ཟླ་རྗེས་མའི་ནང་ཝང་ལིས་ཅོན་ལ་རྒྱལ་ཁབ་ངོ་ལོག་པའི་ཉེས་མིང་འོག་ཁྲིམས་ཐག་གཅོད་རྒྱུ་ཡིན་འདུག
རྒྱ་གཞུང་ཁྲུང་ཆིན་ཉེན་རྟོགས་མགོ་བ་ཝང་ལིས་ཅོན་གྱི་གནད་དོན་དེ་ནི། ཟླ་རྗེས་མའི་ནང་རྒྱལ་ཁབ་ངོ་ལོག་པའི་ཉེས་མིང་འོག་ཁྲིམས་ཐག་གཅོད་རྒྱུ་ཡིན་པ་དང་། ཁོ་ལ་ཁྲིམས་ཐག་གཅོད་པའི་ཁྲིམས་ར་རྒྱ་ནག་ཁྲིན་ཏུའུ་རུ་འཚོགས་འཆར་ཡོད་འདུག ཁྲིམས་རའི་ནང་གསར་འགྱུར་བརྒྱུད་ལམ་དང་མང་ཚོགས་རྣམས་ཟུར་ཉན་དུ་བཅར་འཇུག་རྒྱུ་ཡིན་མིན་ད་དུང་གསལ་ཁ་བྱུང་མེད་པ་རེད།
དེ་སྔོན་གསར་འགྱུར་བརྒྱུད་ལམ་ཁག་ཏུ་ཝང་ལིས་ཅོན་གྱི་ཚེ་སྲོག་གི་ཉེན་ཁའི་ཐད། ཨ་རིའི་གཞུང་གིས་རྒྱ་གཞུང་དང་གྲོས་མོལ་བརྒྱུད་ཁག་ལེན་བྱུང་རྗེས། ཝང་ལིས་ཅོན་ཨ་རིའི་གཞུང་ཚབ་ཁང་ནས་རང་འགུལ་ཐོག་ཕྱིར་ཐོན་པའི་སྐོར་གནས་ཚུལ་སྤེལ་ཡོད་ཀྱང་། ཉེ་ཆར་གནས་ཚུལ་མཁོ་སྤྲོད་པས་ཧོང་ཀོང་ནན་ཧྭ་ཞོགས་པའི་གསར་ཤོག་ལ་གནས་ཚུལ་བརྗོད་སྐབས། རྒྱ་གཞུང་གིས་ཝང་ལིས་ཅོན་ལ་སྲོག་ཁྲིམས་ཀྱི་ཉེས་པ་གཅོད་སྲིད་པ་བརྗོད་ཡོད་པ་རེད།
གཞན་ཡང་། གནས་ཚུལ་མཁོ་སྤྲོད་པས་བརྗོད་པ་ལྟར་ན། རྒྱ་གཞུང་གིས་པའོ་ཞིས་ལའེ་དང་ཁོའི་ཆུང་མ་ཀུའུ་ཁའེ་ལའེ་གཉིས་ཀྱི་གནད་དོན་ཀྱང་། རྒྱ་ནག་གི་སྐབས་བཅོ་བརྒྱད་པའི་ཚོགས་ཆེན་གྱི་སྔོན་ལ་གང་མགྱོགས་ཐག་གཅོད་བྱ་འཆར་ཡོད་འདུག
རྒྱ་ནག་ཁྲུང་ཆིན་གྲོང་ཁྱེར་ཉེན་རྟོག་མགོ་བ་ཝང་ལིས་ཅོན་ཕྱི་ཟླ་ ༢ ནང་རྒྱ་ནག་ཁྲིན་ཏུའུ་ཨ་རིའི་གཞུང་ཚབ་ཁང་ནང་བྲོས་བྱོལ་དུ་འཛུལ་རྗེས། རྒྱ་ནག་མཐོ་རིམ་དཔོན་རིགས་ཁྲོད་འདས་པའི་མི་ལོ་ ༢༠ རིང་བྱུང་མ་མྱོང་བའི་ཆབ་སྲིད་གཡོ་འགུལ་ཆེན་པོ་ཞིག་བྱུང་ཡོད་པ་རེད།
ཁྲིམས་ཐག་གཅོད་རྒྱུའི་གནས་ཚུལ་གང་ཡིན་ཁ་གསལ་མེད་པར་བཀོད་ན་ཅང་ཅང་རང་རེད་འདུག གནས་ཚུལ་ག་རེ་ཡིན་ནམ། ཨ་རིའི་གཞུང་ཚབ་ཁང་ནང་འཛུལ་བ་གཅིག་བུ་ཨ་ཡིན།
ལྷག་བསམ་དང་ཕན་སེམས་མེད་པའི་དཔོན་རིགས་དག་ལ་མུ་མཐུན་ནས་མྱོང་ངེས་ཡིན་