མདུན་ངོས།
About Us
  • English
Advertisement
བོད་ཀྱི་དུས་བབ།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
    • གླ་ཡོད་རིན་གོང་།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese
No Result
ཆ་ཚང་གཟིགས།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
    • གླ་ཡོད་རིན་གོང་།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese
No Result
ཆ་ཚང་གཟིགས།
བོད་ཀྱི་དུས་བབ།
English
No Result
ཆ་ཚང་གཟིགས།

ཏཱ་ལའི་བླ་མ་འདས་རྗེས་ཀྱི་བྲོ་བ་རྒྱ་ནག་གིས་མྱོང་གི་ཡོད།

བོད་ཀྱི་དུས་བབ།
༢༠༡༢/༠༢/༠༧
Share on FacebookShare on TwitterShare on EmailShare on Whatsapp

ཏཱ་ལའི་བླ་མ་འདས་རྗེས་ཀྱི་ལྷིང་འཇགས་བྲོ་བ་རྒྱ་ནག་གིས་མྱོང་གི་ཡོད།

མཱར་ཊེ་ན་(Michael Martina)དང་རཱོ་ཌི་(Brian Rhoads)གཉིས་ཀྱིས་བརྩམས། འཕྲིན་ལས་རྒྱ་མཚོས་བསྒྱུར།

འདས་པའི་ལོ་ངོ་འདི་དག་གི་རིང་ལ་རྒྱ་ནག་གིས་ཏཱ་ལའི་བླ་མ་ནི་གྲྭ་ཆས་གྱོན་པའི་སྤྱང་ཀི་ཞིག་དང་། ཁ་བྲལ་ལས་དོན་སྤེལ་བའི་ཟློས་གར་འཁྲབ་འཁྲིད་པ། ད་དུང་ཉེ་བའི་ཆར་བོད་མི་ཚོས་རང་ལུས་མེར་བསྲེགས་བཏང་བ་དང་། དེ་མིན་གྱི་ངོ་རྒོལ་ལས་འགུལ་རིགས་ལ་སྐུལ་འདེད་གཏོང་མཁན་དང་ལོག་ཇུས་འདིང་མཁན་ཡིན་པའི་སྐྱོན་བརྗོད་དང་ཁ་རྡུང་བཏང་ཡོད།

ཡིན་ནའང་། ཏཱ་ལའི་བླ་མའི་དགོངས་པ་གཞན་དོན་དུ་གཤེགས་རྗེས་རྒྱ་གཞུང་གི་ལྟ་བ་མཁྲེགས་པོ་ཅན་གྱི་མགོ་ཁྲིད་ཚོར་ཁོང་དྲན་པའི་རྒྱུ་མཚན་ཞིག་འབྱུང་སྲིད། ལོ་ན་རྒས་པའི་ཆོས་ཀྱི་དབུ་ཁྲིད་འདི་ཉིད་བཞུགས་པའི་བཀའ་དྲིན་དང་ཁོང་གི་འཚེ་བ་མེད་པའི་ལམ་སྟོན་འོག་ད་ལྟའི་བར་དུ་ཟིང་འཁྲུག་གི་མགོ་མནན་ཡོད་མོད། ནམ་ཞིག་ཁོང་མ་བཞུགས་པའི་ཉིན་མོར་དེ་མ་ཐག་གནས་སྟངས་རྣམས་ཇེ་སྡུག་ཏུ་འགྲོ་སྲིད། འདི་ལོའི་སྤྱི་ཟླ་དང་པོར་སི་ཁྲོན་ཞིང་ཆེན་འོག་གི་བོད་མིའི་ས་ཁུལ་དུ་ངོ་རྒོལ་སྐད་འབོད་བྱུང་པ་ནི་འདས་ལོའི་ནང་དུ་གྲྭ་བ་དང་བཙུན་མ་གཙོ་བྱས་པའི་བོད་མི་བཅུ་དྲུག་གིས་རང་ལུས་མེར་བསྲེགས་བཏང་སྟེ། ཕྱི་ལོགས་སུ་བཞུགས་པའི་ཏཱ་ལའི་བླ་མ་བོད་དུ་གདན་འདྲེན་ཞུ་དགོས་པ་དང་བོད་ལ་རང་དབང་དགོས་པའི་ངོ་རྒོལ་མཇུག་སྐྱོང་བྱས་ཡོད།  

རྒྱ་ནག་གིས་རང་ལུས་མེར་བསྲེགས་གཏོང་མཁན་ཚོར་འཇིགས་སྐུལ་དྲག་སྤྱོད་རིང་ལུགས་པའི་མིང་བཏགས་ཡོད་པ་མ་ཟད། དེ་མཚུངས་སུ་གཟའ་ལྷག་པའི་ཉིན་རྒྱ་གཞུང་གིས་ཁ་བྲལ་པའི་དཔུང་ཚོགས་ཀྱིས་མིའི་བར་ལ་ཞེ་འཁོན་སློང་བཞིན་ཡོད་པ་དང་། རྒྱ་ནག་གི་དམག་དཔུང་གིས་མགོན་གནོན་བྱས་པའི་ངོ་རྒོལ་དག་ཀྱང་ཁ་བྲལ་བ་ཚོས་ངན་སྐུལ་བྱས་ཞིག་རེད་ཅེས་ཁ་རྡུང་བཏང་ཡོད།

སྔོན་མ་སྐབས་ཤིག་ལ་ཞི་བདེ་ལྷིང་འཇགས་ཡིན་པའི་བོད་ཡུལ་མཐོ་སྒང་དུ་ངོ་རྒོལ་སྐད་འབོད་བྱུང་ཞིང་། རྒྱ་ནག་དང་བཙན་བྱོལ་བོད་གཞུང་གཉིས་བར་གྲོས་མོལ་གྱི་རེ་བ་ཇེ་ཕྲ་རུ་ཕྱིན་པ་དང་ལྷན་དུ། ཏཱ་ལའི་བླ་མའི་དགོངས་པ་གཞན་དོན་དུ་གཤེགས་པའི་ཉིན་དྲག་པོའི་ལས་འགུལ་འབྱུང་བའི་སེམས་ཁྲལ་ཆེ་རུ་འགྲོ་བཞིན་ཡོད། གལ་ཏེ་འགྱུར་བ་གང་ཡང་མ་ཕྱིན་ཚེ་རྒྱ་ནག་གིས་མུ་མཐུད་དུ་དྲག་པོའི་ཐབས་ལམ་ལ་བརྟེན་ངེས་ཡིན།

ཐའེ་ཝན་དུ་བཞུགས་པའི་ཏཱ་ལའི་བླ་མའི་ཚ་བོ་དོན་འགྲུབ་ལགས་ཀྱིས་བཤད་རྒྱུར། “ད་ལྟ་ལྟ་བ་དང་གནས་བབ་མཁྲེགས་པོ་ཆགས་ཚར་པ་རེད།” ཅེས་དང་། “ སྤྱིར་བཏང་ཏཱ་ལའི་བླ་མའི་འཚེ་མེད་ཞི་བའི་ལམ་སྟོན་གྱིས་བོད་ཀྱི་གཞོན་སྐྱེས་རྣམས་ཞི་འཇམ་དུ་གནས་སུ་འཇུག་ཐུབ་ཡོད”  དོན་གྲུབ་ལགས་ནི་བཙན་བྱོལ་གཞུང་གི་ཚོགས་མི་ཟུར་བ་ཞིག་ཡིན་པ་དང་གཞུང་འབྲེལ་གྲོས་མོལ་གྱི་ཆེད་དུ་རྒྱ་ནག་ལ་ཐེངས་བཅོ་ལྔ་ཙམ་འགྲོ་མྱོང་མོད། དེའི་རྗེས་སུ་གྲོས་མོལ་ལ་དོན་ཕན་མ་བྱུང་བར་མཚམས་ཆད་པ་རེད།

དོན་འགྲུབ་ལགས་ཀྱིས་བཤད་པ་ལྟར་ན། དགུང་ལོ་ ༧༦ ལོ་སོན་པའི་གྲྭ་བ་ཁོང་གི་སྐུ་གཟུགས་བདེ་ཐང་ཡིན་པ་མ་ཟད། ཁོང་གིས་ཉིན་ལྟར་རྒྱུག་རྩལ་འཕྲུལ་ཆས་སྤྱད་དེ་ལུས་རྩལ་སྦྱོང་པ་དང་སྨན་པ་ཡང་ལག་ཐོག་ཏུ་ཡོད་ཟེར། ཉེ་ཆར་ལྡི་ལི་གསར་པར་ཁོང་གི་མིག་ལ་གཤག་བཅོས་ཕྲན་བུ་བྱས་ཡོད་ན་ཡང་ད་དུང་ལོ་ཉི་ཤུ་ལྷག་ལ་བཞུགས་པའི་རེ་བ་རྒྱག་གི་ཡོད། དོན་འགྲུབ་ལགས་ཀྱིས། “༧གོང་ས་མཆོག་ཇི་སྲིད་འཚོ་བའི་བར་དུ་ང་ཚོ་འཚེ་མེད་ཞི་བ་ཡིན་ལ་ཚང་མས་ཁོང་གི་དགོངས་ཚུལ་ལ་བརྩི་བཀུར་བྱེད། གལ་ཏེ་༧གོང་ས་མཆོག་གློ་བུར་དུ་མ་བཞུགས་པའི་གནས་ཚུལ་བྱུང་ན་རྒྱ་ནག་གཞུང་ལ་དཀའ་ངལ་ལྷག་མ་མང་པོ་ཞིག་འཕྲད་ངེས་ཡིན།” ཟེར།

འབྱུར་འགྱུར་གྱི་བྲོ་བ་ཞིག

ཉེ་བའི་ཆར་རྒྱ་གཞུང་གིས་བོད་ཐོག་ལག་བསྟར་བྱས་པའི་དྲག་སྤྱོད་དེ་ནི་ ༢༠༠༨ ལོར་རྒྱ་ནག་གིས་བོད་ཀྱི་ས་ཁུལ་དག་ཏུ་ཟིང་འཁྲུག་བྱུང་སྟེ། མ་མཐར་ཡང་མི་བཅུ་དགུའི་ཚེ་སྲོག་ཤོར་བའི་དོན་རྐྱེན་གྱི་རྗེས་སུ་བྱུང་བའི་གནས་ཚུལ་ཚབས་ཆེ་ཤོས་དེ་ཡིན། རྒྱ་ནག་གིས་བཤད་བཞིན་པའི་བོད་རང་སྐྱོང་ལྗོངས་ནི་ད་དུང་ཡང་དྲག་གནོན་ཤུགས་ཆེན་འོག་གནས་ཡོད། ཕྱི་རྒྱལ་ཁག་གི་བོད་དོན་རྒྱབ་སྐྱོར་ཚོགས་ཚོས་བཤད་པ་ལྟར་ན། སི་ཁྲོན་དུ་ངོ་རྒོལ་སྐད་འབོད་བྱུང་སྐབས་ཉེན་རྟོག་པས་དྲག་གནོན་བྱས་ཏེ་བོད་མི་ ༧ མེ་མདའི་འོག་ཏུ་རྐྱེན་འདས་སུ་སོང་ཡོད་པ་དང་མི་ ༦༠ ལ་རྨས་སྐྱོན་བྱུང་ཡོད་འདུག རྒྱ་གཞུང་གིས་གསར་ལམ་ཁག་ཏུ་ཉེན་རྟོག་པས་མེ་མདའ་བརྒྱབ་པའི་རྒྱུ་མཚན་ནི་རང་ཉིད་སྲུང་སྐྱོབ་ཆེད་རེད་ཟེར།

