ཉེ་ཆར་སྨོན་ལམ་ཚིག་མཛོད་ཨཱལ་ཌི་རའོ་ཌི་ (Android) མ་ལག་ནང་དུ་ལེགས་འགྲུབ་དང་། སྨོན་ལམ་ཡིག་གཟུགས་ཨཱལ་ཌི་རོའི་ཌི་སཱམ་སཱང་ལག་ཁྱེར་ཁ་པར་ (Android Samsung Mobile) མ་ལག་ནང་ལེགས་འགྲུབ་བྱུང་འདུག
༢༠༡༢ ལོའི་ལོ་གསར་བ་སླེབས་ལ་ཉེ་སྐབས་འདིར། སྨོན་ལམ་ཚིག་མཛོད་དེ་ཨཱལ་ཌི་རའོ་ཌི་ (Android) མ་ལག་ནང་ལེགས་འགྲུབ་དང་། སྨོན་ལམ་ཡིག་གཟུགས་དེ་ཌི་རོའི་ཌི་སཱམ་སཱང་ལག་ཁྱེར་ཁ་པར་ ( Android Samsung Mobile ) མ་ལག་ནང་ལེགས་འགྲུབ་བྱུང་འདུག སྨོན་ལམ་བོད་ཡིག་གསར་བཟོ་གནང་མཁན་སྐུ་ཞབས་བློ་བཟང་སྨོན་ལམ་ལགས་ཀྱི་ཁྱབ་བསྒྲགས་ཡིག་ཆའི་ནང་། ༢༠༡༢ ལོའི་ལོ་གསར་བ་སླེབས་ལ་ཉེ་སྐབས་འདིར། སྨོན་ལམ་ཚིག་མཛོད་དེ་ཨཱལ་ཌི་རའོ་ཌི་ (Android) ལག་ཁྱེར་ཁ་པར་མ་ལག་ནང་ལེགས་འགྲུབ་བྱུང་སྟེ། ཨཱལ་ཌི་རའོ་ཌི་ཚོང་ར་བརྒྱུད་ནས་རིན་མེད་ཐོག་བོད་རང་གི་སྐད་ཡིག་ལ་དུང་བ་ཡོད་མཁན་རྣམས་ལ་ལོ་གསར་པའི་ལེགས་སྐྱེས་ཤིག་གི་ཚབ་དུ་འགྲེམས་སྤེལ་བྱས་པ་བཀོད་འདུག
སྨོན་ལམ་ཚིག་མཛོད་དེ་ནི་ཝིན་ཊོ་སི་ (Windows) མ་ལག་ནང་བཀྲམ་པའི་ཚིག་མཛོད་དང་གཅིག་མཚུངས་ཡིན་པར་མ་ཟད། ཨཱལ་ཌི་རོའི་ཌི་ལག་ཁྱེར་ཁ་པར་མང་ཆེ་བའི་ནང་བཀོལ་ཐུབ་ལ། ལག་ཁྱེར་ཁ་པར་ནང་བོད་ཡིག་སྤྱོད་འདོད་ཡོད་མཁན་དག་གིས་ཨཱལ་ཌི་རོའི་ཌི་ཚོང་ར་བརྒྱུད་རིན་མེད་ཕབ་ལེན་བྱས་ཆོག་ལ། ཕབ་ལེན་སྐབས་དང་པོ་ཡིག་གཟུགས་དང་། གཉིས་པ་མཛུབ་གནོན། གསུམ་པ་ཚིག་མཛོད་བཅས་རིམ་པ་ལྟར་མཉེན་ཆས་རིགས་གསུམ་ཕབ་ལེན་བྱ་དགོས་པ་དང་། དེ་རྗེས་ལག་ཁྱེར་ཁ་པར་མ་ལག་ནང་ཡིག་གཟུགས་དང་མཛུབ་གནོན་གཉིས་སྒྲིག་འཇུག་བྱས་རྗེས་བོད་ཡིག་བྱེད་སྤྱོད་གཏོང་ཐུབ་ཀྱི་ཡོད་འདུག
