ད་ནི་ང་ཚོས་འཐབ་རྩོད་ཀྱི་ལམ་ཁ་གང་ཞིག་བདམ་དགོས།

ཁང་གསར་ལགས་ཕེབས་པ་དགའོ། ཡིན་ན་ཡང་། ཅི་འདྲའི་ཨུ་ཐུག་ཅིག་བསླེབས་འདུག དོན་ཚན་རེ་རེ་བྱས་ནས་བཀླགས་པ་ཡིན། སྔོན་གྱི་རྣོ་ངར་དེ་དག་བརླག་འདུག གཅིག་བྱས་ན་ང་རྒས་པ་མིན་འགྲོ། 

༡། དོན་ཚན་དང་པོ་དེ་རང་གིས་གང་ལ་འཁྱེར་འདོད་ན་ཁྱེར། གོ་རྒྱུ་འདྲ་མི་འདུག དཔེ་མཚོན་ཆུང་ཆུང་ཞིག་ཡོད། གལ་སྲིད་་་་ཅི་ཡིན་འདི་ཡིན་མེད་པར་ཁྱེད་ཀྱི་བཟའ་ཟླ་མེ་མདས་རྫོག་བཞག་ན་ཁང་གསར་ཁྱོད་ཀྱིས་ད་དུང་འཚེ་མེད་ཞི་བ་བཤད་ཐུབ་བམ། གལ་སྲིད་ཁྱེད་ཀྱི་ཁྱིམ་ཚང་གི་ནང་དུ་མེ་མདའ་བསྐོར་ན་་་ཁྱེད་རང་ད་དུང་འཚེ་མེད་ཞི་བ་བཤད་མཁན་གྱི་སྐྱེས་ཆེན་དམ་པ་དེ་ཡིན་ནམ། དེང་སྐབས་འཚེ་བ་མ་རིག་མཁན་གྱི་ཁ་རྒྱག་བཤད་མཁན་མང་བོ་འདུག རང་ཐོག་ལ་མ་བབས་བར་དུ་ཁ་རྒྱག་པ་དང་འཚེ་མེད་ཞི་བ་དང་དེ་ལས་ལྷག་པའི་ལྟ་བ་བཤད་མཁན་འདུག 
༢། གཉིས་པ་དེའི་ནང་ན་དོན་ཚན་གཉིས་འདུག དང་པོ་དེ་༼ཞེད་སྣང་༽རེད། ༼བླ་འཐོར་༽རེད། གལ་སྲིད་མི་རིགས་ཤིག་ལ་འཐབ་རྩོད་ཅིག་ཡོད་ན་ནི་དེ་ལ་༼བློས་གཏོང་༽ཞེས་པ་ཞིག་དགོས་པ་རེད། དེེ་མེད་པར༼་ཕར་ཕྱོགས་སུ་ཉི་མ་གཅིག་ལ་འཇའ་ཤར་ན་ཚུར་ཕྱོགས་སུ་སྤང་ནས་མེ་ཏོག་འཐུ་རྒྱུའི་༽རེ་བ་བརྒྱབ་མཁན་ཡོད་ན་སྙིང་རྗེ། འཕྲུལ་སྣང་གིས་འཐབ་རྩོད་ཅིག་བརླག་བཞིན་པ་ཡ་མཚན།
གཉིས་པ་དེ ། རྒྱ་གཞུང་ལ་གྱོང་ག་ཚོད་བཟོ་ཐུབ་པ་མི་ཤེས་རུང་། ཁབ་སྐུད་པ་ཚུན་ནས་གྱོང་སྤྲོད་དགོས་པ་ཞིག་རེད་འདོད། ཁྱེད་ཀྱིས་བཤད་པ་ལྟར། ད་ལྟའི་ཞི་བ་ཙམ་གྱིས་ཁོ་ཚོར་གྱོང་གུད་དཔག་མེད་ཅིག་སྤྲོད་གིན་ཡོད་ན་ནི། དེ་ལས་ལྷག་པའི་དྲག་པོར་སོང་ན་ནི་གྱོངགུད་ཅི་འདྲ་ཞིག་ཡོད་པ་རེད་དམ། རང་གི་མི་རིགས་ཀྱི་སྲོག་ལས་ཁྱོད་རྒྱ་ནག་གི་རྒྱུ་ལ་སེར་སྣ་འདུག་གམ། 
གལ་སྲིད་ཤི་རྒྱུ་ནི་གཅིག་པ་ཡིན་ཚེ། རྒྱལ་སྤྱིའི་དོ་སྣང་ཡོད་ནས་ཤི་ན་དགའམ་མེད་ནས་ཤི་ན་དགའ།   ཁྱེད་ཀྱིས་དྲི་བ་གཏོང་ཤེས་ན་དང་པོ་དྲི་བ་དེ་སོ་སོར་མ་བཏང་བ་གང་ཡིན་ནམ། 
༣༽ དྲག་འཐབ་ཀྱི་སྐོར་ནས་སྐད་ཆ་མང་པོ་རེད། དཔེར་ན། ད་སྐབས་རྡུལ་མཚོན་དང་སྒྱོགས་མདེལ་གྱི་དུས་རབས་མ་རེད། སྤྱིར་བཏང་གོ་མཚོན་ཕྱིར་བསྡུའི་དུས་ཚོད་ཅིག་རེད། འགོག་སྡོམ་གྱི་དུས་ཤིག་རེད  གོ་མཚོན་ཡོད་མཁན་དེ་ཚོ་ཡང་བེད་མེད་དུ་གོམ་པ་སྤོ་བཞིན་པའི་སྐབས་ཤིག་རེད། སྤྱིར་བཏང་ཚང་མས་བསྡུས་དང་མ་བསྡུས་ཁ་ཁ་རེད། ཡིན་ན་ཡང་། དུས་ཚོད་ངེས་ཅན་ཞིག་རེད།འདི་ཁྱེད་ལ་ཐུགས་སྣང་མེད་པའི་ཕྱོགས་གཅིག་མིན་འགྲོ་སྙམ།

རྒྱ་ནག་གི་ཕྱོགས་ནས་ཁྱེད་ལ་དེ་ལས་ཀྱང་ཐུགས་རྒྱུས་མེད་པ་འདྲ་བོ་རེད། ཁྱེད་ཀྱིས་བོད་མི་རིགས་ཀྱི་མི་འབོར་ཕྱོགས་ནས་ང་ཚོར་རེ་བ་མེད་པ་འདྲ་བོ་བཤད་སོང་། ངས་བལྟས་ན། རྒྱ་ནག་གིས་༼འཆར་ལྡན་བུ་སྐྱེས་༽ཞེས་ཁྱིམ་ཚང་གཅིག་ལ་བྱིས་པ་གཅིག་མ་གཏོགས་སྐྱེས་མི་ཆོག་པ་བཟོས་པ་ནས་ད་བར་དུ་ལོ་ ༣༠ ལྷག་འགོརབ་རེད། ད་སྐབས་ཧྲང་ཧེ་ལ་རྒན་འཁོགས་གྲོང་ཁྱེར་འབོད་གིན་ཡོད་པ་རེད། ད་དུང་གྲོང་ཁྱེར་མང་པོ་བང་སྒྲིག་བསྡད་འདུག ད་དུང་དཀའ་རྙོག་ཆེ་ཤོས་དེ་བུ་མ་གཏོགསབུ་མོ་མི་དགོས་པའི་དུས་ལ་བསླེབས་འདུག བུ་ཞིག་ཡིན་ན་ཕལ་ཆེར་དམག་ལ་སྐྱེལ་དགོས་རུང་བུ་གཅིག་པུ་དམག་ལ་སྐྱེལ་འདོད་མེད་པའི་སྐབས་ཤིག་རེད། དེས་ན་ཁྱེད་ཀྱི་ཚོད་རྩིས་དེའང་ལ་ཕྱིན་པ་རེད་དམ། 

