དེ་རིང་ལྡི་ལིར་བོད་པའི་སློབ་ཕྲུག་ ༤༨ ལག་ཏུ་བོད་པའི་རྒྱལ་དར་བཟུང་སྟེ། རྒྱ་ནག་གཞུང་ཚབ་ཁང་དུ་མཆོངས་རྒོལ་བྱས་སྐབས།རྒྱ་གར་ཉེན་རྟོག་པས་ཁོ་ཚོ་འཇུ་བཟུང་གིས་ཌེ་ཧར་ (Tihar) བཙོན་ཁང་དུ་ཁྲིད་ཡོད་འདུག
དེ་རིང་སྔ་དྲོ་ཆུ་ཚོད་ ༡༡ དང་ཕྱེད་ཀའི་སྟེང་། དབུས་བོད་ཀྱི་གཞོན་ནུ་ལྷན་ཚོགས་དང་ལྡི་ལི་ས་གནས་གཞོན་ནུ་གཉིས་ཀྱི་གོ་སྒྲིག་འོག ལྡི་ལི་མཐོ་སློབ་ཀྱི་བོད་རིགས་སློབ་ཕྲུག་ ༤༨ གྱིས་རྒྱ་ནག་གཞུང་ཚབ་ཁང་དུ་མཆོངས་རྩིས་ཀྱིས་སྒོ་འགྲམ་དུ་སླེབས་མ་ཐག རྒྱ་གར་ཉེན་རྟོག་པས་བོད་པའི་སློབ་ཕྲུག་དེ་དག་འཇུ་བཟུང་བྱས་ཡོད་པ་དང་། སྐབས་དེར་བོད་རིགས་སློབ་ཕྲུག་ཚོས་ལག་ཏུ་བོད་ཀྱི་རྒྱལ་དར་ཕྱར་ཏེ་བོད་ལ་རང་དབང་དང་རང་བཙན་དགོས་པའི་སྐད་འབོད་བྱས་ཡོད་འདུགདབུས་བོད་ཀྱི་གཞོན་ནུ་ལྷན་ཚོགས་ཀྱི་དཔལ་འབྱོར་འགན་འཛིན་དཀོན་མཆོག་ཡར་འཕེལ་ལགས་ཀྱིས་ཁ་པར་བརྒྱུད་འདི་གར་གནས་ཚུལ་བརྗོད་དོན་ལྟར་ན། ཁོ་ཚོའི་འཆར་གཞི་ནི་རྒྱ་ནག་གཞུང་ཚབ་ཁང་ནང་མཆོངས་རྗེས། རྒྱ་གཞུང་གི་དར་དམར་མར་ཕབས་ཏེ་བོད་ཀྱི་རྒྱལ་དར་ཡར་བསྒྲེངས་རྩིས་ཡོད་ཅིང་། རྒྱ་ནག་གཞུང་ཚབ་ཁང་གི་མཐའ་འཁོར་ཡོངས་རྫོགས་ཚེར་མ་ར་མགོ་དང་ལྕགས་ཀྱི་གཟེབ་དྲའི་སྐོར་ཡོད་པ་མ་ཟད། རྒྱ་གར་ཉེན་རྟོག་པ་ཕོན་ཆེན་འགྲེམས་འཇོག་གིས་སྐོར་སྲུང་ནན་མོ་བྱས་ཡོད་སྟབས། ཐོག་མའི་འཆར་གཞི་ལྟར་རྒྱ་ནག་གཞུང་ཚབ་ཁང་ནང་མཆོངས་ཐུབ་མེད་པ་རེད།
ཐེངས་འདིའི་ལས་འགུལ་གྱི་དམིགས་ཡུལ་གཙོ་བོ་ནི། རྒྱ་གཞུང་གིས་བོད་ནང་དམག་མི་མང་པོ་འགྲེམས་འཇོགས་ཀྱིས་དམར་གསོད་དྲག་གནོན་བྱས་པར་བརྟེན། ད་ལྟ་བོད་ནང་གི་གནས་སྟངས་ཛ་དྲག་ཏུ་འགྱུར་བཞིན་ཡོད་སྟབས། རྒྱ་གཞུང་གིས་བོད་ཐོག་འཛིན་པའི་དྲག་གནོན་སྲིད་ཇུས་དེ་མཚམས་འཇོག་དགོས་པའི་བརྡ་ལན་སྤྲོད་ཆེད་དང་། རྒྱ་གཞུང་གི་དྲག་གནོན་འོག་བོད་མི་རྣམས་འུ་ཐུག་སྟེ་རང་ལུས་བསྲེགས་གཏོང་བཞིན་པའི་དཀའ་སྡུག་དུས་སྐབས་འདིར། མཚོ་སྔོན་ཞིང་ཆེན་གྱི་མགོ་གཙོ་ལུའུ་ཧའེ་མཱེན་རྒྱ་གར་ནང་ཡོང་སྟེ་བོད་ཀྱི་ས་གདན་ཚོང་འགྲེམས་མཉམ་ལས་ཀྱི་མཛད་སྒོ་ཚོགས་བཞིན་པ་དེར་ངོ་རྒོལ་བྱ་ཆེད་ཡིན་འདུག
