར། ཟླ་འདིའི་ཕྱི་ཚེས་ ༣ ཉིན་ལྷོ་ཀོ་རི་ཡའི་ནང་པའི་ཆོས་ཚོགས་ཇོག་གྷིའི་ (Jogye) ཞེས་པས། རྒྱ་གཞུང་ལ་བོད་ཀྱི་དགེ་འདུན་པའི་གནས་སྟངས་ཐོག་སེམས་འཚབ་ཡོད་སྐོར་གྱི་འབོད་སྐུལ་ཞུས་ཡོད་འདུག
ཞུ་ཡིག་དེའི་ནང་། “ ལྷོ་ཀོ་རི་ཡའི་ཇོག་གྷིའི་ཆོས་ཚོགས་ཀྱི་ངོས་ནས་ཉེ་ཆར་བོད་ནང་བོད་མི་ཚོས་རང་ལུས་མེར་བསྲེགས་བཏང་བའི་གནས་སྟངས་ཐོག་སེམས་འཚབ་དང་། བོད་ནང་གི་བོད་མི་ཚོར་གདུང་སེམས་མཉམ་སྐྱེད་བྱེད་ཀྱི་ཡོད། ང་ཚོས་འཛམ་གླིང་ཧྲིལ་པོའི་ནང་པའི་མི་རིགས་ཁག་གི་མི་དམངས་དང་ལྷན་དུ་ཆིག་སྒྲིལ་ཐོག་བོད་མི་ཚོར་རྒྱབ་སྐྱོར་ཞུ་རྒྱུ་དང་། དྲག་པོའི་ཐབས་ལམ་གྱི་ཐོག་ནས་རྩོད་རྙོག་རིགས་སེལ་བར་བྱ་སྤྱོད་ལ་མཐའ་གཅིག་ཏུ་ངོ་རྒོལ་བྱེད་བཞིན་ཡོད།ལྷོ་ཀོ་རི་ཡའི་ནང་པའི་དགོན་སྡེ་ཁག་གིས་རང་ལུས་མེར་བསྲེགས་བཏང་སྟེ། འདས་གྲོངས་སུ་ཕྱིན་པའི་བོད་ཀྱི་དགེ་འདུན་པ་ཚོ་གང་མགྱོགས་སངས་རྒྱས་ཀྱི་ས་ལ་འགོད་ཐུབ་པ་དང་། རྨས་སྐྱོན་ཚབས་ཆེན་ཕོག་པ་རྣམས་དྲག་སྐྱེད་ཡོང་བ། བོད་མི་ཚོས་རང་སྲོག་འདོར་མི་དགོས་པར་བོད་ཀྱི་བདེན་མཐའ་མྱུར་དུ་གསལ་ཐུབ་པའི་སྨོན་འདུན་ཞུ་རྒྱུ་ཡིན་ཞེས་ ” འཁོད་ཡོད་འདུག
མྱི་ནག་ཚང་གིས་སེམས་མི་བདེ་བ་ཞིག་གསུང་འདུག་ག རྒྱ་ནག་གིས་དེ་འདྲ་ཞིག་ཨེ་ཐུབ་འབད་ངེས་རེད་དེ། དེའི་རྒྱབ་ཀྱི་དམིགས་ཡུལ་ལ་དགག་པ་གཏོང་དགོས་པ་ལས། དགེ་འདུན་པའི་གནད་དོན་ཙམ་དང། དེ་ཡང་ཉིན་རེའི་ལྟོ་དོད་ཙམ་དུ་སྒྱུར་གིན་འདུག་ཅེས་ཅེས་སྡོད་ག་ལ་རུང། ལྷག་པར་དཔྱད་བརྗོད་པ་ཞིག་གི་ཐད་ནས་སོ། །
ཨ་རིའི་རྙན་ཕྲིན་འགན་འཛིན་གྱིས་གང་ན་ཇི་ལྟར་གསུང་ཡོད་བཏོན་ཏེ་དགག་དཔྱད་གཏོང་དགོས་པའང། རང་ལྟ་བུའི་ཅིག་བ་ནི་ཆ་བོར་དམིགས་ཀྱི་བབ་པར་བསམ་མོ།།
