དེ་རིང་ཞོགས་པར་གནས་མཆོག་རྡོ་རྗེ་གདན་དུ་ཨ་རུ་ནཱ་ཅལ་མངའ་སྡེའི་ཡུལ་སྐོར་སྤྲོ་འཆམ་བློན་ཆེན་པདྨ་མཁའ་འགྲོ་མཆོག་གིས་བོད་མིའི་སྒྲིག་འཛུགས་ཕྱི་དྲིལ་ལས་ཁུངས་ཀྱི་འགྲེམས་སྟོན་ཁང་སྒོ་འབྱེད་གནང་སོང་།
དེ་རིང་ཕྱི་ཚེས་ ༢༩ ཉིན་གྱི་ཞོགས་པའི་ཆུ་ཚོད་ ༩ པའི་སྟེང་། གནས་མཆོག་རྡོ་རྗེ་གདན་གྱི་མཆོད་མཆོད་ཆེན་མོའི་ཉེ་འགྲམ་དུ་བོད་མིའི་སྒྲིག་འཛུགས་དྲིལ་བསྒྲགས་ལས་ཁུངས་ཀྱི་དུས་དབང་ཐེངས་ ༣༢ པའི་སྟེང་ཆེད་དུ་གོ་སྒྲིག་གནང་བའི་འགྲེམས་སྟོན་ཁང་ཞིག་དབུ་འབྱེད་གནང་ཡོད་ཅིང་། འགྲེམས་སྟོན་དབུ་འབྱེད་ཀྱི་སྐུ་མགྲོན་གཙོ་བོར་དེ་སྔའི་ཨ་རི་ནཱ་ཅལ་མངའ་སྡེའི་སྤྱི་ཁྱབ་བློན་ཆེན་འདུས་པོ་རྡོ་རྗེ་མཁའ་འགྲོ་མཆོག་གི་བུ་ཨ་རུ་ནཱ་ཅལ་ཁོར་ཡུག་དང་ཡུལ་སྐོར་སྤྲོ་འཆམ་བློན་ཆེན་པདྨ་མཁའ་འགྲོ་མཆོག་གཙོས། བོད་མིའི་སྒྲིག་འཛུགས་བདེ་སྲུང་བཀའ་བློན་མཆོག་དང་དུས་འཁོར་དབང་ཆེན་གོ་སྒྲིག་ཚོགས་ཆུང་གི་ཚོགས་གཙོ་བླ་མ་ངག་དབང་ནོར་བུ་མཆོག རྟ་དབང་དགོན་པའི་མཁན་པོ་གུ་རུ་རིན་པོ་ཆེ་མཆོག དེ་བཞིན། སྐུ་སྒེར་དྲུང་ཆེ་དང་བདེ་སྲུང་དྲུང་ཆེ། ཕྱི་དྲིལ་དྲུང་ཆེ། གཞུང་ཞབས་ལས་བྱེད་དང་གསར་འགོད་པ་བཅས་འདུ་འཛོམས་བྱུང་ཡོད།
འགྲེམས་སྟོན་མཛད་སྒོའི་ཐོག་སྐུ་མགྲོན་གཙོ་བོ་པདྨ་མཁའ་འགྲོ་མཆོག་ནས་འགྲེམས་སྟོན་ཁང་དབུ་འབྱེད་དང་། ཐེངས་འདིའི་འགྲེམས་སྟོན་པར་རིས་ཡོངས་ལ་གཟིགས་སྐོར་གནང་སོང་ལ། སྐབས་དེར་གསར་འགོས་པས་ཁོང་ལ་པར་རིས་འགྲེམས་སྟོན་བརྒྱུད་སེམས་ཚོར་གང་འདྲ་བྱུང་མིན་དྲིས་པའི་ལན་དུ་ཁོང་གིས། “ ང་རང་གི་ངོས་ནས་ཐེངས་འདིའི་བཙན་བྱོལ་བོད་མའི་སྒྲིག་འཛུགས་ཀྱི་འགྲེམས་སྟོན་འདི་ཧ་ཅང་ཡག་པོར་མཐོང་བྱུང་། པར་རིས་འདི་དག་བརྒྱུད་༸གོང་ས་མཆོག་སྐུ་གཞོན་པའི་དུས་ནས་ད་ལྟའི་བར་གྱི་མཛད་རྣམ་གསལ་བོ་ཤེས་ཐུབ་པར་མ་ཟད། བཙན་བྱོལ་བོད་མིའི་སྒྲིག་འཛུགས་ཀྱི་འདས་པའི་ལོ་ ༥༠ ལྷག་གི་ལོ་རྒྱུས་ཡོངས་སུ་རྫོགས་པ་ཧ་གོ་ཐུབ་ཀྱི་འདུག གནས་ཚུལ་ཆུང་ཚགས་ཙམ་མིན་པར་རྒྱ་ཁྱབ་གཏིང་ཟབ་ཀྱི་སྒོ་ནས་འགྲེམས་སྟོན་བྱས་འདུག” ཅེས་གསུངས་གནང་སོང་།
