གཟའ་ཟླ་བའི་ཉིན་ཁམས་རྫོགས་ཆེན་ཤང་དུ། “ ༸གོང་ས་མཆོག་སྐུ་ཚེ་ཁྲི་ལོར་བརྟན་པར་ཤོག བོད་རང་བཙན་ཡིན། ”སོགས་བཀོད་པའི་སྦྱར་ཡིག་ཕོན་ཆེན་བཀྲམ་ཡོད་འདུག
ཟླ་འདིའི་ཚེས་༡༩ ཉིན་གྱི་མཚན་མོ་ཁམས་དཀར་མཛེས་སྡེ་དགེ་རྫོགས་ཆེན་ཤང་ཐོག་ཏུ། “ ༸གོང་ས་མཆོག་སྐུ་ཚེ་ཁྲི་ལོར་བརྟན་པར་ཤོག བོད་རང་བཙན་ཡིན། བོད་ལ་རང་དབང་དགོས། ”ཞེས་བཀོད་པའི་ཡི་གེ་ཕོན་ཆེན་གྲོང་སྡེ་ཕྱི་ནང་གང་སར་བཀྲམ་ཡོད་པར་མ་ཟད། ཁང་པའི་རྩིག་གྱང་གི་ངོས་སུའང་སྦྱར་ཡིག་མང་པོ་སྦྱར་ཡོད་འདུག
ཕྱི་ཚེས་ ༢༡ ཉིན་གྱི་ཞོགས་པར་ཡི་གེ་གཏོར་ཡོད་པའི་གནས་ཚུལ་དེ་ས་གནས་མང་ཚོགས་ཀྱིས་ཤེས་རྟོག་བྱུང་རྗེས། རྒྱ་གཞུང་གིས་འཕྲལ་དུ་འབྲེལ་ཡོད་ལས་བྱེད་སྣ་ཆེད་གཏོང་བྱས་ཏེ་སྦྱར་ཡིག་དང་འགྲེམས་ཡིག་རྣམས་ཕྱིར་བསྡུ་རུབ་བྱས་ཡོད་འདུག ཡིན་ནའང་། གྲོང་སྡེ་ཕྱི་ནང་གང་སར་སྦྱར་འགྲེམས་བྱས་ཡོད་སྟབས་ཡི་གེ་ཡོངས་རྫོགས་ལྷག་ལུས་མེད་པར་ཕྱིར་བསྡུ་ཐུབ་མེད་པ་རེད།
ས་གནས་མི་སྣ་ཞིག་གིས་གསར་ལམ་ཁག་ཏུ་བརྗོད་པ་ལྟར་ན། ད་ལྟའི་ཆར་རྒྱ་གཞུང་གིས་ཡི་གེ་འགྲེམས་གཏོར་བྱེད་མཁན་སུ་ཡིན་མིན་རྩད་གཅོད་ཤེས་རྟོགས་བྱུང་མེད་པ་དང་། གྲོང་སྡེ་ནང་དམིགས་བསལ་གྱི་དམ་དྲག་རིགས་ཀྱང་བྱས་མེད་པ་རེད།
![Wang made a research tour in Tibet from July 19 to 22. [Xinhua/Liu Bin]](https://tibettimes.net/wp-content/uploads/2026/07/1784796471071092378-360x180.jpg)
གཞིས་ལུས་སྤུན་ཟླ་རྣམས་སེམས་ཤུགས་ཆེ་པོ་རེད་རྗེས་སུ་ཡི་རངས་ཡོད་དེ། ཕན་གི་མ་རེད་དྲག་གནོན་འོག་མྱང་ཡག་རང་རེད། དེ་ལས་ནང་ཁ་འབྲེལ་ནས་ཐབས་མཁས་ཐོག་ནས་འཇམ་བཅོས་བྱས་དགོས་རེད།
ད་ལྟའི་གནས་བབས་ལ་ལྟོས་ན། གཞིས་བཞུགས་བོད་མི་རྣམས་ཀྱི་སྒྲུབ་བྱ་དེ། བདེ་འཇགས་ལ་སྲུང་སྐྱོབ་གཙོ་བོ་གནང་སྟེ། སྐད་ཡིག་རྒྱུན་འཛིན་བྱེད་ཐབས་སྤེལ་གལ་ཆེའོ།།
ཆབ་སྲིད་ཀྱི་དྲིལ་སྒྲོག་ནི། བོད་ཀྱི་ཕྱི་ལོགས་ལ་ཡོད་མཁན་རྣམས་ཀྱི་རང་བཞིན་གྱིས་ཕྲག་ཏུ་བབས་པའི་ལས་དོན་རེད། སྐད་ཡིག་དང་རིག་གཞུང་གཅེས་འཛིན་བྱེད་རྒྱུ་ནི་བོད་མི་ཡོད་དོ་ཅོག་གི་ཐུན་མོང་གི་འོས་འགན་འབའ་ཞིག་གོ།
