གྲྭ་བ་ ༢ ཀྱིས་རང་ལུས་མེར་བསྲེཊ་བཏང་འདུག

དྲིན་ཅན་མེས་དབོན་རྣམ་གསུམ་ཞལ་བཞུགས་དུས། །
སྐུ་སྲོག་གྲངས་མེད་བཏང་ནས་རྒྱལ་ཁབ་སྐྱོང་། །
དགྲ་འགོ་ཚུར་བཙུགས་གུང་ཁྲན་ལྟས་ངན་འདིས། །
འབུམ་དམག་བློ་ཡིས་བཏང་ནས་བོད་ཡུལ་འཕྲོག །
རྒྱ་བོད་ཤི་གསོན་ཐུག་པའི་འཁྲུགས་འཛིངས་བར། །
བོད་མི་འབུམ་ཕྲག་བཅུ་གཅིག་ལྷག་ཙམ་འདས ། །
ད་སྟེ་ལོ་ངོ་ལྔ་བཅུ་དུས་ཡུན་ལ། །
ཕུགས་རྒྱང་གསལ་ལེར་གཟིགས་པའི་རྣམ་དཔྱོད་ཀྱིས། །
༸གོང་ས་སྙིང་གི་ནོར་བུའི་ཐབས་འཕྲུལ་གྱིས། །
ཤི་ལ་ཐུག་པའི་བོད་མིའི་བླ་སྲོག་དེ ། །
འགག་ གི་དོ་ས་འཆི་ལམ་ཕྲ་མོ་ནས། །
བསྐྱབས་ཏེ་འཆི་ཁའི་མི་ལ་གསོན་ཤུགས་སྦྱིན། །
ལྟོས་དང་ངར་ཤུགས་རྒྱས་པའི་གངས་ཅན་པ། །
གཟིགས་དང་འགྲན་ཟླ་བྲལ་བའི་གངས་ཅན་པ། །
གཅེས་པའི་ལུས་ལ་མེ་ལྕེ་ལྷང་ལྷང་དུ། །
འབར་བཞིན་ཞུམ་པ་མེད་པའི་དཔའ་སྐད་དེ། །
མཐོ་སྒང་རྩེ་ནས་འཛམ་གླིང་ཡོངས་ལ་འཐེན། །
དཔུང་གདངས་སྒྲིལ་བའི་རང་རེའི་ན་གཞོན་ཚོས། །
སྙིང་སྟོབས་དགུང་ལ་འཕྱུར་བའི་མེ་ལྕེ་དེས། །
རྒྱ་བདུད་དྲག་ཤུགས་ཇི་ཙམ་ཆེ་ཡང་རུང་། །
ཕ་ཆོས་གྲུ་བཞི་ལམ་མེར་འཛིན་པ་ངེས། །
ལས་དབང་གཅིག་ལ་སྒྲིལ་བའི་སྤུན་ཟླ་ཚོ། །
མེ་ལྕེའི་ཀློང་དུ་རེ་རེ་ཐིམ་པ་ན།
བདག་གི་སེམས་ནང་བཟོད་མེད་སྐྱོ་བ་ཡིས། །
ཤ་འབུར་མིག་ལ་འཆི་ཞགས་དབང་མེད་འཁོར། །
མགོན་པོ་ཀླུ་ཡི་ཞལ་ནས་འདི་ལྟར་གསུང་། །
བརྒྱ་ཡི་ནང་ནས་མཁས་པ་འབྱུང་ཞེས་གསུངས། །
བརྒྱ་སྟོང་བར་ན་མཛངས་པ་འབྱུང་གསུངས་པས། །
དཔའ་རྒོད་རེ་རེ་གཤེགས་ཚེ་ཅི་མི་སྐྱོ། །
ཡིན་ནའང་གྲོགས་དག་ང་ཚོའི་འཐབ་རྩོད་ནི། །
ཚེ་སྲོག་གྲངས་མེད་ཤོར་ནས་བྱུང་བས་ན། །
སྔར་བཞིན་བོད་ས་བོད་ལ་དབང་དགོས་ན། །
སྲོག་གི་བློས་གཏོང་མེད་ན་ག་ལ་འགྲིགས། །
ཆུང་ངུའི་ཕྱིར་དུ་ཆེན་པོ་མི་རིགས་ཀྱང་། །
ཆེན་པོའི་ཕྱིར་དུ་ཆུང་ངུ་གཏོང་ལོས་རིགས། །
འཕྲལ་ཕུགས་ཆེ་ཆུང་ཁེ་ཉེན་ལ་བསམས་ནས། །
རྣམ་དཔྱོད་བློ་ཡིས་ཤིན་ཏུ་དཔྱད་པར་རིགས། །

དེང་འདིར་གཞན་ཕན་ཁོ་ནའི་སྙིང་སྟོབས་ཀྱིས ། །
ལུས་སྲོག་ཡལ་བར་འདོར་མཛད་དཔའ་བོའི་དཔུང་། །
མེ་མཚོན་འཇིགས་པའི་ཁྲིམས་ལ་མི་འཛེམས་པར ། །
འཚེ་མེད་ཞི་བའི་རུ་འཕྲེང་བར་མེད་བསྒྲིགས ། །