དུས་དེ་ནས་བཟུང་རྒྱ་གཞུང་གི་བདེ་འཇགས་མི་སྣས་བོད་ཀྱི་མཁའ་དབྱིངས་ཆེན་པོ་དེ་ཡོངས་སུ་བཀབ་སྟེ་གནས་ཡོད། སི་ཁྲོན་ནང་དྲག་སྤྱོད་ཀྱི་ལས་ཀྱི་གནས་ཚུལ་བྱུང་བའི་ས་ཁུལ་ལས་སྤྱི་ལེ་བརྒྱ་ཕྲག་གི་མཚམས་སུ་ཡོད་པའི་དན་པ་ཞང་དུ་ཡང་ཉེན་རྟོག་དམག་དཔུང་གིས་ཡོངས་སུ་བསྐོར་ཡོད་པ་མ་ཟད། ཞིབ་དཔྱོད་ས་ཚིགས་ཆེད་དུ་བཙུགས་ཏེ་བོད་པའི་ངོ་རྒོལ་ལས་འགུལ་འདི་ས་ཆ་གཞན་དུ་མི་ཁྱབ་པ་དང་། ཕྱི་རྒྱལ་གྱི་གསར་འགོད་པ་ནང་དུ་མི་གཏོང་རྒྱུར་ཤུགས་སྣོན་བྱེད་བཞིན་ཡོད། ཉེན་རྟོག་དམག་དཔུང་གིས་བཙུགས་པའི་འགག་སྒོ་དེ་དག་གིས་བོད་ཀྱི་དགོན་སྡེ་རྣམས་བཟང་བཙོན་ལྟ་བར་བཞག་ཡོད་པ་མ་ཟད། གཞུང་གི་ལས་ཚོས་ལམ་ཁ་བདེ་འཇགས་མིན་ཚུལ་བཤད་དེ་གསར་འགོད་པ་རྣམས་ཕྱིར་སློག་གཏོང་གི་ཡོད།

གཅིག་བྱས་ན་འདི་ནི་འབྱུང་འགྱུར་གྱི་བྲོ་བ་ཞིག་ཡིན་ངེས།

འགྲོ་བ་མིའི་ཐོབ་ཐང་ལྟ་རྟོག་ཚོགས་པའི་ཉམས་ཞིབ་པ་ནེ་ཁོ་ལ་སི་ (Nicholas Bequelin) ལགས་ཀྱིས། “བོད་མི་ཚོས་གཅིག་གྱུར་ཐོག་ཏཱ་ལའི་བླ་མ་བོད་ནང་གདན་འདྲེན་ཞུ་འཇུག་དགོས་པའི་འབོད་ཚིག་སྒྲོག་བཞིན་པར་གཞིགས་ན། ཏཱ་ལའི་བླ་མ་ཕྱི་ལོགས་ནས་སྐུ་གཤེགས་པའི་ཉིན་མོར་ཚོད་དཔག་བྱེད་དཀའ་བའི་ངོ་རྒོལ་གྱི་རྦ་རླབས་ཤིག་འཕྱུར་སྲིད་ལ། དེ་ནི་ ༢༠༠༨ ལས་ལྷག་པ་ཞིག་ཡིན་ངེས་པར་མ་ཟད། རྒྱ་ནག་གི་དྲག་གནོན་ཡང་དེ་ལས་གཏུམ་སྤྱོད་ཆེ་བ་ཞིག་ཡིན་ངེས།” ཞེས་བརྗོད་འདུག

རྒྱ་ནག་ནི་འདས་པའི་ལོ་མང་རིང་རླབས་ཆེ་བའི་དབུ་ཁྲིད་ཏིན་ཞོ་ཕིན་དང་འདི་ལོའི་ལོ་མཇུག་ལ་མགོ་ཁྲིད་བརྗེ་སྒྱུར་གྱིས་རྒན་ཡོལ་ཞུ་བཞིན་པའི་སྲིད་འཛིན་ཧུའུ་ཅིན་ཐོ་གཉིས་ཀྱི་འཛུགས་སྐྲུན་དང་གཉའ་གནོན་ཟུང་དུ་འབྲེལ་བའི་ལག་ལེན་ཞིག་ལ་བརྟེན་ཏེ་བསྡད་པ་རེད། ༡༩༨༨ ནས་ ༨༩ ལོའི་བར་བོད་རང་སྐྱོང་ལྗོངས་ཀྱི་དམར་ཕྱོགས་ཚོགས་པའི་ཚོགས་གཙོ་བྱས་མྱོང་བའི་ཧུའུ་ཅིན་ཐོ་ཡིས་ཏན་ཏན་འགྲོ་ལུགས་ཤིག་བཙུགས་ཡོད། ༡༩༨༩ ལོའི་སྤྱི་ཟླ་གསུམ་པའི་ནང་དུ་བོད་ལ་རྒྱ་ནག་གི་མགོ་ཁྲིད་ཚོས་དྲག་གནོན་གྱི་ཁྲིམས་ཡིག་བསྒྲགས་པ་མ་ཟད། སྔོན་ཏཱ་ལའི་བླ་མ་བྲོས་བྱོལ་དུ་འགྲོ་དགོས་ཐུག་པའི་ལས་འགུལ་ཏེ། བོད་མིའི་སྒེར་ལངས་ཆེན་མོའི་དུས་དྲན་ཐེངས་སུམ་ཅུ་པ་མུ་མཐུད་དུ་འགྲོ་བཞིན་ཡོད་པ་ལ་རྒྱ་ནག་གིས་ཁྲག་དྲི་བྲོ་བའི་དྲག་གནོན་བྱས།

