དེ་རིང་བོད་མིའི་སྒེར་ལངས་དུས་དྲན་ཉིན། རྒྱལ་གཅེས་དཔའ་བོ་མིག་དམར་ལགས་ཀྱིས་རང་གི་མིག་གཉིས་རས་ནག་གིས་སྒྲིབ་སྟེ། རྒྱལ་གར་རྒྱལ་ཡོངས་ནང་གོམ་བགྲོད་ཀྱི་ལས་འགུལ་ཅིག་བརྩམས་སོང་།
དེ་རིང་བོད་མིའི་སྒེར་ལངས་གསུམ་བཅུའི་དུས་དྲན་ཉིན་གྱི་གཞུང་འབྲེལ་མཛད་སྒོ་གྲུབ་པའི་རྗེས། ཉེ་ཆར་བོད་དོན་འཐབ་རྩོད་ཆེ་རྒྱ་གར་རྒྱལ་ས་ལྡི་ལིར་རང་ལུས་མེར་བསྲེགས་གཏོང་མྱོང་མཁན་གྱི་རྒྱལ་གཅེས་དཔའ་བོ་མིག་དམར་ལགས་ཀྱིས། མཉམ་འབྲེལ་རྒྱལ་ཚོགས་གཙོས་པའི་འཛམ་གླིང་རྒྱལ་ཁབ་ཡོངས་ལ་བོད་ནང་གི་ཛ་དྲག་གནས་སྟངས་ཐད་དོ་སྣང་དང་རྒྱབ་སྐྱོར་ཡོང་བར་འབོད་སྐུལ་ཆེད། རང་ཉིད་ཀྱི་མིག་གཉིས་རས་ནག་པོ་ཞིག་གིས་སྒྲིབ་སྟེ། རྒྱ་གར་རྒྱལ་ཡོངས་ནང་གོམ་བགྲོད་ཀྱི་ལས་འགུལ་ཞིག་བཞུགས་སྒར་དྷ་ནས་དབུ་འཛུགས་གནང་སོང་།
ལས་འགུལ་དེ་དབུ་འཛུགས་ཀྱི་གཏམ་བཤད་སྐབས། རྒྱལ་གཅེས་དཔའ་བོ་མིག་དམར་ལགས་ཀྱིས། “ རྒྱ་གཞུང་གི་དམར་གསོད་དྲག་གནོན་གྱི་སྲིད་ཇུས་འོག ད་ལྟ་བོད་ནང་གནས་སྟངས་ཧ་ཅང་ཛ་དྲག་ཏུ་ཕྱིན་ཡོད་པའི་སྐབས་འདིར། མཉམ་འབྲེལ་རྒྱལ་ཚོགས་དང་འཛམ་གླིང་རྒྱལ་ཁབ་མང་པོ་ཞིག་གི་གཞུང་གིས། བོད་མིའི་རྩ་དོན་དང་འགྲོ་བ་མིའི་ཐོབ་ཐང་། ཆོས་དད་རང་དབང་བཅས་ཀྱི་གནས་སྟངས་ཐད་གོ་མེད་ཚོར་མེད་ཀྱི་རྣམ་འགྱུར་བཟུང་སྟེ་ཁུ་སིམ་མེར་སྡོད་པ་དེ་ནི་ཧ་ཅང་བློ་ཕམ་གྱི་གནས་ཤིག་ཡིན་ལ། རྒྱལ་ཁབ་དང་སྒྲིག་འཛུགས་དེ་དག་གིས་མིག་གཉིས་ཕྱེ་དེ་ང་ཚོར་རྒྱབ་སྐྱོར་གནང་རོགས། ” ཞེས་བརྗོད་དེ། རྒྱ་གཞུང་གི་དྲག་གནོན་དབང་སྒྱུར་འོག་བོད་ནང་ང་ཚོའི་དཔའ་བོ་དཔའ་མོ་མང་པོ་ཞིག་འདས་གྲོངས་སུ་གྱུར་ཡོད་ལ། འབྱུང་འགྱུར་ཀྱང་མུ་མཐུད་དུ་འདས་གྲོངས་སུ་འགྱུར་ཉེན་ཡོད་སྟབས། མཉམ་འབྲེལ་རྒྱལ་ཚོགས་གཙོས་འཛམ་གླིང་རྒྱལ་ཁབ་ཁག་གིས་བོད་པའི་ཛ་དྲག་གནས་སྟངས་ལ་དོ་སྣང་དང་རྒྱབ་ཡོང་བར་འབོད་སྐུལ་ཆེད། རྒྱ་གར་རྒྱལ་ཡོངས་ནང་གོམ་བགྲོད་ཀྱི་ལས་འགུལ་དེ་སྤེལ་བཞིན་པ་ངོ་སྤྲོད་གནང་སོང་།
མིག་དམར་ལགས་ཀྱི་མིག་སྒྲིབ་རྒྱལ་དཀྲོགས་ཀྱི་གོམ་བགྲོད་ལས་འགུལ་དེ། དེ་རིང་ཉིན་གུང་ཆུ་ཚོད་ ༡༡ ལྷག་གི་སྟེང་བཞུགས་སྒར་དྷ་ས་ནས་དབུ་འཛུགས་གནང་སྟེ། ཉིན་ལྟར་ཞོགས་པ་ཆུ་ཚོད་ ༩ ནས་ཕྱི་དྲོ་ཆུ་ཚོད་ ༥ བར་མིག་གཉིས་རས་ནག་གིས་སྒྲིབ་སྟེ་གཞུང་ལམ་བརྒྱུད་རྒྱ་གར་རྒྱལ་ཡོངས་ནང་གོམ་བགྲོད་བྱ་རྒྱུ་ཡིན་འདུག
བོད་
