མདུན་ངོས།
About Us
  • English
Advertisement
བོད་ཀྱི་དུས་བབ།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
    • གླ་ཡོད་རིན་གོང་།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese
No Result
ཆ་ཚང་གཟིགས།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
    • གླ་ཡོད་རིན་གོང་།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese
No Result
ཆ་ཚང་གཟིགས།
བོད་ཀྱི་དུས་བབ།
English
No Result
ཆ་ཚང་གཟིགས།

ཀྲུའུ་ཝེ་ཆོན་གྱི་སྐད་ཆ།

བོད་ཀྱི་དུས་བབ།
༢༠༡༢/༠༡/༠༢
Share on FacebookShare on TwitterShare on EmailShare on Whatsapp


ཟླ་ ༡༢ ཚེས་ ༣༠ ཉིན་བོད་ལྗོངས་ཆ་འཕྲིན་དྲ་བར་གནས་ཚུལ་སྤེལ་བ་ལྟར་ན། ཕྱི་ཟླ་ ༡༢ ཚེས་ ༡༢ ཉིན་རྒྱ་ནག་འཐབ་ཕྱོགས་གཅིག་གྱུར་ཁང་གི་འགན་འཛིན་གཞོན་པ་ཀྲུའུ་ཝེ་ཆོན་གྱིས་ཡུ་རོབ་ཀྱི་རྒྱལ་ཁབ་བྷེལ་ཇམ་(Belgium)གྱི་རྒྱལ་སའི་ཚོགས་ཁང་ཞིག་ཏུ་བོད་རྒྱའི་གནད་དོན་དང་། བོད་མིའི་ཐོབ་ཐང་། ད་ལོར་བོད་ནང་རང་ལུས་མེར་བསྲེགས་བཏང་བ་བཅས་ཀྱི་ཐོག་གཏམ་བཤད་ཅིག་བྱས་ཡོད་པ་འདིར་བཤུ་འགོད་བྱས་ཡོད། ༼ 
ཀྲུའུ་ཝེ་ཆུན། ངས་ཐོག་མར་ཀྲུང་གོའི་བོད་ལྗོངས་དང་འབྲེལ་བའི་གནས་ཚུལ་འགའ་ངོ་སྤྲོད་བྱེད་རྒྱུ་ ཡིན་ལ། དེ་ནས་ཁ་ཟས་ལ་རོལ་བའི་བར་སྐབས་སུ་ཁྱེད་ཅག་གི་དྲི་བར་ལན་འདེབས།

        ད་ལོ་ནི་བོད་ཞི་བས་བཅིངས་འགྲོལ་བཏང་ནས་ལོ༦༠འཁོར་བའི་ལོ་ཡིན། ལོ་ངོ་༦༠ཡི་ཚུན་ལ་ཀྲུང་གོ་སྲིད་གཞུང་གིས་བོད་ལྗོངས་ལ་བྱ་བ་མང་པོ་བསྒྲུབས་ ཡོད། དེ་མདོར་བསྡུས་ནས་བཤད་ན་དོན་ཆེན་གསུམ་བསྒྲུབས་ཡོད་དེ། དོན་ཆེན་དང་པོ་ནི་༡༩༥༡ལོར་བོད་ཞི་བས་བཅིངས་འགྲོལ་བཏང་བ་དང༌། དུས་དེ་ནས་བཟུང་སྟོབས་ཤུགས་གང་རུང་ཞིག་གིས་བོད་ལྗོངས་དང་ཀྲུང་གོ་གཉིས་ཁ་ བྲལ་དུ་གཏོང་འདོད་པའི་བསམ་དོན་དེ་ནམ་ཡང་འགྲུབ་མི་སྲིད་པར་གྱུར། ཞི་བས་བཅིངས་འགྲོལ་བཏང་བ་ནི་བོད་མིའི་ཐོབ་ཐང་བྱ་གཞག་སྟེང་གི་ཡར་རྒྱས་ཆེན་ པོ་ཞིག་ཡིན། རྒྱུ་མཚན་ནི་མིའི་ཐོབ་ཐང་རྨང་གཞི་བྱས་པའི་ཀྲུང་གོ་རྒྱལ་ཁབ་ཀྱི་བདག་དབང་ལ་ ཁག་ཐེག་ཐོབ། ལོ་རྒྱུས་སུ་ཡང་གལ་སྲིད་བཙན་རྒྱལ་རིང་ལུགས་པ་གང་གིས་བཙན་འཛུལ་ དང༌། གཉའ་གནོན་བཏང་ཙ་ན། བོད་མིའི་ཐོབ་ཐང་གི་བྱ་གཞག་ཞེས་པ་ཡང་ཡེ་ནས་མེད་ཅེས་གསལ་བོར་འཁོད་ཡོད།

        དོན་ཆེན་གཉིས་པ་ནི་༡༩༥༩ལོར་ཏཱ་ལའི་བླ་མ་སྐུ་ཕྲེང་བཅུ་བཞི་བ་གཙོ་བྱས་པའི་ གོང་རིམ་དབང་བསྒྱུར་ཚོགས་པ་ཉུང་ཤས་ཤིག་གིས་ངོ་ལོག་ཟིང་འཁྲུག་བསླངས་པ་ཞི་འཇགས་སུ་བཏང་རྗེས། བོད་ལྗོངས་སུ་དམངས་གཙོ་བཅོས་བསྒྱུར་མངོན་དུ་གྱུར་ནས་ལོ་བརྒྱ་ཕྲག་རིང་ལ་རྒྱུན་བསྐྱངས་པའི་ཆོས་སྲིད་ཟུང་འབྲེལ་བཀས་བཀོད་རྒྱུད་འཛིན་གྱི་ཞིང་བྲན་ལམ་ ལུགས་རྩ་གཏོར་དུ་བཏང༌། དུས་དེ་ནས་བཟུང་བོད་ལྗོངས་དེ་ཉིད་ཀྲུང་གོའི་ས་ཁུལ་གཞན་དག་དང་འདྲ་བར་སྤྱི་ ཚོགས་རིང་ལུགས་ཀྱི་སྤྱི་ཚོགས་གསར་བར་ཞུགས། དེའི་ཕྱིས་སུ་བོད་ལྗོངས་སུ་བཀས་བཀོད་རྒྱུད་འཛིན་གྱི་ཞིང་བྲན་ལམ་ལུགས་སླར་གསོ་བྱེད་འདོད་ཀྱང་ནམ་ཡང་སྲིད་པ་མིན།

