ཁ་སང་གཟའ་ལྷག་པའི་ཉིན་གྱི་ཕྱི་དྲོ་བཞུགས་སྒར་ཐེག་ཆེན་ཆོས་གླིང་གཙུག་ལག་ཁང་དུ། བཙན་བྱོལ་བོད་མིའི་སྒྲིག་འཛུགས་ཀྱི་མང་གཙོ་ཀ་བ་གསུམ་གྱི་མཛད་གཙོ་རྣམས་ཀྱིས་གཙོས་སྲི་ཞུ་ལས་བྱེད་པ་ཡོངས་དང་། དྷ་ས་ཁུལ་གྱི་སེར་སྐྱ་མི་མང་བཅས་མཉམ་འཛོམས་ཐོག་བོད་ནང་གི་བོད་མི་ཚོར་གདུང་སེམས་མཉམ་སྐྱེད་ཆེད་གཞི་རྒྱ་ཆེ་བའི་མཆོད་འབུལ་སྨོན་ལམ་ཞིག་གནང་སོང་།
ཁ་སང་གཟའ་ལྷག་པའི་ཉིན་གྱི་ཕྱི་དྲོ་ཆུ་ཚོད་ ༣ པའི་སྟེང་དྷ་རམ་ས་ལའི་བཞུགས་སྒར་ཐེག་ཆེན་ཆོས་གླིང་གཙུག་ལག་ཁང་དུ། བཀའ་སྤྱི་གཉིས་ཀྱི་གོ་སྒྲིག་འོག་བཙན་བྱོལ་བོད་མིའི་སྒྲིག་འཛུགས་ཀྱི་མང་གཙོའི་ཀ་བ་གསུམ་གྱི་མཛད་གཙོ་རྣམ་པའི་གཙོས། བཙན་བྱོལ་བོད་མིའི་སྒྲིག་འཛུགས་ཀྱི་སྲི་ཞུ་ལས་བྱེད་པ་ཡོངས་དང་། དེ་བཞིན། དྷ་སའི་ཉེ་འདབས་ཁུལ་གྱི་དགོན་སྡེ་ཁག་གི་དགེ་འདུན་པ་རྣམས་ཀྱིས་གཙོས་པའི་སེར་སྐྱ་མི་མང་ ༣༠༠༠ ཙམ་མཉམ་འཛོགས་ཐོག ཉེ་སྔོན་བོད་ནང་རྒྱ་གཞུང་གི་དྲག་གནོན་དབང་སྒྱུར་ལ་ངོ་རྒོལ་གྱིས་རང་ལུས་མེར་བསྲེགས་གནང་མཁན་དག་གཙོས། བོད་བསྟན་པ་ཆབ་སྲིད་ཀྱི་དོན་དུ་རང་སྲོག་བློས་གཏོང་མཁན་དང་། ད་ལྟ་རྒྱའི་བཙོན་འོག་ཏུ་མནར་གཅོད་མྱོང་མཁན་རྣམས་བཅས་རྒྱལ་གཅེས་དཔའ་བོ་དཔའ་མོ་ཡོངས་ལ་རྗེས་དྲན་ཆེད། ཆུ་ཚོད་ ༣ རིང་གཞི་རྒྱ་ཆེ་བའི་མཆོད་འབུལ་སྨོན་ལམ་ཞིག་གནང་སོང་ལ། སྐབས་དེར་བོད་མི་སེར་སྐྱ་ཡོངས་ཀྱིས་ལུས་ལ་བོད་ལྭ་གྱོན་པ་དང་། ཁ་ལ་ཁ་རས་ནག་པོ་བརྒྱབ་སྟེ་བོད་ནང་གི་བོད་མི་ཚོར་གདུང་སེམས་མཉམ་སྐྱེད་ཀྱི་རྣམ་པ་ཤུགས་ཆེན་པོ་བསྟན་པ་མ་ཟད། དགོང་མོ་དྷ་ས་ས་གནས་བདེ་དོན་གྱི་གོ་སྒྲིག་འོག་ཐེག་ཆེན་ཆོས་གླིང་གཙུག་ལག་ཁང་ནས་དྷ་ས་མོག་རྒན་བར་དུ་མར་མེ་ཁྲོམ་སྐོར་ཞིག་ཀྱང་གནང་སོང་།
བཞུགས་སྒར་དྷ་སར་གདུང་སེམས་མཉམ་སྐྱེད་ཀྱི་མཆོད་འབུལ་སྨོན་ལམ་གྲུབ་རྗེས། བཀའ་བློན་ཁྲི་པ་བློ་བཟང་སེང་གེ་མཆོག་གིས་གཏམ་བཤད་གནང་དོན། “ དེ་རིང་ང་ཚོ་འདིར་འཛོམས་དགོས་དོན་ཚང་མས་མཁྱེན་གསལ་རེད། ད་ལྟ་བོད་ནང་ཛ་དྲག་གི་གནས་སྟངས་ཆགས་ཏེ། རྒྱ་ནག་གཞུང་གི་མཁྲེག་འཛིན་སྲིད་ཇུས་འོག་ཤ་ཁྲག་གཅིག་པའི་བོད་རིགས་སྤུན་ཟླ་མང་པོ་ཞིག་དམར་གསོད་བཏང་བ་དང་འཛིན་བཟུང་བྱས་པ། ཉེས་རྡུང་བཏང་བ་སོགས་ཉིན་རེ་བཞིན་ཇེ་མང་དུ་འགྲོ་བཞིིན་པར་བརྟེན། ང་ཚོ་འདིར་འཛོམས་ཏེ་ད་ལྟའི་བར་རང་སྲོག་བློ་གཏོང་གནང་མཁན་ཚོ་དང་། ཁོང་རྣམ་པའི་ཕ་མ་སྤུན་མཆེད་ཡོངས་ཀྱི་ཆེད་དུ་མཆོད་འབུལ་སྨོན་ལམ་རྒྱག་གི་ཡོད་པ་རེད།” ཅེས་གསུངས་ཏེ། མ་གཞི་མིའི་ལུས་རྟེན་འདི་ལོན་པའི་རྗེས་སུ་མི་སུ་འདྲ་ཞིག་ཡིན་ནའང་། མི་ཚེ་འདི་སྲོག་དང་ལྡན་པའི་ཐོག་ནས་སྐྱེལ་འདོད་ཡོད་པ་མ་གཏོགས། ཚེ་སྲོག་གི་རྒྱུན་གཅོད་འདོད་མཁན་སུ་གང་ཡང་མེད་ལ། བོད་ནང་གི་བོད་མི་ཚོས་རྒྱ་གཞུང་གི་སྐྱག་རྫུན་སྲིད་ཇུས་འོག་ལ། ལོ་ལྔ་བཅུའི་རིང་ལ་དབྱེ་འབྱེད་དང་མནར་གཅོད། བརྙས་བཅོས་ཀྱི་སྡུག་བསྔལ་མ་བཟོད་པར་ལུས་མེར་བསྲེགས་བཏང་སྟེ་ཞི་བའི་ངོ་རྒོལ་བྱེད་བཞིན་ཡོད་སྟབས། ཛ་དྲག་གནས་སྟངས་དེའི་ཐད་ཧ་ཅང་བློ་འཚབ་སྐྱེས་པ་མ་ཟད། བོད་ནང་རང་ལུས་མེར་བསྲེགས་གཏོང་མཁན་དེ་དག་ནི་གྲངས་ཀ་ཙམ་མ་ཡིན་པར། ཁོང་རྣམས་ནི་ཚེ་སྲོག་ཡོད་མཁན་གྱི་མི་ཡིན་པ་དེ་བོད་རིགས་སྤུན་ཟླ་ཚང་མས་དྲན་གསོ་བྱེད་དགོས་པ་དང་། རང་ལུས་མེར་བསྲེགས་གཏོང་མཁན་དེ་དག་ལའང་ཕ་མ་དང་སྤུན་མཆེད། ནང་མི་ཡོད་མཁན་རྐྱང་ཡིན་སྟབས། ང་ཚོས་སོ་སོའི་ནང་མི་ཞིག་གིས་རང་སྲོག་མེར་བཏང་བ་ཡིན་ན། སོ་སོའི་སེམས་ནང་ལ་སྡུག་བསྔལ་དང་སེམས་འཚབ་ག་ཚོད་ཡོད་མེད་ལ་བསམ་བློ་བཏང་པའི་ཐོག་ནས། རང་སྲོག་བློས་གཏོང་མཁན་ཁོང་ཚོའི་སྙིང་སྟོབས་དང་བློས་གཏོང་དེ་དག་སོ་སོའི་བློ་ཡིད་ལ་འཁོར་ཐུབ་པ་དང་། ཚོར་བ་རྙེད་ཐུབ་པ་བྱ་དགོས་སྐོར་གསུངས་སོང་།
དེ་བཞིན། བཀའ་ཁྲི་མཆོག་གིས་བོད་དོན་ཐད་རྒྱབ་སྐྱོར་གནང་མཁན་རྒྱལ་སྤྱིའི་སྤྱི་ཚོགས་ཡོངས་ལ་ཐུགས་རྗེ་བཀའ་དྲིན་ཞུས་པ་དང་སྦྲགས། འཛམ་གླིང་རྒྱལ་ཁབ་གིས་རྒྱབ་སྐྱོར་གྱི་སྐད་ཆ་གཅིག་པུ་ཙམ་ཤོད་དེ་མི་སྡོད་པར། ་བོད་ནང་ལ་ཕེབས་ཏེ་བོད་མིར་ཚོར་བ་སྡུག་བསྔལ་ག་རེ་ཡོད་མེད་དང་། རྒྱ་གཞུང་གིས་བོད་ཐོག་དྲག་གནོན་དམར་གསོད་ཀྱི་སྲིད་ཇུས་ལག་ལེན་ག་འདྲ་བསྟར་བཞིན་ཡོད་མེད་ཞིབ་འཇུག་གནང་དགོས་པའི་འབོད་སྐུལ་དང་། པེ་ཅིན་དུ་ཡོད་པའི་རྒྱལ་སྤྱིའི་གསར་འགོད་པ་རྣམས་ཀྱིས་ཀྱང་མུ་མཐུད་དུ་བོད་ནང་བསྐྱོད་རྒྱུར་འབད་བརྩོད་གནང་སྟེ། བོད་ནང་གི་དངོས་ཡོད་གནས་ཚུལ་རྣམས་རྒྱལ་སྤྱིའི་སྒང་ལ་ཁྱབ་ཐུབ་པ་ཞིག་དང་། རྒྱལ་སྤྱིའི་སྤྱི་ཚོགས་ཀྱིས་བོད་མིའི་དཀའ་ངལ་མཁྱེན་རྟོག་ཡོང་བ་གནང་དགོས་པའི་འབོད་སྐུལ་ཡང་གནང་སོང་ལ། དེ་བཞིན། བཀའ་ཁྲི་མཆོག་གིས་ “རྒྱ་གཞུང་གིས་དྲག་གནོན་གྱི་འོག་ནས་བོད་དོན་སེལ་ཐུབ་ཀྱི་རེ་བ་བྱེད་ཀྱིན་ཡོད་ན། རེ་བ་དེ་ནམ་ཡང་འགྲུབ་ཐབས་ཡོད་པ་མ་རེད། བོད་ཕྱི་ནང་གཉིས་ཀྱི་བོད་མི་ཚོས་བདེན་པ་རྩོད་ཀྱིན་ཡོད་པ་རེད་མ་གཏོགས། གཞན་གང་ཡང་རྩོད་ཀྱིན་ཡོད་པ་མ་རེད། སྔ་རྗེས་ཙམ་མ་གཏོགས་བདེན་པ་གསལ་ཡོང་གི་རེད། ༸གོང་ས་མཆོག་གིས་ཕུགས་རྒྱང་རིང་པོ་གཟིགས་པའི་ཐོག་ནས། གྲོས་མོལ་གྱི་ལམ་ནས་བོད་དོན་སེལ་ཐབས་བྱེད་དགོས་པ་རེད་ཅེས་གསུངས་བཞིན་པ་ལྟར། གྲོས་མོལ་ཐོག་ནས་བཀའ་མོལ་གནང་པ་ཡིན་ན་སེལ་ཐབས་ཡོད་པ་རེད། དེ་མ་གཏོགས་དབྱེ་འབྱེད་དང་དྲག་གནོན་གྱི་འོག་ནས་བོད་ཀྱི་གནད་དོན་སེལ་ཐུབ་ཀྱི་མ་རེད་ལ། བོད་མིའི་སྙིང་སྟོབས་དང་ལྷག་བསམ་དུས་ནམ་ཡང་མེད་པ་བཟོ་ཐུབ་ཀྱི་མ་རེད།” ཅེས་བརྗོད་སོང་།
མཇུག་མཐར། བཀའ་ཁྲི་མཆོག་གིས་བོད་ནང་གི་བོད་མི་ཚོར་གསུངས་རྒྱུར། “ བོད་ཀྱི་བདག་པོ་ནི་བོད་ནང་གི་བོད་མི་ཚོ་ཡིན་པ་ང་ཚོ་ཚང་མས་ཤེས་ཀྱིན་ཡོད་ལ། རྣམ་པ་ཚོས་རང་སྲོག་བློས་གཏོང་གནང་བ་དེ་ང་ཚོས་ནམ་ཡང་བརྗེད་ཐབས་མེད་པ་མ་ཟད། ཁྱེད་རྣམ་པས་བློས་གཏོང་མཛད་པ་དེ་དག་ཆུད་ཟོས་དང་འབྲས་མེད་ནམ་ཡང་ཆགས་འཇུག་གི་མ་རེད། ཁྱེད་རྣམ་པའི་འདོད་པ་དང་རེ་བ་སྒྲུབ་རྒྱུ་དེ་ང་ཚོའི་ལས་འགན་ཆགས་ཡོད་པ་རེད། ལས་འགན་དེ་འགྲུབ་ཆེད་ཕྱི་ལོ་ཡོད་པའི་བོད་མི་སྤྱི་ཡོངས་ཀྱི་ངོས་ནས་ཞབས་འདེགས་སྒྲུབ་རྒྱུ་ཡིན་ཞེས་སྔོན་ཆད་ཞུས་མྱོང་ལ། ད་ལྟ་ཡིན་ནའང་དམ་བཅའ་བརྟན་པོ་ཡོད་ཅེས་ཞུ་རྒྱུ་ཡིན།” ཞེས་གསུངས་སོང་ལ། དེ་བཞིན། ལོ་གསར་སྐབས་བོད་མི་ཡོངས་ཀྱིས་ནང་དུ་ཐུགས་སྤྲོ་གཏོང་བ་སོགས་མི་གནང་པར། རང་སྲོག་བློས་གཏོང་དང་རྒྱ་ནག་གི་བཙོན་འོག་ཡོད་པའི་བོད་མི་རྣམས་རྗེས་དྲན་གྱི་ཆེད་དུ། ཆོས་ཕྱོགས་ཀྱི་བྱེད་སྒོ་ཁོ་ན་སྲུང་བརྩི་བྱས་ཏེ་བདེན་ཚིག་སྨོན་ལམ་གསུངས་པ་དང་། དགོན་སྡེ་ཁག་ལ་མཆོད་མཇལ། བསང་གསོལ་གཏོང་བ་སོགས་གང་མང་གནང་དགོས་པའི་འབོད་སྐུལ་ཡང་གནང་སོང་།
