གནས་ཚུལ་བཏང་འབྱོར་བྱུང་བ་ལྟར་ན། ཟླ་འདིའི་ཕྱི་ཚེས་ ༧ ཡས་མས་ཤིག་ལ་མདོ་སྨད་ཀན་ལྷོ་ཁུལ་ཀླུ་ཆུ་རྫོང་ཟམ་ཚ་རོང་དུ་ཡོད་པའི་སྒེར་བཙུགས་སློབ་གྲྭ་ ༼གངས་ལྗོངས་ཤེས་རིག་ཞི་བདེ་འོད་དཀར་གླིང་། ཞེས་པའམ་ཀླུ་ཆུ་རྫོང་སྒེར་གཉེར་དྭ་ཕྲུག་སློབ་གྲྭ ༽ཞེས་པ་རྒྱ་གཞུང་གིས་སྒོ་བརྒྱབ་ཡོད་པ་དང་། དེ་དང་མཉམ་དུ་སློབ་གྲྭའི་དགེ་རྒན་རང་ལོ་ ༣༣ ཡིན་པའི་སངས་རྒྱས་དོན་གྲུབ་དང་། རང་ལོ་ ༢༨ ཡིན་པའི་འཇམ་དབྱངས་གཉིས་ཀྱང་འཛིན་བཟུང་གིས་ད་ཆར་གར་ཡོད་ཅི་ཆགས་ཀྱི་གནས་སྟངས་ཤེས་རྟོགས་མེད་པ་ཆགས་ཡོད་འདུག
རྒྱ་གཞུང་གིས་སློབ་གྲྭ་དེ་སྒོ་རྒྱག་དོན་གཙོ་བོ་ནི། སློབ་གྲྭའི་འཁྲིད་གཞི་གཙོ་བོ་བོད་ཡིག་ཡིན་པ་དང་། བོད་ཀྱི་རིག་གནས་སྤྱི་དང་། ཡང་སྒོས་བོད་སྐད་གཙང་མ་བཤད་པའི་ཐོག་ཤུགས་རྒྱག་གི་ཡོད་པ་མ་ཟད། འཛིན་རིམ་འཕར་བྱེད་ཀྱི་རྒྱུགས་གཞི་ཡང་བོད་ཡིག་གཙོ་བཟུང་བྱས་ཡོད་སྟབས་སྲིད་གཞུང་གི་མིག་ནང་ལ་མ་རན་པ་ཞིག་ཡིན་ཚུལ་རྗོད་ཀྱི་ཡོད་འདུག
ཡང་འགའ་རེ་ཡིས་སློབ་གྲྭའི་སློབ་གཙོ་ཨ་བཙུན་བརྩོན་འགྲུས་རྒྱ་མཚོ་མཆོག་གིས་སློབ་གྲྭ་དེར་སློབ་གླུ་ཞིག་བརྩམས་ཡོད་པ་དེའི་ནང་ཁ་བྲལ་རིང་ལུགས་པའི་ངན་སྐུལ་བརྗོད་བྱ་བྱས་བའི་ཆབ་སྲིད་ཀྱི་གནད་དོན་ཆེན་པོ་ཡོད་ཚུལ་ཉེས་འཛུགས་བྱས་ཡོད་རབས་བཤད།
སློབ་གཙོ་ཨ་བཙུན་བརྩོན་འགྲུས་རྒྱ་མཚོ་མཆོག་ཕྱི་ལོ་ ༢༠༡༠ ལོའི་མཇུག་ཙམ་ནས་རྒྱ་གཞུང་གི་དོ་དམ་སྟངས་འཛིན་འོག་ཉར་ཏེ་སུན་གཙེར་ཡང་ཡང་བྱེད་ཀྱི་ཡོད་པ་དང་། སྔར་ལོའི་ཕྱི་ཟླ་ ༡ པའི་ནང་འདྲི་རྩད་བྱེད་དུ་འཁྲིད་པ་ནས་ཕྱིར་ཡོང་མེད་པ་ཆགས་ཡོད་པ་མ་ཟད། འདས་པའི་ལོ་གཅིག་ལྷག་རིང་ཁོང་གི་གནས་ཚུལ་གཅིག་ཀྱང་གོ་ཚོར་མེད་པ་ཆགས་ཡོད་འདུག
ས་གནས་མང་ཚོགས་ཚོས་བརྗོད་པ་ལྟར་ན། ཨ་བཙུན་བརྩོན་འགྲུས་རྒྱ་མཚོ་མཆོག་གིས་དེ་སྔ་༼ དེབ་ཐེར་ནག་པོ ༽ཞེས་པའི་བོད་ཀྱི་ལོ་རྒྱུས་དཔེ་དེབ་ཅིག་བརྩམས་ཏེ། བོད་ཀྱི་འདས་པའི་ལོ་རྒྱུས་བྱུང་རབས་དངོས་དང་། ལྷག་པར་དུ་དེང་རབས་ཀྱི་དངོས་ཡོད་གནས་སྟངས་ཞིབ་ཚགས་ཀྱིས་བྲིས་ཡོད་པ་དེའི་རྐྱེནས་པས་ཁོང་འཛིན་བཟུང་བྱས་པར་ཚོད་དཔག་བྱེད་ཀྱི་ཡོད་འདུག
དེ་སྔ་གངས་ལྗོངས་ཤེས་རིག་ཞི་བདེ་འོད་དཀར་གླིང་དུ་སློབ་ཕྲུག་ ༥༠ ལྷག་ཡོད་པ་དང་། དེ་དག་ནི་ཀན་སུའུ་དང་མཚོ་སྔོན། ཟི་ཁྲོན་ས་ཁུལ་གྱི་བོད་རིགས་བྱིས་པ་དྭ་ཕྲུག་དང་དབང་བོ་སྐྱོན་ཅན། སློབ་གྲྭར་གཏོང་བའི་ཆ་རྐྱེན་མེད་པའི་དབུལ་ཕོང་ཁྱིམ་ཚང་གི་བྱིས་པ་བཅས་ཡིན་འདུག