 དམངས་གཙོ་བཅོས་བསྒྱུར་བརྒྱུད་དེ་ ཞིང་བྲན་ཁྲི་ཚོ་ལ་མིའི་ཐོབ་ཐང་ཐོབ། དེ་ནི་ཀྲུང་གོ་དང༌། འཛམ་གླིང་གི་འགྲོ་བ་མིའི་ཐོབ་ཐང་སྟེང་ཧ་ཅང་གལ་ཆེ་ཞིང༌། ཤུགས་རྐྱེན་ཆེན་པོ་ཐེབས་པའི་དོན་དག་གལ་ཆེན་ཞིག་ཡིན། 

      དོན་ཆེན་གསུམ་པ་ནི། ང་ཚོས་བོད་ལྗོངས་སུ་མི་རིགས་ས་ཁུལ་རང་སྐྱོང་ལམ་ལུགས་བཙུགས་པ་དང༌། དུས་རབས་ཕྱེད་ཙམ་གྱི་རིང་ལ་བོད་ལྗོངས་ཀྱི་དཔལ་འབྱོར་དང༌། སྤྱི་ཚོགས་མགྱོགས་པོར་འཕེལ་བ་དང༌། འགྲོ་བ་མིའི་ཐོབ་ཐང་གི་བྱ་གཞག་ཁག་གི་འགན་སྲུང་དང་དེ་ཇེ་ལེགས་སུ་གཏོང་བ་ མངོན་དུ་གྱུར་ཡོད།

      ལས་ཀའི་དགོས་དབང་གིས་ང་རང་བོད་ལྗོངས་སུ་ཧ་ལམ་ཐེངས་༤༠ལྷག་ལ་བསྐྱོད་མྱོང༌། ད་ལོའི་ནང་ང་རང་ཐེངས་ལྔ་ལ་སོང༌། ཐེངས་རེར་བོད་ལྗོངས་སུ་བསྐྱོད་དུས་ངས་བོད་མི་དམངས་ཀྱི་འཚོ་བ་ཇེ་ལེགས་སུ་ སོང་བ་མངོན་གསལ་ཡིན་པ་དང༌། དམངས་གཙོའི་ཐོབ་ཐང་ལ་འགན་སྲུང་ཐོབ་ཡོད་པ་བཅས་མཐོང་ཐུབ།  ངས་ འདི་ནས་རྩ་བའི་རྩིས་གྲངས་འགའ་དྲངས་ནས་བཤད། མ་གཞི་རྩིས་གྲངས་ནི་ཆོ་མེད་བྲོ་མེད་ཀྱི་ཚིག་རོ་སྐམ་པོ་ཞིག་ཡིན་ན་ཡང༌། དེ་ནི་ཀྲུང་གོ་སྲིད་གཞུང་དང་བོད་ལྗོངས་མི་དམངས་ཀྱིས་འབད་འབུངས་ཆེན་པོ་བྱས་ ནས་བླངས་པའི་གྲུབ་འབྲས་ཡིན། ༢༠༠༦ལོ་ནས་༢༠༡༠ལོའི་བར་གྱི་ཀྲུང་གོའི་ལོ་ལྔ་ཚན་བཅུ་གཅིག་པའི་རིང་དུ། ཀྲུང་གོ་སྲིད་གཞུང་གིས་བོད་ལྗོངས་འཛུགས་སྐྲུན་གྱི་ཐད་ལ་མ་དངུལ་སྒོར་དུང་ ཕྱུར་༡༣༧༨བཏང་ནས་རྒྱབ་སྐྱོར་མཛད། ༢༠༡༡ལོ་ནས་༢༠༡༥ལོའི་བར་གྱི་ཀྲུང་གོའི་ལོ་ལྔ་ཚན་བཅུ་གཉིས་པའི་འཆར་འགོད་ཀྱི་ སྐབས་སུ། བོད་ལྗོངས་ཐད་བཏང་བའི་མ་དངུལ་ཁྱོན་སྡོམ་སྒོར་དུང་ཕྱུར་༣༣༠༠བཏང་ཞིང༌། དེ་ནི་ལོ་ལྔ་ཚན་བཅུ་གཅིག་པ་དང་བསྡུར་ན་ལྡབ་གཅིག་གིས་ཇེ་མང་དུ་བཏང་ཡོད། ༢༠༡༡ལོར་བོད་ལྗོངས་ས་ཁུལ་གྱི་ཐོན་སྐྱེད་སྤྱིའི་རིན་ཐང་སྔོན་རྩིས་བརྒྱབ་ན་ ཕལ་ཆེར་སྒོར་དུང་ཕྱུར༦༠༥ལ་སླེབས་པ་དང༌། དེ་ནི་ལོ་སྔོན་མ་དང་བསྡུར་ན་བརྒྱ་ཆའི་༡༢ ། ༦ འཕར། བསྟུད་མར་ལོ་༡༩ཡི་ནང་གྲངས་གནས་གཉིས་ཀྱིས་འཕར་བའི་རྒྱུན་བསྐྱངས་ཡོད། གྲོང་ཁྱེར་གྱི་སྡོད་དམངས་ཀྱིས་བཀོལ་ཆོག་པའི་ཡོང་འབབ་སྒོར་༡༦༡༤༨ལ་སླེབས་ཐུབ་ པ་དང༌། དེ་ནི་ལོ་སྔོན་མ་དང་བསྡུར་ན་བརྒྱ་ཆའི༧ ། ༨ ཇེ་མང་དུ་སོང་ཡོད། དེ་ལས་ང་ཚོས་རོང་འབྲོག་མང་ཚོགས་ལ་དོ་སྣང་ཆེན་པོ་བྱས་པ་ཡིན། རྒྱུ་མཚན་ནི་བོད་ལྗོངས་སུ་ འཚོ་གནས་ཆ་རྐྱེན་ཧ་ཅང་ཞེན་པ་ནི་རོང་འབྲོག་མང་ཚོགས་ཡིན། ད་ལོར་མི་རེའི་ཆ་སྙོམས་ཀྱི་ཁེ་གཙང་ཡོང་འབབ་སྒོར་༤༧༠༠ལ་སླེབས་ཐུབ་ཡོད་པ་དང༌། དེ་ནི་ལོ་སྔོན་མ་དང་བསྡུར་ན་བརྒྱ་ཆའི་༡༣ ། ༦ འཕར། བསྟུད་མར་ལོ༩ཡི་ནང་གྲངས་གནས་གཉིས་ཀྱིས་འཕར་བའི་རྒྱུན་བསྐྱངས་ཡོད། ཀྲུང་གོ་སྲིད་གཞུང་གིས་དེ་སྔོན་གྲོས་ཚོགས་གལ་ཆེན་ཞིག་འཚོགས་ཏེ། རྒྱལ་ཡོངས་ཀྱི་དབུལ་སྐྱོར་ཚད་གཞི་དེ་སྔོན་ཆད་ཀྱི་སྒོར༡༡༩༦ ནས་༢༣༠༠རུ་ཇེ་མང་དུ་བཏང་ཡོད། དེས་ང་ཚོས་དབུལ་སྐྱོར་གསར་སྤེལ་གྱི་ལས་ལ་དཀའ་གནད་ཅིག་བསྣན་ཡོད་ན་ཡང་ངེས་པར་ དུ་བསྒྲུབ་དགོས་པ་ཡིན། སྒོར་༢༣༠༠དེ་ནི་མི་རེའི་ཆ་སྙོམས་ཀྱི་ཉིན་རེའི་ཡོང་འབབ་ཨ་རིའི་སྒོར་༡ཡིན་ལ། རྒྱལ་སྤྱིར་སྤྱོད་པའི་ཚད་གཞི་ལས་ཀྱང་མཐོ། བོད་ལྗོངས་ཀྱི་རོང་འབྲོག་མི་སེར་གྱི་མི་རེའི་ཆ་སྙོམས་ཀྱི་ཁེ་གཙང་ཡོང་འབབ་ སྒོར་༤༧༠༠ལ་སླེབས་ཡོད་པས་སྤྱིའི་ཆ་ནས་དབུལ་ཕོངས་ཀྱི་འཚོ་བ་དང་རིང་དུ་གྱེས་ པ་མཚོན་ཡོད། གཞན་ཡང་ང་ཚོ་བོད་ལྗོངས་ཀྱི་སློབ་གསོ་དང༌། འཕྲོད་བསྟེན་བྱ་གཞག་སོགས་ཀྱང་ཡར་ངོས་ཟླ་ལྟར་འཕེལ་བཞིན་ཡོད། ཆེས་སྤྱིར་བཏང་གི་གྲངས་ཀ་ཞིག་ནི་བོད་ལྗོངས་ཀྱི་མི་རེའི་ཆ་སྙོམས་ཀྱི་ཚེ་ཚད་ དེ་༡༩༥༡ལོར་བོད་ཞི་བས་བཅིངས་འགྲོལ་སྐབས་ཀྱི་ལོ༣༥ ། ༥ ནས་ད་ལྟའི་ལོ༦༩ལ་འཕར་བ་དང༌། སྤྱིའི་མི་གྲངས་ཁྲི༡༠༠ནས་ཁྲི༣༠༠ལ་འཕར་ཡོད། ནང་སྒོས་སུ་བསྟན་དགོས་པ་ཞིག་ནི། མི་ལ་ལས་བཤད་པ་ལྟར། མི་གྲངས་ཇེ་མང་དུ་སོང་བ་ནི་རྒྱ་མི་ནང་དུ་སླེབས་པ་མང་པས་ཡིན་ཞེས་ཤོད་པ་ལྟ་ བུ་གཏན་ནས་མིན། ང་ཚོས་མི་གྲངས་ཡོངས་བཤེར་ཐེངས་རེར་བྱས་པ་དང༌། ཉེ་ལམ་མི་གྲངས་ཡོངས་བཤེར་བྱས་པའི་ནང་དུ། བོད་མིའི་ཁ་གྲངས་སྔར་བཞིན་བོད་ལྗོངས་མི་གྲངས་ཀྱི་བརྒྱ་ཆའི་༩༢ཡན་ཟིན་ཡོད།

