ལྷོ་ཕྱོགས་སེ་ར་ཚ་བ་ཁང་ཚན་གྱི་གྲྭ་བློ་བཟང་ཆོས་འཕེལ་ལགས་ཀྱིས་གསར་ལམ་དུ་གནས་ཚུལ་མཁོ་སྤྲོད་གནང་བ་ལྟར་ན། རྒྱ་ནག་གཞུང་གིས། འདི་ལོའི་ཕྱི་ཟླ་ ༦ པའི་ཚེས་ ༡༧ ཉིན་ཁམས་ཆབ་མདོ་ཁུལ་དཔལ་ཤོད་རྫོང་གྲོང་ཚ་ཤང་མགོ་ར་གྲོང་ཚོའི་རང་ལོ་ ༢༣ ཡིན་པའི་སློབ་མ་བསོད་ནམས་རྣམ་རྒྱལ་འབོད་པ་འཛིན་བཟུང་བཀག་ཉར་བྱས་ཡོད་པ་མ་ཟད། ཉེ་ཆར་དཔའ་ཤོད་རྫོང་འབྲིང་རིམ་མི་མང་ཁྲིམས་ཁང་གིས་རྒྱལ་ཁབ་ཀྱི་ངོ་ལོག་པ་ཡིན་པའི་ཉེས་མིང་འོག་ལོ་ ༣ གྱི་དུས་བཀག་བཙོན་འཇུག་གི་ཁྲིམས་ཐག་བཅད་འདུག
གནས་ཚུལ་མཁོ་སྤྲོད་པས་བརྗོད་པ་ལྟར་ན། ཁོང་འཛིན་བཟུང་བྱེད་དོན་གཙོ་བོ། སྔར་ལོ་ཁོང་གིས་གྲོང་ཚ་ཞང་གི་སློབ་གྲྭའི་ནང་བསྒྲེངས་འཛུགས་བྱས་ཡོད་པའི་རྒྱ་ནག་གི་རྒྱལ་དར་མར་ཕབ་སྟེ། རྡོ་ཆེན་པོ་ཞིག་གི་འོག་སྤས་བ་སོགས་ཀྱིས་རྒྱ་ནག་གཞུང་ལ་མི་འདོད་པའི་རྣམ་འགྱུར་བསྟན་ཡོད་པ་དང་། སྐབས་དེར་ས་གནས་ཉེན་རྟོག་མི་སྣས་བརྩད་གཅོད་རིམ་པར་བྱས་ཀྱང་ཤེས་རྟོགས་བྱུང་མེད་ནའང་། འདི་ལོ་ཁོང་གིས་ཕ་ཡུལ་གྱི་ས་གནས་སུ་དབྱར་རྩྭ་རྒུན་འབུ་བརྐོ་བཞིན་པའི་སྐབས། མི་སེར་དཀྱུས་མའི་ལྭ་བ་གོན་པའི་ཉེན་རྟོག་པ་གཉིས་ཡོང་སྟེ་ཁོང་ལྷ་སར་འགྲོ་དགོས་སྐོར་སོགས་བཤད་དེ་བཙན་འཁྲིད་ཀྱིས་ཉིན་ ༣ རིང་ས་གནས་ཀྱི་ཉེན་རྟོག་དོ་དམ་ཁང་དུ་བཀག་ཉར་འདྲི་བརྩད་བྱས་ཡོད་འདུག་ལ། རྗེས་སུ་དཔལ་ཤོད་རྫོང་ཉེན་རྟོག་པར་རྩིས་སྤྲོད་ཀྱིས་རྫོང་གི་བཙོན་ཁང་དུ་ཟླ་ ༤ མ་ཟིན་ཙམ་ལ་བཙོན་འཇུག་བཀག་ཉར་དང་ཉེས་རྡུང་ཚབས་ཆེན་བཏང་ཡོད་པ་མ་ཟད། རྒྱལ་ཁབ་ཀྱི་ངོ་ལོག་པ་ཡིན་པའི་ཉེས་མིང་འོག་བཙོན་འཇུག་ཁྲིམས་ཐག་བཅད་འདུག
ཉེ་ཆར་ཁོང་གི་ནང་མིས་བཙོན་གྲོགས་ཤིག་བརྒྱུད་དེ། རྒྱ་ནག་གཞུང་གིས་ཁོང་འཛིན་བཟུང་སྐབས་གཅར་རྡུང་མནར་གཅོད་བཏང་སྟེ། ཁོང་གི་རྣ་གཉིས་འོན་པར་གྱུར་ཡོད་པ་དང་གཟུགས་པོའི་གནས་སྟངས་སྐྱོ་བོ་ཡིན་པའི་གནས་ཚུལ་ཤེས་ཡོད་པ་ལས། ད་ལྟའི་ཆར་གར་ཡོད་ཅི་བྱུང་གི་གནས་ཚུལ་ཅི་ཡང་ཤེས་མེད་པར་ལྷག་ཡོད་འདུག
གསར་འགོད་པ། དོན་གོ
རྒྱ་དམར་དགྲ་བོའི་དར་དམར།།
མེ་མདའི་ཁ་ནས་ཕབ་མཁན།།
སྙིང་སྟོབས་དམར་ཡག་སྟག་འདྲ།།
ཁྱོད་དང་ཁྱོད་འདྲར་ཡི་རང་།
དཔའ་ཤོད་ཡུལ་གྱི་དཔའ་རྒོད།
གངས་ལྗོངས་བདེན་མཐའ་གསལ་ཕྱིར།
དམྱལ་བའི་མནར་གཅོད་སྡུག་སྔལ།
མྱོང་ཕོད་དོན་གྱི་སེང་ཕྲུག།
ཁྱེད་ཀྱི་རེ་དོན་རླབས་ཆེན།།
མྱུར་དུ་འགྲུབ་པའི་རམ་འདེགས།།
བོད་པ་ཡོངས་ལ་ཡོད་ཕྱིར།།
གཅིག་པུར་བཞག་ན་མཚང་ཆེ།།
རྒྱ་དམར་གྱིས་སྲིད་དོན་ཐད་ཀྱི་ཉེས་མིང་བཀལ་དང་འགེལ་བཞིན་པ་ཚང་མ་ང་ཚོའི་སྤུན་ཟླ་ལེགས་ཤོས་དང་དཔའ་བོར་ངོས་འཛིན་འོས།
ཕྱི་ནས་དགྲ་བོས་གསོད་བཟུང་བཙོན་དུ་མནར། ནང་ནས་རང་རིགས་སྤུན་ཟླས་མཁོན། །བོད་པ་ཚང་ད་ཚར་ལ་ཉེ་བ་མ་ཡིན་ནམ་???????