གཟའ་ཟླ་བའི་ཉིན་ཁམས་བྲག་མགོ་རྫོང་དུ་བྱུང་བའི་དོན་རྐྱེན་སྐོར་ཁ་སང་རྒྱ་ནག་གཞུང་འབྲེལ་ཞིན་ཧྭ་དྲ་བར་སྤེལ་བའི་ནང་། ཉེན་དེའི་དོན་རྐྱེན་ཁྲོད་གྲྭ་བ་ ༣ གྱིས་རང་ལུས་མེར་བསྲེགས་བཏང་ཡོད་སྐོར་བཀོད་འདུག
མདང་ནུབ་ཆུ་ཚོད་ ༢ པའི་ཐོག་ཧཱི་ཞོན་རྒྱ་ཡིག་དྲ་བས་རྒྱ་ནག་གཞུང་འབྲེལ་ཞིན་ཧྭ་གསར་ཁང་གི་གནས་ཚུལ་ལུང་འདྲེན་བྱས་པའི་ནང་། “ ཕྱི་ཟླ་ ༡ ཚེས་ ༢༣ ཉིན་གྱི་ཉིན་རྒྱབ་ཆུ་ཚོད་ ༢ པ་ཙམ་ལ་དཀར་མཛེས་བྲག་མགོ་རྫོང་ཐོག་ཏུ་བོད་རིགས་སྐྱ་སེར་བརྒྱ་སྐོར་ཞིག་གིས་ཁྲིམས་འགལ་རྡུང་གཅོག་གི་བྱ་སྤྱོད་སྤེལ་ཡོད་པ་དང་། གྲྭ་བ་གསུམ་གྱིས་རང་ལུས་མེར་བསྲེགས་བཏང་ཡོད་ཀྱང་ཁོང་ཅག་གི་ཕུང་པོ་སྲིད་གཞུང་ལ་བདག་པོ་བྱེད་མ་བཅུག་པར་མི་མང་གིས་བཙན་འཁྱེར་བྱས་འདུག ” ཅེས་དང་། “ དོན་རྐྱེན་དེའི་ཁྲོད་ཉེས་ཅན་གཅིག་ཤི་བ་དང་ ༤ ལ་རྨས་སྐྱོན་ཕོག་སྟེ་སྨན་ཁང་དུ་མྱུར་སྐྱོབ་བྱེད་བཞིན་ཡོད་ལ། ཉེན་རྟོག་པ་ ༥ ལའང་རྨས་སྐྱོན་ཕོག་ཡོད” ཞེས་བཀོད་འདུག
གསར་འགོད་པས་ཁ་པར་བརྒྱུད་ཕ་ཡུལ་བྲག་མགོ་ནས་ཡིན་པའི་རྒྱ་གར་ལྷོ་ཕྱོགས་འབྲས་སྤུངས་དགོན་པའི་གྲྭ་ཕུན་ཚོགས་ལགས་སུ་བཅར་འདྲི་ཞུས་སྐབས་ཁོང་གིས་ “ ང་ཚོས་ཉིན་དེར་རང་ལུས་མེར་བསྲེགས་ཀྱི་གནས་ཚུལ་དེ་འདྲ་གོ་མ་སོང་། ཁ་སང་ཉིན་རྒྱབ་ཆུ་ཚོད་ ༢ དང་ཕྱེད་ཀ་ཙམ་ནས་ཕ་ཡུལ་ལ་འབྲེལ་བ་ཡང་བྱེད་ཐུབ་མ་སོང་། དེའི་སྔོན་ལ་དུས་ཚོད་ཐུང་ངུ་རེར་ཁ་པར་མཐུད་དེ་གནས་ཚུལ་གོ་བར། ཚེས་ ༢༣ ཉིན་བྲག་མགོ་རྫོང་དུ་བོད་རིགས་ཞི་རྒོལ་བ་ཚོར་རྒྱ་དམག་གིས་དྲག་གནོན་བྱས་ཏེ། བོད་མི་ ༣༢ ཙམ་ལ་རྨས་སྐྱོན་ཕོག་སྟེ་བྲག་མགོ་རྫོང་སྨན་ཁང་དུ་འཁྲིད་ཡོད་ཀྱང་། ཉིན་དེའི་ཕྱི་དྲོ་ནས་ཁ་ངོ་ཡོངས་རས་ནག་པོས་བཏུམ་ཡོད་པའི་རྒྱ་དམག་ཧ་ཅང་ཕོན་ཆེན་པོ་འབྱོར་ཡོད་སྟབས། བོད་མི་ཚོས་རྨས་མ་རྣམས་རྫོང་སྨན་ཁང་དུ་བཞག་ཚེ་རྒྱ་ལག་ཏུ་ཤོར་ཏེ་སྡུག་པོ་མྱོང་སྲིད་གི་རེད་དྲན་ཏེ། རྨས་མ་རྣམས་རྫོང་སྨན་ཁང་ནས་ཚུར་བླངས་ཏེ་དགོན་པའི་སྨན་ཁང་དུ་བསྡད་ཡོད་པ་དང་། རྨས་མ་ ༡༢ ཙམ་ཅུང་ཛ་དྲག་ཡིན་སྟབས་དགོན་པའི་སྨན་ཁང་དུ་བོད་སྨན་ལས་མེད་པས་དཀའ་ངལ་འཕྲད་བཞིན་ཡོད་ས་རེད། ཁ་སང་ཉིན་གུང་ཆུ་ཚོད་ ༢ པའི་སྔོན་ལ་མི་གཅིག་ཀྱང་རྒྱ་ལག་ཏུ་ཤོར་མི་འདུག དེའི་རྗེས་ཀྱི་གནས་ཚུལ་ཤེས་ཐུབ་མ་སོང་། ” ཞེས་བརྗོད་བྱུང་།
འཛམ་གླིང་ཧྲིལ་པོ་འདིའི་ཐོག་གནས་ཚུལ་རྫུན་བཟོ་དང་གཡོ་སྒྱུ་འཁྲབ་དགོས་ན་རྒྱ་སྤྲང་ཚང་ལས་མཁས་པ་ཞིག་མེད་ཐག་ཆོད་ཡིན་པ་འཛམ་གླིང་མི་མང་ཀུན་གྱིས་མཁྱེན་གསལ་རེད། དེ་འདྲ་ཡིན་དུས་ཡིད་ཆེས་བྱེད་མཁན་རག་གི་མ་རེད། འོན་ཀྱང་འདྲེ་རྒན་མོའུ་ཡིས་ཁོ་ཚོར་གཡོ་སྒྱུ་དང་རྫུན་མ་ཤོད་སྟངས་ཤིག་བསླབས་ཡོད། ཁོས(སྐད་ཆ་རྫུན་མ་ཞིག་ཐེངས་བརྒྱ་བཤད་ན་དངོས་གནས་ཆགས་འགྲོ་གི་རེད།)ཅེས་ལབ་ཡོད། འོན་ཀྱང་ད་ལྟའི་ཆར་འཛམ་གླིང་མི་མང་གིས་རྒྱ་སྤྲང་ཚང་གི་ཕྱི་ནང་གསང་གསུམ་ཆ་ཚང་མ་ལུས་མ་ཚང་མེད་པར་མཁྱེན་གྱི་ཡོད་པས་སུས་ཀྱང་ཡིད་ཆེས་བྱེད་མི་སྲིད། ད་ལྟའི་བྲག་འགོ་གི་གནས་ཚུལ་དེ་ཡང་རྫུན་མ་རེད། གྲྭ་པ་སུ་གཅིག་གིས་རང་སྲོག་གཅད་མི་འདུག གོང་དུ་ཕུན་ཚོགས་ལགས་ཀྱིས་གསུངས་པ་དེ་བདེན་པ་བདེན་རྐྱང་རེད།
བོད་རང་བཙན་གཙང་མ་ཡིན། རྒྱ་རྒན་རྣམས་བོད་ནས་ཕར་ལ་སོང་། བོད་རྒྱལ་ལོ།།
རྒྱ་གཞུང་གིས་གཙོ་བོ་ཞི་རྒོལ་བའི་ཁྲོད་གང་བྱུང་མེ་མདའ་བརྒྱབ་པ་ལས་གཡོལ་ཆེད་གནས་ཚུལ་འཁྱོག་བརྗོད་ལྷུར་ལེན་པ་རེད།
ད་དུང་ཚུར་ནག་པོ་བཟོས་ནས། ལྟས་ངན་ཚང་། ཡ་ཚང་ཚང་། ལང་སྐྱག་ཚང་། བདུད་ཚང་ཚང་།
རྒྱ་ནག་གཞུང་གིས་སྐྱག་རྫུན་བཤད་ནས་མི་མང་སྟེང་ལ་མེ་མདའ་བརྒྱབ་ནས་མི་བསད་པ་ལས་གཡོལ་ཐབས་བྱེད་ཀྱི་ཡོད་པ་འདྲ། མེ་མདའ་བརྒྱབ་ནས་བསད་པ་ཡིན་རྒྱུ་རེད། འོན་ཀྱང་ང་ཚོས་ཞིབ་འཇུག་ཡག་པོ་ཞིག་བྱེད་དགོས་ཀྱི་འདུག