.JPG)
སེར་སྨད་རྡོ་རྗེ་རྣམ་རྒྱལ་ལགས་ཀྱིས་འདི་གར་གནས་ཚུལ་མཁོ་སྤྲོད་བྱས་པ་ལྟར་ན། ཟླ་འདིའི་ཕྱི་ཚེས་ ༥ ནས་ ༨ བར་གྱི་དགོང་དྲོའི་ཆུ་ཚོད་ ༦།༣༠ ནས་ ༩ པའི་བར་རྒྱ་གར་ལྷོ་ཕྱོགས་སེ་ར་བླ་སྤྱིའི་ཚོགས་ཁང་དུ་སྦེལ་ཀོབ་ས་གནས་བོད་རྒྱལ་ཡོངས་མང་གཙོ་ཚོགས་པའི་གོ་སྒྲིག་འོག ༼ད་ལྟའི་བོད་ནང་གི་ཛ་དྲག་གནས་སྟངས་ཐད་བོད་ཀྱི་མི་རབས་གསར་པའི་གཏམ་གླེང་༽ ཞེས་པ་བགྲོ་གླེང་ཞིག་ཚོགས་འདུ་གོ་སྒྲིག་གནང་སྟེ། ཆོལ་ཁ་གསུམ་གྱི་ན་གཞོན་ཤེས་ཡོན་པ་གསུམ་གྱིས། ༼བོད་དོན་འཚེ་མེད་ཞི་བའི་ཐབས་ལམ་ལ་དཔྱད་ཞིབ༽ དང་། ༼གསར་འགྱུར་བརྒྱུད་ལམ་ཁག་ཏུ་འབྲེལ་བ་བྱེད་ཕྱོགས༽ ། ༼བོད་དོན་རང་ལུས་མེར་བསྲེགས་ཀྱི་ཤུགས་རྐྱེན་དང་གྲུབ་འབྲས༽ ཞེས་པའི་བརྗོད་གཞི་གསུམ་གྱི་ཐོག་གཏམ་བཤད་གནང་ཡོད་པ་དང་། དེར་སེ་ར་བྱེས་སྨད་གཉིས་ཀྱི་དགེ་འདུན་པ་རྣམས་མཉམ་ཞུགས་གནང་འདུག
ཚོགས་འདུ་དབུ་འཛུགས་སྐབས་ས་གནས་བོད་ཀྱི་རྒྱལ་ཡོངས་མང་གཙོ་ཚོགས་པའི་རྩིས་པ་པདྨ་ཚེ་དབང་ལགས་ཀྱིས་ཚོགས་འདུའི་མཛད་རིམ་སྒྲོག་སྦྱང་དང་འབྲེལ། ཚོགས་ཞུགས་པ་ཡོངས་ཀྱིས་བོད་དོན་ཆེད་སྐུ་སྲོག་ཤོར་བ་དང་སྐུ་ལུས་མེར་མཆོད་འབུལ་མཁན་གྱི་རྒྱལ་གཅེས་དཔའ་བོ་དཔའ་མོ་རྣམས་ལ་གདུང་སེམས་མཉམ་སྐྱེད་ཀྱི་ངག་བཅད་མྱ་ངན་གུས་བཏུད་ཞུས་རྗེས། སྦེལ་ཀོ་ས་གནས་བོད་ཀྱི་རྒྱལ་ཡོངས་མང་གཙོ་ཚོགས་པའི་ཚོགས་གཙོ་སེར་སྨད་བློ་དགའ་ལགས་ཀྱིས། བོད་ཀྱི་མི་རབས་གསར་པའི་གཏམ་གླེང་ཚོགས་འདུ་ངོ་སྤྲོད་ཀྱི་གསུང་བཤད་གནང་ཡོད། སྐབས་དེར་ཁོང་གིས། དང་པོ། བོད་ཀྱི་རྩ་དོན་འཐབ་རྩོད་ཀྱི་སྲིད་ཇུས་དེ་འཚེ་མེད་ཞི་བའི་ཐབས་ལམ་ནང་ཕྱིན་པའི་བརྒྱུད་རིམ་ནང་རང་ལུས་མེར་མཆོད་ཀྱིས་ངོ་རྒོལ་ལས་འགུལ་དེ་འཚེ་མེད་ཞིབ་བའི་འཐབ་རྩོད་ནང་གི་ཚད་མཐོ་ཤོས་དང་། ཞིབ་བསྡུར་བྱས་ན་འཛམ་གླིང་ནང་གྲངས་ཀའི་ཆ་ནས་ཀྱང་མང་ཤོས་དེ་ཆགས་ཡོད། བོད་དོན་འཚེ་མེད་ཞི་བའི་འཐབ་རྩོད་ཚད་མཐོ་ཤོས་དང