ཕྱི་ཚེས་ ༦ ཉིན་རྒྱ་གཞུང་ལ་ངོ་རྒོལ་གནང་སྟེ་རང་ལུས་མེར་བསྲེགས་གཏོང་མཁན་རྔ་པའི་བསྟན་ཉི་ཚེས་ ༦ ཉིན་དང་ཚུལ་ཁྲིམས་གཉིས་ལགས་ཚེས་ ༧ ཉིན་སྐུ་གྲོངས་འདུག
རྔ་པ་རྫོང་བར་མ་ཞང་ལྡོང་ཁུའི་ཞག་གདུགས་སྨན་པ་ཚང་གི་བུ་ཚུལ་ཁྲིམས། རང་ལོ་ ༢༠ ཡས་མས་ཤིག་ཡིན་པ་ཁོང་དང་། རྔ་པ་རྫོང་མཐའ་བ་གོང་མ་ནས་ཡིན་པའི་བསྟན་ཉི། རང་ལོ་ ༢༠ ཡས་མས་ཤིག་ཡིན་པ་ཁོང་གཉིས་ཀྱིས་ཕྱི་ལོ་ ༢༠༡༢ ཟླ་ ༡ ཚེས་ ༦ ཉིན་རྔ་པ་རྫོང་མཁར་གྱི་བཞི་མདོའི་མགྲོན་ཁང་ཞིག་གི་ར་སྐོར་ནས་རང་ལུས་མེར་བསྲེགས་བཏང་སྟེ་རྒྱལ་བ་རིན་པོ་ཆེ་བོད་ལ་ཕེབས་དགོས། རྒྱལ་བ་རིན་པོ་ཆེ་སྐུ་ཚེ་ཁྲི་ལོ་བརྟན་པར་ཤོག ཅེས་སྐད་འབོད་བྱེད་བཞིན་ར་སྐོར་གྱི་ཕྱི་ལ་ཐོན་ཡོད་པར། དེ་མ་ཐག་ཉེ་འཁོར་གྱི་ཉེན་རྟོག་པ་དང་དམག་མི་སོགས་ཀྱིས་མེ་བསད་ནས་བཙན་ཁྲིད་བྱས་ཡོད་ཀྱང་བསྟན་ཉི་ལགས་ཉི་མ་དེ་རང་ལ་གྲོངས་ཡོད་པ་དང་། ཚུལ་ཁྲིམས་ཕྱི་ཚེས་ ༧ ཉིན་གྱི་མཚན་མོ་གྲོངས་ཡོད་འདུག གོང་གསལ་ངོ་རྒོལ་གྱི་གནས་ཚུལ་དེ་བྱུང་བའི་ཕྱི་ཉིན་རྔ་པ་རྫོང་མཁར་གྱི་བོད་པའི་ཚོང་ཁང་དང་ཟ་ཁང་ཚང་མས་སྒོ་བརྒྱབ་ནས་གདུང་སེམས་མཉམ་བསྐྱེད་བྱས་ཡོད་ཀྱང་རྔ་པ་མི་མང་རྣམས་འདས་གྲོངས་སུ་གྱུར་པའི་རྒྱལ་གཅེས་དཔའ་བོ་གཉིས་ཀྱི་ནང་མིར་སེམས་གསོ་བྱེད་པར་འགྲོ་བ་སོགས་ལ་བཀག་འགོག་བྱེད་བཞིན་ཡོད་འདུག་པ་དང་། ཉིན་དེར་རྔ་པའི་རྫོང་མཁར་སོགས་ལ་དམ་དྲག་ཤུགས་ཆེ་རུ་བཏང་ཡོད་འདུག
དེ་མིན་ཕྱི་ལོ་ ༢༠༡༡ ཟླ་ ༡༠ ཚེས་ ༡༥ ཉིན་རང་ལུས་མེར་སྲེག་བཏང་ནས་སྐད་འབོད་བྱེད་མཁན་རྔ་པ་རྫོང་སོ་རུ་མའི་པདྨ་ཚང་ བུ་རྒྱལ་གཅེས་དཔའ་བོ་ནོར་བུ་དགྲ་འདུལ་ལགས་འདི་ཟླའི་ཚེས་ ༥ ཉིན་འབར་ཁམས་སྨན་ཁང་ནས་འདས་གྲོངས་སུ་གྱུར་ཡོད་ཀྱང་ཁོང་གི་སྐུ་ཕུང་ནང་མིར་ཕྱིར་སྤྲོད་མ་བྱས་པར་རྒྱ་གཞུང་གིས་མེར་བསྲེགས་བཏང་ནས་རུས་ཐལ་ཞིག་ནང་མིར་སྤྲད་ཡོད་ཀྱང་དེ་ཡང་རྔ་པའི་དུར་སར་འཕེན་མི་ཆོག་པའི་བཙན་བཀའ་བཏང་ཡོད་འདུག