ཐའེ་ཝན་དང་མཚུངས་པར། རྒྱ་ནག་གི་དཔོན་རིགས་ཚོས་བོད་ལ་འཛིན་པའི་སྲིད་ཇུས་ལ་འགྱུར་པ་མེད་ལ། ཁོང་ཚོའི་བསམ་པར་བོད་ནི་ཁོང་ཚོར་བདག་དབང་ཡོད་པའི་ས་ཁུལ་ཞིག་ཡིན། ད་ལྟའི་རྒྱ་ནག་གི་སྲིད་འཛིན་གཞོན་པ་དང་འབྱུང་འགྱུར་གྱི་སྲིད་འཛིན་ཞི་ཆེན་ཕིན་གྱིས་གུ་ཡངས་འཛིན་སྲིད་པའི་རྣམ་འགྱུར་ཅན་གྱི་ལས་དོན་གང་ཡང་བསྒྲུབས་མེད་པ་མ་ཟད། ལོ་སྔོན་མའི་ནང་ཚོགས་པའི་བོད་ཞི་བས་བཅིངས་གྲོལ་བཏང་ནས་ལོ་འཁོར་ ༦༠ འཁོར་པའི་དུས་དྲན་སྟེང་ཁོང་གིས་ཁ་བྲལ་བར་དྲག་གནོན་བྱ་རྒྱུའི་དམ་བཅའ་བཞག་ཡོད།

བོད་པའི་ཆོས་ཀྱི་དབུ་ཁྲིད་ཏཱ་ལའི་བླ་མའི་ཡང་སྲིད་ཀྱི་གནད་དོན་དཀའ་མོ་དེ་ཡང་ད་དུང་ཐག་གིས་བཅད་མེད། འདི་ལ་རྒྱ་ནག་གཞུང་གིས་ཐེ་གཏོགས་འགོག་ཕྱིར། ཏཱ་ལའི་བླ་མ་རང་ཉིད་ཀྱིས་སྲོལ་རྒྱུན་ལམ་ལུགས་དོར་ཏེ་དམངས་གཙོའི་རང་བཞིན་ལྡན་པའི་འོས་ཤོག་ལ་བསྐུལ་བ་དང་། ཡང་ན། རང་གི་ཡང་སྲིད་རང་གིས་ངོས་འཛིན་བྱ་སྲིད་པའི་བརྡ་བསྟན་ཡོད། རྒྱ་ནག་གཞུང་གིས་ཏཱ་བླ་མ་གཅིག་གིས་ཏཱ་ལའི་བླ་མ་གཞན་ཞིག་འདེམས་པ་ནི་ལོ་རྒྱུས་རང་བཞིན་ལྡན་པའི་ཆོས་ལུགས་ཀྱི་ལག་ལེན་དང་འགལ་ཡོད་ཚུལ་ཤོད་བཞིན་ཡོད་པ་མ་ཟད། ཡང་སྲིད་ངོས་ལེན་བྱེད་པའི་དབང་ཚད་ཁོ་རང་ཚོར་ཡོད་སྐོར་ཤོད་ཀྱི་ཡོད། ཡང་སྐོར་ཞིག་གིས་རྒྱ་གཞུང་གིས་གང་འདོད་དུ་ཏཱ་ལའི་བླ་མའི་སྤྲུལ་སྐུ་ཞིག་ངོས་འཛིན་བྱེད་པ་དང་བསྟུན་ནས། བོད་ཕྱི་ལོགས་སུ་གནས་པའི་ཏཱ་ལའི་བླ་མ་གཅིག་དང་བོད་ནང་དུ་ཡོད་པའི་ཏཱ་ལའི་བླ་མ་གཅིག་ཆགས་ཏེ་བོད་མི་རྣམས་ཕྱོགས་གཉིས་སུ་གྱེས་རྒྱུར་ཞེད་སྣང་བྱེད་ཀྱི་ཡོད།  

རྒྱ་ནག་གིས་བོད་རླག་བཞིན་ཡོད་དམ།

ཀོ་ལིམ་བྷི་ཡ་མཐོ་སློབ་ཀྱི་བོད་རིག་པའི་མཁས་པ་བྷར་ནཱད་ཁྲི (Robbie Barnett) ལགས་ཀྱིས་བཤད་རྒྱུར། ཏཱ་ལའི་བླ་མ་ཡུལ་གྱར་གནས་སྟངས་འོག་འདས་གྲོངས་སུ་ཕྱིན་ན། དེ་ནི་བོད་པ་རྣམས་ལ་མཚོན་ན་ཧ་ཅང་གལ་ཆེ་བའི་གནད་དོན་ཞིག་ཡིན་སྟབས། རྒྱ་བོད་གཉིས་བར་འགྲིག་མཐུན་ཚད་ལྡན་ཞིག་ཡོང་བའི་རེ་བ་ཡོད་ཚད་མེད་བརླག་ཏུ་བཟོ་ངེས། ཁོང་གིས་མུ་མཐུད་དུ་བཤད་རྒྱུར། “གལ་སྲིད་གནད་དོན་གང་ལ་ཡང་ཐག་གཅོད་མ་བྱུང་བར་ཏཱ་ལའི་བླ་མ་འདས་གྲོངས་སུ་ཕྱིན་པ་ཡིན་ན། ཡིད་ཆེས་བསྐྱར་གསོ་བྱེད་པ་ལ་དུས་རབས་གཅིག་གི་ཕྱེད་ཀ་དགོས་ངེས་ཡིན།” ཞེས་བཤད་འདུག

དྲག་པོའི་ཐབས་ལ་ཤུགས་ཆེན་བརྟེན་པ་ཡིན་ན་རྒྱལ་སྤྱིའི་སྤྱི་ཚོགས་ལ་སེམས་ཁྲལ་བསླང་ངེས་ལ། དེ་ཡིས་རྒྱ་ནག་དང་ནུབ་ཕྱོགས་རྒྱལ་ཁབ་ཁག་གི་བར་ཆབ་སྲིད་ཀྱི་དཀའ་རྙོག་བསླང་སྲིད་པ་མ་ཟད། བཙན་བྱོལ་བོད་གཞུང་ལ་སྡོད་གནས་མཁོ་སྤྲོད་བྱེད་བཞིིན་པ་དང་མཐའ་མཚམས་ཀྱི་རྩོད་རྙོད་ཡོད་པའི་ཁྱིམ་མཚེས་རྒྱལ་ཁབ་རྒྱ་གར་ལའང་ཆབ་སྲིད་ཀྱི་རྩོད་རྙོག་བསླང་སྲིད།