 

སྤྱི་ དམངས་ཀྱི་ཆོས་ལུགས་དད་མོས་རང་དབང་ལ་བརྩི་སྲུང་བྱེད་པ་ནི་ཀྲུང་གོ་སྲིད་གཞུང་ གི་རྩ་བའི་སྲིད་ཇུས་ཤིག་ཡིན། དེང་སྐབས་བོད་ལྗོངས་ལ་བོད་བརྒྱུད་ནང་བསྟན་གྱི་དགོན་སྡེ༡༧༨༠ཡོད་ཅིང༌། ཕལ་ཆེར་མི་༡༦༠༠ཙམ་ལ་དགོན་སྡེ་གཅིག་ཡོད། ད་ལྟ་གྲྭ་བཙུན་མི་གྲངས༤༦༠༠༠ཡོད་པ་དང༌། དེ་ནི་མི་གྲངས་བསྡུར་ཚད་ཀྱི་བརྒྱ་ཆའི༡ ། ༥ ཟིན། ངས་ཡོ་རོབ་ཀྱི་ཆ་སྙོམས་ཀྱི་མི་གྲངས་ག་ཚོད་ཅིག་ལ་ཆོས་ཁང་ཞིག་ཡོད་པ་དང༌། ཆོས་པ་དེ་རྣམས་ཀྱིས་མི་གྲངས་བསྡུར་ཚད་ཀྱིས་ག་ཚོད་ཟིན་ཡོད་པ་མི་ཤེས་མོད།  ངས་བཤད་པའི་གྲངས་ཀ་འདི་ཏཱ་ལའི་བླ་མས་བོད་ལྗོངས་དབང་དུ་བསྒྱུར་བའི་དུས་དང་ བསྡུར་ན་ཧ་ཅང་ཉུང་ལ། དུས་དེར་གྲྭ་བཙུན་ཁྲི༡༠ལ་ཟིན་སྐད། ཡིན་ན་ཡང་དུས་དེའི་སྤྱིའི་མི་གྲངས་ཁྲི༡༠༠ཡིན། རྣམ་པ་ཚོས་བསམ་བློ་ཐོངས་དང༌། དེ་ལྟའི་སྤྱི་ཚོགས་ལ་འཕེལ་རྒྱས་དང་ཡར་རྒྱས་ཡོད་སྲིད་དམ། མིག་ སྔའི་ཀྲུང་གོ་དང་ཡོ་རོབ་མནའ་འབྲེལ་གྱི་འབྲེལ་བ་ཧ་ཅང་ལེགས། ཕྱོགས་གཉིས་ཀྱིས་སྒོ་ཀུན་ནས་འཐབ་ཇུས་ལས་གྲོགས་ཀྱི་འབྲེལ་བ་བཙུགས་ཏེ། དཔལ་འབྱོར་དང༌། ཚན་རྩལ། རྩོལ་བྱུང་རིག་གནས་ལ་སོགས་པའི་མངའ་ཁོངས་ཐད་ནས་མཉམ་ལས་བྱེད་པའི་ལམ་ལུགས་ ཕྱོགས་ལ་རིམ་པ་ཁག་ནས་ཕན་ཚུན་བར་གླེང་མོལ་བྱས་ཡོད། ཀྲུང་གོ་དང་ཡོ་རོབ་ཀྱི་ མཉམ་ལས་ཀྱིས་ཕྱོགས་གཉིས་དང་ཐ་ན་འཛམ་གླིང་ལ་ཡང་ཕན་པ་ཆེན་པོ་བསྐྲུན་ཡོད་ཅིང༌། ནང་སྒོས་སུ་མིག་སྔའི་རྒྱལ་སྤྱིའི་དངུལ་རྩར་ཆག་འཇིགས་བྱུང་བ་དང༌། ཡོ་སྒོར་བུ་ལོན་ཉེན་ཁར་འཕྲད་པ་བཅས་ཐག་གཅོད་པའི་གནས་ཚུལ་འོག  ཀྲུང་གོ་དང་ཡོ་རོབ་བར་གྱི་འབྲེལ་བར་ཤུགས་སྣོན་དང༌། ཕན་ཚུན་བར་རོགས་སྐྱོར། མཉམ་དུ་དཀའ་ངལ་ཁྱད་གསོད་བྱས་ཏེ་ཕྱོགས་གཉིས་ལ་ཕན་པར་བརྩོན་ལེན་བྱ་རྒྱུ་ནི་ གལ་ཆེའི་གཙུགས་ཆེན་ཡིན།

