དེ་རིང་ཚོགས་སྐྱིད་མཉམ་སྦྲེལ་མཐུན་ཚོགས་ཀྱིས་གསར་འགོད་གསལ་བསྒྲགས་ཤིག་སྤེལ་ཏེ། མ་འོངས་པར་རྒྱ་གར་དབུས་ས་གཉིས་དང་བོད་མིའི་སྒྲིག་འཛུགས། མི་མང་བཅས་ཀྱིས་༸གོང་ས་མཆོག་གི་སྐུ་ཕྱཱར་དམ་དོན་གནང་རོགས་ཟེར།
དེ་རིང་ཞོགས་པའི་ཆུ་ཚོད་ ༡༠ པའི་སྟེང་བཞུགས་སྒར་ཆོལ་གསུམ་ཆིག་སྒྲིལ་ཚོགས་པའི་ཚོགས་ཁང་དུ། ༼ཚོགས་སྐྱིད་མཉམ་འབྲེལ་མཐུན་ཚོགས༽ཀྱིས་གསར་འགོད་གསལ་བསྒྲགས་ཤིག་སྤེལ་ཏེ། རྒྱ་ནག་དམར་གཞུང་གིས་འཆར་གཞི་དང་གྲ་སྒྲིག་ཡོད་པའི་ཐོག་ནས་༸གོང་ས་མཆོག་གི་སྐུ་ཕྱཱར་གནོད་པ་དང་བྱ་ངན་སྤེལ་དང་སྤེན་བཞིན་པའི་ཐད་ཚོགས་སྐྱིད་མཉམ་འབྲེལ་མཐུན་ཚོགས་ཀྱིས་འབྲེལ་ཡོད་རྒྱ་གར་དབུས་ས་གཉིས་དང་། རང་རེའི་བོད་མིའི་སྒྲིག་འཛུགས་ཀྱི་བཀའ་སྤྱི་གཉིས་གཙོས། དམིགས་བསལ་བདེ་སྲུང་ལས་ཁུངས་དང་དགའ་ལྡན་ཕོ་བྲང་གི་དབུ་ལས་རྣམས་བཅས་ཀྱིས་༸གོང་ས་མཆོག་གི་སྐུ་ཕྱཱར་སྔར་ལས་ལྷག་པའི་དོ་ནན་གནང་དགོས་པའི་འབོད་སྐུལ་གནང་སོང་ལ། ཚོགས་སྐྱིད་མཉམ་འབྲེལ་མཐུན་ཚོགས་ཀྱི་ཁྱབ་ཁོངས་ས་གནས་ཡོངས་ཀྱིས་དུས་དང་སྐབས་ལ་བསྟུན་ཏེ། ༸གོང་ས་མཆོག་གི་སྐུ་ཕྱཱར་ལྟ་སྐྱོང་གི་ལས་འགུལ་སྤེལ་རྒྱུ་ཡིན་འདུག
ཚོགས་གཙོ་དང་ཟུར་ཡོན་ཏན་རྒྱ་མཚོ་ལགས་ཀྱིས་གསར་འགོད་གསལ་བསྒྲགས་སྒྲོག་སྦྱོང་གནང་བའི་ནང་ ༢༠༠༨ ལོའི་ས་བྱི་ཞི་རྒོལ་ཆེན་མོ་ནས་ད་བར་གཞིས་བཞུགས་བོད་མི་རྣམས་ཀྱིས་བོད་མིའི་རང་དབང་དང་༸གོང་ས་མཆོག་བོད་ལ་གདན་འདྲེན་ཞུ་དགོས་པའི་ཐད་རྒྱ་གཞུང་ལ་ཞི་བའི་ངོ་རྒོལ་དང་། བོད་མི་སྐྱ་སེར་མང་པོ་ཞིག་གིས་སྐུ་ལུས་མེར་བསྲེགས་བཏང་བར་དྲང་བདེན་གྱི་ཡ་ལན་མེད་ཁར། བོད་ཆོལ་ཁ་གསུམ་དུ་གདུག་རྩུབ་དང་དམ་དྲག་བྱས་ཡོད་པ་དང་། རྒྱ་