ཁམས་རྫོགས་ཆེན་དུ་སྦྱར་ཡིག་བཀྲམ་འདུག

ད་ལྟའི་གནས་བབས་ལ་ལྟོས་ན། གཞིས་བཞུགས་བོད་མི་རྣམས་ཀྱི་སྒྲུབ་བྱ་དེ། བདེ་འཇགས་ལ་སྲུང་སྐྱོབ་གཙོ་བོ་གནང་སྟེ། སྐད་ཡིག་རྒྱུན་འཛིན་བྱེད་ཐབས་སྤེལ་གལ་ཆེའོ།།
ཆབ་སྲིད་ཀྱི་དྲིལ་སྒྲོག་ནི། བོད་ཀྱི་ཕྱི་ལོགས་ལ་ཡོད་མཁན་རྣམས་ཀྱི་རང་བཞིན་གྱིས་ཕྲག་ཏུ་བབས་པའི་ལས་དོན་རེད། སྐད་ཡིག་དང་རིག་གཞུང་གཅེས་འཛིན་བྱེད་རྒྱུ་ནི་བོད་མི་ཡོད་དོ་ཅོག་གི་ཐུན་མོང་གི་འོས་འགན་འབའ་ཞིག་གོ།

རང་རེ་བཙན་བྱོལ་གཞུང་ངམ་སྒྲིག་འཛུགས་དང་། དེ་བཞིན་ཚོགས་པ་སྐྱིད་སྡུག་ཐམས་ཅད་ནས་དབུ་མའི་ལམ་དང་། བདེན་པའི་དབུ་འཚུགས་སོགས་རྒྱང་རིང་དུ་དོར་ནས། གཞིས་ལུས་བོད་མིས་སྐད་འབོད་བཞིན་རང་བཙན་གཙང་མའི་ཕྱོགས་སུ་བསྐྱོད་ན་མི་ལེགས་སམ། ད་སྤྱང་ཀི་རྨི་ལམ་ཚུབས་ན་བཟང་ཟེར་བའི་དཔེ་ལྟར་བོད་ནང་གི་གནས་སྟངས་ནི་ཇེ་ཚུབས་དང་ཇེ་ངན་རེད།

སྦྱར་ཡིག་རྩིག་པ་ཡོད་ཚད་ལ་སྦྱོར་ཅིང། བསྒྲགས་ཡིག་ས་ཆ་ཀུན་ཏུ་ཆར་བ་འབབ་འབབ་བྱས་ན་ད་རྒྱ་ནག་གི་སྤྱི་བདེ་མི་སྣ་སོགས་བྲེལ་འཚུབ་ངང་ཡར་རྒྱུགས་མར་རྒྱུགས་བྱས་ནས་རྩེད་མོ་རྩེ་རྒྱུ་རེད་ཡ། རྩེད་མོ་འདི་དག་ད་ངོ་མ་དོན་སྙིང་ལྡན་པ་ཞིག་རེད་ཨང།

བོད་ནང་གི་སྦྱར་ཡིག་དངསྐད་འབོད་ཚང་མར་རྒྱལ་བ་རིན་པོ་ཆེ་བོད་ལ་གདན་འདྲེན་ཞུ་དགོས་སྨྲོས་མེད་ཐོག བོད་ལ་རང་དབང་རང་བཙན་དགོས་ཞེས་རང་དབང་རང་བཙན་གཉིས་ཁ་མ་བྲེལ་བར་ཐོན་གྱིན་འདུག ཡི་གེ་དང་སྐད་འབོད་གང་བྱས་པ་ཇི་བཞིན་འགོད་དགོས་པའང་གལ་གནད་ཅིག་རེད་སྙམ་མོ།།