དེ་རིང་ལོ་སར་ཚེས་ ༡ ཉིན་གསེར་རྟ་རྫོང་སྙི་ཅུ་ཆུས་ཁེས་སྐོར་ཞང་ཐོག་ཏུ། བོད་མི་ ༦༠ བརྒལ་བ་ཞིག་གིས་ཞི་བའི་ངོ་རྒོལ་ཁྲོམ་སྐོར་བྱས་འདུག
དེ་རིང་བོད་ཆུ་འབྲུག་ལོའི་ལོ་སར་ཚེས་ ༡ ཉིན་གྱི་བོད་ནང་ཆུ་ཚོད་ ༦ པའི་སྟེང་། སེ་ར་དགོན་པའི་སྤྲུལ་སྐུ་བསྟན་རྒྱམ་སོགས་བོད་མི་ ༦ གིས་གསེར་རྟ་རྫོང་སྙི་ཅུ་ཆུས་ཁེས་སྐོར་ཞང་ཐོག་ཏུ་ཞི་བའི་ངོ་རྒོལ་སྐད་འབོད་བྱས་ཡོད་པ་དང་། དེ་རྗེས་མགོ་མཆོག་སྡེ་བ་དང་ཚེ་ཤུལ་སྡེ་བ། རྟ་ཤུལ་སྡེ་བ་སོགས་ཀྱི་བོད་མི་སྐྱ་སེར་ ༦༠ བརྒལ་བ་རིམ་གྱིས་འདུ་འཛོམས་ཐོག་ཞི་བའི་ངོ་རྒོལ་ཁྲོམ་སྐོར་བྱས་ཡོད་འདུག
ནོར་གླིང་དུ་གནས་སྡོད་གསེར་རྟ་བསྟན་འཛིན་ལགས་ཀྱིས་ཁ་པར་བརྒྱུད་འདི་གར་གནས་ཚུལ་བརྗོད་པ་ལྟར་ན། ཞི་བའི་ངོ་རྒོལ་སྐབས་བོད་མི་ཚོས་ལག་ཏུ་བོད་ཀྱི་རྒྱལ་དར་ཕྱར་བ་དང་། འཕྲེད་དར་ཆེན་པོ་ཞིག་གི་སྟེང་དུ་སྔ་ལོར་རང་ལུས་མེ་བསྲེགས་བཏང་བའི་རྒྱལ་གཅེས་དཔའ་བོ་དཔའ་མོ་རྣམས་ཀྱི་མཚན་དང་། ཁོང་རྣམ་པའི་ཆེད་དུ་ད་ལོ་ལོ་སར་གཏོང་གི་མིན་ལ། ད་ལྟའི་ལས་འགུལ་འདི་ཡང་ཞི་བའི་ངོ་རྒོལ་རང་ཡིན་པ་སོགས་བྲིས་ཡོད་འདུག བོད་མི་དེ་དག་དང་ཐོག་ཁེས་སྐོར་ཞང་གི་ལས་ཁུངས་སྒོ་ཁར་འདུ་འཛོམས་ཀྱིས། ༸གོང་ས་མཆོག་གི་ཞབས་བརྟན་གསོལ་འདེབས་སྐྱོར་རྗེས། ཁྲོམ་གཞུང་དུ་ཞི་བའི་གོམས་བགྲོད་བྱས་ཡོད་པ་རེད། སྐབས་དེར་རྒྱ་གཞུང་གིས་སྡེ་བ་སོ་སོའི་གཞི་རིམ་མགོ་ཁྲིད་ལ་བཀའ་རྒྱ་བཏང་སྟེ། གནས་ཚུལ་དེ་ཞི་འཇགས་སུ་གཏོང་ཐབས་བྱས་ཡོད་པ་དང་། ད་ལྟའི་ཆར་རྒྱ་གཞུང་གིས་ལས་འགུལ་སྤེལ་མཁན་ཚོར་པར་བརྒྱབ་ཡོད་པ་ཙམ་ལས་འཇུ་བཟུང་བཙན་འཁྲིད་རིགས་བྱས་མི་འདུག