ནག་གི་དཔོན་རིགས་ཚོས་རང་གིས་བཟོས་པའི་རྩ་ཁྲིམས་དང་གྲངས་ཉུང་མི་རིགས་ཀྱི་བཅའ་ཁྲིམས་ལ་རྩིས་མེད་དང་། རྒྱལ་སྤྱིའི་འགྲོ་བ་མིའི་ཐོབ་ཐང་རྡོག་རོལ་བཏང་བ་སོགས་ཀྱིས། འཛམ་གླིང་ནང་ཆེས་གདུག་རྩུབ་ཅན་གྱི་རྒྱལ་ཁབ་ཅིག་དང་འཕྱ་སྨོད་བྱེད་ས་ཞིག་ཏུ་ཆགས་ཡོད་ཚུལ། མ་འོངས་པར་རྒྱ་ནག་གི་དབང་འཛིན་པ་ཚོས་རྒྱ་ནག་མི་དམངས་སྤྱི་མཐུན་རྒྱལ་ཁབ་ཀྱི་རྩ་ཁྲིམས་ལྟར། བོད་མི་རིགས་ཀྱི་ལོ་རྒྱུས་དང་སྐད་ཡིག རང་བྱུང་ཁོར་ཡུག འགྲོ་བ་མིའི་ཐོབ་ཐང་སོགས་ལ་བརྩི་བཀུར་དང་། རང་དབང་ཆ་ཚང་སྤྲོད་དགོས་པ་མ་ཟད། འཛམ་གླིང་མིའི་རིགས་ཀྱི་ཞི་བདེ་མཚོན་བྱེད་༸གོང་ས་མཆོག་ལ་འཚེ་བའི་བྱ་ངན་ལྐོག་འཆར་རིགས་ཅི་ཡོད་མཚམས་འཇོག་དང་། སྤྱོད་ངན་འདི་རིགས་རྒྱ་ནག་དམར་ཕྱོགས་དང་དབང་འཛིན་པ་རྣམས་ཀྱིས་ངེས་པར་དུ་འགན་འཁུར་དགོས། ཞེས་བཀོད་འདུག
ཡང་གསལ་བསྒྲགས་ནང་དོན་ཚན་གསུམ་བཀོད་ཡོད་པ་ལས། དང་པོ། ཆོལ་ཁ་གསུམ་གཙོས་ཚོགས་སྐྱིད་ཁག་བཅུ་གཅིག་གམ་ཚོགས་སྐྱིད་མཉམ་སྦྲེལ་མཐུན་ཚོགས་ནས་ད་ལྟ་བོད་ནང་རང་ཉིད་བློས་གཏོང་གནང་མཁན་འདས་གསོན་རྣམས་ཀྱི་ཆེད་ཕྱི་ལོ་ ༢༠༠༨ ལོ་ནས་བཟུང་༸གོང་ས་མཆོག་གཙོས་བླ་སྤྲུལ་ཆེ་ཁག་དང་གྲྭ་བཙུན་སྔགས་གསུམ་དབུ་བཞུགས་ཐོག་མ་ཎི་དུང་སྒྲུབ་དང་འབུམ་ཚོགས། མཆོད་འབུལ་སོགས་ཐེངས་ ༡༧ ལྷག་གནང་ཡོད་པ་དང་། ཟླ་འདིའི་ཕྱི་ཚེས་ ༡༧ ཉིན་ངྷ་ས་ཐེག་ཆེན་ཆོས་གླིང་གཙུག་ལག་ཁང་དུ་༸དཔལ་རྒྱལ་བ་ཀརྨ་པ་མཆོག་གི་དབུས་གྲྭ་བཙུན་དང་མི་མང་ལྷན་འཛོམས་ཀྱིས་འབུམ་ཚོགས་དང་སྨོན་ལམ་རྒྱས་པ་ཞིག་གོ་སྒྲིག་གནང་རྒྱུ།
