ཁ་སང་ཕྱི་ཚེས་ ༢༣ ཉིན་གྱི་སྔ་དྲོའི་བོད་ནང་གི་ཆུ་ཚོད་ ༡༢ ཐོག་རྒྱ་གཞུང་གི་ཉེན་རྟོག་པས་བོད་ཨ་མདོ་བླ་བྲང་འབོ་རྭ་དགོན་པའི་དགེ་འདུན་པ་ ༤ འཛིན་བཟུང་གིས་ད་ཆར་གར་སོང་ཆ་མེད་ཆགས་ཡོད་འདུག
འདི་གར་གནས་ཚུལ་ཁོ་སྤྲོད་གནང་བ་ལྟར་ན། ཟླ་འདིའི་ཕྱི་ཚེས་ ༢༠ ཉིན་འབོ་ར་དགོན་པའི་དགེ་འདུན་པ་མང་པོ་ཞིག་གིས་ལག་ཏུ་བོད་ཀྱི་རྒྱལ་དར་འཕྱར་བཞིན། བོད་ལ་འགྲོ་བ་མིའི་ཐོབ་ཐང་དང་ཆོས་དད་རང་དབང༌། སྐད་ཡིག་རང་དབང་དགོས་པ་སོགས་ཀྱི་སྐད་འབོད་བྱེད་བཞིན་འབོ་ར་ཞང་སྲིད་གཞུང་གི་སྒོ་ཁར་བསྐྱོད་དེ། ངོ་རྒོལ་སྐད་འབོད་ཤུགས་ཆེན་བྱས་ཡོད་འདུག་སྟབས། ཉིན་དེའི་དགོང་མོར་རྒྱ་གཞུང་གིས་འབོ་ར་དགོན་པ་གློག་དང་ཁ་པར་སྐུད་ལམ་ཡོངས་སུ་བཅད་ཅིང་། མཚན་མོའི་ཆུ་ཚོད་ ༡༢།༣༠ སྟེང་ཀན་སུའུ་ལན་ཀྲུའུ་ནས་ཡིན་པའི་དམག་མི་མང་པོ་ཞིག་དགོན་པའི་ནང་འཇབ་རྒྱུག་བྱས་ཏེ་དགེ་འདུན་པ་ ༤༢ ཙམ་འཛིན་བཟུང་བྱས་ཡོད་འདུག
གནས་ཚུལ་དེ་བྱུང་མ་ཐག་བླ་བྲང་བཀྲ་ཤིས་འཁྱིལ་གྱི་ཚོགས་ཆེན་ཁྲི་ཟུར་རྒྱལ་མཁན་པོ་ཞུ་བ་ཁོང་ཛ་དྲག་ཐོག་འབོ་ར་དགོན་པར་ཕེབས་ཏེ། སྲིད་གཞུང་དང་དགོན་པ་གཉིས་བར་འདུམ་འགྲིག་གནང་སྟེ། དེའི་ཕྱི་ཉིན་ཕྱི་ཚེས་ ༢༡ ཉིན་འཛིན་བཟུང་བྱས་ཡོད་པའི་གྲྭ་བ་རྣམས་ཕྱིར་ཀློད་གྲོལ་བཏང་ཡོད་ཀྱང༌། ཕྱི་ཚེས་ ༢༣ ཉིན་གྱི་བོད་ནང་གི་ཆུ་ཚོད་ ༡༢།༣༠ ཙམ་ལ་གློ་བུར་དུ་རྒྱ་ནག་གི་ཉེན་རྟོག་པ་དང་དམག་མི་མང་པོ་ཞིག་འབོ་ར་དགོན་པའི་ནང་འཛུལ་ཏེ་དགེ་འདུན་པ་ ༤ འཛིན་བཟུང་བཙན་འཁྲིད་ཀྱིས་ད་ཆར་གར་སོང་ཆ་མེད་ཆགས་ཡོད་འདུག
ཉིན་འདི་གར་ས་གནས་འབོ་ར་ཞང་སྲིད་གཞུང་དང་དྲག་ཆས་དམག་མི་མཉམ་འབྲེལ་ཐོག་འབོ་ར་དགོན་པ་ཡོངས་སུ་བསྐོར་ཏེ་དམ་དྲག་ཤུགས་ཆེན་བྱེད་ཀྱི་ཡོད་པ་མ་ཟད། དགོན་པའི་ནང་གི་གྲྭ་ཤག་རེ་རེར་དོ་དམ་ནན་མོ་བྱས་ཏེ་གྲྭ་བ་རྣམས་ཀྱི་འགྲོ་སྐྱོད་བཀག་སྡོམ་བྱས་ཡོད་འདུག གོང་དུ་འཛིན་བཟུང་བྱས་ཟིན་པའི་གྲྭ་བ་དག་ནི། རང་ལོ་ ༣༠ ཡིན་པའི་གྲྭ་སངས་རྒྱས་རྒྱ་མཚོ་དང༌། རང་ལོ་ ༢༣ ཡིན་པའི་གྲྭ་སྐལ་བཟང་བློ་གྲོས། རང་ལོ་ ༢༠ ཡིན་པའི་གྲྭ་དགེ་འདུན་བསོད་ནམས། རང་ལོ་ ༢༢ ཡིན་པའི་གྲྭ་བཀྲ་ཤིས་རྒྱ་མཚོ་བཅས་ཡིན་འདུག
