སོག་པོའི་རྒྱལ་ཡོངས་ཚན་རིག་སློབ་གཉེར་ཁང་(The Mongolian Academy of Sciences)དང་། སོག་པོའི་རྒྱལ་ཡོངས་གཙུག་ལག་སློབ་གྲྭ་ཆེན་མོ་(Mongolian National University)ཟུང་མཉམ་འབྲེལ་ཐོག་མགྲོན་འབོད་གནང་བ་ལྟར། རྒྱལ་སྤྱིའི་བོད་རིག་པའི་ཚོགས་ཆེན་ཐེངས་ ༡༣ དེ་ཕྱི་ལོ་ ༢༠༡༣ ཟླ་ ༧ པའི་ཚེས་ ༢༡ ནས་ ༢༧ བར་གྱི་བདུན་ཕྲག་གཅིག་རིང་སོག་པོའི་རྒྱལ་ས་ཨུ་ལཱན་པ་ཊར་(Ulaanbaatar)དུ་ཚོགས་གཏན་འཁེལ་ཡོད་འདུག
རེབ་འདིའི་ཚོགས་ཆེན་གྱི་གོ་སྒྲིག་པ་ནི་སོག་པོའི་མཁས་དབང་ཆུ་ལཱུན་དང་ཁེམ་བྷི་རི་ཆི་མཐོ་སློབ་ཀྱི་མཁས་དབང་བྷུ་ལག ཨོག་སི་ཧྥོར་ཌི་མཐོ་སློབ་ཀྱི་མཁས་དབང་ཨུལ་རི་ཀེ་གསུམ་མཉམ་རུབ་ཀྱིས་གནང་རྒྱུ་ཡིན་ཞིང་། ཁོང་ཚོས་སོག་ཡུལ་གྱི་ནང་བསྟན་ཚོགས་པ་དང་། རྒྱལ་ཡོངས་དཔེ་མཛོད་ཁང་། རྒྱལ་ཡོངས་སོག་པོའི་ལོ་རྒྱུས་འགྲེམས་སྟོན་ཁང་། རྒྱལ་ཡོངས་ཡིག་མཛོད་ཁང་སོགས་དང་མཉམ་འབྲེལ་ཐོག་སོག་པོའི་རྒྱལ་ཡོངས་གཙུག་ལག་སློབ་གྲྭ་ཆེན་མོའི་ནང་གོ་སྒྲིག་ཞུ་རྒྱུ་ཡིན་འདུག
ཐེངས་འདིའི་ཚོགས་ཆེན་གྱི་བརྡ་ཁྱབ་ནང་། “ཚོགས་ཞུགས་གནང་འདོད་ཡོད་མཁན་རྣམས་ཀྱིས་སྙན་ཞུའི་འགེངས་ཤོག་བཀང་སྟེ་རང་རྩོམ་སྙིང་བསྡུས་དང་ལྷན་དུ་འཆར་ལོའི་ཟླ་བ་དང་པོའི་ཚུན་ཆད་དུ་གོ་སྒྲིག་ཚོགས་པར་བསྐུར་དགོས། གལ་ཏེ་རང་ཉིད་ཚོགས་ཆེན་བཅུ་གཉིས་པའི་སྐབས་ཞུགས་ཐེངས་ཐོག་མ་ཡིན་པའམ་ཚོགས་ཆེན་འདི་ཉིད་ཞུགས་ཐེངས་ཐོག་མ་ཡིན་ཚེ་རང་རྩོམ་སྙིང་བསྡུས་དེ་ཤོག་ངོས་གཅིག་དང་ཕྱེད་ཀ་འབྲི་དགོས་ལ། དེ་མིན་རྣམས་ཀྱིས་ཤོག་ངོས་གང་ལས་ཉུང་ནའང་འཐུས། རྩོམ་ཡིག་ཀྱང་རང་རྩོམ་དེ་སྔ་སྒྲོག་སྤེལ་མ་མྱོང་བ་བོད་ཡིག་གམ། དབྱིན་ཡིག ཧྥ་རན་སི། འཇར་མེན་གང་རུང་ཐོག་བྲིས་པ་ཞིག་ཡིན་དགོས། (རེབ་འདིར་སོག་ཡིག་ཀྱང་འཐུས།) ཚོགས་ཞུགས་འཐུས་མིན་གྱི་ཡིག་ལན་དེ་ཟླ་བ་གཉིས་པའི་ནང་འབྱོར་ངེས་ཡིན་པར་ གསུངས་འདུག་པས་དེ་ལུགས་ཐུགས་སྣང་ཡོད་མཁན་རྣམས་ཀྱིས་དགོངས་བཞེས་མཛོད” ཅེས་བསྟན་འདུག
འདི་ལོ་བཙན་བྱོལ་ནང་གི་མཁས་རློམ་ཚོས་ཚང་ཁ་རྒྱག་མི་སྲིད། དེ་ནི་སོག་པའི་ནང་དུ་འཚོགས་ཀྱི་ཡོད་པས་རེད།
རྗེས་སུ་ཡི་རང་་་་དོན་འབྲས་ལྡན་པ་ཞིག་ཡོང་བའི་རེ་བ་ཡོད་་་་