དཀོན་མཆོག་ཡར་འཕེལ་ལགས་ཀྱིས་བརྗོད་པ་ལྟར་ན། འཇུ་བཟུང་བྱས་ཟིན་པའི་སློབ་ཕྲུག་ ༤༨ ཁྲོད་ ༢༣ བུ་མོ་ཡིན་པ་དང་། ཁོ་ཚོ་དེ་རིང་ཕྱི་དྲོ་ཆུ་ཚོད་ ༧ ཙམ་ལ་ལྡི་ལི་ཌེ་ཧར་བཙོན་ཁང་དུ་འཁྲིད་རྩིས་ཡོད་འདུག ཡིན་ནའང་། བོད་ཀྱི་གཞོན་ནུ་ལྷན་ཚོགས་ཀྱིས་ལྡི་ལིར་མུ་མཐུད་དུ་ངོ་རྒོལ་ལས་འགུལ་རིམ་པར་སྤེལ་རྒྱུ་ཡིན་འདུག
གསར་འགོད་པ། ཚེ་རིང་རྒྱལ
![FILE - Venezuelan opposition leader Maria Corina Machado gestures at a protest ahead of the Friday inauguration of President Nicolas Maduro for his third term, in Caracas, Venezuela January 9, 2025. [File photo: Reuters/Maxwell Briceno]](https://tibettimes.net/wp-content/uploads/2025/10/Maria-Corina-Machado--360x180.jpg)
![Hungary's Laszlo Krasznahorkai poses for photographers in London [File: Matt Dunham/AP]](https://tibettimes.net/wp-content/uploads/2025/10/Screenshot-2025-10-10-at-2.23.17-PM-360x180.png)
བོད་མི་རིགས་ཀྱི་ཆེད་དུ་བཟུང་ན། བོད་མི་རིགས་ཀྱི་ཆེད་དུ་གློད་ཀྱང་དགོས། བོད་མི་རིགས་ཀྱི་ཆེད་དུ་ཤི་ན། བོད་མི་རིགས་ཀྱི་ཆེད་དུ་ངེས་པར་དུ་སྐྱེ་ཡང་དགོས།
སྐྱག་རྫུན་མ་བཤད། བོད་མི་མང་ཆེ་བ་ལོ་གསར་གྱི་སྤྲོ་སྟོན་ལ་གྲ་སྒྲིག་བྱེད་བཞིན་པའི་སྐབས་འདིར་་་ཟེར་བ་དེ་སྐྱག་རྫུན་སྐྱག་ནག་རེད་དོ།། བོད་མི་མང་ཆེ་བས་ག་བ་ག་བ། ཐ་ན་བོད་མི་རེ་ཟུང་རེ་ཡང་མེད་ཚོད་རེད།
རྟག་པར་འདི་འདྲའི་མ་ཉེས་ཁ་གཡོག་ཅིག་སྤེལ་བ་དང་སྤེལ་དུ་བཅུག་པ་གང་གི་ཐད་ནས་བཤད་ན། བོད་མི་རིགས་འདི་ལ་དམའ་འབེབ་གང་ཐུབ་བྱེད་བཞིན་པ་ནི། ནམ ལངས་ཉི་ཤར་རེད་དོ།།
ལྡི་ལི་ཌེ་ཧར་བཙོན་ཁང་དུ་ཚུད་པ་རྣམས་ཀྱི་ལས་འགུལ་ལ་ཐུགས་རྗེ་ཆེ་ཞེས་ཞུའོ། །
ཐེངས་འདིའི་ལས་འགུལ་ནང་མཉམ་ཞུགས་པ་ཡོངས་ལ་ཐུགས་རྗེ་ཆེ། བོད་མི་མང་ཆེ་བ་ལོ་གསར་གྱི་སྤྲོ་སྟོན་ལ་གྲ་སྒྲིག་བྱེད་བཞིན་པའི་སྐབས་ལ་ཁྱེད་རྣམས་ཀྱིས་བོད་དོན་ཐབས་རྩོད་གནང་བ་ལ་བསྔགས་བརྗོད་ཡོད། རྒྱ་དར་ཕོབ་ཅིག བོད་དར་སྒྲེངས་ཤིག
ང་ཚོས་མུ་མཐུད་འདི་ལྟར་བྱ་དགོས་་་་་ང་ཚོས་འདི་ནས་ཅི་ཙམ་བྱས་ཀྱང་བོད་ནང་གི་དཀའ་ངལ་གྱི་ཆ་གཅིག་ཀྱང་མྱང་དགོས་ཀྱི་མེད་་་་་དེར་བརྟེན་ས་ཕྱོགས་གང་ཡོད་པའི་བཙན་བྱོལ་བ་དག་གིས་འདི་ལྟར་རྒྱུན་མཐུད་ནས་ངོ་རྒོལ་བྱས་ན་ནམ་ཞིག་ཨུ་ཐུག་ནས་ཁ་ཞིག་གྲག་ཡོང་གི་རེད་་་་མུ་མཐུད་ཧ་ཅང་གལ་ཆེན་རེད་་་