གཟའ་ཕུར་བུའི་ཉིན་ཨ་རི་གཞུང་གིས་བསྒྲགས་པའི་གནས་ཚུལ་ལྟར་ན། གང་མགྱོགས་བྱང་ཀོ་རེ་ཡའི་འཐུས་མི་ཨ་རིར་ཡོང་སྟེ་བྱང་ཀོ་རེ་ཡའི་རྡུལ་ཕྲན་མཚོན་ཆའི་ལས་གཞི་མཚམས་འཇོག་བྱ་རྒྱུའི་གནད་དོན་སྐོར་ལ་གྲོས་མོལ་བྱ་རྒྱུ་ཡིན་འདུག
ཐེངས་འདིར་བྱང་ཀོ་རེ་ཡའི་ཕྱི་སྲིད་བློན་ཆེན་གཞོན་པ་རེ་ཡོན་ཧོ་ཨ་རིར་ཡོང་སྟེ། ཟླ་འདིའི་ཕྱི་ཚེས་ ༧ ནས་ ༩ བར་ཉིན་གསུམ་རིང་བྱང་ཀོ་རེ་ཡའི་རྡུལ་ཕྲན་མཚོན་ཆ་བཟོ་སྐྲུན་ལས་གཞི་མཚམས་འཇོག་དང་འབྲེལ་ཏེ། རྒྱལ་ཁབ་གཉིས་ཀྱི་ཕྱི་འབྲེལ་མཐོར་འདེགས་ཡོང་ཐབས་སྐོར་ལ་གྲོས་མོལ་བྱ་རྒྱུ་ཡིན་འདུག
བྱང་ཀོ་རི་ཡའི་རྡུལ་ཕྲན་མཚོན་ཆ་བཟོ་སྐྲུན་གྱི་ལས་གཞི་ནི། རྒྱལ་སྤྱིའི་གནད་དོན་གལ་ཆེ་བའི་གྲས་ཤིག་ཡིན་པ་མ་ཟད། རྒྱལ་ཚོགས་རྡུལ་ཕྲན་མཚོན་ཆ་བཀག་འགོག་གི་ཆོད་དོན་དང་འགལ་བའི་རྩོད་རྙོག་ཅིག་ཀྱང་ཆགས་ཡོད། འོན་ཀྱང་། ཨ་རི་དང་བྱང་ཀོ་རེ་ཡའི་གྲོས་མོལ་མགོ་འཛུགས་ཀྱི་གོང་སྟེ། ཕྱི་ཚེས་ ༢༩ ཉིན་ཨ་རི་དང་བྱང་ཀོ་རི་ཡ་ཕྱོགས་གཉིས་ཀྱིས། བྱང་ཀོ་རེ་ཡར་རྒྱལ་ཚོགས་ཀྱི་ཞིབ་བཤེར་མི་སྣ་ཆེད་གཏོང་གིས་རྡུལ་ཕྲན་མཚོན་ཆ་བཟོ་སྐྲུན་སྐོར་ལ་ཞིབ་བཤེར་བྱ་ཆོག་པའི་ཁྱབ་བསྒྲགས་སྤེལ་ཡོད་འདུག
གསར་འགོད་པ། བནྡེ་སྐྱབས།
![Li Pengxin, a former senior official of the Xinjiang Uygur autonomous region, is sentenced to life imprisonment [Photo/CCTV]](https://tibettimes.net/wp-content/uploads/2025/04/680845dea3104d9fd15678e1-360x180.jpeg)
བྱང་ཀོ་རི་ཡ་བཟང་ཕྱོགས་སུ་བསྐྱོད་པ་འདིས་ག་རེ་མཚོན་ནམ་ཞེ་ན། རྒྱ་ནག་གི་བྱང་ཀོར་ལ་ངན་ཕྱོགས་དེ་ཡང་ཕམ་ཉེས་འགྲོ་བཞིན་པ་གསལ་པོར་མཚོན་ཐུབ། གང་ཡིན་ཟེར་ན་བྱང་པས་ལྷོ་ཀོར་དང་དཔལ་འབྱོར་འགྲན་པར་རྒྱ་ནག་ལ་སྟོབས་ཤུགས་དེ་ཙམ་མེད་པ་མཚོན་པ་མ་རེད་དམ། ཧ་ཧ་ངའི་རྒྱ་གཞུང་། ད་གཉིད་སད་པ་ལེགས་སོ། ལེགས་སོ་བྱང་ཀོ་ཚོ།
བྱང་ཀོ་རི་ཡ་བཟང་ཕྱོགས་སུ་བསྐྱོད་པར་དགའ་བསུ་ལོས་ཞུ་མོད། འོན་ཀྱང་། ཁ་ལག་གཉིས་མཐུན་རྒྱུ་དཀའ་མོ་ཞིག་མིན་འགྲོ་བསམ་སོང་། གང་ལྟར་རེ་སྒུག་བྱེད་རྒྱུ་ཡིན།