ཝ་ཤིན་ཊོན་དུ་སྟོབས་ཆེན་རྒྱལ་ཁབ་ ༨ ཀྱི་ཚོགས་ཆེན་ཚོགས་ཏེ། བྱང་ཀོ་རེ་ཡ་དང་ཨེ་རན། སེ་རི་ཡ། ཡུ་རོབ་དཔལ་འབྱོར་ཉམ་ཉེས་སོགས་ལ་གདོང་ལེན་བྱ་ཕྱོགས་ཐད་གྲོས་བསྡུར་བྱས་ཡོད་འདུག
ཕྱི་ཚེས་ ༡༨ དང་ ༡༩ ཉིན་གཉིས་རིང་ཝ་ཤིན་ཊོན་དུ་ཨ་རི་དང་འཇར་མན། ཧྥ་རན་སི། དབྱིན་ཇི། ཉི་ཧོང་། རཱ་ཤི་ཡ། ཨེ་ཊི་ལེ། ཁཱ་ཎ་ཌ་བཅས་ ༢༠༡༢ ལོའི་སྟོབས་ཆེན་རྒྱལ་ཁབ་བརྒྱད་(G8 Summit) ཀྱི་ཚོགས་ཆེན་ཚོགས་ཡོད་པ་དང་། ཚོགས་ཆེན་སྟེང་རྒྱལ་ཁབ་དག་གི་སྲིད་འཛིན་དང་སྲིད་བློན་རྣམས་ཀྱིས། ཨེ་རན་དང་བྱང་ཀོ་རེ་ཡ་གཉིས་ཀྱི་རྡུལ་མཚོན་བཟོ་སྐྲུན་དང་། སེ་རི་ཡའི་ཟིང་འཁྲུག ཡུ་རོབ་གླིང་གི་དཔལ་འབྱོར་ཉམ་ཉེས་བསྐྱར་གསོ། གྷི་རེ་སི་ཡུ་རོབ་མཉམ་འབྲེལ་མཐུན་ཚོགས་ཁོངས་སུ་མུ་མཐུད་གནས་མིན་སོགས་ཀྱི་སྐོར་ལ་གླེང་སློང་ཤུགས་ཆེར་བྱས་ཡོད་འདུག
ཚོགས་ཆེན་སྐབས་བྱང་ཀོ་རེ་ཡས་མུ་མཐུད་རྡུལ་མཚོན་བཟོ་སྐྲུན་གྱི་ལམ་ཁར་ཕྱིན་ཚེ་བྱང་ཀོ་རེ་ཡར་ཕྱི་འབྲེལ་མཚམས་འཇོག་བྱ་རྒྱུ། ཨེ་རན་གཞུང་གིས་རྡུལ་མཚོན་བཟོ་སྐྲུནལས་གཞི་བདེ་དོན་ཆེད་ཡིན་ཟེར་པ་ར་སྤྲོད་བྱེད་འཇུག་རྒྱུ། སེ་རི་ཡ་གཞུང་གིས་ཨ་རབ་མཐུན་ཚོགས་དང་རྒྱལ་ཚོགས་ཀྱི་གྲོས་དོན་ལག་བསྟར་མ་བྱས་ཚེ་གཞུང་གི་ཆབ་སྲིད་ལ་འཕོ་འགྱུར་གཏོང་རྒྱུར་གནོན་ཤུགས་སྤྲོད་རྒྱུ། གྷི་རེ་སི་ནི་ཡུ་རོབ་ཙམ་མིན་པར་རྒྱལ་སྤྱིའི་གནས་བབ་ནང་གལ་ཆེན་པོ་ཞིག་ཡིན་པས་མུ་མཐུད་ཡུ་རོབ་མཉམ་འབྲེལ་མཐུན་ཚོགས་ཁོངས་སུ་གནས་དགོས་རྒྱུ་བཅས་ཀྱི་ཐད་མགོ་ཁྲིད་ཕལ་ཆེ་བ་མོས་མཐུན་བྱུང་ཡོད་འདུག ཚོགས་ཐོག་ཏུ་ཨོ་བྷ་མས་ཡུ་རོབ་གླིང་གི་དཔལ་འབྱོར་ཉམ་ཉེས་བསྐྱར་གསོ་ཐུབ་པ་བྱ་རྒྱུ་དེ་དམིགས་བསལ་བྱ་གཞག་ཅིག་ཡིན་སྐོར་བརྗོད་འདུག
