ཁ་སང་ཕྱི་ཚེས་ ༣ ཉིན་ལྷོ་ཨ་ཧྥུ་རི་ཁའི་ཡེ་ཤེས་ཆོས་དཔོན་ཌེ་སི་མན་ཊོ་ཊོ་མཆོག་དང་། ཕོ་ལན་ཊི་སྲིད་འཛིན་ཟུར་པ་ལའེ་ཆི་ཝེ་ལི་སཱ་ (Lech Walesa)། རྒྱལ་སྤྱིའི་ས་འོག་འབར་མདེལ་བཀག་སྡོམ་ལས་འགུལ་གསར་འཛུགས་གནང་མཁན་ཇོན་ཌེ་ཝེ་ལིམ་(Jody Williams) བཅས་གཙོས་པའི་ནོ་སྦེལ་ཞི་བདེ་གཟེངས་རྟགས་བཞེས་མྱོང་མཁན་གྱི་མི་སྣ་ ༡༢ གྱིས་མཉམ་འབྲེལ་ཐོག རྒྱ་ནག་གི་སྲིད་འཛིན་ཧུའུ་ཅིན་ཐའོ་ལ་ཡོངས་བསྒྲགས་ཀྱི་ཡི་གེ་ཕུལ་ཏེ། ཁོང་ཚོའི་ངོས་ནས་བོད་ནང་གི་རང་ལུས་མེར་བསྲེགས་ཐད་བློ་འཚབ་དང་དོ་སྣང་ཆེན་པོ་གནང་གི་ཡོད་པ་ནན་བརྗོད་དང་། རྒྱ་གཞུང་གིས་རྒྱལ་སྤྱིའི་གསར་འགོད་པ་དང་ཕྱི་འབྲེལ་དཔོན་རིགས་རྣམས་བོད་ནང་རྟོག་ཞིབ་ཆེད་བསྐྱོད་འཇུག་དགོས་པའི་རེ་སྐུལ་གནང་ཡོད་པ་རེད།
ད་དུང་། ནོ་སྦེལ་ཞི་བདེ་གཟེངས་རྟགས་བཞེས་མཁན་དེ་དག་གིས། པེ་ཅིན་གཞུང་གིས་༸གོང་ས་མཆོག་དང་མཉམ་དུ་དངོས་ཡོད་དོན་ཕན་ལྡན་པའི་གྲོས་མོལ་གནང་སྟེ། བོད་མི་ཐོག་དྲག་གནོན་བྱེད་ཤུགས་མཚམས་འཇོག་དགོས་པའི་རེ་སྐུལ་གནང་ཡང་ཡོད་འདུག
ནོར་ཝེ་ཞི་བདེའི་་རྟགས་མ་ཐོབ་མཁན་༡༢ ལ་་གུས་བརྩི་དང་བཀྲ་ཤིས་བདེ་ལེགས་ཞུ་བ་དང་སྦྲགས་ཁྱེད་རྣམས་པས་བོད་ལ་ཐུགས་ཁུར་གནང་བར་གུས་པས་སེམས་ཀྱི་གཏིང་ནས་ཐུགས་རྗེ་ཆེ་ཞུའོ། རྒྱ་དམར་ལ་ནུས་པ་ལྡན་པའི་གནོན་ཤུགས་ཤིག་སྤྲད་མ་ཐུབ་ཚེ། ཞི་འཇམ་གྱི་སྒོ་ནས་རྒྱ་ནག་གིས་འཛིན་པའི་འཁྲེགས་འཛིན་གྱི་སྲིད་ཇུས་དེ་གཅུན་ཐབས་དཀའ། རྒྱ་གཞུང་གིས་ནོར་ཝེ་ཞི་བདེ་གཟིངས་རྟགས་ལ་ནུབ་ཕྱོགས་པའི་ཆབ་སྲིད་ཀྱི་གཡོ་རྒྱུ་ཞིག་རེད་བརྗོད་ཀྱིན་ཡོད། དེ་བཞིན་གཟིངས་རྟགས་བཞེས་མཁན་ལ་ཆབ་སྲིད་ཀྱི་དགོས་དབང་མེད་ན་ལོག་སྤྱོད་པར་མ་ཟེར་ནའང་བརྩི་འཇོག་བྱེད་རྒྱུར་ཁག་པོ་རེད།
ཧུའུ་ཡི་རྣ་ནང་དུ་གསེར་དང་ཐལ་པ་གང་བླུགས་ནའང་འདྲ་འདྲ་རེད། མ་ཟད་རྒྱ་གཞུང་གི་དཔོན་རིགས་གཞན་པ་ཚོ་ཡང་དེ་མཚུངས་རེད
གཟེངས་རྟགས་བཞེས་རྗེས་འགན་ཧ་ཅང་ལྕི་མོ་བཞེས་དགོས་རྒྱུ་ལས་ཉལ་བསྡད་ན་གང་ནས་འགྲིགས། དེ་མིན་གཟེངས་རྟགས་དེས་ཁྱེད་རང་གཏན་དུ་ནུས་མེད་དུ་བཏང་སྟེ། འབག་སྐུ་ནང་བཞིན་བཞག་པ་རེད།
ནོ་བྷེལ་གཟེངས་རྟགས་བཞེས་མཁན་རྣམས་ནས། རྒྱ་ནག་སྲིད་འཛིན་ལ་བོད་མིའི་སླད་དུ་འབོད་བསྐུལ་ཕྱག་བྲིས་གནང་བ་དེར་སྙིང་ཐག་པ་ནས་ཐུགས་རྗེ་ཆེ་ཞུ།