དུས་བབ་ཀྱི་གསལ་བསྒྲཊ།༼གསུམ་པ།༽

རྒྱ་ཆེའི་བོད་ཀྱི་དུས་བབ་ཀློག་པ་པོ་རྣམ་པར་གསལ་བསྒྲགས་གསུམ་པ་ཞུ་རྒྱུར། དེ་རིང་ཕྱི་དྲོའི་ཆུ་ཚོད་ ༥ ནས་བཟུང་གནས་མཆོག་རྡོ་རྗེ་གདན་མཆོད་རྟེན་ཆེན་མོའི་ཉེ་འགྲམ་གྱི་འདི་ག་དུས་བབ་འཕྲལ་སེལ་ལས་ཁུངས་ཕྱིར་བསྡུ་བྱ་རྒྱུ་ཡིན་པས། འདི་གར་འབྲེལ་བ་གནང་དགོས་ཡོད་རིགས་ཚོས་སྔར་རྒྱུན་བཞིན་ངྷ་རམ་ས་ལའི་དབུས་ལས་ཁུངས་ལ་འབྲེལ་བ་གནང་རྒྱུ་དགོངས་འཇགས་འཚལ། །  

འདས་པའི་ཉིན་གྲངས་ ༢༣ རིང་བོད་ཕྱི་ནང་གཉིས་ནས་གལ་གནད་ཆེ་བའི་པར་དང་གནས་ཚུལ་མང་པོ་ཞིག་འདི་ག་འཕྲལ་སེལ་ལས་ཁུངས་ལ་མཁོ་སྤྲོད་གནང་བ་དང་། ཚགས་པར་མངགས་ཉོ་སོགས་ང་ཚོའི་ལས་དོན་ལ་རྒྱབ་སྐྱོར་གང་ལེགས་གནང་བར་ཐུགས་རྗེ་ཆེ་ཞུ་རྒྱུ་ཡིན་ལ། འདིར་འབྱོར་བའི་པར་དང་གནས་ཚུལ་དག་ལ་ཞིབ་འཇུག་ཞུ་དག་བསྐྱར་ནན་གྱིས་མི་འགྱང་བར་དུས་བབ་དྲ་ཤོག་གཉིས་སུ་འདོན་སྤེལ་ཞུ་ངེས་ཡིན།

ལྷན་རྒྱས་ལ་བསྐྱར་ནན་གསལ་བསྒྲགས་ཞུ་རྒྱུར། འདི་ག་བོད་ཀྱི་དུས་བབ་གསར་ཁང་དབུ་བརྙེས་ཏེ་ད་ལྟའི་བར་ལོ་འཁོར་ ༡༥ ཕྱིན་པ་དང་བསྟུན་ཏེ། ལོ་རེའི་ཚགས་པར་ཕྱོགས་བསྒྲིགས་འགྲེམས་ཚོང་བྱེད་བཞིན་ཡོད་པས་ན། ལྷན་རྒྱས་ཀྱིས་ལོ་གཅིག་རེ་དང་། ཡང་ན་ལོ་བཅོ་ལྔ་ཧྲིལ་བོའི་ཚགས་པར་ཕྱོགས་བསྒྲིགས་ཉོ་འདོད་ཡོད་ཚེ་འདི་ག་ལས་ཁུངས་ལ་འབྲེལ་བ་གནང་རོགས།

བོད་ཀྱི་དུས་བབ་ལས་ཁུངས་ནས་ ༢༠༡༢ ཟླ་ ༡ ཚེས་ ༡༢ ཉིན།

དུས་བབ་ཀྱི་གསལ་བསྒྲཊ། ༼ གཉིས་པ། ༽

རྒྱ་ཆེའི་ཀློག་པ་པོ་ཡོངས་ལ་གསལ་བསྒྲགས་༼གཉིས་པ ༽ ཞུ་རྒྱུར། མི་འགྱང་པར་གནས་མཆོག་རྡོ་རྗེ་གདན་དུ་༧གོང་ས་མཆོག་གིས་དུས་འཁོར་དབང་ཆེན་གསུང་གི་ཡོད་པ་ལྟར། སང་ཉིན་ཕྱི་ཚེས་ ༢༩ ཉིན་ནས་བཟུང་འདི་ག་བོད་ཀྱི་དུས་བབ་གསར་ཁང་གིས་ཡུལ་དངོས་ཀྱི་གནས་ཚུལ་དང་། ༧གོང་ས་མཆོག་གི་བཀའ་སློབ་གཙོར་བཟུང་ཐོག གནས་མཆོག་རྡོ་རྗེ་གདན་དུ་ཉིན་རེ་བར་བཞག་གི་བོད་ཀྱི་དུས་བབ་ཚགས་པར་༼ དམིགས་བསལ་འདོན་ཐེངས ༽དཔར་འགྲེམས་བྱ་རྒྱུ་ཡིན་སྟབས། སྐབས་བབ་ཀྱི་གནས་ཚུལ་དང་རྩོམ་ཡིག་རིགས་ཀྱང་ཐད་ཀར་འདི་ལ་བསྐུར་གནང་ཡོང་བ་ཞུ།།

གཞན། ཉེ་ཆར་གསལ་བསྒྲགས་སྔོན་སོང་ལྟར། རྡོར་གདན་མཆོད་རྟེན་ཆེན་མོའི་ཉེ་འགྲམ་དུ་འདི་ག་དུས་བབ་གསར་ཁང་གི་འཕྲལ་སེལ་ལས་ཁུངས་བཙུགས་ཡོད་པས། དུས་བབ་ཚགས་པར་མངགས་ཉོ་གནང་བ་དང་། འདས་པའི་ལོ་ངོ་བཅོ་ལྔའི་དུས་བབ་ཕྱོགས་བསྒྲིགས་ཉོ་བ། གླ་ཡོད་གསལ་བསྒྲགས། དུས་བབ་ཀྱིས་འདོན་སྤེལ་བྱས་པའི་དཔེ་དེབ་བཅས་ཀྱང་ཐད་ཀར་འདི་ལ་འབྲེལ་བ་གནང་ཆོག  

