ཟླ་འདིའི་ཕྱི་ཚེས་ ༡ ནས་བཟུང་བོད་རང་སྐྱོང་ལྗོངས་ནང་གནས་འཕྲིན་དྲ་རྒྱ་དང་བརྒྱུད་ལམ་ཁག་བཀག་སྡོམ་གྱི་སྒྲིག་གཞི་གསར་པ་ཞིག་ལག་བསྟར་བྱས་འདུག
ཉེ་ཆར་བོད་རང་སྐྱོང་ལྗོངས་ས་གནས་སྲིད་གཞུང་གིས་༼བོད་རང་སྐྱོང་ལྗོངས་མི་དམངས་འཐུས་མིའི་རྒྱུན་ལས་ཚོགས་འདུ་བརྒྱུད་ཁ་པར་དང་གནས་འཕྲིན་དྲ་རྒྱ་སྤྱོད་མཁན་རྣམས་ཀྱིས་ཐོབ་ཐང་ལག་ཁྱེར་ངོ་མ་གསལ་འདོན་དགོས་པའི་གཏན་འབེབས༽ ཞེས་པའི་དོན་ཚན་ ༡༦ ཅན་གྱི་སྒྲིག་གཞི་ཞིག་གཏན་འབེབས་བྱས་ཏེ། ཟླ་འདིའི་ཕྱི་ཚེས་ ༡ ཉིན་ནས་བཟུང་བོད་རང་སྐྱོང་ལྗོངས་ཀྱི་ཁོངས་སུ། གནས་འཕྲིན་དྲ་རྒྱ་དང་ལག་ཁྱེར་ཁ་པར་སོགས་བརྒྱུད་ཁག་སྣ་ཚོགས་ལ་ཞིབ་བཤེར་བཀག་སྡོམ་གྱི་ལས་གཞི་གསར་བ་ཞིག་མགོ་བརྩམས་ཡོད་འདུག
དམ་བསྒྲགས་སྒྲིག་གཞི་དེའི་ནང་བོད་རང་སྐྱོང་ལྗོངས་ཀྱི་ཁོངས་སུ་ཡོད་པའི་གནས་འཕྲིན་དྲ་རྒྱའི་འབྲེལ་མཐུད་ཞབས་ཞུ་སྡེ་ཁག་དང་། དྲ་ཁང་། གསོལ་མགྲོན་ཁང་། ཆང་ཁང་། གནམ་ཐང་གི་སྒུག་སྡོད་ཁང་སོགས་ཀྱིས་མང་ཚོགས་དྲ་རྒྱར་ཞུགས་སྐབས་ངེས་པར་དུ་མི་རེ་རེའི་ཐོབ་ཐང་ལག་ཁྱེར་ཐོ་འགོད་བྱས་ཏེ། དྲ་རྒྱ་འཛུལ་སྐབས་ཀྱི་མིང་རྟགས་དང་། དྲ་རྒྱར་ཞུགས་པའི་དུས་ཡུན། དྲ་གནས་བརྒྱུད་ལམ། དྲ་རྒྱ་ཞབས་ཞུ་ཁང་གི་སྒོ་བྱང་བཅས་ཉིན་ལྟར་བསྡུ་སྒྲིག་གནང་སྟེ། ཉིན་ ༦༠ ནང་ཚུད་དུ་ས་གནས་རྒྱ་གཞུང་གི་དྲ་རྒྱ་དོ་དམ་ཁང་དང་། ཉེན་རྟོག་ཁང་བཅས་སུ་སྙན་ཐོ་རེ་འབུལ་དགོས་པའི་སྐོར་བཀོད་འདུག
