གཟའ་ཕུར་བའི་ཉིན་པཱ་ཀི་སི་ཐན་གཞུང་གིས་བྷེན་ལཱ་ཌན་གྱི་སྐྱེ་དམན་གསུམ་དང་བུ་ཕྲུག་རྣམས་སོ་ངྷི་ཨ་རབ་ལ་ཕྱིར་ཕུད་བཏང་ཡོད་པ་དེ་ཁོང་ཚོའི་འདོད་མོས་ཡིན་ཚུལ་བརྗོད་འདུག
ཕྱི་ཚེས་ ༢༦ ཉིན་པཱ་ཀི་སི་ཐན་གཞུང་གིས་བྷེན་ལཱ་ཌན་གྱི་ཤུལ་དུ་ལྷག་ཡོད་པའི་སྐྱེ་དམན་ ༣ དང་བུ་ཕྲུག་ ༡༡ སོ་ངྷི་ཨ་རབ་ལ་ཕྱིར་ཕུད་བཏང་ཡོད་འདུག གནད་དོན་དེའི་ཐད་པཱ་ཀི་སི་ཐན་གཞུང་གི་དཔོན་རིགས་ཤིག་གིས་བརྗོད་པ་ལྟར་ན། ལོ་སྔོན་མའི་ནང་བྷེན་ལཱ་ཌན་ཨ་རིས་དམར་གསོད་བཏང་རྗེས། ཁོང་གི་སྐྱེ་དམན་ ༣ དང་བུ་ཕྲུག་རྣམས་ད་ལྟའི་བར་གཞུང་གི་ལྟ་རྟོག་འོག་བཞག་ཡོད་ཅིང་། ཉེ་ཆར་ཁྲིམས་ཁང་གི་ཐག་གཅོད་ལྟར་ཁོང་ཚོ་སོ་ངྷི་ཨ་རབ་ལ་ཕྱིར་འབུད་བྱ་རྒྱུ་བྱས་པ་བཞིན། པཱ་ཀི་སི་ཐན་གྱི་རྒྱལ་ས་ནས་འགོག་སྲུང་དམ་པོའི་ཐོག ཁོང་ཚོ་རླངས་འཁོར་ཆུང་ཆུང་ཞིག་གི་ནང་གནམ་ཐང་ལ་འཁྲིད་དེ་གནམ་ཐང་ནས་སོ་ངྷི་ཨ་རབ་ལ་བཏང་ཡོད་པ་དང་། དེ་ནི་ཁོང་ཚོ་སོ་སོའི་འདོད་མོས་ལྟར་ཡིན་ཚུལ་བརྗོད་ཡོད་འདུག
བྷེན་ལཱ་ཌན་གྱི་སྐྱེ་དམན་རྒན་ཤོས་གཉིས་ནི་སོ་ངྷི་ཨ་རབ་ནས་ཡིན་པ་དང་། སྐྱེ་དམན་ཆུང་བ་དེ་ཡེ་མན་ (Yemen) ནས་ཡིན་ཞིང་། ཁོ་མོ་སོ་ངྷི་ཨ་རབ་ལ་འབྱོར་རྗེས་རང་གི་རྒྱལ་ཁོངས་སུ་ལོགས་རྒྱུ་ཡིན་ཚུལ་བརྗོད་ཡོད་འདུག
གསར་འགོད་པ། བནྡེ་སྐྱབས།
