ཟླ་འདིའི་ཕྱི་ཚེས་ ༡༡ ནས ༡༢ ཉིན་གཉིས་རིང་༧གོང་ས་མཆོག་ཅེག་སྤྱི་མཐུན་རྒྱལ་ཁབ་ཏུ་ཆིབས་བསྒྱུར་གྱིས། ཡུལ་དེའི་མང་ཚོགས་ལ་བཀའ་སློབ་བསྩལ་རྒྱུ་ཡིན་འདུག
ཟླ་སྔོན་མའི་ཕྱི་ཚེས་ ༣༠ ཉིན་ནས་དུས་ཡུན་ཉིན་བཅུའི་རིང་༧གོང་ས་མཆོག་གིས་རྒྱལ་ས་ལྡི་ལི་དང་ཀ་ལི་ཀ་ཏ། ཧོན་སུར་རྒྱུད་སྨད་གྲྭ་ཚང་བཅས་སུ་ཆོས་ཕྱོགས་ཀྱི་མཛད་འཕྲིན་ཁག་བསྐྱངས་ཡོད་པ་དང་། ཁོང་གི་མཛད་འཆར་ཁག་གྲུབ་རྗེས་གནངས་ཉིན་ཕྱི་ཚེས་ ༡༡ ནས་ ༡༢ ཉིན་བར་ཅེག་སྤྱི་མཐུན་རྒྱལ་ཁབ་ཏུ་ཆིབས་བསྒྱུར་བསྐྱང་རྒྱུ་ཡིན་ལ། སྐབས་དེར་༼ཨེ་ཤ་ཡའི་མང་གཙོ་དང་འགྲོ་བ་མིའི་ཐོབ་ཐང་།༽ཞེས་པའི་བགྲོ་གླེང་ལྷན་ཚོགས་ཐོག་མཉམ་ཞུགས་དང་། མང་ཚོགས་ལ་༼དཀའ་ཚེགས་ཆེ་བའི་དུས་སྐབས་སུ་བདེ་སྐྱིད་འཚོལ་ཐབས།༽ཞེས་པའི་བརྗོད་གཞིའི་བཀའ་སློབ་བསྩལ་རྒྱུ། ཉིན་མཐའ་མར་ཡུལ་དེའི་གསར་འགྱུར་བརྒྱུད་ལམ་ཁག་ཅིག་གི་ཆེད་དོན་དྲི་བར་བཀའ་ལན་བཅས་བསྩལ་རྒྱུ་ཡིན་འདུག
ཟླ་འདིའི་ཕྱི་ཚེས་ ༡༩ ནས་ ༢༡ ཉིན་བར་བཞུགས་སྒར་ཐེག་ཆེན་ཆོས་གླིང་གཙུག་ལག་ཁང་དུ། ཨུ་རུ་སུའི་ནང་པ་ ༢༠༠༠ ཙམ་ལ། རྗེ་ཙོང་ཁ་པས་མཛད་པའི་རྟོགས་བརྗོད་མདུན་ལེགས་མ་དང་།དགེ་བཤེས་གླང་རིང་ཐང་པས་མཛད་པའི་བློ་སྦྱོང་ཚིག་བརྒྱད་མ་གཉིས་བཀའ་ཁྲིད་གནང་རྒྱུ་ཡིན་འདུག
བོད་མི་མང་ཆེ་བ་ཚོས་དངོས་གནས་བོད་ཀྱི་བདེན་མཐའ་གསལ་འདོད་ཡོད་དམ་ཆབ་བྲག་ལགས། ཡོད་ན་གསལ་དང་གསལ། མེད་ན་རྒྱུ་མེད་པའི་འབྲས་བུར་རེ་བ་ཙམ་ལས་མ་འདས་སོ། ཀྱེ་མ་ཧོ།
དེ་རིང་ཅེག་སྤྱི་མཐུན་རྒྱལ་ཁབ་ཏུ་མཛད་འཕྲིན་གྱི་འོད་སྣང་སྤྲོ་བཞིན་ཡོད་ངེས། ཁྱེད་ཀྱི་མཛད་འཕྲིན་ཅི་ཙམ་རྒྱས་མིན་དེ་ནི་བོད་ཀྱི་བདེན་མཐའ་མྱུར་དུ་གསལ་མིན་ལ་ཡང་རག་ལས་ཡོད། འཛམ་གླིང་གི་བླ་མ་ལགས། སྐུ་ཚེ་ཞབས་བརྟན་བཞེད་དོན་ལྷུན་འགྲུབ་སྨོན།
ལས་བྲེལ་དང་དུས་ཚོད་རིའུ་མིག་གཉིས་མཉམ་དུ་འཁེལ་ནས་ད་ལོ་ཅེག་སྤྱི་མཐུན་རྒྱལ་ཁབ་ཏུ་ཆིབས་བསྒྱུར་ལ་བཅར་ཐུབ་མ་སོང་ལགས། ༸གང་༸སྐུ་ཡུན་བརྟན་ཤོག །