དེ་ཡང་ཁོང་གིས་གོང་ཚེས་ཉིན་རང་ལུས་མེར་བསྲེགས་བཏང་ནས་རྔ་པའི་ཁྲོམ་གཞུང་ དུ་(བོད་ཁ་བ་ཅན་ལ་རང་དབང་རང་བཙན་དགོས། གོང་ས་མཆོག་བོད་ལ་གདན་འདྲེན་ཞུ་དགོས་)ཞེས་སྐད་འབོད་བྱས་ཡོད་ལ། སྐབས་དེར་ཉེན་རྟོག་པ་རྣམས་ཀྱིས་ཁོང་བཙན་ཁྲིད་བྱས་ནས་ད་བར་གནས་སྟངས་གསལ་པོ་ ཤེས་རྟོགས་བྱུང་མེད་ཀྱང་འདི་ཟླའི་ཚེས་ ༥ ཉིན་རྔ་པ་ཁུལ་གྱི་ལྟེ་གནས་འབར་ཁམས་ཀྱི་སྨན་ཁང་ནས་འདས་གྲོངས་སུ་གྱུར་འདུག ཁོང་ཆུང་ཆུང་སྐབས་རྔ་པ་ཀིརྟི་དགོན་པར་གྲྭ་བྱས་ཤིང་ཕྱི་ལོ་ ༢༠༡༠ ཟླ་ ༦ ཡས་མས་ཤིག་ལ་གྲྭ་པ་ལོགས་ནས་ཕ་མའི་རྩར་བསྡད་ཡོད་འདུག
བཞུགས་སྒར་ཀིརྟིའི་བྱེས་པ་གྲྭ་ཚང་གི་བོད་གནས་འབྲེལ་མཐུད་པ་བློ་བཟང་ཡེ་ཤེས་དང་ཀ་ཉག་ཚེ་རིང་གཉིས་ཀྱིས་ཁོ་སྤྲོད་བྱས།
ལུགས་གཉིས་བདེན་པའི་འཐབ་རྩོད་ཀྱི་འཚེ་མེད་ཞི་རྒོལ་བའི་རྒྱལ་སྲས་དམ་པ་དུ་མར་མགོ་བཏུད་ཀྱང་སྙིང་འདར་བཞིན་ཕྱག་འཚལ་ལོ། དགེ་བ་འདི་ཁོ་ནས་ཀྱང་བདེ་ཆེན་ཞིང་དུ་སྐྱེ་བར་སྨོན་སྨོན་སྨོན།
༸གོང་ས་མཆོག་གི་བཀའ་རྩོམ་བྱིན་རླབས་ཅན།
བསྟན་དང་དེ་འཛིན་ཆབ་སྲིད་རང་རིགས་སླད། །
གཅེས་པའི་ལུས་སྲོག་ལོངས་སྤྱོད་ཡོངས་བཏང་སྟེ། །
དཀའ་བ་བརྒྱ་ཕྲག་སྒྲུབ་པའི་སྐྱེ་བུ་རྣམས། །
གྲུ་འཛིན་མགོན་དེས་ཐུགས་རྗེས་སྐྱོང་བར་མཛོད། །
མྱ་ངན་སེམས་ལ་ཉར་ནས་རང་མི་རིགས་ལ་གཅེས་པའི་སྙིང་སྟོབས་ཤིག་བསྐྲུན་ཞིང་ཡོད།
དུས་འཁོར་དབང་གི་བྱིན་རླབས་ལ་བརྟེན་ཏེ་བྱང་ཕྱོགས་ཤམ་བྷ་ལར་སྐྱེ་བའི་སྨོན་ལམ་འདེབས།
ཡང་གཞུང་དང་ཡུལ་བྱོལ་པ་ཚོས་དམ་པ་ཁོང་གི་མེ་དཔུང་འབར་བའི་ཀློང་དཀྱིལ་གྱི་བདེན་པའི་འབོད་ཚིག་དག་ལ་བཅོས་ལྷད་མི་གཏོང་བའི་རེ་སྐུལ་ཡང་ནན་གྱིས་ཐལ་ལོ།།