ཁྱེད་ཀྱི་དྲི་བ་ཚང་མར་ལན་འདེབས་ལོངས་མ་བྱུང་བས་གནས་སྐབས་འདི་ཙམ་ཡིན། དུས་ཚོད་བྱུང་ན་ད་དུང་ཁ་སྣོན་གང་འཚམ་ཡོད།

རྒྱ་ནག་ལ་གནོན་ཤུགས་སྤྲོད་ཐུབ་པའི་ལས་འགུལ་རིགས་མིན་ཕྱིན། ཞི་དྲག་གང་དུ་སོང་ཡང་ཕན་འབྲས་མེད་ཁར། དྲག་ལམ་དུ་སོང་ན་རྒྱ་ནག་གི་འདོད་ཐོག་ལ་རྟ་རྒྱུག་པ་རེད། ཡིན་མའང་། ངོ་དགའ་སྤྲེལ་ལད་དང་། བདེན་དོན་ཟུར་འཇོག་གཏན་ནས་གཏན་དུ་བྱེད་མི་འོས་སོ།།
སྟོབས་ཤུགས་ལྡན་པའི་ལམ་ནི་མང་པོ་ཞིག་ལ་ངོས་ཟིན་ཟབ་མོ་མ་ཐེབས་པ་མ་གཏོགས་རྩ་བའི་ཆ་ནས་རྙེད་ཡོད། དེ་ནི་དྲང་ཞིང་བདེན་པའི་ལམ་ཆེན་འདི་ཉག་གཅིག་གོ།
ཐབས་ནི་ཞི་དྲག་ཅི་ཡིན་རུང་སྐབས་བསྟུན་གྱིས་ལམ་དེར་ཤར་སྐྱོད་བྱེད་དགོས། གོ་སྐབས་དང་དུས་ཚོད་ནི་རང་ངོས་ནས་བརྩོན་ལེན་བྱེད་དགོས་པ་ལས་རེ་སྒུག་བྱ་ཡུལ་གང་ཡང་མེད་པ་རྟོགས་དགོས།
གཞན་ཞིག་ནི། བོད་པ་མི་རིགས་རང་ཉིད་རྩ་སྟོང་དུ་འགྲོ་ལ་ཉེ་བ་འདི། རྒྱུན་གནས་ཡོང་ཐབས་ལ་འབད་དགོས། མི་རིགས་རྩ་སྟོང་དུ་འགྲོ་མིན་དེ་སྐད་ཡིག་གནས་མིན་ལ་ཐུག་ཡོད། སྐད་ཡིག་མ་ནུབ་བར་དུ་བོད་མི་རིགས་ནུབ་མི་སྲིད། གལ་སྲིད་ད་ལྟ་བཞིན་བོད་མི་རྣམས་རེ་རེ་བཞིན་རྒྱ་མི་ལ་ཐིམ་སོང་ན། ང་ཚོའི་ལས་དབང་རྫོགས་ནི་རེད།ང་ཚོའི་འཐབ་རྩོད་འདི་ལོ་ངོ་བརྒྱ་ཕྲག་སོང་རུང་མུ་མཐུད་ནས་རྒྱུན་སྲིང་ཐུབ་པ་དགོས་ན། མི་རིགས་གནས་དགོས། མི་རིགས་གནས་པར་སྐད་ཡིག་གནས་དགོས།
སྐད་ཡིག་གནས་ཐབས་ལ་བརྩོན་ན་མི་རིགས་ཀྱི་ལས་དོན་དེ་ལས་ལྷག་གཅིག་མེད་དོ།།

སྦྲ་རིགས་ཐོགས་མེད་ཟེར་བ་དེ་ཅང་བཤད་རྒྱུ་མེད། སློབ་གྲྭའི་ཨ་བ་ཞིག་རེད་ཟེར་གྱིན་འདུག་པས། བསམ་ཚུལ་འདི་འདྲ་འཁོར་ལག་ནས་འཁྱོང་སོང་བ་ཙམ་ལ་བསྟོད་བསྔགས་ཡོད།

ཨ་རིའི་དམག་གི་སྟོབས་ཤུགས་ཀྱི་ཁ་ཕྱོགས་དེ་དེ་སྔ་དང་མི་འདྲ་བར་ད་ལྟའི་འཆར་ལྷ་་ཤར་ཨ་ཤེ་ཡའི་ཕྱོགས་སུ་ཁ་བསྒྱུར་བྱེད་བཞིན་པ་རེད།

ཞི་བདེ་རྒྱ་རྒྱ་མཚོའི་མངའ་ཁུལ་དུ་སྟོབས་ཆེན་ཨ་རིའི་དམག་ཤུགས་དང་དྲག་ཤུགས་ཀྱིས་འཛམ་གླིང་ཞི་བདེའི་ཆེད་དམག་འཁྲུགས་ཀྱི་ཁ་ཕྱོགས་ཡོངས་སུ་མངོན་དུ་ཕྱོགས་པ་རེད།

དེ་རིང་ནས་བཟུང་ཏེ་མི་རིང་ལོ་ཤས་ནང་ཞི་བདེ་རྒྱ་མཚོའི་མངའ་ཁུལ་དུ་དྲག་སྤྱོད་རིང་པའི་གནས་གཞི་པྰ་ཀེ་སི་ཐིན་ནང་དམག་འཁྲུགས་གཅིག་སློང་ངེས་རེད། དེ་བཞིན་ཨིན་ཌ་ནི་ཤི་ཡ། ཨབ་གྷན་སི་ཐིན་སོགས་ཀྱི་ལྷོ་ཤར་ཨ་ཤི་ཡའི་ཁུལ་དུ་ཨ་རིའི་དམག་གི་གཙོ་ཤུགས་ཁ་ཕྱོགས་གསལ་སྟོན་བྱས་པ་ཡོད་པ་རེད།

འདིའི་གྲུ་ཟུར་དུ་མི་མངོན་པའི་རྒྱ་ནག་དེར་ཁ་གཏད་གཅིག་གཅོག་རྒྱུའི་དམིགས་འབེན་གཙོ་གཅིག་ཆགས་ཡོད་པ་རེད། སྟོབས་ཆེན་ཨ་རིའི་ངོས་ནས་བརྗོད་ན་རང་ཉིད་ནི་ཆེས་འཛམ་གླིང་ནང་གི་སྟོབས་ཆེན་ཨང་དང་པོ་དེ་ཡིན་ལ་ད་དུང་ནམ་ཡང་ཨང་དང་པོ་བསྐལ་པ་ཇི་སྲིད་བར་གནས་དགོས་པ་དང་། གནས་ཐུབ་པའི་ཆེད་དུ་ཡོད་ཚད་ཐམས་ཅད་བློས་བཏང་དགོས་པ་དང་། བྱེད་ཕོད་པའི་སྙིང་སྟོབས་ཀྱང་བཟུང་ཡོད།