བོད་ནང་དུ་རྒྱ་གཞུང་གིས་དམར་གསོད་དམ་དྲག་བྱེད་བཞིན་པའི་ཛ་དྲག་གནས་སྟངས་ཀྱི་རྐྱེན་པས། ཉེ་སྔོན་བཀའ་སྤྱི་གཉིས་ཀྱི་ངོས་ནས་ཕྱི་ཟླ་ ༢ ཚེས་ ༨ ཉིན་འཛམ་གླིང་ཡུལ་གྲུ་གང་སར་གནས་སྡོད་བོད་རིགས་ཡོངས་དང་། བོད་དོན་རྒྱབ་སྐྱོར་བ་ཚང་མས་བོད་ནང་གི་བོད་མི་ཚོར་གདུང་སེམས་མཉམ་སྐྱེད་ཀྱི་ལས་འགུལ་སྤེལ་དགོས་པའི་གསལ་བསྒྲགས་གནང་པ་ལྟར། ཨ་རི་དང་། ཁ་ན་ཊ། ཡུ་རོབ། རྒྱ་གར། ཐེ་ཝན། ཨ་ཧྥི་རི་ཀ་སོགས་འཛམ་གླིང་རྒྱལ་ཁབ་སོ་སོའི་ནང་བོད་ནང་གི་མི་ཚོར་གདུང་སེམས་མཉམ་སྐྱེད་ཀྱི་ལས་འགུལ་སྣ་ཚོགས་སྤེལ་ཡོད་པ་མ་ཟད། ལྡི་ལི་འཇན་གྷིར་མན་གྷིར་ཏུ་འབྲས་སྤུངས་བློ་གསལ་གླིང་གི་དགེ་འདུན་པ་ ༩ དང་མི་སྐྱ་ ༡ བཅས་ནས་ཆུ་ཚོད་ ༢༤ རིང་ཟས་བཅད་ངོ་རྒོལ་ཡང་གནང་ཡོད་འདུག་ལ། ལྷག་པར་དུ་ལས་འགུལ་གྱི་ཉིན་འདིར་ཨི་ཊ་ལི་གྲོས་ཚོགས་ཀྱིས་གྲོས་ཆོད་ཅིག་བཞག་སྟེ། རྒྱ་གཞུང་གིས་བོད་ཐོག་དྲག་གནོན་བྱ་རྒྱུ་མཚམས་འཇོག་དང་། ༸གོང་ས་མཆོག་གི་སྐུ་ཚབ་དང་མཉམ་དུ་གྲོས་མོལ་གྱི་ལམ་ནས་བོད་དོན་སེལ་དགོས་པ་ནན་སྐུལ་བྱས་ཡོད་འདུག
གསར་འགོད་པ། ཚེ་རིང་རྒྱལ།
སི་ཁྲོན་གྱིས་དཀར་མཛེས་དང་རྔ་བ་སོགས་མཆོང་སྐྱོད་ལྟ་བུའི་འཕེལ་རྒྱས་གཏོང་བའི་གོམ་སྟབས་ཇེ་མགྱོགས་སུ་གཏོང་རྒྱུ་རེད།
སྤེལ་དུས། 2012-02-09 ཡོང་ཁུངས། ཀྲུང་གོའི་བོད་ལྗོངས་དྲ་བ། རྩོམ་སྒྲིག་པ། དཔལ་མགོན་སྐྱབས་ཀྱིས་བསྒྱུར།
གསར་འགོད་པས་ཉེ་ལམ་སི་ཁྲོན་ཞིང་ཆེན་མི་དམངས་སྲིད་གཞུང་དྲ་བ་ནས་རྒྱུས་ལོན་བྱུང་བ་ལྟར་ན། 《སི་ཁྲོན་ཞིང་ཆེན་མི་དམངས་སྲིད་གཞུང་གི་འབྲོག་ཁུལ་མཆོང་སྐྱོད་ལྷ་བུའི་འཕེལ་རྒྱས་གཏོང་བའི་གོམ་སྟབས་ཇེ་མགྱོགས་སུ་གཏོང་བའི་སྐོར་གྱི་བསམ་འཆར》 ཞེས་པ་བཏོན་ཞིང་།《བསམ་འཆར》ནང་སི་ཁྲོན་ཞིང་ཆེན་གྱི་འབྲོག་ཁུལ་མཆོང་སྐྱོད་ལྟ་བུའི་འཕེལ་རྒྱས་གཏོང་བའི་དམིགས་འབེན་གསལ་བོར་བཏོན་ཏེ། ལོ་ལྔ་ནས་བཅུ་བར་གྱི་དུས་ཡུན་བཀོལ་ནས་སི་ཁྲོན་ཞིང་ཆེན་འབྲོག་ཁུལ་གྱི་སྤྱི་ཚོགས་དཔལ་འབྱོར་འཕེལ་རྒྱས་འགྲོ་བར་བཀག་འགོག་བྱེད་པའི་གཞི་རྩའི་གནད་དོན་ཐག་གཅོད་བྱེད་པ་དང་། འབྲོག་ཁུལ་གྱི་མཆོང་སྐྱོད་ལྟ་བུའི་འཕེལ་རྒྱས་མངོན་འགྱུར་བྱས་ཏེ། ༢༠༢༠ ལོའི་བར་ཞིང་ཆེན་ཡོངས་དང་མཉམ་དུ་འབྱོར་འབྲིང་སྤྱི་ཚོགས་མངོན་འགྱུར་ཡོང་དགོས་པ་བསྟན།
སི་ཁྲོན་ཞིང་ཆེན་གྱི་འབྲོག་ཁུལ་དུ་དཀར་མཛེས་དང་རྔ་བ། ལའང་ཧྲན་བཅས་མི་རིགས་རང་སྐྱོང་ཁུལ་གསུམ་གྱི་རྫོང་ཁག ༤༨ ཚུད་ཅིང་། ས་ཁོངས་རྒྱ་ཁྱོན་གྱིས་ཞིང་ཆེན་ཡོངས་ཀྱི་བརྒྱ་ཆ ༦༡. ༣ ཟིན་ཡོད་པ་མ་ཟད། རང་བྱུང་རྩྭ་ཐང་ལ་མུའུ་དུང་ཕྱུར ༢. ༤༥ ཡོད་པས། རྒྱལ་ཡོངས་ཀྱི་འབྲོག་ཁུལ་ཆེན་པོ་ལྔ་ཡ་གྱལ་ཞིག་ཏུ་གྱུར་ཡོད།