ལྷོ་ཀོ་རི་ཡའི་ཆོས་ཚོགས་དེར་བཀའ་དྲིན་ཆེ་ཞུའོ།། ཆོས་ཚོགས་ནས་ཆོས་ཚོགས་དང། དེ་ནས་མིང་དང་རྒྱལ་ཁབ་བཅས་འཛམ་གླིང་གི་ནང་བ་ཡོངས་ནས་མི མང་དང་རྒྱལ་ཁབ་ཡོངས་ལ་འཁྱབ་པར་སྨོན།
བདེན་པའི་རྒྱབ་ལངས་གནང་བར་བཀའ་དྲིན་ཆེ་ཞུ།
གསར་འགོད་པ་ལགས། དགེ་འདུན་པ་ཁོ་ནར་གདུང་སེམས་མཉམ་སྐྱེད་གསུངས་མི་འདུག་ག་འདིར་གཟིགས་དང།
“ ལྷོ་ཀོ་རི་ཡའི་ཇོག་གྷིའི་ཆོས་ཚོགས་ཀྱི་ངོས་ནས་ཉེ་ཆར་བོད་ནང་བོད་མི་ཚོས་རང་ལུས་མེར་བསྲེགས་བཏང་བའི་གནས་སྟངས་ཐོག་སེམས་འཚབ་དང་། བོད་ནང་གི་བོད་མི་ཚོར་གདུང་སེམས་མཉམ་སྐྱེད་བྱེད་ཀྱི་ཡོད། ང་ཚོས་འཛམ་གླིང་ཧྲིལ་པོའི་ནང་པའི་མི་རིགས་ཁག་གི་མི་དམངས་དང་ལྷན་དུ་ཆིག་སྒྲིལ་ཐོག་བོད་མི་ཚོར་རྒྱབ་སྐྱོར་ཞུ་རྒྱུ་དང་། དྲག་པོའི་ཐབས་ལམ་གྱི་ཐོག་ནས་རྩོད་རྙོག་རིགས་སེལ་བར་བྱ་སྤྱོད་ལ་མཐའ་གཅིག་ཏུ་ངོ་རྒོལ་བྱེད་བཞིན་ཡོད།ལྷོ་ཀོ་རི་ཡའི་ནང་པའི་དགོན་སྡེ་ཁག་གིས་རང་ལུས་མེར་བསྲེགས་བཏང་སྟེ། འདས་གྲོངས་སུ་ཕྱིན་པའི་བོད་ཀྱི་དགེ་འདུན་པ་ཚོ་གང་མགྱོགས་སངས་རྒྱས་ཀྱི་ས་ལ་འགོད་ཐུབ་པ་དང་། རྨས་སྐྱོན་ཚབས་ཆེན་ཕོག་པ་རྣམས་དྲག་སྐྱེད་ཡོང་བ། བོད་མི་ཚོས་རང་སྲོག་འདོར་མི་དགོས་པར་བོད་ཀྱི་བདེན་མཐའ་མྱུར་དུ་གསལ་ཐུབ་པའི་སྨོན་འདུན་ཞུ་རྒྱུ་ཡིན་ཞེས་ ”
ཐུགས་རྗེ་ཆེ་ཞུ། ཡིན་ཡང་ད་ནི་བོད་ཀྱི་གནད་དོན་དེ་དགེ་འདུན་པའི་གནད་དོན་ལ་གསལ་བོ་བྱས་ནས་ངོས་འཛིན་གི་ཡོད་པ་འདྲ། ཕྱི་ལོག་ཡིན་ནའང་རེད། རྒྱ་ནང་ཡིན་ནའང་རེད། བོད་ཀྱི་དགེ་འདུན་པའི་འཐབ་རྩོད་ཙམ་དང་། དེ་ཡང་ཉིན་རེའེ་ལྟོ་དོད་ཙམ་དུ་སྒྱུར་གིན་འདུག
ད་ལོར་ལྷ་ས་ནས་དགེ་འདུན་པའི་སྐྱོབས་གསོའི་སྲིད་བྱུས་བཤད་སོང་། དྲ་ཐོག་ལ་འཚོལ་སྐབས་དབུས་གཅིག་པུ་མ་རེད་དེ། ཨ་རིའི་བརྙན་འཕྲིན་ཁང་གི་འགན་འཛིན་གྱིས་དེ་ལྟར་གསུངས་བྱུང་། ད་གང་ཤེས། སྲིད་བྱུས་དེས་གང་དུ་ཁྱབ་པ་དང་ཤུགས་རྐྱེན་ཅི་ཡོད་གསལ་བོ་བཟོ་རྒྱུ་གལ་ཆེན་རེད་འདོད།