གཉིས་པ། ཕྱི་ལོ་ ༢༠༡༢ ལོའི་ཕྱི་ཟླ་ ༣ པའི་ཚེས་ ༡༠ ཉིན་བོད་སྤྱི་བའི་རྩ་དོན་འཐབ་རྩོད་ཆེད་གླིང་ཚ་ཚེ་བརྟན་རྡོ་རྗེ་དང་ཁོང་ཉིད་ཀྱི་ཨ་མ་དང་སྲིང་མོ་བཅས་ནང་མི་གསུམ་སྒེར་ངོས་ནས་བོད་སྐྱོད་ཞི་བའི་གོམ་བགྲོད་མགོ་འཛུགས་གནང་ནས་རྒྱ་བལ་ས་མཚམས་སུ་མ་བསླེབས་པར་ཚོགས་སྐྱིད་མཉམ་འབྲེལ་མཐུན་ཚོགས་ཀྱིས་རོགས་རམ་གང་ཐུབ་ཞུས་ཡོད།
གསུམ་པ། རྒྱ་ནག་དམར་ཕྱོགས་ཀྱི་དབང་འཛིན་པ་ཚོས་༸གོང་ས་མཆོག་གི་སྐུ་ཕྱཱར་གནོད་འཚེ་གཏོང་འཆར་ལ། ཚོགས་སྐྱིད་མཉམ་སྦྲེལ་མཐུན་ཚོགས་ནས་རྒྱ་གར་དབུས་ས་གཉིས་དང་། བོད་མིའི་སྒྲིག་འཛུགས་བཀའ་སྤྱི་གཉིས་གཙོས་དམིགས་བསལ་བདེ་སྲུང་ལས་ཁུངས། དགའ་ལྡན་ཕོ་བྲང་གི་དབུ་ལས་རྣམས་ཀྱིས་༸གོང་ས་མཆོག་གི་སྐུ་ཕྱཱར་སྔར་ལས་ལྷག་པའི་དོ་ནན་ཚགས་ཚུད་ཡོང་བའི་འབོད་སྐུལ་ཞུ་རྒྱུ་དང་། དེ་བཞིན། ཚོགས་སྐྱིད་མཉམ་སྦྲེལ་མཐུན་ཚོགས་ཀྱི་ཁྱབ་ཁོངས་ས་གནས་ཡོད་དོ་ཅོག་ནས་དུས་དང་སྐབས་ལ་བསྟུན་ནས་ལས་འགུལ་སྤེལ་རྒྱུ། ཞེས་བཀོད་འདུག
དབུས་ཆོལ་ཁ་གསུམ་གཙོས་ཚོགས་སྐྱིད་ཁག་བཅུ་གཅིག་གམ་ཚོགས་སྐྱིད་མཉམ་འབྲེལ་མཐུན་ཚོགས་ནི། ཆོལ་ཁ་གསུམ་གྱི་སྐྱིད་སྡུག་ཁག་དང་མངའ་རིས་སྤྱི་མཐུན་ཚོགས་པ། ཚོང་པའི་སྐྱིད་སྡུག་བཅས་གཙོས་པའི་གཞུང་འབྲེལ་མིན་པའི་ཚོགས་པ་ ༡༡ མཉམ་རུབ་ཀྱིས་གྲུབ་པའི་ཚོགས་པ་ཞིག་ཡིན་འདུག་ལ། ༢༠༡༡ ལོར་ཚོགས་སྐྱིད་ཁག་གི་གནད་ཡོད་མི་སྣ་ལྷན་འཛོམས་ཐོག་དམ་ཕྲུག་དང་ལས་ཤོག་གཅིག་ཏུ་བཟོས་རྗེས་༼ ཚོགས་སྐྱིད་མཉམ་སྦྲེལ་མཐུན་ཚོགས ༽ ཞེས་བཏགས་ཡོད་འདུག ཚོགས་པ་འདིས་ ༢༠༠༨ ལོ་ནས་ད་ལྟའི་བར་༸གོང་ས་མཆོག་དབུ་བཞུགས་ཐོག་བོད་ནང་གནས་སྟངས་ཐད་ཆོས་ཕྱོགས་ཀྱི་ལས་འགུལ་རབ་དང་རིམ་པ་སྤེལ་ཡོད་འདུག
གསར་འགོད་པ། དོན་གོ