 

ད་ཆ་ཀྲུང་གོ་དང་ཡོ་རོབ་བར་གྱི་མཉམ་ལས་ཧ་ཅང་གལ་ཆེན་དུ་འགྱུར་བཞིན་པའི་སྐབས་འདིར། ངས་རྟོགས་དཀའ་བ་ཞིག་ནི་ནམ་རྒྱུན་ཡོ་རོབ་མནའ་འབྲེལ་རྒྱལ་ཁབ་དག་ཏུ་ཀྲུང་གོར་ རྒྱུ་མེད་རྐྱེན་མེད་ཀྱིས་སྐྱོན་བརྗོད་བྱེད་པའི་སྐད་ཆ་འགའ་ཐོས་འོང༌། དེ་ལས་ལྡོག་ཏེ། ངས་ཀྲུང་གོ་བས་དུས་ནམ་ཞིག་ལ་ཡོ་རོབ་མནའ་འབྲེལ་རྒྱལ་ཁབ་ཀྱི་ནང་ཁུལ་གྱི་དོན་ དག་ལ་སྐྱོན་བརྗོད་བྱས་མྱོང་བ་ཡིད་ལ་དྲན་རྒྱུ་མེད། ཉེ་ལམ་གྱི་དོན་དག་ཞིག་ལ་དཔེ་བཞག་ན་ནི། ཡོ་རོབ་གྲོས་ཚོགས་ཀྱི་མི་ཉུང་ཤས་ཤིག་གིས་ཀྲུང་གོའི་ཁེ་ཕན་ལ་མི་བལྟོས་པར་ཨུ་ ཚུགས་ཀྱིས་ཏཱ་ལའི་ཚོགས་ཁག་ཏེ “ བཙན་བྱོལ་སྲིད་གཞུང་ ” གི་འགོ་ཁྲིད་གསར་བ་པུ་ལུ་སེར་འཚམས་འདྲིར་ཡོང་བར་གདན་དྲངས་བ་དང༌། མཇལ་འཕྲད་གནང་བར་འུར་ཤོབ་ཆེན་པོ་རྒྱག་བཞིན་ཡོད་པ་མ་ཟད། ད་དུང་བོད་མིའི་སྲིད་འཛིན་ཀྲུང་དབྱང་ཙུང་ལི་ཡི་མཚན་ངོས་ནས་ཡོ་རོབ་གྲོས་ ཚོགས་ཀྱི་ཕྱི་ཕྱོགས་ལས་དོན་ཨུ་ལྷན་དུ་འཆད་འཁྲིད་བྱེད་པར་གདན་དྲངས་ནས། བོད་རང་བཙན་སྐོར་གྱི་འཆལ་གཏམ་གང་སར་ཁྱབ་བསྒྲགས་བྱེད་དུ་བཅུག  ཡོ་རོབ་གྲོས་ཚོགས་ཀྱི་མི་ཉུང་ཤས་ཤིག་གི་དེ་འདྲའི་བྱེད་སྤྱོད་ལ་མཚོན་ན་གཞི་ ནས་འགན་མི་འཁུར་བར་ཀྲུང་གོར་མནའ་བོར་དང༌། རྒྱལ་སྤྱིའི་འབྲེལ་བ་སྐོར་གྱི་རྩ་བའི་ཚད་གཞི་དང་རྒྱབ་འགལ་དུ་སོང་ཡོད།        ཡོ་རོབ་མནའ་འབྲེལ་རྒྱལ་ཁབ་ཀྱིས་བོད་ལྗོངས་ནི་ཀྲུང་གོ་དང་འབྲེལ་བའི་ས་ཁུལ་ ཞིག་ཡིན་པ་ཁས་ལེན་པའི་སྐབས་སུ། ཀྲུང་གོ་ཁ་བྲལ་དུ་གཏོང་བའི་ཟིང་འཁྲུག་སློང་མཁན་གྱི་ཚོགས་ཁག་འགོ་གཙོ་དེ་ཡོ་ རོབ་གྲོས་ཚོགས་སུ་འཚམས་འདྲིར་གདན་འདྲེན་པའི་དབང་ཆ་མེད། ངའི་རེ་བ་ནི་འདིར་བཞུགས་ཀྱི་ཁྱེད་རྣམ་པས་རང་རང་གི་དགེ་མཚན་ལྷུར་བླངས་ཏེ། ཁྱེད་ཅག་གིས་ཀྲུང་གོ་ཡོ་རོབ་བར་གྱི་མཛའ་མཐུན་འབྲེལ་བར་མཐོང་ཆེན་བྱེད་པའི་ རྨང་གཞིའི་སྟེང༌། ཐ་ཤལ་གྱི་དོན་དག་འདི་ལྟ་བུ་འབྱུང་བར་བཀག་འགོག་བྱེད་རྒྱུ་དེ་ཡིན།