སྐུ་ཞབས་བློ་བཟང་སྨོན་ལམ་ལགས་ཀྱིས་སྔ་ཕྱིར་སྨོན་ལམ་བོད་ཡིག་ཐོན་རིམ་གསུམ་དང་། སྨོན་ལམ་གློག་རྡུལ་ཚིག་མཛོད། སྨོན་ལམ་བོད་ཀྱི་ཐུན་མོང་སྐད་གདངས་མཉེན་ཆས་བཅས་གསར་བཟོ་གནང་པ་མ་ཟད། སྨོན་ལམ་བོད་ཡིག་དེ་ཀུ་ཤུ་རྟགས་ཅན་དང་སྒེའུ་ཁུང་རྟགས་ཅན་གྱི་རྩིས་འཁོར་མ་ལག་དང་། དེ་བཞིན་ལག་ཁྱེར་ཁ་པར་སོགས་བརྡ་འཕྲིན་མ་ལག་སོགས་ཀྱི་ནང་སྤྱོད་ཐུབ་པའི་ཕྱག་ལས་བཅས་གནང་ཡོད་པ་རེད།
དང་པོ། མཉེན་ཆས་ཕབ་ལེན་བྱེད་སྟངས་ཀྱི་དཔེ་རིས།
གཉིས་པ། ཡིག་གཟུགས་སྒྲིག་འཇུག་བྱེད་སྟངས་ཀྱི་དཔེ་རིས།
གསུམ་པ། མཛུབ་གནོན་སྒྲིག་འཇུག་བྱེད་སྟངས་ཀྱི་དཔེ་རིས།
གསར་འགོད་པ། ཚེ་རིང་རྒྱལ།
བོད་ཡིག་གི་བདག་པོ་ངོ་མ། བོད་ཀྱི་ལས་སྐལ་གསར་བའི་ལམ་ཁྲིད་པ། བོད་ཀྱི་བློ་བཟང་སྨོན་ལམ་ལགས་སུ། བཀའ་དྲིན་བླ་ན་མེད་པ་ཆེ་ཞུ་དང་ལྷན་དུ་བགྱི་བ་མཐའ་དག་བདེ་བླག་ངང་འགྲུབ་པའི་སྨོན་འདུན་ཞུ།
བློ་བཟང་སྨོན་ལམ་ལགས་ཐུགས་རྗེ་ཆེ།མ་འོང་པ་ལེཛྙ་རྒྱག་ཡ་ཡོད་པ་ཞིག་བྱུང་ཧ་ཅང་ཡག་པོ་འདུག་པས་དེ་དོན་དགོངས་འཇགས་ཡོང་བ་འཚལ།
བོད་ཡིག་གི་བདག་པོ་ངོ་མ། བོད་ཀྱི་ལས་སྐལ་གསར་བའི་ལམ་ཁྲིད་པ། བོད་ཀྱི་བློ་བཟང་སྨོན་ལམ་ལགས་སུ། བཀའ་དྲིན་བླ་ན་མེད་པ་ཆེ་ཞུ་དང་ལྷན་དུ་བགྱི་བ་མཐའ་དག་བདེ་བླག་ངང་འགྲུབ་པའི་སྨོན་འདུན་ཞུ།
རིགས་རྒོད་ཀྱི་བློ་གྲོས་ལྡན་པའི་སྐུ་ཞབས་བློ་བཟང་སྨོན་ལམ་ལགས། སྨོན་ལམ་ཚིག་མཛོད་ཨཱལ་ཌི་རའོ་ཌི་ (Android) མ་ལག་ནང་དུ་ལེགས་འགྲུབ་དང་། སྨོན་ལམ་ཡིག་གཟུགས་ཨཱལ་ཌི་རོའི་ཌི་སཱམ་སཱང་ལག་ཁྱེར་ཁ་པར་ (Android Samsung Mobile) མ་ལག་ནང་ལེགས་འགྲུབ་བྱུང་བར་སྙིང་ནས་བཀྲ་ཤིས་བདེ་ལེགས་ཞུ། ད་དུང་རིན་མེད་དུ་བཀྲམ་པ་ནི་ཆེས་རླབས་ཆེན་ཞིག་རེད་ཨང། བོད་ཀྱི་སྐད་ཡིག་ལ་ཞབས་འདེགས་རླབས་ཆེན་བསྒྲུབས་དང་སྒྲུབ་བཞིན་པར་གུས་པས་་ཐུགས་རྗེ་ཆེ་ཞུ། ཁྱེད་ཀྱིས་བོད་མི་རིགས་ལ་ཕུལ་བའི་ལེགས་སྐྱེས་ནི་མུ་མཐའ་མེད།
ང་བློ་བཟང་སྨོན་ལམ་ལ་དགའ་།ང་བོད་ཡིག་ལ་དགའ་།ང་བོད་ལ་དགའ་།ང་བོད་པ་ཡིན་།
ཐུགས་རྗེ་ཆེ། ངོ་མ་ཐུགས་རྗེ་ཆེ། བོད་ཀྱི་ཆོས་དང་རིག་གཞུང་ལ་ངེས་ཕན་ཡོངས་བ་ཡིད་ཆེས་ཡོད།
༈ སྐུ་ཞབས་བློ་བཟང་སྨོན་ལམ་ལགས་ནི་ངོ་མ། ནད་ལ་ཕན་པའི་སྨན། དུས་སུ་དགོས་པའི་བྱ་བ། མེད་དུ་མི་རུང་བའི་བོད་གངས་ཅན་པའི་སྐད་ཡིག་ཉག་ཕྲ་བའི་སྐབས་འདིར། བུ་ཁྱོད་རང་ཐོན་མི་གཉིས་པ་དང་། གངས་ཅན་པའི་སྐད་ཡིག་གི་སྲོག་སྦྱིན་མཁན། མི་རིགས་ལ་སྨན་པའི་མཛད་རྗེས་ཆེས་གཟེངས་སུ་མཐོ་བ་འདི་ལ་སྙིང་ཐག་པ་ནས་ཐུགས་རྗེ་བཀའ་དྲིན་ཤིན་ཏུ་ཆེ་ཞེས་ཡང་ཡང་ཞུ་གི་ཡོད། གུས་པ་ལ་ཞུ་བསྐུལ་ཞིག་ལ། བོད་ཀྱི་འདོན་ཆ་གི། ཡི་གེ་བཟོ་དུས་(པེ་ཆ་མེ་ཁི)pecha maker ཆ་ཚང་བ་ཞིག་ཅི་ནས་ཀྱང་བཟོ་གནང་ཡོང་བའི་ཞུ་བ་ཕུལ་གི་ཡོད། གལ་བཟོ་མཛད་ཟིན་ཡོད་ན། ག་བ་ལ་ཡོད་པ་འདི་རྒྱུད་ནས་གསུང་ཕྲིན་ཞིག་གནང་སྐྱོང་ཡོང་བ་བྱེད་རོག་ཞེས་ཞུ་གི་ཡོད།
བློ་བཟང་སྨོན་ལམ་ལགས་ཁྱེད་ནི་བོད་མི་རིགས་ཀྱི་ལ་རྒྱ་དང་སྲོལ་རྒྱུན་ལ་བདག་བཅེས་བྱ་མཁན་གྱི་དུས་རབས་ཉེར་གཅིག་པའི་ལམ་སྟོན་བོད་མི་ཞིག་ལ་ངས་ཡིད་ཆེས་དང་འཚམས་འདྲི་ཞུ་བཞིན་ཡོད་དེ་དུས་ཚན་རིག་རིག་པ་ལ་སློབ་སྦྱོང་བྱས་ཟིན་པ་དང་བྱ་བཞིན་པའི་བོད་རིགས་ཕོ་མོ་ཁྱད་མེད་ཚོས་ད་ཁོང་བཞིན་འཛམ་གླིང་མི་དམངས་ཀྱི་་མདུན་དུ་དོན་པའི་དུས་ལ་བསླེབས་ཡོད་པས་དཔའ་ངར་ཞུམ་མེད་ཐོགས་དོན་དང་