གཡས་ཀྱི་བུད་མེད་དེ་མཛེས་ཐག་ཆོད་འདུག དཀྱིལ་དེ་ནི་བོད་རང་བཙན་ཐོབ་ནའང་མི་དགོས་ཟེར་མཁན་ཞིག་ཡོད་པ་དེ་ཡིན་བཟོ་འདུག གཡོན་དེ་ནི་ཧ་མི་གོ གང་ལྟར་༧་གོང་ས་མཆོག་གི་སྐུ་ཕྱ་ལ་ཐུགས་དགོངས་བཞེས་པ་དང་གླིང་ཚ་མ་བུ་གསུམ་ལ་རྒྱབ་སྐྱོར་གནང་བར་བཀྲིན་ཆེ། དེ་མིན་དངུལ་དངོས་ཡོད་ཚད་འཇིག་རྟེན་ཆོས་བརྒྱད་དང་སྦྲེལ་ནས་ཆོས་ཚིག་གྲངས་གསོག་བྱེད་པར་དགེ་མཚན་ཅི་ཞིག་ཡོད། དེ་ནི་རྒྱུ་ནོར་དང་དུས་ཚོད་གྲོན་པ་ལས་གཞན་ཅི་ཞིག
ཚོགས་སྐྱིད་མཉམ་སྦྲེལ་མཐུན་ཚོགས་ནས་༧གོང་ས་མཆོག་གི་སྐུ་ཕྱྭའི་ཆེད་བསྒྲགས་གཏམ་སྤེལ་བ་དུས་ལ་བབས་འདུག་ཅིང། དེ་བཞིན་ཚེ་རྡོར་མ་བུ་གསུམ་ལ་རྒྱབ་སྐྱོར་གནང་བ་ནི་བདེན་པ་རྣམ་པར་རྒྱལ་བའི་གངས་སེང་གཡུ་རལ་གངས་རིའི་རྩེ་ནས་འགྱིང་བ་དང་གཉིས་སུ་མེད་པས། ཁྱེད་ཅག་གི་ལ་ཐུགས་རྗེ་ཆེ་ཞུ་རྒྱུ་ཡིན།
གཅིག་སྒྲིལ་རྒྱལ་ལོ། གཅིག་སྒྲིལ་རྒྱལ་ལོ། གཅིག་སྒྲིལ་རྒྱལ་ལོ།གཅིག་སྒྲིལ་རྒྱལ་ལོ། གཅིག་སྒྲིལ་རྒྱལ་ལོ། གཅིག་སྒྲིལ་རྒྱལ་ལོ། གཅིག་སྒྲིལ་རྒྱལ་ལོ། བོད་རྒྱལ་ལོ།
གཅིག་སྒྲིལ་རྒྱལ་ལོ། གཅིག་སྒྲིལ་རྒྱལ་ལོ། གཅིག་སྒྲིལ་རྒྱལ་ལོ།གཅིག་སྒྲིལ་རྒྱལ་ལོ། གཅིག་སྒྲིལ་རྒྱལ་ལོ། གཅིག་སྒྲིལ་རྒྱལ་ལོ། གཅིག་སྒྲིལ་རྒྱལ་ལོ།
མིང་དོན་མཚུངས་པའི་ཕྱག་ལས་གནང་བའི་རེ་བ་ཡོད། མིང་འདིའི་རིགས་ལ་སྙན་མོ་འདུག
ཚོགས་སྐྱིད་མཉམ་འབྲེལ་རྒྱལ་ལོ། བཀའ་དྲིན་ཆེ། རྒྱབ་སྐྱོར་ཡོད།
འདི་མིང་ལ་ད་གཅིག་སྒྲིལ་ཟེར་གི་རེ་ཡ། ཧ་ཅང་གི་ཡག་པོ་འདུག་འདི་ལྟར་བྱས་བ་ཡིན་ན་ང་ཚོ་ལ་རེ་བ་ཆེན་པོ་ཡོད་གྱིས་རེད། གོང་ས་སྐྱབས་མགོན་མཆཽག་གི་སྐུ་ཕྱྭ་ལ་སྲུང་སྐྱོབས་བྱེད་པར་བོད་སྤྱི་བའི་དོན་དག་གཞན་གང་ལ་བསྡུར་ན་གལ་ཆེན་ནང་གི་དོན་ཆེན་རེད།
ཚང་མའི་བསམ་བློ་ངེས་པར་དུ་གཏོང་དགོས་པ་ཧ་ཅང་གི་གལ་ཆེན་ཡིན།