ཐེངས་འདིའི་བོད་མིའི་སྒྲིག་འཛུགས་ཕྱི་དྲིལ་ལས་ཁུངས་ཀྱི་པར་རིས་འགྲེམས་སྟོན་གྱི་དམིགས་ཡུལ་གཙོ་བོ་ནི། བོད་ནང་དང་ཕྱི་རྒྱལ་ཡུལ་གྲུ་ཁག རྒྱལ་བལ་འབྲུག་གསུམ་བཅས་ནས་ཕེབས་པའི་ཆོས་ཞུ་རྣམས་ལ། འདས་པའི་མི་ལོ་ངོ་ ༥༠ བཙན་བྱོལ་བོད་མིའི་སྤྱིའི་གནས་སྟངས་དང་། ལྷག་པར་དུ་༸གོང་ས་མཆོག་སྐུ་གཞོན་ནུའི་དུས་ཀྱི་མཛད་འཕྲིན་དང་ད་ལྟའི་བར་འཛམ་གླིང་རྒྱལ་ཁབ་ཁག་གི་སྲིད་འཛིན་དང་སྲིད་བློན། རྒྱལ་པོ་གཙོས་གནད་ཡོད་མི་སྣར་ཐུག་འཕྲད་གནང་བའི་སྐོར་སོགས་པར་རིས་ཀྱི་ལམ་ནས་ངོ་སྤྲོད་བྱ་འཆར་ཡིན་འདུག་ལ། ཐེངས་འདིར་ཁྱོན་བསྡོམས་པར་རིས་གྲངས་ ༨༠ ལྷག་ཡོད་པ་ཁག་༸གོང་ས་མཆོག་གི་མཛད་རྣམ་དང་འདས་པའི་མི་ལོ་ ༥༠ ལྷག་གི་བོད་མི་སྐྱབས་བཅོལ་བའི་ལོ་རྒྱུས། བོད་ཀྱི་རྒྱལ་རབས་ལོ་རྒྱུས་བཅས་སྡེ་ཚན་མི་འདྲ་བ་གསུམ་དུ་བགོས་ཏེ་འགྲེམས་སྟོན་བྱས་འདུག
དེ་བཞིན། ཕྱི་དྲིལ་ལས་ཁུངས་ཀྱི་ངོས་ནས་ཐེངས་འདིའི་དུས་འཁོར་དབང་ཆེན་གྱི་ཉིན་ ༡༠ རིང་པར་རིས་འགྲེམས་སྟོན་འདི་ཁོ་ན་མིན་པར། དུས་དབང་སྐབས་རྒྱལ་སྤྱིའི་གསར་འགོད་པ་དག་ལ་གནས་ལ་གནས་ཚུལ་སྤེལ་གཏོང་ཁང་གོ་སྒྲིག་དང་ཉིན་རེའི་མཛད་རིམ་ངོ་སྤྲོད་བཅས་གནང་རྒྱུ་ཡིན་འདུག་ལ། ཟླ་འདིའི་ཕྱི་ཚེས་ ༡ ནས་ཚེས་ ༧ བར་ཆོས་ཞུ་བའི་སྡོད་གུར་ས་ཚིགས་སུ་༸གོང་ས་མཆོག་གིས་དམངས་གཙོའི་ལམ་ནས་འོས་འདེམས་བྱས་པའི་བཀའ་བློན་ཁྲི་པར་སྐུ་དབང་རྩིས་སྤྲོད་བྱས་པའི་སྐོར་དང་། བཀའ་ཁྲིའི་དམ་འབུལ་མཛད་སྒོའི་སྐོར། སྐུའི་ཡང་སྲིད་སྐོར་ལ་༸གོང་ས་མཆོག་རང་ནས་གནང་བའི་བཀའ་སློབ། དོལ་རྒྱལ་བསྟེན་པའི་ཐད་ལ་དགེ་སྐྱོན་གང་ཡོད། ༢༠༠༨ ལོར་བོད་ས་ཡོངས་སུ་ཞི་བའི་སྒེར་ལངས་བྱས་པའི་སྐོར་གྱི་པར་རིས་དང་གློག་རྙན། ཁམས་སྐྱེ་རྒུ་མདོའི་ས་ཡོམ་སྐབས་བོད་ཆོལ་ཁ་གསུམ་གྱི་བོད་མི་ཚོས་རྡོག་རྩ་གཅིག་སྒྲིལ་གྱི་རོགས་རམ་གང་འདྲ་གནང་ཡོད་མེད་སོགས་ཀྱི་གློག་བརྙན་ཁག་མི་མང་གི་གཟིགས་འབུལ་ཞུ་འཆར་ཡོད་པ་མ་ཟད། ཕྱི་ཚེས་ ༧ ཉིན་བཀའ་བློན་ཁྲི་པ་བློ་བཟང་སེང་གེ་མཆོག་གིས་བོད་ནས་གསར་དུ་འབྱོར་བའི་ཆོས་ཞུ་བ་རྣམས་ལ་བཀའ་སློབ་གནང་རྒྱུ་དང་། ཕྱི་ཚེས་ ༩ ཉིན་བཀའ་བློན་ཁྲི་ཟུར་ཟམ་གདོང་རིན་པོ་ཆེ་མཆོག་གིས་མི་མང་ལ་ལམ་སྟོན་བཀའ་སློབ་གནང་རྒྱུ་བཅས་ཀྱི་ལས་རིམ་བསྒྲིགས་ཡོད་འདུག
རྡོར་གདན་གསར་འགོད་པ། དོན་གོ
ངོ་ནི་ངོ་སྟེ་གདོང་གི་དོན།།
སར་ནི་ས་ལ་ཞེས་བའི་དོན།།
གློན་ནི་གླན་གྱི་སྐུལ་ཚིག་ཡིན།།
དེ་དོན་མཁས་བས་ཤེས་བར་མཛོད།།
ལོག་སྨྲས་ལོག་པར་མ་སྨྲས་ན། །
སུ་ཞིག་ལོག་པར་སྨྲ་བར་འགྱུར། །
ངོ་སར་གློན་ཞེས་ཚིག་གི་དོན། །
སྙིང་རྩ་སྤར་འཛིན་ལགས་ལ་འདྲི། །
རི་བོང་གནམ་རྡིབ་ཀྱལ་ཀའི་ཚིག །
བོད་ཡིག་ཡར་རྒྱས་འགྲོ་ཕྱིར་བྲིས། །
སྐུ་རྩེད་ཡིན་ནོ་རྣམ་གཉིས་ལགས། །
ཡང་ན་རྒན་ཞུ་རྒྱུ་ཞོག ཡང་ན་སྐྱོན་བརྗོད་བྱེད་རྒྱུ་ཞོག དཀར་ནག་ལྷན་ཅིག་ཏུ་འགྲོ་རེ་སྐན།།།།།
ལོག་སྨྲ་ལགས། ཁྱོད་ཀྱིས་བྲིས་བའི་མཆན་འདི་ཚང་མ་ཡིག་ནོར་རེད། ངོ་མ་སངས་རྒྱས་ལ་ཀ་ཁ། ད་དུང་༧ཡིད་བཞིན་ནོར་བུར་བཀའ་གཏོང་གིན་འདུག ངོ་སར་གློན།
ང་ཡིན་ན་ཡང་། ད་རེའི་༧ རྒྱལ་བ་རིན་པོ་ཆེ་ཁོང་གིས་དངོས་སུ་བོད་ནས་ཕེབས་པའི་དད་ལྡན་ཆོས་ཞུ་བ་རྣམས་ལ་དམིགས་བསལ་གྱིས་བཀའ་སློབ་གྲ་དག་ཞིག་གནང་དགོས་བ་ཤིན་ཏུ་ནས་ཀྱང་ཤིན་ཏུ་གལ་ཆེན་རེད་བསམ་གི