བྷར་ནཱད་ཁྲི་ལགས་ཀྱིས་མུ་མཐུད་དུ་བཤད་རྒྱུར། “རྒྱ་ནག་གི་གཞུང་འཛིན་པ་ཚོའི་ནང་དུ་དྲག་པོའི་ཐབས་ལ་བརྟེན་ཏེ་གནད་དོན་འདི་དག་རེ་ཞིག་ཐག་གཅོད་བྱ་ཐུབ་པར་ཡིད་ཆེས་བྱེད་མཁན་ཡོད་ལ། ཚད་ངེས་ཅན་ཞིག་ལ་དེ་ནི་བདེན་པར་འགྲུབ། འོན་ཀྱང་། དེ་ལྟར་རྒྱུན་རིང་དུ་སོང་བ་ཡིན་ན་འགྲོ་གྲོན་གྱི་དཀའ་ངལ་འཕྲད་ངེས་པར་མ་ཟད། རྒྱ་ནག་གཞུང་ལ་ཡིད་ཆེས་བྱེད་མཁན་མེད་པར་འགྱུར་བ་དང་རྒྱལ་སྤྱིའི་སྟེང་དུ་མཇུག་འབྲས་ཚབས་ཆེན་འབྱུང་ངེས་ཡིན།” ཞེས་བརྗོད་ཡོད། རྒྱ་ནག་གཞུང་གིས་ཤུགས་ཀྱིས་སྒྲོག་བཞིན་པ་ནི། ཁོང་ཚོས་རྒྱ་སྒོར་དུང་ཕྱུར་ ༡༦༠༠ ལྷག་བཏང་སྟེ་བོད་དབུལ་ཕོངས་ལས་བསྐྱབས་པ་མ་ཟད། འདས་པའི་ལོ་ངོ་ ༦༠ ནང་དུ་བོད་ལ་རོགས་སྐྱོར་དེ་ལས་མང་བ་བྱས་ཏེ་ལོ་ངོ་བཅོ་བརྒྱད་ཀྱི་རིང་ལ་བསྟུད་མར་ཨང་ཀི་གཉིས་ཅན་ཀྱི་དཔལ་འབྱོར་ཡར་རྒྱས་སུ་སོང་བ་འདི་ཡིན།

འོན་ཀྱང་། གནས་ཚུལ་དབྱེ་ཞིབ་པ་དག་གིས་བཤད་པ་ལྟར་ན། རྒྱ་ནག་གཞུང་གིས་རང་དབང་ལ་བཀག་སྡོམ་བྱེད་བཞིན་དཔལ་འབྱོར་འཛུགས་སྐྲུན་ལ་ཤུགས་གནོན་བྱས་པར་གྲུབ་འབྲས་ལྡོག་ཕྱོགས་ནས་ཐོན་ཡོད། སྲིད་ཇུས་འདི་ལ་བོད་རང་སྐྱོང་ལྗོངས་ཀྱི་བོད་མི་ཚོའི་རྒྱབ་སྐྱོར་ཐོབ་མེད་པ་མ་ཟད། དེའི་མཐའ་འཁོར་དུ་གནས་པའི་ཞིང་ཆེན་ཁག་ནང་གི་བོད་མི་རྣམས་ཏཱ་ལའི་བླ་མ་དང་བློ་ཐག་ཉེ་རུ་བཏང་ཡོད། བརྒྱད་ཅུ་གྱ་གྲངས་དང་དགུ་བཅུ་གོ་གྲངས་ནང་ལྷ་ས་དྲག་པོའི་ལས་འགུལ་ནང་ཡོངས་སུ་གཡོགས་ཡོད་ན་ཡང་། སི་ཁྲོན་དང་མཚོ་སྔོན་སོགས་ལྷིང་འཇགས་སུ་གནས་ཡོད། ད་ནི་སི་ཁྲོན་ནང་དུ་ཡང་དྲག་པོའི་ལས་འགུལ་བྱུང་ཟིན་པ་དང་སྲོལ་རྒྱུན་དག་ཀྱང་འགྱུར་བཞིན་ཡོད།

བྷར་ནཱད་ཁྲི་ལགས་ཀྱིས་བཤད་ན། བོད་ཤར་ཕྱོགས་ཁུལ་དུ་གནས་པའི་བོད་མི་རྣམས་ཀྱིས་ནམ་རྒྱུན་རྒྱ་ནག་སྤྱི་དང་དུས་གཅིག་ཏུ་ལོ་སར་ལ་རོལ་བཞིན་ཡོད་མོད། ད་ནི་བོད་མི་དེ་དག་གིས་ཀྱང་ལོ་སར་ཕྱིར་འགྱངས་བྱས་ཏེ་ལོ་ངོ་བརྒྱ་ཕྲག་འགའ་ལ་ཏཱ་ལའི་བླ་མ་དང་ཐག་ཉེ་བའི་དབུས་ཁུལ་གྱི་ལོ་སར་དང་དུས་བསྟུན་བྱེད་བཞིན་ཡོད།

ཁོང་གིས་མུ་མཐུད་དུ་བཤད་རྒྱུར། “རྒྱ་ནག་གིས་བོད་ཀྱི་མཐོ་སྒང་གི་ས་ཁྱོན་རྒྱ་ཆེན་པོ་ཞིག་བོད་ཀྱི་རྒྱལ་གཅེས་ཚོར་ཤུགས་ཀྱི་ནང་ལ་ཚུད་དུ་བཅུག་པ་རེད།”  དེས་ན། “ཅིའི་ཕྱིར་ང་ཚོས་རྙོག་དྲ་ཆེན་པོ་མེད་པའི་བོད་ཤར་ཕྱོགས་ཁུལ་དུ་སྲིད་ཇུས་འདི་གཏན་འབེབས་བྱས་པ་རེད། ངས་ཚོས་ཅིའི་ཕྱིར་དེ་ལྟར་བྱས་པ་དང་། ང་ཚོའི་ལག་ནས་བོད་ཤོར་བའི་རྒྱུ་མཚན་ཅི་ཡིན། ཞེས་འབྱུང་འགྱུར་གྱི་ལོ་རྒྱུས་པ་དག་གིས་དྲི་བ་འདི་འདྲི་ངེས་ཡིན”

