འབའ་རྫོང་གི་ཞི་རྒོལ་སྐབས་འཛིན་བཟུང་བྱས་པའི་བོད་མི་གཉིས་ལ་ལོ་གཅིག་ཟླ་གསུམ་བར་གྱི་དུས་བཀག་བཙོན་འཇུག་གི་ཁྲིམས་ཐག་བཅད་འདུག
རྒྱ་གར་ལྷོ་ཕྱོགས་གནས་སྡོད་ཀུན་བཟང་བསྟན་འཛིན་ལགས་ཀྱིས་འདི་གར་གནས་ཚུལ་མཁོ་སྤྲོད་བྱས་པ་ལྟར་ན། རྒྱ་ནག་གཞུང་གིས་ཟླ་སྔོན་མའི་ཕྱི་ཚེས་ ༡༨ ཉིན་མཚོ་སྔོན་ཞིང་ཆེན་མཚོ་ལྷོ་ཁུལ་འབའ་རྫོང་དུ་སྐྱ་སེར་གཉིས་ཀྱི་ཞི་བའི་ངོ་རྒོལ་བྱས་པར་རྐྱེན་བྱས་ཏེ། ཟླ་འདིའི་ཕྱི་ཚེས་ ༡༤ བར་འབའ་ཤིང་ཁྲི་དགོན་པའི་མཁན་པོ་གདན་གྲོལ་ལགས་གཙོས་པའི་གྲྭ་པ་ ༡༧ དང་མི་སྐྱ་ ༦ བཅས་འཛིན་བཟུང་བཀག་ཉར་བྱས་ཡོད་པ་ལྟར། ཉེ་ལམ་འབའ་རྫོང་ཁྲིམས་ཁང་གིས་ཁྲིམས་རྩོད་པ་དང་ནང་མི་སོགས་ཅི་ཡང་མེད་པའི་ཐོག་འཁྱམས་སྐོར་རྡོ་རྗེ་རྒྱལ་ལ་ལོ་ ༡ དང་ཟླ་བ་ ༣ གྱི་དུས་བཀག་བཙོན་འཇུག་ཁྲིམས་ཐག་བཅས་ཡོད་པ་མ་ཟད། རྡུང་ལེན་པ་རྡོ་རྗེ་ཚེ་བྷེའི་བཟའ་ཟླ་པ་སངས་ལ་ལོ་ ༡ དུས་བཀག་བཙོན་འཇུག་གི་ཁྲིམས་ཐག་བཅད་འདུག་ལ། ད་དུང་ཉིན་དེར་འཛིན་བཟུང་བྱས་པའི་གྲྭ་བ་ཁག་ཅིག་དང་། རྡུང་ལེན་པ་རྡོ་
ཡང་གནས་ཚུལ་མཁོ་སྤྲོད་པས་བརྗོད་པ་ལྟར་ན། རྒྱ་ནག་གཞུང་ཉིན་དེར་འཛིན་བཟུང་བྱས་པའི་བོད་མི་ཁག་ཅིག་ལ་ཐག་གཅོད་ཅི་ཡང་མེད་པར་འཛིན་བཟུང་བཀག་ཉར་བྱས་ཡོད་པ་མ་ཟད། ཉེ་ལམ་ཡང་བསྐྱར་འབའ་རྫོང་གི་བུད་མེད་ཁག་ཅིག་འཛིན་བཟུང་བྱས་ཏེ་རྫོང་ཁྲིམས་ཁང་དུ་བཀག་ཉར་བྱས་ཡོད་འདུག་ལ། ད་ལྟའི་ཆར་འབའ་རྫོང་གི་འགྲུལ་བཞུད་ཀྱི་ལམ་ཁ་ཡོངས་སུ་ཉེན་རྟོག་མི་སྣ་འགྲེམས་འཇོག་གིས་བོད་མི་ཚོར་ཐོབ་ཐང་ལག་འཁྱེར་ཡོད་མེད་དང་། ས་གནས་གང་དུ་འགྲོ་མིན་གྱི་གནས་ཚུལ་དང་རྒྱུ་མཚན་སོགས་འདྲི་གཅོད་བྱས་ཏེ་དམ་དྲག་ཤུགས་ཆེར་བྱེད་ཀྱི་ཡོད་འདུག
གསར་འགོད་པ། དོན་གོ