. 《བསམ་འཆར》ནང་། ངེས་པར་དུ་འབྲོག་ཁུལ་གྱི་དོན་དངོས་གནས་ཚུལ་དང་བསྟུན་ནས། སྐྱེ་ཁམས་སྲུང་སྐྱོབ་ཀྱིས་སྔོན་འགྲོ་དང་། སྐྱེ་ཁམས་ཐོན་ལས་འཕེལ་རྒྱས་གནད་གཙོ་བོར་བཟུང་ནས། སྐྱེ་ཁམས་གནོད་འཚེ་མི་ཐེབས་པའི་ཆ་རྐྱེན་འོག་འཕེལ་རྒྱས་གཏོང་དགོས་པ་དང་། མི་བུ་གཙོར་བཟུང་ནས་དམངས་འཚོ་ལེགས་སྒྱུར་བྱེད་པ། ས་གཤིས་དང་བསྟུན་ནས་རིགས་དབྱེ་མཛུབ་སྟོན་བྱེད་པ། བཅོས་བསྒྱུར་གཏིང་ཟབ་དང་སྒོ་འབྱེད་རྒྱ་ཆེར་གཏོང་བ། རང་ཁ་རང་གསོ་དང་སྲིད་གཞུང་གིས་རྒྱབ་སྐྱོར་བྱེད་པའི་རྩ་དོན་རྒྱུན་འཁྱོངས་བཅས་བྱས་ཏེ། འབྲོག་ཁུལ་དུ་མཆོང་སྐྱོད་ལྟ་བུའི་འཕེལ་རྒྱས་ཡོང་བ་བྱེད་དགོས་པ་སོགས་ནན་གྱིས་བསྟན་ཡོད།
《བསམ་འཆར》ནང་བཏོན་པ་ལྟར་ན། འབྲོག་ཁུལ་སྲིད་གཞུང་གིས་དོན་དངོས་ཞིབ་འཇུག་གནས་ཚུལ་དང་བསྟུན་ནས། གཞི་རྩའི་ལག་བསྟར་འཆར་གཞི་དང་སྲིད་ཇུས་བྱེད་ཐབས་སོགས་གཏན་འཁེལ་བྱས་ཏེ། དཔྱད་ཞིབ་རྒྱུགས་ལེན་དང་བྱ་དགའ་གནང་བའི་ལམ་ལུགས་གཏན་འབེབ་བྱེད་དགོས་པ་བསྟན་ཡོད།
འཕེལ་རྒྱས་དམིགས་འབེན།
འབྲོག་ཁུལ་མཆོང་སྐྱོད་ལྟ་བུའི་འཕེལ་རྒྱས་གཏོང་བར་གོམ་སྟབས་གཉིས་བགྲོད་དགོས།
《བསམ་འཆར》ནང་། ལོ ༥ ནས ༡༠ བར་གྱི་དུས་ཡུན་བཀོལ་ཏེ། སི་ཁྲོན་ཞིང་ཆེན་གྱི་འབྲོག་ཁུལ་མཆོང་སྐྱོད་ལྟ་བུའི་འཕེལ་རྒྱས་གཏོང་བའི་དམིགས་འབེན་མངོན་འགྱུར་བྱེད་དགོས་པ་བསྟན་ཡོད།
༢༠༡༥ ལོའི་བར་དུ། རྩྭ་ཐང་འགན་གཙང་ལེན་དང་གཞི་རྩའི་རྩྭ་ཐང་འཆར་འབེབ་ལས་དོན་ཕྱོགས་ཡོངས་ནས་ལེགས་འགྲུབ་བྱེད་པ་དང་། འབྲོག་དམངས་གཏན་སྡོད་ས་ཚིགས་དང་དབྱིས་རིགས་ཁྱིམ་གཞིས་གསར་བའི་སྤྱི་པའི་ཞབས་ཞུའི་ཐབས་ལམ་མངོན་འགྱུར་བྱེད་པ་མ་ཟད། འབྲོག་མིའི་ཡོང་འབབ་ཞིང་ཆེན་ཡོངས་ཀྱི་ཆ་སྙོམས་ཆུ་ཚད་དང་ཉེ་བར་བྱེད་པ། ས་ཁུལ་ཐོན་སྐྱེད་རིན་ཐང་ ༢༠༡༠ ལོའི་རྨང་གཞིའི་སྟེང་དུ་ལྡབ་གཅིག་ལྷག་འཕར་སྣོན་བྱས་ཏེ། རང་ཉིད་འཕེལ་རྒྱས་གཏོང་བའི་ནུས་ཤུགས་གཏན་འཇགས་ངང་གོང་འཕེལ་གཏོང་བ་དང་། སྤྱི་པའི་ཞབས་ཞུ་མཁོ་འདོན་ནུས་པ་དང་ཚད་ལོན་རང་བཞིན་མངོན་གསལ་ངང་གོང་འཕེལ་གཏོང་དགོས་པ་སོགས་བསྟན་ཡོད།
༢༠༡༥ ལོའི་བར་དུ། ཕྱོགས་ཡོངས་ནས་རྩྭ་ས་ཆ་སྙོམས་ངང་གསོག་ཉར་མངོན་འགྱུར་བྱས་ཏེ། འབྲོག་མིའི་ཡོང་འབབ་ཞིང་ཆེན་ཡོངས་ཀྱི་ཆ་སྙོམས་ཆུ་ཚད་ལོན་པར་བྱེད་པ་དང་། ཐོན་སྐྱེད་རིན་ཐང་ ༢༠༡༥ ལོའི་རྨང་གཞིའི་སྟེང་དུ་ལྡབ་གཅིག་ལྷག་འཕེལ་བ། འཕེལ་རྒྱས་སྒྲིག་གཞི་སྔར་ལས་ཆ་ཚང་གཏོང་བ། སྤྱི་པའི་ཞབས་ཞུའི་ནུས་པ་ཕལ་ཆེར་ཞིང་ཆེན་ཡོངས་ཀྱི་ཆ་སྙོམས་ཆུ་ཚད་དུ་སླེབས་པར་བྱེད་པ། སློབ་གསོ་དང་རིག་གནས། འཕྲོད་བསྟེན། ལུས་རྩལ་སོགས་སྤྱི་ཚོགས་ལས་རིགས་ཁག་ཕྱོགས་ཡོངས་ནས་གོང་འཕེལ་གཏོང་དགོས་པ་རེད།
སྐྱེ་ཁམས་ཐོན་ལས་གོང་འཕེལ་གཏོང་བ།
འཛམ་གླིང་ཡོངས་ཀྱི་ཡུལ་སྐོར་ས་ཚིགས་གཙོ་བོ་འཛུགས་སྐྲུན་བྱེད་པ།
