ཟླ་འདིའི་ཕྱི་ཚེས་ ༡༣ ཉིན་རྒྱ་ནག་གཞུང་གིས་རྔ་པ་བོད་རིགས་ཆང་རིགས་རང་སྐྱོང་ཁུལ་གྱི་དམར་ཤོག་དྲུང་ཆེ་འཕོ་འགྱུར་བཏང་སྟེ། ད་ལྟའི་བར་རྒྱ་ནག་གི་དམག་དོན་དང་ཁྲིམས་ལུགས་ཀྱི་ལས་གནས་རིམ་པའི་ཐོག་ལས་ཀ་བྱས་མྱོང་བའི་རྒྱ་རིགས་ལིག་ཙོ་མིན་འབོད་པ་རྔ་པ་ཁུལ་གྱི་དམར་ཤོག་དྲུང་ཆེར་བསྐོ་བཞག་གནང་འདུག ཉེ་ལམ་སི་ཁྲོན་ཞིང་ཆེན་གྱི་དཔོན་རིགས་འདུ་འཛོམས་ཚོགས་འདུ་ཞིག་གི་ཐོག ལིག་ཙོ་མིན་གྱིས། རྔ་པ་ཁུལ་གྱི་སྤྱི་ཚོགས་འཕེལ་རྒྱས་དང་བདེ་འཇགས་སྲུང་སྐྱོབ་ལ་ཆིག་སྒྲིལ་གྱི་ནུས་པ་འདོན་དགོས་ཚུལ་དང་། ལས་དོན་གྱི་ཁ་ཕྱོགས་དང་དམིགས་ཡུལ་གསལ་བོ་ཡིན་པའི་སྐབས་སྤྱི་ཚོགས་སྟེང་གནས་ཚུལ་གང་མང་ཞིག་འབྱུང་བཞིན་པ་དེ་ནི། ནུས་ལྡན་གྱི་ཁྲིམས་ལག་བསྟར་བྱེད་མིན་ལ་རག་ལས་ཡོད་སྐོར་དང་། རྒྱལ་ཁབ་ཁ་བྲལ་དང་ངོ་རྒོལ་ལས་འགུལ་རིམ་པ་སྤེལ་བའི་རིགས་སྔོན་འགོག་གིས། སྤྱི་ཚོགས་བརྟན་བརླིང་དང་མེས་རྒྱལ་ཁ་བྲལ་གཏོང་ཐབས་ཀྱི་འཆར་ངན་བཅང་མཁན་རྣམས་རྩ་མེད་གཏོང་དགོས་པ་དང་། རྒྱལ་ནང་དང་ཕྱི་ཕྱོགས་ཀྱི་དགྲ་བོར་རྒོལ་ལན་སྤྲོད་དགོས་པའི་གཏམ་བཤད་ཅིག་སྤེལ་ཡོད་སྟབས། གནད་དོན་དབྱེ་ཞིབ་པ་ཚོས། ཁོང་གི་གསར་དུ་བསྐོ་བཞག་བྱས་རྗེས་ཀྱི་གཏམ་བཤད་ལ་གཞིགས་ཏེ། མ་འོངས་པར་རྔ་པ་ཁུལ་ལ་སྔར་ལས་ལྷག་པའི་དྲག་གནོན་དང་དམ་དྲག་གི་སྲིད་ཇུས་ལག་བསྟར་བྱ་རྒྱུ་ཡིན་པའི་ཚོད་དཔག་བྱེད་ཀྱི་ཡོད་འདུག
རང་ལོ་ ༥༤ ཡིན་པའི་ལིག་ཙོ་མིན་ནི། ཕྱི་ལོ་ ༡༩༥༧ ལོར་རྒྱ་ནག་ཧྲན་ཏུང་ཞིང་ཆེན་གྱི་མི་ཡིན་ཞིང་། ཆུང་དུས་རྒྱ་ནག་ནང་ཁུལ་དུ་སློབ་སྦྱོང་དང་། ཕྱིས་སུ་ལྷོ་ནུབ་སྲིད་ཁྲིམས་སློབ་གླིང་དུ་ལོ་ ༥ རིང་ཆབ་སྲིད་དང་ཁྲིམས་ལུགས་ཆེད་ལས་ཐོག་སློབ་སྦྱོང་གནང་རྗེས། ནུབ་བྱང་སྲིད་ཁྲིམས་སློབ་གླིང་དུ་དགེ་རྒན་གྱི་ཕྱག་ལས་གནང་བ་མ་ཟད། ༡༩༨༤ ལོ་ནས་བཟུང་ཁྲོན་ཆིན་གྲོང་ཁྱེར་མི་དམངས་ཞིབ་བཤེར་ཁང་གི་གཙོ་འཛིན་དང་ཁྲོན་ཆིན་རོན་ཁྲང་རྫོང་མི་དམངས་ཞིབ་བཤེར་ཁང་གི་འགན་འཛིན་གཞོན་པ། རྗེས་སུ་ཞིབ་བཤེར་འགན་འཛིན་དང་དམར་ཤོག་དྲུང་ཆེ་བཅས་ལས་སྣེ་རིམ་པའི་ཐོག་ལས་ཀ་བྱས་འདུག་ལ། ༡༩༩༢ ལོར་སི་ཁྲོན་ཞིང་ཆེན་དུ་གནས་སྤོར་རྗེས་སྔ་ཕྱི་སི་ཁྲོན་མི་དམངས་ཞིབ་བཤེར་ཁང་རུལ་སུངས་བཀག་སྡོམ་ཚན་པའི་འགན་འཛིན་གཞོན་པ་དང་འགན་འཛིན། ཁྲིན་ཏུའུ་གྲོང་ཁྱེར་མི་དམངས་ཞིབ་བཤེར་ཁང་གི་ཞིབ་བཤེར་འགན་འཛིན་དང་དམར་ཤོག་འཐུས་མི། སི་ཁྲོན་ཞིང་ཆེན་ཁྲིམས་ལུགས་ལྷན་ཁང་གི་དམར་ཤོག་དྲུང་ཆེ་བཅས་ཀྱི་འགན་འཁུར་མྱོང་བ་དང་། ཉེ་ལམ་སི་ཁྲོན་ཞིང་ཆེན་ཁྲིམས་འཛིན་ལྷན་ཁང་གི་འགན་འཛིན་དང་དམར་ཤོག་དྲུང་ཆེའི་ལས་གནས་ནས་རྔ་པ་བོད་རིགས་ཆང་རིགས་རང་སྐྱོང་ཁུལ་གྱི་དམར་ཤོག་ཚོགས་པའི་དྲུང་ཆེར་བསྐོ་བཞག་གནང་འདུག
![The Dalai Lama offers blessings to his followers at his Himalayan residence in the northern hill town of Dharamshala, India, on December 20, 2024 [Priyanshu Singh/Reuters]](https://tibettimes.net/wp-content/uploads/2025/05/Screen-Shot-2025-05-09-at-3.37.35-PM-360x180.png)
ཡང་གཞི་རྩ་རུལ་བའི་ཁྱི་སྤྱང་ཞིག་ཡིན་ས་རེད། བློ་ཁ་ཞི་བ་དང་། ཀུན་ཕན་ཅན་དུ་འགྱུར་བར་ཤོག
མ་གཞི་གསར་འགྱུར་ཚང་མ་ཧ་ཅང་ལེགས་པས་རྗེས་སུ་ཡི་རང་ཁོ་ན་ལས་མེད་ཀྱང་། འདི་རིགས་ལ་འབྲེལ་ཡོད་གསར་འགྱུར་འབྲི་སྐབས་ཞེ་སའི་མཚམས་ཟིན་པ་གལ་ཆེ་སྟེ། ཞེ་ས་དང་ཞེ་ས་མིན་པའི་ཚིག་གིས་ལངས་ཕྱོགས་མཚོན་གྱིན་ཡོད་པས་སོ། །
དཔེར་ན། བསྐོ་བཞག་གནང་་་་་་་་སློབ་སྦྱོང་གནང་རྗེས་་་་་་་་་་་་་་་་་ཕྱག་ལས་གནང་འདུག སོགས་ལ་དོ་སྣང་གནང་རོགས།
༼རང་ལོ་ ༥༤ ཡིན་པའི་ལིག་ཙོ་མིན་ནི། ཕྱི་ལོ་ ༡༩༥༧ ལོར་རྒྱ་ནག་ཧྲན་ཏུང་ཞིང་ཆེན་གྱི་མི་ཡིན་ཞིང་།༽
༼ཉེ་ལམ་སི་ཁྲོན་ཞིང་ཆེན་ཁྲིམས་འཛིན་ལྷན་ཁང་གི་འགན་འཛིན་དང་དམར་ཤོག་དྲུང་ཆེའི་ལས་གནས་ནས་རྔ་པ་བོད་རིགས་ཆང་རིགས་རང་སྐྱོང་ཁུལ་གྱི་དམར་ཤོག་ཚོགས་པའི་དྲུང་ཆེར་བསྐོ་བཞག་༽
༢༠༡༢ ལོའི་ཕྱི་ཟླ་༢ པའི་ཚེས་༡༧ ཉིན་ནས་ཨ་མདོ་རྔ་བའི་མི་སེར་ཆགས་པ་རེད། ཧ་ཧ་ཧ
རྩེད་མོ་ཡིན།