ཉེ་ཆར་མདོ་སྨད་མང་ར་རྫོང་དུ་ས་གནས་རྒྱ་གཞུང་གིས་ལོ་སར་དགོང་ཚོགས་རྒྱས་སྤྲོས་ཤིག་འཚོགས་དགོས་པའི་བཙན་བཀའ་བཏང་ཡང་།ས་གནས་བོད་རིགས་མང་ཚོགས་མཉམ་ཞུགས་མ་བྱས་སྟབས་ཕྱིར་འཐེན་བྱ་དགོས་བྱུང་འདུག
དེ་རིང་མིང་བརྗོད་འདོད་མེད་པའི་བོད་མི་ཞིག་གིས་བོད་ནང་ནས་ཁ་པར་བརྒྱུད་འདི་གར་གནས་ཚུལ་བརྗོད་པ་ལྟར་ན། ཉེ་སྔོན་མདོ་སྨད་མང་ར་རྫོང་དུ་ས་གནས་རྒྱ་གཞུང་གིས་བརྡ་ཁྱབ་ཅིག་སྤེལ་ཏེ། འདི་ལོའི་ཕྱི་ཟླ་ ༢ ཚེས་ ༥ ནས་ ༦ བར་ཏེ། རྒྱའི་ལོ་གསར་གྱི་ཚེས་ ༡༤ ནས་ ༡༥ བར་ས་གནས་སྲིད་གཞུང་གི་བཀོད་འདོམས་འོག་རྫོང་ཐོག་ཏུ་ལོ་སར་དགོང་ཚོགས་རྒྱས་སྤྲོས་ཤིག་འཚོགས་དགོས་པ་དང་། དེར་མང་ར་ས་ཁུལ་གྱི་དགོན་སྡེ་ཁག་གི་གྲྭ་བཙུན་དང་སྡེ་བ་སོ་སོའི་འཐུས་མི་མཉམ་ཞུགས་བྱེད་དགོས་པའི་བཙན་བཀའ་བཏང་ཡོད་ཀྱང་། དགོན་སྡེ་ཁག་གི་གྲྭ་བཙུན་གཙོས་ས་གནས་མང་ཚོགས་ཀྱིས་ངོས་ལེན་མ་གནང་པར་མཉམ་ཞུགས་བྱས་མེད་སྟབས། ལོ་སར་དགོང་ཚོགས་དེ་ཕྱིར་འཐེན་བྱེད་དགོས་བྱུང་ཡོད་འདུག
གནས་ཚུལ་དེ་བྱུང་རྗེས་ས་གནས་རྒྱ་གཞུང་གིས་ཐར་ཤུལ་དགོན་དང་ཀ་རྒྱ་དགོན། ཀླུ་ཚང་དགོན་སོགས་སུ་བོད་མི་ལས་བྱེད་མང་པོ་མངགས་གཏོང་བྱས་ཏེ་དགོན་པ་ཁག་ནང་བདེ་འཇགས་ལས་དོན་སྒྲུབ་བཅུག་ཡོད་པ་དང་། གལ་སྲིད་དགོན་སྡེ་ཁག་ནང་ལས་དོན་ཚགས་ཚུད་མ་བྱུང་པར་ངོ་རྒོལ་རིགས་བྱུང་ཚེ། བོད་མི་ལས་བྱེད་རྣམས་ལས་གནས་ནས་ཕྱིར་འབུད་གཏོང་རྒྱུ་ཡིན་པའི་ཉེན་བརྡ་བཏང་ཡོད་པར་མ་ཟད། རྒྱ་གཞུང་གིས་བོད་རིགས་ལས་བྱེད་རྣམས་ལ་ཡིད་མ་ཆེས་པར། གསང་བའི་སྒོ་ནས་མི་སྣ་ཆེད་གཏོང་གིས་དུས་ངེས་མེད་ཐོག་བོད་རིགས་ལས་བྱེད་ཚོའི་ལས་དོན་སྒྲུབ་སྟངས་ཐད་ལྟ་རྟོག་ནན་མོ་བྱེད་བཞིན་ཡོད་འདུག