ཡུལ་སྐོར་ལས་རིགས་ནི་འབྲོག་ཁུལ་མཆོང་སྐྱོད་ལྟ་བུའི་འཕེལ་རྒྱས་གཏོང་བའི་གནད་འགག་གཙོ་བོ་ཡིན། 《བསམ་འཆར》ནང་བསྟན་དོན། འབྲོག་ཁུལ་གྱི་ཡུལ་སྐོར་ལས་རིགས་འཕེལ་རྒྱས་ཇེ་མགྱོགས་སུ་གཏོང་བ་དང་། འབྲོག་ཁུལ་གྱི་ཡུལ་སྐོར་གསར་འབྱེད་འཆར་གཞི་བསྒྱུར་བཅོས་གཏན་འབེབ་དང་ཆ་ཚང་དུ་གཏོང་དགོས་པ་མ་ཟད། རང་བྱུང་རྗེས་ཤུལ་དང་རྒྱལ་ཁབ་ཀྱི་ཡུལ་ལྗོངས་གྲགས་ཅན་ཁག རང་བྱུང་སྲུང་སྐྱོབ་ཁུལ། འདམ་ར་གཙོ་བོ་ཁག་བཅས་དོ་དམ་ཤུགས་ཆེར་གཏོང་བ་དང་། ཤམ་བྷ་ལའི་ཁུལ་ཆེན་མོ་དང་གཟི་ཚ་སྡེ་དགུའི་ཁུལ་ཆེན་མོ། ཆུང་ཧའེ་ལུའོ་ཅི་རི་བོ་སོགས་ཡུལ་སྐོར་ཁུལ་གཙོ་བོ་ཁག་བཅས་འཛུགས་སྐྲུན་དམ་ཟབ་བྱེད་པ་དང་། རྒྱལ་སྤྱིའི་རང་བཞིན་གྱི་ཡུལ་སྐོར་ལམ་ཐིག་བཞེངས་སྐྲུན་བྱས་ཏེ། འབྲོག་ཁུལ་དེ་དག་འཛམ་གླིང་གི་ཡུལ་སྐོར་ས་ཁུལ་གཙོ་བོར་འཛུགས་སྐྲུན་བྱེད་དགོས་པ་བསྟན་ཡོད། འབྲོག་དམངས་གཏན་སྡོད་འཆར་གཞི་དང་དབྱིས་རིགས་ཁྱིམ་གཞི་གསར་བ་འཛུགས་སྐྲུན་ལས་དོན་དང་འབྲེལ་ནས། ཞིང་འབྲོག་ཁྱིམ་སྟོང་ཕྲག་མང་བོར་སྤྲོ་སྣང་བསྐྲུན་པའི་ལས་གཞིར་མཛུབ་སྟོན་ལག་བསྟར་བྱེད་པ་ཇེ་མགྱོགས་སུ་བཏང་ནས། འབྲོག་ཁུལ་གྱི་གྲོང་སྡེའི་སྐྱེ་ཁམས་ཡུལ་སྐོར་གོང་འཕེལ་གཏོང་བ་དང་། རྩྭ་ཐང་གི་མཛེས་ལྗོངས་དང་མི་རིགས་གོམས་གཤིས། ཆོས་ལུགས་རིག་གནས་སོགས་ཁྱད་ཆོས་གཙོ་བོ་བྱས་པའི་ཡུལ་སྐོར་ཐོན་ལས་འཕེལ་རྒྱས་ཇེ་མགྱོགས་སུ་བཏང་ནས། ཡུལ་སྐོར་ལས་རིགས་ཀྱིས་ཞིང་འབྲོག་མིའི་ལས་ཞུགས་གཏན་འཇགས་ཡོང་བ་དང་ཡོང་འབབ་འཕར་སྣོན་རྒྱུན་མཐུད་ཡོང་བར་སྐུལ་འདེད་དང་སྣེ་ཁྲིད་སོགས་བྱེད་དགོས་པ་རེད།
སྐྱེ་ཁམས་ཁྱད་ཆོས་ཅན་གྱི་ཐོན་ལས་འཕེལ་རྒྱས་ཤུགས་ཆེར་བཏང་ནས། འབྲོག་མིའི་ཐོན་ལས་བསྒྱུར་བཅོས་ལ་སྐུལ་འདེད་གཏོང་བ། སི་ཁྲོན་ཞིང་ཆེན་གྱིས་《བསམ་འཆར》ལྟར། འབྲོག་ཁུལ་དུ་ནུས་ཁུངས་གཙང་མ་དང་། ཁོར་ཡུག་དང་མཐུན་པའི་ཐོན་ཁུངས་སྔོག་འདོན་བཀོལ་སྤྱོད་བྱེད་པའི་རྣམ་གྲངས་སྔོན་དུ་འཛུགས་སྐྲུན་ཚད་འཇལ་བྱེད་པར་རྒྱབ་སྐྱོར་དང་། འབྲོག་ཁུལ་དུ་ཁེ་ལས་ཆུང་འབྲིང་འཛུགས་སྐྲུན་འཕེལ་རྒྱས་གཏོང་བར་རོགས་སྐྱོར་བྱེད་པའི་ཐེབས་རྩ་འཛུགས་པར་རྒྱབ་སྐྱོར་བྱེད་པ།
༢༠༢༠ ལོའི་ཟླ ༡༢ པའི་ཚེས ༣༡ ཉིན་གྱི་སྔོན་དུ། ཆ་རྐྱེན་འཛོམས་པའི་སྐུལ་འདེབས་རང་བཞིན་གྱི་ཐོན་ལས་ཏེ་འབྲོག་ཁུལ་གྱི་ཁེ་ལས་ཁག་གི་ཁྲལ་འཇལ་ཚད་བརྒྱ་ཆ ༡༥ ཇེ་དམར་གཏོང་རྒྱུ་དང་། དངུལ་རྩའི་སྡེ་ཁག་གིས་རྩྭ་ས་དང་ནགས་ཁུལ་བཀོལ་སྤྱོད་དབང་ཐང་སོགས་གཏའ་མར་འཇོག་པ་སོགས་གཏའ་འཇོག་འགན་ལེན་ཐབས་ལམ་སྣ་ཚོགས་སྒྲུབ་པར་སྐུལ་འདེད་དང་། དངུལ་རྩ་འགན་ལེན་ཀུང་སིས་འབྲོག་ཁུལ་གྱི་ཐོན་ལས་ཁག་འཕེལ་རྒྱས་གཏོང་བར་རྒྱབ་སྐྱོར་བྱེད་པ་མ་ཟད། འབྲོག་ཁུལ་དང་ནང་ལོགས་ས་ཁུལ་གྱིས་མཉམ་དུ་ཐོན་ལས་ས་ཁུལ་འཛུགས་སྐྲུན་བྱེད་པར་སྐུལ་འདེད་དང་རྒྱབ་སྐྱོར་བྱས་ཏེ། ས་ཁུལ་དེ་དག་གི་དཔལ་འབྱོར་འཕེལ་རྒྱས་གཏོང་དགོས་པ་རེད།
ཤུགས་ཆེན་པོས་མང་ཚོགས་ཀྱི་འཚོ་བར་ལེགས་བཅོས་བྱེད་པ།
སྤྱི་པའི་ཞབས་ཞུའི་ནུས་པ་དང་འཕེལ་རྒྱས་ཆ་རྐྱེན་ཇེ་ལེགས་གཏོང་བ།
《བསམ་འཆར》ནང་དམངས་འཚོ་ལེགས་བཅོས་ལས་དོན་དང་འབྲེལ་ནས། འབྲོག་ཁུལ་གྱི་རྨང་གཞིའི་སྒྲིག་ཆས་འཛུགས་སྐྲུན་ཤུགས་ཆེར་གཏོང་བ་དང་། འབྲོག་ཁུལ་གྱི་སྤྱི་པའི་ཞབས་ཞུའི་ནུས་པ་ཇེ་མཐོར་བཏང་ནས། འབྲོལ་ཁུལ་འཕེལ་རྒྱས་ཆ་རྐྱེན་ཇེ་ལེགས་སུ་གཏོང་དགོས་པ་བསྟན།