རྒྱུ་མཚན། མདོ་དབུས་ཁམས་གསུམ་གྱི་ཆོས་ཞུ་བ་ཚོར་ཆ་བཞག་ནས་བཤད་ན། ཁོང་ཚོས་ས་ནག་པོ་འདོམ་ལ་འཇལ་སྤྲུན་དཀར་པོ་ཐད་བཟུང་ནས་ཕྱི་ནང་གི་འགལ་རྐྱེན་གང་མང་ཞིག་གདོང་ལེན་གྱིས་བརྒལ་ནས་ཡོང་བ་རེད་ལ། ལ་ཤས་ཤིག་གིས་རང་གི་ལས་གནས་དང་ནང་མི་ཚོ་གཏན་མར་བཞག་རབས་དང་། འགའ་རེས་འགྲོ་གྲོན་གྱི་སྒོར་མོ་ཚང་མ་བུ་ལོན་ཡིན་སྐད། གཅིག་མཐུན་གྱི་དཀའ་ངལ་ཞིག་ཡོད་པ་ནི་ལག་འཁྱེར་མི་རགས་པ་འདི་རེད་མོད། འདིའི་ཐད་ནས་བཤད་ནའང་འཇོན་སྟངས་དང་རྒྱུ་ཡོད་མཁན་ཚོར་ཧ་ཅང་གི་དཀའ་ངལ་ཆེན་པོ་མེད་ནའང་དེ་ལས་ལྡོག་པའི་མི་ཚོའི་ངོས་ནས་བཤད་ན་ལོ་ལྔ་དྲུག་བཅུ་ཁ་ལ་དཀའ་ལས་བརྒྱབ་མྱོང་འདུག་ལ་དེའི་ཡུན་དུའང་ལྐོག་མ་ཐེངས་མང་སྤྲད་ཀྱང་འབྲས་མེད་དུ་སོང་མཁན་ཡང་མང་པོ་ཡོད་སྐད་དང་། ལྐོག་མ་དེའང་ཆུང་ཆུང་ཞིིག་ག་ལ་ཡིན་ཏེ། སེམས་ཅན་གྱི་ཐད་ནས་ཡག་དང་ཤ་བཟན་སྐོར་མོའི་ཐད་ནས་དམངས་སྐོར་ཁྲི་གཅིག་གཉིས་ཀྱི་སྐད་ཆ་རེད་འདུག་གོ །
བཀའ་སློབ་དེའང་རྒྱུན་ཤེས་ཀྱི་བྱམས་སྙིང་རྗེ་དང་ལས་རྒྱུ་འབྲུས་ཙམ་མིན་པར་དེ་དག་གི་ཞོར་དུ་གཙོ་བོར་བཙན་བྱོལ་བོད་མིའི་སྒྲིག་གཞིའི་འདས་ཟིན་བའི་ལོ་རྒྱུས་དང་མ་འོངས་བསྒྲུབ་འཆར་ཇི་ཡོད་དང་། སྐུ་དབང་མི་དམངས་ལ་བརྩིས་སྤྲད་དགོས་པ་བཅས་ཀྱི་ཐད་ནས་གནང་ན་དགེ་མཚན་ཆེན་པོ་འདུག་སྙམ་མོ།།
མེ་འཁོར་ནང་ཡོང་བཞིན་བྲིས་བ་ཡིན་པས་ནོར་ཆད་རེ་ཡོད་ན་བཀླག་ཤེས་བྱོས།
རྒན་ཆབ་བྲག་ལྷ་མོ་ཁྱོད་རང་འཇོན་མདོག་སྤུ་རིལ་འདྲ་བོ་དཔེ་འདུག རྟག་པར་ཕག་ཕག་ཕིག་ཕིག་ཞིག་ལབ་བཞིན་འདུག ཧཧཧཧཧ།
བོད་ནས་ཕེབས་པ་ཚོར་བཀའ་སློབ་གནང་མཁན་ཚང་མས་བཅའ་ཁྲིམས་ཀྱི་དགོངས་དོན་ལས་མི་བརྒལ་བའི་གསུང་བཤད་གནང་རྒྱུ་དང་ད་ལྟའི་བཙན་བྱོལ་བོད་མིའི་སྒྲིག་གཞིའི་གནས་སྟངས་དང་འབྱུང་འགྱུར་གྱི་འོས་འགན་བཅས་ཇི་མ་ཇི་བཞིན་པ་ཞིག་ངོ་སྤྲོད་གནང་རྒྱུ་ཧ་ཅང་གལ་ཆེ། ལྷ་རབ་བྱུང་ན་ཡིད་བཞིན་ནོར་བུས་ཀྱང་བཀའ་སློབ་ཟབ་མོ་ཞིག་གནང་རྒྱུའི་རེ་བ་ཆེ།