དེ་རིང་རྒྱ་ནག་གི་སྲིད་འཛིན་གཞོན་པས་ཨ་རིའི་སྲིད་འཛིན་གཞོན་པར། ཐེ་ཝན་དང་བོད་སོགས་ཀྱི་གནད་དོན་དེ་ཀྲུང་གོའི་ཁེ་ཕན་གཙོ་བོ་དང་འབྲེལ་བ་ཡོད་པས། ཨ་རིའི་ཕྱོགས་ནས་གཟབ་ནན་བྱ་དགོས་ཚུལ་བཤད་ཡོད་ཟེར།
དེ་རིང་རྒྱ་ནག་གཞུང་འབྲེལ་གསར་ལམ་ཁག་ཏུ་རྒྱ་ནག་གི་སྲིད་འཛིན་གཞོན་པ་ཞིས་ཅིན་ཕིན་ཨ་རིར་ཕེབས་སྐྱོད་སྐབས། གཏམ་བཤད་བྱས་པ་ཁག་ཅིག་ལུང་འདྲེན་བྱས་པའི་ནང་། ཨ་རིའི་ཕྱི་ཚེས་ ༡༣ ཉིན་གྱི་ཕྱི་དྲོར་ཞིས་ཅིན་ཕིན་ཨ་རིའི་མཁའ་དམག་གནམ་ཐང་དུ་འབྱོར་མ་ཐག ” ང་ཐེངས་འདིར་ཨ་རིར་ཡོང་དོན་ནི། ན་ནིང་ཟླ་དང་པོའི་ནང་སྲིད་འཛིན་ཧུའུ་ཅིན་ཐོ་ཨ་རིར་མཚམས་འདྲི་གནང་སྐབས། སྲིད་འཛིན་ཨོ་བྷ་མ་དང་ཐུན་མོང་གི་ལྟ་ཚུལ་གལ་ཆེན་ཁག་ཅིག་བྱུང་ཡོད་པ་དེ་ལག་བསྟར་བྱེད་པར་ཡོང་བ་ཡིན” ཞེས་བརྗོད་ཡོད་ཚུལ་བཀོད་འདུག
ཨ་རིའི་ཕྱི་ཚེས་ ༡༤ ཉིན་གྱི་ཞོགས་པར་ཕོ་བྲང་དཀར་པོ་རུ་འཛིན་ཨོ་བྷ་མ་དང་ཐུག་འཕྲད་སྐབས། ཞིས་ཅིན་ཕེན་གྱིས “ཐེ་ཝན་གྱི་གནད་དོན་དེ་ཀྲུང་གོའི་བདག་དབང་དང་མངའ་ཁོངས་ཆ་ཚང་བ་ལ་འབྲེལ་བ་ཡོད་པའི་དོན་དག་ཅིག་ཡིན་སྟབས། དེ་ནི་དུས་ནམ་ཡང་ཀྲུང་གོ་དང་ཨ་རིའི་ཆེས་སྲོག་ཤིང་དང་ཚོར་བ་ཆེ་བའི་གནད་དོན་དུ་གྱུར་ཡོད། ཨ་རིའི་ཕྱོགས་ནས་ཐེངས་མང་པོར་ཀྲུང་གོ་གཅིག་ལས་མེད་པའི་སྲིད་ཇུས་རྒྱུན་འཁྱོངས་བྱེད་རྒྱུ་བསྐྱར་སྒྲོག་བྱས་པ་ལ་བསྔགས་བརྗོད་ཡོད” ཅེས་བརྗོད་ཡོད་སྐོར་ཙམ་ལས། ཨོ་བྷ་མས་འགྲོ་བ་མིའི་ཐོབ་ཐང་གི་གནད་དོན་སོགས་གླེང་སློང་བྱས་ཚུལ་གང་ཡང་བཀོད་མི་འདུག