རྒྱ་ནག་གིས་ངོས་ནས་བརྗོད་ན་ཤེས་ཡོན་པ་དང་། ཆེས་ལས་པ། རིགས་གཅིག་མཁས་དབང་སོགས་ཞིབ་འཇུག་པ་སྟོང་ཕྲག་མང་པོས་ལོ་ངོ་བཅུ་མང་པོའི་རིང་དུ་དུས་ཚོད་དང་འགྲོ་གྲན་ཕོན་ཆེན་བཏང་ནས་ཨ་རི་དེ་འཛམ་གླིང་ནང་ཆེས་སྟོབས་ཆེན་ཇི་ལྟར་ཆགས་མིན་གྱི་སྐོར་ལ་ཞིབ་འཇུག་མཐིལ་པ་བྱས་ཡོད་པ་རེད།

ཨ་རི་དེ་འཛམ་གླིང་ནང་དམག་དོན་དང་། ཚན་རྩལ། ཤེས་ཡོན། ཆེ་མཐོང་སོགས་ཕྱོགས་གང་ས་ནས་གང་འདྲ་བྱས་ནས་ཆགས་མིན་དེར་ཞིབ་འཇུག་གིས་ཐ་མའི་འབྲས་བུར་སྤྱི་ཡོངས་ནས་བསྡོམས་ཚིག་གཅིག་བརྒྱབ་པ་ལྟར་ན་མཐར་གཏུགས་ན་ཨ་རིའི་ཌོ་ལོར་ཟེར་ཤོག་དངུལ་དེར་ཐུག་ཡོད་པའི་འགྲེལ་བརྗོད་གཅིག་མཚུངས་སུ་བྱུང་ཡོད་པ་རེད།

དེ་ཡང་ཨ་རིའི་ཌོ་ལོར་དེ་འཛམ་གླིང་རྒྱལ་སྤྱའི་དངུལ་ཞིག་ཆགས་ཐུབ་ཡོད་པ་དང་དངུལ་དེ་འཛམ་གླིང་གི་རྒྱལ་ཁབ་མང་ཆེའི་ནང་དུ་འགྲོ་རྒྱུག་བྱེད་བཞིན་པའི་དབང་གིས་རེད། ཨ་རིའི་ཌོ་ལོར་གྱི་ངོས་ནས་བཤད་ན་ཛ་ཐང་ཆེན་པོའི་སྒང་ནས་ཨ་རིའི་དམག་མིའི་མཐུན་རྐྱེན་དང་། འགྲོ་སོང་། ཚན་རྩལ། ཤེས་ཡོན། འཕྲོད་བསྟེན། བདེ་སྲུང་ལ་སོགས་པའི་ཕྱོགས་གང་ས་ནས་ཤེས་རིག་བཀྲ་བའི་མི་སྣ་ཚད་ལྡ་ཤ་སྟག་གསོ་སྐྱོང་བྱེད་ཐུབ་པའི་དབང་ལས་བྱུང་བ་རེད་ཅེས་བསྡོམས་ཚིག་བཀོད་པ་རེད།

དེ་འདྲ་སོང་སཙང་རྒྱ་ནག་གིས་ངོས་ནས་བཤད་ན་རིང་པོར་མ་ཐོགས་པར་གང་མགྱོགས་གོམ་པ་མདུན་སྤོས་བྱས་ཏེ་རྒྱ་ནག་གི་དངུལ་དེ་ཨ་རིའི་ཌོ་ལོར་གྱི་གནས་སྟངས་དང་གཅིག་མཚུངས་འཛམ་གླིང་གི་རྒྱལ་ཁབ་གང་སར་འགྲོ་རྒྱུག་བེད་སྤྱོད་གཏོང་ཐུབ་པའི་དམིགས་འབེན་གཙོ་བོར་བཟུང་ཡོད་པ་རེད།

གོང་གསལ་དམག་དོན་དང་། ཙན་རྩལ། རྒྱལ་སྲུང་། བདེ་འཇགས། ཤེས་ཡོན། མང་དངུལ་སོགས་ཀྱི་ཐད་ལ་ཨ་རི་ལྟར་གཅིག་མཚུངས་འགྲོ་ཐུབ་རྒྱུའི་ཆ་རྐྱེན་དེ་རྒྱ་ནག་ལ་ཡོངས་སུ་ཚང་ཡོད་པའི་འགྲེལ་བརྗོད་གཅིག་མཚུངས་སུ་བྱུང་ཡོད་པ་རེད།

ཡིན་ནའང་འཛམ་གླིང་རྒྱལ་ཁབ་ཚང་མས་ཡིད་ཆས་དང་། བརྩི་བཀུར། ཆ་འཇོག་བཅས་ཀྱི་རིན་ཐང་དེ་རྒྱ་ནག་ལ་ཡོང་ཐབས་རྩ་བ་ནས་མེད་པའི་གནས་སྟངས་ཆགས་ཡོད་ཅེས་པ་དེ་རེད། དེའི་རིན་ཐང་དེ་ཇི་ལྟར་བསྐྲུན་ཐུབ་མིན་དེ་རྒྱ་ནག་གི་སྲིད་ཁྲིམས་དང་མི་དམངས་ཀྱི་རང་དབང་བཅས་ལ་ཐུག་ཡོད་སྟབས་ཨང་དང་པོར་རྒྱ་ནག་གཞུང་གིས་ངོས་ནས་རྒྱ་ནག་མི་དམངས་དུང་ཕྱུར་ ༡༤ ཙམ་གྱིས་གཞུང་དེར་ཡད་ཆེས་དང་བྲཙི་བཀུར་ཐོབ་ཐུབ་པ་ཞིག་བཟོ་རྒྱུ་ཨང་རིམ་པའི་གནས་དོན་གལ་ཆེ་ཞིག་ཆགས་ཡོད་པའི་ལྟ་ཚུལ་འཚིན་བཞིན་ཡོད་པ་རེད།

དེ་འདྲ་སོང་ཙང་ད་ལྟ་ཨ་རིས་ངོས་ནས་བཤད་ན་རྒྱ་ནག་གི་སྤྱི་ཚོགས་དེ་ཕྱོགས་ཡོངས་ནས་བརྟན་ལྷིང་མེད་པ་ཞིག་དང་། དེ་དང་བསྟུན་ནས་གོ་སྐབས་དམ་འཚིན་བྱས་པའི་ཐོག་ནས་རྒྱ་ནག་དེ་ཡང་སྔོན་མའི་ར་ཤི་ཡ་ལྟ་བུ་ཞིག་ཏུ་བསྒྱུར་ཐུབ་རྒྱུའི་དམིགས་འབེན་བཟུང་ཡོད་པ་རེད།

རྒྱལ་སྤྱིའི་གནད་དོན་འདི་དག་གི་འཕྲོད་དུ་ཨ་རྒྱ་གཉིས་འགྲན་རྩོད་དེའི་ནང་དུ་བོད་ལྗོངས་དང་། ཐེ་ཝན། ནང་སོག། ཤིང་ཅང་་སོགས་གྲངས་ཉུང་མི་རིགས་རྣམས་ཀྱང་རང་བཞིན་གྱིས་ཚུད་བཞིན་པ་རེད།