ས་གནས་རྒྱ་གཞུང་གིས་མང་ར་ས་ཁུལ་གྱི་དགོན་སྡེ་ཁག་ནང་བདེ་འཇགས་ལས་དོན་སྤེལ་ཏེ། གྲྭ་བཙུན་ཚོར་བཀག་སྡོམ་སུན་གཙེར་བཟོ་བཞིན་པའི་རྐྱེན་གྱིས། ད་ལྟ་གྲྭ་བཙུན་རྣམས་དགོན་པའི་ནང་སྡོད་བཟོད་དཀའ་བའི་གནས་སྟངས་འོག་ལྷུང་ཡོད་འདུག
རེད་རེད། དེ་རིང་ཁ་སང་གང་ས་གང་དུ། དམ་དྲག་བྱེད་ཀྱི་འདུག མཚོ་ལྷོ་ཁུལ་གྱི་ས་ཆ་སོ་སོར་ལྟ་སྲུང་བས་ཁེངས་འདུག་ཟེར་ཀྱི་འདུག
གནས་སྐབས་རང་བཟོད་སྲན་གནང་པ་ཡིན་ན་འདི་ལྟར་ཁོང་ཚོས་དུས་རྟག་ཏུ་བཙན་གནོན་བྱེད་ཁབ་པོ་ཆགས་ཀྱི་རེད་བསམ་བྱུང་། གང་ཡིན་ཟེར་ན་འུ་ཚོ་ལ་བདེན་པ་དང་གནས་ལུགས་ཡོད་དུས་ཚང་མ་ཁ་མཐུན་པོ་གནང་པ་ཡིན་ན་བོད་མི་རིགས་ཟེར་པ་ལག་མ་ཁེས་པ་ཞིག་ཆགས་ཀྱི་རེད་བསམ་ནས་ཡིད་ཆས་བྱེད་བཞིན་ཡོད། བོད་མི་ཚོ་བཟོད་སྲན་བྱས་ནས་ནང་གཙང་ཞིག་ཡོང་རྒྱུ་ལ་འབད་རོགས་ཞུ།
ལབ་དགོན་པའི་དགེ་འདུན་བསོད་ནམས་རབ་ཡང་ལགས་ཀྱིས་རང་ལུས་མེར་སྲེག་བཏང་བ།
༢༠༡༢ ཟླ་ ༢ ཚེས་ ༡༠ རེས་གཟའ་པ་སངས།
༄༅། །ཕྱི་ལོ་ ༢༠༡༢ ཟླ་ ༢ ཚེས་ ༡༠ ཉིན་འདི་གར་ཁུངས་ལྡན་གནས་ཚུལ་འབྱོར་གསལ་ལྟར་ན། འདི་ཟླའི་ཚེས་ ༨ ཉིན་བོད་མདོ་སྨད་སྐྱེ་དགུ་མདོའི་ལབ་དགོན་པའི་དགེ་འདུན་པ་བསོད་ནམས་རབ་ཡང་ལགས་རང་ལོ་ ༣༧ སོན་པ་ཁོང་གིས་བོད་ནང་གི་ཕྱེད་ཡོལ་ཆུ་ཚོད་ ༤ ཙམ་དུ་ཁྲེན་ཏུར་རྫོང་ཐོག་ཏུ་རང་ལུས་མེར་སྲེག་བཏང་བར་བརྟེན་རྒྱ་ནག་གཞུང་གིས་ས་གནས་ཉེན་རྟོག་མི་སྣ་དང་དམག་མིས་དགེ་འདུན་པ་བསོད་ནམས་རབ་ཡང་ལགས་ཟི་ལིང་དུ་འཁྱེར་ཡོད་པ་ཙམ་ལས་ད་བར་ཁོང་འཆི་གསོན་གྱི་གནས་སྟངས་ཇི་ཡིན་ཁ་གསལ་ཞིབ་ཕྲ་ཤེས་རྟོགས་ཐུབ་མེད་པ་བཅས།།