གཞན་ཡང། བོད་རང་སྐྱོང་ལྗོངས་ནང་དེབ་སྐྱེལ་བྱས་ཡོད་པའི་གནས་འཕྲིན་དྲ་རྒྱའི་གླེང་སྟེགས་དང་། ཟིན་བྲིས། ཝེ་པའོ། འཚོལ་བཤེར་དྲ་བ། ལག་ཁྱེར་ཁ་པར་གྱི་དྲ་ལམ་ཞབས་ཞུ་སྡེ་ཁག་བཅས་ཀྱིས་ཀྱང་། བོད་རང་སྐྱོང་ལྗོངས་ཀྱི་འབྲེལ་ཡོད་ལས་ཁུངས་ནང་ཐོ་འགོད་བྱས་ཏེ། གནས་འཕྲིན་དྲ་རྒྱའི་དོ་དམ་ལག་རྩལ་དང་ཞིབ་བཤེར་སྒྲིག་གཞི་ཁག་ལག་བསྟར་བྱ་དགོས་པ་བསྒྲགས་འདུག
འདི་ནི་སྐྲག་དགོས་དོན་མི་འདུག འདི་ནི་དགྱ་ནག་གིས་ཐབས་ཟན་འུ་ཐུག་གི་ལས་ཀ་ཞིག་ལས་ཧང་སང་དགོས་པ་ཅི་ཡང་མ་རེད།
འདི་ཧ་ཅང་ཡག་པོ་རེད། ཁོ་ཚོས་ཁེ་ཚོངཀྱང་མཉམ་དུ་ཉམས་རྒྱུའི་རྟགས་རེད། དགའ་བསུ་ཞུ། འོ་རྒྱ་འདྲེའི་ད་བར་སྐྱེས་ཆེན་གྲངས་ལས་འདས་པ་བོད་ཧམ་ཟས་རྗེས་བཀྲོངས་པ་དང་ སྐྱེས་ཆེན་གྲངས་མེད་ལ་ངག་རྩུབ་ ཚིག་འཁྱལ་ ལོག་བལྟ་བྱས་པ མནར་གཅོད་གཏོང་བཞིན་པ་འདིས་བསོད་ནམས་ཀྱི་རྒྱུ་འདི་འདྲ་ཟེར་ཉམས་ཀྱི་རེད་དོ།།།།
ལྷ་ས་བོད་ནང་ཨ་མདོ་བོད་ནང་ཁམས་བོད་ནང་གང་ལྟར་བོད་ཀྱི་ས་ཆ་གང་ལ་བརྒྱུད་ལམ་བཀག་ན་བོད་ནང་བརྒྱུད་ལམ་བཀག་པར་བཤད་ཆོག་སེམས་
གསར་འགྱུར་འདིའི་ཁ་བྱང་འདོན་སྟངས་ལ་བོད་ནང་ཞེས་མིང་དེའི་ཁྱབ་རྒྱ་ཆུང་དྲག་འདུག་བསམ། གང་ཡིན་ཟེར་ན་བོད་ནང་ཞེས་མིང་རྐྱང་དེའི་འབོད་སྐབས་མིང་དེའི་ཁོངས་གཏོགས་སུ་བོད་ཆོལ་ཁ་གསུམ་ཚུལ་ན་ད་གཟོད་མིང་དེའི་ནུས་བ་ཆེན་པོ་ཐོན་ཀྱིས་འདུག
དཔེར་ན་ད་ཐེངས་རྒྱ་མིའི་ལས་འགལ་འདི་ལྷ་སའི་ཁོངས་གཏོགས་གིས་ས་གནས་བྱེ་བྲག་པ་ཁ་ཤས་ལས་བོད་ཀྱི་ས་ཆ་གཞན་དག་དུ་ལག་བསྟར་བྱས་མེད་པའི་མིང་ཆེན་པོ་ཞིག་ལ་ཁྱབ་ཆུང་བར་བསམ།
གལ་སྲིད་དེ་འདྲའི་བྲིས་བ་ཡིན་ན་རྒྱ་མིའི་བཤད་པའི་བོད་ཟེར་བ་ད་དོན་གི་ཆ་ནས་གཅིག་མཚུངས་ཡིན་སྟབས་རྗེས་མ་གསར་འགྱུར་གང་ཞིག་ཡིན་ཡང་མིང་འདོག་པར་དོགས་ཟོན་གནང་བར་སྙིང་ཐག་པ་ནས་འབོད་སྐུལ་ཞུ་བ་ཡིན