༼ ཟླ་འདིའི་ཕྱི་ཚེས་ ༣ ཉིན་རེའུ་ཊིར་(Reuters) གསར་ཁང་གིས་སྤེལ་བའི་དཔྱད་བརྗོད།  ༽

 

འབྲེལ་ཡོད་གསར་འགྱུར།

བོད་དོན་ལས་འགུལ་འཇམ་དབྱངས་བསྟན་འཛིན་ལགས་དྷ་མ་ས་ལ་འབྱོར། ༢༠༢༥།༠༥།༢༥ དུས་བབ་ཀྱི་པར།
Mobile App

རྒྱ་གར་ཧི་མ་ཅལ་མངའ་སྡེའི་ནང་བོད་དོན་དྲིལ་བསྒྲགས་གནང་བཞིན་འདུག

ཆུ་ཚོད་ ༡༦ སྔོན་ལ།
Mobile App

བཙན་འོག་གི་གྲོས་མཐུན་དོན་ཚན་ ༡༧ ནུས་མེད་ཆགས་པ་རྒྱལ་སྤྱིའི་ཐོག་ཁ་གསལ་བཟོ་དགོས།

༢༠༢༥/༠༥/༢༣
དབྱིན་ཇིའི་རྒྱལ་ཁབ་སི་ཀོ་ཊི་ལན་ཌིས་༧གོང་ས་མཆོག་གི་ཡང་སྲིད་ཀྱི་གནད་དོན་ཐད་ལངས་ཕྱོགས་གསལ་བོ་བཟོས་འདུག བོད་ཀྱི་དུས་བབ་གསར་ཁང་གིས་པར་སྒྲིག་སྦྱོར་བྱས། ༢༠༢༥།༥།༢༣
Mobile App

སི་ཀོ་ཊི་ལན་ཌིས་༧གོང་ས་མཆོག་གི་ཡང་སྲིད་ཀྱི་བདག་དབང་ཐད་ལངས་ཕྱོགས་བརྟན་པོ་བཟོས་འདུག

༢༠༢༥/༠༥/༢༣
ཧཱ་ཝར་ཌི་གཙུག་ལག་སློབ་གཉེར་ཁང་། དྲ་ལམ་གྱི་པར།
Mobile App

ཧཱ་ཝར་ཌི་གཙུག་ལག་སློབ་གྲྭར་རྒྱལ་སྤྱིའི་སློབ་མ་བཀག་སྡོམ་གནང་འཆར་ཡོད་འདུག

༢༠༢༥/༠༥/༢༣
དྷ་ས་ས་གནས་མགོ་འཛིན་དཀོན་མཆོག་མིག་དམར། དུས་བབ་ཀྱི་པར། ༢༠༢༢།༦།༤
Mobile App

དཀོན་མཆོག་མིག་དམར་ལགས་བསྐྱར་དུ་དྷ་ས་ས་གནས་མགོ་འཛིན་དུ་འདེམས་ཐོན་བྱུང་།

༢༠༢༥/༠༥/༢༣
བོད་ཀྱི་གནས་མཆོག་གངས་རིན་པོ་ཆེ། དྲ་ལམ་གྱི་པར།
Mobile App

རྒྱ་གར་གྱི་གནས་མཇལ་བ་ ༧༥༠ གངས་རིན་པོ་ཆེར་གནས་མཇལ་དུ་གཏང་རྒྱུ་ཡིན་འདུག 

༢༠༢༥/༠༥/༢༢

མཆན། 9

  1. མཇུག་མེད། says:
    ལོ་ 13 སྔོན།

    ནད་པ་ལགས་ཁྱོད་ཀྱི་སྐད་ཆ་དེ་ཚོ་འགའ་ཞིག་ཐལ་དྲག་འདུག ཡིན་ན་ཡང་སྐད་ཆ་ཙམ་ལས་དོན་དངོས་ཐོག་ལ་ཁྱོད་ཀྱི་བསམ་བློ་དང་ངའི་ལང་ཕྱོགས་གཉིས་ལ་ཁྱད་པར་མི་འདུག ངའི་རྣམ་རྒྱུན་ང་ཚོ་ལ་བཀའ་དྲིན་ཆེ་ཤོས་དེ་གོང་ས་མཆོག་ཡིན་ཙང་ཁོང་བཞུགས་ཡུན་རིང་ང་ཚོའི་སྤྱོད་ལམ་འཛམ་གླིང་གིས་ཁོང་ལ་ལྟ་ཚུལ་དང་མཐུན་པ་བྱེད་དགོས། དེའི་ཕྱི་ཉིན་ནས་ད་ལྟ་འཛམ་གླིང་གི་ང་ཚོ་ལ་ཉན་འཇོགས་བྱེད་ཀྱི་མ་རེད་དེ་རྗེས་སུ་ང་ཚོས་ཡང་ག་རེ་བྱས་ནས་ཉན་དགོས་པ་རེད།
    བཀྲ་ཤིས་བདེ་ལེགས་ཡོད། ལང་ཕྱོགས་བརྟན་པོ་དགོས། ཕོ་རབ་ཚིག་ཐོག་ཡིན་ད།

