རྒྱ་གཞུང་གིས་བཙན་བཀའ་དང་འཇིགས་སྐུལ་བྱས་པར་བརྟེན། དོ་དགོང་བོད་ནང་གི་ཆུ་ཚོད་ ༡ ཐོག་རྒྱལ་གཅེས་དཔའ་བོ་སྣང་གྲོལ་ལགས་ཀྱི་སྐུ་ཕུང་ཞུགས་འབུལ་བྱ་དགོས་བྱུང་ཡོད་འདུག
དེ་རིང་བོད་ནང་གི་ཆུ་ཚོད་ ༢ སྟེང་འཛམ་ཐང་དགོན་བསམ་འགྲུབ་ནོར་བུའི་གླིང་གི་ཉེ་འཁྲིས་ནས། རྒྱལ་གཅེས་དཔའ་བོ་སྣང་གྲོལ་ལགས་ཀྱིས་རང་ལུས་མེར་བསྲེགས་བཏང་སྟེ་རྒྱ་གཞུང་གི་དྲག་གནོན་སྲིད་ཇུས་ལ་ངོ་རྒོལ་གྱིས་སྐུ་གྲོངས་པའི་རྗེས། རྒྱ་གཞུང་གིས་བཙན་བཀའ་བཏང་སྟེ་རྒྱལ་གཅེས་དཔའ་བོ་ཁོང་གི་སྐུ་ཕུང་དོ་དགོང་གང་མགྱོགས་ཞུགས་འབུལ་བྱེད་དགོས་པ་དང་། གལ་སྲིད། དོ་དགོང་ཁོང་གི་སྐུ་ཕུང་ཞུགས་འབུལ་མ་གནང་ཚེ་ཕྱིར་བཙན་འཕྲོག་བྱ་རྒྱུ་ཡིན་པའི་འཇིགས་སྐུལ་བྱས་པའི་རྐྱེན་གྱིས། དོ་དགོང་བོད་ནང་གི་ཆུ་ཚོད་ ༡ སྟེང་རྒྱལ་གཅེས་དཔའ་བོ་ཁོང་གི་སྐུ་ཕུང་དགོན་པའི་ཉེ་འཁྲིས་རི་འདབས་ཀྱི་དུར་ཁྲོད་ནང་ཞུགས་འབུལ་བྱ་རྒྱུ་ཡིན་འདུག
ཇོ་ནང་འགྲོ་ཕན་མཐུན་ཚོགས་ཀྱི་ཚོགས་གཙོ་ཚངས་དབྱངས་རྒྱ་མཚོ་ལགས་ཀྱིས་བརྗོད་པ་ལྟར་ན། རྒྱལ་གཅེས་དཔའ་བོ་སྣང་གྲོལ་ལགས་ཀྱི་ཞལ་ཆེམས་ཡི་གེ་ཞིག་བཞག་ཡོད་པའི་ནང་། ཁོང་གིས་བོད་ཁ་བ་གངས་པའི་ཆེད་དུ་རང་སྲོག་བློས་གཏོང་བྱས་པ་ཡིན་ལ། ནང་མི་ཉེ་འབྲེལ་ཚང་མའི་ཁོང་གི་ཆེད་དུ་སེམས་ཁྲལ་དང་ཡིད་སྐྱོ་མ་གནང་རོགས་ཞེས་སོགས་བྲིས་ཡོད་འདུག དེ་བཞིན། དོ་དགོང་འཛམ་ཐང་དགོན་བསམ་འགྲུབ་ནོར་བུའི་གླིང་གི་ཉེ་འདབས་དུར་ཁྲོད་ནང་རྒྱལ་གཅེས་དཔའ་བོ་ཁོང་གི་སྐུ་ཕུང་ཞུགས་འབུལ་གནང་གི་ཡོད་སྟབས། དགོན་པ་དེ་གའི་གྲྭ་བཙུན་གཅིག་པུ་ཙམ་མ་ཡིན་པར། འཛམ་ཐང་ས་ཁུལ་གྱི་དགོན་སྡེ་གཞན་དག་ནས་ཀྱང་གྲྭ་བཙུན་མང་པོ་འབྱོར་ཡོད་པ་དང་། ད་ལྟའི་ཆར་དགོན་པའི་ཉེ་འདབས་དུར་ཁྲོད་ནང་གྲྭ་བཙུན་ ༡༠༠༠ ལྷག་འཛོམས་ཡོད་པ་མ་ཟད། ས་གནས་མང་ཚོགས་ཀྱང་ཧ་ཅང་མང་པོ་སླེབས་ཡོད་སྟབས། རྒྱ་གཞུང་གིས་དྲག་ཆས་དམག་མི་མང་པོ་བཏང་སྟེ་དགོན་པའི་ཉེ་འདབས་དུར་ཁྲོད་ཀྱི་མཐའ་ཡོངས་སུ་བསྐོར་ཏེ་དམ་དྲགས་ཤུགས་ཆེན་པོ་བྱས་ཡོད་འདུག
རྒྱལ་གཅེས་དཔའ་བོ་སྣང་གྲོལ་ལགས་ནི་རང་ལོ་ ༡༨ ཡིན་པ་དང་། ཁོང་གི་ཕའི་མཚན་ལ་སྤྱན་གཟིགས་དང་མའི་མཚན་ལ་སྙིང་མོར་འབོད་ཀྱིན་འདུག
རླབས་ཆེན་གྱི་དཔའ་བོ་ཁོང་ལ་མྱ་ངན་དང་རྗེས་དྲན་ཞུ་རྒྱུ་ཡིན་པར་མ་ཟད་གུས་འདུད་དང་བཅས་བསྔོ་སྨོན་ཞུ་རྒྱུ་ཡིན།
ནུབ་ཕྱོགས་བདེ་བ་ཅན་ལ་སྐྱེ་བར་ཤོག།
ཨོཾ་མ་ཎི་པདྨེ་ཧུཾཿ ཨོཾ་མ་ཎི་པདྨེ་ཧུཾཿ ཨོཾ་མ་ཎི་པདྨེ་ཧུཾཿ ཨོཾ་མ་ཎི་པདྨེ་ཧུཾཿ ཨོཾ་མ་ཎི་པདྨེ་ཧུཾཿ
དཔའ་བོ་སྣང་གྲོལ་ལགས་ལ་བསྔགས་བརྗོད་ཡོད། ཡིན་ན་ཡང་དེ་གེའི་མི་སྣ་ཡོངས་ནས་ཁོང་མར་མེ་ནང་བཞིན་སྒྲོན་པའི་སྐུ་པར་ཞིག་རག་མི་འདུས་ངོས་ནས་སྐྱོ་བོ་རེ།
གཟུགས་གཞིའི་ལང་ཚོ་འབར་ཀྱང་རྣམ་ཤེས་གསོན།།
འཇིག་རྟེན་འདི་ལ་བྲལ་ཡང་ཕྱི་ལམ་སྙེད།།
འགྱོད་པས་ངུས་ཀྱང་ལ་རྒྱའི་དགོད་འཛུམ་ཡོད།།
དཔའ་བོ་རེ་ཞིག་ཕེབས་ཀྱང་སླར་ཡང་བྱོན།།
ཧ་ཅང་གི་ཡིད་སྐྱོ་བ་ཞིག་ལ་རྒྱལ་གཅེས་དཔའ་བོ་ཁོང་གི་དམར་ལྷོག་ལྷོག་ཏུ་འབར་བཞིན་པའི་འདྲ་པར་ཞིག་ཀྱང་རག་མི་འདུག
ཉེ་ཆར་བཙན་བྱོལ་གཞུང་གིས་བཀའ་ཁྱབ་བཞིན་ལོ་གསར་ལ་མཆོད་འབུལ་སྨོན་ལམ་འཚོགས་འཆར་དེ་འཛམ་གླིང་གང་སར་བོད་རིགས་འདུས་སྡོད་བྱེད་སའི་ས་གནས་ཁག་ཚང་མས་ཀྱང་ལོ་གསར་མི་གཏོང་བའི་ཆོད་སེམས་ཡོད་ཀྱང་།
གང་ཟག་སྒེར་བ་རེ་ཟུང་གིས་ལོ་གསར་གྱི་གྲ་སྒྲིག་དྲ་རྒྱའི་བརྒྱུད་ལམ་ཁག་མཐོང་རྒྱུ་འདུག་པས་ཤིན་ཏུ་ཐབས་སྐྱོ་བོ་རེད།