           ང་ནི་སྔོན་ཆད་མི་དམངས་ཉིན་རེའི་ཚགས་པར་གྱི་གསར་འགོད་པ་ཡིན། སྐབས་དེར་ངས་གཞན་ལ་དྲི་བ་ཅུང་རྣོ་པོ་འདོན་པར་དགའ་བོ་ཡོད། དེ་རིང་ངས་ཁྱེད་ཅག་གིས་ང་ལ་དྲི་བ་ཅུང་རྣོ་པོ་འདོན་པར་དགའ་བསུ་ཞུ། ངས་གོང་དུ་བཤད་པའི་བཙན་བྱོལ་སྲིད་གཞུང་གི་འགོ་ཁྲིད་གསར་བ་གླེང་བ་དེ་ཙམ་གྱིས་དེ་རིང་འདིར་བཞུགས་ཀྱི་རྣམ་པ་ཚོས་ཁ་ཟས་རོལ་བའི་སྤྲོ་སེམས་དང་མི་འགལ་བར་མཁྱེན ༽ ཞེས་བཀོད་འདུག

 

གསར་འགོད་པ། དོན་འགྲུབ་བཀྲ་ཤིས།

འབྲེལ་ཡོད་གསར་འགྱུར།

Front Slider

༸རྒྱལ་དབང་སྐུ་ཕྲེང་རྒྱུན་མཐུད་ཕེབས་ངེས་ཡིན་པའི་ཡོངས་ཁྱབ་གསལ་བསྒྲགས་མཛད།

ཆུ་ཚོད་ ༡༧ སྔོན་ལ།
Mobile App

བོད་དང་བོད་མིའི་མགྲིན་ཚབ་ཀྱི་བོད་སྒྱུར་ཕྱག་དེབ་འབྱེད་གནང་སོང་། 

ཆུ་ཚོད་ ༡༩ སྔོན་ལ།
༸རྒྱལ་དབང་སྐུ་ཕྲེང་རྒྱུན་མཐུད་ཕེབས་ངེས་ཡིན་པའི་ཡོངས་ཁྱབ་གསལ་བསྒྲགས་མཛད། དཔལ་ལྡན་དགའ་ལྡན་ཕོ་བྲང་གི་སྐུ་པར། ༢༠༢༥།༧།༢
༸གོང་ས་མཆོག གསར་འགྱུར།

༸རྒྱལ་དབང་སྐུ་ཕྲེང་རྒྱུན་མཐུད་ཕེབས་ངེས་ཡིན་པའི་ཡོངས་ཁྱབ་གསལ་བསྒྲགས་མཛད་སོང་།

ཆུ་ཚོད་ ༡༩ སྔོན་ལ།
འཕྲུལ་རིག་སྐད་བརྡའི་འཇུག་སྒོ། ཕེ་ཊོན་ (Python) ཞེས་པའི་དཔེ་དེབ། ༢༠༢༥།༦།༣༠
Mobile App

འཕྲུལ་རིག་སྐད་བརྡའི་འཇུག་སྒོ་ཞེས་པའི་དཔེ་དེབ་ཅིག་དབུ་འབྱེད་གནང་།

༢༠༢༥/༠༧/༠༡
ལོ་རྗེས་མར་སྦེལ་ཀོབ་བདེ་སྐྱིད་སླར་གསོ་གཞིས་ཆགས་སུ་ཨ་ཕའི་རྐང་སྤོལ་རྩེད་འགྲན་འཚོག་རྒྱུ་ཡིན་འདུག ༢༠༢༥།༦། ༣༠ ཨ་ཕ་རྐང་སྤོལ་ཚོགས་པའི་པར།
Mobile App

རྡོ་རྗེ་གླིང་གཡག་རུ་ཁག་ལ་འདི་ལོའི་ཨ་ཕ་གསེར་གྱི་བུམ་པའི་རྟགས་མ་ཐོབ་སོང་།

༢༠༢༥/༠༧/༠༡
༸གོང་ས་མཆོག གསར་འགྱུར།

བོད་ལྗོངས་མདོ་སྨད་ཆོལ་ཁས་༧གོང་ས་རྒྱལ་བ་རིན་པོ་ཆེ་མཆོག་ལ་བརྟན་བཞུགས་བསྟར་འབུལ་ཞུས།

༢༠༢༥/༠༦/༣༠

མཆན། 9

  1. ཀརྨ་རྡོ་རྗེ། says:
    ལོ་ 14 སྔོན།

    ་་་་། དེ་མདོར་བསྡུས་ནས་བཤད་ན་དོན་ཆེན་གསུམ་བསྒྲུབས་ཡོད་དེ། དོན་ཆེན་དང་པོ་ནི་༡༩༥༡ལོར་བོད་ཞི་བས་བཅིངས་འགྲོལ་བཏང་བ་དང༌། དུས་དེ་ནས་བཟུང་སྟོབས་ཤུགས་གང་རུང་ཞིག་གིས་བོད་ལྗོངས་དང་ཀྲུང་གོ་གཉིས་ཁ་ བྲལ་དུ་གཏོང་འདོད་པའི་བསམ་དོན་དེ་ནམ་ཡང་འགྲུབ་མི་སྲིད་པར་གྱུར། ཞི་བས་བཅིངས་འགྲོལ་བཏང་བ་ནི་བོད་མིའི་ཐོབ་ཐང་བྱ་གཞག་སྟེང་གི་ཡར་རྒྱས་ཆེན་ པོ་ཞིག་ཡིན། རྒྱུ་མཚན་ནི་མིའི་ཐོབ་ཐང་རྨང་གཞི་བྱས་པའི་ཀྲུང་གོ་རྒྱལ་ཁབ་ཀྱི་བདག་དབང་ལ་ ཁག་ཐེག་ཐོབ། ལོ་རྒྱུས་སུ་ཡང་གལ་སྲིད་བཙན་རྒྱལ་རིང་ལུགས་པ་གང་གིས་བཙན་འཛུལ་ དང༌། གཉའ་གནོན་བཏང་ཙ་ན། བོད་མིའི་ཐོབ་ཐང་གི་བྱ་གཞག་ཞེས་པ་ཡང་ཡེ་ནས་མེད་ཅེས་གསལ་བོར་འཁོད་ཡོད།
    ༡༽ ༡༩༥༡ལོར་བོད་ཞི་བས་བཅིངས་འགྲོལ་བཏང་མ་ཐུབ་པར་དྲག་པོས་དམག་གིས་བཅོན་འཛུལ་བཙན་ཤེད་མི་བསད་ཁྲག་སྦྱོར་བྱས་པ་དང་། གཡོ་དང་ཧམ་བཤད་ཀྱིས་བོད་གཞུང་དམ་ཕྲུག་རྫུན་པ་བཟོས་ནས་དམ་ཕྲུག་རྫུན་མ་དེ་ང་ཕོད་ངག་དབང་འཇིགས་མེད་ལགས་ལ་རྒྱབ་དུ་བཅུག་པའི་ལོ་རྒྱུས་དེ་ཤོད་མི་ཕོད་པ་འདི་ཅི་ཡིན་ནམ། ཀྲུའུ་ཝེ་ཆོན་ལགས།

