མདུན་ངོས།
About Us
Advertisement
བོད་ཀྱི་དུས་བབ།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese
No Result
ཆ་ཚང་གཟིགས།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese
No Result
ཆ་ཚང་གཟིགས།
བོད་ཀྱི་དུས་བབ།
No Result
ཆ་ཚང་གཟིགས།

ཡུ་རོབ་གྲོས་ཚོགས་ནང་བོད་ཀྱི་གནད་དོན་བགྲོ་གླེང་བྱས་འདུག

བོད་ཀྱི་དུས་བབ།
༢༠༡༢/༠༤/༠༦
Share on FacebookShare on TwitterShare on EmailShare on Whatsapp

ཉེ་ལམ་ཡུ་རོབ་གྲོས་ཚོགས་ནང་མེ་ལྕེ་ཁྲོད་ཀྱི་བོད་ཅེས་པའི་བགྲོ་གླེང་ཞིག་ཚོགས་ཏེ། ཡུ་རོབ་གྲོས་ཚོཊ་ཀྱི་འགྲོ་བ་མིའི་ཐོབ་ཐང་འགན་འཛིན་མཆོག་གིས། ཡུ་རོབ་རྒྱལ་ཁབ་ཁག་གིས་གཞུང་དམངས་གཉིས་ཀྱིས་བོད་ནང་གི་ཛ་དྲག་གནས་སྟངས་ཐོག་རྒྱབ་སྐྱོར་གནང་དགོས་པའི་འབོད་སྐུལ་ཞུས་འདུག

ཕྱི་ཟླ་ ༣ ཚེས་ ༢༨ ཉིན་ཡུ་རོབ་གྲོས་ཚོགས་ཀྱི་མང་གཙོ་དང་འགྲོ་བ་མིའི་ཐོབ་ཐང་འགན་འཛིན་གཞོན་པ་སྐུ་ཞབས་མེ་ཁུ་མེལ་ལན་སི་ཀོ་ཊི་ (Edward McMillan-Scott) ལགས་དང་། ལྕམ་ཁི་རེ་སི་ཊི་ནེཨོ་ཇོ་ལེན་ཌེ་ (Kristiina Ojuland) ལགས་རྣམ་གཉིས་ཀྱིས་གཙོ་སྐྱོང་འོག  ཡུ་རོབ་གྲོས་ཚོགས་ནང་༼མེ་ལྕེ་ཁྲོད་ཀྱི་བོད་༽ཅེས་པའི་བགྲོ་གླེང་ཚོགས་འདུ་ཞིག་ཚོགས་ཡོད་འདུག་ལ། བགྲོ་གླེང་ཚོགས་འདུ་དེར་སྐུ་ཞབས་མེ་ཁུ་མེལ་ལན་སི་ཀོ་ཊི་དང་ལྕམ་ཨོ་ཇོ་ལེན་ཌེ།བོད་མིའི་སྒྲིག་འཛུགས་ཀྱི་སྐུ་ཚབ།དེ་བཞིན།རང་དབང་རྩོམ་པ་པོ་དང་ཉམས་ཞིབ་པ་སོགས་མཉམ་ཞུགས་གནང་སྟེ།ད་ལྟའི་བོད་ནང་གི་ཛ་དྲག་གནས་སྟངས་ཐོག་བགྲོ་གླེང་གནང་ཡོད་འདུག

བགྲོ་གླེང་ཚོགས་འདུ་མགོ་མ་བཙུགས་གོང་ཚོགས་ཞུགས་པ་ཚོས་བོད་ནང་རང་ལུས་མེར་བསྲེགས་བཏང་སྟེ།འདས་གྲོངས་སུ་ཕྱིན་པའི་དཔའ་པོ་དཔའ་མོ་རྣམས་ཀྱི་ཆེད་ངག་བཅད་སྐར་མ་གཅིག་གནང་ཡོད་འདུག་ལ།དེའི་རྗེས་སྐུ་ཞབས་མེ་ཁུ་མེལ་ལན་སི་ཀོ་ཊི་ལགས་ཀྱིས། རྒྱ་གཞུང་གིས་བོད་ལ་བཙན་འཛུལ་བྱས་ཏེ་ལོ་ ༦༠ ཕྱིན་པའི་རིང་བོད་མི་ཚོས་གཉའ་གནོན་དང་ཞེད་སྣང་ཁོ་ནའི་འོག་མི་ཚེ་བསྐྱལ་ཡོད་ལུགས་དང་། འདས་བའི་ལོ་གཅིག་རིང་བོད་མི་ ༣༡ གིས་རང་ལུས་མེར་བསྲེགས་བཏང་ཡོད་པའི་ཁྲོད་མི་ ༢༢ འདས་གྲོངས་སུ་ཕྱིན་ཡོད་ཀྱང་། རྒྱལ་སྤྱིའི་སྤྱི་ཚོགས་ཀྱིས་ད་བར་རྒྱ་གཞུང་ལ་མངོན་གསལ་གྱི་སྐྱོན་བརྗོད་གང་ཡང་བྱས་མེད་ཚུལ། ད་ལྟ་ཡུ་རོབ་རྒྱལ་ཁབ་ཁག་གི་གཞུང་དམངས་གཉིས་ཀྱིས་བོད་མིར་རྒྱབ་སྐྱོར་བྱས་ཏེ་རྒྱ་གཞུང་གི་དམ་དྲག་སྲིད་བྱུས་ལ་སྐྱོན་བརྗོད་བྱ་རྒྱུའི་དུས་ལ་བབས་ཡོད་སྐོར་སོགས་བརྗོད་འདུག ལྕམ་ཨོ་ཇོ་ལེན་ཌེ་ལགས་ཀྱིས་ཀྱང་བོད་ནང་གི་ཛ་དྲག་གནས་སྟངས་ཐོག་ཡུ་རོབ་གྲོས་ཚོགས་ཀྱིས་རྒྱ་གཞུང་དང་ཐད་ཀར་གླེང་མོལ་གནང་དགོས་པ་ནན་སྐུལ་ཞུས་འདུག

དེའི་རྗེས་བོད་མིའི་སྒྲིག་འཛུགས་ཀྱི་སྐུ་ཚབ་རིག་འཛིན་ཆོས་སྒྲོན་ལགས་ཀྱིས་ ༢༠༠༩ ལོར་མདོ་སྨད་རྔ་པའི་དགེ་འདུན་པ་བཀྲ་བྷེ་ལགས་ཀྱིས་རང་ལུས་མེར་བསྲེགས་བཏང་ནས་ད་བར་བོད་མི་ ༣༠ ལྷག་གིས་མེར་བསྲེགས་བཏང་བའི་གནས་ཚུལ་རྣམས་ཞིབ་ཕྲ་ངོ་སྤྲོད་དང་། ད་ལྟའི་བོད་ནང་གི་ཛ་དྲག་གནས་སྟངས་ལ་དམིགས་ཏེ། ཡུ་རོབ་གྲོས་ཚོགས་ཀྱིས་རྒྱལ་སྤྱིའི་གསར་འགོད་པ་དང་རང་དབང་རྟོག་ཞིབ་ཚོགས་པ་སོགས་བོད་ནང་ལ་གཏོང་དགོས་རྒྱུ་དང་། བོད་རྒྱ་འབྲེལ་མོལ་གང་མགྱོགས་བསྐྱར་གསོ་ཡོང་བར་རམ་འདེགས་གནང་རྒྱུ། ཡུ་རོབ་གྲོས་ཚོགས་ཀྱིས་བོད་དོན་དམིགས་བསལ་སྐུ་ཚབ་ཞིག་བསྐོ་བཞག་གནང་དགོས་པའི་འབོད་སྐུལ་བཅས་ཞུས་འདུག

བགྲོ་གླེང་ཚོགས་འདུའི་སྟེང་དབྱིན་ཡུལ་ཨོག་ཁུ་སི་གཙུག་ལག་སློབ་ཆེན་གྱི་ཉམས་ཞིབ་པ་བླ་མ་སྐྱབས་ལགས་དང་། ལོན་ཊོན་དུ་གནས་སྡོད་བོད་རིགས་བུད་མེད་རྩོམ་པ་པོ་བདེ་ཆེན་སྤེན་པ། ཧྥ་རན་སིའི་ཤར་ཕྱོཊ་སྐད་ཡིག་དང་རིག་གཞུང་སློབ་ཆེན་གྱི་སློབ་དཔོན་ཆོས་ཉིད་དབང་མོ། བོད་ཀྱི་གྲོགས་པོ་སྐུ་ཞབས་རོའོ་སི་ཊི་རེ་ཌིར་ (Roy Strider) ལགས་བཅས་ཀྱིས། བོད་ནང་རང་ལུས་མེར་བསྲེགས་གཏོང་བཞིན་པའི་ལས་འགུལ་གྱི་ངོ་བོ་དང་། མེར་བསྲེགས་ལས་འགུལ་གྱི་རྐྱེན་པས་བོད་ནང་གི་དྲ་རྒྱ་ཁག་སྒོ་རྒྱག་པ་དང་། བོད་སྐད་ཡིག་བེད་སྤྱོད་ཐོག་དམ་དྲག  ལྷག་པར་དུ ༢༠༠༨ ལོ་ནས་རྒྱ་གཞུང་གིས་མངོན་ལྐོག་གཉིས་ཀྱི་ཐོག་བོད་ཀྱི་ཁོར་ཡུག་སྲུང་སྐྱོབ་པ་དང་རྩོམ་པ་པོ། གཞས་བ་སོགས་འཛིན་བཟུང་བྱེད་བཞིན་པའི་གནས་སྟངས་དང་། དུས་རབས་ཕྱེད་ཀའི་རིང་རྒྱ་གཞུང་གིས་བོད་ལ་བཙན་འཛུལ་བྱས་པའི་ལོ་རྒྱུས་རྣམས་གསལ་བཤད་གནང་སྟེ། ཡུ་རོབ་གྲོས་ཚོགས་ཀྱིས་བོད་ནང་རྟོག་ཞིབ་ཚོགས་པ་གང་མགྱོགས་གཏོང་ཐུབ་རྒྱུའི་འབོད་སྐུལ་ཞུས་འདུག   

མཇུག་ཏུ་ཡུ་རོབ་གྲོས་ཚོགས་ཀྱི་བོད་དོན་རྒྱབ་སྐྱོར་ཚོགས་ཆུང་གི་ཚོགས་གཙོ་ཐོ་མཱ་སི་མེན་ལགས་གྱིས། ཚོགས་པ་དེའི་ངོས་ནས་བོད་མིའི་སྒྲིག་འཛུགས་ཀྱི་བཀའ་བློན་ཁྲི་པ་བློ་བཟང་སེང་གེ་མཆོག་དང་། སྐུ་ཚབ་སྐལ་བཟང་རྒྱལ་མཚན་རྣམ་གཉིས་ཡུ་རོབ་གྲོས་ཚོགས་ནང་གདན་ཞུ་གནང་ཐུབ་རྒྱུར་འབོད་བརྩོན་བྱེད་བཞིན་ཡོད་སྐོར་བརྗོད་ཡོད་ལ། དེ་བཞིན། ཡུ་རོབ་གྲོས་ཚོགས་ཀྱི་རྒྱ་ནག་ལས་དོན་ཚན་པའི་འགན་འཛིན་དང་ཡུ་རོབ་གྲོས་ཚོགས་ཀྱི་ཕྱི་འབྲེལ་ལས་དོན་ཚོགས་ཆུང་གི་ཚོཊ་གཞོན་འབུམ་རམས་པ་སཱ་བྷ་ཐེལ་(Gerhard Sabathil) ལགས་ཀྱིས། བོད་ནང་གི་མེར་བསྲེགས་གནད་དོན་ཐོག་སེམས་འཚབ་ཆེན་པོ་ཡོད་སྐོར་དང་། ཁོང་ཚོས་རྒྱ་ནག་དང་གྲོས་བསྡུར་གནང་སྐབས་བོད་ཀྱི་གནད་དོན་མདུན་ཅོག་ཐོག་བསླེབ་རྒྱུར་འབད་བརྩོན་གནང་རྒྱུ། ཡུ་རོབ་གྲོས་ཚོགས་ཀྱིས་བོད་ནང་རྟོག་ཞིབ་ཚོགས་པ་གཏོང་རྒྱུ་དང་། བོད་དོན་དམིགས་བསལ་སྐུ་ཚབ་བསྐོ་བཞག་གནང་རྒྱུར་འབད་བརྩོན་ཞུ་རྒྱུ་ཡིན་ཚུལ་སོགས་བརྗོད་འདུག

གསར་འགོད་པ། དཔལ་ལྡན།

མཆན། 7

  1. དབུས་སྟོད་ཀྱི་སྐྱ་རེང་། says:
    ལོ་ 11 སྔོན།

    ཡུ་རོབ་གྲོས་ཚོགས་ནང་བོད་དོན་གླེང་སློང་གནང་བར་ཐུགས་རྗེ་ཆེ་ཞུ། ཡིན་ནའང་གསར་འགྱུར་འདིའི་ནང་ཞིབ་ཏུ་བལྟས་ན་བོད་མིའི་མངོན་འདོད་གཙོ་བོ་དེགང་ཡིན་ཁ་གསལ་དང་། དེ་རྒྱལ་སྤྱིའི་ལྡིང་ཆའི་སྟེང་སླེབས་ཐབས་དང་དེ་ལ་རྒྱལ་སྤྱི་དང་ལྷག་པར་ཡུ་རོབ་གྲོས་ཚོགས་ནས་རྒྱབ་སྐྱོབ་རག་ཐབས་དང་། དེ་གཞི་རྩའི་འགྲོ་བ་མིའི་ཐོབ་ཐང་དང་ཡོངས་སུ་མཐུན་ལུགས་སོགས་ལ་བརྟེན་ནས་ལས་འགུལ་ཞིག་སྤེལ་ཐུབ་ན་ཁ་ཡོད་ལག་ཡོད་ཀྱི་ཕན་ཐོགས་ཡོང་ངེས་ལས་འཕྲལ་སེལ་གྱི་དཀའ་ངལ་སེལ་ཐབས་ཙམ་ནི་དོན་ལྡན་ཞིག་མ་ཡིན།

    Reply
  2. ལུང་རྟོགས། says:
    ལོ་ 11 སྔོན།

    ད་ཡིན་ན་དཔའ་བོ་དཔའ་མོ་ཚོས་རང་སྲོག་བློས་གཏོང་གནང་བའི་འབྲས་བུ་སྨིན་ཡོང་གི་འདུག བོད་པ་ཚོ་མེ་ཚ་པོའི་སྟེང་ལ་ཤིང་སྣོན་ཤོགས།

    Reply
  3. བློ་དགའ། says:
    ལོ་ 11 སྔོན།

    ཤ་ཚ་བའི་ཚིག་ལ་སྙན་པོ་མེད། ནད་མཁྲིས་པའི་སྨན་ལ་ཞིམ་པོ་མེད། དུས་བབ་ཀྱི་འགོ་བྱེད་རྣམ་པ་ལྷན་རྒྱས་ལགས། ཁ་སང་དེ་རིང་ཞིག་ལ་དུས་བབ་དྲ་ངོས་སུ་ཡིག་ནོར་དང་དོན་ནོར་བླུག་ཡོང་གི་འདུག ཡིད་གཟབ་ཅིག་གནང་དགོས་ཀྱི་འདུག

    Reply
  4. ཆོས་བཟང་། says:
    ལོ་ 11 སྔོན།

    ཡོ་རོབ་པས་དངུལ་ལོ་ཁོ་ན་ལ་མ་བལྟས་བར་ཉམས་ཆུང་བའི་མི་རིགས་འདིར་གཟིགས་པར་སྙིང་ནས་བསྔགས་བརྗོད་ཡོད་

    Reply
  5. ཤིང་ལོ། says:
    ལོ་ 11 སྔོན།

    དེང་གི་དུས་འདིར་ང་ཚོས་རེ་བ་ཧ་ཅང་བྱས་ཡོད་པས་རྒྱབ་སྐྱོར་གནང་མཁན་ཚོར་དྲིན་ལན་མཇལ་གང་ཐུབ་བྱེད།

    Reply
  6. གངས་ཟླ། says:
    ལོ་ 11 སྔོན།

    དེང་སང་གི་འཛམ་གླིང་བོད་ཅེས་པའི་དཔའ་སྡེ་དེའི་སྟེང་ནས་སད་ཀི་ཡོད་ཀི་ངོ་མ་དགེ་མཚན་ཆེ་གི།

    Reply
  7. ཀརྨ་རྡོ་རྗེ། says:
    ལོ་ 11 སྔོན།

    ཡོ་རོབ་གྲོས་ཚོགས་བཀའ་དྲིན་ཆེའོ། རྒྱ་གཞུང་གིས་རྫུན་སྒྲིག་བྱས་ཚད་རྐུབ་རྡོལ་ཤོག །

    Reply

དཔྱད་མཆན་སྤེལ། Cancel reply

Your email address will not be published. Required fields are marked *

སྤྱི་ཚོགས་དྲ་གནས།

ཁྱབ་བསྒྲགས།

དྲ་ངོས་ཀྱི་གནས་ཚུལ་ཚང་མའི་པར་དབང་བོད་ཀྱི་དུས་བབ་ལ་ཡོད།

གློག་འཕྲིན།

editor@tibettimes.net | office@tibettimes.net

ཁ་པར།

+91-98823-47075 | +91-92189-38041 | +91-81972-44372
No Result
ཆ་ཚང་གཟིགས།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese

Welcome Back!

OR

Login to your account below

Forgotten Password?

Retrieve your password

Please enter your username or email address to reset your password.

Log In

Add New Playlist