བོད་ཀྱི་དུས་བབ་ནས་འདོན་སྤེལ་བྱས་པའི་དཔེ་དེབ་ཁག

Ø བོད་མི་གསར་བརྗེ་བ་ཞིག

Ø སངས་རྒྱས་ཀྱི་དཔའ་རྟུལ་ཚོ།

Ø མི་ཚེའི་དྲོ་བ་མངར་སྐྱུར།

Ø དྲན་ཐོ་རྡོ་རིང་མ།

Ø དྲན་ཐོ་སྨིན་དྲུག་སྐེ་འཁྱོག

Ø ང་ལ་རྨི་ལམ་ཞིག་ཡོད།

Ø འགྲོ སྐྱབས་བཅོལ་ལ་འགྲོ

Ø སྐབས་ཐོག་གི་བསམ་གཞིགས་ཐོར་བུ།

Ø རྣམ་ཐར་དད་པའི་མཛེས་རྒྱན།

Ø རྩོམ་སྒྲིག་པའི་གཏམ།

Ø བོད་ཀྱི་ཛ་དྲག་གནས་བབ་དང་ང་ཚོའི་ལས་འགན།

Ø ཁྱོད་གསར་འགོད་པ་བྱེད་འདོད་དམ།

Ø མཆོད་མེ།

བོད་ཀྱི་དུས་བབ་ལས་ཁུངས་ནས་ ༢༠༡༡ ཟླ་ ༡༢ ཚེས་ ༢༨ ཉིན་ལ།

དུས་བབ་ཀྱི་གསལ་བསྒྲཊ། ༼ དང་པོ། ༽

རྒྱ་ཆེའི་ཀློག་པ་པོ་རྣམས་ལ་གསལ་བསྒྲགས་དང་པོ་ཞུ་རྒྱུར། སྤྱི་ནོར་༧གོང་ས་མཆོག་གིས་ཕྱི་ལོ་ ༢༠༡༡ ཟླ་ ༡༢ ཚེས་ ༣༡ ཉིན་ནས་དབུ་འཛུགས་ཀྱིས་གནས་མཆོག་རྡོ་རྗེ་གདན་དུ་དཔལ་དུས་ཀྱི་འཁོར་ལོའི་དབང་ཆེན་ཐེངས་ ༣༢ པ་གནང་འཆར་ཡོད་པ་ལྟར། འདི་ག་བོད་ཀྱི་དུས་བབ་གསར་ཁང་གིས་ཟླ་འདིའི་ཕྱི་ཚེས་ ༢༡ ཉིན་ནས་བཟུང་རྡོར་གདན་མཆོད་རྟེན་ཆེན་མོའི་ཉེ་འགྲམ་དུ་འཕྲལ་སེལ་ལས་ཁུངས་བཙུགས་ཏེ། ཉིན་རེའི་གནས་ཚུལ་མཁོ་སྒྲུབ་དང་བོད་ཀྱི་དུས་བབ་ཚགས་པར་མངགས་ཉོ་ཐོ་འགོད་བྱ་རྒྱུ་ཡིན་ལ། དེ་དང་མཉམ་དུ། བོད་ཀྱི་དུས་བབ་ལས་ཁུངས་ནས་དཔར་སྐྲུན་བྱས་པའི་དཔེ་དེབ་ཁག་དང་། བོད་ཀྱི་དུས་བབ་ཚགས་པར་འདོན་སྤེལ་བྱས་ཏེ་ལོ་ངོ་བཅོ་ལྔ་འཁོར་བའི་( ༡༩༩༦ — ༢༠༡༡ )ལོ་རེའི་ཚགས་པར་ཕྱོགས་བསྒྲིགས་འགྲེམས་ཚོང་བཅས་བྱ་རྒྱུ་ཡིན།

རྒྱལ་བལ་འབྲུག་གསུམ་གཙོས་པའི་ཕྱི་རྒྱལ་ཡུལ་གྲུ་ཁག་ནས་ཕེབས་པའི་དད་ལྡན་ཆོས་ཞུ་བ་རྣམས་ཀྱིས་བོད་ཀྱི་དུས་བབ་ཚགས་པར་མངགས་ཉོ་གནང་བ་དང་། དུས་བབ་ཚགས་པར་དང་དྲ་རྒྱ་གཉིས་སུ་གླ་ཡོད་གསལ་བསྒྲགས་གཏོང་བ། དེ་བཞིན། བོད་ཕྱི་ནང་གི་གནས་ཚུལ་དང་རྩོམ་ཡིག་རིགས་ཀྱང་ཐད་ཀར་འདི་ལ་མཁོ་སྤྲོད་བྱེད་ཆོག་པས་དེ་དོན་དགོངས་འཇགས་ཡོང་བ་ཞུ།།

༼  འབྲེལ་བ་གནང་ཡུལ། ༽ 

གསར་འགོད་པ།             ཁ་པར། ༩༤༡༨༠༢༤༡༠༧                གློག་འཕྲིན། – dunduptashi@yahoo.co.in

འགྲེམས་སྤེལ་བ།              ཁ་པར། ༩༨༨༢༥༩༦༡༨༣                གློག་འཕྲིན། – circulation@tibettimes.net

བོད་ཀྱི་དུས་བབ་ལས་ཁུངས་ནས་ ༢༠༡༡ ཟླ་ ༡༢ ཚེས་ ༢༠ ཉིན་ལ།