    དོན་ཆེན་གཉིས་པ་ནི་༡༩༥༩ལོར་ཏཱ་ལའི་བླ་མ་སྐུ་ཕྲེང་བཅུ་བཞི་བ་གཙོ་བྱས་པའི་ གོང་རིམ་དབང་བསྒྱུར་ཚོགས་པ་ཉུང་ཤས་ཤིག་གིས་ངོ་ལོག་ཟིང་འཁྲུག་བསླངས་པ་ཞི་འཇགས་སུ་བཏང་རྗེས། བོད་ལྗོངས་སུ་དམངས་གཙོ་བཅོས་བསྒྱུར་མངོན་དུ་གྱུར་ནས་ལོ་བརྒྱ་ཕྲག་རིང་ལ་རྒྱུན་བསྐྱངས་པའི་ཆོས་སྲིད་ཟུང་འབྲེལ་བཀས་བཀོད་རྒྱུད་འཛིན་གྱི་ཞིང་བྲན་ལམ་ ལུགས་རྩ་གཏོར་དུ་བཏང༌། དུས་དེ་ནས་བཟུང་བོད་ལྗོངས་དེ་ཉིད་ཀྲུང་གོའི་ས་ཁུལ་གཞན་དག་དང་འདྲ་བར་སྤྱི་ ཚོགས་རིང་ལུགས་ཀྱི་སྤྱི་ཚོགས་གསར་བར་ཞུགས། དེའི་ཕྱིས་སུ་བོད་ལྗོངས་སུ་བཀས་བཀོད་རྒྱུད་འཛིན་གྱི་ཞིང་བྲན་ལམ་ལུགས་སླར་གསོ་བྱེད་འདོད་ཀྱང་ནམ་ཡང་སྲིད་པ་མིན།

    དམངས་གཙོ་བཅོས་བསྒྱུར་བརྒྱུད་དེ་ ཞིང་བྲན་ཁྲི་ཚོ་ལ་མིའི་ཐོབ་ཐང་ཐོབ། དེ་ནི་ཀྲུང་གོ་དང༌། འཛམ་གླིང་གི་འགྲོ་བ་མིའི་ཐོབ་ཐང་སྟེང་ཧ་ཅང་གལ་ཆེ་ཞིང༌། ཤུགས་རྐྱེན་ཆེན་པོ་ཐེབས་པའི་དོན་དག་གལ་ཆེན་ཞིག་ཡིན།

    ༢༽ ༡༩༥༩ལོར་༸ཏཱ་ལའི་༸བླ་མ་༸སྐུ་ཕྲེང་བཅུ་བཞི་པ་ཆན་པོ་མཆོག་གཙོ་དབུས་པའི་གོང་རིམ་འགའ་དང་བཅས་བོད་མི་སྟོང་ཕྲག་༨༠བརྒལ་བ་རང་སྲོག་འབེན་ལ་བཙུགས་ནས་རྒྱ་བལ་ཕྱོགས་སུ་བཙན་གྱིས་བྲོས་བྱོལ་མ་ཕེབས་ཀ་མེད་བཟོ་མཁན་མ་འོ་དང་ཅ་འོ་སོགས་རྒྱ་རིགས་སྤྲང་ཕྲུག་དཔོན་རིགས་མི་ངན་དེ་ཚོའི་སྐོར་ལ་ཞིབ་འཇུག་བྱེད་མཁན་འགས་བརྗོད་པ་ལྟར་ན་གུང་ཕྲན་གྱེན་ལང་མི་བསད་ཁྲག་སྦྱོར་སྐབས་མི་ས་ཡ་༤༠བཞི་བཅུ་ཤི་བསད་བྱུང་བའི་ལོ་རྒྱུས་ཁྲག་འཛར་འདི་དུས་ད་དུང་ཡང་སྦས་འདོད་ཡོད་པ་འདི་ཅི་ཡིས་ཚུལ་རེད།
    ཨུ་རུ་སུའི་སི་ཏ་ལིན་གྱི་རོ་ཕྱིར་འདོན་ཟིན་པ་ལྟར། དུས་ད་ལྟ་ཡང་མ་འོའི་རོ་ལ་ཤི་འཐམ་རོ་འཐམ་བྱས་ནས་ད་དུང་སྡོད་རྒྱུ་ཡིན་ནམ། དེས་མ་ཟད་གཡི་རག་གི་སྲིད་འཛིན་རྒྱལ་ཁམས་གཅིག་བསྡུས་པ་དཔོན་ངན་ས་དམ་ཧུ་སིན་གྱིས་རང་གི་འདྲ་དཔར་དངུལ་ལོར་ལ་སྤར་བ་ལྟར་། མ་འོ་ཤི་འདྲེའི་དཔར་དེ་མ་འོའི་རོ་དེ་རོ་སྒམ་ནང་ནས་དང་། དངུལ་ལོར་སྟེང་གི་མའོའི་འདྲ་རིས་དེ་ག་དུས་གད་སྙིགས་ནང་ལ་གཡུག་བགྱི་ཡིན་པེ། ཀྲུའུ་ཝེ་ཆོན་ལགས།