འགྲིམ་འགྲུལ་ཕྱོགས་ནས། སི་ཁྲོན་ཞིང་ཆེན་གྱི་འབྲོག་ཁུལ་ཏུ་ཡིང་ཞིའུ་ནས་ཝུན་ཁྲོན་བར་གྱི་མགྱོགས་བགྲོད་གཞུང་ལམ་འཛུགས་སྐྲུན་ཤུགས་ཆེན་པོ་བྱས་ཏེ། ལོ་ལྔ་ཚན་བཅུ་གཉིས་རིང་དུ་ཡ་ཨན་ནས་དར་རྩེ་མདོ་དང་། མེན་དབྱང་ནས་གཟི་ཚ་སྡེ་དགུ། ཝུན་ཁྲོན་ནས་འབར་ཁམས། ཝུན་ཁྲོན་ནས་གཟི་ཚ་སྡེ་དགུ། ཞི་ཁྲང་ནས་ཀྲའོ་ཐུང་སོགས་བར་གྱི་མགྱོགས་བགྲོད་གཞུང་ལམ་འཛུགས་སྐྲུན་བྱེད་རྒྱུ་མ་ཟད། འབྲོག་ཁུལ་གྱི་གཞུང་ལམ་གཙོ་བོ་ཁག་འཛུགས་སྐྲུན་ཇེ་མགྱོགས་སུ་བཏང་ནས། གངས་དཀར་རི་བོ་དང་གཟི་ཚ་སྡེ་དགུའི་ཁུལ་ཆེན་མོ། ཤམ་བྷ་ལའི་ཁུལ་ཆེན་མོ་སོགས་ཡུལ་སྐོར་ས་ཁུལ་གཙོ་བོ་ཁག་གི་གཞུང་ལམ་འཛུགས་སྐྲུན་སྐུལ་འདེད་གཏོང་བ་དང་། གྲོང་སྡེ་སོ་སོར་གཞུང་ལམ་འཛུགས་སྐྲུན་བྱེད་པ་དང་ཞིང་འབྲོག་གཏན་སྡོད་ས་ཚིགས། དབྱིས་རིགས་ཁྱིམ་གཞིས་གསར་བ་སོགས་ལ་གཞུང་ལམ་འཛུགས་སྐྲུན་ཕྱོགས་ཡོངས་ནས་ཇེ་མགྱོགས་སུ་གཏོང་རྒྱུ།
དེ་མིན་ད་དུང་རྔ་བ་ཁུལ་ཁྱུང་མཆུ་རྫོང་དང་དཀར་མཛེས་ཁུལ་གྱི་ཏའོ་ཁྲེང་ཡ་ཏིང་གནམ་གྲུ་འབབ་ཚིགས་འཛུགས་སྐྲུན་གྱི་ལས་འགོ་བརྩམས་པ་དང་། དཀར་མཛེས་གནམ་གྲུ་འབབ་ཚིགས་འཛུགས་སྐྲུན་གྱི་སྔོན་འགྲོའི་ལས་དོན་སྐུལ་འདེད་གཏོང་བ། ཁྲིན་ཏུའུ་ནས་ལན་ཀྲོའུ་བར་གྱི་ལྕགས་ལམ་འཛུགས་སྐྲུན་ཇེ་མགྱོགས་སུ་གཏོང་རྒྱུ།
སྐྱེ་ཁམས་སྲུང་སྐྱོབ་ལ་ཤུགས་སྣོན་རྒྱག་པ།
འབྲི་ཆུའི་སྟོད་རྒྱུད་ཀྱི་སྐྱེ་ཁམས་སྲུང་ཁེབས་འཛུགས་སྐྲུན་བྱེད་པ།
རྩྭ་ཐང་སྲུང་སྐྱོབ་ལ་ཤུགས་སྣོན་རྒྱག་པའི་ལས་དོན་དང་འབྲེལ་ནས། འབྲི་ཆུའི་སྟོད་རྒྱུད་ཀྱི་སྐྱེ་ཁམས་སྲུང་ཁེབས་འཛུགས་སྐྲུན་བྱེད་དགོས། 《བསམ་འཆར》ནང་བསྟན་དོན། སི་ཁྲོན་ཞིང་ཆེན་འབྲོག་ཁུལ་གྱིས་གཞི་རྩའི་རྩྭ་ཐང་སྲུང་སྐྱོབ་ལམ་ལུགས་ཕྱོགས་ཡོངས་ནས་ལག་བསྟར་བྱེད་པ་དང་། ༢༠༡༥ ལོའི་བར་དུ་གཞི་རྩའི་རྩྭ་ཐང་འཆར་འགོད་རྒྱ་ཁྱོན་གྱིས་འབྲོག་ཁུལ་རྩྭ་ཐང་གི་བརྒྱ་ཆ ༨༠ ཟིན་པ་བྱེད་པ་དང་། རྩྭ་ཐང་གི་ནུས་ལྡན་ཁུལ་འཆར་འགོད་བྱེད་པའི་ལས་དོན་ཇེ་མགྱོགས་སུ་བཏང་ནས། གྲང་ངར་ཆེ་ཁུལ་དང་ཞིང་འབྲོག་འདྲེས་མ་ཁུལ། ཨན་ཉིང་གཙང་བོ་དང་རྒྱལ་རོང་རྒྱལ་མོ་རྔུལ་ཆུ། རྨིན་ཅང་གཙང་བོ་འབབ་ཁུལ་བཅས་སུ་ཚན་རིག་དང་མཐུན་པའི་སྒོ་ནས་རིགས་དབྱེ་བྱས་ཏེ་སྐྱེ་ཁམས་སྲུང་སྐྱོབ་རྣམ་པ་འཛུགས་སྐྲུན་བྱེད་རྒྱུ།
《བསམ་འཆར》ནང་བསྟན་པ་ལྟར་ན། སི་ཁྲོན་ཞིང་ཆེན་གྱིས་སི་ཁྲོན་ཞིང་ཆེན་མཚོ་བོད་མཐོ་སྒང་སྐྱེ་ཁམས་འཛུགས་སྐྲུན་དང་ཁོར་ཡུག་སྲུང་སྐྱོབ་འཆར་གཞི། སི་ཁྲོན་དང་བོད་ལྗོངས་ས་ཁུལ་གྱི་སྐྱེ་ཁམས་སྲུང་སྐྱོབ་དང་འཛུགས་སྐྲུན་འཆར་གཞི་ལག་བསྟར་བྱེད་པ། དཀར་མཛེས་དང་རྔ་བ་སོགས་གྲང་ངར་ཆེ་བའི་རྩྭ་ཐང་ཁུལ་གྱི་སྐྱེ་ཁམས་བསྐྱར་གསོ་ཇེ་མགྱོགས་སུ་གཏོང་བ། རང་བྱུང་རྩྭ་ཐང་དུ་སྒོ་ཕྱུག་ཇེ་ཉུང་བཏང་ནས་རྩྭ་ཆུ་སྲུང་སྐྱོབ་ལས་གཞི་སོགས་མུ་མཐུད་དུ་ལག་བསྟར་བྱས་ཏེ། འབྲོག་ཁུལ་གྱི་གཤེར་ས་འཛུགས་སྐྲུན་དང་བྱེ་འགྱུར་ལེགས་བཅོས་བཅས་ལ་སྐུལ་འདེད་གཏོང་རྒྱུ་དང་། ད་དུང་ལོ་རེ་རེར་རྩྭ་ཐང་གི་འགྱུར་ལྡོག་ལ་བརྟག་དཔྱད་བྱེད་པ་དང་། ལོ་ལྔ་རེའི་ནང་དུ་རྩྭ་ཐང་ཐོན་ཁུངས་ལ་ཕྱོགས་ཡོངས་ནས་བརྟད་ཞིབ་བྱེད་རྒྱུ་བཅས་རེད།
