རྒྱ་ནག་གཞུང་གིས་འདི་ལོའི་ཕྱི་ཟླ་ ༢ པའི་ཟླ་དཀྱིལ་དུ་ཡུལ་ཤུལ་ནང་ཆེན་རྫོང་གི་གླུ་བ་ཨོ་རྒྱན་བསྟན་འཛིན་ལགས། ཁོང་གི་ཆེད་བསྒྲིགས་འོད་སྡེར་ ༼སྙིང་ཁྲག་གི་བཞུར་རྒྱུན༽ ཞེས་པའི་ནང་། ༸གོང་ས་མཆོག་དང་རྒྱལ་བ་ཀརྨ་པ།བཀའ་བློན་ཁྲི་པ་བློ་བཟང་སེངྒེ་མཆོག་བཅས་ལ་བསྟོད་གླུ་དང་། ཆབ་སྲིད་དང་འབྲེལ་བའི་གླུ་གཞས་བཏང་ཡོད་པའི་ཉེས་མིང་འོག་འཛིན་བཟུང་བྱས་ཡོད་པ་ལྟར། ཕྱི་ཟླ་ ༣ པའི་ཚེས་ ༢༠ ཉིན་ཡུལ་ཤུལ་ནང་ཆེན་ས་གནས་ཀྱི་ཁྲིམས་ཁང་དུ་ལོ་ ༢ དུས་བཀག་བཙོན་འཇུག་གི་ཁྲིམས་ཐག་བཅད་ཡོད་པ་མ་ཟད། ནང་ཆེན་ས་གནས་སུ་ལྷ་གསོལ་དང་སྐད་འབོད་བྱས་པའི་ཉེས་མིང་འོག་འོད་རྒོད་ཞུ་བ་ཞིག་ལ་ལོ་ ༣ དང་། ཡོན་ཏན་ཕུན་ཚོགས་ཞུ་བ་ཞིག་ལ་ ༢ བཅས་ཀྱི་ཁྲིམས་ཐག་བཅད་ཡོད་འདུག
གནས་ཚུལ་མཁོ་སྤྲོད་པས་བརྗོད་པ་ལྟར་ན། ༢༠༠༨ ལོར་རྒྱ་ནག་གཞུང་གིས་གླུ་བ་ཨོ་རྒྱན་བསྟན་འཛིན་ལགས་ཀྱིས། ཁོང་གི་ཕ་ཡུལ་དུ་རྒྱ་རིགས་མང་པོ་ཡོང་སྟེ་གང་བྱུང་གཏེར་ཁ་སྔོག་འདོན་གྱི་ལས་གཞི་སྤེལ་བཞིན་པའི་ཐད་མི་མང་གིས་བརྡ་ལན་སྤྲད་དེ་ངེས་པར་དུ་རང་ས་སྲུང་སྐྱོབ་བྱ་དགོས་པ་དང་། ས་གནས་བོད་མི་ཚོས་རྡོག་རྩ་ཆིག་སྒྲིལ་བྱ་དགོས་པའི་སྐུལ་མ་བཏང་བར་ཉེས་འཛུགས་ཀྱིས་ལོ་ ༡ རིང་བཙོན་འཇུག་བཀག་ཉར་བྱས་འདུག ཐེངས་འདིར་ཆབ་སྲིད་ཀྱི་གཞས་བཏང་བའི་ཉེས་མིང་འོག་བཙོན་འཇུག་གི་ཁྲིམས་ཐག་བཅད་ཟིན་ཡོད་ཀྱང་། ད་ཆར་ནང་མི་ཉེ་འབྲེལ་ཚོར་ཐུག་འཕྲད་བྱེད་མ་བཅུག་པར་ཁོང་གི་གཟུགས་པོའི་གནས་སྟངས་གང་འདྲ་ཆགས་ཡོད་མེད་ཤེས་རྟོགས་བྱུང་མི་འདུག་ལ། ད་དུང་རྒྱ་གཞུང་གིས་ཁོང་གི་གཞས་ཚིག་རྩོམ་མཁན་རྣམས་བརྩད་གཅོད་བྱེད་ཀྱི་ཡོད་འདུག
ཁྱེད་གླུ་སྒྲ་དང་རྗོད་ཚིག་ཚང་ང་ཚོས་གོ་ཡོད། དེ་དག་རེ་རེ་ལ་ཉན་ཐེངས་རེ་རེར་ཁྱེད་ཉིད་མྱུར་དུ་གློད་གྲོལ་ཡོང་བའི་རེ་བ་དང་། སྐད་ངག་སྙན་མོ་ནམ་ཡང་མི་འགག་པའི་ཡིད་ཆེས་བྱས་ཡོད།
དུས་ནམ་ཡིན་ན་གསར་ལམ་ཁག་བརྒྱུད་ན་བསམ་ན་གནས་ཚུལ་ཡོད་པ་དེ་ཚོའི་པར་ཞིག་ཡོད་ན་གཞུང་སུ་དང་སུ་ཡིན་ཁས་ལེན་གི་རེད་།་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་