དེ་འདྲའི་དུས་ཚོད་གཅིག་དང་བསྟུན་ནས་བོད་མི་ཚོས་ཀྱང་སུན་ཙིའི་དམག་དོན་གྱི་བསྟན་བཅོས་ནང་དུ་བཤད་པ་ལྟར་ཆུའི་ངོ་བོ་དང་ཆུའི་རང་བཞིན་ཤེས་དགོས།
ཆུ་ཟེར་བ་དེ་རི་མཐོ་སར་ཡོད་ཀྱང་དམའ་སར་བབ་བཞིན་ཡོད། མཐོ་སར་གཡོལ་ནས་དམའ་ས་ཐམས་ཅད་གནོན་ཐུབ་པ་དགོས་པ་རེད།

དེ་དུས་ང་ཚོས་ཀྱང་མཐོ་སར་གཡོལ་ནས་དམའ་སའི་ཁུལ་གནོན་ཐུབ་པ་བྱེད་དགོས། དེ་ནི་གོ་སྐབས་ཤིག་ཡིན་སྟབས་གོ་སྐབས་དམ་འཛིན་བྱེད་ཐུབ་པ་དགོས།
གོ་སྐབས་དེ་འདྲ་ཞིག་ག་དུས་ཡོང་མིན་དེ་སུས་ཀྱང་བཤད་མི་ཐུབ་པ་ཞིག་རེད།

གོ་སྐབས་དེ་འདྲ་ཞིག་ཤར་དུས་ཞི་དྲག་ཟེར་བའི་ཚིག་གཉིས་ཀར་རིན་ཐང་ཧ་ཅང་གིས་ཆེན་པོ་ལྡན་ཡོད་པ་རེད། གང་ལ་གང་མཚམས་པའི་སྐབས་དང་བསྟུན་ནས་འགྲོ་དགོས་པ་ལས་ཐ་གཅིག་ཏུ་ཞི་བ་དང་། ཡང་ན་ཐ་གཅིག་ཏུ་དྲག་པོར་འགྲོ་དགོས་པའི་ངེས་པ་གཏན་ནས་མེད།

སྦྲ་རིགས་ལགས། ཁྱེད་ཀྱིས་ཟུར་སྣེ་མང་པོ་ཞིག་ནས་འཇུས་ཏེ་མཐར་གཏུགས་ས་དེ་ཞི་དྲག་གཉིས་ཀྱི་ལམ་བུ་དེར་བསྐྱོད་ཐབས་བྱ་རྒྱུ་ཡིན་པ་འདྲ། ང་ཚོས་རྒྱའི་དངུལ་ལོར་ཐེར་འབུམ་གྱི་ལས་གཞི་གཏོར་ནས་ང་ཚོའི་འཐབ་བརྩོད་ལ་ནུས་པ་ཅི་ཞིག་ཐེབས་྄ངེས་རེད་དམ། ང་ཚོས་དྲག་ཐབས་དེ་ལྟར་སྤྱད་པར་རྒྱས་ལས་གཞི་མཚམས་འཇོག་བྱེད་སྲིད་དམ། དྲག་སྤྱོད་དེ་དག་གིས་ང་ཚོའི་འཐབ་བརྩོད་ལ་གཞོགས་འདེགས་ཡོང་རྒྱུའི་ཚབ་ཏུ་དེར་གནོད་ངེས་ཡིན། རྒྱ་ནག་ངོས་ནས་བོད་མི་རྣམས་རྩ་མེད་བཟོ་བར་ཁ་གཡར་ས་མ་རག་པར་བསྡད་ཡོད་པ་རེད། གལ་ཏེ་ང་ཚོས་དྲག་ལས་དེ་དག་སྤེལ་ཚེ་རྒྱ་དམར་གྱིས་དྲག་པའི་མིང་ཐོག་ནས་ང་ཚོར་སྔོན་དང་མི་འདྲ་བའི་དྲག་གནོན་བྱེད་སྲིད་ལ་དྲག་གནོན་དེར་རྒྱ་སྤྱིའི་ངོས་ལེན་ཡང་ཡོང་སྲིད་པ་རེད། དེར་བརྟེན་ང་ཚོས་མེ་དོང་ནང་དུ་མཆོངས་རྒྱུའི་དགོངས་འཆར་དེ་རིགས་མ་གསུངས་རོགས་གནང་།

(སྤྱིར་འཐབ་རྩོད་ཁྲོད་ནས་རང་གིས་མི་འཇོན་པ་རྒྱུ་མཚན་དུ་བྱས་ནས་གཞན་གྱི་སེམས་གསོད་པ་ནི་གྱོང་གི་གྱོང་ཡིན་པ་ཤེས་དགོས་པ་དེ་ཙམ་ཡིན་་་་་་)

གོང་གི་སྐད་དེ་ཀླུ་བྱམས་ཀྱི་རེད། རེད་རེད། བདེན་པ་རེད། འཐབ་རྩོད་དང་གཡུལ་སའི་ཁྲོད་ན། རྒྱབ་ལྗོངས་དང་མཁོ་སྒྲུབ་སོགས་ཀྱི་འཆར་གཞི་ཏིལ་འབྲུ་ཙམ་ཡང་མེད་ཀྱང་། རང་ཉིད་ཕག་ཏུ་ཡིབ་ནས། ཡོད་རབས་རྐྱང་བརྗོད་དེ་གཞན་དོང་དུ་སྐྱུར་མཁན་གྱི་སྐབས་འཚོལ་བ་བགྲང་གིས་མི་ཆོད།

ང་ཚོལ་ཧོལ་རྒྱུགས་བྱེད་མི་ཉན། མེ་མདའ་ལག་ཏུ་འཛིན་པའི་ཉིན་དེ་ནས་བཟུང་། ང་ཚོའི་འཐབ་རྩོད་མཇུག་སྒྲིལ་བ་རེད་ལ། ང་ཚོའི་རིག་གཞུང་དང་མི་རིགས་ཀྱང་མཇུག་སྒྲིལ་ངེས་རེད།

དེ་རིང་བར་ང་ཚོས་མེ་མདའ་ལག་ཏུ་མ་བཟུང་པ་དེས་རྒྱ་ནག་གཞུང་ཅི་བྱ་གཏོལ་མེད་དུ་གྱུར་ཡོད། ད་དུང་ཁོ་པ་ཚོས་བོད་མའི་སྐེད་གྲི་ཆུང་ངུ་ཡན་ཆད་རྒྱལ་སྤྱིར་བཏོན་ནས། དྲག་པོ་བྱེད་ཀྱིན་འདུག་ཟེར། འོན་ཀྱང་འཁྱོག་བརྗོད་ཀྱི་གནས་ཚུལ་དེར་སུས་ཀྱང་ཡ་ལན་སྤྲོད་མཁན་མེད།