ཅེས་བཀོད་ཡོད་པ་རེད།
བཀའ་ཁྲི་མཆོག་ལ་ངས་ལམ་སྟོན་ཞིག་ཞུ། དེ་ཐུགས་ལ་ཉར་རོགས།
༼ མི་རིགས་དབྱེ་འབྱེད་༽ཟེར་བ་དང་༼ མི་རིགས་བར་གྱི་ཞེ་འཁོན་༽ཞེས་པའི་ཚིག་འདི་དག་ཕོ་གསར་གྱི་སྣང་བ་དང་། ལས་རྒྱུ་མེད་པའི་ནོངས་ཀྱིས་བཤད་ཀྱིན་བསྡད་ན་འགྲིག་ཡོད་པ་མ་རེད། ཁྱེད་རང་དབུ་མའི་ལམ་གྱི་དབུ་ཁྲིད་དང་བོད་རྒྱ་འབྲེལ་མོལ་གྱི་མཇུག་སྐྱོང་མཁན་ཡིན་པས་ལྟ་གྲུབ་དེ་དང་ཆོད་སེམས་དེར་གོང་གི་ཚིག་འདི་དག་གསུང་རྐྱང་བྱས་ན་འགྲིག་གི་མེད། དེ་བྱུང་རབས་ལ་ལྟོས་པས་ཤེས་ལ། ༧གོང་ས་མཆོག་དང་བཀའ་སྤྱི་སྔོན་མ་དག་གི་གསུང་འཕྲིན་གཏམ་བཤད་གལ་ཆེན་རྣམས་བསྐྱར་ཀློག་ཅིག་བྱས་ན་ཐུགས་ཆུབ་ཡོང་ངེས་ཡིན།
དཔེའི་སྒོ་ནས་བརྗོད་ན། རྒྱ་ནག་གཞུང་གིས་ཆོད་སེམས་མེད་པའི་ཆབ་སྲིད་ཀྱི་ཇུས་ངན་རིམ་པས་ཁུངས་འཁྱོལ་གྱི་མེད་པ་དེས། ཁྱེད་ལྟར་ན་’’རང་གི་ནང་མི”སྟེ་བོད་མི་ཚོས་ངོ་རྒོལ་བྱེད་ཀྱི་ཡོད་པ་རེད། ཐེར་འདོན་བྱེད་ཀྱི་ཡོད་པ་རེད། དེ་ནི་ཁྱོ་ག་ཞིག་གིས་རང་གི་སྐྱེད་དམན་ལ་མགོ་བསྐོར་བཏང་སྟེ་ཟུར་ནས་བུད་མེད་བསྟེན་པ་དང་མཚུངས། གལ་སྲིད་བུད་མེད་བསྟེན་མཁན་དེ་ཁྱེད་རང་ཡིན་དབང་དུ་བཏང་ན། ཉིན་ཞིག་བཀའ་ཤག་ཡིག་ཚང་དུ་ཁྱེད་ཀྱི་སྐྱེད་དམན་ཤོར་ནས་ངུས་ནས་ཁྱེད་ལ་ངོ་རྒོལ་བྱེད་དུ་ཡོང་ན། ཁྱེད་ཀྱིས་ཞུ་བ་འཐེན་རྒྱུ་ལས། ཉེ་འགྲམ་ལ་ངོ་ནོངས་ནས་སྐྱེད་དམན་ལ་འགྲམ་ལྕགས་གཞུས་དང་གཅིག་མཚུངས་རེད། རྒྱ་ནག་གཞུང་ཡང་དེ་ག་རང་རེད། རང་གི་རུལ་སུངས་ཀྱི་སྲིད་བྱུས་ལ་ངོ་ནོངས་ནས་ལམ་སེང་དྲག་གནོན་བྱེད་ཀྱི་ཡོད་པ་རེད། ཁྱོ་ག་དེ་དང་རྒྱ་ནག་གཞུང་གི་བྱེད་ཕྱོགས་གཅིག་པ་ཆགས་ཀྱི་ཡོད་པ་རེད། དེ་འགྲོ་བ་མིའི་གཤིས་རྒྱུད་དང་འབྲེལ་བ་ཡོད་པ་རེད། སྐབས་དེར་ཁྱོ་ག་དེ་དང་རྒྱ་ནག་གཞུང་གཉིས་ཀས་རང་སྐྱོན་ངོས་ལེན་བྱེད་རྒྱུ་ལས། ཧམ་པ་དང་དབང་ཤེད་ཚད་ཀྱི་ཡོད་པ་རེད། སྐབས་དེར་ད་དུང་ཁྱོ་གས་བུད་མེད་ཀྱི་ཡག་བཙོག་བྱེད་ན་འགྲིག་གམ། དེ་ནི་མི་རིགས་དབྱེ་འབྱེད་དུ་འདོགས་རྒྱུ་ལས། ངོ་ནོངས་པའི་ལས་ནོར་དག་ལ་སྡེབས་ལངས་ཀྱིས་མེར་བསྲེགས་མ་བཏང་རོགས་ཞེས་བཤད་ན་དབུ་ཁྲིད་ཅིག་ལ་འོས་འཚམས་མ་རེད་དམ།
བཀའ་ཁྲི་མཆོག་གིས་འདང་དགོང་རང་ལུས་མ་བསྲེགས་པར་ཞི་བའི་སྒོ་ནས་བོད་མི་ཡོངས་སུ་སྡེབས་ལངས་ཀྱིས་རྣམ་དཔྱོད་དང་ལྡན་པའི་འཐབ་རྩོད་བྱེད་དགོས་ཞེས་ཕེབས་ཡོད་ན། ད་གཟོད་མི་རིགས་དབྱེ་འབྱེད་ཀྱི་ཚིག་འདི་བེད་སྤྱོད་གཏོང་དགོས་རྒྱུ་མ་རེད། ཉིད་ཀྱི་གྲོས་མོལ་གྱི་ཐུགས་འདུན་ལེགས་གྲུབ་འབྱུང་གི་རེད།
ལར་ནས་རྒྱ་ནག་གིས་ཚིག་འདི་དག་སྤྱོད་ཤུགས་ཆེན་པོས་ཁྱེད་དང་ཁྱེད་ཀྱི་གཞུང་ལ་དངོས་གནས་འབྲེལ་བ་གང་ཡང་མ་བྱས་ན། དེ་རིང་ནས་བོད་ཡོངས་སུ་སྒོ་རྒྱབ་པ་ལྟ་བུ་ཞིག་གསར་ལམ་ཁག་ཏུ་ཐོན་མི་འདུག་གམ། དངོས་གནས་འཆར་གཞི་དགོས་པ་རེད། ང་ཚོས་ཁྱེད་བཀའ་བློན་ཁྲི་པར་བརྩི་བཞིན་ཡོད།
ད་དེ་ཙམ་གྱིས་ཆོག་ན་ཁ་འདོན་དང་མར་མེ་སྒྲོན་རྒྱུ་ནི་བོད་ནང་དུའང་བྱེད་ཐུབ་ལ་ཆོག་ཡང་ཆོག
བོད་ནང་ལོགས་ཀྱི་སྦུན་ཟླ་ཚོས་མེ་མདའི་མཆུ་འོགས་ནས་རང་སྲོག་མེ་ལ་སྒྲོན་བཞིན་རྒྱ་དགྲ་ལ་ངོ་རྒོལ་བྱེད་ཐུབ་ན།