་གྲངས་མང་ཤོས་ཆགས་པའི་བོད་དོན་འཐབ་རྩོད་ཀྱི་ཁ་ཕྱོགས་དེ་ངེས་པར་དུ་རྒྱ་ནག་གིས་དྲན་གསོ་བྱེད་དགོས་པ་ཞིག་ཡིན། གཉིས་པ། འཐབ་རྩོད་བྱེད་མཁན་གཙོ་བོ་ནི། རྒྱ་དམར་གྱི་དར་ཆའི་འོག་ནས་འཚང་ལོངས་བྱུང་བའི་གཞོན་སྐྱེས་དང་བོད་ཕྱི་ཕྱོགས་ཀྱི་རང་དབང་ལུང་པར་བསྐྱེད་འཚར་བྱུང་བའི་ན་གཞོན་རྣམས་མཉམ་འབྲེལ་དང་རྒྱབ་གཅིག་མཆོངས་གཅིག་གིས་ཐག་གཅོད་ཆེན་པོས་རྒྱ་རྒོལ་ལས་འགུལ་ནང་མཉམ་ཞུགས་བྱས་པ་དེས་ག་རེ་སྟོན་གྱིན་ཡོད་མིན་དེ་རྒྱ་ནག་གིས་གཏིང་ཟབ་པོའི་བསམ་བློ་གཏོང་དགོས།
གསུམ་པ། རྒྱ་ནག་དམར་ཤོག་ཚོགས་མི་ཁྲི་ ༧༠༠༠ ལྷག་གི་རྒྱལ་ཡོངས་དམར་འཐུས་ ༢༢༡༣ དང་། དབུས་འཐུས་མི་ ༢༠༤ ། ཆབ་.JPG)
སྲིད་སྣེ་འཛིན་འཐུས་མི་ ༢༥ ། དབུས་ཆབ་སྲིད་རྒྱུན་ལས་༩ ཡིས་རྒྱ་ནག་ལ་ལམ་སྟོན་ཅི་འདྲ་ཞིག་བྱེད་ཀྱི་ཡོད་མེད་ང་ཚོས་གསལ་པོ་ཤེས་པའི་ཐོག་ནས། ༸སྐྱབས་མགོན་རིན་པོ་ཆེས་དབུས་པའི་མི་རབས་རྒན་པས་དབང་ལུང་རྣམས་མི་མང་དང་གཞོན་སྐྱེས་མི་རབས་ལ་གནང་ཏེ། ད་ལྟ་བོད་ཀྱི་ཁྲིམས་བཟོ་དང་ཁྲིམས་ལུགས་དབང་འཛིན། འཛིན་སྐྱོང་བཅས་སུ་མི་རབས་གསར་པས་སྣེ་འཁྲིད་པའི་དཔེ་མཚོན་ནང་ཁྲིམས་ལུགས་མཁས་དབང་བློ་བཟང་སེང་གེ་ལགས་ཀྱིས་རྒྱལ་སྤྱིའི་སྡིངས་ཆའི་སྟེང་ནས་རྒྱ་ནག་ལ་བརྡ་ལན་སྤྲད་པ་དེ། རྒྱ་ནག་དམར་ཤོག་པས་རྒྱ་ནག་བཙན་འདེད་ཚབས་སྐྱོང་བྱས་པ་དང་གཏན་ནས་མི་འདྲ་བར། མང་མོས་སྣེ་འཁྲིད་པས་རང་དབང་མང་གཙོའི་ལམ་དུ་ལམ་སྟོན་འགོ་འཁྲིད་བྱེད་བཞིན་པ་དེ་རྒྱལ་སྤྱིའི་བརྒྱུད་ལམ་ནས་རྒྱ་ནག་གིས་ཤེས་དགོས་པ་དེ་རིམ་པ་གཅིག་ཡིན། བཞི་པ། འཛིན་སྐྱོང་དང་གྲོས་ཚོགས། ཁྲིམས་ཞིབ་ཕུད་པའི་རིམ་པ་འོག་མའི་མ་འོངས་བོད་མི་རིགས་ཀྱི་སྣེ་འཁྲིད་བྱེད་མཁན་བོད་ཀྱི་གཞོན་སྐྱེས་ཤེས་ཡོན་པ་གསུམ་དངོས་སུ་གདན་ཞུས་ཀྱིས་གནད་དོན་གསུམ་གྱི་ཐོག་གཏམ་གླེང་སྤེལ་བ་དེ་དཔེ་སྟོན་ཙམ་གྱིས་རྒྱ་ནག་ལ་བསམ་བློའི་ཁོར་ཡུག་ཙམ་བསྐྲུན་པ་ཡིན། ཞེས་ངོ་སྤྲོད་གནང་འདུག