ད་སྐབས་གསེར་རྟ་ས་ཁུལ་དུ་ཁ་པར་དང་དྲ་རྒྱའི་བརྒྱུད་ལམ་ཡོངས་སུ་བཀག་འགོག་བྱས་ཡོད་པ་མ་ཟད། ཟ་ཁང་དང་ཚོང་ཁང་སོགས་ཀྱང་སྒོ་རྒྱག་ཏུ་བཅུགས་ཡོད་འདུག
དཔའ་མཛངས་ལྡན་པའི་མདོ་ཁམས་གསེར་རྟའི་མི་དམངས་ནས་རྒྱ་ནག་དམར་པོའི་སྲིད་གཞུང་ལ་ཞི་བའི་ངོ་རྒོལ་རིམ་པར་བྱས་པ་ནི་བོད་མི་ས་དྲུག་དང་བོད་ཀྱི་ཆོས་དང་རིག་གཞུང་གི་ཆེད་དུ་ཡིན་པས་དུས་རྟག་ཏུ་རྒྱབ་སྐྱོར་དང་བསྔགས་བརྗོད་ཡོད།
བསྔོ་སྨོན་ཞུ།
ཧོར་བུ་ཡེ་ཤེས
༢༠༡༢/༠༢/༢༢ ཉིན་འདོན་སྤེལ་བྱས། གཞིས་བཞུགས་སྤུན་ཟླ་རྣམས་ཁྱེད་ཚོ་ལོ་གསར་པའི་ནང་ཡང་དཀའ་ལས་ཆེ་བ།བོད་རྒྱལ་ལོ་་་་་་་་་་་་་་
རྒྱལ་གཅེས་དཔའ་བོ་དཔའ་མོ་ཚོར་དུས་རྟག་ཏུ་བསྔོ་སྨོན་དང་ཤུལ་ལུས་ནང་མི་སྤུན་ཟླ་རྣམས་ལ་གདུང་སེམས་མཉམ་བསྐྱེད་ཞུ།
བོད་རྒྱལ་ཁབ་ཆེན་པོའི་རྩ་བ་རྒྱས།།
བོད་མི་རིགས་མང་བོའི་བློ་སྟོབས་འཕེལ།།
བོད་བདེན་པ་ས་གནམ་ཀུན་ལ་ཁྱབ།།
བོད་གངས་ཅན་ཟེར་ནོ་མཐོང་རྒྱུ་རེད།།
དག་ཆ་དང་བརྗོད་པ་སོགས་ལ་ཅུང་གཟབ་རོགས།
གསེར་རྟའི་མི་མང་ལ་རྗེས་སུ་ཡི་རང་དང་ཐུགས་རྗེ་ཆེ་ཞུ། ཞོར་དུ་རྩོམ་བསྒྲིག་པར་ཡིག་ནོར་ཕངས་མེད་དུ་མི་སྤེལ་བ་ཞུ། ངོ་མ་དེང་སྐབས་ཤིག་ཏུ་དུས་བབས་དྲ་ཚགས་གཉིས་ཀྱི་སྟེང་དུ་ཡིག་ནོར་ཧ་ཅང་མང་གི
མི་མ་བཟུང་བ་གནས་སྐབས་ཙམ་རེད། སང་ཉིན་ནས་ག་རེ་གོ་གྲབས་ཡོད་མེད་ཚོད་དཔག་ལོས་ཐིག ཤུ
གཞིས་བཞུགས་སྤུན་ཟླ་རྣམས་ཁྱེད་ཚོ་ལོ་གསར་པའི་ནང་ཡང་དཀའ་ལས་ཆེ་བ།བོད་རྒྱལ་ལོ་་་་་་་་་་་་་་