རྒྱ་དཀར་ནག་གི་ས་མཚམས་གྲོས་མོལ།

ཇི་སྐད་དུ། བོད་རྒྱའི་དམ་ཚིག་ལས།

༸སྐྱབས་རྒྱ་གར་བླ་མ་ཤྰཀ་ཐུབ་མཆོད། །
མགོན་སྤྱན་རས་གཟིགས་ཀྱིས་བོད་རིགས་སྐྱོངས་། །
རྗེ་འཇམ་དབྱངས་རྒྱ་རིགས་ཐུགས་རྗེས་གཟིགས། །
དཔལ་གསང་བདག་འཛམ་གླིང་མཐུ་ནུས་སྐྱོབས། །

རྒྱ་དཀར་ནག་བོད་ཀྱི་ཁྱིམ་མཚེས་གཉིས། །
དེ་ཡུལ་རྒྱ་ཆེ་ཡང་མི་འབོར་མང་། །
དུས་སྐབས་རེ་ཕན་ལ་སྐབས་རེ་གནོད། །
དེ་འཛམ་གླིང་ཁྱིམ་མཚེས་འགྲོ་ལུགས་རེད། །

་་་་་་་་་་འདི་རིང་དེ་ཙམ་མོ། །

ཅི་ནི་ ཧིན་དི་ བྷ་ཡི་ བྷ་ཡི། །
ས་འཚམས་ བགྲོ་གླེང་ ཅི་ལ་ དགོས། །

སྔོན་ཆེད་གློག་རྙེན་ཞིག་གི་ནང་དུ་བོད་སྐོར་ཏོག་ཙམ་བཀོད་པ་ནས། ཟུར་ཙམ་བླངས་སོང་བ་མི་འགྲིག་ཚུལ་ལ་གང་མིན་ཙམ་ངར་སོང་མོད།་དེ་ལས་ད་རེར་ངར་དགོས་ངེས་ཤིག་རེད་དོ།།
གཞོན་ནུ་གཞོན་ནུ་ཞེས་ལབ་དགོས་ཡོད་པ་མ་རེད། བོད་མི་རེ་ངོ་རེའི་འགན་རེད་དོ། ལྷག་པར་དུ་དབུས་བོད་སྨྲོས་ཅི། ཚོགས་པ་གང་གིས་བྱེད་བསམ་ཀྱང་རྒྱ་གར་གཞུང་ནས་ཆོག་མཆན་རེག
ཡ་མེད་པ་ཀུན་ཤེས་རེད། དེ་ལས་གཞུང་དང་ཚོགས་པ། ལས་སྣེ་དག་ལ་ཅིག་བཤད་བཤད་ལ་འདུག་པའི་དྲ་བ་ཚོ་སོ་སོ་རང་ཐད་ནས་ངོ་རྒོལ་ལ་ཕྱིན་ན་བཟང་བ་ཙམ་དུ་མ་ཟད། ངོ་རྒོལ་བྱེད་པར་འགྲོ་དགོས་ངེས་ཤིག་ཀྱང་རེད་དོ།།
མི་སྒེར་སོ་སོའི་ངོས་ནས་རྒྱ་གར་གཞུང་ལ་ཆོག་མཆན་ངེས་པར་ཏུ་ཞུ་དགོས་ཀྱང། ཆོག་མཆན་མ་རེག་ན་འང་ཕྱིན་ན་ཆོག་སྙམ། མ་ཟད་བོད་སྤྱི་ལ་ཕན་ལས་གནོད་མེད་པ་ངས་ཤེས་སོ།

རྒྱ་དཀར་ནག་གི་ས་མཚམས་མེ་དཔར་གྲོལ་མོལ་བོད་མིའི་སྐྱིད་སྡུག་ལ་མ་བསམ་པའི་རི་བོང་གི་ར་རིང་པོ་དེ་ལ་ཐག་གཅོད་དུས་ནམ་ཡང་ཡོང་མི་སྲིད་དོ། །