ཚོགས་སྐྱིད་ཁག་མཉམ་འབྲེལ་མཐུན་ཚོགས་ཀྱིས་དུས་ལ་བབ་པའི་འབོད་སྐུལ་གསལ་བསྒྲགས་ཤིག་སྤེལ་བར་ཐུགས་རྗེ་ཆེ། དབུས་ཆོལ་ཁ་གསུམ་མཉམ་འབྲེལ་དུ་མ་འདུས་པ་ཞིག་ལོ་རྒྱུས་ནང་བྱུང་མྱོང་མེད། ཆོལ་གསུམ་རྒྱལ་ལོ། མཉམ་འབྲེལ་རྒྱལ་ལོ། བོད་ཁ་བ་ཅན་རྒྱལ་ལོ།
____ངའི་ལས་གྲོགས་ཉམས་ཞིབ་པ་རྨ་ཆུ་མགོན་པོ་དོན་འགྲུབ་ཀྱིས་མཆན་འདི་བཀོད་པ་རེད།
དངོས་གནས་གལ་ཅན་ནང་གི་དོན་ཅན་རེད། མུ་འཐུད་དོ་སྣང་གནང་རོགས།
ཐུགས་རྗེ་ཆེ།
ངོ་མར་དུས་ལ་བབས་པའི་གསར་འགོད་གསལ་བསྒྲགས་རེད།
ཚོགས་སྐྱིད་མཉམ་འབྲེལ་ནས་༸ རྒྱལ་བའི་སྐུ་ཕྱྭའི་སྐོར་ལ་གསལ་བསྒྲགས་གནང་བར་བསྔགས་བརྗོད་ཡོད།
ད་ལྟའི་ཆར་བོད་མིའི་བླ་ན་མེད་པའི་༸ གོང་ས་སྐྱབས་མགོན་ཡིད་བཞིན་ནོར་བུ་མཆོག་གིས་སྐུ་ཕྱྭའི་སྲུང་སྐྱོབ་དང྄། སྐུའི་འཕྲོད་བསྟེན་དེ་ཡང་དག་པ་ཞིག་ཡོང་རྒྱུ་དེ་ང་ཚོ་བོད་དང་། མི་རིགས་ཀྱི་རྩ་དོན་འཐབ་རྩོད་ཆེད་ཐམས་ཅད་ལས་ལྷག་པའི་གནད་དོན་ཆེས་གལ་འགངས་ཆེ་ཤོས་ཤིག་ཏུ་གྱུར་ཡོད།
རྒྱ་གར་དབུས་དང་ས་གནས། བོད་གཞུང་བདེ་སྲུང་ལས་ཁུངས། སྐུ་སྒེར་ཡིག་ཚང་། རྣམ་རྒྱལ་གྲྭ་ཚང་། རྡ་སའི་མི་དམངས། ས་གནས་མི་དམངས་བཅས་ཡོངས་ཀྱི་མི་རེ་ངོ་རེས་སྐུའི་གཉེན་སྲུང་གི་ཞུ་གང་སར་སྔར་ལས་ལྷག་པའི་དོ་སྣང་ངེས་དུའང་བྱེད་དགོས།
རྡ་སའི་ཕྱི་ནང་བར་གསུམ་ལ་ཚོགས་པ་འདྲ་མི་འདྲ་རེ་བཙུགས་ནས་གཏོར་བཤིགས་འདྲ་མི་འདྲ་རེ་བྱས་ཡོད་པ་ལས་བྱས་རྗེས་དང་མཐུན་འབྲེལ་ཡོད་པའི་ཚོགས་པ་ཞིག་དེ་སྔོན་མཐོང་མ་སོང་།
བོད་རྒྱལ་ལོ། ཚོགས་སྐྱིད་མཉམ་འབྲེལ་མཐུན་ཚོགས་རྒྱལ་ལོ། གཅིག་སྒྲིལ་ནི་སྟོབས་ཤུགས་ཀྱི་གོང་བུ་ཡིན། ནམ་ཡང་ཆིག་བསྒྲིལ་གནང་རོགས།