བཙན་བྱོལ་རང་དབང་ལུང་པའི་བོད་པ་ཚོས་མགོ་འཁྲིད་མི་སྐྱ་ཞིག་གདམས་ནས་ཁ་འདོན་རེ་སྐོར་ར་རེ་བྱས་སྡོད་རྒྱུ་ཡིན་ནམ།
་ནུབ་ཕྱོགས་གསར་འགོད་པ་འགས་བོད་བཙན་བྱོལ་གཞུང་ལ་སྡོམ་ཚིགས་བརྒྱབ་པ་དེའང་ཇི་མ་བདེན་་
རེ་བ་རི་ལྟར་མཐོ་བའི་བཀའ་ཁྲི་ཡི ། །
བློ་གྲོས་མཁའ་ལྟར་ཡངས་པའི་ཐུགས་ཀློང་ནས ། །
དུས་བབ་ཆར་ལྟར་འཇོ་བའི་གསུང་བཟང་བཅུད ། །
གཞིས་བྱེས་སྤུན་ལྟར་བརྩེ་བའི་གསོས་སུ་རོལ ། །
གཞིས་ལུས་ཀྱི་སྤུན་ཟླ་ཚོས་ལོ་ངོ་ལྔ་བཅུ་ནས་དྲུག་ཅུའི་རིང་དཀའ་སྡུག་དུ་མ་ཁྱད་དུ་བསད་ནས་ང་ཚོ་དང་། དྲང་བདེན་གྱིས་ང་ཚོར་རྒྱབ་སྐྱོར་གནང་མཁན་ཚོར་རེ་བ་དང་ཡིད་ཆེས་བྱས་ཏེ། ས་སྲ་མོར་གོམ་པ་སྙི་མོ་བཙུགས་ནས། རང་གི་རིག་གཞུང་སྲུང་སྐྱོབ་དང་། ས་ཆ་བརྟན་སྲུང་བྱས་ནས་བཞུགས་ནི་རེད། དེའི་ཐོག་ལ་ཁ་འདོན་དགེ་སྦྱོར་ཡོད་ཡོད་པ་རེད། འོན་ཀྱང་དེའི་མ་འགྲིགས་པར་རང་སྲོག་མེ་ལ་སྦར་བ་དང་། མེ་མདའི་ཁ་ལ་སྐྱེབ་པར་བྱེད་ཀྱི་ཡོད་པ་རེད། བོད་མིའི་སྒྲིགས་འཛུགས་ལའང་ཁ་ཏོན་འདོན་རྒྱུ་མ་གཏོགས་ཆབ་སྲིད་ཀྱང་མེད་ན་ད་ཚར་སོང་ནི་རེད། དགའ་ལྡན་ཕོ་བྲང་སྒྲིགས་འཛུགས་ཤིག་གི་མིང་ལ་བསྒྱུར་ནོ་དོན་གོ་དེ་ཡིན་རྒྱུ་རེད། དེང་རབས་ཀྱི་སློབ་གསོ་དང་། ཕྱིའི་ཤེས་ཡོན་དང་ཆབ་སྲིད་ཡོད་པའི་འགོ་ཁྲིད་ང་ཚོས་འདམས་ཡོད་ཅེས་༸གོང་ས་མཆོག་གི་ཐུགས་ཀྱང་དགྱེས་ཡོད་ལ་མི་མང་ཡང་འདོད་པ་ཚིམས་ཡོད། ད་ཟམ་གདོང་བླ་རྒན་དང་གཅིག་མཚུངས་བྱས་དང་ཁྱེད་ལ་སྡོམ་ཚིག་ཞུ་ནི་རེད།
གཞུང་འབྲེལ་གྱི་མཛད་སྒོ་དང་ལྷག་པར་ལས་འགུལ་འདི་འདྲའི་སྐབས་སུ་སྐྱབས་བཅོལ་སྒྲིག་འཛུགས་ཀྱི་དབུ་ཁྲིད་དང་གཞུང་ཞབས་རྣམ་པ་དེ་ཙམ་མཐོང་རྒྱུ་ཐོས་རྒྱུ་ཡོད་པ་མ་རེད་ལ་ཁ་སེང་གི་ལས་འགུལ་སྐབས་སུ་དེ་འདྲ་རང་རེད་འདུག་དོན་ངོ་མ་དབུས་བོད་མིའི་སྒྲིག་འཛུགས་ནང་ཕྱག་ལས་གནང་མང་གཙོ་ཀ་བ་གསུམ་གྱི་མཛད་གཙོ་རྣམ་པ་དབུས་པའི་ལས་བྱེད་རྣམས་ནི་བོད་པའི་འཐབ་རྩོད་དང་ལས་འགུལ་སོགས་སྣེ་ཁྲིད་བྱེད་མཁན་ཡིན་དུས་ཁོང་རྣམ་པ་ཚང་མ་ལས་ཁུངས་ནང་ཕྱག་ལས་ལ་ཕེབས་པ་ནང་བཞིན་ཕེབས་དགོས་ངེས་རེད།
ད་ལྟའི་རྒྱ་གཞུང་ལས་བྱེད་ཚོར།
གང་ལ་དྲག་གནོན་ཡོད་སར་ངོ་རྒོལ་དང་།
གང་དུ་དབྱེ་འབྱེད་ཡོད་སར་འཁྲུགས་རྫིང་ཡོང་ངེས་ཡིན་པ་མི་ཤེས་སམ།
རྒྱལ་འགྱུར་ཅིག རྒྱལ་འགྱུར་ཅིག བདེན་པ་ཉིད་རྒྱལ་འགྱུར་ཅིག །
བཀའ་ཁྲི་མཆོག་གི་གསུང་པ་ལ་ཡི་རང་ཡོད་ད་དུང་འདི་ལྟར་ལས་འགུལ་གང་མང་ཞིག་གནང་བས་རེ་བ་ཡོད། རྒྱལ་ཁབ་འདྲ་མིན་དུ་ལས་འགུལ་སྤེལ་རོགས་ཟེར་ནས་འབོད་བསྐུར་གནང་རྒྱུ་གལ་ཆེན་རེད་སྤུན་ཟླ་གང་མང་ཞིག་གི་འུ་ཚོ་ལ་ལྟས་ནས་འདི་ལྟར་རང་སྲོག་བློས་གཏོང་གི་ཡོད་པ་དེ་ཁྱེད་ཀྱི་མཁྱེན་གསལ་རེད་བཀའ་དྲིན་ཆེ་བོད་མིའི་གཟི་བརྗིད་རེད།
རྒྱ་ནག་གུང་ཁྲན་རིང་ལུགས་པ་རྣམས་སྤྱང་པོ་དང་གྲུང་པོ་ཡོད་ན། ད་ལྟ་༸རྒྱལ་བ་དོན་གྱི་བདག་པོ་སྐུ་འཚོ་བཞུགས་དེར་གྲོས་མོལ་གྱི་ལམ་ནས་རྒྱ་བོད་གཉིས་ཀྱི་དཀའ་ངལ་དེ་སེལ་ཐབས་གནང་རྒྱུ་ཧ་ཅང་གལ་ཆེན་པོ་རེད། འབྱུང་འགྱུར་རྒྱ་བོད་ཀྱི་དཀའ་རྙོག་དེ་ཇེ་ཞན་ཇེ་སྡུག་ཏུ་འགྲོ་རྒྱུ་ལས་ཐབས་གཞན་མེད།།