གནས་ཚུལ་བཏང་འབྱོར་ལ། ཟླ་འདིའི་ཕྱི་ཚེས་ ༢༨ ཉིན་བྷེལ་ཇམ་བོད་ཀྱི་ཆོས་རིག་འཛིན་སྐྱོང་ཁང་གི་གོ་སྒྲིག་འོག་འདི་གར་འཚར་ལོངས་འབྱུང་བཞིན་པའི་བོད་ཕྲུག་ཚོར། ཐེངས་ལྔ་པའི་རིག་གཞུང་བགྲོ་གླེང་ཐོག་བཞུགས་སྒར་དྷ་སར་རྟེན་གཞི་བྱས་པའི་ཨེསུཁཡ་ནང་བསྟན་སྲི་ཞུ་ཁང་གིས་མཐུན་འགྱུར་རོགས་རམ་འོག་དྲྭ་ལམ་ skype བརྒྱུད་དཔལ་སྤུངས་ཤེབ་རབ་གླིང་གི་མཁན་པོ་ཀརྨ་གཡུ་རྒྱལ་ལགས་ཆེད་དུ་གདན་ཞུས་ཀྱིས་བོད་ཕྲུག་གཞོན་སྐྱེས་གཙོ་བྱས་པའི་མི་མང་ཁག་ཅིག་ལ་ནང་ཆོས་བགྲོ་གླེང་ཚོགས་ཡོད།
བགྲོ་གླེང་ནང་ཐོག་མར་མཁན་པོ་མཆོག་གིས་སངས་རྒྱས་ཆོས་ཚོགས་མའི་འགྲེལ་པ་གོ་བདེ་ཞིག་གསུངས་བ་དང་། དེ་ནས་དྲི་བ་དྲིས་ལན་གཙོར་བཟུང་གིས་ནམ་རྒྱུན་སྤྱི་ཚོགས་འཚོ་བའི་ནང་གི་དཀའ་ངལ་ལ་གདོང་ལེན་བྱེད་སྟངས་དང་། ལྷག་པར་ཆོས་བྱས་ཟེར་བ་དེ་དད་པ་ཙམ་མ་ཡིན་པར་གཙོ་བོ་སེམས་ལ་འགྱུར་བཅོས་གཏོང་རྒྱུ་གལ་ཆེན་པོ་ཡིན་པ། དེ་ཡང་ཁ་ནས་ཞལ་འདོན་སྐྱོར་བ་ཙམ་མ་ཡིན་པར་ཕྱི་ནང་གི་ཁྱད་པར་དང་ལྟ་གྲུབ་ལ་སོགས་པར་རིགས་པའི་ལམ་ནས་སློབ་གཉེར་བྱ་རྒྱུ་དེ་ཤིན་ཏུ་གལ་ཆེན་པོ་ཡིན་པའི་བཀའ་སློབ་ལམ་སྟོན་གནང་སོང་།
བགྲོ་གླེང་དེར་ཕྲུ་གུའི་ཕ་མ་ཚོས་རང་ཉིད་ཀྱི་ཕྲུ་གུར་སློབ་གསོ་གཏོང་སྟངས་དང་སློབ་ཕྲུག་ཚོས་ཆོས་ཞེས་པ་དེ་ཡང་སྙིང་གང་འདྲ་ཞིག་ལ་ཟེར་བ་སོགས་ཀྱི་དྲི་བ་དྲིས་ལན་བཏང་ཡོད། བོད་ཀྱི་ཆོས་རིག་འཛིན་སྐྱོང་ཁང་དང་ཨེསུཁཡ་བོད་ཀྱི་ནང་བསྟན་སྲི་ཞུ་ཁང་གཉིས་མཉམ་འབྲེལ་ཐོག་ད་ལོ་ནས་ལས་གཞི་འདི་མགོ་འཛུགས་བྱས་ཤིང་། མི་རིང་བར་ནུབ་ཕྱོགས་ཡུལ་གྲུ་ཁག་ལ་འཚར་ལོངས་བྱུང་བཞིན་པའི་བོད་ཕྲུག་ཚོའི་དྲྭ་ལམ་གྱི་མཐུན་རྐྱེན་བཟང་པོ་བརྒྱུད་ནས་བོད་ཕྲུག་ཚོས་བོད་ཀྱི་སྐད་ཡིག་དང་ནང་ཆོས་ཡ་རབས་བཟང་སྤྱོད་ཀྱི་ཕྱོགས་སུ་བསྐྱོད་ཐུབ་པར་འབད་བརྩོན་བྱེད་བཞིན་ཡོད།
འདི་ཧ་ཅང་ཡག་པོ་རེད་ བོད་ཀྱི་ཆོས་རིག་འཛིན་སྐྱོང་ཁང་ལ་ཐུགས་རྗེ་ཆེ་ཞུ་།
ད་ལྟའི་བོད་ནང་གི་ཛ་དྲག་གི་གནས་བབ་སྐོར་གནམ་ཀླད་རྒྱུད་ནས་བོད་མི་ཕྱི་བསྡོད་པ་དག་གིས་དེ་ཡི་སྐོར་ལ་བགྲོ་གླེང་བྱེད་མཁན་འདྲ་ཡོད་ན་ཀྱེ་མ་ཧུད།
བསམ་བློའི་ནར་སོན་མ་ཐག་པའི་བོད་ཕྲུག་ཚོའི་བློ་ཁ་ཆོས་ལ་ཕྱོགས་ཐབས་བྱེད་པ་ནི་ད་ལྟའི་བོད་ཀྱི་གནས་བབ་ལ་མཚོན་ནས་བཤད་ན་དགོས་མཁོ་ཅན་ཞིག་མ་རེད། ང་ཚོའི་བོད་རིགས་ཚོར་སྲིད་དོན་གྱི་གོ་རྟོགས་མེད་པ་དང་། ཆབ་སྲིད་ཀྱི་ཤེས་ཡོན་མེད་པའི་སྟབས་ཀྱིས་བོད་དེ་ཁ་སྟབས་འདི་འདྲ་ཞིག་གི་ནང་དུ་ཚེགས་མེད་དུ་ལྷུང་བ་རེད།
ཡག་པོ་འདུག། ད་ཡིན་ན་ཡང་འདིའི་བར་ལ་ཆབ་སྲིད་ཤིག་མེད་ན།
ང་འདོད་པ་མེད་རྒྱུ་མཚན་ནི་་་་་་་་་་།་་་་་་
བོད་ཀྱི་ཆོས་རིག་འཛིན་སྐྱོང་ཁང་ལ་ཐུགས་རྗེ་ཆེ་ཞུ་བ་དང་ཆབས་ཅིག ཉན་མཁན་ཡོངས་ལ་མུ་མཐུད་དུ་བོད་ཀྱི་རིག་གཞུང་དང་ནང་ཆོས་ལ་ཤུགས་རྒྱག་རོགས་ཞེས་འབོད་སྐད་ཞུ་རྒྱུ་ཡིན།