    Reply
  2. གངས་ཕྲུག་ཁེར་རྐྱང་། says:
    ལོ་ 13 སྔོན།

    ༸གོང་ས་མཆོག་མི་ཞུགས་པའི་མུན་ནག་གི་ཉིན་མོ་དེར་ང་ཚོས་ཁོང་གི་གནང་བའི་འཚེ་མེད་ཞི་བའི་ལྟ་སྤྱོད་དེ་ནམ་ཡང་དོར་མི་རུང་ཐབས་ལམ་དེ་ནི་ཁོང་སྐུ་གཞུགས་པའི་སྐབས་གཅིག་པུ་མ་ཡིན་པར་བོད་དོན་འཐབས་རྩོད་ཀྱི་ཐབས་ལམ་ལ་དེ་ལས་ལྷག་པ་ཞིག་མེད་པར་གཟིགས་ནས་གསུངས་པ་ཞིག་རེད། རྒྱ་ནག་གིས་སྡུག་རྩུབ་ལ་བཟོད་སྲན་ཐུབ་པར་ཧ་ཅིང་ཁག་པོ་ཡིན་ཡང་བཟོད་པ་སྐྱེས་ཡུལ་མེད་ན་ཞེ་སྡིང་སྒོམས་ཡུལ་མེད་པ་རེད།ཕྱོགས་ངོས་གཞན་ཞིག་ནས་གླེང་ན་རྒྱ་ནག་དྲག་པོས་སྟོབས་ཤུགས་ལ་ཁ་ཏད་ཅོག་རྒྱུའི་ནུས་པ་ལྡན་པ་ལ་དུས་ཡུན་གང་ཙམ་འགོར་སྲིད་པ་རེད།

    Reply
  3. སངྒེ ། says:
    ལོ་ 13 སྔོན།

    ནད་པར་ཁེག་མི་འདུག་ཀྱང་དེ་འདྲའི་ཉི་མ་ཞིག་མི་ཤར་བར་སྨོན། འོན་ཀྱང་འབྱུང་མི་སྲིད་པ་ཞིག་ཀྱང་གཏན་ནས་མིན་པ་མ་ཟད་ཕལ་ཆེར་འབྱུང་ངེས་པ་ཞིག་རེད་ཆོག་པ་འདྲ།

    Reply
  4. རྒྱང་མིག says:
    ལོ་ 13 སྔོན།

    ནད་པའི་དཔའ་གཏམ་དེ་སྔ་ལོ་གྲོས་ཚོགས་ནང་གི་སྐད་ཆ་ཞིག་དང་གཅིག་མཚུངས་རེད་འདུག ཁོང་ཕལ་ཆེར་་་་་་་་་་་་་་་་་་་་་ཡིན་རྒྱུ་རེ།
    སུ་ཡིན་ན་སུ་ཡིན། དཔའ་རྒོད་ཅིག་ཡིན་ན་དགའ་བོ་ཡོད་དགྲ་ཤ་ལེན་རྒྱུ་མང་པོ་ཡོད་རེད་དཱ། རྒྱ་མི་ཁྲི་གཅིག་བསད་ཀྱང་ཉུང་དྲགས་པ་རེད།

    Reply
  5. རྐྱང་ཕྲུག ཁེར་རྐྱང་གི་ཆིག་ལབ། says:
    ལོ་ 13 སྔོན།

    ཨ་ཧ་ཧ། ནད་པ་ཟེར་པ་འདིས་གྲ་སྒྲིག་སྡུག་ས་ནས་བྱས་པ་ཡིན་པ་འདྲ། ད་དུང་བོད་མིའི་སེམས་ནང་འདི་འདྲ་ཤར་སྡད་མཁན་གང་མང་མང་ཡོད་སྲིད་པ་ཞིག་རེད། མི་ཟེར་པ་འུ་ཐུག་སོང་ན་ག་རེ་ཡིན་ནའང་ཡོང་སྲིད་པ་རེད། འོན་ཀྱང་མཇུག་འབྲས་ག་རེ་ཡོད་བཤད་ཚོད་མི་གདའ།

    Reply
  6. ཆབ་བྲག་ལྷ་མོ་སྐྱབས། says:
    ལོ་ 13 སྔོན།

    ཨ་་་་ནད་པའི་ནད་རྟགས་ལྷང་ལ་བུད་བྱུང། འདི་ངོ་མ་སྙིང་ནད་ཟེར་བ་དེ་ཡིན་རྒྱུ་རེད། ད་ལྟ་རང་ཁ་བརྡའི་ནང་ངའི་གཏམ་བཤད་བརྙན་འཕྲིན་འོག་ལ་རྐྱང་ཕྲུག་ཟེར་བ་ཞིག་གིས་ང་ལ་ཚོད་དཔག་གི་དྲི་བ་ཞིག་བཀོད་འདུག ངས་ང་ལ་དགའ་སྲིད་པ་དང་འཇིགས་སྲིད་པའི་ཚོད་དཔག་གཉིས་ཡོད་ཚུལ་བཤད་ཡོད། འདི་ད་ལྟ་རང་ཁྱོད་གཅིག་པུའི་བསམ་ཚུལ་ལས་ཀྱང་ཚོད་དཔག་ཐུབ་པ་ཞིག་རེད།

    Reply
  7. ནད་པ says:
    ལོ་ 13 སྔོན།

    ༸ གོང་ས་མཆོག་སྐུ་ཚེ་ཡུན་རིང་བརྟན་པའི་སྨོན་འདུན་ཞུ་བ་དེ་ཡང་ངའི་སེམས་དབུས་ཀྱི་རེ་བ་དང་སྨོན་ལམ་ཡིན། བོད་ཀྱི་བླ་ན་མེད་པའི་ཏྰ་ལའི་བླ་མ་མཆོག་ནི་ང་ཚོ་བོད་མིའི་སེམས་ཁོང་གི་ཚེ་རབ་འདི་ཕྱི་གཏན་གྱི་སྐྱབས་གནས་མཐར་ཐུག་པ་དེ་ཡིན།
    ༸ གོང་ས་མཆོག་སྐུ་མ་བཞུགས་པའི་གནས་སྐབས་ཤིག་ཤར་ཚེ་དེ་དུས་ངས་ཀྱང་བོད་རང་སྐྱོང་ཟེར་བ་དེ་ལ་ངོས་ལེན་རྩ་བ་ནས་བྱེད་ཐབས་མེད།