![The Dalai Lama offers blessings to his followers at his Himalayan residence in the northern hill town of Dharamshala, India, on December 20, 2024 [Priyanshu Singh/Reuters]](https://tibettimes.net/wp-content/uploads/2025/05/Screen-Shot-2025-05-09-at-3.37.35-PM-360x180.png)
ཡག་པོ་ཞེ་དྲག་རེད། རྗེས་སུ་ཡིད་རངས་ཡོད། བཙན་བྱོལ་ནང་གི་བོད་མི་ཚོས་མིག་དཔེ་བལྟ་འོས་པ་ཞིག་རེད། ཁ་ནས་ཧམ་པ་དང་རྫིག་པོ་རི་འདྲ་ཞིག་བཤད་ནས་འགྲོ་བ་ལས་ཁོང་དང་འདྲ་བ་བྱེད་ན་མི་དགའ་འམ།
མིག་དམར་ལགས་ཀྱི་བསམ་དོན་འགྲུབ་པར་ཤོག
འདི་ནི་གངས་ཅན་པའི་ཆེད་དུ་ཁྱེད་ཀྱིས་ཡོངས་གྲགས་སུ་མཆོངས་བསྐྱོད་བྱས་པ་ཐེངས་གཉིས་པ་དེའོ།།ཉིད་ཀྱི་ལྷག་བསམ་རྣམ་དག་ལ་ཡི་རང་ཞུའོ།།
རྒྱལ་གཅེས་ལྷག་བསམ་ཅན་གྱི་སྤུན་ཟླ་མིག་དམར་ལགས་སུ་རྗེས་སུ་ཡི་རང་དང་བསྔགས་བརྗོད་ཚད་མེད་ཞུ། ཁྱེད་དང་འདྲ་བ་བཙན་བྱོལ་ནང་སྐྱེས་ཅིང་འཚར་ལོངས་དང་རང་གཞུང་དང་༧གོང་ས་མཆོག་གི་ཐུགས་རྗེ་བླ་མེད་ལས་དེང་དུས་འཛམ་གླིང་སྤྱི་མཚུངས་ཀྱི་ཤེས་ཡོན་དང་དགོས་ངེས་མཐུན་རྐྱེན་ཆ་ཚང་བ་རག་པ་རྣམས་ཀྱིས་རང་གི་ཕ་ཡུལ་སྤུན་ཟླ་རྣམས་ཀྱི་བདེན་དོན་ལ་དགོངས་བཞེས་ཀྱི་ཕྱག་ལས་ཤིག་གནང་གི་ཡིན་ན་ལེགས་པོ་གང་འདྲ་མི་འདུག་གམ།
མིག་དམར་ལགས་ལ་ཐུགས་རྗེ་ཆེ་ཞུ་རྒྱུ་ཡིན་། གང་ཡིན་ཞེ་ན་བཙན་བྱོན་ནང་ཁྱེད་དང་འདྲ་བའི་གཞོན་སྐྱེད་གང་མང་ཞིག་བྱུང་ན་ཅི་མ་རུང་། བཙན་བྱོན་ནང་མཆུ་ཏོ་བ་མང་དྲག་ནས་ལས་འགུལ་དངོས་ལ་བཞུགས་མཁན་དཀོན་པོ་འདུག
ཡེ་རྡོར་གྱི་སྐད་ཆ་དེ་མ་བཤད་སྔོན་ང་རང་གི་བསམ་ཚུལ་ཞིག་དྲིས་ནས་དུས་བབ་གསར་ཁང་ལ་བསྐུར་ཡོད་། འོན་ཀྱང་དུས་བབ་གསར་ཁང་ནས་བསྟོན་མ་སོང་། དེའི་སྐབས་ངས་བརྗོད་གཞི་དང་མ་འཚམ་པ་དེ་འདྲ་གང་ཡང་དྲིས་མེད་། དེ་རིང་འདོན་པའི་རེ་བ་ཆེ།
སྙིང་སྟོབས་དང་ལྷག་བསམ་དེས་ནམ་ཡང་མི་རིགས་འདི་ཞུམ་པ་མེད་པའི་བདེན་དཔང་བྱས་སོང་བས་བཀའ་དྲིན་ཆེ་་་་་
མིག་དམར་གྱི་སྤོབས་པར་རྗེས་སུ་ཡི་རངས་ཡོད།
མིག་དམར་ལགས་ཁྱེད་ཀྱི་ད་བར་བོད་དོན་ཆེད་ལས་འགུལ་སྣ་ཚོགས་སྤེལ་གནང་བར་བསྔགས་བརྗོད་ཞུ་བཞིན་ཡོད་
འོན་ཀྱང་ད་རེས་ཁྱེད་ལ་ངས་རེ་བ་ཞུས་ན་ང་ཚོ་ནི་ཅིག་བསྒྲིལ་གྱི་ནུས་པ་འདོན་དགོས་རེ་རེ་བྱས་ན་ང་ཚོའི་ནུས་པ་དོན་མེད་དུ་མི་འགྲོ་སམ་
བོད་རྒྱལ་ལོ་
མིག་དམར་ཁོང་གིས་ག་དུས་ཡིན་ན་བོད་ཀྱི་བསྟན་སྲིད་སླད་དུ་ཕྱག་ལས་གནང་གིན་འདུག་པས་དགའ་བསུ་དང་རྗེས་སུ་ཡི་རང་ཡོད་ལ། བསམ་དོན་ཅི་བཞིན་འགྲུབ་པར་སྨོན།
ཐུགས་རྗེ་ཆེ།