    དོན་ཆེན་གསུམ་པ་ནི། ང་ཚོས་བོད་ལྗོངས་སུ་མི་རིགས་ས་ཁུལ་རང་སྐྱོང་ལམ་ལུགས་བཙུགས་པ་དང༌། དུས་རབས་ཕྱེད་ཙམ་གྱི་རིང་ལ་བོད་ལྗོངས་ཀྱི་དཔལ་འབྱོར་དང༌། སྤྱི་ཚོགས་མགྱོགས་པོར་འཕེལ་བ་དང༌། འགྲོ་བ་མིའི་ཐོབ་ཐང་གི་བྱ་གཞག་ཁག་གི་འགན་སྲུང་དང་དེ་ཇེ་ལེགས་སུ་གཏོང་བ་ མངོན་དུ་གྱུར་ཡོད།

    ༣༽ ད་དུང་ཁྱེད་ཚོས། བོད་ལྗོངས་ཡོངས་སུ་རྒྱ་མི་རིགས་ཀྱི་མི་སེར་སྤེལ་བའི་ལམ་ལུགས་བཙུགས་པ་དང༌། དུས་རབས་ཕྱེད་ཙམ་གྱི་རིང་ལ་བོད་ལྗོངས་ཀྱི་སྔ་སྲོལ་ཞིང་འབྲོག་དཔལ་འབྱོར་ཉམས་རྒུད་དང༌། སྤྱི་ཚོགས་ནང་ཆང་རག་ ཤོ་བག རྒྱན་རྩེད་ཆང་སང་། བཤང་ཁང་གང་མང་མང་མགྱོགས་པོར་སྤེལ་བ་དང༌།
    བོད་ནང་ལ་འགྲོ་བ་མིའི་ཐོབ་ཐང་གི་བྱ་གཞག་ཁག་གི་འགན་སྲུང་མེད་པ་དང་། བོད་མི་བོད་པར། ལ་རྒྱ་ཅན་དང་ཤེས་ཡོན་ཅན་ཚོར་གདུག་རྩུབ་མངོན་ལྐོག་བརྒྱུད་གསུམ་གྱིས་ཐབས་ལམ་དེ་ཇེ་ལེགས་སུ་གཏོང་བ་ མངོན་གསལ་དོད་པོ་ཡོད་འདི་ལ། ཁྱེད་ད་ལྟའི་རྒྱ་གཞུང་ལས་བྱེད་རྣམས་ངོ་མི་ཚའམ་། ཀྲུའུ་ཝེ་ཆོན་ལགས།

    Reply
  2. དོན་འགྲུབ། says:
    ལོ་ 14 སྔོན།

    བོད་ལ་ཆབ་སྲིད་པ་དང་མཁས་དབང་ཡོད་པ་བདེན་ན་སྙིང་ནས་མི་བཟོད་པའི་འཁྱོག་བཤད་འདི་ལ་ལན་ཚ་པོ་ཞིག་རྒྱག་རོག

    Reply
  3. ཐོ་རེངས། says:
    ལོ་ 14 སྔོན།

    བོད་ལྗོངས་དྲག་པོས་གྲོལ་བཅིངས་བྱས་པ་རེད་བཅིང་གྲོལ་བྱས་པ་མ་རེད། དངོས་དོན་བོད་ལྗོངས་དཔལ་འབྱོར་གྱི་ཆ་ནས་ཡར་རྒྱས་སོང་ནའང་། དེ་རྒྱ་ནག་གི་དབང་བརྒྱུར་ལས་བྱུང་བ་མ་རེད། དུས་རབས་གསར་བའི་ཚན་རིགས་འཕེལ་རྒྱས་ལས་བྱུང་བ་རེད་ལ། གལ་སྲིད་བོད་ལྗོངས་ལ་རང་དབང་ཡོད་ན་དུས་རབས་ ༢༠ པའི་ནང་དུ་དཔལ་འབྱོར་དེ་བས་ཀྱང་ཡར་རྒྱས་ཕྱིན་ཡོད་པ་རེད།
    དེ་མིན་སྐབས་འདིར་ཁོས། མཚོ་སྔོན། སུ་ཁྲོན། ཀན་སུའུ། ཡུའི་ནན་བཅས་ཀྱི་སྐོར་རྩ་བ་ནས་མི་གླེང་བ་འདི་ནི་སྔར་ནས་ད་པར་བོད་མི་མང་ཁ་བྲལ་བྱས་པའི་ལྟ་བ་དེ་རེད། བོད་ཡིན་ན་བོད་ལྗོངས་གཅིག་པུ་ཡིན་པའི་སྐད་ཆ་དེ་རྒྱ་ནག་ནས་འཛམ་གླིང་སྤྱི་ལ་བསྒྲག་ཀྱིན་ཡོད་པ་རེད། ལྟོས་དང་དེས་དུས་ཀྱི་ས་ཁྲ་རྣམས་ཀྱི་ཐོག་ལ་བོད་ཞེས་པ་བོད་གཅིག་པུ་ཟེར་ཀྱིན་ཡོད།
    ཡོ་རོབ་ཉམས་འབྲེལ་ཚོགས་པ་ལ་སྐད་ཆ་དེ་འདྲ་བའི་བཙན་དྲག་ཅན་བཤད་པ་འདི་ནི། ཧང་སངས་བའི་ཧམ་ཆེན་པོ་དང་མ་འོངས་པ་རྒྱ་ནག་གི་ཆབ་སྲིད་ད་དུང་ཡང་སྲ་བརྟན་དུ་སོང་ན་འཛམ་གླིང་ལ་འཇིགས་སྣང་སྐྱེ་འོས་པའི་རྣེ་མོ་ཞིག་རེད།
    ངོས་གནས་འཇིགས་བསྐུལ་ཞེས་པ་དེ་སྐད་འདི་འདྲ་ཞིག་ལ་ངོས་འཛིན་དགོས་སྙམ།