དྲག་པོའི་གསར་བརྗེ་ཡིན་ན་ཡག་པོ་ཡིན་པས་ག་ལ་ཁྱབ། དཔེར་ན་རྒྱ་ནག་གུང་ཁྲན་ཏང་གི་གསར་བརྗེ་ལྟ་བུ། ཡིན་ན་ཡང་ང་ཚོས་ཅི་ཞིག་གསར་བརྗེ་བྱེད་དགོས་མིན་རྩོད་ཀྱིན་ཡོད་མ་རེད། ང་ཚོར་ཐོག་མཐའ་བར་གསུམ་དུ་དྲག་གནོན་བྱས་ནས་བསྡད་པས་མགོ་ཡར་ལ་འགྱོག་པའི་རང་དབང་སྟེ། མི་རིགས་འཚོ་གནས་ཀྱི་རང་དབང་ཆ་ཚང་ཞིག་དགོས་པའི་རེ་བ་འདོན་གྱིན་ཡོད་པ་རེད། དེའི་སྲིད་བྱུས་ནི་ལམ་དབུ་མ་རེད། འདི་ད་ལྟའི་བོད་གཞུང་དམངས་ཀྱི་ཞི་རྒོལ་འཐབ་རྩོད་ཀྱི་དར་ཆ་རེད།
མ་གཞི་ནས་ང་ཚོས་འཇོན་ན་དམག་རྒྱག་ཆོག་པ་རེད། རྒྱ་གཞུང་གིས་ཐོག་མ་ནས་ད་བར་ལ་བོད་ཀྱི་ཀླད་པར་མེ་མདའ་གཏད་ནས་བསྡད་ཡོད་པ་རེད། ང་ཚོས་རང་སྲུང་ཙམ་ལས་འདས་དེ་ཕར་རྒོལ་བྱེད་ཆོག་པ་རེད། བོད་ནས་ཕར་ལ་བསྐྲད་ཀྱང་ཆོག་པ་རེད། རྒྱ་དམག་ཅི་ཙམ་གསོད་ཐུབ་ན་བསད་ཀྱང་ཆོག་པ་རེད། འོན་ཀྱང་སྟོང་བསམ་རེད། ཕར་ལ་གཅིག་བསད་ན་ཚུར་བཅུ་གསོད་གི་རེད། རྒྱ་དམག་སྟོང་ཕྲག་གཅིག་གི་ལག་ནས་བོད་མི་ས་ཡ་མང་པོ་སྐད་ཅིག་ལ་སར་འཐིམ་འགྲོ་གི་རེད།
མདོར་ན་ང་ཚོས་བོད་མི་ཚོར་འཆི་ལམ་ཞིག་སྟོན་རྒྱུ་བཞག་ནས་གསོན་ལམ་ཞིག་འཚོལ་དགོས་པ་རྩ་དོན་ལ་འཛིན་དགོས། འོན་ཀྱང་མི་རིགས་ཤིག་གི་འཐབ་རྩོད་ཡིན་དུས་ཚེ་སྲོག་གང་འཚམ་ཞིག་གི་ལེགས་སྐྱེས་ཀྱང་འབུལ་དགོས་ངེས་ཡིན་པ་སུས་ཀྱང་ལོས་ཤེས།

སྐྱ་ཐིག་དོན་ཚན་བཅོ་ལྔ་ཅན་པོ་གནམ་ལ་འཕྱར་ཏེ་པེ་ཅིང་མིག་ནང་གི་ཀླུ་མཁར་བྱམས་ཀྱིས་དབུ་ཁྲིད་ན། སྐབས་དེར་ཏན་ཏན་གཞོན་ནུ་དང་དེ་མིན་གཞན་པ་དེ་ཚོས་ཁྱེད་ལ་མཐུན་རྐྱེན་སྦྱོར་ཐག་ཆོད་ཡིན་ནི་རེད།

དྲག་རྒོལ་བྱེད་པ་ལ་དེང་རབས་ཀྱི་དྲག་མཚོན་ལ་བྱང་ཆུབ་པའི་དམག་སྡེ་ཞིག་དང། དེ་ལ་ངེས་ཅན་ས་གནས་ཞིག་དགོས་རྒྱུ་མ་རེད་འདོད་གི དཔེར་ན། ང་ཚོའི་ཕ་ཡུལ་ལ་བཞག་ཡོད་པའི་རྒྱ་དཔོན་ཚོ་དང་། བོད་ལ་གནས་སྤོར་བྱེད་བཞིན་པའི་རྒྱ་མི་ཚོ་ལྐོག་གསོད་བྱས་ནས་འདུག་མི་བཟོད་པ་གཏོང་ཐུབ་ན་ཡང་དྲག་རྒོལ་རེད། དྲག་རྒོལ་འདི་འདྲ་ཞིག་སྤེལ་བ་ལ་གྲི་དང་། ཐུང་མདའ་རེ་ཡོད་ན་འགྲིགས་གི་རེད། དྲག་རྒོལ་ཟེར་དུས་དེང་རབས་ཅན་གྱི་གོ་མཚོན་གྱིས་དྲག་རྒོལ་བྱེད་སྟངས་ཙམ་ཞིག་ལས་མེད་པ་འདྲ་ཞིག་བཤད་ནས། དེ་འདྲ་ང་ཚོས་བྱེད་མི་ཐུབ་པ་བདེན་ཡང་། ང་ཚོས་བྱེད་ཐུབ་པའི་དྲག་རྒོལ་བྱེད་སྟངས་མང་པོ་ཡོད།

རྒྱ་གཞུང་གིས་ང་ཚོ་དམངས་གཙོ་མིན། དམངས་གཙོ་མི་འདོད་ཟེར་གྱིན་མེད། དམངས་གཙོ་ནི་ཁོ་རང་ཚོས་ཀྱང་རྩ་ཆེན་ལ་འཛིན་ཁུལ་བྱེད་ཀྱིན་ཡོད། དེ་བཞིན་དུ་ལོ་རེ་ནས་ལོ་རེ་བཞིན་རྒྱ་རིགས་མི་དམངས་ནང་ལ་ཡང་དམངས་གཙོའི་འདུ་ཤེས་ཤུགས་ཆེ་རུ་འགྲོ་བཞིན་ཡོད་ལ། དམངས་གཙོའི་ལས་འགུལ་པ་ཡང་ཇེ་མང་ལ་འགྲོ་བཞིན་ཡོད། རྒྱལ་སྤྱིའི་ཐོག་ནས་ཀྱང་དམངས་གཙོ་དོན་གཉེར་གྱི་འཐབ་རྩོད་པ་དང་ལྷག་པར་དུ་ཡང་ཞི་རྒོལ་ལས་འགུལ་ལ་མཐོང་ཆེན་བྱེད་ཀྱིན་ཡོད། དེ་བས་ང་ཚོའི་ཞི་རྒོལ་གྱི་འཐབ་རྩོད་འདི་ལ་ཕྱི་ནང་གང་ནས་མཐུན་རྐྱེན་ཇེ་འཛོམས་ཡིན་པས་འུ་ཐུག་དགོས་པ་ཞིག་གཏན་ནས་མ་རེད། དཔེར་ན་གཡུལ་ས་ཞིག་ནས་བརྒྱ་དཔོན་ཞིག་གིས་དམག་རྒྱག་དུས་དམག་མི་རེ་རེ་བཞིན་ཤི་ན་དམག་མི་ཚང་མ་འཆི་རྒྱུར་མི་སྐྲག་པ་དང་འཆི་འདོད་པའི་ཚོར་སྣང་ཞིག་ཡོང་གིན་ཡོད། གལ་ཏེ་དམག་དཔོན་གླེན་པ་ཞིག་ཡིན་ན་དམག་མི་ཚང་མ་མཉམ་དུ་འཆི་ལམ་ལ་སྐྱེལ་ངེས་ཡིན། གལ་ཏེ་དམག་དཔོན་མཁས་མཛངས་ལྡན་པ་ཞིག་ཡིན་ན་དམག་མི་གཅིག་ཙམ་ཡིན་ཡང་ལྷག་ཐབས་ལ་འབད་ངེས་ཡིན། གནས་ལུགས་འདི་ང་ཚོར་མཚོན་ན་ཡང་གཅིག་པ་རེད། ཁ་ཤས་ཤིག་སྐུ་གཤེགས་པ་ན་ད་མང་པོ་ཞིག་འཆི་དགོས་པར་བསམ་པ་འདི་ལམ་ནོར་རེད། བོད་མི་རིགས་འདི་ཤི་བ་མང་མེད་ན་ཉུང་མེད། རང་སྲུང་གཙོ་བོར་འཛིན་དགོས། གསོན་ནས་བྱས་རྗེས་འཇོག་ཐབས་གཙོ་བོར་འཛིན་དགོས། གཙོ་ཕལ་གྱི་ཁྱད་པར་ཤེས་དགོས། དེ་བས་སྐུ་གཤེགས་དམ་པ་ཚོས་གལ་ཏེ་དྲག་སྤྱོད་གནང་ཡོད་ན་དེ་ལས་ལྷག་ཚུལ་གྱི་སྐད་ཆ་འདྲ་བོ་མ་བཤད་རོགས། དེ་ལས་སོ་སོས་ཅི་བྱེད་ནུས་ན་གནང་རོགས། དགག་བྱ་མེད་ལ་བཀག་ཀྱང་མི་ཁོག

