སེམས་ཀྱི་ཐིགས་པ།

ངས་སེམས་གཏིང་ནས་ནམ་ཡང་ཡལ་མི་ཐུབ་པའི་མ་བུ་གསུམ་ལ་གུས་འདུལ་ཞུ། དེ་ནས་བཤད་རྒྱུ་ཞིག་ལ་དྲང་བདེན་འདའ་མོ་ཟེར་པའི་མྱི་ངན་འདིའི་བཤད་སྟངས་ལ་ལྟོས་དང་ཞི་བའི་འཐབ་རྩོད་འདི་ལ་ཞེན་པ་ལོག་དགོས་དོན་དགྲ་བོ་རྒྱ་དམར་ཚང་ལ་དགའ་རྟགས་ཞིག་རེད། དྲང་བདེན་གྱི་འདའ་མོའི་སྙིང་ལ་མདོང་རྩེ་རྒྱགས་དགོས་དོན་ཅི་ཡིན་

དངོས་ཐུག་གི་འབྲེལ་འདྲིས་མེད་ཀྱང་ལོ་ངོ་བཞི་ཙམ་ལ་དྲ་གྲོགས་སུ་གྱུར་པའི་ཚེ་བརྟན་རྡོ་རྗེ་ལ་རང་གི་སེམས་ཁོང་ལ་ཡོད་པའི་སྐད་ཆ་ཞིག་ཞུ་འདོད་བྱུང་་་་དེ་སྔོན་ཉིད་ཀྱིས་ལས་འགུལ་འདིའི་འགོ་བཟུང་བ་ནས་བཟུང་གུས་པར་ནུས་པ་མེད་ཀྱང་སེམས་པ་ཁྱོད་ཚོའི་ཕྱོགས་སུ་ཕྱོགས་ནས་རྗེས་སུ་ཡི་རང་བྱས་པ་ཡིན། ད་བར་ཟླ་ངོ་གཉིས་ལྷག་རིང་འདི་ལྟར་དཀའ་ངལ་ཆེད་དུ་བསད་ནས་བོད་མི་རིགས་འདིའི་བདེ་སྡུག་ཕྲག་ཏུ་ཁུར་ནས་འདི་ལྟར་བགྲོད་པ་ཡིད་ལ་དྲན་ཐེངས་རེར་ལུས་པོ་ཅི་ཙམ་ཐག་རིང་ཡང་སེམས་པ་འདི་ཁྱོད་ཚོའི་ཉེ་སར་སླེབས་ནས་དཀའ་སྡུག་རིམ་པ་དག་ཉིན་ལྟར་གསར་འགྱུར་ཁག་ལ་རེ་བསྒུགས་བྱས་པ་ཡིན་་་་་གང་ལྟར་ལས་འགུལ་འདིའི་རྒྱུན་ཧ་ཅང་རིང་པོ་བྱུང་བས་རབ་ཡིན་ན་གནས་སྐབས་རིང་མཚམས་བྱེད་རྒྱུའི་རེ་བ་ཡོད་་་་་་གལ་སྲིད་ངེས་པར་དུ་མཚམས་འཇོག་མེད་པར་འགྲོ་རྩིས་ཡིན་ན་རང་གི་ཨ་མ་དང་བུ་མོ་ཆུང་ཆུང་འདི་གཉིས་མཚམས་འཇོག་བྱེད་པའི་ཐབས་ཤིག་བསྟན་རྒྱུའི་རེ་བ་ཡོད། ཨ་མ་ངེས་པར་དུ་རང་གི་རྗེས་སུ་འགྲོ་འདུན་ཡིན་ཚེ་བུ་མོ་འདི་མཚམས་འདི་ནས་འཇོག་རོགས་ཞེས་གུས་པའི་ལག་ཟུང་ཐལ་མོ་དང་བཅས་ཞུས་པ་ལགས་་་་བུ་མོ་འདི་མུ་མཐུད་འདི་ལྟར་སོང་ན་མོའི་ཐོག་ཏུ་བཟོད་ཐབས་བྲལ་བའི་དཀའ་སྡུག་རིམ་པར་ཡོང་ཉེན་ཆེ་བས་འདིའི་ཕྱོགས་ལ་ཕུ་བོ་ཞིག་གི་ངོས་ནས་རང་གིས་བསླབ་བྱའམ་ཐབས་ལམ་ཡག་པོ་ཞིག་གནང་རོགས་ཞེས་གུས་པས་བསྐྱར་དུ་རེ་སྐུལ་འདི་ཕུལ་བ་ལགས་པས་དེ་དོན་དགོངས་དབྱིངས་སུ་འཇགས་པར་འཚལ་ཞེས་ཆུ་ཐིགས་སྔོན་མོས་ལག་ཟུང་ཐལ་མོ་བཅས་ཕུལ།

གྲོགས་ཚེ་རྡོར་ལགས། ཁོ་བོ་བོད་ནང་དུ་ཡོད་སྐབས་ཁྱོད་ཀྱིས་གོམ་བགྲོད་འགོ་འཛུགས་སྐབས་ཀྱི་གཏམ་བཤད་ཆ་ཚང་གོ་སོང་། དེ་ནས་ནམ་རྒྱུན་ཨ་མཆཽག་ཁྱོད་སར་གཏད་དེ་ཁྱོད་ཀྱི་གནས་བབ་ལ་སེམས་ཁྲལ་བྱེད་བཞིན་ཡོང་བ་ཡིན། འདིར་འབྱོར་སྐབས་ཁྱོད་ཚོ་ལྡི་ལིར་སླེབས་པར་ལམ་ཐག་རིང་བོ་མེད་པའི་སར་ཡོད་པ་འདྲ། ཁོ་བོ་ལྷོ་ཕྱོགས་སུ་སླེབས་པའི་ཉིན་ཤས་རྗེས་གཞི་ནས་ཁྱོད་ཚོ་ལྡི་ལིར་འབྱོར་བའི་གསར་འགྱུར་གོ་སོང་། ད་སྐབས་ཁྱོད་ཚོའི་གནས་སྟངས་ལ་སེམས་ཚེགས་ཤིང་། གཞོན་ནུའི་བྱེད་སྟངས་ལ་སྙིང་ན་གི་ཡོད། ཡིན་ནའང་། སེམས་ཁྲལ་ཙམ་བྱེད་པ་ལས་ཐབས་གཞན་མི་འདུག གང་ལྟར་དོ་དགོང་ཁྱོད་མ་བུ་ཚོའི་གཅིག་ལས་གཅིག་བརྟན་གྱི་ཆོད་སེམས་དང་སྙིང་སྟོབས་གསལ་བའི་ཡིག་ཕྲེང་འགའ་བཀླགས་པས་རང་དབང་མེད་པར་མིག་ཆུ་འཆོར་གྲབས་བྱས་སོང་། ངོ་མ་བསམ་གྱིན་བསམ་གྱིན་སྙིང་རླུང་སྟོད་ལ་འཚང་འོང་བ་ཞིག་རེད།

སེམས་ཤུགས་བརྟན་པོ་རྡོ་རྗེའི་ངོགས།།
ལ་རྒྱའི་རལ་གྲིས་རབ་རྒྱན་ཞིང་།།
འཚེ་མེད་ཞི་བའི་གར་རོལ་བ།།
མ་བུ་གསུམ་ལ་སྙིང་ནས་བསྟོད།།

ཞི་བའི་བའི་ལམ་ནས་བདེ་སྐྱིད་དྲོད་ཐོབ་པའི།།
སྙིང་རྗེའི་ལྷ་མཆོག་དེ་ཡིས་ཡོངས་སྐྱོབ་ཤིག།