བོད་ནང་ལ་སོ་སོའི་རྒྱལ་ཁབ་དང་མི་རིགས་ཀྱི་བདེ་སྡུག་ཆེད་རང་ལུས་མེར་བསྲེགས་ཀྱི་ལས་འགུལ་རྒྱུན་མ་ཆད་པར་བྱེད་བཞིན་ཡོད་ན་དེི་གང་ཟག་སྒེར་གྱི་ཆེད་ཡིན་མིན་བོད་ཕྱི་ནང་གི་བོད་མི་ཚང་མས་མཁྱེན་དགོས་ངེས་རེད། ལོ་གཅིག་ལ་ཁྱོད་ཅག་གིས་སྤྲོ་སྐྱིད་གཏོང་མ་ཐུབ་ཀྱང་དེ་ནི་ཁྱོད་ཚོའི་འཚོ་བའི་ཁྲོད་ཀྱི་ཞན་ཆ་ཞིག་ཏུ་འགྱུར་མི་སྲིད་པས་ངེས་བར་ཏུ་བསམ་བློ་གཏོང་དགོས་འདུག། གོ་ཐོས་ལ་རྒྱ་གར་གཞིས་ཆགས་ཁག་ནས་ལོ་གསར་གྱི་གྲ་སྒྲིག་རྒྱ་ཆེན་འདུག་ཟེར་ན་་དེི་ནི་ཆེས་ཀླད་མེད་བྱབ་ཆུང་གི་ལས་ཤིག་ལ་ངོས་འཛིན་བྱ་ཆོག། བོད་ནང་གི་དཔའ་བོ་དཔའ་མོ་ཚོའི་ཤུལ་ལུས་ཀྱི་ནང་མི་སྤུན་མཆེད་རྣམས་ཀྱིས་འདས་བོ་རྣམས་ཀྱི་དགོང་ཞག་མཆོད་འབལ་ལས་ལ་བྲེལ་བཞིན་སྐབས་འདིར་ང་ཚོའི་ཕྱི་ཕྱོགས་ནས་ལོ་གསར་གྱི་མཛད་སྒོར་གྲ་སྒྲིག་བྱས་ན་བོད་མི་རིགས་འདི་རྡོག་རྩ་གཅིག་སྒྲིལ་མིན་པའི་དན་རྟགས་སུ་གྱུར་ཡོད།
ད་ནི་ང་ཚོ་ཚང་མས་མེ་བསྲེག་གཏོང་དགོས་ས་རེད། དེ་མིན་འདི་ལྟར་བལྟས་ནས་བསྡད་ན་ཕན་ཅི་ཡོད། ཡང་མིན་ན་ང་ཚོ་གཞིས་བྱེས་ཚང་མ་རྒྱ་ནག་གི་ཁྲིམས་ཁང་དུ་དགའ་དགའ་སྤྲོའི་སྤྲོའི་ངང་ནས་འགྲོ་དགོས་ས་རེད། ད་ནི་འུ་ཅག་གི་བཀའ་ཤག་ཚང་ལྟར་ལྷོད་བཞུགས་གནང་བའི་དུས་དེ་གཏན་ནས་མ་རེད།
མདོར་ན་མགོན་པོ་སྤྱན་རས་གཟིགས་དབང་གིས།།
སྲས་བཅས་རྒྱལ་བའི་སྤྱན་སྔར་གངས་ཅན་ཞིང་།།
ཡོངས་བཟུང་རྒྱ་ཆེན་སྨོན་ལམ་གང་མཛད་པའི།།
འབྲས་བཟང་རྟག་ཏུ་མྱུར་དུ་འཆར་ཤོག །
དཔའ་བོ་ཁོང་ལ་མྱ་ངན་དང་རྗེས་དྲན་ཞུ། (ཡིད་སྐྱོ་ན་གནང་རོགས) (ཧ་ཅང་པོ་སླེབས) སོགས་བཏགས་ནོར་བྱས་པ་རྣམས་བཅོས་རོགས།
ཡེ་གེ་ལ་ཆད་ལྷག་འཆོར་གྱི་མ་འཇོག་འདོན་ས་ཡང་ཡག་པོ་ཞིག་མི་འགྲོ་གི