ཁ་སང་དེ་རིང་བོད་ནང་མེར་བསྲེགས་བྱུང་བ་དང་། མེར་བསྲེགས་ཟིན་པའི་ཕུང་པོའི་པར་རིས་བཅས་བོད་མི་ཚོའི་མིག་ལམ་དུ་མངོན་ཡོང་སྐབས། བོད་ཀྱི་མི་རབས་གསར་བ་ཚོར་ཧ་ལས་ཤིང་ཧོན་འཐོར་གྱི་ཡོད། དེ་འཐོར་ན་ཆོག་གི་འདུག ཡིན་ནའང་། རྒྱ་ནག་གཞུང་གིས་ལས་འགུལ་དེ་སྤྱི་ཚོགས་བདེ་འཇགས་གཏོར་བཤིག་མཁན་དུ་བསྒྲགས་ནས་མེ་མདའ་རྒྱབ་ཡོང་སྐབས། རྦད་དེ་ཧ་ལས་ཤིང་ཧོན་འཐོར་གྱི་ཡོད། ཧ་ལས་སྟངས་གོང་འོག་གཉིས་ཀར་མི་འདྲ་ས་ཡོད་ནའང་། མདོ་དོན་ཆབ་སྲིད་འཐབ་རྩོད་སྤྱི་དང་། མིའི་རིགས་ཀྱི་ལོ་རྒྱུས། ཡང་ན་དེ་རིང་སང་ཉིན་གྱི་རྒྱ་བོད་འབྲེལ་བའི་གནས་བབ་ལ་བསམ་ཤེས་ཅུང་ཙམ་ཡོད་ཚེ། གནད་དོན་འདི་དག་ལྷག་སྐབས་དེ་ལ་ངང་རིང་དང་བབ་བརླིང་གི་གྲྭ་སྒྲིག་ཅིག་དང་། མ་མཐར་རང་གི་ཤེད་ཤུགས་རང་ཉིད་ལ་ཧ་ཅང་གསལ་བོ་ཡིན་པའི་ཐོག་ནས་འདི་དང་གན་བྱེད་དགོས་ཀྱི་རེད་བསམས་པ་ཞིག་བློར་སྐྱེ་ངེས་རེད།
ཡིན་ནའང་། བསམ་བློ་གློ་བུར་བ་དང་ཆབ་སྲིད་ཀྱི་འཁྲུག་ཆེན་ནང་ཞུགས་མ་མྱོང་མཁན་ཞིག་ཡིན་ན་འདི་ལྟར་ད་དྲག་སྤྱོད་པའི་ལས་ཤིག་གཉེར་ན་ཡག་པོ་མི་འགྲོ་བསམ་པ་ནི་ཆོས་ཉིད་རེད། འོན་ཀྱང་སྐབས་འདིར་ཕ་ཡུལ་དུ་ནོར་རྫི་ཡིན་པའི་གྲོགས་པ་དེ་དྲན་སོང་། ཁོར་ངས་ཁ་པར་གཏོང་སྟངས་རེར། ཁོང་གིས་བོད་མི་རིགས་དང་རྒྱལ་དབང་ཚང་གི་སྐོར་ལ་ཅིག་ཤེས་ཨེ་ཐུབ་ལྟ་གྱིན་ཡོད། ཉེ་སྔོན་རྔ་བའི་གནས་ཚུལ་ཁོང་གིས་གོ་འདུག ངས་སྐབས་དེར་ཁོང་ལ་བསམ་ཚུལ་དྲིས་པ་ཡིན། ཁོང་གིས་ཅང་དྲན་གྱི་མི་འདུག་སྟེ། འདི་ལྟར་དྲག་གནོན་བྱས་ན་མེ་མདའ་ལག་པ་འཆང་ཉན་འདོད་ཀི་ཞེས་བཤད་སོང་། ཁོང་ལ་ཅི་ཁག སྤྱིར་རྒྱབ་ལྗོངས་ཀྱི་གནས་བབ་གསན་རྒྱུའི་མཐུན་རྐྱེན་གང་ཡང་མེད། ཁོང་གིས་ཟོག་རྫི་ནས་མེ་མདའ་རྒྱག་རྒྱུ་དྲན་པ་རེད། ཡིན་ནའང་། བཙན་བྱོལ་ནང་ཅུང་ཕར་ཁ་ཚུར་ཁ་ཐོས་རྒྱུའི་གོ་སྐབས་ཡོད་མཁན་ཞིག་ལའང་། དེ་རིང་ཛ་དྲག་གི་སྐབས་སུ་དྲག་ལས་དེ་དག་བྱ་རྒྱུའི་བསམ་བློ་འཁོར་བ་རེད། བསམ་བློ་འཁོར་ཆོག་གི་རེད། ཡིན་ནའང་། བོད་ནང་གི་ཟོག་རྫི་ཞིག་དང་བཙན་བྱོལ་ནང་གི་སློབ་མ་ཞིག་ཛ་དྲག་གི་སྐབས་ཀླད་པའི་ལས་ཀ་གཅིག་པ་ཆགས་འདི་ཅུང་ཡ་མཚན་ཞིག་རེད།
དེ་མིན་ཅང་ཞུ་རྒྱུ་མི་འདུག བསམ་ཚུལ་ག་རེ་ཡོད་ན་བཏོན་རྒྱུའི་རང་དབང་ཡོད་པ་རེད།

ཡང་གཅིག་བཤད་ན་འདི་ནི་ཞུ་བར་གཤེགས་མཁན་ཚོར་འཁང་ར་དང་ཟུར་བཟའ་གང་ཡང་མ་རེད། འཐབ་རྩོད་ཀྱི་གཞུང་ལུགས་ན་འདི་ལྟར་བཤད་ཚུལ་ཡོད་པའི་གསལ་འདེབས་ཙམ་རེད། མི་ཤེས་ན་མ་བཤད་་་་་་ཨ་ཁུ་ལོ་ལོ་ཆ་བོ་་་་