    ད་དུང་རྒྱ་མིའི་རྩ་ཁྲིམས་ཀྱི་འོག་ཏུ་སྡོད་འདོད་ཡོད་ཅེས་ཟེར་བའི་ཚིག་འདི་འཁྱེར་ཡོང་ན་བོད་རིགས་ཞིག་ཡིན་ཀྱང་ངས་དེ་དུས་ངེས་པར་དུ་གསོད་ཐུབ་པ་བྱ་རྒྱུ་ཡིན། མ་ཟད་ངས་བསྟན་དགྲ་རྒྱ་དམག་དང་རྒྱ་མི་ཟེར་བ་མི་རིགས་གཅིག་ཡིན་ཕྱིན་ཆད་རྒྱ་མི་བརྒྱ་གསོད་ཐུབ་ན་མཐའ་མ་ཡིན་ལ། སྟོང་བསད་ཐུབ་འབྲིང་ཡིན། ཁྲི་གསོད་ཐུབ་ན་ང་འཇིག་རྟེན་འདི་ནང་གི་བོད་རིགས་ཕོ་རྒོད་རབ་གཅིག་ཡིན་པ་དེ་ངོས་འཛིན་རང་ངོས་ནས་བྱེད་ཀྱི་རེད།

    དེ་དུས་བོད་རིགས་ནང་ཁུལ་དུ་ཡང་བོད་ཀྱི་རྩ་དོན་ལ་དོ་སྣང་མི་བྱེད་མཁན་དང་། མཉམ་བཞུགས་མ་བྱེད་མཁན་རིགས་ངའི་མིག་གི་མདུན་དུ་མཐོང་ཐོས་བྱུང་ཚེ་མཐའ་གཅིག་དང་པོ་ཉེན་བརྡ་གཏོང་བ་དང་། རྗེས་སུ་ཁ་ལ་མ་ཉན་ན་དེ་དུས་ཐད་ཀར་གསོད་རྐྱང་བྱ་རྒྱུ་ཡིན།

    དེ་དུས་ངའི་སེམས་ཀྱི་ནང་དུ་ཡང་གྲི་དང་། མེ་མདའ། མེ་འགྱོགས། རྡུལ་ཕྲན་མཚོན་ཆ། དམག་དཔུང་སོགས་གང་ཡོད་ཀྱང་འཇིགས་སྣང་རྩ་བ་ནས་མེད། གང་ཡིན་ཟེར་ན་རང་ཉིད་སྔ་ས་ནས་ཤི་རྒྱུར་མི་སྐྲག་པའི་བློས་བཏང་གི་དཔའ་དང་བློ་ཁོག་ཡོད་པའི་བོད་རིགས་ཕོ་རྒཽད་ནང་གི་ཕོ་རྒོད་གཅིག་ཆགས་ཐུབ་པ་བྱ་རྒྱུ་དེ་ངའི་མི་ཚེ་འདི་ནང་གི་བྱ་གཞག་རླབས་ཆེ་ཤོས་དེར་ངོས་འཛིན་བྱ་རྒྱུ་ཡིན།

    འགྲོ་བ་མི་ལ་ཡང་བཟོད་བསྲན་བྱེད་པ་དེར་ཚད་གཞི་གཅིག་ངེས་པར་ཡོད་པ་རེད། ཡི་ནའང་༸ གོང་ས་མཆོག་སྐུ་བཞུགས་པའི་རིང་དུ་ངས་ཀྱང་འཚེ་བ་ཟེར་བ་དེ་གཏན་ནས་བྱ་མི་སྲིད་པ་ཞིག་རེད། གང་ཡིན་ན་དེ་ནི་ང་ཚོའི་རྩ་བའི་བླ་མའི་བཀའ་དང་དགོངས་པ་རང་ཡིན་ཙང་རེད།

    དེའི་རྗེས་སུ་རྒྱ་དང་། བོད། འཛམ་གླིང་ཟེར་བ་དེ་གང་འདྲ་ཞིག་ཆགས་ཀྱང་ང་ལ་ཁྱེད་པར་གཏན་ནས་མེད།

    Reply
  8. རྐྱང་ཕྲུག ཁེར་རྐྱང་གི་ཆིག་ལབ། says:
    ལོ་ 13 སྔོན།

    གནད་འགག་ཆེ་བའི་རྩོམ་ཡིག་ཅིག་བོད་བསྒྱུར་གནང་བར་ཐུགས་རྗེ་ཆེ་ཞུ་འདོད་བྱུང་། ད་དུང་འདི་རྒྱ་ཡིག་ནང་དུའང་བསྒྱུར་ན་ལེགས་སྙམ། དགོངས་ཚུལ་འདི་འདྲ་རྒྱ་མི་རིགས་ཀྱིས་ཤེས་དགོས་པ་གལ་ཆེ་བར་སེམས།

    Reply
  9. ཆབ་བྲག་ལྷ་མོ་སྐྱབས། says:
    ལོ་ 13 སྔོན།

    ཧ་ཅང་དགའ་བོ་བྱུང། ངོ་མ་བཀའ་དྲིན་ཆེ་ཞུ། སྐད་རིགས་གཞན་ཐོག་ནས་བསམ་ཚུལ་འདི་རིགས་ཤུགས་ཆེར་གླེང་རྒྱུ་ནི་ཁ་ཚ་དགོས་གཏུགས་ཀྱི་ལས་དོན་ཞིག་རེད།

    Reply

དཔྱད་མཆན་སྤེལ། Cancel reply

Your email address will not be published. Required fields are marked *

སྤྱི་ཚོགས་དྲ་གནས།

ཁྱབ་བསྒྲགས།

དྲ་ངོས་ཀྱི་གནས་ཚུལ་ཚང་མའི་པར་དབང་བོད་ཀྱི་དུས་བབ་ལ་ཡོད།

གློག་འཕྲིན།

editor@tibettimes.net | office@tibettimes.net

ཁ་པར།

+91-98823-47075 | +91-92189-38041 | +91-81972-44372

Welcome Back!

OR

Login to your account below

Forgotten Password?

Retrieve your password

Please enter your username or email address to reset your password.

Log In

Add New Playlist

No Result
ཆ་ཚང་གཟིགས།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
    • གླ་ཡོད་རིན་གོང་།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese