གསེར་རྟར་བོད་མི་ ༣ གྱིས་རང་ལུས་མེར་བསྲེཊ།

ཆོས་རྒྱལ་གདུང་བརྒྱུད་མཐའ་ལ་མ་སྟོང་སྔོན།།
བོད་ལྗོངས་ཆབ་སྲིད་མངའ་དབང་དཔལ་རྫོགས་ཡོད།།
བལྟད་ངན་ཆོས་སྲིད་ར་མ་ལུག་ཟུང་འོག།
བོད་ཕམ་རྒྱ་རྒྱལ་ཡ་ངའི་གནས་སྟངས་ཤར།།

འདི་དག་རང་སྡུག་རང་གིས་མྱོས་པ་ལས།།
མཐའ་གཅིག་རྒྱ་ལ་དམོད་པའང་མི་རིགས་ཏེ།།
ད་ནས་སྲིད་དབང་དམངས་ལ་ཐོབ་པ་དེ།།
བོད་ལྗོངས་རིམ་བཞིན་དར་བའི་སྔ་བལྟས་ལགས།

ད་ལྟའི་སྐབས་སུ་རང་ཉིད་ཉམ་ཆུང་གི།
གནས་བབ་འདི་ལ་གཅེས་སྤྲད་ལེགས་བསམ་ནས།།
སྲིད་དཔལ་རིག་ཆོས་ཆབ་དམངས་རྒྱ་བསྐྱེད་ན།།
མ་འོངས་ལོ་བརྒྱ་དང་ཉིས་བརྒྱའི་མཚམས།།
གཞི་ནས་བོད་དར་མཁའ་ལ་བསྒྲེངས་ཐུབ་སྙནམ།།

འོན་ཆབ་དམངས་ཉུང་ན་བྱེད་ཐབས་མེད།།
ཆེན་པོ་རྒྱ་ལྟར་མི་འབོར་མ་བྱུང་ནའང་།།
གང་མཚམས་ཆབ་དམངས་དུང་ཕྱུར་གཅིག་གཉིས་དགོས།།
དེ་འདྲ་བྱུང་ན་གཞི་ནས་སླར་གསོ་ཐུབ།།

ད་མི་མི་རྒོད་ཆགས་འདི་རྣམས་ཀྱང་།།
གཅིག་ནས་བསམས་ན་ཆོ་མེད་སྡུག་སྒྱོང་རེད།།
གཞན་ནས་བསམས་ན་དེ་ཡང་བརྒྱུད་གཅིག།
རིམ་བཞིན་བརྒྱུད་དེ་བོད་འབངས་དར་བར་ངེས།།

འཚེ་བ་མེད་པ་ནང་པ་སངས་རྒྱས་སྤྱོད་པ་ཡིན་ན། རྟེན་ཅིང་འབྲེལ་འབྱུང་ནང་པ་སངས་རྒྱས་པའི་ལྟ་བ་ཡིན་ན། བོད་མི་ནང་པ་སངས་རྒྱས་པའི་རིགས་གནས་ཡིན་ན། རང་སྲོག་རང་གིས་གཅོད་པ་ནི་འཚེ་བའི་ཐ་ཐུགས་ཡིན་པས། ཐབས་ལམ་གཞན་ཞིག་འཚོལ་རོགས། བོད་མི་རྣམས། སྤུན་ཟླ་ཚོ།

ཁྱེད་ཅག་གི་སྙིང་སྟོབས་དང་ལྷག་བསམ་མི་རིགས་ལ་ཆགས་པའི་ཞེ་ཁོག་དབྱར་ཀའི་མེ་ཏོག་དེ་སྟོན་ཁ་སེར་གྱིས་བཅོམ་པ་རེད། ཨེ་ཤེས་བོད་མི་ཚོ་ད་ང་ཚོས་སྡུག་བསྔལ་གང་འདྲ་བྱས་བྱེད་དགོས་སོ།