གཞན་གནོད་བསམ་པས་ཀུན་ནས་མ་བསླངས་ཤིང་། །
དྲག་པོའི་མཚོན་ཆ་ཕྱག་དུ་མི་འཛིན་པའི ། །
བྱང་སེམས་མར་དཀར་སྤུང་བའི་རི་བོ་དག །
གདུག་པའི་མུན་ནག་སེལ་བའི་གཉེན་པོར་སྒྲོན ། །
བདེན་པ་མཆོག་གསུམ་ལྷ་ལ་བདར་བ་དང་། །
གནས་ལུགས་མི་ཡི་འགྲོ་བར་བགྲང་སླད་དུ ། །
གཅེས་པའི་རང་ལུས་མེ་རུ་སྦར་བའི་མདངས ། །
མཁའ་ལ་འཚམས་སྤྲིན་ཟོལ་གྱིས་བརྟན་པོར་ཆགས ། །

ཤེས་བྲལ་གནམ་གྱི་རྒྱལ་མོས་མ་བཟོད་པར ། །
སྤྱན་ཆབ་ཁ་ཆར་དུས་སུ་འཇོ་བྱས་ནས ། །
དཔའ་བོའི་ལུས་མེ་གསོད་པའི་ཐབས་འབད་ན ། །
སེམས་དང་ལྡན་པ་སུ་ཞིག་ཅི་མི་སྙམ ། །

གསོང་པོར་སྨྲ་དང་གཟུ་བོར་གནས་སོ་ཞེས ། །
ཁེངས་པ་སྲིད་ན་མཐོ་བའི་སྐྱེ་བོ་དག །
བདེན་དོན་མངོན་སུམ་འཆར་བའི་མེ་ལོང་ལ ། །
གཟིགས་ན་ཁས་སུ་འཆེ་བ་རྗེད་མ་བགྱི ། །

རང་ལུས་ནད་ཀྱིས་གདུང་བ་བཅོས་སླད་དུ ། །
འཚོ་བྱེད་མེ་བཙའི་དཔྱད་ཙམ་མི་བཟོད་པར ། །
གཡས་འཇུ་གཡོན་བསྐྱོར་ཨམ་གཙིགས་བསྡམས་པ་དང་། །
མིག་བཙུམས་སྐད་ངན་ཤོར་སོགས་མྱོང་བས་གྲུབ། །

དེ་ལྟ་བས་ན་སྡར་མ་བདག་འདྲ་དང་། །
བསྟན་འགྲོའི་སླད་དུ་རང་ལུས་མེ་སྦྱིན་ལ ། །
དགྱེས་བཞིན་ཕུལ་བའི་དཔའ་བོ་དཔའ་མོ་ཚོའི ། །
བར་ཐག་གནམ་ས་ལས་ཀྱང་ཆེས་ཆེར་རིང་། །

ད་ཡིན་ན་དངོས་གནས་ཉམས་ཆུང་བོད་མི་ཚོ་སྙིང་རྗེ།
འདི་ལྟར་རྒྱལ་གཅེས་དཔའ་བོ་ཚོ་གཅིག་རྗེ་གཉིས་མཐུད་ཀྱིས་བཞུད་སོང་ན་་་་་་་་་་་་་་་་་་་་་་་་་་་་་་་་་་་་་་་

བསྟན་དང་དེ་འཛིན་ཆབ་སྲིད་རང་རིགས་སླད། །
གཅེས་པའི་ལུས་སྲོག་ལོངས་སྤྱོད་ཡོངས་བཏང་སྟེ། །
བསྐལ་བ་བརྒྱ་ཕྲག་སྒྲུབ་པའི་སྐྱེ་བོ་རྣམས། །
གྲུ་འཛིན་མགོན་དེས་ཐུགས་རྗེས་སྐྱོང་བར་མཛོད། །
ཚད་མེད་ཡོན་ཏན་མ་ལས་དྲངས།

གདོང་དམར་བོད་ཀྱི་བདེ་སྡུག་སྙིང་དུ་བཅངས། །
རང་རིགས་སྤུན་ཟླའི་རང་དབང་བདེ་སྐྱིད་སླད། །
རང་གི་ཤ་ཁྲག་གདོས་བཅས་མེ་རུ་བསྒྲོན། །
འགྲན་མེད་གངས་ཅན་དཔའ་བོ་དཔའ་མོ་ཀུན། །
བདེ་ལྡན་དག་པའི་ཞིང་དུ་སྐྱེ་བར་སྨོན། །

དལ་འགྲོའི་རྟེན་བཟང་མྱུར་ཐོབ་ཤོག །
ཨོཾ་མ་ཎི་པདྨེ་ཧཱུཾ།
ཨོཾ་མ་ཎི་པདྨེ་ཧཱུཾ།
ཨོཾ་མ་ཎི་པདྨེ་ཧཱུཾ།

རྒྱ་ནག་འདི་བ་ཚང་ངོ་མ་ངོ་ཚ་རྒྱུ་ཞིག་མེད་ཀི། ད་དུང་ཧུ་ཡིས་འཛམ་གླིང་སྤྱི་ཟེར་ནས་ཅིག་བཤད་ཀི་འདུག ངོ་མ་བཤད་ན་སྲིད་འཛིན་ཧུ་འདིས་གདོང་པ་གཞན་ལ་བསྟན་ནས་འགྲོ་ཕོད་རྒྱུ་འདི་ང་མཚན་གི།

བོད་རྒྱལ་ཁབ་དགོས་ན་མི་རིགས་ལོས་དགོས།།
སྲེག་ཚར་ན་དངོས་གནས་རྒྱལ་ཁབ་འཇིག་འགྲོ།།
ད་སྐུ་མཁྱེན་མཚམས་རེ་འཇོག་པར་གནོངས་དང་།།
སེམས་ན་ཚས་འགལ་རྐྱེན་གནོན་ཐབས་མི་འདུག།