ཕ་ཡུལ། ང་ཡི་ཕ་ཡུལ། ཁྱེད་ཀྱི་མིག་ཟུང་ལ་དམར་ལུག་ལུག་གི་ཁྲག་དམར་གྱིས་ཅི་འདྲིའི་བཏུམས་ཡང་། ཁྱེད་ཀྱི་སེམས་ཁོང་ལ་བློ་བོར་བོར་གྱིས་སྡུག་བསྔལ་ཅི་འདྲིའི་ལྕི་ཡང་ནམ་ཡང་བདེན་ཐུབ་ཀྱི་ཉིན་མོ་ཞིག་སྟེ།་མདུན་སྐྱོད་ཀྱི་གོམས་སྒྲ་འདི་ནས་རྙེད་ཀི་ཡོད།
ང་ཚོའི་བོད་ཀྱི་དཔའ་བོ་འདི་དག་ལ། །སྙིང་ནས་རྗེས་དྲན་སྨོན་ལམ་གྲངས་མེད་ཞུ། །རྒྱ་རྒན་བདུད་རིགས་ངན་པ་འདི་དག་ཀུན། །མྱུར་དུ་ཤི་ནས་ལས་འབྲས་སྨིན་པར་ཤོག
མྱ་ངན་ཞུ།
ཨ་ཁ ད་དངོས་གནས་སྡོད་དུ་འཇུག་གིན་མི་འདུག
བོད་བདེན་པའི་མཐའ་ལ་མ་ཐུག་པར་དུ།།
སྲོག་དམར་པོ་ཡིན་ཀྱང་གཏའ་མར་འཇོག་པའི།།
བོད་གངས་ཅན་དཔའ་བོ་དཔའ་མོ་རྣམ་པ།།
ལུས་གུས་ཤིང་ངག་གིས་བསྟོད་དབྱངས་འབུལ་དགོས།།
ཨ་རྒྱ་སྐྱག་ཚང་འདིས་དམྱལ་བ་ཞིག་ཉུག ད་སྡོད་གི་ཟིག་མི་འཇུག་གི ཨ་ཧ་བོ་ཡིན་ན་སྐྱག་ཟན་ཚང་།
འབོ་ར་ཞེས་པའི་གནས་མཆོག་འདི་ནི་གནས་ཚུལ་འདྲ་མིན་བྱུང་ས་ཞིག་རེད། ༢༠༠༨ལོར་བླ་བྲང་ཕྱོགས་ལས་འགུལ་ཚགས་ཚུད་བྱུང་སོང་། ད་ཐེངས་མདོ་སྨད་བླ་བྲང་ཁོངས་ནས་ལས་འགུལ་དང་བོ་སྤེལ་མཁན་ཡིན་པས་ཐུགས་རྗེ་ཆེ་ཞུ།
(དགེ་འདུན་པ་ ༤ འཛིན་བཟུང་གིས་ད་ཆར་གར་སོང་ཆ་མེད་ཆགས་ཡོད་འདུག )ཅེས་པ་འདི་བདེ་བོ་རང་བྱུང་མ་སོང་། འཛིན་བཟུང་བྱས་ཟིན་པས་ན་གང་ཞིག་ཏུ་བཙོན་འཇུག་བྱས་ཡོད་པ་ཐག་གིས་ཆོད་པས་ན་”གང་དུ་བཀག་ཉར་བྱས་ཡོད་མེད་གསལ་བོ་ཤེས་མི་འདུག་”ལྟ་བུ་ཟེར་ན་ལས་འདི་ལ་གར་སོང་ཆ་མེད་ཅེས་པའི་ཚིག་སྦྱོར་འདི་ཅི་འདྲ་འདུག
སྦྱིར་དུས་བབ་ཚང་གི་གསར་འགྱུར་རྣམས་སྤུད་ཚད་ལྡན་ལ་ཚིག་སྦྱོར་བདེ་བ། གསར་འགྱུར་རྩོམ་ཡིག་གི་བྲོ་བ་འདུག་ཁར། རྩོམ་འབྲིའི་ཤེས་བྱ་སྦྱོར་བར་སྐུལ་འདེད་བྱེད་པའི་ནུས་པའང་ལྡན་པར་འདུག་ཨང་སྙམ་པ་བཅས་བསམ་ཚུལ་དུ་ཕུལ་བ་ཡིན་ལགས།