    Reply
  4. གཞིས་ལུས་བོད་པ། says:
    ལོ་ 14 སྔོན།

    རྒྱ་སྐྱག་འདིའི་སྐེ་མེ་ཏོག་ལེན་ལེན་བྱེད་དགོས་ས་རེད།

    Reply
  5. ཀུན་དགའ། says:
    ལོ་ 14 སྔོན།

    ང་ཚོའི་ཆབ་སྲིད་པ་དང་མཁས་པར་རློམ་མཁན་ཚོ། རྟག་པར་ནང་ཁུལ་ཆོལ་ཁའི་བར་ལ་གཏོད་པའི་སྨྱུག་རྩེ་རྣོན་པོ་དེ་དག་ད་རེབ་གློ་དང་གླད་པ་ཡོད་ན་ནི་རྒྱ་འདྲེ་འདིའི་ཐོག་ལ་གཏད་རོགས། མེད་ན་ཕྱིན་ཆད་ནང་དཀྲུགས་མ་རྒྱག ངོ་ཝགས་ཡོད་ན་དེ་བས་ཀྱང་ཁྱི་ལབ་མ་རྒྱག
    སྤྱིར་འཇོན་ན་ད་ཐེངས་བྷེལ་རྗམ་སྐུ་ཚབ་དོན་གཅོད་ཀྱིས་རྒྱ་ཁྱི་དེར་ལན་ཚ་བོ་ཞིག་བརྒྱབ་ན་ལན་པོ་འདུག

    Reply
  6. བསྟན་འཛིན་ཆོས་རྒྱལ says:
    ལོ་ 14 སྔོན།

    ད་ཐེང་ཁོས་ད་ལྟ་བོད་ལྗོངས་སུ་བོད་མི་༣༠༠༠༠༠༠ཡོད. ད་ལྟའི་བོད་པས་བོད་ལྗོངས་མི་གྲངས་ཀྱི་༩༢ %ཡན་ཟིན་ཡོད་ཟེར.
    ཡོ་གྲོས་མི་ཉུང་ཤས་ཀྱིས་་་ཀྲུང་ཀོའི་ཁེ་ཕན་ལ་མི་ལྟ་བར་བཙན་བྱོལ་སྲིད་གཞུ་གི་མགོ་ག་ཙོར་འབྲེལ་བ་དང་འཚམས་འདྲི་སོགས་ལ་་་
    གོང་གི་བཙན་བྱོལ་སྲིད་སྐྱོང་བར་ཆེ་མཐོང་གནང་བ་མི་ལེགས་འདྲ་གསུང་བ་དེས་ཁྱེད་ཚོའི་ཟ་མ་མི་ཞིམ་པ་མི་ཡོང་བའི་རེ་བ་ཞུ་་་་་བ་སོགས. བཙན་མ་སྙོམ་མགུ་སྐད་ཆ་ཞིག་བཤད་འདུག་ཀ

    Reply
  7. མི་ཆུང་། says:
    ལོ་ 14 སྔོན།

    ད་ཐེངས་ཀྲུའུ་ཝེ་ཆོན་གྱིས་ཡོ་རོབ་ནང་ཧ་ཅང་སྤོབས་ཉམས་དོད་པོས་སྐད་ཆ་འགའ་ཤས་ཡོད། སྐད་ཆ་དེ་དག་ཀྱང་གཙོ་བོ་བོད་དམིགས་སུ་བཀར་ནས་བཤད་ཡོད་པ་དང་། ལོ་ངོ་མང་པོའི་གནས་ཚུལ་རགས་རྩིས་ནང་བཤད་པ་རེད།

    ང་ཚོས་ཚིག་ལབ་རེ་བརྒྱབ་ནས་བཞག་ན་ཕན་པ་ཅི་ཡང་མེད། ད་ཐེངས་ཀྱི་སྐད་ཆ་དང་མི་འདི་རིགས་རྒྱ་ཡན་དུ་གཏོང་མི་ཉན། ཕྱིར་སྡོད་བོད་མི་དང་ལྷག་དོན་བཙན་བྱོལ་སྒྲིག་འཛུགས་ཀྱི་ངོས་ནས། ཁོ་པའི་སྐད་ཆའི་ཚིག་འབྲུ་རེ་རེ་བྱས་ནས་འགག་རྒྱག་གིས་རྩོམ་ཡིག་སྤེལ་དགོས་ངེས་རེད།

    གང་ལགས་ཟེར་ན། ད་ཐེངས་ཁོ་པའི་སྐད་ཆ་འདིས་མི་སྣ་ཆེས་མང་པོ་ཞིག་གི་མགོ་འཁྲུལ་དུ་བཅུག་ཡོད་པས་རེད།

    Reply
  8. སོག་ཤོད་ལྷ་རྒྱལ། says:
    ལོ་ 14 སྔོན།

    ཧ་ཧ། སྐྱག་ཟན། གུང་ཁྲན་ཏང་གི་དྲི་སྒྲགས་དེ་། དམངས་ཙོ་དང་རང་དབང་ཚད་མཐོ་པོར་འཛིན་བའི་ཡོ་རོབ་མནའ་འབྲེལ་ལ་འགྲོ་མི་སྲིད།། འཛམ་གླིང་ཀུན་ལ་བོད་ཀྱི་གནད་དོན་དེ་ཉི་མ་ཤར་བ་ལ། ཀླད་རྙིང་སྡུག་ཙུབ་ཅན་གུང་ཁྲན་ཏང་གྱི་་ཁྲག་ལག་དམར་པོ་དེས་དུས་ནམ་ཡང་བཀབ་མི་ཐུབ།

    Reply
  9. བོན་རྒྱ་བསྟན་འཛིན་རབ་རྒྱས། says:
    ལོ་ 14 སྔོན།

    ཨ་ཨ་ཁྱི་རྒན་དེས་ཁྱི་ལབ་བརྒྱབ་ཡོད་ཀ ཁྱོད་མ་དགའ་ཐེལ་ནས་སོང་སྟེ། མ་མཇལ་ཕྱིར་ལ་ཡོང་ནའང་སྡུག་གྱོང་ཞེས་པ་འདི་ལས་གཞན་བཤད་རྒྱུ་མེད་པ་འདྲ།

    Reply

དཔྱད་མཆན་སྤེལ། Cancel reply

Your email address will not be published. Required fields are marked *

སྤྱི་ཚོགས་དྲ་གནས།

ཁྱབ་བསྒྲགས།

དྲ་ངོས་ཀྱི་གནས་ཚུལ་ཚང་མའི་པར་དབང་བོད་ཀྱི་དུས་བབ་ལ་ཡོད།

གློག་འཕྲིན།

editor@tibettimes.net | office@tibettimes.net

ཁ་པར།

+91-98823-47075 | +91-92189-38041 | +91-81972-44372

Welcome Back!

OR

Login to your account below

Forgotten Password?

Retrieve your password

Please enter your username or email address to reset your password.

Log In

Add New Playlist

No Result
ཆ་ཚང་གཟིགས།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
    • གླ་ཡོད་རིན་གོང་།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese