ཁམས་རྫོགས་ཆེན་ས་གནས་སུ་སྐྱ་སེར་བོད་མི་ ༣༠༠༠ བརྒལ་བས་རྫོང་སྲིད་གཞུང་གི་སྒོ་འགྲམ་དུ་འཛོམས་ཏེ་དྲག་རྡུང་མཚམས་འཇོག་དགོས་པའི་རེ་འདུན་བཏོན་འདུག
ཟླ་འདིའི་ཕྱི་ཚེས་ ༢༢ ཉིན་ནས་ཚེས་ ༢༤ བར་ཁམས་རྫོགས་ཆེན་ས་གནས་སུ་རྒྱ་གཞུང་གི་དམིགས་བསལ་ཉེན་རྟོགས་པ་ ༡༠༠ ཙམ་ཡོང་སྟེ། རྫོགས་ཆེན་དགོན་གྲོང་གཉིས་ལ་ཚད་ལས་དྲག་གནོན་དང་གཅར་རྡུང་བྱས་ཏེ། རྫོགས་ཆེན་སྡེ་བའི་རུ་ཁག་དང་པོའི་རྒྱ་མཚོར་གཅར་རྡུང་གིས་དཀར་མཛེས་རྫོང་མི་དམངས་སྨན་ཁང་བསྐྱལ་དགོས་བྱུང་ཡོད་པ་མ་ཟད། རྫོགས་ཆེན་དགོན་པའི་རང་ལོ་ ༡༣ ཡིན་པའི་གྲྭ་པད་རྒྱལ་དང་། བསྟན་འཛིན། ཁྱི་ཐར། མི་འགྱུར། གུར་རྣམ། སྐལ་བཟང་། པད་སྟོབས་སོགས་བཅས་དང་། མི་སྐྱ་རི་བུ་དང་སེང་གེ། ཕུར་བུ་ཚེ་རིང་བཅས་གཅར་རྡུང་འཛིན་བཟུང་བྱས་ཡོད་འདུག་ལ། དགོན་པའི་གྲྭ་བ་ཚོར་གང་བྱུང་གཅར་རྡུང་དང་གྲྭ་ཤག་སྔོག་བཤེར་བྱས་ཡོད་འདུག
གནས་ཚུལ་དེའི་དབང་གིས་ཟླ་འདིའི་ཕྱི་ཚེས་ ༢༥ ཉིན་གྱི་བོད་ནང་གི་ཞོགས་པའི་ཆུ་ཚོད་ ༩།༣༠ ཡས་མས་སུ་ཁམས་རྫོགས་ཆེན་ཤྲྰི་སེང་ལྔ་རིག་སློབ་གླིང་དང་རྫོགས་ཆེན་དགོན་པ་པདྨ་ཐང་བཅས་ཀྱི་མཁན་པོ་དང་བླ་སྤྲུལ། གྲྭ་བ། མི་མང་བཅས་མི་གྲངས་ ༣༠༠༠ བརྒལ་བ་ཤང་སྲིད་གཞུང་དང་མངགས་གཏོང་ཁང་གི་སྒོ་འགྲམ་དུ་འཛོམས་ཏེ། རྒྱ་ནག་གཞུང་གིས་རྒྱུ་མཚན་མེད་པར་ས་གནས་མི་མང་ལ་གཅར་རྡུང་འཛིན་བཟུང་དང་། སྔོག་ཤེར་བྱེད་མཚམས་འཇོག་དགོས་པའི་རེ་འདུན་བཏོན་ཏེ་ཞི་བའི་ངོ་རྒོལ་བྱས་ཡོད་འདུག
རྫོགས་ཆེན་ས་གནས་སྲིད་གཞུང་གི་མདུན་དུ་ཞུ་འབོད།
ས་གནས་མངགས་གཏོང་ཁང་གི་མདུན་དུ་ཞུ་འབོད།
སེར་སྐྱ་གཉིས་ཀྱི་ཞུ་འབོད་བྱེད་ཀྱིན་པ།
གསར་འགོད་པ། དོན་གོ
ཐོ་རེངས་ལགས་ད་ནས་བཟུང་༼བཙན་གཤོལ་དང་༼ཧང་སང་བའི་སྣམ་པ་དང་༼ཕར་ཆེ་བ་སོགས་བྲིས་ན་བོད་ཡིག་གི་བསྟན་བཤིགས་ཡིན་པ་ཤེས་པར་གྱིས་ལོ་ རང་ལ་བྲིས་མེད་རོགས་ལ་མགུ་མེད་པའི་ལས་ཀ་དེ་རང་ལ་འཚམས་པོ་མི་འདུག
ཐོ་རིང་ལགས་ཁ་ཕོ་མ་ཆེ་བཙན་བྱོལ་ནས་བོད་ཡིག་ལ་གཏོར་བཤིག་གཏོང་མཁན་གྱི་གྲས་སུ་རང་ཉིད་ཀྱང་ཡོད་པ་ཤེས་པར་གྱིས་ལ་མི་ལ་སྐྱོན་བརྗོད་་༼བཤོལ༽དེ་དང་༼ཕར་ཆེ་བ༽༼ཧང་སང་བའི་སྣམ་པ་འདི་ཚོར་གཟིགས་ཞིབ་གནང་རོགས་
མདོ་ཁམས་གཉིས་ལ་དྲག་གནོད་དང་དམ་དྲག་ཧ་ཅང་ཆེན་པོ་རེད། དངོས་གནས་བོད་པ་ཚང་གི་གསར་འགོད་དང་རྒྱུས་ལོན་བརྒྱ་ཆའི་ལྔ་བཅུ་ཙམ་ཡང་བྱེད་ཐུབ་ཀྱིན་མི་གདའ།
ཡང་ཡར་རྒྱས་ཀྱི་ཕྱོགས་ནས་བཤད་ན། མདོ་ཁམས་གཉིས་ཀྱི་ས་ཆ་ཕར་ཆེ་བས། བོད་སྐད་བོད་ཡིག་ཕྱོགས་ལ་ཤུགས་སྣོན་དང་ཟབ་སྦྱོང་བྱེད་སྟང་ནི་ཧང་སང་བའི་སྣམ་པ་རེད།
དེ་དང་བསྡུར་ན་བཙན་གཤོལ་བོད་པ་ཚང་གི་བོད་ཀྱི་སྐད་ཡིག་གི་བསྟན་བ་བཤིག་ཅི་ཐུབ་བྱེད་ཀྱིན་ཡོད་པ་ནི་གཞི་ལུས་བོད་མི་རྣམས་བློ་ཕམ་ནས་བསྡད་འདུག་ལགས།
ད་ནི་བོད་མི་ཚང་མ་འུ་ཐུག་ཐབས་ཟད་ཀྱི་གནས་སུ་གྱར་ཡོད་སྟབས་ག་རེ་ཡིན་ཡང་ཡོང་སྲིད་པ་དང་། ག་རེ་ཡིན་ན་ཡང་བྱེད་སྲིད་པ་རེད་པས། གནས་ཚུལ་ཅི་ཞིག་བྱུང་ན་ཡང་འགན་ཚང་མ་རྒྱ་དམར་ཚང་གི་མཐོ་རིམ་དཔོན་པོ་ཚོར་ཡོད་པ་རེད།
བོད་མིའི་དགོས་དོན་གང་མྱུར་འགྲུབ་ཐུབ་པའི་སྨོན་འདུན་ཞུ། ཞི་བདེ་དང་དྲང་བདེན་ལ་དགའ་བའི་བོད་མི་ཚོ་སེམས་ཤུགས་མ་ཆགས་ང་ཚོ་ཁྱེད་ཚོའི་རྒྱབ་ཏུ་ཡོད།
རྒྱ་དམར་གུང་ཁྲན་ཏང་ཟེར་བ་དེ་ལས་གདུག་རྩུབ་ཆེ་བ་དང་། གཉའ་གནོན་ཆེ་བ།
གཏུམ་དྲག་ཆེ་བ་ཞིག་མེད་སྟབས། དམར་ཤོག་འདི་རྒྱ་ནག་མི་དམངས་ཀྱིས་ཕམ་པར་རྒྱག་དགོས།
གྲངས་ཉུང་མི་རིགས་མས་རྡོག་རྩ་གཅིག་ཏུ་བསྒྲིལ་ནས་རྟག་པར་ཞི་བའི་ངོ་རྒོལ་བསྟུད་མར་བྱེད་ཐུབ་པ་དགོས།
གང་དུ་དྲག་གནོན་ཡོད་ན། དེ་རུ་ང་ཚོས་ནམ་ཡང་ངོ་རྒོལ་བྱེད་དགོས།
གནས་ཚུལ་འདི་འདྲ་ཐོས་པ་ཧ་ཅང་སེམས་པ་སྐྱོ།
ང་ཚོས་གདུང་སེམས་མཉམ་སྐྱེད་ཀྱིས་གཞི་ཟིན་པའི་ཐོག་མི་རེ་ངོ་རེ་ནས་བོད་ནང་གནས་སྟངས་ཕྱི་ཕྱོགས་སུ་འགྲེལ་བརྗོད་བྱེད་དགོས་པ་དང་། ང་ཡང་ད་ལྟ་རང་ཕྱི་ཕྱོགས་འགྲེལ་བརྗོད་ཞུ་དང་ཞི་བཞིན་པ་ཡིན། བོད་ནང་གི་གནས་ཚུལ་གང་ལ་ཡང་དེ་ལྟར་བྱ་དགོས། ལས་དོན་འདི་འདྲ་བྱས་པ་སྙིང་སྟོབས་བླ་མེད་ཡིན་ཡང་དགོན་པ་དང་། སློབ་གྲ། སོགས་གལ་ཆེའི་སྟི་གནས་ཚང་མ་དུས་གཅིག་ཏུ་ཉམས་ཆག་བྱུང་ཚེ་དེ་ཡང་བསམ་བློ་གཏན་ལྷིང་བྱེད་གལ་ཆེ་བ་བཅས།།