ང་ཚོས་དམག་འཐབ་བྱས་ནས་རྒྱལ་ཕམ་རྩོད་རྒྱུ་ཞིག་རྨི་ལམ་ནང་ན་མ་གཏོགས་མེད། ད་འཇིགས་སྐུལ་རིང་ལུགས་པའི་རྗེས་འཇུག་བྱེད་དགོས་ཟེར་བ་རེད་ལ། དེ་ཡང་བོད་ནང་ནས་སྐུ་གཤེགས་དང་གཤེགས་རྒྱུ་ཡིན་པ་དེ་ཚོར་དྲག་པོའི་ངོ་རྒོལ་བྱེད་འོས་པའི་གསལ་འདེབས་བྱེད་ཀྱིན་ཡོད་པ་རེད། དེ་འོས་པ་ཞིག་རེད་དམ།

མི་ཆུང་གིས་མི་ཆེན་སྐད་ཆ་གནད་འགག་ཅན་གསུང་འདུག སྤྲ་རིགས་ཐོགས་མེད་ལགས་ང་ཚོས་འདས་པའི་ལོ་ལྔ་བཅུའི་ནང་དུ་བོད་དོན་རྩོད་པ་འདི་འཚེ་མེད་ཞི་བ་ཁོ་ནའི་ལམ་ནས་ཕྱིན་པ་རེད།

དེར་འཛམ་གླིང་རྒྱལ་སྤྱིའི་སྟེང་དུའང་བོད་དང་བོད་ཀྱི་སྐྱབས་མགོན་ཏྰ་ལའི་བླ་མའི་མཛན་སྙན་གང་སར་ཡར་ངོའི་ཟླ་ལྟར་རྒྱས་ཐུབ་པ་བྱུང་བ་རེད། གལ་སྲིད་ང་ཚོས་དྲག་པོའི་ལམ་ནས་རྩོད་ནའང་འགྲིག་པ་རེད། ཡིན་ནའང་བསམ་བློ་གཏོང་དང་། ང་ཚོ་བཙན་བྱོལ་བའི་ནང་ནང་དུ་ཆ་བཞག་ན་མི་འབོར་འབུམ་གཅིག་ཁྲི་ལྷག་ཙམ་ལས་མེད།

མི་འབུམ་གཅིག་དང་ཁྲི་ལྔའི་ནང་དུ་ལོ་ན་རྒས་པའི་མི་རྒན་ག་ཚོད་ཙམ་ཞིག་ཡོད། དེ་ནས་ལོ་ན་ཆུང་བའི་བྱིས་པ་ག་ཚོད་ཙམ་ཞིག་ཡོད། དེ་མིན་སློབ་ལོ་སོན་པའི་སློབ་ཕྲུག་ག་ཚོད་གཅིག་ཡོད། དེ་ནས་དབང་པོ་སྐྱོན་ཅན་ནད་པ་ཇི་ཙམ་ཡོད། ད་དུང་བུད་མེད་ཀྱི་གྲངས་ཀ་ག་ཚོད་ཙམ་ཞིག་ཡོད།

རྒན་ཁོག་དང་གཅིག བྱིས་པ་དང་གཉིས། སློབ་ཕྲུག་དང་གསུམ། ནད་པ་དང་དབང་སྐྱོན་ཅན་བཞི། བུད་མེད་དང་བཞི་བཅས་ཀྱི་མི་དམངས་འདི་དག་གིས་གཡུལ་སར་དྲག་པོའི་དམག་འཐབ་ལ་བཞུགས་ཐབས་བྲལ་བ་ཞིག་རེད།

དེ་ནས་གོང་གི་མི་འབོར་འདི་དག་ལས་ལྷག་མ་ལུས་པའི་དར་མའི་ཕོ་གསར་བཏང་འགྲོ་བཞག་ཕོད་ཅན་གྱི་མི་གྲངས་ག་ཚོད་ཙམ་ཞིག་ཡོད་དམ། ཕོ་གསར་དར་མ་འདི་ལའང་དམག་སྦྱོང་གི་སྦྱོང་བརྡར་ཞི་ཙམ་ཡོད། སློབ་སྦྱོང་གི་ཆ་ནས་འཕྲུལ་ཆས་དང་གོ་མཚོན་གང་བྱུང་བེད་སྤྱོད་གཏོང་ཤེས་པའི་ཚད་ལྡན་གྱི་ཤེས་བྱ་ཡོད་དམ་མེད། གལ་སྲིད་ཡོད་པའི་དབང་དུ་བཏང་ཡང་གོ་མཚོན་སུས་མཁོ་སྤྲོད་བྱེད་ཀྱི་རེད།

གོ་མཚོན་ཚད་ལྡན་རག་པའི་དབང་དུ་བཏང་ཡང་ས་ཆ་གང་ནས་དྲག་པོའི་དམག་འཁྲུགས་བསླང་ཐུབ་བམ། ང་ཚོ་ནི་ས་སྦ་ར་གང་མེད་པའི་རྒྱ་བལ་འབྲུག་གསུམ་དང་ཕྱི་རྒྱལ་ཁག་ཏུ་གནས་ཚང་གཡར་ནས་སྡོད་བཞིན་པ་རེད།

ད་དུང་བཙན་བྱོལ་ནང་དུ་གྲྭ་བཚུན་ག་ཚོད་ཙམ་ཡོད་དམ། ཁོང་ཚོ་མང་ཆེ་བ་ནི་འཚེ་མེད་ཞི་བའི་ནང་ཆོས་ཉམས་ལེན་བྱེད་མཁན་ཡིན་སྟབས། གལ་སྲིད་དྲག་པོའི་ལམ་ནས་འགྲོ་ན་གྲྭ་བཙུན་ཚོས་དེའི་ནང་དུ་མཉམ་བཞུགས་ག་ཚོད་ཙམ་བྱེད་ཀྱིན་རེད།

དྲག་པོའི་ལམ་ནས་འཐབ་རྩོད་བྱེད་པར་ཕྱོགས་གང་ས་ན་ཆ་རྐྱེན་གཅིག་འཛོམས་མེད་ཅེས་བརྗོད་ན་འང་མ་འགྲིག་པ་མེད། ཡིན་ནའང་རྒྱ་ནག་ལ་དམག་མི་ས་ཡ་མང་པོ་ཡོད། དམག་མི་ཚོར་འཕྲུལ་ཆས་དང་གོ་མཚོན་རིགས་བེད་སྤྱོད་བྱེད་ཐུབ་པའི་སྦྱོང་བརྡར་ཆ་ཚང་བ་ཡོད། ས་དམག་དང་། གནམ་དམག ཆུ་དམག་སོགས་ཐམས་ཅད་ཡོད། ས་ཆ་ཡང་སོ་སོའི་ལག་ཏུ་ཡོད།

བོད་ཀྱི་ནང་དུ་བོད་མི་ཚོར་མེ་མདའ་ཆུང་ཆུང་ཞིག་ཀྱང་མེད་ལ། གོ་མཚོན་གཞན་གང་ནས་ཡོང། ཡོད་ཀྱང་བེད་སྤྱོད་གཏོང་ཤེས་མཁན་གཅིག་མེད། ད་དུང་སྦྱོང་བརྡར་རིགས་གཅིག་ཀྱང་ཤེས་ཀྱི་མེད།