དེའི་རྗེས་ཨ་རིའི་སྲིད་འཛིན་གཞོན་པ་ཇཱོན་པེ་ཌན་(Joe Biden)དང་མཇལ་འཕྲད་སྐབས། ཞིས་ཅིན་ཕེན་གྱིས་སྐབས་རྗེས་མའི་ཨ་རྒྱ་གཉིས་ཀྱི་འབྲེལ་ལམ་གོང་མཐོར་གཏོང་ཕྱོགས་སྐོར་ལ་གྲོས་གཞི་ལྔ་བཏོན་ཡོད་ཚུལ་བཀོད་པ་ལས། དོན་ཚན་གསུམ་པའི་ནང་། “ ཕྱོགས་གཉིས་ཀྱིས་འཕེལ་རྒྱས་བགྲོད་ལམ་ལ་ལྟ་ཚུལ་ཡང་དག་བཟུང་སྟེ་ཕན་ཚུན་གྱི་ཁེ་ཕན་གཙོ་བོར་བརྩི་འཇོག་བྱེད་པ་ལས། ཕན་ཚུན་བར་འགལ་ཟླ་དང་ཕ་རོལ་བའི་ཁེ་ཕན་ལ་གནོད་སྐྱེལ་མི་རུང་། ཐེ་ཝན་དང་བོད་སོགས་ཀྱི་གནད་དོན་དེ་ཀྲུང་གོའི་ཁེ་ཕན་གཙོ་བོ་ལ་འབྲེལ་བ་ཡོད་སྟབས། ཨ་རིའི་ཕྱོགས་ནས་གཟབ་ནན་དང་ཐག་གཅོད་འོས་འཚམ་བྱས་ཏེ། ཀྲུང་གོ་དང་ཨ་རིའི་འབྲེལ་བར་ཡང་བསྐྱར་དོ་ཕོག་ཡོང་གཞིའི་རིགས་ལ་སྔོན་འགོག་བྱ་དགོས” ཞེས་བཀོད་འདུག
གྲོས་གཞི་དོན་ཚན་བཞི་བའི་ནང་། “ མ་འོངས་པར་ཁ་ཕྱོགས་ཏེ་མི་དམངས་བར་གྱི་འབྲེལ་འདྲིས་ཇེ་ཟབ་ཏུ་གཏོང་དགོས། ཀྲུང་གོའི་ཕྱོགས་ཀྱིས་ཨ་རིས་མི་འབུམ་གཅིག་ ༡༠༠༠༠༠ ཀྲུང་གོར་མངགས་ནས་སློབ་སྦྱོང་བྱེད་པའི་འཆར་གཞི་ལ་རྒྱབ་སྐྱོར་བྱས་པར་མ་ཟད། ཀྲུང་གོའི་སློབ་མ་ཁྲི་གཅིག་ ༡༠༠༠༠ ཨ་རིར་མངགས་ཏེ་འབུམ་རམས་པའི་ཐོབ་ཐང་ལེན་པ་དང་། ཨ་རིའི་སློབ་མ་ཁྲི་གཅིག་ ༡༠༠༠༠ ཀྲུང་གོར་ཡོང་ནས་ཟབ་འཇུག་བྱེད་པ་དང་། ཁོང་ཅག་ལ་སློབ་རོགས་བྱ་དགའ་སྟེར་བ་བཅས་ཀྱི་ལས་གཞི་ལག་བསྟར་བྱས་ཏེ། རྒྱལ་ཁབ་གཉིས་ཀྱི་ན་གཞོན་རྣམས་འགྲོ་འོང་བྱེད་པར་སྔར་ལས་རྒྱ་ཆེ་བའི་སྟེགས་བུ་ཞིག་འདོན་སྤྲོད་བྱེད་དགོས” ཞེས་སོགས་བཀོད་འདུག
ཉིན་གུང་ཨ་རིའི་ཕྱི་སྲིད་བློན་ཆེན་ལྕམ་ཧེ་ལི་རེ་ཁུ་ལོན་ཊོན་དང་། ཨ་རིའི་སྲིད་འཛིན་གཞོན་པ་ཇཱོན་པེ་ཌན་གཉིས་ཀྱིས་ཞིས་ཅིན་ཕིན་གུང་ཟས་གསོལ་ཚིགས་ཤིག་ཏུ་མགྲོན་འབོད་བྱས་པའི་ཐོག ཞི་ཅིན་ཕེན་གྱིས། “ ཀྲུང་གོ་དང་ཨ་རི་གཉིས་ལ་རྒྱལ་སྤྱི་དང་ས་ཁུལ་གྱི་གནད་དོན་དང་། འགྲོ་མིའི་ཐོབ་ཐང་གི་གནད་དོན་ཐད་ནས་ལྟ་བ་མི་མཐུན་ས་ཡོད་པ་ནི་རྒྱུན་ལྡན་ཡིན། གལ་ཆེ་ཤོས་དེ་ཕན་ཚུན་ལ་བརྩི་བཀུར་དང་གཞུང་དྲང་གིས་འབྲེལ་འདྲིས་བྱས་ཏེ་ཕན་ཚུན་གྱི་ནང་སྲིད་ལ་ཐེ་གཏོགས་མི་བྱེད་པའི་རྩ་དོན་རྒྱུན་འཁྱོངས་བྱ་རྒྱུ་དེ་ཡིན། ཕྱོགས་གཉིས་ཀས་མཉམ་ལས་གྲོགས་པོའི་འབྲེལ་བ་ལ་སྲུང་སྐྱོབ་བྱས་ཏེ། འཕེལ་རྒྱས་སུ་གཏོང་བའི་བློ་རིག་དང་ནུས་པ། ཐབས་ཤེས་སོགས་ཡོད་པར་ང་ལ་ཡིད་ཆེས་ཡོད” ཅེས་སོགས་བརྗོད་ཡོད་སྐོར་བཀོད་འདུག
གསར་འགོད་པ། དོན་འགྲུབ་བཀྲ་ཤིས།
ཐོ་རངས་སྐར་ཆེན་ལགས་་་”དོམ་གྱིག་སེ་བ”་ཞེས་པ་སོག་སྐད་རེད་ཡང་ན་རྒྱ་གར་གྱི་སྐད་རེད་་སྐུ་མཁྱེན་་གང་གི་སྐད་བེད་སྤྱོད་གཏོང་གི་ཡོད་་འགྲེལ་བཤད་ཅིག་སྐྱོན་རོགས་
གསར་འགྱུར་མགོ་མཇུག་བར་གསུམ་དོམ་གྱིག་སེ་བ་ཞིག་བྲིས་འདུག
གསར་འགྱུར་འབྲི་སྟངས་འདི་ལ་ཁྱད་ཆོས་གསར་པ་ཞིག་འདུག སྙིང་ཐག་པ་ནས་ཐུགས་རྗེ་ཆེ་ཞུ།
” ཐེ་ཝན་དང་བོད་སོགས་ཀྱི་གནད་དོན་དེ་ཀྲུང་གོའི་ཁེ་ཕན་གཙོ་བོ་ལ་འབྲེལ་བ་ཡོད་སྟབས། ཨ་རིའི་ཕྱོགས་ནས་གཟབ་ནན་དང་ཐག་གཅོད་འོས་འཚམ་བྱས་ཏེ། ཀྲུང་གོ་དང་ཨ་རིའི་འབྲེལ་བར་ཡང་བསྐྱར་དོ་ཕོག་ཡོང་གཞིའི་རིགས་ལ་སྔོན་འགོག་བྱ་དགོས ” འདིའི་ནང་དོན་རྡོག་རྡོག་ཨ་རིས་ཁ་ལ་བདག་པོ་རྒྱོབས་ལབ་འདུག
དོན་འགྲུབ་བཀྲ་ཤིས་ལགས་བཀའ་དྲིན་ཆེ་གསར་འགྱུར་གྲལ་དག་ཞིག་རྒྱུད་སྤྲོད་བྱས་འདུག
ལྟས་ངན་ཞིས་ཅིན་ཕིན་དེས། རང་གི་བྱས་ཉེས་མི་གླེང་བར་ད་དུང་རེ་བ་དང་ཧམ་པ་ཚ་བ་ལ། ལག་དམར་དང་རུལ་སུངས་ཀྱི་རྒྱུད་པ་ལ་ཡག་པོ་ཞིག་གང་ན་ཡོད་དམ།
ཞིས་ཅི་ཕིན་གྱིས། ་་་་་། འགྲོ་མིའི་ཐོབ་ཐང་གི་གནད་དོན་ཐད་ནས་ལྟ་བ་མི་མཐུན་ས་ཡོད་པ་ནི་རྒྱུན་ལྡན་ཡིན། ཟེར་བ་ལ་བལྟས་ན་ངོ་ཅུང་ཟད་ཚ་མེད་འགྲོ་སྙམ་པ་འདུག་ལགས། ཞིས་ཅི་ཕེན་སྡིག་ཆེན་ཁྱོད་ཀྱིས་ཀྱང་ལས་ནག་པོ་དཀར་པོ་མང་ཙམ་བྱ་ཐུབ་པའི་རེ་བ་དང་སྨོན་ལམ་ཡོད་ལགས།