གོང་བཀོད་གནས་ཚུལ་དེ་བོད་ནང་ནས་ཆེད་གཏོང་དབྱིན་ཡིག་སོགས་སྐད་ཡིག་འདྲ་མིན་ནང་གང་ཐུབ་ཀྱིས་རྒྱལ་སྤྱིའི་ཐོག་ཁྱབ་བསྒྲགས་ཡོངས་བའི་འབོད་སྐུལ་བཅས་གནང་འདུག
སློབ་གྲྭའི་དབུ་ཁྲིད་དང་དགེ་རྒན་རྣམ་པ།
སློབ་གྲྭའི་དགེ་ལས་སློབ་ཕྲུག་ཡོངས།
སློབ་ཕྲུག་ཚོས་ཞོགས་རྩལ་སྦྱོང་བཞིན་པ།
སློབ་གཙོ་མཆོག་གིས་བརྩམས་པའི་སློབ་གླུ།
![China's Vice Minister of Foreign Affairs Sun Weidong in Tokyo, Japan in 2023 [File: Issei Kato/Pool via Reuters]](https://tibettimes.net/wp-content/uploads/2026/04/Screen-Shot-2026-04-15-at-2.32.14-PM-360x180.png)
གོང་གསལ་སློབ་གྲྭ་དེའི་གནས་ཚུལ་རྒྱས་པར་མཁྱེན་འདོད་མཁན་ཚོས་གཤམ་གྱི་དྲ་བྱང་འདིར་བསྣུན་དང་གནས་ཚུལ་གསལ་བོར་རྟོགས་ཐུབ།
blog.sina.com.cn/s/blog_6e2cf42c0100nmjm.html
http://blog.sina.com.cn/zo20090815
ཨ་བཙུན་བརྩོན་འགྲུས་རྒྱ་མཚོའི་སྨྱུག་མིང་དུ་ཨ་མྱུག་རྒོད་ཅེས་འབོད་པ་དང་། བོད་ཁུལ་གྱི་དུས་དེབ་དང་ཚགས་པར། དྲ་རྒྱ་སོགས་སུ་བརྩམས་ཆོས་མང་པོ་སྤེལ་མྱོང་བར་མ་ཟད། སྒེར་གྱི་བརྩམས་ཆོས་ཕྱོགས་བསྒྲིགས་ཀྱི་དཔེ་དེབ་ཅིག་ཀྱང་པར་སྐྲུན་བྱས་ཡོད། གཞན་ཡང་ཁོང་ནི་དབུས་སྨྲ་དུས་དེབ་ཀྱི་རྩོམ་སྒྲིག་པ་དང་། ཕུག་རོན་ཞེས་པའི་དུས་དེབ་གསར་འདོན་མཛད་མཁན་ཡང་ཡིན་ནོ།།
བོད་ཀྱི་རྩམ་བཟན་ཁྱེད་ཀྱང་རྩ་ཐང་དུ་ཡོད་པའི་བོད་རིག་གནས་ཀྱི་དཔའ་རྒོད་གཅིག་རེད་ཤག། ཐུགས་རྗེ་ཆེ། ལོས་ཡིན་ང་ཚོས་འཛམ་གླིང་མི་དམངས་ལ་གང་ཐུབ་འགྲེལ་བརྗོད་ཞུས་ཆོག།
ཨ་བརྩུན་བརྩོན་འགྲུས་རྒྱ་མཚོའི་བདེན་པ་རྟག་ཏུ་རྒྱལ་གྱུར་ཅིག། གལ་ཏེ་ཁྱེད་ཐར་ཐུབ་ཚེ་གནམ་སྡེ་སྒོ་མའི་ཨ་རིའི་གཞུང་ཚབ་ནང་ཕེབས་ན་འགྲིག་ལེ་རེད། དེ་ནི་ཁྱེད་སྐྱོབ་ཡག་ཤོས་དེ་རེད།།།
སློབ་གྲྭ་གསར་འཛུགས་མཛད་མཁན་ཨ་བཙུན་བརྩོན་འགྲུས་རྒྱ་མཚོ་ལགས་ནི༡༩༧༦ ལོར་ཨ་མཆོག་ཝ་སྣ་རུ་འཁྲུངས་ཤིང་། ༡༩༨༥ལོར་ས་གནས་སློབ་ཆུང་དུ་སློབ་གཉེར་བྱས་ཏེ། ༡༩༩༡ ལོར་བླ་བྲང་བཀྲ་ཤིས་འཁྱིལ་གྱི་ཀྱེེ་རྡོར་གྲྭ་ཚང་གི་ཆོས་སྒོར་ཞུགས། ༢༠༠༡ ལོར་ལྷ་མོ་ཀིརྟི་དགོན་གྱི་སྒེར་གཉེར་སློབ་གླིང་ནས་ལོ་གསུམ་ཙམ་སློབ་གཉེར་གནང་། ༢༠༠༧ ལོར་པེ་ཅིང་དུ་ཞིབ་འཇུག་སློབ་སྦྱོང་གཉིས་ཙམ་མཛད། ༢༠༠༩ ལོར་ཀླུ་ཆུ་རུ་དྭ་ཕྲུག་སློབ་གྲྭ་དངོས་སུ་གསར་འཛུགས་མཛད།