འབྲོང་བུ་སོག་ཚ། རྒྱལ་གཅེས་དཔའ་བོ་རྣམས་ཀྱིས་སྤྱིར་འགྲོ་བ་མིའི་ཐོབ་ཐང་དང་། ཡང་དགོས་བོད་ཁ་བ་ཅན་གྱི་བསྟན་སྲིད་ཀྱིས་དོན་དུ་སྐུ་སྲོག་ཆེད་དུ་བཏངས་བ་རེད་མ་གཏོགས་རང་མགོ་མ་ཐོན་ནས་ཤོར་བ་མ་རེད་ཨེ་གོ
སྐུ་སྲོག་ཤོར་བ་དང་བཏང་བ་སོ་སོ་རེད། ཞབས་འདྲེན་མཁན་ཁྱེད་ཀྱིས་བྱ་བྱེད་ལས་གསུམ་གྱི་ཁྱད་ཙམ་ཡང་མི་ཤེས་བཞིན་དུ་ད་དུང་སྐད་བཤད་སྣང་ཤར། གངས་ཅན་བརྡ་སྤྲོད་པ་རྣམས་ཀྱིས་གཟིགས་འཚལ།
གོས་མེད་ཤོམ་ལ་དགའ།
བླུན་པོ་བཤད་ལ་དགའ།
ཟེར་བ་དེ་གོ་ཨེ་མྱོང་།
འབྲོང་བུ་སོག་ཚ། ནོར་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་བཅོས།
རྒྱལ་གཅེར་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་རྒྱལ་གཅེས།
ཐུགས་གསོས་་་་་་་་་་་་་་་་་་་་་་་་་་་་་་་་་་་་་་་་་་་་་་་་་ཐུགས་གསོ།
ཀྱི་དོན་དུ་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་ཀྱིས་དོན་དུ།
ཡང་དུ་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་ཡང་བསྐྱར་དུ་
ཤུག་དྲག་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་ཤུགས་དྲག
སྟབས་བསྟུན་འདས་་་་་་་་་་་་་་་་་་་་་་་་་་་་་་སྟབས་བསྟུན་ནས་འདས།
འདས་པོ་དང་། ་་་་་་་་་་་་་་་་་་་་་་་་་་་་་་་་་འདས་པོ་རྣམས་དང་།
གོང་གསལ་རྒྱལ་གཅེར་དཔའ་བོ་གསུམ་པོ་བོད་བསྟན་སྲིད་ཀྱི་དོན་དུ་སྐུ་སྲོག་ཤོར་བ་ལ་ཤུལ་བཞུགས་མང་མི་རྣམས་ལ་ཐུགས་གསོས་དང་། འདས་པོ་ཁོང་རྣམས་ཞི་བའི་དབྱིངས་སུ་མངོན་པར་རྫོགས་པར་སངས་རྒྱས་ནས་སླར་ཡང་བོད་བསྟན་སྲིད་ཀྱི་དོན་དུ་གངས་ཅན་ལྗོངས་སུ་སྐྱེ་བ་ཡང་དུ་བཞེས་པའི་སྨོན་ལམ་ཤུག་དྲག་བཅས། བོད་རྒྱལ་ལོ། ད་ལྟ་རྡོར་གདན་དུ་གསུང་ཆོས་དང་སྟབས་བསྟུན་འདས་པོ་དང་། དེ་དག་གི་ནང་མི་རྣམས་ལ་སྨོན་ལམ་གཞི་རྒྱ་ཆེ་བ་ཞིག་གསུང་ཐུབ་ཅི་མ་རུང་།