དེ་བཞིན། བོད་རང་དབང་སློབ་ཕྲུག་ཚོགས་པའི་འགན་འཛིན་བསྟན་འཛིན་རྡོ་རྗེ་ལགས་ཀྱིས། བོད་དོན་འཚེ་མེད་ཞི་བའི་ཐབས་ལམ་ལ་དཔྱད་ཞིབ་ཅེས་པའི་བརྗོད་གཞིའི་ཐོག་དུས་ཡུན་སྐར་མ་ ༢༠ དང་། བྷེང་ལོར་ཚོང་རིག་རབ་འབྱམས་པའི་མཐོ་རིམ་སློབ་མ་ལྷ་སྒྲོལ་སྐྱབས་ལགས་ཀྱིས། བོད་དོན་རང་ལུས་མེར་བསྲེགས་ཀྱི་ཤུགས་རྐྱེན་དང་གྲུབ་འབྲས་ཞེས་པའི་བརྗོད་གཞིའི་ཐོག་དུས་ཡུན་སྐར་མ་ ༢༠ ། རྒྱ་གར་ནང་བོད་རང་དབང་སློབ་ཕྲུག་ཚོགས་པའི་ལས་འཆར་འགན་འཛིན་བསྟན་འཛིན་འཇིགས་བྲལ་ལགས་ཀྱིས། གསར་འགྱུར་བརྒྱུད་ལམ་ཁག་ཏུ་འབྲེལ་བ་བྱེད་ཕྱོགས་ཞེས་པའི་བརྗོད་གཞིའི་ཐོག་དུས་ཡུན་སྐར་མ་ ༡༥ རིང་གསུང་བཤད་གནང་ཡོད་པ་མ་ཟད། དགེ་འདུན་པ་ཚོའི་དྲི་བར་ལན་འདེབས་བཅས་གནང་འདུག
ཨ་ཁུ་སྐྱོན་མཐོང་ལགས། འདིའི་ནང་ལ་སེར་བྱེས་གྲྭ་ཚང་དུ་ཟེར་བ་ཞིག་གང་ན་འདུག དེ་ལས་ནོར་ཡོད་པ་དེ་༼ ཟླ་འདིའི་ཕྱི་ཚེས་ ༥ ནས་ ༨ བར་གྱི་དགོང་དྲོའི་ཆུ་ཚོད་ ༦།༣༠ ནས་ ༩ པའི་བར་རྒྱ་གར་ལྷོ་ཕྱོགས་སེ་ར་བླ་སྤྱིའི་ཚོགས་ཁང་དུ་སྦེལ་ཀོབ་ས་གནས་བོད་རྒྱལ་ཡོངས་མང་གཙོ་ཚོགས་པའི་གོ་སྒྲིག་འོག ༼ད་ལྟའི་བོད་ནང་གི་ཛ་དྲག་གནས་སྟངས་ཐད་བོད་ཀྱི་མི་རབས་གསར་པའི་གཏམ་གླེང་༽ ཞེས་པ་བགྲོ་གླེང་ཞིག་ཚོགས་འདུ་གོ་སྒྲིག་གནང་སྟེ། ༽ཞེས་པ་དེ་མ་ཡིན་ནམ། ཨ་ཁུ་སྐྱོན་མཐོང་ཞེས་པ་དགེ་མཐོང་གི་མིང་དུ་ངས་བརྟགས་པ་ཡིན་པས་རྒྱབ་བསྐྱོར་གནང་རོགས། ཧཧཧཧཧཧཧཧཧཧཧཧཧཧཧཧཧཧཧདགོང་དག་ལོ་ཨ་ཁུ།
ཨིན་ཇིའི་བུ་གུ་ཚོས་བོད་དོན་གླེང་ཤེས་ཀྱི་མ་རེད། བཙན་བྱོལ་སྤྱི་ཚོགས་དང་སྒོས་སུ་གྲྭ་ས་གྲྭ་ཚང་འདིས་མཚམས་རེར་མིང་སྐམ་པོ་ཞིག་ཡོད་ན་ཧ་ལས་ལས་བྱེད་པ་ལས། དོན་དག་ཡོད་མེད་ལྟ་དགོས།
སེར་སྨད་བློ་དགའ་ལགས་ལ་དགའ་བོ་ཞེ་དྲག་བྱུང། བཀའ་དྲིན་ཆེ། སྤྱི་བ་མཐོང་བས་མི་བུ ཞིག་ཏུ་འདོད། མུ་འཐུད་ནས་ལེགས་ལམ་ལ་གཞོལ་རོགས།
དགེ་མཐོང་ལ། པར་ནས་སེར་བྱས་མེད་པ་མི་མཐོང་གི