མིག་ལོང་སྤར་ཇུས་ལྟ་བུའི་ངང་ནས་དྲག་པོའི་ལམ་དུ་འགྲོ་ན་ཤི་བ་ལས་གཞན་ཅི་ཡང་མེད། དེར་བརྟེན་ང་ཚོར་དྲག་པོའི་ལམ་ནས་འཐབ་རྩོད་བྱེད་པའི་ནུས་པ་ཞིག་འདུག་གམ། བསམ་བློ་གཏོང་དགོས།

རྒྱ་མིས་ཐོས་ན་ཁྲེགས་གོད་ཤོར། ཕྱི་མིས་ཐོས་ན་གད་མོ་ཤོར། བོད་པས་ཐོས་ན་སྐྱི་ཡ་ཞིང་། རང་གིས་བསམ་ན་ངུ་ཡང་ཤོར་བའི་ངང་ཚུལ་ཙམ་ལས་གཞན་ཅི་བྱེད་ཐུབ་བམ།

ད་མང་པོ་མི་བཤད། དྲག་པོའི་མཇུག་འབྲས་ནི་ཧ་ཅང་གི་ཚབས་ཆེན་ཞིག་ཡིན་པ་སུས་ཀྱང་འགྲེལ་བྱེད་མ་དགོས་ཀྱང་། སྐབས་འདིར་དགོས་དབང་གིས་སྦྲ་རིགས་ཐོགས་མེད་གཙོས་དྲག་པོ་བྱེད་མི་རྣམས་ཀྱིས་བྱེད་སྟངས་བྱེད་ལུགས་ཤིག་ཤོད་དང་།

༡ མི་ཇི་ཙམ་ཡོད།
༢ གོ་མཚོན་སུས་མཁོ་སྒྲུབ་བྱེད།
༣ ས་ཆ་གང་དུ།
༤ རྒྱབ་གནོན་སུས་བྱེད།
༥ དུས་ནམ་ཞིག་བར།
༦ རེ་བ་ཇི་ཙམ་ཡོད།

ངོ་མ་སྐད་ཆ་འདི་ཀོ་ནི་ལྷག་བསམ་ཚེ་རིང་ལྟར་སེམས་ཤུགས་ཙམ་ལས། བོད་ཀྱི་ས་ཁམས་དང་མི་འབོར། རྒྱབ་རྩ་དང་དཔལ་འབྱོར། ཤེས་ཡོན་དང་མིའི་རང་གཤིས་གང་དུ་ཡང་བསམ་བློ་ཞིབ་པར་མ་བཏང་བའི་ནོར་འཁྲུལ་ཚབས་ཆེན་ཞིག་རེད།

ཨ་རིས་དེ་སྔོན་ལོ་རབས་ལྔ་ཅུ་དྲུག་ཅུའི་ནང་བོད་དུ་འཁྱུག་ཙམ་རོགས་པ་བྱས་པ་རེད། དེ་ནི་ཨ་རི་རང་ཉིད་ཀྱི་ཁེ་ཕན་འབའ་ཞིག་གི་ཆེད་དུ་རེད། རང་ཉིད་ཀྱིས་ཁེ་ཕན་སྒྲུབ་པའི་ནུས་པ་ཤོར་བ་དང་དུས་མཚུངས་རྒྱབ་སྐྱོར་བཅད་པ་རེད།

དེང་ཁ་ཆེའི་རྒྱལ་ཁབ་ཚོས་དྲག་པོའི་འཐབ་རྩོད་བྱེད་ཀྱི་ཡོད། ཁོང་ཚོར་མི་འབོར་ཡོད་ལ། བསམ་བློའི་ལྟ་ཚུལ་ཡོད། དེ་མིན་གཙོ་བོ་རྒྱལ་ཁབ་གཡས་གཡོན་གྱི་ཁ་ཆེའི་རྒྱལ་ཁབ་དང་མི་དམངས་ས་ཡ་མང་པོས་རྒྱབ་སྣོན་བྱེད་ཀྱི་ཡོད།

” གལ་སྲིད་རང་ཉིད་མཆོད་མེ་རུ་སྤར་ནས་བདེན་དོན་རྩོད་གནང་མཁན་བོད་ཀྱི་དཔའ་རྒོད་ཉི་ཤུ་ལྷག་དེས་བོད་ཀྱི་ས་ཁུལ་གང་སར་རྒྱ་གཞུང་གི་མི་སེར་སྤེལ་བའི་ལས་འགུལ་དང་གཏེར་ཁ་བསྔོག་འདོན་ཆེད་དུ་འཛུགས་བསྐྲུན་བྱས་པའི་མེ་འཁོར་ལྕགས་ལམ་དང་བཟོ་གྲྭ་ཁག་ཉི་ཤུ་ལྷག་ལ་གཏོར་རྒོལ་བྱས་པ་ཡིན་ན།”
གོང་གི་སྐད་ཆ་འདིས་ཆེས་རླབས་ཆེན་གྱི་སྐུ་གཤེགས་དམ་པ་ཚོར་ཟུར་ཟ་བྱས་འདུག་པ་ཞིག་ཏུ་མཐོང་སོང།
འདིར་ནན་གྱིས་ཞུ་བ་བྱེད་འདོད་པ་ཞིག་ཡོད་པ་ནི། གུས་ཀྱེ། ཨ་ཁུ་ལོ་ལོ་ཆ་བོ། ཁྱེད་རང་ཚོ་དྲག་འཐབ་བྱེད་འདོད་མཁན་དང་ཐུབ་མཁན་ཚོས་སོ་སོ་རང་གིས་བྱེད་མ་ཐུབ་ན་ཡང་འཚེ་མེད་ཞི་བར་གཤེགས་མཁན་དམ་པ་རྣམ་པར་འཁང་ར་དང་ཟུར་ཟ་མ་གནང་རོགས། ཁོང་རྣམ་པས་གང་གནང་བ་དེ་བླ་ན་མེད་པའི་མཛད་རྗེས་ཤིག་རེད། གལ་ཏེ་ཁོང་རྣམ་པས་ཁྱོད་རང་ཚོའི་འདོད་པ་བཞིན་གྱི་འཇིགས་སྐུལ་བྱས་ཡོད་ན་ད་ལྟ་ཁོང་ཅག་གིས་གཙོས་ང་ཚོའི་གཟི་བརྗིད་ལྡན་པའི་མཚན་མཐོང་ས་ལ་བསྲེས་པར་མ་ཟད་རྒྱ་གཞུང་གིས་འཇིགས་སྐུལ་པར་ཁ་གཡར་ནས་བོད་མི་ཅི་ཙམ་ཞིག་དམར་གསོད་བྱས་ཡོད་མིན་ལ་བསམ་བློ་རེ་འཁོར་ཐུབ་བམ། ཅི་འདྲའི་་་་་

བོད་ཁ་ཅིག་གིས།
་་་་། ལི་བྷི་ཡའི་མེ་མདའ་དང་སྒྱོགས་མདེལ་བཀོལ་ནས་རང་དབང་འཐབ་རྩོད་ཀྱི་དཔའ་དར་ལེན་ཆོག་ན། བོད་མི་དག་གིས་ཀྱང་རང་ཉིད་ཀྱི་ཕ་ས་ཕ་ཡུལ་གྱི་ཆེད་དུ་ཞི་དྲག་ཟུང་འབྲེལ་གྱི་ལས་འགུལ་ཅི་ལ་སྤེལ་མི་ཆོག་གམ། ཟེར།