མཐོ་སྒང་གི་དཔའ་འོ་ཁྱོད་ཀྱི་སྙིང་སྟོབས་ནི་སུ་ཞིག་གིས་འགྲན་ཐབས་མེད་
ཁྱོད་ཀྱི་ལེགས་སྐྱེས་ནི་སྲིད་གསུམ་འགྲོ་བའི་མགོན་སྐྱབས་ཡིན།
གུས་པས་ཐོག་པ་ས་ལ་ཏུག་ནས་ཁྱོད་ལ་གུས་འདུད་ཞུ།
གུས་པའི་མི་ཚེ་ལྷག་མ་ཡོངས་རྗོགས་ཁྱོད་མིག་དཔེ་ལྟ།
ཁྱོད་ཀྱི་གཟུགས་པོ་ས་ལ་ལྷུང་ཀྱང་།
རྣམ་ཤེས་འཛམ་གླིང་ལ་ཁྱབ་ཡོད།
སྤུན་ཟླ་ལ་ཁྱོད་ནི་ང་ཚོའི་རྣམ་ཤེས་སྲོན་པོ་དང་མི་ཚེ་ཡི་རིན་ཐང་ཡིན།།

དཔའ་རྒོད་ཚོ་ཁྱེད་ཚོས་འདི་ལྟར་བོད་མི་རིགས་ཀྱི་ཆེད་དུ་རང་ལུས་མེ་བསྲེགས་གནང་ཡོད་འདིའི་ང་ཚོ་ཡུལ་གྱིར་བ་ཚོ་སྙིས་ངོ་ཚ་ཁ་སྐྱེངས་དགོས་པ་ཞིག་རེད།   ཁྱེད་ཚོས་འོད་སྟོང་ལྡན་རླབས་ཆེན་གྱི་བྱས་རྗེས་ལ་སྙིང་ཁུངས་རུས་པའི་སྟེངས་ནས་གུས་ཞབས་དང་ཡི་རིང་ཡོད་འདི་ལྟར་དཔའ་རྒོད་ཚོ་གཅིག་གཅིག་གཉིས་གཉིས་བཞིན་ཚར་སོང་ན་ད་ཕངས་སེམས་མི་སྐྱེ་མཁན་ཞིག་ཡོད་དམ།  སྤུན་ཟླ་ཚོ་ཁྱེད་ཚོས་རྒྱབ་ཏུ་བོད་མི་ས་ཡ་དྲུག་གི་མྱ་ངན་བྱེད་ཀྱི་ཡོད།

ངོ་མ་ཁྱེད་ཚོ་ནི་ས་ཆེན་པོའི་རྩེ་ཐོག་གི་དཔའ་བོ་འཁྲུལ་མེད་ཡིན་ལ། ཚེ་སྲོག་འདྲ་མཉམ་དུ་ལྟ་བའི་མིའི་རིགས་ཀྱི་དཔའ་བོའི་ཡང་རྩེ་ཡང་ཡིན། ཁྱེད་ཅག་གི་སྙིང་སྟོབས་དང་སྤོབས་པ་དེས་ངོ་མ་མཐའ་མི་མངོན་པའི་གནས་ལུགས་དང་རྒྱུ་མཚན་གྱིས་ཕྱུགས་པའི་དག་ཞིང་ཞིག་ལ་ཕྱག་གཡུག་བྱེད་ཀྱིན་འདུག་ལ། གོ་ལ་འདི་ང་ཚོ་ཐུན་མོང་གི་ཁྱིམ་གཞི་ཡིན་པའི་གནས་ལུགས་ཤིག་ཚེ་སྲོག་གིས་འབོད་ཀྱིན་འདུག་པས། ཁྱེད་ཚོ་ནི་བདག་གི་ཁོག་པའི་སྙིང་ཟེར་ན་ཁྱེད་ཚོ་ཡིན་ལ། དཔྲལ་བའི་མིག་ཟེར་ནའང་ཁྱེད་ཚོ་ཡིན་པས། ད་ལྟ་ངོ་མ་གསར་འགྱུར་འདི་དག་གཅིག་རྗེས་གཉིས་མཐུད་དུ་དྲ་ལམ་ཁག་ནས་མངོན་ཡོང་དུས། དཔྲལ་བའི་མིག་དང་ཁོག་པའི་སྙིང་ཡང་བཏོན་སོང་བའི་སྣང་བ་ཞིག་སྟེར་འོང་གིན་འདུག ཡིན་ནའང་། སྟག་ཤར་ར་ཞིག་གི་རང་ཚུགས་ཡོད་པའི་ཁུལ་གྱིས་ཅུང་སྣང་བ་མཐོན་པོ་བྱས་ནས་བསྡད་ཡོད།