སླར་ཡང་མཆན་གཉིས་པ་འདེབ་གལ་ཐུག་སོང་།
བཀྲིན་བླ་མེད་དུ་ཆེ། མང་གཙོའི་གོ་དོན་ཤེས་ཡོན་གཏིང་ཟབ་ཡོང་རྒྱུ་ང་ཚོར་ཧ་ཅང་གལ་ཆེ། ནམ་ཞིག་རང་འགོ་རང་ཐོན་ཛ་དྲག་སྐབས་ མང་གཙོའི་གོ་དོན་ནུས་པ་ཆུང་ཚེ་བལ་ཡུལ་ལྟ་བུ་ཡོང་སྲིད་པ་རེད། བོད་རང་དབང་སློབ་ཕྲུག་ཚོགས་པ་ནི་དཔའ་རྒོད་འཛམ་གླིང་ནང་གི་རི་མཐོ་ཤོས་ཡིན་པ་རེད། ཁོང་གཉིས་ལ་ཐུགས་རྗེ་ཆེ་ཞུ་བ་ཡིན། ད་སྐྱ་སེར་ཚང་མ་རིག་པ་སྒྲུང་སྒྲུང་གནང་ནས་བོད་དོན་ལ་འགན་མི་རེ་ངོ་རེ་ནས་འཁུར་ཏེ་ཆེ་ས་ལས་འགུལ་ནས་འགོ་རྩམ་ཆུང་ས་རང་ནུས་ལ་དཔག་པའི་འགྲེལ་བརྗོད་གཅིག་ལས་མ་བྱུང་ན་ཡང་གནང་གང་ཐུབ་དང་། རྒྱ་ཡི་ཅ་དངོས་ཉོ་ཚོང་སྤང་གང་ཐུབ་བྱས་ནས་ གཞིས་ཆགས་ནང་ བོད་བཟོས་བོད་གྱོན། བོད་བཟན་བོད་བཟའ། བོད་ཁང་བོད་ལུགས།
བོད་སྐད་བོད་ངག། བོད་དངུལ་བོད་པ་ལ། ཐོན་བསྐྱེད་བོད་པ།
ལ་སོགས་པའི་ལམ་ནས་ཀྱང་མི་རིགས་དང་ ལེགས་བྱང་། གོམས་གཤིས་སོགས་འཐབ་རྩོད་གནང་ཐུབ་རྒྱུའི་ལམ་ཡོད་རེད།།།
སྤྱི་ཚོགས་བསམ་བློ་བའི་དགེ་མཐོང་ལགས་སུ། སེར་སྨད་རྡོ་རྗེ་རྣམ་རྒྱལ་ལགས་འདྲ་པར་གྱི་ལམ་ནས་ངོ་སྤྲོད་ཞུས་ཟིན། སྤྱིར་བཏང་ཁོང་གི་གསུང་པ་བཞིན་གནས་ཚུལ་ཡོང་ཁུངས་རྩད་གཅོད་ཞིབ་ཙམ་བྱེད་ན་ཡག་པོ་ལོས་ཡོད་ལགས།
སྤྱིར་བཏང་དེ་འདྲའི་གཏམ་བཤད་ཅིག་གོ་སྒྲིག་གནང་བ་དེ་ནི་ཧ་ཅང་ཡག་པོ་རེད། ཡིན་ནའང་འདིར་གསར་འགྱུར་མཁོ་སྤྲོད་བྱེད་སྐབས་ནོར་འཆུག་དང་ཡང་ན་བསམ་བཞིན་དུ་གང་ཡིན་མི་ཤེས་པ་ཁག་ཅིག་འདུག དཔེར་ན། སེར་བྱེས་གྲྭ་ཚང་དུ་ལབ་ནོ་རྫུན་རང་རེད། པར་ལ་བལྟས་ན་ཤེས་སླ།
ཡང་སྙིང་སེར་སྨད་རྡོ་རྗེ་རྣམ་རྒྱལ་ཟེར་བ་ཞིག་ཡོད་མེད་དང་། སྐད་ཆ་འདི་དེས་བཏང་མིན་ལ་བརྟགས་དགོས། གནས་ཚུལ་དངོས་སེར་སྨད་བློ་དགས་མཁྱེན་པས་ཁོ་ལ་དྲིས་ན་ལེགས།
མི་རབས་གསར་པ་གན་ན་ལངས་ནས་འགྲོ་གི་འདུག རྒྱལ་དར་འདྲ་མིན་སྣ་ཚོགས་ཁུར་ནས་འགྲོ་གི་འདུག སེམས་ལ་ཡར་མར་བཅོ་བརྒྱད་དྲན་ནས་འགྲོ་གི་འདུག