གཞིས་བཞུགས་སྤུན་ཟླ་ཚོའི་བློ་སྟོབས་དང་ཆོད་སེམས་ལ་ཡིད་རང་དང་གུས་བཀུར་བླ་མེད་དུ་ཞུ། ད་ནི་བྱེས་འབྱོར་བའི་རྒྱལ་གཅེས་དཔའ་མོ་དཔའ་མོ་དག་གིས་ཀྱང་། མིས་ལྟས་ཀྱང་རེད་བསམ་པ། རང་གིས་བསམ་ཡང་ཡིན་བསམ་པའི་ལས་འགུལ་རླབས་ཆེ་ལ་ཆོད་ཆེ་བ་ཞིག་སྤེལ་དགོས་ཀྱི་འདུག དེ་ཡང་མི་སྒེར་བའི་ལས་འགུལ་ལྟ་བུ་མ་ཡིན་པར་གཞུང་དང་སྒྲིག་འཛུགས་ཁག་ཚང་མས་མཉམ་ལང་གིས་འཆར་གཞི་དང་གོ་རིམ་ལྡན་པ་བློས་གཏོང་དང་ཆོད་སེམས་ཡོད་པ། ཁྱོད་མིན་ང་རེད་དང་ང་མིན་ཁྱོད་རེད་ལྟ་བུ་མ་ཡིན་པར་མཉམ་འདུས་དང་ཆིག་སྒྲིལ་གྱི་སྟོབས་ཤུགས་གཅིག་ཏུ་སྒྲིལ་ཏེ་ལས་འགུལ་གཞི་རྒྱ་ཆེ་ལ་དུས་ཡུན་རིང་བ་ཞིག་སྤེལ་བའི་དུས་ལ་བབ་འདུག
རང་རེ་བཙན་བྱོལ་གཞུང་ངམ་སྒྲིག་འཛུགས་དང་། དེ་བཞིན་ཚོགས་པ་སྐྱིད་སྡུག་ཐམས་ཅད་ནས་དབུ་མའི་ལམ་དང་། བདེན་པའི་དབུ་འཚུགས་སོགས་རྒྱང་རིང་དུ་དོར་ནས། གཞིས་ལུས་བོད་མིས་སྐད་འབོད་བཞིན་རང་བཙན་གཙང་མའི་ཕྱོགས་སུ་བསྐྱོད་ན་མི་ལེགས་སམ། ད་སྤྱང་ཀི་རྨི་ལམ་ཚུབས་ན་བཟང་ཟེར་བའི་དཔེ་ལྟར་བོད་ནང་གི་གནས་སྟངས་ནི་ཇེ་ཚུབས་དང་ཇེ་ངན་རེད།
བོད་ནང་གི་བོད་མི་རྣམས་ཀྱི་སེམས་ཤུགས་ལ་རྗེསུ་ཡིད་རང་ཡོད་་་་་་་་་་འོན་ཀྱང་འདི་ཕྱོགས་ནས་ཨ་ཙི་
སྦྱར་ཡིག་རྩིག་པ་ཡོད་ཚད་ལ་སྦྱོར་ཅིང། བསྒྲགས་ཡིག་ས་ཆ་ཀུན་ཏུ་ཆར་བ་འབབ་འབབ་བྱས་ན་ད་རྒྱ་ནག་གི་སྤྱི་བདེ་མི་སྣ་སོགས་བྲེལ་འཚུབ་ངང་ཡར་རྒྱུགས་མར་རྒྱུགས་བྱས་ནས་རྩེད་མོ་རྩེ་རྒྱུ་རེད་ཡ། རྩེད་མོ་འདི་དག་ད་ངོ་མ་དོན་སྙིང་ལྡན་པ་ཞིག་རེད་ཨང།
བོད་མི་རྣམས་ཀྱི་སྙིང་བསྟོད་འདི་ནི་འཇིག་རྟེནའདི་ན་འགྲན་ཟླ་བྲལ་བའི་སྙིང་བསྟོད་ཞིག་ཡིན་པར་ཡིད་ཆེས་དང་ཡིད་རང་ཡོད།
བོད་ནང་གི་སྦྱར་ཡིག་དངསྐད་འབོད་ཚང་མར་རྒྱལ་བ་རིན་པོ་ཆེ་བོད་ལ་གདན་འདྲེན་ཞུ་དགོས་སྨྲོས་མེད་ཐོག བོད་ལ་རང་དབང་རང་བཙན་དགོས་ཞེས་རང་དབང་རང་བཙན་གཉིས་ཁ་མ་བྲེལ་བར་ཐོན་གྱིན་འདུག ཡི་གེ་དང་སྐད་འབོད་གང་བྱས་པ་ཇི་བཞིན་འགོད་དགོས་པའང་གལ་གནད་ཅིག་རེད་སྙམ་མོ།།