ཨ་ཁུ་སྨོན་ལན་ལགས་ཀྱིས་དུས་དང་རྣམ་པ་ཀུན་དུ་བོད་ཀྱི་རིག་གནས་གོང་འཕེལ་གྱི་ཐད་དུ་ཕྱག་རྗེས་བླ་མེད་བཞག་གནང་བ་དེར་སྙིང་ཐག་པ་ནས་བཀའ་དྲིན་ཆེ་ཞུ་བཞིན་ཡོད།
བོད་ཀྱི་བུ་བློ་བཟང་སྨོན་ལམ་ལ་ཁ་ཞེ་གཉིས་མེད་ཀྱིས། ལག་ཟུང་ཐལ་མོ་སྙིང་ཁར་བཀོད་དེ་བཀའ་དྲིན་ཆེ་ཞུ་རྒྱུ་དང་ཤིན་ཏུ་ནས་ཡག་བྱུང་ཞུ་རྒྱུ་ཡིན
སྨོན་ལམ་ལགས། ངོ་མ་ཁྱེད་ཀྱི་ཕྱག་ལས་ནི་མི་རིགས་འདིའི་རྐང་དུ་འཕྲོད་ནས་ཡོད་པས་བཀའ་དྲིན་ཤིན་ཏུ་ནས་ཆེ་ལགས།
ད་ཡང་༌༌༌༌༌༌༌༌༌ཨིན་ཇི་བཞིན་བོད་ཡིག་གི་དག་ཆ་རྣམས་དག་བཅོས་བྱེད་ཐུབ་པའི་ཚིག་མཛོད་གསར་པ་ཞིག་གསར་བཟོ་གནང་ཐུབ་ན་ཤིན་ཏུ་ནས་ཕན་ཐོགས་ཆེ་བར་འདུག དགོངས་བཞེས་ཀྱི་ཕྱག་ལས་གནང་མུས་ཡིན་རྒྱུ་རེད།
ཐུགས་རྗེ་ཆེ་བློ་བཟང་སྨོན་ལམ་ལགས། སྐུ་རྒྱབ་ཏུ་ལག་རྡང་སྦྲེལ་མཁན་གྱི་ཕྱག་རོགས་ལའང་ཐུགས་རྗེ་ཆེ།་སྐུ་ཁམས་བཟང་། སྐུ་ཚེ་རིང་།
སྐུ་ཞབས་བློ་བཟང་སྨོན་ལམ་ལགས་ཀྱི་དེང་རབས་ཀྱི་གྲུབ་རྟགས་རང་རེད། སྐུ་ཞབས་སྨོན་ལམ་ཚེ་རིང་བོར་ཤོག
ཨ་ལ་ལ། དངོས་གསན་རླབས་ཆེན་གྱི་ལེགས་སྐྱེས་ཤིག་རེད། སྐུ་ཞབས་སྨོན་ལམ་ལགས་སུ་བཀའ་དྲིན་ཆེའི་ལེགས་སྐྱེས་སུ་ག་རེ་དགོས་སམ།
བློ་བཟང་སྨོན་ལམ་ལགས་ཐུགས་རྗེ་ཆེ།མ་འོང་པ་ལེཛྙ་རྒྱག་ཡ་ཡོད་པ་ཞིག་བྱུང་ཧ་ཅང་ཡག་པོ་འདུག་པས་དེ་དོན་དགོངས་འཇགས་ཡོང་བ་འཚལ།
བོད་ཀྱི་ཆོས་དང་། རིག་གཞུང་། སྐད་ཡིག སྤྱི་ཚོགས་སོགས་ནང་ཞབས་འདེགས་རླབས་ཆེན་བསྒྲུབས་དང་སྒྲུབ་བཞིན་པའི་སྐུ་ཞབས་སསྨོན་ལམ་ཞ་ཐུགས་རྗེ་ཆེ་ཞུ་འོས་པ་རེད།
ཕོ་ཁྱོ་ཀ་ཟེར་ན་མི་མི་འདྲའི་རིགས་ལ་ངོས་འཛིན་བྱེད་དགོས།