ཕྱི་ཚེས་ ༢༠ དང་ ༢༡ ཉིན་གཉིས་རིང་ཆཱེ་ཁཱ་གྷོ་(Chicago) རུ་རྒྱལ་ཁབ་ ༢༧ ལས་གྲུབ་པའི་ཎ་ཊོའམ་ནུབ་རྒྱ་མཚོའི་གནའ་མཐུན་ལྷན་ཚོགས་ཀྱི་ཚོགས་ཆེན་འཚོགས་རྒྱུ་ཡིན་འདུག
གསར་འགོད་པ། བནྡེ་སྐྱབས།
དེ་ཚོས་བོད་པའི་ལག་པར་བརྔན་པ་སྤྲད་ནས་འཇོག་པ་ལས་ཕུགས་པ་ཕན་པའི་སྲིད་ཆུས་འཛིན་རྒྱུ་ཁག་པོ་རེད་དོ།།
དགོས་མེད་ཀྱི་སེམས་ཁྲལ་ཞིག་བོད་ཕྱོགས་ནས་བྱས་བསྡད་པ་རེད། དེ་ནི་རྒྱ་ནག་ཁེར་རྐྱང་ལ་མི་འཇོག་པའི་འབོད་སྐུལ་ཞུས་པ་དེ་རེད། ད་ལྟའི་ཆར་རྒྱ་ནག་ཁེར་རྐྱང་ལ་འབུད་ཐུབ་ཀྱི་མ་རེད། ལྷག་པར་དུ་ཨོ་སྦ་མ་རྒྱ་དགའ་ཡི་དུས་སྐབས་ལ་དེ་བས་ཡོང་གི་མ་རེད། རྒྱ་ནག་གི་ཐོད་བརྒལ་རིང་ལུགས་ཀྱི་སྒེར་གཅོད་དང་། ངེས་མེད་གདུག་རྩུབ་ཀྱི་ཁྲིམས་ངན་དེ་ཚོ་ཤེས་བཞིན་མཐོང་བཞིན་དུ་རྒྱ་ནག་ཁེར་རྐྱང་ལ་ནམ་ཡང་འབུད་ཀྱི་མ་རེད། ཚོགས་ཆེན་འདིའི་སྐབས་སུ་རྒྱ་ནག་ལ་ཅི་ཡང་གླེང་གི་མེད་དོན་དེ་རེད།
དུས་བབ་ཚང་གི་ལས་བྱེད་རྣམ་པར་ཞུ་རྒྱུར།
༸་གོང་ས་མཆོག་གི་མཛད་འཕྲིན་སྐོར་གྱི་གསར་འགྱུར་འདྲ་མེད་དམ།
ཕྱིའི་རྒྱལ་ཁབ་དེ་ཚོའི་གསར་འགོད་པས་མང་པོ་ལབ་རྒྱུ་རག་གི་ཡོད་ཀི
ད་སྐབས་ཨོ་སི་ཏྲི་ལིན་ཡ་ལ་ཕེབས་ཀྱི་མ་རེད་བས་་་་་་་་གནས་ཁ་གསལ་མེད་དོན???
དེ་ནས་རིམ་པས་རྒྱ་དམར་ལ་ཕྱི་འབྲེལ་དང་ཚོང་འབྲེལ་སོགས་བཅད་དེ་གང་ས་ཅི་ཐད་ནས་ཁེར་རྐྱང་ལ་ཕུད་གང་ཐུབ་བྱེད་དགོས།